قصة عابده : مغنية راب أسلمت وتبغى تنتقل الي السعوديه للعيش هناك...وفي...

  • بادئ الموضوع بادئ الموضوع SaMir Al Qarni
  • تاريخ البدء تاريخ البدء
عرض العطلة
#61
احنا مسلمين مو من ارادتنا لا من اول ماطلعنا من بطن امنا شفنا اهلنا مسلمين علشان كذا بعضهم إيمانه ضعيف لانه ماهو إيمانه بقناعه لكن الكافر اهو كافر وعجبه الاسلام واقتنع فيه لذلك يطبقه اكثر من المسلم الغير مقتنع .
 
#62
ما هوا الجلباب؟ الايه التاليه هي اكثر ايه اعرفها توضح طريقة الحجاب، معناها وضع الجلباب على الجسم حتى يعرفن بسهوله ( ادنى ان يعرفن) ويتجنبن الاذيه،، الجلباب معروف انه القناع الطويل اللي تلفه على الجسم والراس ،،،،

يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَّحِيمًا / الاحزاب/
 
#63
ياجماعه مكبرين الموضوع ... كشف الشعر هو ذنب صحيح... ولكن ليس من كبائر الذنوب .... والله يغفر جميع الذنوب بالاستغفار الا الكبائر لازم توبه نصوحه والاستغفار عن الذنب الكبير لي سنين لي يغفر الله عنه... ولكن الذنوب الي مب من الكبائر يغفر الله لها ولو كانت ك زبد البحر.... كلنا نغلط البنت مثلا تغلط بالحجاب... الرجال يغلطون في امور كثير .. وكلن يعرف دينه وحتى الي تكشف تعرف دينها وتعرف انه حرام. هي حره الي بتاخذ الذنب وهي بالتعاقب اذا الله لم يغفر لها . والله كبر الموضوع والتعليقات على شي معروف بالدين ومايحتاج فيه نقاش
 
#65
اذا أردت ان تقنع شخص في شي أقنعه به ولا تخوفه فيه . الاقناع قد يعجبه فيتغير ويقنع اخرين اما التخويف قد يتجاهله او يعمل من غير قناعه مثل الشخص المجبر على شي . (في فرق لما تروح تصلي في وقتها بقناعتك وبين انك تصلي لما اهلك يقولون لك صليت ؟؟ وبعدها تروح تصلي )
 
عرض العطلة
#66
لو تجي السعوديه بهالحجاب راح يعتبرها الشعب سفور وغير محتشمه

غريب الي يشوف اجنبيه او تركيه محجبه قعد يهلل ويكبر وانا شاف سعوديه نفس الحجاب قال فاسقه ومنحرفه

ايش هالتناقض
 
#68
الاقناع لا يكون بيوم وليله ولا بالاجبار ولا بالقوه ولا بالتخويف ... الاقناع يكون بتذكير الشخص بالرب ..وليس طوال الوقت ... الاقناع يجي بطريقه ثانيه ... الحين لما تقول لي بنت كاشفه بشعرها ترا حرام وعقاب الي تكشف كذا وكذا ?? وش بكون ردها ? بتقول بكل بساطه ادري انه حرام وادري كذا وكذا ولكن هذا شي بيني وبين ربي ... ف هذا التخويف ما اقنع ... الاقناع له طرق ثانيه بالادب وتجيبها بأسلوب يقنعها بعد فتره لانه الاقناع مايكون نفس الوقت ..

وجهة نظري
 
#70
الاستاذ عبدالله / الاقناع يكون بالتحبيب وهذا الأفضل وليس الاقناع بالتخويف . يعني انت مو تخوف الطفل او الفرد بااشياء اهو يكرها مثل النار وانه الله يحرقك وانه الله يعذبك . أقنعه باللي اهو يحبه مثلا الجنه انه مفتاح للخير وبالابتسامه اثناء الحوار وتحبب الشخص في عمله وتشجيعه هذا يجعله مقتنع . مثل الي بيسوي مشروع مايصلح تذكره بالخسائر والاشياء الي قد تنتج من الخساره واضرارها لانه راح يتوقف ويخاف ويتركه لكن لما تعلمه انه في انتاج مثمر وله فوائد تفيده بعدين وارباح ويستغنى بها اكيد يتشجع للمشروع . حياتنا مشروع للآخرة والهدف منها الجنه لذلك تذكره فيها .

رايي الشخص .
 
عرض العطلة
#73
بفطرة الانسان يحب صاحب المبدأ !
الامريكان يعرفون ان الاسلام للمرأه يعني الحجاب اذا شافك مسلمه ومو محجبه حتى الامريكي مابيحترمك حتى لو اظهر لك هالاحترام !

البلا اني اشوف رجل اعمال فرنسي متكفل بدفع غرمات الدوله للمحجبات فقط لابقاء هالشعيره لديهن !

وعندنا من تركب الطياره تلفه تلفه وتحطه بالشنطه !

ماما لاتتنقبي عشان ماتشغلك عيون الناس بس البسي لبس محتشم وغطي شعرك هذا المطلوب !
 
