A
Alaa Yassine
:: مسافر ::
يا شباب ياريت كل واحد يحكي اخطر موقف حصل لة وهو مسافر . يعني مثلا اتعرضت لحد وقفك واخد فلوسك ، البوليس قبض عليك ، الطيارة كانت هاتنفجر بيك ، حاجات الاكشن اللي بتحلي جو السفرية يعني . واحكولنا ازاي اتصرفتوا في المواقف دي .
دة الموقف بتاعي :: انا في العادي عندي فضول فظيع اني اشوف كل حاجة واجرب اي حاجة . فمرة كنت في بلد ما .. فيها عدد كبيرة من الطائفة الشيعية وصادف وانا هناك كانت ذكري كربلاء فانا قررت اني ازور حسينية كانت قريبة من الفندق اللي كنت فية واشوف الحاجات اللي بتحصل في اليوم دة من مواكب العزاء والتطبير والحاجات دي . اتصلت بصاحبي من هناك شيعي برضة وقلتلة الحكاية وطلبت منة انة ييجي معايا فهو قالي انة ماحضرش الحاجات دي قبل كدة ومش حابب الموضوع فقلت خلاص هاروح لوحدي عادي كسائح بيزور معابد الهندوس ولا السيخ فعادي الشرطة هناك مش هاتقولي حاجة .
وصلت الحسينية ( مسجد صغير تقام فية الصلاة ومراسم العزاء في ذكري استشهاد الحسين ) طبعا وقتها اخدت بالي من كمية الشرطة والمدرعات والكلاب البوليسية اللي موجودة وكان المكان كأنة ثكنة عسكرية !! فقلقت طبعا بس قلت لا برضة مش هامشي بعد ماوصلت لغاية هنا . طبعا كان منظري غريب جدا كسائح وسط ناس كتيير لابسين لبس واحد ولون واحد اللي هو الاسود فطبعا شكلي كائن غريب وسطهم . رحت ادخل الحسينية لقيت اتنين واقفين علي الباب تقريبا شكوا فية وقالولي المكان جوة مليان تعالي كمان عشر دقايق وانا مش فاهم لية يعني كل القلق والشرطة دي ؟؟ ماهو احنا بنسافر وبنخش كنايس واديرة ومعابد عادي . فرحت الف شوية في الساحة اللي برة وكان برضة في مواكب عزاء فالناس اللي برة عزموني علي موائد الاكل اللي كانوا عاملينها للزوار واتكلمت معاهم اني من مصر وكنت جاي ازورهم ورحبوا بية فقمت اتمشي شوية اتفرج واصور وفقدت الامل اني هادخل الحسينية ولسة جاي اطلع من المنطقة لقيت ايد اتحطت علي كتفي ببص ورايا فلقيت واحد من الشرطة طول بعرض ماسكني بيقولي اتفضل معايا . علي فين ؟؟ علي سيارة الشرطة فانا قلبي وقع في رجلية وحاسيت اني عملت مصيبة وهايرحلوني فطلعت معاة علي السيارة وكأني دخلت غرفة مخابرات . اجهزة كمبيوتر ولاسلكي وكاميرات مراقبة شفت فيها نفسي وانا قاعد بلف واصور المكان . فطبعا الشرطي لاحظ اني متوتر وخايف فلقيتة بيقولي تشرب اية ؟؟ فقلتلة نعم ؟؟ فقالي لاننا هانتكلم شوية فقلتلة لا اتفضل مش عطشان .
جاي هنا لية ؟؟
انا سائح حضرتك وجاي ازور بلدكم وعرفت ان في مراسم معينة بتحصل في اليوم دة وجاي اشوفها .
انت منين ؟
مصر
انت شيعي ؟
لا انا مسلم حضرتك ودي مالهاش علاقة اني اجي ازور المكان هنا . انا دخلت معابد سيخ وبوزيين وكنايس مسيحيين ومعابد يهود معني كدة اني منهم !
انت معاك فيزا ؟
طبيعي امال داخل البلد ازاي
هات فيزتك هانكشف عليها واخدها واتكلم شوية في اللاسلكي وبدا يسألني بتدرس اية وسافرت فين ورحت دول اية وهنا بتعمل اية ووريني اثبات شخصيتك المصري وشاف كارنيهات الكلية والجامعة والبطاقة الشخصية وفي الاخر جالة مكالمة وعرف ان الفيزا سليمة فقالي معلش سهرناك شوية اتفضل ممكن تروح . فقلتلة بس عاوز ادخل الحسينية تسمحلي فلقيتة اتحول تاني وقالي حضرتك ممكن تمشي دلوقتي . حاااااضر يا فندم ومشيت وكان مغامرة حلوة مش هانساها وانا اللي عمري مادخلت قسم في بلدي فاروح ادخلة برة !!
