I
Israa Latiff
:: مسافر ::
بصي انتي جاية تستمتعي... فالمحاذير والحاجات اللي ممكن أقولك عليها كبنت زيك ممكن تخنق عليكي... زي إنك تعتمدي في المواصلات على اوبر وكريم جوا القاهرة واسكندرية وشركات النقل السياحي زي go bus بين المحافظات.. ده وقت الساحل وشرم ودهب والغردقة وممكن يوم واحد مش أكتر في إسكندرية بس على أول سبتمبر كده... بلاش تاكسي أبيض عشان الاستغلال وبلاش مواصلات عامة عشان التحرش، الشوبنج خليه في أماكن معروفة ومولات مش أسواق زي شارع المعز وكده إلا لو معاكي حد تثقي فيه، ما تعتمديش على وصف حد للطريق ممكن تتوهي، خليكي في جوجل مابس ، حملي ابليكيشن الmenus عشان تعرفي أسعار الدنيا وقارنيها بالعملة المحلية أو الدولار، متتعامليش بأي عملة أجنبية... حولي مصروفاتك أول بأول من البنوك، ويا ريت متشيليش معاكي كاش كتير
E
Eman Yehia
:: مسافر ::
الاسكندرية اجمل بلد.زوري قصر المنتزه.وهناك كافيه راءع اسمه زانيللي.وامشي واسالي الناس عن مكان المسجد.هناك اقعدي مقابل فندق فلسطين .زوري المعمورة.روحي مكتبة اسكندرية راااااءعة وقدامها هناك كافيه كله معمول بسعف النخيل .شاعري جدا.روحي القلعة.هناك متحف الاحياء الماءية جميل.واستاجري عربية بحصان.بس اتفقي الاول معاهم على نص السعر الي هايقولوه او اقل.لانهم طماعين جدا.بس هي فسحة رااااءعة.روحي كوبري استانلي قبل الغروب.وعندك جرين بلازا مول.فيه سينما ثلاثية الابعاد جميلة.وهناك مطعم تكا.ويوم لحديقة الحيوان.
شارم.اطلعوا جلاس بوت.واتفقي على دايفينج لو حبيتي.
وضروري سفاري بالصحراء.على جمال او بيتش باجي.بس جربيه الاول واتطمني انه شغال كويس.
القاهرة ماعرفش افيدك.بس في بانوراما 6 اكتوبر وملاهي دريم بارك بس مرحتهاش.وطبعا المتحف المصري
وخليكي قوية واتطمني.بس اهم شيء ماتسمعيش لاي حد يوقفك.لان في شحاتين للاسف.وحاولي دايما تفاصلي جااامد.
اسالي هنا الاول عن سعر اي نشاط عاوزة تعمليه.
عشان تباني انك عارفة فما يستغلوكيش
وهاتنوري مصر
شارم.اطلعوا جلاس بوت.واتفقي على دايفينج لو حبيتي.
وضروري سفاري بالصحراء.على جمال او بيتش باجي.بس جربيه الاول واتطمني انه شغال كويس.
القاهرة ماعرفش افيدك.بس في بانوراما 6 اكتوبر وملاهي دريم بارك بس مرحتهاش.وطبعا المتحف المصري
وخليكي قوية واتطمني.بس اهم شيء ماتسمعيش لاي حد يوقفك.لان في شحاتين للاسف.وحاولي دايما تفاصلي جااامد.
اسالي هنا الاول عن سعر اي نشاط عاوزة تعمليه.
