عايزة اجابة منكم بمنتهى الحيادية الناس اللي...

[Mohammed ElAttar]

صدقني مفيش غير "الشطافة" حالياً

 

[Heba Fouad]

كان زمان مصر جوها حلو و ناسها ودودين.. و كنت باحب الاكل البلدي الفلاحي جدا. حاليا كل الحاجات دي ماعادتش موجودة او مش زي الاول.
بس اللي لسه موجود حاجة بتحسها و مابتقدرش توصفها. إحساس بالراحة والأمان او ما بتدخلها. مش عارفة علشان وطني واللا كل الناس بتحس بكده.

 

[Mustafa A. Mohamed]

مصر جميله لو اجازات بس . لكن حياه لا يمكن ابدا . اغلب دول العالم افضل منها .

 

[Fatma Khalifa]

معنويه كتييير ....لمه العيله ..تكوني زهقانه تروحي تزوري اي حد وتلاقي كل الناس جمبك في اي زنقه ومرض

ماديه مش كتير حسيت اني في حاجه محتجاها غير حاجات بسيطه في الاكل

 

[شلولح متلولح]

معدش خلاص كان فيه وخلص

 

[Fifi Fofoms]

مصر حلوة الي مش عايش فيها

 

[Bichoy Mikhail]

اهلك فى بعض الاوقات
عايز اقولك انى فى بعض الاوقات و انتا بعيد احسن

 

[Ahmed Abd Elfattah]

الحياة اللي فيها روح

 

[Hany Robben]

عيلتك وإلى كلها هتتجوز والصحاب برضه نفس الكلام. .ف تسافرى وتريحى دماغك يمكن شوية الأكل والشرب

 

[Aya Soliman]

مصر كل حاجه فيها حلوه و مالهاش زى بس لو معاكى فلوس بس كده

 

[Heba Mahdy]

والله عندنا كميه سواد جوه وبره الناس مش هتلاقيها فاي حته تانيه الا لو فيها مصريين ... سواد مركز

 

[Tarek Omran]

قاعده الاهل و الاصحاب بس

 

[Mohamed Saad]

لما تقع في مشكله ومتلاكيش اهلك وناسك جنبك او غير كدا تحس بالظلم والخوف ومهما كنت مرتاح في عملك وحياتك بره وتحصل ليك مشكله هتنسي كل دا وتحس بجد بطعم الغربه والاغراب
في مصر مهما اتظلمت هتلاقي اهلك وراك وناسك لما تكون في مشكله وحتي لو ملهاش حل برضو هتعرف ان في حد في ظهرك ومش خايف من حاجه

تاني حاجه اللي يقولك في الغربه مرتاح قولو انتا انسان كذاب اه كذاب والف كذاب هما بس جملتين حافظينهم وبنضحك علي نفسنا بيهم مهما وطنك قسي عليك مش هتلاقي وطن تاني احن عليك
تالت حاجه تعاله اقع في مشكله مع شخص يكون ليه معرفه او وسطه جامده في بلده وانت تعرف قيمة بلدك وتعرف معني الذل والاهانه وقلة الكرامه ودا بنشوفو كل يوم علي صفحات التواصل الاجتماعي
انا مهما اتذليت او اتهنت بس اسمي في بلدي وابحث عن اي طريقه مهما كان الثمن والنتيجه السلبيه عليه وهاعرف اخذ حقي

تاني حاجه اللي بيقول الفلوس دا في الغربه ناس مش لاقيه تاكل العيش الحاف ومذلوله وبتشحت وكل شخص فينا شاف قدامه كذا حاله من بلاد مختلفه
بس نقول ربنا يردنا لبلدنا سالمين ونرجع لاهلنا بخير دا كفايه لما انسان عزيز عليك يموت ومتعرفش تودعه دي تساوي الدنيا بحالها ولا فلوس الدنيا تعوض الخساره اللي كل يوم بنخسرها من عمرنا وفقدان الاحبه
ربنا ينتقم من كل مسؤل فاسد وبلدنا ترجع احسن من الاول بينا مش بغيرنا لاننا بجد لازم نصلح نفسنا بنفسنا غير كدا مفيش حاجه هتصلح لينا

عرفت ايه هو اللي في بلدك ومش موجود بره

 

[أحمد أبوالسعود]

مصر يعني في كل الحاجات الحلوة ميت مليون وجع

 

[Mosab Kenn-way]

البحر الاحمر

 

[Aml Mahmoud]

باختصار كل حاجة ف مصر لها طعم .. براها مافيش حاجة لها طعم امكانيات وفلوس هوا من غير روح لا أكل ولا عيلة وصحاب ولمة ولاذكريات ولا جو ولاأخلاق ولااحساس بالاتتماء او ان لك ارض تخصك زي عندنا رغم كل القرف اللي فمصر بس بجد ماتعرفوش قيمتها الا لما تشوفوا غيرها

 

[Nabil AmanAllah]

انا الحمد لله لفيت الدنيا ...لا اشعر بالأمان إلا فى مصر ... بحبها على مميزاتها وعيوبها.... اكلها جوها .. الكلام ده مش تطبيل لا ده من حبى لها .... صدقنى والله مصر هى امى

 

[Moustafa Samy]

مصر فيها حياة .. لمة الناس .. لما تبقي زهقان وتنزل تتمشي علي الكورنيش .. بتحس ان كل الناس أهلك تعرفهم أو لأ .. مصر فعلا حلوة

 

[Doa Hosni]

الخلاصه
اي بلد فيها الوحش والحلو
اللي بيحب مصر هيشوف الحلو
واللي بيكرهها هيشوف الوحش
بس إجمالا الحاجات الحلوه اللي فيها تتحس متتقالش فكلام
بحبك يابلدي

 

[Yehya Elsheref]

الأهل. فقط