قصة عابده : مغنية راب أسلمت وتبغى تنتقل الي السعوديه للعيش هناك...وفي...

[SaMir Al Qarni]

قصة عابده :
مغنية راب أسلمت وتبغى تنتقل الي السعوديه للعيش هناك...وفي المقابل بعض بناتنا (وهم قله ولله الحمد)تعبر عن حريتها برمي حجابها والاستغناء عن حياءها وعفتها..........

الله اكبر ماعظم ديننا

 

[Hameed Almomen]

الحمدالله علي نعمه الاسلام .... بس مانقدر افهم ليش دائما نستنقص وننقد بناتنا وشبابنا ؟؟ الحمدالله انه المغنيه اسلمت وبس...

 

[SaMir Al Qarni]

لاني رأيت مايدمي القلب قبل العين ...لاكن ولله الحمد والمنه هم قليل ...

 

[Ahlam Ali]

ماشاء الله الله يثبتها ويهدينا

 

[Amal Samkari]

الله يثبتها ، اخوي الهدايه من الله ليس لأننا افضل أو لسبب منا !!
بل هي رحمة منه شملتنا.. و قد ينزعها مننا في أي لحظة
لذلك يجب علينا الا نغتر بعمل ولا بعباده
ولا ننظر بإستصغار لمن ضل عن سبيله!
فلولا رحمة الله بنا لكنا مكانه !!!
نقول لأمثلة البنات اللي شفتهم اللي يعافينا ولا يبتلي مسلمه اما اسلوب المقارنه والتنقيص من فئه يفهم عند البعض تعميم كما يأخذه البعض بالشموليه ثم يحكم على جميع المبتعثات بما ليس فيهم

 

[SaMir Al Qarni]

كلامك صحيح ولاكن انا لم أعمم ولذالك وضعتها بين قوسين وأكدت بأنهم قله قليل جداً ولله الحمد ...

 

[Dina Yassen]

الحمدلله علی نعمه الكثيرة.. لكن الاسلام لاينحصر علی الحجاب فقط احيانا نری افعال من شباب مسلمين ايضا ولكن لم يعلق احد عليهم علی الرغم من ان الكل محاسب.. الله يهدي الجميع

 

[Najwa Awad]

حرية شخصية الموضوع .

 

[Fatimah AlShafai]

ليش رابط الإسلام بالحجاب ؟!! يعني دول الخليج اللي مافيها حجاب إسلامهم اي كلام ؟! الإيمان أقوى من كذا والدليل ٩٩٪ من المبتعثين شرب و بنات لانستغبي بعض!! هذا احنا عايشين ونشوف بعيوننا! هذول وين إيمانهم و تربيتهم! كل يوم واحد اجنبي يسلم مااشوفكم قارنتوا.مشكلتكم المبتعثات من الفضاوه!!

 

[Abdulrahamn Saeed]

ياليت لو احد يعرف يجيب رابط الحلقه كامله ..

 

[Ziyad A. Alharbi]

اتذكر شفته قبل فترة بالفعل يستحق المشاهده لكن الأم رفعت ضغطي

 

[Dua'a Albluwi]

الانسان عندهم اذا صارت اخلاقه نظيفه يصير بنظرهم شخص غريب او ارهابي، بس اذا صار منحط فهو انسان طبيعي.

 

[Ziyad A. Alharbi]

غريب بالفعل هم الغرباء!

 

[Marwa Sogati]

ايش دخل الحجاب بالعفة والحياء ؟ اصلا ايش دخل قوة وايمان المرء بالحجاب؟ والله مستغربة ان في عقليات ودتها الحكومة امريكا وبرضها " هذا ما وجدنا عليه آبائنا" شي يجيب العصبي

 

[Abdulrahman Hrb]

ليه زعلانين من قصة الحجاب !
انا كمسلم جداً اقدر البنت الصريحه !
يعني ماتبغي تتحجبي وانتي عارفه انو غلط احطك على راسي واقول بسلامتك بينك وبين ربك !

