الواحد كل مايحاول يفتخر بحاجه تخص بلده للأسف مابتكملش البوست المرادى تجربه...

  • بادئ الموضوع بادئ الموضوع Aliaa Hearty
  • تاريخ البدء تاريخ البدء
عرض العطلة
A

Aliaa Hearty

:: مسافر ::
#1
الواحد كل مايحاول يفتخر بحاجه تخص بلده
للأسف مابتكملش
البوست المرادى تجربه سلبيه ليا مع مصر للطيران
كنت مسافره امبارح من الكويت للقاهره ف طيارة 2 الضهر
رقم 611
خلصنا كل اﻹجراءات والتفتيش والوزن ودخلنا كمان البوابه
ومش فاضل غير اننا نركب الطياره خلاص
جه المعاد ولسه قاعدين ماتحركناش جم وقالو معلش هاتتأجل
ساعه فيه خلل فنى بسيط بنشوفه قولنا ماشى مافيش مشكله
ساعه عدت ورا اللى بعدها وعدى أربع ساعات وجه مدير الشركه
بكل برود وقالنا فيه عطل فالطياره وهانبعت نجيب المهندسين
وقطع الغيار من مصر ونصلحها معلش هنأخركم شويه
اندهشنا وقولنالو طب ماتشوفولنا طياره غيرها نركبها
من اى شركه تانيه أو ابعتولنا واحده من مصر
يقولنا صعب يا جماعه ومعلش نستحمل والطياره هاتتصلح بسرعه
طب ياعم شوفولنا فندق نقعد فيه لحد بليل
يقولنا انا أسف فندق المطار كومبليت ومافيش غرف فاضيه
اتفضلو ارتاحو عشان تتغدو و اهدو كده
وكأننا مستنين الوجبه المعفنه بتاعتهم اللى تقرف الكلب
وحاجه اخر استفزاز وقلة أدب وكأنهم بيقولولنا اخبطو راسكم فالحيط
والحل اليتيم اللى قدموه ان اللى معاه اقامه يرجع ويبقى يجى بليل ومعظم الستات اللى كانو موجودين كانو كارت زياره زيى
ماينفعش نخرج دا غير اﻷطفال اللى اتبهدلت والناس الكبيره
وبعدين رجع وقال هانسفر الستات اللى معاهم اطفال والناس المريضه وعشمهم يسافرو على طيارة 7 ونص بليل
وفاﻷخر طلع فيها 6 اماكن فاضيه بس وخد جزء منهم
و امن و ظباط المطار اخرهم يقولولنا اشتكو الشركه دى مش مسؤليتنا لما شافونا واحنا بنزعق ونتخانق
والخلاصه عشان ماطولش عليكم
الطياره طلعت تانى يوم الفجر الساعه 3 ونص
على نفس الطياره البايظه اللى كانت بتتصلح
بعد 15 ساعه انتظار
و اتخيلو بقى احساسنا كان عامل ازاى لحد ماوصلنا ☝

#شركه_مصريه_وركاب_مصريين_مستنى_ايه

#مصر_للطيران

#عمرى_ماهركب_معاهم_تانى_خلاص
 
#2
بتحصل في اي شركه عادي و حصلت معايا انا شخصيا في القطريه تأخير ٢٧ ساعه طياره كانت اقلاع الساعه ١ الظهر طلعنا تاني يوم بنفس الطياره بعد ما اتصلحت الساعه ٣
القصه ان بيكون من الصعب سحب طياره من جداول التشغيل و في الغالب المفروض بعد عدد ساعات معين يتم انزال الركاب و حجز ليهم في الفندق او تعويضهم (ماليا)
 
#3
مصر الطيران بردو ..
الخدمة زبالة الزبالة .. و انا راكب .. حاسس اني راكب توكتوك و الله العظيم و علي فكرة مكانتش درجة اقتصادية .. ..
احنا بعد كدة نقاطع مصر الطيران قال بس جايبين الممثليين يعملوا دعايا لمصر الطيران عشان ينهبوا في جيبوهم قد كدة ...
#مقاطعة_مصر_الطيران
 
#4
حصلت معايا على لوفتهانزا وانا جاي من المانيا لمصر .... الطياره كانت الساعه تسعه الصبح واتحركت الساعه 3 الفجر يعني تقريبا قعدت 24 ساعه في المطار ومكنش برضو ينفع ندخل البلد علشان الفيزا كانت single entry وفندق المطار كومبليت .... بتحصل اوقات كتير
 
