كشتة بحرية

[جودى]

بسم الله والحمد لله على نعمه وفضله


اكيد اشتقتوا حق تقاريري من زماااااااااااااااااان

((أهلي في حياتي كالمطر بخير ودفئه وبرائحته ​

ومفاجآته ، يزرعون داخلي مليون زهرة ويتركون ابتسامة تملأ ​

القلب بالحياة )))

​

بالعادة زوارة الاهل يوم الجمعة
وكنوع من التغيير اختي اقترحت يكون الغداء بره البيت وبرعايتها

ومشاركة الجميع كل على راحته

والحمد لله الخير واااااااااااايد ومتوفر

كان التوجه الطلعة شوي لحم

وعرايس ودجاج وتوابعه ما لذ وطاب ,,,,,,,,,,

لكن بسبب القرار الصادر من المعنيين

تم منع الشوي على الواجهة البحرية منعا باتا مع اقرار غراميه ماليه كبيرة لمن يخالف
بقيمة 500 دينار

والموضوع صج مو لعب والحمد لله الكل ملتزم

وتم تخصيص اماكن معينة للشوي
لكن صراحة لا اعلم بأي مكان او أي شاطئ

تم الاتفاق على التجمع الساعه 2 الظهر ​

لكن هيهااااااااااات تلاقي مسفط بهالزحمة ​

ما شاء الله يومها الجو حلو لكن الهواء شوي عالي وبارد الحرارة كانت 15 تقريبا

وهذا اليوم هو بداية البرد عندنا بالكويت

وكل الناس على البحر

وما لك محط ريل (رجل) كناية عن الزحمة

والمواقف في المارينا فل تبارك الرحمن

اضطرينا نوقف السيارات بعيد شوي وننقل الاغراض بالتدريج

​

وهاللقطات بعدستي الصغيرة اهداء لكم

اعذروني الصور قليله ما قدرت اصور الناس حوالينا بكل مكان
وميتة من البرد ثلجت ومرضت

وللحين أعاني من الانفلونزا

الكويت عزك عزنا
يااااااااااااا كويت

وفرشنا على الارض عشان الصغار

ومعانا طاولات وكراسي للجميع

وبدينا نجهز العدة للغداء
الجو بارد ونحتاج طاقة نتدفئ شوي

​

 

[جودى]

كله شغل البيت ما شاء الله
ربي يسلم الايديات

ما عدا السندويشات من المطعم

صحني اللذيذ

حمص واخذت رمان من السلطة وزينتها
لذيذ

​

 

[جودى]

واكسرت الشموسة واختفت شوي شوي

وزاد الهواء وصار الجو ابرررررررررررررررد وكان ناقصنا شوربة العدس

​

حسافة ما مداني اسويها ​

الجايات اكثر ان شاء الله
لكن مقاومين مالنا خلق نرجع البيت

وعشان لا يطير كيس الزباله ( عزكم الله ) اللي نجمع فيه الصحون
ربطناه بالشجرة
عقل يفكرررررررررر

اختي استبردت وايد وتلحفت ببطانيه البيبي الصغير

ولقطات من البحر من بعيد
لأن هالمنطقة مفتوحة وايد والهواء تارس فيهااااااااااااا
اللي يبي يتجمد ينزل على الرمل جهة البحر ،،،​

ياويلي صقعة من قلب،،،،،،،،،،

النطاطية حق الصغار
وديناهم يلعبون عن الحنة والرنه

سبحان الله منظر الغيم عجيب

​

 

[جودى]

حياكم مدوا ايدياتكم لا تستحون !!!!!!!!!!​

وحان وقت الحلو
لاااااااااااااازم نقوم نجمع غريضاتنا متنا من البرد

كريسبي دونت ​

ما حبيته مو لذيذ

كيكة اللوتس شغل اختي

احلى كيكة وفازت بالتصويت وتم القضاء عليها - عوافي علينا
كيكتي

بنكهة حبة الحلوة ( الشمر ) عجيبة مع الشاي وترفة

موز حلو مجفف
سوالف تايلند اللذيذة

كيكة الجبن
جاهزة ​

رجعت معانا البيت ما اكلناها

والشاي والقهوة وشاي النعناع
لزوم التهضيم والدفى​

للأسف كان ناقصنا شاي بالحليب (اسم الدلع له حاليا كرك)​

عشنا وشفنا ​

غصب بيكشخونه !!!!!!!!

الزحلاقية حق العيال

وصار ظلمه وليل
اخييييييييييييييييييييه والبرد قارص قارص
ما ادري شللي حادنا

الحمد لله العيال بالنطاطية ومتدفين عدل وما ودهم يردون البيت

​

 

[جودى]

​

والناس خفواااااااااا كلهم انحاشوا من البرد

ربي يحفظكم ويخليكم

أخر وناسة وفله

فطايري - سبانخ طازة - شغلي ​

نعشيهم بالمرة عشان نرجع البيت ننخش بالفراش على طوول

وزوووووووووم على كيكتي اللذيذة

​

في هذه اللحظة انا خلااااااااااص تمكنت مني الانفلونزا بسبب الهواء البارد وتلحفت ما طلعت ​

الا عيوني

​

واستأذنت الجميع بالرحيل الى البيت قبلهم ​

خلااااااااااااص ما اقدر اقاوم بعد

​

والحمد لله بيتي قريب جدا دقيقتين انا واصله

​

وجهزنا عدة المرض

( الدواء والفكس والشاي باللموناظة

وتلحفت ونمت ) ​

ولي 3 ايام الحين وانا أعاني ​

الحمد لله على كل حال ​

اهم شي الوناسة مع أهلي وخواتي وعزوتي ماماتي ​

ربي يطول بعمرها ويخليها لنا يارب (شمعة البيت)

​

​

​

​

يارب احفظهم فرداً فرداً ولاتذقني ألم فراق أحدهم ​

وبلغني واياهم كل الخير ​

عائلتي عزوتي ،​

اصدقائي ،،​

اقاربي ،،​

وكل من أحسن إلي وذكرني بالخير ،،​

وكل من أحب ،،​

ومن أحبني ولم يغتابني ،،​

وجميع اعضاء منتدانا الغالي (بيتنا الثاني)،،،

​

تحياتي لكم جميعاً

​

ان شاء الله يعجبكم تقريري السريع ​

وهالله هالله بالردود السنعة اللي تونس

​

اختكم ،، ​

قصة حب ​

الكويت ​