M
Mohamed Abdelwahab
:: مسافر ::
طبعا موقفي لا يضاهي المواقف البتتحكي هنا من كتر الضحك، بس من و انا عندي 10 سنين بيوقفوني و انا راجع ع مصر، لان اسمي بالظبط يصادف واحد هربان او ممنوع من الدخول او ع قوائم الله اعلم، بس بعد شوية انتظار بيعدوني لما بيعرفوا اني صغير، الفكرة بقي انا خايف و انا راجع من سفرية الصيف ديه يقبضوا عليا ع اعتبار اني بقي عندي 20 سنة و كبرت
S
Shady Ezz
:: مسافر ::
رحت فرنسا بعد التفجيرات بحوالي اسبوع فعساكر جيش في كل مكان لدرجه انهم عاملين نقطه تفتيش لما تنزل من الاتوبيس الطياره قبل ما تدخل المطار واي حد جوازه مش اجنبي بيركن فانا حبيت احط التطش بتاعي قلت لعسكري كلمتين حلوين عن فرنسا حفظ الله فرنسا ... بشره خير ستايل هههههه راح مشاني مع الاجانب ههههههه المصري دايما فشييخ
E
Enaam El Assal
:: مسافر ::
داخلة مانيلا ب باسبوري الفلبيني وًبنتي بالمصري ، طبعا المصري شايل اسم الاب بس و ولو ب باسبور فلبيني كانت هتشيل لقب الاب والام... فضلت اكتر من نص ساعة اقولهم بنتي والله بنتي و لولا انه طلع مسلم فهمته براحة والحمد لله عدانا وانا ماشية ل مصر حصل نفس الموقف مع راجل مختلف بسرعة بقي عرفت انه مسلم وفهم ...
بلا خوتا
بلا خوتا
M
Mai Magdy
:: مسافر ::
مطار امستردام اتبهدلت بمعنى الكلمة تفتيش ذاتى ودخلت جهاز ازاز كدة وفتشونى ذاتى كتير والبنت اللى بتفتش ضوافرها طويلة جدا عورتنى. . واخدوا منى ابنى كان عنده سنة وعياط هيستيرى وجابوا محقق يحقق معايا ودخلت الطيارة كانوا غيروا مكانى ساعتها زعقت وقلبت الدنيا والمضيف كان امريكى وقف جمبى جدا لحد ما غيروا مكانى من على السيستم .. وفى مطار روما كانوا مصممين اقلع الحجاب بس رفضت والبنت فتشت شعرى من جوة ونفس الضوافر اامستفزة بس كانت لابسة جوانتى .. كانت تجرية سيئة بصراحة..
L
Loai Walid
:: مسافر ::
كنت رايح بولندا و معايا ولد برازيلي و بنت من كرواتيا، المهم داخل بكل ثقه شاف باسبورهم و عداهم و انا قالي اقف علي جمب، نده لظابط تاني و قعدو يشوفو الصوره في الباسبور و يبصولي .. و يخربشو في ال visa و يبصولها ري ال ١٠٠ جنيه المضروبه كده .. و بعدين قالولي جاي بولندا تعمل ايه و الصوره دي مش صورتك ورينا صور تانيه ليك .. قعدنا حوالي نص ساعه علي كده و في اباخر سابوني امشي
H
Hamed Youssef
:: مسافر ::
أول مرة أسافر أمريكا الجنوبية. فنزويلا
كنت ترانزيت روما وبعدها روما كراكاس حوالي 16 ساعة طيران . أول م وصلت هناك ظابط الجوازات بنت .
خدت الجواز بتاعي وبصت فيا وقالت لي استني هدخل للمدير .وراحت جابت المدير وجولي الاتنين وانا خايف لأحسن يرجعوني تاني وكنت تعبان جدا . قالو لي جواز السفر بتاعك غريب .... لأنه كان الجواز القديم اليدوي ...
سألوني جاي ليه ...
وسالوني عن مصر والاهرامات
وختمو لي علي طول
كنت ترانزيت روما وبعدها روما كراكاس حوالي 16 ساعة طيران . أول م وصلت هناك ظابط الجوازات بنت .
خدت الجواز بتاعي وبصت فيا وقالت لي استني هدخل للمدير .وراحت جابت المدير وجولي الاتنين وانا خايف لأحسن يرجعوني تاني وكنت تعبان جدا . قالو لي جواز السفر بتاعك غريب .... لأنه كان الجواز القديم اليدوي ...
سألوني جاي ليه ...