#5
اكيد الموقف كان غير مريح بالنسبه لكم .... انا الاسبوع السابق لى تجربه مع لوفتهانزا واليطاليا والله مصر للطيران احسن منهم 100 مره وطيارتها أفضل ... ومعاملتها افضل
 
عرض العطلة
#6
الناس اللى كانت معايا بيحلفو انهم ف مره كانو راكبين على الخطوط الكويتيه واتأخرت ساعتين خدو تعويض عشرين دولار لكل واحد غير اﻹعتذار والمعامله والخدمه غير عندنا تماما
 
#9
آخر حاجة تهمهم المسافر للأسف الميزة الوحيدة الطيارين المصريين ربنا يحميهم
غير كدة مفيش
ويا ريت نفرق بين مستوى الطيارات والخدمة للطيارات اللي مسافرة اوروبا والطيارات اللي شغالة ف المنطقة العربية
لانه للأسف فرق كبير جدا
كأنهم شركتين عن تجربة شخصية
 
#10
والله نفس الموقف حصل مع ماما ومن الكويت بردو والناس كانت راكبة ميتة من الرعب ف الطيارة ام عطل فني وقطع غيار من مصر
 
عرض العطلة
#13
واحنا راجعين من برشلونه صاحبتي بتقول للمضيفه عايزه ميه لو سمحتي وفضلت تعيد 3 مرات و المضيفه مطنشاها و في الآخر بصتلها بقرف وقالتلها سمعتك من أول مره
ومجبتلهاش الميه إلا بعدها بنص ساعه ..
 
#14
عادي يا جماعه أحسن ما الطياره تقع وتضغطوا عليهم وتطلع بالخلل الفني علي فكره اقدم شركه طيران عربيه هي مصر الطيران تأسست ١٩٣٢ وفي خطوط اسوء منها كثير حتي انا اشوف افضل من الطيران الامريكي دلتا والامريكيه ونفس مستوي شركات في اوربا شنطي ضاعت علي الفرنسيه مره الاكل خلص علي الامريكيه كل ألفي اخر الطياره ما أخدش اكل مقارنه مع الامارتيه والقطرية وخطوط هونج كونج مثلا مفيش فرق لكن هو طيران وسط انا ركبت اكثر من ٣٠ خط طيران
 
#15
مصر للطيران مصنفه من اسوء خمس شركات طيران علي مستوي العالم ومحدش بيركب معاها اصلا..وكلهم واسطه ومعامله زي الزفت
 
عرض العطلة
#16
عادى الموضوع ده بيحصل ف كل الشركات و حصل معايا مره فالقطريه و اتاخرنا و احنا رايحين سبع ساعات و احنا راجعين يوم كامل ، و فى ناس كتير كانت واخداها ترانزيت و اتاخروا على معاد الطياره اللى بعدها و حصل مشاكل كتير .
 
#17
ضميرى نقح عليا وقولت بلدى وطيارة بلدى المره الاولى كانت سيئة واجرب تانى حجزت عليها وف الاخير إتأخرت وعوضونا كنز بدل تأخير :)
أخر وأول مرة ان شاء الله اركبها تانى
 
#18
انا سافرت مصر للطيران عمره و انا رايح فاتتني الطيارة ركبت في طيارة من الواضح فوج سعودين علي اجانب ، كان الطيارة نظيفه و سليمة و اشكال المضيفات مستحمين و بيتكلموا بكل ادب و زوق و الخدمة مقبوله ، بس و انا راجع ركبت ميكروباص مصر للطيارن معفن و كل حاجة مكسره و الطياره بتترعش كل حاجه فيها زي ميكون اتوبيس نقل عام لبس مطب ، بدون مبالغه اتوبيس النقل العام انظف الف مرة ، و الوجبه قذرة اكل بايت او متعغن ، و المضيفات قمة في قلت الادب و مش عايزين يسعدوا حد وواحد بيطلب شاي شخطت فيه خلاص احنا نزلين ، نزلنا بعدها ب 40 دقيقه علي الاقل و حتي اللبس مختلف كانو لابسين ازرق بس و مبهدل غير يونيفورم الافواج الاجنب الي فيه بيج .

نفس النظام في كل اماكن الدوله الاجانب معامله غير المصري، دوله بتبدع انها تكره شبابها فيها الي هما اصلا معندهمش انتماء، عشان كدا المال العام مستباح عشان مفيش انتماء مبنغرش علي بلدنا.
 
عرض العطلة
عرض العطلة
عرض العطلة
أعلى أسفل
عودة
قائمة