بسم الله الرحمن الرحيم
السلام عليكم رحمة و الله وبركاته
مقدمة:
أنا شخص أول مرة أسافر أوروبا و أول مرة أقدم على طلب فيزا + إني طالب فكان عندي تخوف من كثير أشياء إضافة إلى عدم وجود معلومات رسمية عن المتطلبات و غيره فكان التوجه للمنتديات لتجميع المعلومات و دمج التجارب و الحمد لله وجدت في هالمنتدى الكثير من الإفادات و التجارب اللي عطتني صورة واضحة عن الطلبات و الإجراءات كما أشكر كل من رد على استفساراتي في الأيام الماضية . للعلم التجربة حاولت أفصل فيها قد ما أقدر لتوضيح الصورة و ربما معلومة جانبية قد تفيد أحد بالإضافة إلا أني سأحدث الموضوع لحين استلام الجوازات إن شاء الله.
الموضوع :
نترك الان اللغة العامية و نخش بالموضوع
بداية قدمت عن طريق الموقع لحجز موعد و ظهر انه ما فيه مواعيد متوفرة وقتها توترت فعلا و بديت أكلم مكاتب عشان يستخرجون لي فيزا و الأسعار من 500 وفوق بدون قيمة المكتب و التأشيرة يعني تطلع للواحد ب900!!
بالصدفة كانت الصفحة حقت حجز الموعد موجودة على الجهاز ما سكرته و أحصل مكتوب أقرب موعد 25 يوليو قمت مباشرة و دخلت بياناتي و حجزت بتاريخ 3 أغسطس كونه يوافق يوم الخميس (ما عندي دوام بالجامعة) + قبل السفرة ب شهر واحد تقريبا فلو تأخروا علي يكون عندي متسع.
بعد حجز الموعد بديت أرتب الأوراق و فيه نقطة استوقفتن راح أبينه إن شاء الله
- كوني طالب ما أقدر أوفر تعريف عمل و تعريف راتب و كشف حساب + الوالد متقاعد
وكان الحل وضع الوالد كمتكفل و جبت له تعريف من مؤسسة التقاعد بالراتب عن طريق موقعهم + كشف حساب 3 شهور+ خطاب تكفل منه واحتياطا جبت لي تعريف من الجامعة.
بالنسبة للمتطلبات حاولت إني أقرأ كذا موضوع وجبت جميع الأشياء اللي ذكرت حتى لو كانت ماله فايدة قلت راح أجيبه لأن ما عندي استعداد أرجع مرة ثانية أو حتى أعطل الناس اللي أرقامهم بعدي.
الطلبات اللي أخذتهن معي :
1-الأبليكشن معبأ و موقع وعليه صورة وحدة
2-تأمين من التعاونية لمدة السفر
3-الجواز+ صورة منه للأربع الصفحات الأولى و لازم تكون موقع عليه
4- حجوزات الفنادق
5- حجوزات الطيران
6- صورة جواز الوالد + صورة هويته مترجمة
7- تعريف للوالد من مؤسسة التقاعد
8-كشف حساب الوالد
9-خطاب تكفل
10-تعريف لي من الجامعة
11-صورة هويتي مترجمة
12-صورة واحدة ملونة
طبعا هذا اللي جبته معي و غير ضروري انك تجيب كل اللي ذكرت لكن لكوني من القصيم و أداوم ترم صيفي و ما عندي الا يوم واحد أقدر أجي فيه للمكتب الموحد فحاولت أجيب كل شيء أقدر عليه + قمت بنسخ كل ورقة 4 نسخ ثنتين لي و ثنتين لأخوي كونه متقدم معي (الزود ولا النقص)
بعد ما جمعت الأوراق و رتبتهن حطيت أوراقي بملف و أخوي بملف و توجهت للمكتب الساعة 8 و موعدي كان 11:30 طبعا المبنى له بوابتين أمامية جهة المواقف و خلفية جهة الحارة و الأفضل الدخول مع الجهة الخلفية كون التفتيش الأمني أقرب من تلك الجهة و السرا يبدأ من هناك.
