جزر السيشل
- بادئ الموضوع جودى
- تاريخ البدء
في آخر جزء من الحلقة الرابعة
آخذكم بجولة ليلة على مرافق المنتجع لتتخيلوا الأجواء
وكذلك نمر على بوفيه العشاء
بوفيه العشاء كل يوم يتغير
وبصراحة أكلهم جداً ممتاز وهاي كواليتي
يعني أنا من أول بأقول المالديف أحسن والمالديف احلى
لكن البوفيه هنا أفضل من منتجع كرومبا بالمالديف
الطباخين مختلفين الجنسية منهم من السيشل نفسها ومنهم لبنانيين
حتى أنا أستغربت إن لبناني طباخ يشتغل هناك
المهم أترككم مع هذه الجولة اللزيزة
هذا طبق زوجي
وهذا طبقي
والآن موعد الفيديو
تنبيه خلفية موسيقية
أتمنى أن إستمتعتم معي بالحلقة الرابعة
وخلوكم معاي لأنهي التقرير بالحلقة الخامسة والأخيرة
لا تروحوا بعيد
الحلقة الخامسة (والأخيرة)
جزيرة ماهي ثم دبي
عادة (يعني من عوايدي) لما يجي آخر يوم سفر أقول: يالله عدت الأيام بسرررعة وأزعل عشان الإجازة خلصت
ماعدا مرتين في حياتي سافرت وكان شعوري مختلف
المرة الأولى: بلجيكا - بروكسل
المرة الثانية: جزر السيشل
نمت نومة عميقة أحلم بدبي
وصحينا آخر يوم لنا في الهيلتون - جزيرة سيلهوت
ما تصدقون الفرحة اللي جاتني وأنا أودع السيشل بكل ما فيها
بكل الذكريات ووبكل المواقف اللي مريت فيها
صرت أفرح وأنطنط وأقول أخيراً بنرجع دبي الحمد لله يا رب إني لسة بأعيش وأتنفس، فتحت البلكونة وأنا أقول: بااااااااااااااااااي سيشل
جهزنا الشنط من بدري وخططنا إن يكون آخر يوم في ماهي بالسيارة
لأن طيارتنا متأخرة ، الساعة 11 في الليل
يعني عندنا يوم كامل نلفلف ماهي
فتحت الباب لآخر مرة
نزلت وأنا أقول: باااااااااااااااااااااااي
يالله لقطتين على السريع ونحنا رايحين على الفطور
فطرنا كويس وقلنا الحمد لله
رايحن على الرسبشن عشان يوصلونا للبوت
من فرحتي بأقول لزوجي: والله كل شيء باين في عيوني حلو وملون
إلا زوجي قال: سلامة عينك يا قلبي هذا قوس قزح ..ألوان منجد ههههههههههههه
وأنا أقول: والله ........كل شيء أحسبه يتهيألي في هذي الجزيرة
لدرجة صرت ما أصدق وأحسب كل شيء تخيلات ههههههههههه
وقلت : يعني جات ونحنا بنسيب الجزيرة طلعلونا الألوان الحلوة وبيقولونا مع السلامة
ونحنا في سيارة البقي صورت البيت اللي عمره 200 سنة كان لصاحب
الجزيرة ويعتقد الآن إنه مسكون ، هذا هو
ما تصدقون حجم فرحتي قد إيش وأنا أقول: الحمد لله الحمد لله ..مع السلامة يا سيشل
هنا أتأكدوا من شنطنا وإنها كاملة ومو ناقصة وبعدين طلعنا البوت
داخل البوت
بعد 45 دقيقة وصلنا ماهي
ونحنا أستأجرنا سيارة طوال اليوم
مع سائق يلف بينا ماهي كلها ويكون معانا طول الوقت
السائق عرف بنفسه ورحب بنا
وفي السيارة أعطانا خريطة ماهي وقال: بألف بيكم كل جزيرة ماهي
وأوديكم كل الأماكن المهمة
يتبع
جزيرة ماهي ثم دبي
عادة (يعني من عوايدي) لما يجي آخر يوم سفر أقول: يالله عدت الأيام بسرررعة وأزعل عشان الإجازة خلصت
