قطر الحبيبة

[جوومانه]

السلام عليكم ورحمة الله وبركاته

سعيدة جدا انِ ولأول مرة أكتب في بوابة قطر الحبيبة هذة البلد اللي حبيتها واللي زرتها أكثر


من مرة وفي كل مرة نقول هذة المرة الأخيرة لكن الشوق يردنا ثاني لها


مع العلم مافي شي جديد هي نفس الأماكن اللي كل مرة نزورها ومع ذلك تظل هي المفضلة


عندي واللي نفسياً أرتاح فيها


وصراحة أنا ماقدر أضيف أكثر عالكلام اللي ذكره الأخ إبراهيم في تقريره المثبت في البوابة

هو نفس الشعور

كانت رحلتنا عن طريق البر واللي المفروض تكون مدتها 5-6ساعات لكن للأسف بسبب الزحمة


قضينا 11ساعة نعم 11ساعة



عموما ماحسينا بالمدة الطبيعة من حولنا مو مصدقيني شوفو

وبحيرة بعد

شايفين ومن هنا ابتدأ المشوار الأليم

الحق ينقال على هالزحمة في الجمارك السعودية لكن كان الخط يمشي


وهذة المحطة لازم منها

جمارك قطر وهنا غرزنا مادري إِيش المشكلة يومتها لكن السير كان واقف والنَّاس


ضاقت أخلاقها وصارو يتهاوشو مع بعض وأصوات البواري علّيت صراحة الوضع كان جدا


صعب وأول مرة يصير كدا

نحنا طلعنا من البيت الساعة 9ونص

شوفو الساعة كم صارت

وأعتذر على صور زجاج السيارة المتسخ


في كل مرة نزور قطر كنّا نسكن في فنادق مختلفة وفي كل زيارة كان في خاطري أسكن في


سوق واقف لكن في كل مرة نحجز عن طريق بوكنق مانحصل إلا فنادق قريبة من السوق لكن


هذة المرة كان فندقنا في قلب سوق واقف وحجزنا كان عن طريق الفندق مباشرة كم مرة قلت
(كل)


فندقنا من مجموعة فنادق سوق واقف (المشيرب-الجسرة-أرميلية-المرقاب-البدع-نجد-الجمرك-


بِسْم الله )هو كدا اسمه

وفندقنا كان المشيرب وهو 5نجوم


الحجز من تاريخ 11مارس-16مارس


5ليالي وهي مدة كافية جدا لزيارة قطر


نوع الغرفة 1double deluxe roomشامل الفطور ويوجد نت والسعر 5430ريال قطري


عند الحجز اتصلنا عالفندق علشان نتأكد اذا الغرفة مناسبة لعدد 2كبار و3أطفال


خبرونا انها مناسبة لكن نحتاج سرير إضافي وهذا سعرة 100ريال عن كل يوم


وتم الحجز


بعد الحجز حصلنا الفندق موجود في بوكنق وتقريبا نفس السعر




وصلنا سوق واقف وهذا فندق أرميليه وهنا توقف سيارتك عند فندق أرميليه ويجي الموظف

يأخذها منك

وأتعرفو على اللي لابس الغترة البيضاء أنتظر أجوبتكم

زي ماذكرت توقف سيارتك عند فندق أرميليه والموظف يأخذ السيارة ويوقفها في الموافق وانت


تمشي الين فندقك المسافة قريبة لأن أرميليه في المنتصف بين مجموعة الفنادق


والفنادق الثانية السيارات ماتدخل لها بس للمشاة


وهذا فندقنا

وبطانية زيادة

تكرمون

وعشاء في الغرفة بعد التعب

المنظر من الغرفة

وأحلى إستقبال

ونوووووووووووووووم

​

 

[جوومانه]

حابة أتكلم عن الفندق اللي نزلنا فيه(المشيرب)

لمن حجزنا ماكان عندنا علم بمجموعة فنادق سوق واقف حجزنا أول فندق طلع معانا في البحث

ولمن وصلنا أول شي تفاجأنا بحجم الغرفة واللي صغيرة وماتكفي عددنا هي تناسب شخصين
او شخصين وطفل

أدوات الكي ماكانت موجودة وطلبنا منهم


الفندق متعب فيه طلعة طويلة علشان توصله

حجزنا كان مع الفطور لكن الفطور مو في نفس الفندق (نعم)

بما اننا من نزلاء فنادق سوق واقف نقدر نفطر في اي فندق منهم

لكن فندقنا مافيه بوفية وإذا نبغى نفطر نروح اي فندق من الفنادق الثانية وكمان مافي مسبح

وإذا نبغى المسبح لازم نروح فندق المرقاب تقريبا 5 دقايق مشي

هذا النظام الغريب ماعجبنا خصوصا ان الفطور والمسبح من الأشياء المهمة عندنا

الفندق جدا هادي ويكاد يخلو من البشر

طبعا اللي يحب يسكن في سوق واقف وخايف من الإزعاج انصحه بهذا الفندق صراحة هدوء
ولاتحس بالسوق

المهم صحينا الصباح ورحنانفطر في فندق الجسرة بجنب فندقنا اول ماتطلع من الفندق هو عااليمين


فندقنا

وهذة الطلعة المتعبة اللي أقولكم عليها

وعلى يسار الفندق

مدخل الفندق

انا صورت البوفية بشي من التفصيل لمن يهمه الأمر

طاولتنا

فطورنا

نجفتنا

بالنسبة للفطور كان عادي ومافي تنويع كثير

الحمدلله انتهينا من الفطور واللهم أدمها نعمه وأحفظها من الزوال

وعلى سوق واقف

وبروح أنام الحين ونكمل بعدين

​

 

