I
Ismail Munford
:: مسافر ::
انا احمل جواز فلسطيني .. حسب ذاكرتي 7 مطارات كان أول مرة يشوفو الجواز الفلسطيني ويصوروه و ضلو يبحثو عن اسم الدولة في السيستم و ما يلقوش فلسطين لانو كل دولة بتسميها على كيفها ( دولة فلسطين - السلطة الفلسطينية - الأراضي الفلسطينية المحتلة ) و عينك ما تشوف إلا النور بقى .. اقعد يا سمعة فهم الناس فلسطين وين..
S
'Sameh First'
:: مسافر ::
وصلت نيويورك وقت قرار ترامب بمنع دخول المهاجرين العرب. القرار اعتمده ترامب الساعة ٣، الساعة ٣:٣٠ كنت بختم الجواز
تقريبا اول واحد يطبقوا عليه القرار كان انا! مع ان مصر مكانتش وسط الدول اللي كانت في القرار، ولا انا كنت انا مهاجر أساسا، بس ٥ ساعات تحقيقات
ايميلك، رقم تليفونك في مصر و في أمريكا، بتدرس ايه، طيب الفيس بوك بتاعك اسمه ايه، طيب الانستجرام، طيب مقاس لبسك ايه، كل انواع الأسئلة اللي في الدنيا
مره كمان في زيمبابوي، رفضوا يسلموني الشنط الا لما ادفع رشوة للجمارك
تقريبا اول واحد يطبقوا عليه القرار كان انا! مع ان مصر مكانتش وسط الدول اللي كانت في القرار، ولا انا كنت انا مهاجر أساسا، بس ٥ ساعات تحقيقات
ايميلك، رقم تليفونك في مصر و في أمريكا، بتدرس ايه، طيب الفيس بوك بتاعك اسمه ايه، طيب الانستجرام، طيب مقاس لبسك ايه، كل انواع الأسئلة اللي في الدنيا
مره كمان في زيمبابوي، رفضوا يسلموني الشنط الا لما ادفع رشوة للجمارك
M
Mohmed Al Sharif
:: مسافر ::
كنت جاي من الدوحة المهم كل شئ تمام ....دخلت مطار القاهره وجاي اطلع من المطار المهم وانا باخد الختم بتاع الدخول كان في واحد قبلي بيختم ف انا شايف جهاز الكمبيوتر ال قدام الضابط (لو حد عدي من مطار القاهره هيعرف شفت الجهاز ازاي ) المهم لقيت مكتوب مطلوب أمنيا بخط احمر عريض بمنتصف الشاشه ...راح الضابط بص عليا شافني وانا حاطت عنيا جوه الشاشه وبص بعدها علي الواد ورجع بص عليا وضحك !!...رحت سكت خالص متكلمتش ..راح قالي بعدها هات جوازك ولسه مخلصش مع ال قبلي المهم حط جوازي ف البتاعه دي بصيت علي الشاشه لقيت مكتوب مطلوب امنياراح اتصل وقال يا 70 يا 70 ومحدش بيرد عليه قولت خلاص هيتم اعتقالي انهاردة وبفكر لعشرين سنه فاتت هوه انا قتلت حد ولا عملت حاجه مش فاكرها وانا واقف عادي جدا مش مهتم لكن جوايا عرقان المهم ردو بعد شويه ال 70 دول قالهم في عطل في النظام كذا كذا راح بص عليا وضحك قالي حمدلله علي السلامه وهوه بيضحك..