#74
بصراحة من الأخر احنا مشكلتنا نطالع في الناس ونستحقرهم كأننا جايين في الدنيا ملاك اكره ماعندي احد يتكلم ع ولد او بنت من ورا ظهرو طيب وينك ع الغيبة مو حرام برضو. الله يصلحكم كبرو راسكم واللي تشوفوه سوو وضعية المجنون ولا كأنكم شفتو بس لا تقولو شفت بنت مو محجبة والا ولد سكران او مع بنت اجنبية منت وليهم عشان تحاسبهم اتمنى يكون في معالجة الخطأ بطريقة سلمية مو بطعن او استنقاص فكرو فيها كويس
 
#75
نقطة مش في صلب الموضوع لكن احب انوه عليها ...لازم نحترم الاختلاف بان الحجاب ليس عند كل مذاهب المسلمين يعني تغطية الوجه او ان الحجاب لازم يكون عباءة سوداء ... البعض يعتقد بستر جميع البدن عدا الوجه والكفين والبعض يعتقد بالستر كاملا ... الامور اللي لا خلاف عليها هي الزينة ممنوعة عند الكل منها المكياج والعطر وكذلك اللباس الضيق واظهار الشعر وووو ... ماينفع نترك ذا كله ونحاسب ع النقاب والعباية وكان المرة من غيرها سافرة ... احنا في البلد نلبس اسود احتراما للعرف اللي ماشي عليه البلد لكن مو بالضرورة ان الشرع يحرم ماعداه
 
عرض العطلة
#76
اخت زينب الفديو والبوست مايتكلم عن كشف الوجه او تغطيته فهو في محل خلاف.... بقدر مايتكلم عن وجوب وجود الحجاب وتغطية الرأس باي شكل كان وهذا لا خلاف فيه في جميع المذاهب والطوائف كلها ..فهناك للاسف من قال انها حرية شخصيه والآخر من قال انه ليس من الاسلام اصلا وربطه بالعادات والتقاليد ...انا لم اطعن او استنقص بأحد ...وناس تقول ليش تتكلم عن الحجاب وهناك أشياء كثيره ممكن تتكلم عنها زي الغيبه او ماشابه،.. انا حاب اقول ان الفديو يتكلم عن اسلام فتاه وتمسكها بحجابها فمن الأفضل التكلم عن الحجاب بما انه له علاقه بالفيديو....والسلام ختام
 
#77
كفيت و وفيت يا سمير

نتائج هذا الحوار غالبا يبدأ وينتهي بهذه المحاور:

يقولون لك كشف الوجه فيه اختلاف

تقولهم هذا مو موضوعنا احنا نقول حجاب إسلامي مايبين الزينه

يقولون لك تفكيرك غير حضاري وثقافتك محدودة حتى بعد ما ابتعثتك السعوديه

تقولهم احنا سفراء لديننا قبل ديرتنا والمفروض نعكس ديننا اللي هو اصلا ثقافتنا ونعرف ثقافة غيرنا ونأخذ منها اللي ما يتنافى مع ديننا

يقولون اصلن انت ماتعرف تنصح والمفروض تنصحني بطريقه معينه

تقولهم انا ماني جالس أنصح
النصيحة لصاحب المعصية وليس للي مجاهر فيها وشايفها صح والدين غلط انا جالس اناقشك

يقولون لك اصلن انت مالك دخل فينا حنا أحرار

أقولهم طيب قولو من بدري أنكم أحرار ولا تجلسون تتناقشون بشي من 1435 منتهي
 
#79
انا ردي كان تعقيب ع رد هنا بين نزع النقاب كنوع من التحرر او السفور فحبيت احط توضيح او بالاحرى تذكير لوجود اختلاف بهالنقطة ... مش رد ع مقطع الفيديو مثل مانوهت في بداية ردي
 
#80
انا شفت من قبل الحلقة كاملة مع دكتور فيل .. كانت الحلقة تتكلم عن التربية وجابو اكثر من حالة من ضمنهم هذي ... هي مش مغنية عالمية مجرد هاوية .. عندها مشكلة من قبل انها فجاة تنغمس في شي معين ... اللي صار انها فجاة توجهت ميولها للسعودية وقررت تسلم وتروح هناك .. ايجابي جدا كان تغيرها انها اقلعت عن العادات السلبية وانتظمت حياتها .. تخوف الام كان بس قرار البنت انها تعيش في السعودية وهذا الامر الخلافي مش لكونها اسلمت .. عجبني في الحلقة ان دكتور فيل بين ان المشكلة مو بستايلها ولا معتقدها المشكلة فقط بانتقالها للعيش في السعودية لانه امر قد يكون صعب للي متعود ع الحرية بزيادة وذكرها ببعض القوانين عندنا بالسعودية للمراة وماجاب شي من عنده كل شي قاله فعلا موجود ... بس اهي كانت قابلة ماعندها اشكال تقول شبعت حرية خلاص ههههه وجاب اثنين مسلمين وتكلمو عن الاسلام لتحسين صورته امام الام والجمهور ان هذا الدين دين سلام ماله علاقة بالارهاب ... و في نقطة يمكن ماتعجبكم قالتها وحدة من هالاثنين نوهت ان الحجاب جزء من الاسلام لكن ايضا مش اجبار وان في كثير مسلمات مايلبسونه او يلبسونه بطريقة مختلفة ... الخلاصة عجبتني الحلقة ولقيتها مع الاسلام مش ضده ... عكس حلقة الفلسطيني
 
عرض العطلة
عرض العطلة
عرض العطلة
أعلى أسفل
عودة
قائمة