عشان تباني انك عارفة فما يستغلوكيش
وهاتنوري مصر
H
Hager Salem
:: مسافر ::
تنوري حبيبتي اولا انا من إسكندرية لو حابة لما تيجي ممكن اظبطك واوديكي مكان ما تحبي .. بالنسبة لانك بنت ولوحدك كل حتة فيها الكويس والوحش أن شاء الله مفيش حاجة حتضايقك بس لازم تكوني طول الوقت واعية للي بيحصل حواليكي ومتحسسيش حد انك غريبة او مش عارفة وتبقي فاهمة رايحة فين وحتعملي ايه دي اكتر حاجة حتحسسك بامان .. ويفضل دائما يكون في حد من أهل المكان معاكي .. شهر ٨ حيبقا حر جدا في معظم الأماكن بس طالما انتي جاية في الوقت ده حاولي تزوري دهب ومرسى علم والساحل الشمالي ومرسى مطروح واسكندرية وشرم الشيخ والغردقة والجونة ومتطوليش في القاهرة يوم يومين تشوفي المزارات وخلاص خليكي في الأماكن التانية افضل .. رحلة سعيدة
S
Shery Rama
:: مسافر ::
شهر 8 هيكون حر جداً في الأقصر وأسوان وشرم. بالنسبة للخطر فالمصريين نفسهم غير أمنيين في بلدهم حوادث الخطف بقت كتير وسرقة الأعضاء والقرف ده. فأنتي لو جاية لوحدك متركبيش مثلاً تاكسيات العادية البيضاء. أركبي uber أو Careem لأنهم متراقبين من الشركة وكل متركبي أبعتي لحد من أهلك معلومات السواق ألي راكبة معاه (المعلومات ديه بتجيلك في رسالة لما بيجيلك السواق) ولما توصلي المكان ألي رايحاه طمني أهلك أنك وصلتي.
شوفي لو الفندق في عربية ممكن توصلك الأماكن ألي عايزة تروحيها.
وأول متنزلي مصر ممكن تشتري خط من فودافون او أي شركة اتصالات أخرى. ميضحكوش عليكي ويقولك الخط ب 180 ولا 200. في خط عادي جداً ب 10 جنيه ومع الباقة ب 55 تقريباً
القاهرة أجمل الأماكن فيها موجودة في الزمالك والمعادي (شارع 9). أسكندرية كلها حلوة (في كافيه أسمه القلعة بالقرب من قلعة أسكندرية حلو جداً ) طبعا مكتبة أسكندرية تجنن وسان استفانو ولازم تكلي في مطعم أسمه بلبع اكله يجنن. وكافيه Tavirna القاعدة هناك حلوة قوي.
شرم الشيخ مفيهاش غير خروجات قليلة بس حلويين (سوهو سكوير_ نعمة باي_ و في هوليوود بس ديه كلها تماثيل بتتصوري معاها فعادية جداً ) في فندق حلو جدا في شرم أسمه otium aloha مكانه في الهضبة.
لو محتاجة أي مساعدة لما تيجي مصر أبعتيلي رسالة
شوفي لو الفندق في عربية ممكن توصلك الأماكن ألي عايزة تروحيها.
وأول متنزلي مصر ممكن تشتري خط من فودافون او أي شركة اتصالات أخرى. ميضحكوش عليكي ويقولك الخط ب 180 ولا 200. في خط عادي جداً ب 10 جنيه ومع الباقة ب 55 تقريباً
القاهرة أجمل الأماكن فيها موجودة في الزمالك والمعادي (شارع 9). أسكندرية كلها حلوة (في كافيه أسمه القلعة بالقرب من قلعة أسكندرية حلو جداً ) طبعا مكتبة أسكندرية تجنن وسان استفانو ولازم تكلي في مطعم أسمه بلبع اكله يجنن. وكافيه Tavirna القاعدة هناك حلوة قوي.
شرم الشيخ مفيهاش غير خروجات قليلة بس حلويين (سوهو سكوير_ نعمة باي_ و في هوليوود بس ديه كلها تماثيل بتتصوري معاها فعادية جداً ) في فندق حلو جدا في شرم أسمه otium aloha مكانه في الهضبة.
لو محتاجة أي مساعدة لما تيجي مصر أبعتيلي رسالة