طبعا التفتيش ماراح يسألك عن موعد وغيره و راح يكون سريع و لا يدققون إلا على اللي معه شنطة أو أغراض كثيرة أما اللي مامعه شيء فقط يطلع اللي بجيبه من جوال و محفظة و يمشي بدون تفتيش و السرا مهما كان طويل راح يمشي بسرعة يعني ماله داعي إنك تحاول تسقط زي شخص اليوم يحاول يدخل بدون سرا مع انه جاي قبلي و بعد ما كرشه العسكري جاء قالي عادي أسقط عليك؟ قلت إستأذن من كل الناس اللي وراي و اذا وافقوا ما عندي مانع .طبعا رجع مسك سرا بالنهاية
أخوكم بالله دخلت عليهم بملفين و شنطة والجوازات غير الجوالات و المفاتيح فمباشرة دخلن بغرفة التفتيش و بدا يفتش الشنطة و الملفات لكن اللي استغربته انه اخذ اليو اس بي حقي و قال تاخذه من عند الأمانات لكن ليش ما أدري الصراحة؟ عموما دخلت و طلعت للدور الثاني عند حق الأرقام ووريته ورقة الموعد قال تعال 11:15 و أعطيك رقم
ووقته كانت الساعة 8:30 حاولت فيه لكنه رفض فانتظرت بالصالة وشاهدت أعداد العمالة بكثرة و المعقبين يجون ويعبون الأوراق بالمركز و قدام عيني فيه أشخاص جايين مامعهم شيء لا أوراق و لا ملفات ومعتمدين على المكتب يسوي لهم كل اللي يبون و كذا شخص يجي للمعقب و يقول السفارة الفلانية رفضون يقوله المعقب خلاص تعال الأحد و أضبطك بالسفارة الفلانية! لهالدرجة الناس ماعنده استعداد تسوي أي شيء؟ أو حتى تجيب معه أوراق ؟ يعني أدفع لواحد عشان يقعد أسبوع كامل يمرمطني بين السفارات ؟
عموما انتظرت بالصالة لين الساعة 11 وبعده رحت للكاونتر مرة ثانية لكن كان اللي يعطي أرقام شخص اخر و قدامي فيه شخص كان موعده الساعة 12 و مع ذلك عطاه رقم قمت عطيته ورقتي و عطاني رقم و توجهت للزون بي طبعا فيه منطقة للأفراد و منطقة للعوائل و المنطقة حقت الأفراد جدا صغيرة و مختلطة و ما تستوعب كل هالأعداد بينما منطقة العوائل أكبر بكثير
انتظرنا عند الشاشة و كان فيه مكتبين للسويسرية 39 و 40 و طلع رقم السويسرية و كان باقي على رقمنا كثير فانتظرنا و كان مكتب واحد هو اللي شغال و المكتب الثاني فيه شخص عربي (جنة المعقبين)
تاكين عنده أربعة و معطلين العالم على العموم بدت تمشي الأرقام وكانوا ينادون و مافيه أحد و بعد ثلث ساعة وصل الرقم اللي قبلنا فرحنا جهة المكتب عشان نكون جاهزين اذا نادونا وكان فيه أشخاص ومعهم بزارين وحريم للأسف واقفين عند المكاتب و مانعين الناس انهم يتحركون و بالنهاية واقف كذا بس بدون رقم ولا موعد و قاعد يسولف هو والمعقب .
وصل رقمنا و كان الشخص اللي بالمكتب هندي و شغل سريع سريع مجرد نظرة للأوراق بدون تدقيق أبدا يمكن وقفتنا عنده ماتجي 5 دقايق بعد ما شيك أوراقنا خلانا نوقع وبعدين طبع الإيصال و طلب منا المبلغ 746 لشخصين ومع الربشة أخوي عطاه 756 يعني زيادة 10 ريال اللي استغربته انه عد الفلوس و حطهن بالدرج و بعدين رجع لنا الباقي 10 ريال! حسب كلام كثير من الأخوان انهم يجبرونك تجيبه مصروف فاستغربت من تصرفه طبعا المبلغ عبارة عن 260 للفيزا و 108 للمكتب و 5 للرسائل. بعد الدفع أخذ أوراقنا و الجوازات و حطهن بملف ووداهن لغرفة التبصيم وقال انتظروا لما ينادون أسمائكم.
