ه
هشام كامل
:: مسافر ::
معلش في حاجات مهمه لم تذكر وهي اتركي جواز سفرك بخزينه الغرفه في الفندق وامشي بصوره الجواز وتصوري التاشيره معاه علشان لو الجواز ضاع او الشطه اتسرقت هتبقي مشكله وثانيا وانتي خارجه من الفندق خدي فلوس يادوب مصاريفك ولو معاكي كارت ايءتمان متخديش كل فلوسك معاكي وثالثا خدي كارت من الفندق بيبقي فيه اسم الفندق وعنوانه ده ذيما في شنطتك علشان لو معرفتيش ترجعي اي حد هيدلك تركبي ايه وبرده خدي خريطه من الفندق موضح عليها موقع الفندق وحاجه مهمه خدي كاتيل شاي صغير معاكي وشاي ونسكافيه لان فتره الليل باوربا مفيهاش حاجه والمشروبات في الفنادق غاليه وفي الكافيهات غاليه وجنيف بصفه عامه غاليه خدي معاكي من هنا بلوبيف وجبنه لافاش وجبنه كيري وعيش ريتش باك علشان لما توصلي هتبقي تعبانه وعايزه تاكلي وعلشان السحور بصفه عامه لما توصلي باذن الله هتاكلي وتشربي شاي وتنزلي تتجولي حوالين الفندق للاستكشاف وخدي معاكي كيس ايريا لو حبيتي تغسلي حاجه وكيس بريل واطباق فوم علشان الاكل وسهله الرمي واكواب بلاستيك علشان الشاي والنسكافيه ومن هناك اقرب سوبر ماركت هاتي المياه المعدنيه متشتريش من الفندق هتستعمليها للشرب والمشروبات الساخنه ومعلقه كبيره ومعلقه صغيره وكيس سكر والله الحاجات دي مهمه جدا وبتوفر عليكي فلوس كتتتير لو افتكرت حاجه هقولك
M
Mohammed Salah
:: مسافر ::
بالنسبة للشنط
فى شركات زى لوفتهانزا ما ينفعش وزن الشنطه يزيد عن 23 كيلو و دا ممكن تتاكدى منه عن طريق سياسه الامتعه الخاصه بالشركة الناقلة
اللى انت حجزت عليها ..
على الرغم اننا فى الصيف لكن اجو هناك متقلب ف يفضّل يكون معاك جاكت خفيف وانت خارجة ..
نقطه كمان
لو حسيتى بالضغط وانت ف الطياره اشربى مايه كتير
تروحى و ترجعى بالسلامه
فى شركات زى لوفتهانزا ما ينفعش وزن الشنطه يزيد عن 23 كيلو و دا ممكن تتاكدى منه عن طريق سياسه الامتعه الخاصه بالشركة الناقلة
اللى انت حجزت عليها ..
على الرغم اننا فى الصيف لكن اجو هناك متقلب ف يفضّل يكون معاك جاكت خفيف وانت خارجة ..
نقطه كمان
لو حسيتى بالضغط وانت ف الطياره اشربى مايه كتير
تروحى و ترجعى بالسلامه
A
Abdullah Ezzat
:: مسافر ::
جنيف صغيرة وتتلف كلها على رجلك بس مدينة رائعة. وأحلى حاجة التمشية على البحيرة. لو عندك وقت ممكن تروحي باريس بالقطار 3 ساعات وتستمعي بمناظر جبال الألب. جنيف حتروحي فيها الحديقة النباتية ومبنى الأمم المتحدة والبلدة القديمة وساعة الورود وجولة في بحيرة جنيف وتشوفي النافورة اللي في وسط البحيرة وممكن تروحي بالقطر على جبل الساليف أو تروحي قرية على الجبل اسمها Gstad. وتاكلي شوكلاتة سويسري وتتفرجي محلات الساعات السويسري. جنيف غالية أوي والبلد كلها بتقفل الساعة 7 ماعدا المطاعم بتطول شوية
M
Moataz Ali
:: مسافر ::
انا سعيد جدا باسئلتك و شجاعتك...
نصيحة صغيرة... خدي معاكي لبان ، أحيانا مع تغير الضغط الجوي نتيجة ارتفاع او هبوط الطائرة بيتسبب في الضغط علي الأذن و الشعور بضيق و الم بسيط... و حركة الفكين في مضغ اللبان ممكن تساعد علي تخفيفه...
و لو صايمة ممكن تقلدي حركة المضغ
الحمام أمامه إضاءة ملونة ، لو خضراء معناها فاضي و ممكن تدخل
رحلة سعيدة و استمتع بالطيران
نصيحة صغيرة... خدي معاكي لبان ، أحيانا مع تغير الضغط الجوي نتيجة ارتفاع او هبوط الطائرة بيتسبب في الضغط علي الأذن و الشعور بضيق و الم بسيط... و حركة الفكين في مضغ اللبان ممكن تساعد علي تخفيفه...
و لو صايمة ممكن تقلدي حركة المضغ
الحمام أمامه إضاءة ملونة ، لو خضراء معناها فاضي و ممكن تدخل
رحلة سعيدة و استمتع بالطيران