ماعدا مرتين في حياتي سافرت وكان شعوري مختلف
المرة الأولى: بلجيكا - بروكسل
المرة الثانية: جزر السيشل
نمت نومة عميقة أحلم بدبي
وصحينا آخر يوم لنا في الهيلتون - جزيرة سيلهوت
ما تصدقون الفرحة اللي جاتني وأنا أودع السيشل بكل ما فيها
بكل الذكريات ووبكل المواقف اللي مريت فيها
صرت أفرح وأنطنط وأقول أخيراً بنرجع دبي الحمد لله يا رب إني لسة بأعيش وأتنفس، فتحت البلكونة وأنا أقول: بااااااااااااااااااي سيشل
جهزنا الشنط من بدري وخططنا إن يكون آخر يوم في ماهي بالسيارة
لأن طيارتنا متأخرة ، الساعة 11 في الليل
يعني عندنا يوم كامل نلفلف ماهي
فتحت الباب لآخر مرة
نزلت وأنا أقول: باااااااااااااااااااااااي
يالله لقطتين على السريع ونحنا رايحين على الفطور
فطرنا كويس وقلنا الحمد لله
رايحن على الرسبشن عشان يوصلونا للبوت
من فرحتي بأقول لزوجي: والله كل شيء باين في عيوني حلو وملون
إلا زوجي قال: سلامة عينك يا قلبي هذا قوس قزح ..ألوان منجد ههههههههههههه
وأنا أقول: والله ........كل شيء أحسبه يتهيألي في هذي الجزيرة
لدرجة صرت ما أصدق وأحسب كل شيء تخيلات ههههههههههه
وقلت : يعني جات ونحنا بنسيب الجزيرة طلعلونا الألوان الحلوة وبيقولونا مع السلامة
ونحنا في سيارة البقي صورت البيت اللي عمره 200 سنة كان لصاحب
الجزيرة ويعتقد الآن إنه مسكون ، هذا هو
ما تصدقون حجم فرحتي قد إيش وأنا أقول: الحمد لله الحمد لله ..مع السلامة يا سيشل
هنا أتأكدوا من شنطنا وإنها كاملة ومو ناقصة وبعدين طلعنا البوت
داخل البوت
بعد 45 دقيقة وصلنا ماهي
ونحنا أستأجرنا سيارة طوال اليوم
مع سائق يلف بينا ماهي كلها ويكون معانا طول الوقت
السائق عرف بنفسه ورحب بنا
وفي السيارة أعطانا خريطة ماهي وقال: بألف بيكم كل جزيرة ماهي
وأوديكم كل الأماكن المهمة
يتبع
بدأنا الجولة وبداية كانت في قلب الجزيرة (فكتوريا)
حيث الأسواق الشعبية وسوق السمك
خلوكم معانا في السيارة
وقفنا السيارة وصرنا نمشي برجولنا
بس قلنا للسائق ما أقدر أمشي كثير بسبب قدمي
فياليت معظم الجولات تكون بالسيارة
معبد للبوذيين في فيكتوريا
سوق الخضار والفواكه
إكسسوارات وكلها من القواقع البحرية والكماكم
بسكويت خبز من دقيق الذرة خاص بأهل السيشل
هنالك إعتقاد من أهل السيشل نشروه بين السائحين
بأن من يأكل من هذه الثمرة سيعود لا بد للسيشل
(هذا كاف لكي لا نجربه ، فنحن لا ننوي العودة للسيشل بنوب بنوب)
يتبع
حيث الأسواق الشعبية وسوق السمك
خلوكم معانا في السيارة
وقفنا السيارة وصرنا نمشي برجولنا
بس قلنا للسائق ما أقدر أمشي كثير بسبب قدمي
فياليت معظم الجولات تكون بالسيارة
معبد للبوذيين في فيكتوريا
سوق الخضار والفواكه
إكسسوارات وكلها من القواقع البحرية والكماكم
بسكويت خبز من دقيق الذرة خاص بأهل السيشل
هنالك إعتقاد من أهل السيشل نشروه بين السائحين
