A
Ahmed Barakat Ibrahim
:: مسافر ::
حجزتي فندق ولا اي مكان هتنزلي فيه عند أقاربك هتروحي الاهرامات وهتنزلي التحرير المتحف المصري والقلعه وتروح برج القاهره وتنزلي الحسين والغوريه للفنادق القديمة وقصر النيل بس عايز اعرف اي مكان هتنزلي فيه علشان المواصلات أقولك عليها ولو عندك وقت روحي مول مصر في اكتوبر وسيتي ستارز في مدينه نصر لو تحبي
K
Khalid Hassan
:: مسافر ::
حاولى يكون اقامتك قريبة من وسط البلد لان هناك معظم اماكن الخروج وان شاء الله هتتبسطى فى القاهرة . مع احترامى لكل الاراء لكن تبقى القاهرة ليها طعم تانى . وطالما حضرتك مهتمة بالاماكن التاريخية . يبقى عندك المتحف المصرى فى التحرير . ومتحف الفن الاسلامى جميل جدا فى باب الخلق . وبعدين تنزلى بقى على منطقة الفسطاط . مجمع الكنائس هناك والمعبد اليهودى وجامع عمرو ابن العاص . وبعدين تنزلى على القلعة ومسجد السلطان حسن وبعدين الحسين وشارع المعز . وشارع المعز ده لوحده موضوع تانى هتتبسطى اوى هناك ان شاء الله وعلى فكرة الاماكن دى كلها قريبة من بعضها . بس طبعا قسمهم على كذا يوم . وطبعا الاهرامات محتاجة يوم لوحدها . وعندك برج القاهرة بالليل هيكون جميل اوى وبعدين ياريت لو قدرى تتعشى فى مركب عائم فى الليل . جو تحفة . . توكلى على الله وهتتبسطى ان شاء الله
K
Khalid Hassan
:: مسافر ::
Bahaa Eldin Gomaa الناس اللى حضرتك بتقول عليهم صيع وزبالة دى ناس بتجرى على اكل عيشها وهو ده شغلهم . اينعم الموضوع فيه رخامة زيادة منهم انما ده نتيجة الحالة الاقتصادية الصعبة اللى بيمروا بيها واللى حضرتك ممكن ماتكنش حاسس بيها . الموضوع محتاج شوية تنظيم مش اكتر من كده . وبالنسبة الاجانب اللى بيجو مره مبيجوهاش تاني . الكلام ده مش مظبوط . انا معظم اصدقائى الاجانب بيجوا مصر تقريبا كل سنة وبانتظام حتى فى اصعب الظروف اللى بتمر بيها مصر . وعاوز اقولك ان فيه اجانب كتير زارو مصر قبل كده وكله امنيتهم انهم يجوا مصر تانى وفيه اجانب عايشين فى مصر وسعداء جدا ومع عاوزين يسيبوا مصر تانى . ومع احترامى لكل الاراء بس ياريت ياجماعة نقدر بلدنا اكتر من كده
A
Amr Hamdy
:: مسافر ::
على فكرة صاحبه البوست مصرية وعايشة فى مصر وعارفة كل ظروف البلد . هيا بتسال تزور ايه فى القاهرة . ايه بقى كمية التعليقات السلبية دى . اللى يقول زبالة وصيع والى يقول زحمة . والى يقول متجيش فى الصيف . والى يقول هتبقى زيارة نكد . فيه ايه حد قالكو اننا عايشين فى باريس ولا كل واحد سافر سفرية بره راجع ناقم على البلد ومش عاجبه العجب