المشكلة كانت ان الموظف حق التبصيم جالس بوسط الغرفة و ينادي والغرفة جاية مقابل كراسي الإنتظار و صوت الناس مغطي عليه فما تقدر تسمعه الا إذا وقفت عند باب الغرفة. بعد ثلث ساعة نادى اسمي و دخلنا أنا و أخوي سوا أخذ صورنا و خلانا نبصم و قال توكلوا على الله و التسليم احتمال بعد أسبوع.
طلعت من المكتب الساعة 12:40 و بعده توجهت للشقة و بما إن لي أخ اخرعايش بالرياض سويت له تفويض باستلام الجواز و عطيته الإيصال عشان يستلمه.
اليوم الساعة 8 مساء وصلت رسالة ان الطلب تم إرساله للسفارة.
في نهاية الموضوع حبيت أحط مجموعة نصائح لعله تفيد:
1-لا تروح للمكتب بدري حاول تكون روحتك قبل موعدك بساعة أو نص ساعة عشان تقدر تأخذ رقم وماتنتظر زيي
2-كمل و شيك أوراقك ببيتكم مهب بالمكتب و لا تعطل الناس اللي بعدك بسبب إهمالك!
3- عيالك اللي أقل من 12 لا تجيبهم عشان ما تنشغل بهم و حتى ماتسبب زحمة أو إزعاج للاخرين
4- إذا اعتمدت على مكتب حاول تشيك أوراقك بنفسك و تأكد من التواريخ و باقي المعلومات حتى ما يسبب لك خطأ بسيط من المعقب خسائر كبيرة.
5- الموضوع جدا بسيط و سهل للي أوراقه جاهزة و كاملة
6- حاول تكون معك أكثر من نسخة للوثائق للإحتياط
7-طلاب الجامعة اللي يبي تعريف خلال فترة الإجازة ماراح يقدر يطبعه من خلال الموقع فتحتاج للذهاب للجامعة لأخذه.
مقدمة:
أنا شخص أول مرة أسافر أوروبا و أول مرة أقدم على طلب فيزا + إني طالب فكان عندي تخوف من كثير أشياء إضافة إلى عدم وجود معلومات رسمية عن المتطلبات و غيره فكان التوجه للمنتديات لتجميع المعلومات و دمج التجارب و الحمد لله وجدت في هالمنتدى الكثير من الإفادات و التجارب اللي عطتني صورة واضحة عن الطلبات و الإجراءات كما أشكر كل من رد على استفساراتي في الأيام الماضية . للعلم التجربة حاولت أفصل فيها قد ما أقدر لتوضيح الصورة و ربما معلومة جانبية قد تفيد أحد بالإضافة إلا أني سأحدث الموضوع لحين استلام الجوازات إن شاء الله.
الموضوع :
نترك الان اللغة العامية و نخش بالموضوع
بداية قدمت عن طريق الموقع لحجز موعد و ظهر انه ما فيه مواعيد متوفرة وقتها توترت فعلا و بديت أكلم مكاتب عشان يستخرجون لي فيزا و الأسعار من 500 وفوق بدون قيمة المكتب و التأشيرة يعني تطلع للواحد ب900!!
بالصدفة كانت الصفحة حقت حجز الموعد موجودة على الجهاز ما سكرته و أحصل مكتوب أقرب موعد 25 يوليو قمت مباشرة و دخلت بياناتي و حجزت بتاريخ 3 أغسطس كونه يوافق يوم الخميس (ما عندي دوام بالجامعة) + قبل السفرة ب شهر واحد تقريبا فلو تأخروا علي يكون عندي متسع.
