A
Amir El Masry
:: مسافر ::
ماليزيا جزيرة لانكاوى نوفمبر ٢٠١٥ .. كان ٥ يوم ليا في ماليزيا روحت لانكاوي اتوهمت من المناظر و قررت اكل سي فود و سمك .. كلت واتفسحت صحيت الفجر علي هرش جرب بطريقة غير معقولة عمرى ماتعرضتلها في حياتي في جسمي بالكامل خادت شاور ساقع يمكن الحساسية تروح ولا اي حاجة .. فروحت جرى ع المستشفي الوحيدة في الجزيرة حجزت وكشفت والدكتور سالني كلت سي فود قولتله امبارح .. اداني حقنة خلتني مش عارف ارفع دراعي من الدوخة وعلقلي محاليل لمدة ساعة .. بس اول ماخدت الحقنة لقيت الحساسية بتختفي بالمعني الحرفي بس وكتبلي علي علاج اجيبه من الصيدلية وكل ده صرفت ٦٥ رينجت قبل التعويم اضرب في ٣ بعد التعويم اضرب في ٦ .. بس كانت تجربة ممتعة فعلا طبعا كنت رايح ماليزيا من غير تامين طبي
H
Hessein Ali
:: مسافر ::
في البحرين تعبت وحسيت بضربات قلبي مش منتظمة وصدري وجعني
رحت لاقرب مستشفى (اكبر مستشفى في البحرين) اول مادخلت دفعت ٧ دينار وبعديها بدقيقتين دخلت الاستقبال الدكتورة عملتلي رسم قلب على طول وكشفت عليا بعد كده قالتلي حالتك مش خطرة وقعدت استنيت لغاية مادخلت كشفت للدكتور قالي عندك انقباض في عضلات الصدر علشان قبليها بيوم كنت في الجيم بلعب بنش
ومادفعتش تاني غير المبلغ ده
رحت لاقرب مستشفى (اكبر مستشفى في البحرين) اول مادخلت دفعت ٧ دينار وبعديها بدقيقتين دخلت الاستقبال الدكتورة عملتلي رسم قلب على طول وكشفت عليا بعد كده قالتلي حالتك مش خطرة وقعدت استنيت لغاية مادخلت كشفت للدكتور قالي عندك انقباض في عضلات الصدر علشان قبليها بيوم كنت في الجيم بلعب بنش
ومادفعتش تاني غير المبلغ ده
M
Mohammed Abd El-razik
:: مسافر ::
كنت في انجلترا للدراسة .. سنة ٢٠١٣.
و هناك جالي خراج اهبل كدا ف ركبتي .. قلت مش مهم احنا هنتدلع و لا ايه ؟ لحد ما بقيت مش طايق البنطلون و لا عارف افرد رجلي و لا عارف اتنيها .. رحت واخد بعضي و رايح المستشفى .. الساعة ٣ الفجر .
هناك بدأوا يعملوا جروح بالمشرط كدا حولين الجرح .. هوب بدأ يطلع افرازات صديدية بشكل غبي "اسف على التفاصيل القذرة " .. لقيت الممرضة اتخضت .. راحت ندهت دكتورة جت و اتخضت .. راحوا جابوا دكتور كبير راح مخضوض و طلب ياخد عينة من الصديد دا ..
فحصوا العينة و رجعوا قلولي اوعى يلا تتحرك من مكانك انت هتتحجز ف المستشفى ؟؟ في ايه ؟؟ قالولي اصبر و هتفهم ..
ببص لقيتهم خدوني ودوني اوضة خاصة !! مع ان كان في ناس شكلها بتموت و على سراير عادية .. و على الباب تحذير مكتوب عليه ما ترجمته "على الممرضين العديين عدم التعامل مع الحالة، اخصائيو الحالات المعدية فقط يدخلوا الغرفة" !!!
و قلولي او حبيت تستعمل حمام ادخل الحمام اللي ف الصالة بتاع الموظفين دا بس .. و كتبوا عليه انه تحت الصيانة !!
انا قلت انا جالي الايدز و لا ايه يا ربي .. بس انا معملتش حاجة !! المهم يعني لقتهم قالوا هيجيلك دكتور يفهمك كل حاجة .. و انا كنت خلاص حرفيا هعمل بيبي على روحي ..