لكن الفلسفه والخربطه وانو مو مقياس والحجاب عادي هنا اقول اووووص احترامي قوانين دينك !

كونك تخطأ وانت تعرف انه خطأ اهون من ان تخطأ وتنكر الخطيئه !

نكران اي فرض بالاسلام يخرجك منه !

نصيحه اذا نفسك قدرت عليك واخطأت لاتبرر لنفسك

 

[Marwa Sogati]

نكران اي فرض يخرجك منه؟ يعني اللي ماتتحجب كافرة ؟ محد انكر الحجاب ، لكن الفكرة انو مو مقياس فضيلة المرء وقوة ايمانو .الاخ الكريم وصف الي ماتلبس حجاب بأنها مستغنية عن حيائها وعفتها!

 

[Abdulrahman Hrb]

اذا الحجاب مو مقياس ايش المقياس ؟
ليش فرض الله الحجاب الا للعفه والفضيله !

يعني الحجاب ليه فرض على المسلمه ؟
تضيق مثلاً ؟؟؟!!

 

[Marwa Sogati]

من تجربة، فيه بنات مو محجبات ومحترمين نفسهم ولا لهم دخل في اعراض الناس.. وبنات محجبات يقذفوا ويتهموا ويحشوا ... فين الحياء من الله؟ الحياء من جوا قبل لايكون برة.. ايش الفايدة تغطي جسمها.. وعقلها نتانته طالعة ... الفكرة يا اخي الكريم ان الله هو اللي يحكم، مو احنا اللي نقول والله خلعت الحجاب يعني خلعت عفتها وحيائها

 

[SaMir Al Qarni]

شكرًا لكم جميعا بدون استثناء..لمن انتقد او اعترض أو دعم او نصح او أساء او استهزأ ...انا ماراح أرد لكي لا يطول النقاش ويوصل الى ابعاد بعيده تخرج عن اساس الموضوع وجوهره...كما قلت انهم قلة قليله ...كذالك هنا قلة قليله نراها الان في التعليقات من اساؤو للحجاب وهو جزء من الفديو واعتبروه انه ليس من الاسلام وكأني ارى ان هذا الفديو جاء ع الجرح ...وبدل من انهم يتعظوا هداهم الله بدأوا في النظر الي مخارج واعذار تخرجهم من مأزقهم...انا لست رجل دين افتي احلل واحرم ...إنسان عادي مقصر ولاكن لدي كتاب وسنه ارجع له متى اختلف علي شي...فنصيحه يامن تدعي الحريه ويا من لا ينسب الحجاب للإسلام بان ترجعي للقران و السنه وتتاكدي بنفسك مدى علاقة الحجاب بالإسلام ......اخيراً وليس آخراً ...انا أجزم بل أأكد بان هناك شباب او شابات محترمين متمسكين بدينهم في هذه البلاد من كان وراء هدايتها الي الاسلام ....

ملاحظه:انا لمن تكلمت عن الحياء والعفه لم اربطها بالحجاب فهناك فرق الله يوفقك .... وهم (قله القليله) فلا تفسري بكيفك وبلاشي الي يناسبك..

اسال الله الحي القيوم ان يهدينا جميعا لما يحبه ويرضاه وان يرينا الحق ويرزقنا اتباعه وان يرينا الباطل ويرزقنا اجتنابه...
شكرًا

 

[Abdulrahman Hrb]

الله !
ههههههه يعني اذا شفتي وحده تصلي بس انه سكيره عربيده ماتصلي انتي بسببها ؟؟

اذا المقياس على التصرفات الفرديه مابنخلص !

الغير محجبه ماتمثل الا نفسها والمحجبه بعد ماتمثل الا نفسها !

هاذي شريعه وقانون الاسلام !
ماله علاقه بتصرفات البشر !
اذا بطالع تصرفات الافراد وبطبق عليها حياتي بطلع من الدنيا خسران ..

حجابك لربك مو للبشر !