بعد حجز الموعد بديت أرتب الأوراق و فيه نقطة استوقفتن راح أبينه إن شاء الله
- كوني طالب ما أقدر أوفر تعريف عمل و تعريف راتب و كشف حساب + الوالد متقاعد
وكان الحل وضع الوالد كمتكفل و جبت له تعريف من مؤسسة التقاعد بالراتب عن طريق موقعهم + كشف حساب 3 شهور+ خطاب تكفل منه واحتياطا جبت لي تعريف من الجامعة.
بالنسبة للمتطلبات حاولت إني أقرأ كذا موضوع وجبت جميع الأشياء اللي ذكرت حتى لو كانت ماله فايدة قلت راح أجيبه لأن ما عندي استعداد أرجع مرة ثانية أو حتى أعطل الناس اللي أرقامهم بعدي.
الطلبات اللي أخذتهن معي :
1-الأبليكشن معبأ و موقع وعليه صورة وحدة
2-تأمين من التعاونية لمدة السفر
3-الجواز+ صورة منه للأربع الصفحات الأولى و لازم تكون موقع عليه
4- حجوزات الفنادق
5- حجوزات الطيران
6- صورة جواز الوالد + صورة هويته مترجمة
7- تعريف للوالد من مؤسسة التقاعد
8-كشف حساب الوالد
9-خطاب تكفل
10-تعريف لي من الجامعة
11-صورة هويتي مترجمة
12-صورة واحدة ملونة
طبعا هذا اللي جبته معي و غير ضروري انك تجيب كل اللي ذكرت لكن لكوني من القصيم و أداوم ترم صيفي و ما عندي الا يوم واحد أقدر أجي فيه للمكتب الموحد فحاولت أجيب كل شيء أقدر عليه + قمت بنسخ كل ورقة 4 نسخ ثنتين لي و ثنتين لأخوي كونه متقدم معي (الزود ولا النقص)
بعد ما جمعت الأوراق و رتبتهن حطيت أوراقي بملف و أخوي بملف و توجهت للمكتب الساعة 8 و موعدي كان 11:30 طبعا المبنى له بوابتين أمامية جهة المواقف و خلفية جهة الحارة و الأفضل الدخول مع الجهة الخلفية كون التفتيش الأمني أقرب من تلك الجهة و السرا يبدأ من هناك.
طبعا التفتيش ماراح يسألك عن موعد وغيره و راح يكون سريع و لا يدققون إلا على اللي معه شنطة أو أغراض كثيرة أما اللي مامعه شيء فقط يطلع اللي بجيبه من جوال و محفظة و يمشي بدون تفتيش و السرا مهما كان طويل راح يمشي بسرعة يعني ماله داعي إنك تحاول تسقط زي شخص اليوم يحاول يدخل بدون سرا مع انه جاي قبلي و بعد ما كرشه العسكري جاء قالي عادي أسقط عليك؟ قلت إستأذن من كل الناس اللي وراي و اذا وافقوا ما عندي مانع .طبعا رجع مسك سرا بالنهاية
أخوكم بالله دخلت عليهم بملفين و شنطة والجوازات غير الجوالات و المفاتيح فمباشرة دخلن بغرفة التفتيش و بدا يفتش الشنطة و الملفات لكن اللي استغربته انه اخذ اليو اس بي حقي و قال تاخذه من عند الأمانات لكن ليش ما أدري الصراحة؟ عموما دخلت و طلعت للدور الثاني عند حق الأرقام ووريته ورقة الموعد قال تعال 11:15 و أعطيك رقم
ووقته كانت الساعة 8:30 حاولت فيه لكنه رفض فانتظرت بالصالة وشاهدت أعداد العمالة بكثرة و المعقبين يجون ويعبون الأوراق بالمركز و قدام عيني فيه أشخاص جايين مامعهم شيء لا أوراق و لا ملفات ومعتمدين على المكتب يسوي لهم كل اللي يبون و كذا شخص يجي للمعقب و يقول السفارة الفلانية رفضون يقوله المعقب خلاص تعال الأحد و أضبطك بالسفارة الفلانية! لهالدرجة الناس ماعنده استعداد تسوي أي شيء؟ أو حتى تجيب معه أوراق ؟ يعني أدفع لواحد عشان يقعد أسبوع كامل يمرمطني بين السفارات ؟