بأن من يأكل من هذه الثمرة سيعود لا بد للسيشل
(هذا كاف لكي لا نجربه ، فنحن لا ننوي العودة للسيشل بنوب بنوب)
يتبع
سوق السمك
سمك القباب عندهم تسمى= بونيتو
أنا وزوجي لما نصيد (باركودا) ما نآكلها ونعطيها العمال
هنا الباركودا لها شعبية كبيرة
رد سنابر (النهاش الأحمر) من الأسماك الفاخرة
بائعي السمك : هذا البائع فللة مستعجل وماعنده لعب
سردين
من طقوس أهل السيشل تجفيف السمك
زحمة يا دنيا زحمة
يتبع
تابعنا جولتنا ولكن بعد أخذ إستراحات في كل كرسي أشوفه
وما في غير (مسكن ألم) والله يعينيي على المشي برجلي
دخلنا محل سوفنيير عشان نشتري ماغنيتز وهدايا
لقيت زوجي مبتسم وهو بيقول: أشتريت ماغنيت رهيب يذكرنا كويس
بالسيشل ، إحزري إيش هو؟؟؟؟؟
وأنا: إممممممممممممم إيش؟؟؟
تخيلوا إيش ؟؟؟
هذا
وأنا
مالقيت غير هذا ....أعوذ بالله ..الله لا يعيدها من أيام وزغ السيشل
أظن هذي الإشارة الوحيدة في السيشل كلها
هذا الرجل من السيشل مشغول بيعلق إعلان هنا وهنا
عرفت بعدين إنها لحفلة صاخبة
مرينا بجوار مكتب (ماسون) اللي السواق يشتغل عندهم
وصورتللكم هذا عشان تعرفوا نوعية الخدمات اللي يقدمها المكتب
يتبع
وما في غير (مسكن ألم) والله يعينيي على المشي برجلي
دخلنا محل سوفنيير عشان نشتري ماغنيتز وهدايا
لقيت زوجي مبتسم وهو بيقول: أشتريت ماغنيت رهيب يذكرنا كويس
بالسيشل ، إحزري إيش هو؟؟؟؟؟
وأنا: إممممممممممممم إيش؟؟؟
تخيلوا إيش ؟؟؟
هذا
وأنا
مالقيت غير هذا ....أعوذ بالله ..الله لا يعيدها من أيام وزغ السيشل
أظن هذي الإشارة الوحيدة في السيشل كلها
هذا الرجل من السيشل مشغول بيعلق إعلان هنا وهنا
عرفت بعدين إنها لحفلة صاخبة
مرينا بجوار مكتب (ماسون) اللي السواق يشتغل عندهم
وصورتللكم هذا عشان تعرفوا نوعية الخدمات اللي يقدمها المكتب
يتبع
ورجعنا للسيارة وتابعنا الجولة بالسيارة
ميدان الساعة
قلت للسائق: ماعندكم مساجد؟
وقال السائق نعم في مساجد وودانا عند المسجد عشان نشوفه
جامعة السيشل
مقبرة
كنا قريبين من المطار فلفتني الإعلان هناك وقال هنالك مسابقة
أو دورة ألعاب خاصة بجزر المحيط الهندي ومن ضمنهم المالديف
هذا الميدان يرمز للصناعات الأربعة الأساسية في السيشل
السياحة
صيد السمك
الزراعة
الأعمال الحرة الصغيرة
يتبع
ميدان الساعة
قلت للسائق: ماعندكم مساجد؟
وقال السائق نعم في مساجد وودانا عند المسجد عشان نشوفه
جامعة السيشل
مقبرة
كنا قريبين من المطار فلفتني الإعلان هناك وقال هنالك مسابقة
أو دورة ألعاب خاصة بجزر المحيط الهندي ومن ضمنهم المالديف
هذا الميدان يرمز للصناعات الأربعة الأساسية في السيشل
السياحة
صيد السمك
الزراعة
الأعمال الحرة الصغيرة
يتبع
- أحلى بارت في جولتنا في ماهي هي : قرية الحرفيين
CRAFT VILLAGE
معظم اللي هناك من أهل السيشل نفسهم يبيعوا أشياء هم يصنعوها بنفسهم
كل واحد له كشك صغير يشتغل فيه ويبيع فيه منتجاته