M
Marwa Osama
:: مسافر ::
اول مرة في حياتي اسافر كنت
جيت امريكا مع زوجي واولادي التلاتة, الصغير 6 شهور, وفي مطار هيثرو نزلنا ترانزيت ,بصيت لقيتهم بيقولولي تفتيش ذاتي مرتين وابني الصغير فتشوه ذاتي برضه ودخلوني جهاز ازاز كدة تقريبا اشعة فوق الحمرا او حاجة المهم كنت مش طايقاهم ولا طايقة نفسي
حسيت بالاهانة الشديدة
شوية ولقيت مدير امن المطار جاي وبعد مافتشو الشنط حتة حتة قالي اصل شنطتك ضربت عندنا جهاز الانذار ان فيها حاجة واحنا اسفين علي كل شئ
هم كانو ذوق الصراحة بس الواحد اساسا كان تعبان وعيال وعياط وسفر فكان عايز يقعد علي جنب في اي حتة ويعيط
جيت امريكا مع زوجي واولادي التلاتة, الصغير 6 شهور, وفي مطار هيثرو نزلنا ترانزيت ,بصيت لقيتهم بيقولولي تفتيش ذاتي مرتين وابني الصغير فتشوه ذاتي برضه ودخلوني جهاز ازاز كدة تقريبا اشعة فوق الحمرا او حاجة المهم كنت مش طايقاهم ولا طايقة نفسي
حسيت بالاهانة الشديدة
شوية ولقيت مدير امن المطار جاي وبعد مافتشو الشنط حتة حتة قالي اصل شنطتك ضربت عندنا جهاز الانذار ان فيها حاجة واحنا اسفين علي كل شئ
هم كانو ذوق الصراحة بس الواحد اساسا كان تعبان وعيال وعياط وسفر فكان عايز يقعد علي جنب في اي حتة ويعيط
M
Mohamed Harash
:: مسافر ::
اغرب موقف حصلي في حياتي لما كنت مسافر ابو ظبي وواقفين طابور عالجوازات وشايف بتاع الجوازات بيرخم قوي علي المصريين ويشيك عالاقامات والڤيز وبصمة العين وبيعاملهم بقلة زوق واول ماوصلت عندة وشاف ان باسبوري ايطالي قام وقف وابتسم ابتسامة ترحيب وزهول وقالي ايطالي قلتلة ايوة برخامة قالي مرحب في بلدك التاني وان شاء الله تكون مبسوط وختم علطول وسألتة مافيش ڤيزا ولا رسوم قاللي لا طبعا لان الايطاليين اصدقائنا واخواتنا قلتلة شكرا وتفيت علية وعلي بلدة بعد مامشيت وصعب عليا اللي وصلت لية مصر والمصريين
ش
شيماء علي مراد
:: مسافر ::
موقف سخييييف بكرهه في مطار برشلونة
كنت مسافرة من برشلونة لاشبيلية
و كنت لابسة عباية جينز بزراير
و المفروض اننا و احنا بنعدي من التفتيش اللي لابس اي جاكت يقلعوا
جيت اعدي كانت ظابط التفتيش واحدة و منظرها غاااالبا يهودية مثلا من كتر الكره اللي في عينها
تقولي اقلعي
يا ست الكل ده مينفعش يتقلع و دي فضلت تشخط و تنطر و بتتكلم اسباني و اتا مش فاهمة حاجة
اقولها english please تقولي no english
يخربيت رخامتك
و خرجتني من الطابور و مش عايزة تعديني و معاد طيارتي يا دوب
حولت اتفاهم مع ال assistant اللي معاها بقى يرفعلي كتافه ان مفيش حاجة في ايده
سبت اللاين بتاعها
و نقلت على لاين تاني
كان نفس الوضع
بس كانت اهدى كتيير و اتفاهمت معايا بهدوء
انا كانت ازمتي اني كنت ناسية تماما اني لابسة بلوفر بكم طويل تحت العباية
و كان طبعا مستحيل هقلع العباية علشان اعدي
لما افتكرت اني لابسة بكم
هديت
و قلعتها و عديت بسرعة و لبستها تاني على طول
كان موقف سخيف جدااا
كنت مسافرة من برشلونة لاشبيلية
و كنت لابسة عباية جينز بزراير
و المفروض اننا و احنا بنعدي من التفتيش اللي لابس اي جاكت يقلعوا
جيت اعدي كانت ظابط التفتيش واحدة و منظرها غاااالبا يهودية مثلا من كتر الكره اللي في عينها
تقولي اقلعي
يا ست الكل ده مينفعش يتقلع و دي فضلت تشخط و تنطر و بتتكلم اسباني و اتا مش فاهمة حاجة
اقولها english please تقولي no english
يخربيت رخامتك
و خرجتني من الطابور و مش عايزة تعديني و معاد طيارتي يا دوب
حولت اتفاهم مع ال assistant اللي معاها بقى يرفعلي كتافه ان مفيش حاجة في ايده
سبت اللاين بتاعها
و نقلت على لاين تاني
كان نفس الوضع
بس كانت اهدى كتيير و اتفاهمت معايا بهدوء
انا كانت ازمتي اني كنت ناسية تماما اني لابسة بلوفر بكم طويل تحت العباية
و كان طبعا مستحيل هقلع العباية علشان اعدي
لما افتكرت اني لابسة بكم
هديت
و قلعتها و عديت بسرعة و لبستها تاني على طول
كان موقف سخيف جدااا
ش
