M
Moataz Mohamed Nageb
:: مسافر ::
السلام عليكم يا شباب اولا احب اشكر البشمهندس بهاء وباقى الادمنز على المجهود الرائع للجروب المميز ثانيا انا حابب احكى تجربتى مع مواقع حجز الطيران عشان الناس تخلى بالها انا كنت حاجز تذكرة من فترة من الكويت لمصر موقع اسمة رحلات طبعا سبب اختيارى هو الفرق الكبير فى السعر بين الحجز عن طريق موقع رحلات وبين موقع شركة الطيران الاساسية الى هى مصر للطيران دخلت على موقع رحلات لاقيتة موقع جميل وحجزت بسهولة وحجزت التذكرة قابلة للاسترجاع ياعنى مكتوب (refundable ) و التذكرة وصلتنى على الايميل وكلة تمام بعد كام يوم وقبل ميعاد السفر ب 3 شهور حبيت انى اكنسل الرحلة والغيها كلمت خدمة العملاء بتوعهم فى الكويت بردة ردو على طول و اسلوبهم كان كويس و قالولى انهم هيبعتولى ايميل بالمبلغ الى هيتخصم لو موافق برد عليهم ويخصمو المبلغ ويرجعولى الباقى على حسابى فى البنك وصلنى ايميل فى نفس اليوم على طول بيقولو انهم هيخصمو اكتر من 90% من ثمن التذكرة ياعنى من الاخر كدة التذكرة غير قابلة للالغاء ياعنى من الاخر كدة كلمة refundable دى كلمة نصب ومش حقيقية فا ياريت الشباب تخلى بالها وهى بتحجز على المواقع دى كويس ولوعندكم شك فى انكم ممكن تغيرو الميعاد او تكنسلوة ياريت احسن تحجزو من موقع الشركة دايركت الى هتسافرو علية
