E
Eman Yahya
:: مسافر ::
بالنسبه للاماكن بقى دي خلاصة خبرتي السياحيه المتواضعه اوعي تفوتي القلعه ومجمع الاديان و شارع المعز ومتحف الفن الاسلامي .. وروحي بقى اهرامات الجيزه وسقاره والمتحف المصري و اغلب الاماكن دي جنب بعض ففعلا يفضل تسكني ف وسط البلد ده كاثار و كده .. الترفيه بقى مول العرب وسيتي ستارز و دريم بارك ولو حابه تعرفي اكتر انا معاكي
H
Hany ELbahey
:: مسافر ::
انا بحترم كل الاراء بس الجروب ده مش مصريين بس. في اخوه عرب معانا فمن الأفضل اننا نحببهم في البلد وخصوصا مصر من ارخص البلاد حاليا للعرب والأجانب اللي ممكن يبات في فندق خمس نجوم باقل من ١٠٠ دولار في اليله. ده مش معناه ان في سلبيات ده اكيد في عندنا و عند غيرنا في بلد عربي احلي شعب واكثر كميه شحاتين. تشوفهم ويمشي وراك ١٠ كم ولا يمل. ربنا يكرم بلدنا ويهدي شعبها
A
Ahmed Barakat Ibrahim
:: مسافر ::
انا سفرت اكثر من ٣٠ دوله تبقي مصر لها مزاقها الخاص مصر تقريبا من ارخص دول العالم حتي بعد تعويم الجنيه والله عندنا شرم الشيخ ما شفتش مكان في مستوها لا اسبانيا ولا اليونان ولا هولندا ولا مالطا والفنادق حتي عندنا انظف فعلا في سلبيات لكن قارن بدول بره عموما الخلاصه السياح في اي بلد مستنزفيين ماليا خصوصا في الدول الفقيره والناميه
F
Faten Tawfiq
:: مسافر ::
لو عايزة تتحركي بالمترو مجمع الاديان محطه مترو مارى جرجس
الجيزة هتلاقي عربيات قدام المترو اول ما تنزلى السلم بتنادى مشعل هتنزلك قدام الاهرامات
الحسين ممكن من رمسيس عند مسجد الفتح كده او مترو العتبه وتروحى بقى الحسين والمعز والمساجد هناك وعروض التنورة وكده
ممكن محطه الاوبرا هتقربك من برج القاهرة ودار الاوبرا المصريه
وممكن لو عايزة تروحى حديقه الحيوانات وحديقه الاورمان في معرض الزهور والاتنين قريبين من بعض
الجيزة هتلاقي عربيات قدام المترو اول ما تنزلى السلم بتنادى مشعل هتنزلك قدام الاهرامات
الحسين ممكن من رمسيس عند مسجد الفتح كده او مترو العتبه وتروحى بقى الحسين والمعز والمساجد هناك وعروض التنورة وكده
ممكن محطه الاوبرا هتقربك من برج القاهرة ودار الاوبرا المصريه
وممكن لو عايزة تروحى حديقه الحيوانات وحديقه الاورمان في معرض الزهور والاتنين قريبين من بعض
B
Bahaa Aldeen Farouk
:: مسافر ::
شباب لو سمحتوا مش كل بوست ينزل على الجروب سواء من عرب حابين يزوروا بلدكم و ينفعوكم او مصريين حابين يعملوا سياحه داخليه يكون الهجوم بالشكل ده
لو حضرتك عمرك ما سافرت بره مصر و شفت اد ايه فيه مدن في بعض الدول متقدرش تمشي فيها لوحدك ١٠ دقايق و لو اتأخرت بعد الساعه ٩ بليل ممكن تتثبت عادي جدا حتقدر النعمه اللي انت فيها
فلو سمحتوا اعرفوا ان كل بلد فيها الحلو و فيها الوحش و مش معناة انك ما شفتش الوحش بره و شفته في مصر بس يبقى بره كله حلو !!!
لو حضرتك عمرك ما سافرت بره مصر و شفت اد ايه فيه مدن في بعض الدول متقدرش تمشي فيها لوحدك ١٠ دقايق و لو اتأخرت بعد الساعه ٩ بليل ممكن تتثبت عادي جدا حتقدر النعمه اللي انت فيها
فلو سمحتوا اعرفوا ان كل بلد فيها الحلو و فيها الوحش و مش معناة انك ما شفتش الوحش بره و شفته في مصر بس يبقى بره كله حلو !!!
A
Ahmad Bahaa
:: مسافر ::
طبعاً الزملاء الأعزاء في الجروب قالوا كل حاجة ربنا يبارك لهم ... بس بما إنك بتحبي السياحة الأثرية يبقى شارع المعز دا فيلم لوحده ..... لازم تكوني مجهزة خطة لزيارته لإنه كبير ومتشعب والمزارات فيه كتير جدا أهمها بيت السحيمي في نهاية الشارع وبعده بشوية مسجد الحاكم بأمر الله وقبله بشوية مجموعة السلطان الناصر قلاوون وكذا مزار حواليهم في شارع المعز نفسه من ناحية مسجد الحسين .. خلف جامع الأزهر فيه وكالة الغوري وبتعمل عرض تنورة رائع كل يوم سبت واتنين وأربع الساعة ٨ بالليل بس لازم تروحي قبلها بحوالي ساعة عشان تلحقي تحجزي مكان .. وبرضه ناحية مسجد الأزهر إسألي عن بيت الست وسيلة وبيت زينب خاتون وبيت الهراوي كلهم جنب بعض ورا مسجد الأزهر .. شارع المعز من الناحية التانية (ناحية مسجد الأزهر) حاتلاقي سبيل محمد علي ومسجد المؤيد وطبعاً باب زويلة (باب الفتوح) وورا الباب فيه منطقة الخيامية ومسجد مربع كبير إسمه رايح عن بالي .. لازم تكوني هناك من بدري جدا عشان المزارات بتقفل الساعة ٥ وعشان تلحقي تخلصيهم كلهم .. حاتكون فسحة ممتعة بإذن الله ومنتظرين تحكيلنا تجربتك بعد ما ترجعي بالسلامة
H
Hany ELbahey
:: مسافر ::
انا استفدت من الاماكن الجميلة الي الشباب كاتبين عليها. وبجد. عيب علي الواحد انه سافر بره ومشافش بلده. ان شاء الله الاجازه دي لازم نشوف بلدنا ونحبب اولادنا فيها. يا ريت لو نقدر نعمل جروب سياحي مره كل شهر. في الاول وبعدين مره كل أسبوع في مكان محترم داخل البلد. وبمرشد سياحي. و عدد محدود. هنبقي بنفع الكل.
زي الي بيحصل في couchsurfing
كل بلد في ناس بتجمع الاشخاص الي حابين يشوفوا. بلدهم وبيعملوا اجتماع اسبوعي. أو رحله مشي. زي شارع المعز. هتبقي حلوه. بس يكون مجموعه شباب وبنات. مش بنات بس زي بعض المجموعات
زي الي بيحصل في couchsurfing
كل بلد في ناس بتجمع الاشخاص الي حابين يشوفوا. بلدهم وبيعملوا اجتماع اسبوعي. أو رحله مشي. زي شارع المعز. هتبقي حلوه. بس يكون مجموعه شباب وبنات. مش بنات بس زي بعض المجموعات
A
Ahmed A Al-Maghrabi
:: مسافر ::