تلاقوهم اللي بيخيط واللي بينشر واللي بيلون واللي بيحفر واللي بيشتغل على الحديد
واللي بيركب واللي بيرسم واللي ...واللي.... كل واحد عنده مهنة وحرفة بإيده
الآن تعالوا معاي في جولة في بعض الأكشاك
يتبع
إذا كان أحلى بارت في الجولة : قرية الحرفيين
فهذا الكشك هو أحلى كشك في القرية
متخصص في صناعة السفن الخشبية
رررررررررررروعة ، دقة ، فن
عرفنا أن هذه السفن ستكون في متحف في باريس
أنا عن نفسي أتسمرت في المحل وما رضيت أخرج منه
رائع رائع ....شيء فوق الوصف
الفنان جوة في الورشة رحت أسلم عليه وأدردش معاه
شوية وأقوللهم أعطوني أسوي سفينة أنا كمان
أي مهندس معماري سيحب هذه الورشة
جميعنا أخذنا مادة الـ Modelling في البكالوريوس
دقة وإحترافية
لاحظوا الشبابيك الصغيرة تفتح كمان
طلعنا وشفنا رسامة من بعيد
بترسم البيت ، دردشنا معاها وهي سيشيلية
رسمها حلو ومتقن
أنتهت جولتنا في قرية الحرفيين ورجعنا السيارة وأنطلقنا نكمل
رحلتنا في جزيرة ماهي
يتبع
-
أكملنا جولتنا في جزيرة ماهي
وصلنا لمطعم على الشاطيء لتناول طعام الغداء
مطعم سيشيلي
ارضيته بالتراب
المطعم نفسه ما يشجع لكن اللي مصبرنا الفيو الحلو
مسابقة: خلال ثانيتين فقط ، فين الوزغ في الصورة؟
آه ياربي ..بآكل الغداء وقدامي الوزغ مو راضي يروح
الغداء جمبري مشوي
أكملنا الجولة
يا حليلهم طلاب الإبتدائية
يتبع
- السائق قال: تبغوا شاطيء تسبحوا فيه أو ترتاحوا فيه؟
قلنا: طيب
وودانا السائق لـ Public Beach
شاطيء عام بجوار فندق Constance
هذا الفندق كنا نفكر ننزل فيه والحمد لله مانزلنا فيه
لأن شاطئهم الصراحة مو حلو وبجوار الشاطيء المفتوح
يعني على قد المواقف اللي صارت في هيلتون سيلهوت، فهي ارحم من هذي الزحمة والزيطة
هنا صار لنا موقف غريب ومضضضضضضضضضضضحك
والله كل ما أتذكر أضحك من كل قلبي
قررنا نتمدد على الشاطيء وجبنا معانا فرشات وحطيناها على الرمل
وأتمددنا على ظهرنا ووجهنا على السماء ..تحت الشجرة
وبالضبط هذي الصورة اللي صورتها ونحنا متمددين على ظهرنا
تحت هذي الشجرة
وقعدنا نتكلم بحسرة عن هذي الإجازة ..وإيش اللي خلانا نيجي السيشل
والحوادث و..و...و...و..و....و....و.....و....
وفجأة
تخيلوا ونحنا بنتأمل في الشجرة .. إلا (كلب) أكرمكم الله
حط وجهه فوق وجهنا ومنزل لسانة ...
ههههههههههههههههههههههههههههههه
كلب ضال من الكلاب اللي في الشوارع .. ونحنا
آآآآآآآآآآآآآآآآآآآآآآآآآآآآآآآآآآآآآ
والله فزينا من مكاننا ... ههههههههههههههه
والله والله والله أحلفلكم إنو كان بيطل فيني ... وأنابأفجعه وأقوله روح بعيد
أخوفه ولا يخاف .... وفضل يطل فيني بسم الله الرحمن الرحيم
والله العظيم شككني في نفسي ... هههههههههههههه
يلتفت بعيد ويرجع يطل فيني وسرحان كمان
إيش بو هذا ؟؟؟
إيش يبغى ؟؟؟
أقول لزوجي: شوف الكلب بيطل فيني..أضربه ..