لقيت الدكتور جي و مع بروشور عن اللي عندي .. اللي هو ميكروب اسمه mRSA و دا ميكروب عادي بس متحور و عنده مقاومة ضد المضادات الحيوية ! على اد ما فهمت يعني !!
قعدت ف المستشفى دي ٧ ايام وامل شارب نايم ... باخد مضادات حيوية من كل الانواع على ما يبدوا عشان يمكن حاجة تسد فيهم مع الميكروب ولا حاجة !!
و ف الاخر قرروا يعملوا عملية .. اتبنجت بنج كلي و فتحوا الجرح و نضفوه .. و قعذت يومين كمان ف المستشفى ..
اما قربت امشي كنت هلطم على وشي اما تخيلت الفاتورة هتبقى كام ..
لكن لقيتهم بيقولولي امضي على ادوية اللي هتاخدها و انت ماشي حتى مش هتدفع ثمنها انت طالب !! و روحت في سلام
و هناك جالي خراج اهبل كدا ف ركبتي .. قلت مش مهم احنا هنتدلع و لا ايه ؟ لحد ما بقيت مش طايق البنطلون و لا عارف افرد رجلي و لا عارف اتنيها .. رحت واخد بعضي و رايح المستشفى .. الساعة ٣ الفجر .
هناك بدأوا يعملوا جروح بالمشرط كدا حولين الجرح .. هوب بدأ يطلع افرازات صديدية بشكل غبي "اسف على التفاصيل القذرة " .. لقيت الممرضة اتخضت .. راحت ندهت دكتورة جت و اتخضت .. راحوا جابوا دكتور كبير راح مخضوض و طلب ياخد عينة من الصديد دا ..
فحصوا العينة و رجعوا قلولي اوعى يلا تتحرك من مكانك انت هتتحجز ف المستشفى ؟؟ في ايه ؟؟ قالولي اصبر و هتفهم ..
ببص لقيتهم خدوني ودوني اوضة خاصة !! مع ان كان في ناس شكلها بتموت و على سراير عادية .. و على الباب تحذير مكتوب عليه ما ترجمته "على الممرضين العديين عدم التعامل مع الحالة، اخصائيو الحالات المعدية فقط يدخلوا الغرفة" !!!
و قلولي او حبيت تستعمل حمام ادخل الحمام اللي ف الصالة بتاع الموظفين دا بس .. و كتبوا عليه انه تحت الصيانة !!
انا قلت انا جالي الايدز و لا ايه يا ربي .. بس انا معملتش حاجة !! المهم يعني لقتهم قالوا هيجيلك دكتور يفهمك كل حاجة .. و انا كنت خلاص حرفيا هعمل بيبي على روحي ..
لقيت الدكتور جي و مع بروشور عن اللي عندي .. اللي هو ميكروب اسمه mRSA و دا ميكروب عادي بس متحور و عنده مقاومة ضد المضادات الحيوية ! على اد ما فهمت يعني !!
قعدت ف المستشفى دي ٧ ايام وامل شارب نايم ... باخد مضادات حيوية من كل الانواع على ما يبدوا عشان يمكن حاجة تسد فيهم مع الميكروب ولا حاجة !!
و ف الاخر قرروا يعملوا عملية .. اتبنجت بنج كلي و فتحوا الجرح و نضفوه .. و قعذت يومين كمان ف المستشفى ..
اما قربت امشي كنت هلطم على وشي اما تخيلت الفاتورة هتبقى كام ..
لكن لقيتهم بيقولولي امضي على ادوية اللي هتاخدها و انت ماشي حتى مش هتدفع ثمنها انت طالب !! و روحت في سلام
M
Mostafa Abdelrahman
:: مسافر ::
في شرم الشيخ دوخت و وقعت في اللوبي من حسن حظي ان كان في guest روسية و دكتورة هما حكولى أنها جريت عليا و فضلت تقولهم هاتوا كذا و كذا عشان يفوقوني اتصلت بالاسعاف فبيحسبوة ان اللي وقع أجنبي مش مصرى برضة حكولى ان الاسعاف جت بمجرد ما قفلت التلفون لحد و خدوني ع أساس اني مش مصرى و اتعملت احسن معاملة