ع
عمرو الشافعي
:: مسافر ::
المظهر واللغة؟!!!!!!!!!!!!!!!!!!!!!!!!!!!!
.... مع احترامي لحضرتك يا إما انت بتغالط مغالطات غير مبررة . يا إما عمرك ما ركبت غير مصر للطيران (بحكم انك بتشتغل فيها) انما تقوللي علي مضيفات ٩٥% منهم من بلاد لغتها الام الانجليزية .ان بتوع مصر للطيران احسن منهم . فده انا صراحة معرفش ارد عليه اصلا
.... مع احترامي لحضرتك يا إما انت بتغالط مغالطات غير مبررة . يا إما عمرك ما ركبت غير مصر للطيران (بحكم انك بتشتغل فيها) انما تقوللي علي مضيفات ٩٥% منهم من بلاد لغتها الام الانجليزية .ان بتوع مصر للطيران احسن منهم . فده انا صراحة معرفش ارد عليه اصلا
M
Mohamed Elashkèr
:: مسافر ::
سؤال هيا الوطنيه نسكت على غلط موظفين سيئين لما يبقى فساد
ونرجع نقول ليه مافيش سياحه علشان فى ناس بطبطب على الفساد بإسم الوطنيه
هاتقولى ايه دخل ده بالسياحه اقولك السمعه السيئه حتى لو كانت فى سلوكيات الشعب مع بعضه بأثر فى كل حاجه
وبعدي معلومه اقتصاديه الاقتصاد مثل شبكه الكوره اذا اتشد فيها اى مربع تأثر شكل باقى المربعات
ونرجع نقول ليه مافيش سياحه علشان فى ناس بطبطب على الفساد بإسم الوطنيه
هاتقولى ايه دخل ده بالسياحه اقولك السمعه السيئه حتى لو كانت فى سلوكيات الشعب مع بعضه بأثر فى كل حاجه
وبعدي معلومه اقتصاديه الاقتصاد مثل شبكه الكوره اذا اتشد فيها اى مربع تأثر شكل باقى المربعات
N
Nabil AmanAllah
:: مسافر ::
الطائره مصر للطيران فى مطار اسطنبول عطلت لمده 2ساعه بنتظر.. مدير المحطه بنفسه جه واعتذر لنا وركبونا أتوبيسات .. إلى كمبوند اسمه اتاكوى قريب من المطار العشاء سندوتشات ومشروب خفيف بيتنا الليله دى على حسابهم + الإفطار... الأتوبيسات جت تأخذنا من الكمبوند ظهرا بعد وصول طائره أخرى وسافرنا .... والله والله ده حصل معايا .
.ومع ذلك التأخير غير مريح
.ومع ذلك التأخير غير مريح
D
Dalia Adam
:: مسافر ::
R
Reham Saad
:: مسافر ::
علي فكره الطيارة دي تقريبا هلكانه سافرت عليها برده في شهر سبعه اللي فات 611 وبعد ما دخلنا وختمنا الباسبور وركبنا الطيارة واتحركت وهنقلع لف ورجع تاني لعطل فني برده وكنت حامل ومعايا طفل ورجعنا المطار من الساعه 12 الضهر انتظار للساعه 9 بالليل وكانت آخر بهدله ومن الكويت للقاهرة برده ده غير الناس اللي كانت منتظرة في مطار مصر ..وكانت رحلة بؤس الحمد لله عدت بس لن تنتسي
M
Mohamad Elshafey
:: مسافر ::
حصلت معانا قبل كده ع الخطوط السعوديه في مطار جده وكنا في رمضان ومافيش مطاعم جوا المطار والناس جعانه وتعبانه والعيال تعبت من الانتظار ومافيش موظف جه عبرنا ولا قالنا الطياره هتيجي امتى وفي الاخر وزوعوا علبه عصير ع كل راكب ولما الناس زعقت واتخانقت جابولنا امن المطار ،، كل الشركات معرضه لاعطال بس المهم رد الفعل لامتصاص غضب الناس وطبعا دا مش موجود في الشركات العربيه الا الاتحاد والاماراتيه والقطريه
تجاربي مع مصر للطيران ايجابيه بس مع صحابي مثلا اتسرق من شنطهم حاجات غاليه
وتجاربي مع الخطوط السعوديه برضه ايجابيه ماعدا الرحله دي واحيانا رحلاتها الداخليه
تجاربي مع مصر للطيران ايجابيه بس مع صحابي مثلا اتسرق من شنطهم حاجات غاليه
وتجاربي مع الخطوط السعوديه برضه ايجابيه ماعدا الرحله دي واحيانا رحلاتها الداخليه
A
Abdullah Ezzat
:: مسافر ::
كان في مقال مكتوب في مجلة حورس بتاعت مصر للطيران عن سرطان الثدي وأسبابه في عدد فبراير اللي فات وبما أنه في صميم مجال شغلي فقريته بالعربي وبالانجليزي طبعا لقيت في فروق في الترجمة بين المقال بالعربي والانجليزي تخل بالموضوع ولقيت مادة علمية ضايعة جدا ومليانة أخطاء علمية وغالبا لطشوا المقال بالانجليزي من الانترنت وترجموه بجوجل ترانسليت فطلعت ترجمة مسخرة. ده ناهيك عن اعلانات رخيصة جدا لدكاترة بيعملوا عمليات السمنة المفرطة ونحت الجسم وياريتها اعلانات فيها ابتكار لكن اعلانات تعبانة لدكاترة مستواها ضايع عشان يلموا فلوس وبس. ناهيك بأه عن الأكل بتاع مصر للطيران في رحلة دولية لأوروبا وعبارة عن شوية مكرونة باردة مقددة مسلوقة وقطعة فراخ متلجة مجلدة وحتى الأطباق البلاستيك اللي بيحطوا فيها الأكل وسخة وأطرافها سودة. لا حاجة مسخرة الصراحة وقال ايه مصر للطيران أحسن خدمة وطبقا للمعايير العالمية مش عارف ازاي