أتفاهم معاه قول له خليه يوللي
والله زوجي بيده يفجعه ولا يتحرك من مكانه متسمر يطل فيني..أنا بالذات
وأنا قسماً بالله إنو خلالالالاص فجعني .. قلت هذا إيش حكايته؟؟؟؟؟؟؟
وفي النهاية رخى راسه .. كأنه يقول: طيب وبعدين راح
أنا قلت : خلالالالالالالالالالاص ذا إتز إيت .......
I hate you Seychelles
لمينا فرشاتنا أو بالأصح رميناها في أقرب زبالة أكرمكم الله
ورحنا نكمل جولتنا ووصلنا لقمة جبل عندهم محل شاي
TEA SHOP
سيدة سيشيلية تبيع الشاي
سعفة متميزة يسميها أهل السيشل بـ هارت ليف على ما أذكر
ورقة القلب
يتبع
- بجوار محل الشاي تمتد مزارع الشاي
وهي ملك للحكومة السيشيلية
ونحنا في الجبل شفنا واحد عند الجبل بيسوي شيء
قلت للسواق: وقف شوف هذا إيش بيسوي؟؟
زوجي قال: لقااااااافة ..
هههههههههههههه
طلع الآدمي بيعبي موية من الموية النازلة من الجبل
والسواق قال: هذي مياه عذبة ولكن لا بد أن تغلى عشان تنقتل الجراثيم
اللي فيها وتصبح صالحة للشرب والطهي بعدها
.
السيشل دولة مسيحية وتلاقوا الصليب هنا وهناك
أنا هنا خلالالاص الطاقة عندي صارت زيرو
وقلت لزوجي مستحيل أستحمل التعب لين الساعة 11 الليل
زوجي أقترح إننا ننزل في فندق عشان نرتاح فيه ونآخذ دوش
السواق عمل إتصالاته فلقالنا فندق 3 نجوم بلس
ويحسبولنا مو ليلة كاملة ، فقط 150 دولار من الساعة 5 للساعة 10 مساءاً
هذا ملعب (الإستاد) كرة القدم الخاصة بالفريق السيشلي
إتجهنا للفندق وطلع نظيف الصراحة ومرتب
إسم الفندق :
The Wharf Hotel & Marina
استقبلونا بمناشف باردة وعصيرات
ودعنا السائق وقلناله يجي على الساعة 9:45 عشان نروح المطار
يتبع
في المطار..أفرك عيني ماني مصدقة إني بأقرأ كلمة (دبي) على الشاشة
عملنا تشيك إن وأرتحنا لين موعد الإقلاع
وأنا طول الوقت زي كدة
وطلعنا لطيارة الإماراتية
ياللله والله احس إني أركضلها ركض ..
وصلنا دبي بالسلامة والحمد لله والشكر لله
وهذي شنطنا وصلت بالسلامة
وبهذه الصورة أختم تقريري
وهي صورة ألتقطتها بعد الفجر وقت وصولنا
وأنا أقول الحمد لله يا رب وصلت بيتي بالسلامة
HOME SWEET HOME
موعد الفيديو
تنبيه خلفية موسيقية
ما أعرف في نهاية كل تقرير أشعر بحزن على فراق قرائي الأعزاء
بالذات اللي تابعوني منذ البداية وحتى النهاية
وما أقول غير شكراً لتشجيعكم وإطرائكم اللي أعطاني دافع اكمل التقرير
وأتمنى من الله ان قدمت لكم شيء مفيد
وسامحوني لو ضايقتكم بالحكاوي اللي صارت لي
السموحة منكم .. ولكن السفر تجربة ..
وجميل ان نتشارك بتجاربنا وذكرياتنا
الكل يسألني: المالديف أحلى أو السيشل؟
قلت بأفرد موضوع كامل لأعمل لكم مقارنة لا يدخل فيها مشاعري الشخصية
وهذا سيكون في موضوع مستقل إن شاء الله
إن أصبت فمن الله وإن أخطأت فمن نفسي والشيطان
وإلى لقاء آخر في سفرة حلوة أخرى من سفرات أختكم معمارية
THE END
منقول للإفادة و كل الشكر و التقدير لصاحبة التقرير دكتوره معمارية