S
Shaymaa Seif
:: مسافر ::
كنت راجعة من عمرة والناس طلعت بشنط كبيرة جدا علي الطيارة
وفيه منهم حاطين الشنط علي رجليهم علشان مافيش مكان في اماكن الشنط
واخروا الطيارة وعمالين يتحايلوا علي الناس ينزلوا الشنط او تتشحن لهم بعد كده
وكان الطيار اجنبي بقي يبرطم ويشد في شعره ومافيش حد قادر عليهم
بعد حوارات والامن مالي الطيارة والناس برضو مش عايزة تقتنع
الطيار قال حنطلع وخلاص
المهم كان فيه مطبات هوااا كتير جدا والطيارة بتتهز بطريقة فظيعه والناس تصوت وتتشاهد
خلوني خسرت العمرة بسبب الشتيمه اللي شتمتها وكل ده علشان الشنط
وفيه منهم حاطين الشنط علي رجليهم علشان مافيش مكان في اماكن الشنط
واخروا الطيارة وعمالين يتحايلوا علي الناس ينزلوا الشنط او تتشحن لهم بعد كده
وكان الطيار اجنبي بقي يبرطم ويشد في شعره ومافيش حد قادر عليهم
بعد حوارات والامن مالي الطيارة والناس برضو مش عايزة تقتنع
الطيار قال حنطلع وخلاص
المهم كان فيه مطبات هوااا كتير جدا والطيارة بتتهز بطريقة فظيعه والناس تصوت وتتشاهد
خلوني خسرت العمرة بسبب الشتيمه اللي شتمتها وكل ده علشان الشنط
J
Jasmin Salim
:: مسافر ::
كنا مسافرين روما من دبي علي طيران بيجاسوس- افشل طيران في العالم- المهم المفترض اننا ننزل في اسطنبول وهناعد ترانزيت ٣ ساعات وبعدها نطلع بالطيارة علي روما.. كنا مسافرين امتا بقي ١٦ يوليو ٢١٠٦ يوم الانقلاب التركي بغض النظر طبعا عن ان الرحلة كانت هتتلغي اصلا والطيارة اتاخرت ساعتين عقبال ما طلعت من دبي وقَعَدنا في الترانيزت ٥ ساعات بدل ٣ كل دا مش مهم... المهم بعد ما الطيارة طلعت من اسطنبول وقلنا الحمد الله وربنا يعوض علينا في الكام ساعة الي ضاعوا.. وبعد تقريبا ساعة طيران وأحنا فوق البحر الطيار أعلن ان في مشكلة بالطيارة عطل ما ومحتاجين يرجعوا اسطنبول عشان يفحصوا الطيارة احنا كنا مجموعة كبيرة ومعانا اطفال قعدنا نبص لبعض بذهول وماسكين في ادين بعض وخايفين وانا اقول يا رب انا مَش عايزة اموت غرقانة بلاش اموت في البحر يارب وبدأو يرجعوا فعلا وانا مذهولة واي حركة كدّا ولا كدّا اعد اتشاهد واقول بس خلاص هي دي النهاية يا زرياب... وصلنا اسطنبول عملوا لاندنج ولسه بنجيب أغراضنا عشان نتحرك لقينا المضيفة بتقول كل واحد يخليه في مكانه فضلنا قاعدين وبعدين باب الطيارة فتح ودخل منه خمسة ستة مش فاكرة العدد بس كلهم كانوا طويلي القامة عريضي المنكبين شخصية كدّا انا قلت ايه دا طقم الصيانة طالع بنفسه الطيارة يشوف المشكلة فين دخلوا وسط الركاب وكان في واحد يتقدم المجموعة كدا وكان شكله الريس بتاعهم ماشي بثبات وعارف هو رايح فين ولمين عدي من جنب الكرسي بتاعي وانا عاملة ابص ورأيا لصاحبي ونهز في راسنا هو في ايه؟! الراجل كمل من بعد الكرسي بتاعي كام صف كدا وراح واقف ادام صف معين وبدا يكلم واحد بالتركي زي ما يكون بيقوله قوم الراجل لسه بيفتح بقه ويكلم قام مصرخ عليه واعد يزعق قام الراجل قام من سكات هو وواحدة ست ع الاغلب زوجته وشاب صغير حوالي ١٧ سنة مثلا والمهم ان الراجل دا برضوا كان شكلو شغلة كدّا او حد مهم وبرضوا ضخم الجثة وشبه حسين فهمي أخدوا الثلاثة دول ونزلوا والنَّاس أعده تكلم بعض دول مين وفين المشكلة؟!! محدش عارف وبعدها الطيارة طلعت ووصلنا روما الساعة ٧ بليل بدل ١ الضهر واول ما نزلنا من الباص الي بياخد المسافرين من الطيارة للمطار لقينا صحفين ومصورين وقلنا بس احنا اتشهرنا بقي.. والي لحظتنا هذه معرفش ايه القصة بالظبط.. لكان كلها استنتاجات ان الراجل للي اخدوه جنرال من المتورطين بالانقلاب ولما الانقلاب فشل حاول يهرب علي اوروبا بس ولاد القادرة رجعوا الطيارة ع اسطنبول بعد ما طارت بساعة ونص تقريبا وجبوه... وبس خلاص