شيماء علي مراد
:: مسافر ::
موقف تاني
كنا طالعين عمرة
و احنا معديين على السير
شنطة من الشنط يظهر على الجهاز فيها حاجة غريبة منظرها مدفع رشاش بالظبطت
انا شفت الصورة مت على نفسي من الضحك
و مكنتش اصلا عارفة ايه اللي ظاهر بتلمنظر ده
عدوا الشنطة ٣ مرات على الجاهز و نفس المنظر
فتحوا الشنطة و فضوها تقريبا
و كل ما يشيلوا حاجة يرجعوا الشنطة على الجهاز
و انا واقفة هموت من الضحك
و في الاخر طلع الرشاش ده هو مكواة الهدوم
معرفش ازاي كانت ظاهرة كدة
كنا طالعين عمرة
و احنا معديين على السير
شنطة من الشنط يظهر على الجهاز فيها حاجة غريبة منظرها مدفع رشاش بالظبطت
انا شفت الصورة مت على نفسي من الضحك
و مكنتش اصلا عارفة ايه اللي ظاهر بتلمنظر ده
عدوا الشنطة ٣ مرات على الجاهز و نفس المنظر
فتحوا الشنطة و فضوها تقريبا
و كل ما يشيلوا حاجة يرجعوا الشنطة على الجهاز
و انا واقفة هموت من الضحك
و في الاخر طلع الرشاش ده هو مكواة الهدوم
معرفش ازاي كانت ظاهرة كدة
N
Nader Fouda
:: مسافر ::
مطار شارل ديجول وظابط جوازات رخم كل الناس بتهرب منه وانا روحتله برجليا وصادفت بقى انه سألنى على حجز الهوتيل وانا اول مرة اسافر فماكنتش واخد الحجز معايا وكنت سايبه فى الشنط وده فضل يسالنى اسئلة سخيفة يقولى تعرف مين هنا فى فرنسا ؟؟ طب جاى فرنسا تعمل ايه؟؟ خالتك مقيمة بفرنسا وفى الاخر قالى هتصرف منين اثناء فترة اقامتك طلعتله المحفظة كان معايا يوروهات و3 فيز جولد وتيتانيوم راح خاتملى دخول على طول بس انا مش هنسى القلق اللى عيشهولى خصوصا ان صحابى كانوا معايا وختموا دخول وفضلوا مستنيين كانوا خايفين يكون عندى مشكلة ولا حاجة
M
Mohamed El-Bakh
:: مسافر ::
كانت نهاية الفيزا بتاعتى يوم ٣٠/١١ وانا حجزت عودة لمصر يوم ١٢/١ كانت ساعتها اول مره اسافر وقلت مفرقتش يوم وصلت مطار ميونيخ من مطار وارسو ف طلعت ع برا ع طول من غير passport check عشان جاى من دولة شنجن روحت ساعتين لفيت ف البلد ورجعت المطار سألت موظف Lufthansa اللى رحلتى لمصر عليها قلتله كدا عادى ولا ايه مفرقتش يوم صح راح موقفنى وطلب البوليس قلى دى فيها منع من دخول المانيا ٣ سنين، لما جه ظابط الجوازات كان بيتكلم بهدوء فشخ وقالى عملت كده ليه، قلتله فعلاً مكنتش عارف انها تفرق ودى اول مره اسافر فيها وبتاع ، خدنى بهدوء جدا ع مكتبه وفتشنى وجابلى مايه وبسكوت وقلى هتقعد عندنا ساعتين لحد ما transit area تفتح وختملى خروج من اوروبا ومتعملش كدا تانى 
الطف ظابط شفته فى حياتى والمشكلة انه المانى
الطف ظابط شفته فى حياتى والمشكلة انه المانى
E
Eslam Khaled
:: مسافر ::
من أسبوع و انا داخل هونج كونج بري على طول بدخل و مافيش اى مشاكل بس بقالهم شهرين بيقوفوا اى باسبور عربي تقريبا دخلت على الظابط اول ما شاف الباسبور لاقيت اتنين بيقولي تعالي يا حبيبي دخلت الاوضه و سابني 5 دقايق قمت واقف و قعدت ازعق و اقول انا راجل أعمال و مش فاضي و جالي اتنين هاتك يا اسئله رايح فين و جاي ليه و معاك فلوس اد ايه و هتقعد كام يوم و انا برد بكل رخامة و ف الآخر اتسافوا على التاخير و دخلت ، ملحوظة أغلب المصريين بياخدوا رفض و مش بيدخلوا و بيرجعوهم على الصين التاني و يكنسل ختم الخروج بتاع الصين ، ربنا يستر بكرة بقي علشان رايح تاني
F
Fouad El Mahdy
:: مسافر ::
ايطاليا ، روما قعد يكلمنى بالايطالى و يزعق فوشى قلتله انا مبتكلمش ايطالى " شبه احمد السقا ففيلم حرب اطاليا كده" فضل برضو يكلمنى بالايطالى مفتكرتش غير non capisco l'italiano قعد يقولى فى ما معناه انا عارف انك كذاب و بتتكلم ايطالى بس بتستعبط و قعد يطلعلى لسانة و يعملى حركات غريبة بوشه روحت قايله بقولك ايه عشان نخلص مالقصة دى يا تختملى دخول يا تودينى لمدير الجوازات عشان نحل المشكلة دى راح قايم من عالكرسى و قعد يعملى ايديه جمب ودانه كده حركة مجنون و يطلعلى لسانه بعدين راح خاتملى دخول