وسالوني عن مصر والاهرامات
وختمو لي علي طول
A
Ahmed Hossam
:: مسافر ::
رايح باريس لأول مرة ف حياتي وانا خارج من الطيارة ولسه بشم هواء باريس الجميل الاقي ظابط عملاق واقف ف وشي ويقولي رايح فين ! أكيد مش رايح أسوان قلتله داخل باريس قالي ليه قلتله سياحة 
قام قالي اتفضل دخلت علي ظابط الجوازات عشان اختم الدخول سألني بتتكلم انجليزي قلتله اه عملي انترفيو وشاف حجز الفندق والطيران لايطاليا وتذكرة مصر وبعد كده قالي اوكي شكرا بعد ما قلعني ملط
قام قالي اتفضل دخلت علي ظابط الجوازات عشان اختم الدخول سألني بتتكلم انجليزي قلتله اه عملي انترفيو وشاف حجز الفندق والطيران لايطاليا وتذكرة مصر وبعد كده قالي اوكي شكرا بعد ما قلعني ملط
P
Passant Ragae
:: مسافر ::
انا لما روحت جورجيا كانت اول مرة اسافر كنت متوترة جدا والست فضلت شوية تبص في الكومبيوتر وانا مش مرتاحة وبعدين بدل ما تقولي welcome او حاجة كدة قالتلي please go in قولت بسسسسس في مشكلة فلفيت ادخلها الbooth الازاز الي قاعدة فيه الست عنيها وسعت وبرقت واتخضت وتقولي what are u doing
M
Mohamed Ali Gaber
:: مسافر ::
الموقف إللي حصل كان في مطار القاهرة .. هو مش موقف كوميدي بس متهيألي ده كان الطبيعي لأي حد في سني وقتها
كنت على طول أسافر مع أهلي بس كان أول مره أهلي يحجزوا لي سفر لوحدي وكنت وقتها ١٧ أو ١٨ سنه ورايح مش عارف أي حاجة في أي حاجه لإني كنت متعود إن أهلي إللي بياخدوا بالهم من الإجراءات دي فماكنتش بركز .. المهم، لقيت طوابير طويله واقفه على شبابيك الجوازات فرحت واقف في طابور فيهم ومستني على ما ييجي دوري .. لما جه دوري وإديت له الجواز والتذكرة جواه فقلب في الجواز وبعدين قال لي فين البطاقه الخضراء فسألته بطاقة إيه ؟. فرجع لي الجواز (من غير التذكرة وفكرت إنه عادي ياخدها) وقال لي خد لك بطاقه وإملاها وخلى عسكري يعرفني مكان البطاقه دي .. أخدتها ومليتها وبعدين رجعت وقفت في طابور تاني إستنيت دوري على ما جه فبسلمه الجواز والبطاقة الخضراء (وكان باقي على ميعاد الطياره تلت ساعه) فبيقول لي فين التذكره ؟. برقت له تبريقة مصطفى متولي وقلت له أنا إديت ظابط الجوازات الجواز والتذكرة جواها
طبعاً، القلق تملكني وبقيت خايف ما أسافرش (وده إللي كنت خايف منه من ساعة ما عرفت إني هسافر لوحدي) والتذكرة تروح عليا .. فالظابط قام معايا وقال لي وريني إديتها لمين فوديته للشباك الأولاني إللي رحته فلسه بقول له هو ظابط أقرع وببص للشباك لقيت الإتنين قرع !!!.
كل واحد كان في ناحيه فبقيت طبعاً في نص هدومي علشان مش فاكر ملامحه مع إني فاكر أنا روحت للشباك من أنهي ناحيه بس مارضيتش أظلم الظابط إللي كان قاعد في الناحيه إللي إديت فيه الجواز والتذكرة علشان قولت وقتها يمكن بدلوا أماكن هعرف منين بقى ؟!!.
فلما لقوني قلقان ومش عارف أعمل إيه فقاموا معديني ومن ساعتها بقى عيني بقت في نص راسي في كل سفريه وسافرت بعد كده لوحدي وماحصلش أي مشاكل الحمد لله .. ده كان الموقف الوحيد ليا مع ظباط الجوازات .
كنت على طول أسافر مع أهلي بس كان أول مره أهلي يحجزوا لي سفر لوحدي وكنت وقتها ١٧ أو ١٨ سنه ورايح مش عارف أي حاجة في أي حاجه لإني كنت متعود إن أهلي إللي بياخدوا بالهم من الإجراءات دي فماكنتش بركز .. المهم، لقيت طوابير طويله واقفه على شبابيك الجوازات فرحت واقف في طابور فيهم ومستني على ما ييجي دوري .. لما جه دوري وإديت له الجواز والتذكرة جواه فقلب في الجواز وبعدين قال لي فين البطاقه الخضراء فسألته بطاقة إيه ؟. فرجع لي الجواز (من غير التذكرة وفكرت إنه عادي ياخدها) وقال لي خد لك بطاقه وإملاها وخلى عسكري يعرفني مكان البطاقه دي .. أخدتها ومليتها وبعدين رجعت وقفت في طابور تاني إستنيت دوري على ما جه فبسلمه الجواز والبطاقة الخضراء (وكان باقي على ميعاد الطياره تلت ساعه) فبيقول لي فين التذكره ؟. برقت له تبريقة مصطفى متولي وقلت له أنا إديت ظابط الجوازات الجواز والتذكرة جواها
طبعاً، القلق تملكني وبقيت خايف ما أسافرش (وده إللي كنت خايف منه من ساعة ما عرفت إني هسافر لوحدي) والتذكرة تروح عليا .. فالظابط قام معايا وقال لي وريني إديتها لمين فوديته للشباك الأولاني إللي رحته فلسه بقول له هو ظابط أقرع وببص للشباك لقيت الإتنين قرع !!!.
كل واحد كان في ناحيه فبقيت طبعاً في نص هدومي علشان مش فاكر ملامحه مع إني فاكر أنا روحت للشباك من أنهي ناحيه بس مارضيتش أظلم الظابط إللي كان قاعد في الناحيه إللي إديت فيه الجواز والتذكرة علشان قولت وقتها يمكن بدلوا أماكن هعرف منين بقى ؟!!.
فلما لقوني قلقان ومش عارف أعمل إيه فقاموا معديني ومن ساعتها بقى عيني بقت في نص راسي في كل سفريه وسافرت بعد كده لوحدي وماحصلش أي مشاكل الحمد لله .. ده كان الموقف الوحيد ليا مع ظباط الجوازات .