دة الموقف بتاعي :: انا في العادي عندي فضول فظيع اني اشوف كل حاجة واجرب اي حاجة . فمرة كنت في بلد ما .. فيها عدد كبيرة من الطائفة الشيعية وصادف وانا هناك كانت ذكري كربلاء فانا قررت اني ازور حسينية كانت قريبة من الفندق اللي كنت فية واشوف الحاجات اللي بتحصل في اليوم دة من مواكب العزاء والتطبير والحاجات دي . اتصلت بصاحبي من هناك شيعي برضة وقلتلة الحكاية وطلبت منة انة ييجي معايا فهو قالي انة ماحضرش الحاجات دي قبل كدة ومش حابب الموضوع فقلت خلاص هاروح لوحدي عادي كسائح بيزور معابد الهندوس ولا السيخ فعادي الشرطة هناك مش هاتقولي حاجة .
وصلت الحسينية ( مسجد صغير تقام فية الصلاة ومراسم العزاء في ذكري استشهاد الحسين ) طبعا وقتها اخدت بالي من كمية الشرطة والمدرعات والكلاب البوليسية اللي موجودة وكان المكان كأنة ثكنة عسكرية !! فقلقت طبعا بس قلت لا برضة مش هامشي بعد ماوصلت لغاية هنا . طبعا كان منظري غريب جدا كسائح وسط ناس كتيير لابسين لبس واحد ولون واحد اللي هو الاسود فطبعا شكلي كائن غريب وسطهم . رحت ادخل الحسينية لقيت اتنين واقفين علي الباب تقريبا شكوا فية وقالولي المكان جوة مليان تعالي كمان عشر دقايق وانا مش فاهم لية يعني كل القلق والشرطة دي ؟؟ ماهو احنا بنسافر وبنخش كنايس واديرة ومعابد عادي . فرحت الف شوية في الساحة اللي برة وكان برضة في مواكب عزاء فالناس اللي برة عزموني علي موائد الاكل اللي كانوا عاملينها للزوار واتكلمت معاهم اني من مصر وكنت جاي ازورهم ورحبوا بية فقمت اتمشي شوية اتفرج واصور وفقدت الامل اني هادخل الحسينية ولسة جاي اطلع من المنطقة لقيت ايد اتحطت علي كتفي ببص ورايا فلقيت واحد من الشرطة طول بعرض ماسكني بيقولي اتفضل معايا . علي فين ؟؟ علي سيارة الشرطة فانا قلبي وقع في رجلية وحاسيت اني عملت مصيبة وهايرحلوني فطلعت معاة علي السيارة وكأني دخلت غرفة مخابرات . اجهزة كمبيوتر ولاسلكي وكاميرات مراقبة شفت فيها نفسي وانا قاعد بلف واصور المكان . فطبعا الشرطي لاحظ اني متوتر وخايف فلقيتة بيقولي تشرب اية ؟؟ فقلتلة نعم ؟؟ فقالي لاننا هانتكلم شوية فقلتلة لا اتفضل مش عطشان .
جاي هنا لية ؟؟
انا سائح حضرتك وجاي ازور بلدكم وعرفت ان في مراسم معينة بتحصل في اليوم دة وجاي اشوفها .
انت منين ؟
مصر
انت شيعي ؟
لا انا مسلم حضرتك ودي مالهاش علاقة اني اجي ازور المكان هنا . انا دخلت معابد سيخ وبوزيين وكنايس مسيحيين ومعابد يهود معني كدة اني منهم !
انت معاك فيزا ؟
طبيعي امال داخل البلد ازاي
هات فيزتك هانكشف عليها واخدها واتكلم شوية في اللاسلكي وبدا يسألني بتدرس اية وسافرت فين ورحت دول اية وهنا بتعمل اية ووريني اثبات شخصيتك المصري وشاف كارنيهات الكلية والجامعة والبطاقة الشخصية وفي الاخر جالة مكالمة وعرف ان الفيزا سليمة فقالي معلش سهرناك شوية اتفضل ممكن تروح . فقلتلة بس عاوز ادخل الحسينية تسمحلي فلقيتة اتحول تاني وقالي حضرتك ممكن تمشي دلوقتي . حاااااضر يا فندم ومشيت وكان مغامرة حلوة مش هانساها وانا اللي عمري مادخلت قسم في بلدي فاروح ادخلة برة !!