A
Ashraf Hegazy
:: مسافر ::
ولا فادني باي حاجه ، دفعت فلوس علي كل حاجه و كان في مستشفيات كتيره مش راضيه تستقبلني اساسا و محدش بيتكلم انجليزي و لما رجعت بالفواتير شركه التأمين قالتلي اكلم المستشفي و اجيب تقرير بالانجليزي و مش لاقيلهم لا موقع ولا حتي رقم تليفون و لسه مستنس اشوف التأمين هيعمل ايه بقي
H
Hashem Tawfik
:: مسافر ::
موضوع مهم جداً وعايز أعرف ايه اللي بيحصل فعلا وأنا كذا مرة أفراد من الأسرة تدخل المستشفي بس المبلغ مكنش يستاهل وأخر مرة المبلغ بسيط بس حاولت أصرف المبلغ من التأمين علشان أعرف الاجراءات قالولي أول 500 جنيه بره التأمين وما زاد عن ذلك بيتصرف، بس لازم تبلغ المستشفي أنك عايز مستندات للتأمين .
D
Dr-Rober George
:: مسافر ::
تعبت جداً وانا بره والأسعاف جت خدتني ودخلت المستشفي وكان لازم اعمل فوراً عمليه المراره وعملتها وتعبت جداً ولما رجعت لقيتهم بعتنلي مصاريف الأسعاف والعمليه والتأمين مارديش يدفعلي بعد خناقات ومباحثات ورفض بأستماته منهم ( تأمين AIG) ودفعتهم انا بس كانت اصعب تجربه مريت بيها....
Z
Zakaria Zïn
:: مسافر ::
التأمين بيكون للطوارئ فقط مثلا حصلك حادث واخدوك على الاسعاف غير كدا انت تدفع وتاخد التقرير من الطبيب مع الفواتير ولما ترجع تدفعها لشركة التأمين الي حتدرسها وتشوف هل تستحق ريفند ولا لا وفي اغلب الاحيان مبيدفعوش لان في تلاعبات كثير بتحصل من بعض الناس واغلبهم اوروبيين بيسافرو سياحة وبيدفعو رشوة للدكاترة عشان يعطوهم تقارير وفواتير بمبالغ كبيرة ولما يرجعو لبلدانهم بيطالبو شركات التأمين
M
Mohamed Silawy
:: مسافر ::
كنت في صاله العاب في بروكسل ووقعت علي يدي تربيزه البنج كسرت صباعي اوام اوم اتصلو بلاسعاف وجي باقصي سرعه قالولي لا الكسر كبير لازم تيجي علي المستشفي وهناك كان دكتوره و4 مساعدين والعقله اللي اتكسرت دي اتعمل عليها 10 اشاعات ويقولولي كل اسبوع تيجي تغير ولما يغيرو لي يروحو مديني الادوات اللي استعملوها من سلوتيب طبي او شئ زي الملقاظ كدا وبعد كدا خلو ممرض يجي لحد البيت يغير علي الجرح يوميا لمدا اسبوع تاني وبعدين بقو يدولو مواعيد متقطعه للاطمئنان الي ان قالو انت الان تمام والطبيبه ادتني اسمها قالتلي اي شئ ارجعلي بصراحه حاجه تفتح النفس ناهيك عن النظافه اللي عمري ماشفتها
A
Ashraf Awad
:: مسافر ::
التامين ف المانيا واوربا كلها .... وده حصل معانا فعليا ..... واحد من اصحابنا تعب وكان حاسس انه نفسه مخنوق .. جات الاسعاف واخدته ورحنا معاه ... عملوا كل حاجة ودفعنا التكلفة واخد فاتورة ولما رجع صرف الفلوس هنا بنسبة ٧٥ ٪... يعني اي تامين هتصرف ولما ترجع تاخد التكلفة او جزء منه