عموما انتظرت بالصالة لين الساعة 11 وبعده رحت للكاونتر مرة ثانية لكن كان اللي يعطي أرقام شخص اخر و قدامي فيه شخص كان موعده الساعة 12 و مع ذلك عطاه رقم قمت عطيته ورقتي و عطاني رقم و توجهت للزون بي طبعا فيه منطقة للأفراد و منطقة للعوائل و المنطقة حقت الأفراد جدا صغيرة و مختلطة و ما تستوعب كل هالأعداد بينما منطقة العوائل أكبر بكثير
انتظرنا عند الشاشة و كان فيه مكتبين للسويسرية 39 و 40 و طلع رقم السويسرية و كان باقي على رقمنا كثير فانتظرنا و كان مكتب واحد هو اللي شغال و المكتب الثاني فيه شخص عربي (جنة المعقبين)
وصل رقمنا و كان الشخص اللي بالمكتب هندي و شغل سريع سريع مجرد نظرة للأوراق بدون تدقيق أبدا يمكن وقفتنا عنده ماتجي 5 دقايق بعد ما شيك أوراقنا خلانا نوقع وبعدين طبع الإيصال و طلب منا المبلغ 746 لشخصين ومع الربشة أخوي عطاه 756 يعني زيادة 10 ريال اللي استغربته انه عد الفلوس و حطهن بالدرج و بعدين رجع لنا الباقي 10 ريال! حسب كلام كثير من الأخوان انهم يجبرونك تجيبه مصروف فاستغربت من تصرفه طبعا المبلغ عبارة عن 260 للفيزا و 108 للمكتب و 5 للرسائل. بعد الدفع أخذ أوراقنا و الجوازات و حطهن بملف ووداهن لغرفة التبصيم وقال انتظروا لما ينادون أسمائكم.
المشكلة كانت ان الموظف حق التبصيم جالس بوسط الغرفة و ينادي والغرفة جاية مقابل كراسي الإنتظار و صوت الناس مغطي عليه فما تقدر تسمعه الا إذا وقفت عند باب الغرفة. بعد ثلث ساعة نادى اسمي و دخلنا أنا و أخوي سوا أخذ صورنا و خلانا نبصم و قال توكلوا على الله و التسليم احتمال بعد أسبوع.
طلعت من المكتب الساعة 12:40 و بعده توجهت للشقة و بما إن لي أخ اخرعايش بالرياض سويت له تفويض باستلام الجواز و عطيته الإيصال عشان يستلمه.
اليوم الساعة 8 مساء وصلت رسالة ان الطلب تم إرساله للسفارة.
في نهاية الموضوع حبيت أحط مجموعة نصائح لعله تفيد:
1-لا تروح للمكتب بدري حاول تكون روحتك قبل موعدك بساعة أو نص ساعة عشان تقدر تأخذ رقم وماتنتظر زيي
2-كمل و شيك أوراقك ببيتكم مهب بالمكتب و لا تعطل الناس اللي بعدك بسبب إهمالك!
3- عيالك اللي أقل من 12 لا تجيبهم عشان ما تنشغل بهم و حتى ماتسبب زحمة أو إزعاج للاخرين
4- إذا اعتمدت على مكتب حاول تشيك أوراقك بنفسك و تأكد من التواريخ و باقي المعلومات حتى ما يسبب لك خطأ بسيط من المعقب خسائر كبيرة.
5- الموضوع جدا بسيط و سهل للي أوراقه جاهزة و كاملة
6- حاول تكون معك أكثر من نسخة للوثائق للإحتياط
7-طلاب الجامعة اللي يبي تعريف خلال فترة الإجازة ماراح يقدر يطبعه من خلال الموقع فتحتاج للذهاب للجامعة لأخذه.