[جوومانه]

ونكمل

مازلنا في اليوم الثاني وبعد مانتهينا من الفطور رحنا على سوق واقف وبالتحديد فندق المرقاب

كنّت أبغى اشوف المسبح ونعرف المواعيد

كمان المسبح فاضي ومافي أي موظفين

صورت كم صورة وعرفنا المواعيد وبنرجع ان شاء الله بالعصر نسبح علشان وقتها الشمس كانت قوية

هذا فندق نجد قبال المرقاب

زلابية وحلوى من هون

وساعات من هون

يسوي الحلوى قدامك

قسم الطيور واللي صار لازم يوميا نعدي عليه

ونرجع نكمل بعدين

​

 

[جوومانه]

الزلابية هي نوع من الحلويات المكونة من الدقيق الناعم والسكر والدهن والصبغة، وتصنع على شكل مشبك مستدير الشكل يبلغ حجمه أكبر قليلاً من راحة اليد، بينما يقوم البعض بعمل احجام اصغر منه. وتوضع الخميرة على الخليط الذي يترك حوالي اثنتي عشرة ساعة قبل تصنيعه. ويتم تشكيل الزلابية بصب العجينة الرخوة – التي تحتوي على كمية كبيرة من الماء – في المحقان (القمع) الذي يصبها بدوره في المقلاة الموضوعة على النار في أثناء غليان الزيت فيها. فاذا تمت عملية الغلي تنقل الزلابية من المقلاة بواسطة الملاّس (المغراف) ليتم غمسها في الشيرة لفترة بسيطة وتكون بعد ذلك جاهزة للأكل.

وتعتبر الزلابية من أهم حلويات الشتاء وشهر رمضان المبارك، حيث يقبل عليها الكويتيون بشراهة في الغبقات بعد الافطار وفي السحور وفي الدواوين. ويصنع معظم الحلواجية الزلابية التي تباع بالوزن في سوق الحلوى، حيث تعرض في صوان كبيرة وقد تم صفها على شكل هرمي لجذب المارة والمتسوقين الذين كانت أنواع الحلويات المتاحة لهم محدودة في الايام الخوالي، وكانت الاوقية من النوع الجيد تباع بحوالي روبية واحدة بينما تباع الانواع المصنوعة من المواد الخام الرخيصة بست انات، او اقل .

ويذكر ان في مقدمة الذين اشتهروا بصناعة الانواع المميزة من الزلابية في الماضي المرحوم يوسف النقي والمرحوم نصير عوض بهبهاني وعدد من صناع الحلوى المذكورين سابقاً، وقد توقف معظم صناع الزلابية الكويتيين عن ذلك العمل في بداية الخمسينيات بعد ان انتشرت الانواع التجارية الرخيصة في المحال التي افتتحت انذاك في سوق الدعيج وغيره من الاسواق.



هذه الزلابيا ​

 

[جوومانه]

نكمل

ومازلنا في اليوم الثاني (يادا اليوم اللي مايبي يخلص)

بعد الجولة السريعة في سوق واقف رجعنا فندقنا نريح وبعدين قررنا نروح مجمع سيتي سنتر


وبالتحديد لي صالة التزلج لكن مايمنع نتسوق شويه (حريم مافي فايدة)

في الطريق

وصلنا المول و قطعنا تذكرة التزلج

سعر التذكرة 35 ريال لمدة ساعة و45دقيقة تقريبا

صالة بلياردو وبولينق بجنب صالة التزلج

داخل السوق

كنّا مخططين نتغدى في ناندوز لكن شفنا مطعم ديوانية البخاري وسمعت عنه كثير قلت خلنا نجربة وهو موجود في منطقة المطاعم


وهذا طلبنا

والحمدلله الأكل مش بطال


رجعنا فندقنا ريحنا وصلينا وعالمسبح

وصورة أخيرة للغروب

في طريقنا للفندق

عشانا

وأختار الحشوات

أكلات شعبية

(مرقوق-جريش-هريس-مكرونة-نخي-كباب-سمبوسة -مضروبة)هذا اللي أفتكرة

وبكذا انتهى يومنا الثاني وتصبحون على خير وأحلام سعيدة​

 

[جوومانه]

ونكمل

اليوم الثالث في الدوحة أخترنا في هذا اليوم نفطر في فندق البدع (ايه ايش علينا كل يوم في فندق)

وإليكم الصور

المدخل

وفي محلات داخل الفندق

طاولتنا

نجي للفطور

إختياراتنا

وكالعادة بالتفصيل لمن يهمه الأمر

بوفية الفندق هذا عجبني فيه تنوع أكثر بانكيك ووافل وأم علي

والمكان وطريقة التقديم يفرق في التقييم زي ماتشوفو المكان هنا أحلى وأشرح والنور داخل المكان

ولازم بعد الفطور الزين نهضم الأكل وعلى سوق واقف

أم حسين ماتبين شي

وأشتريت للغالية من هذة المباخر وكتبت عليها إسمها

وتعبت خلاص نكمل بعدين

​

 

[جوومانه]

ونكمل

مازلنا في اليوم الثالث

بعد جولتنا في سوق واقف رجعنا الفندق ريحنا وانتظرنا الين بعد الظهر صلينا وطلعنا ووجهتنا

اليوم الغذاء في ناندوز فرع حياة بلازا وبعدين على حديقة إسباير بما انهم بجنب بعض

وصلنا حياة بلازا وكان في المواقف خدمة تنظيف السيارات قلنا للعامل ينظف السيارة على بال مانخلص غداء

واللي صار دخلنا المول ولقينا ناندوز قافل للتجديد طبعا ماقدرنا نرجع علشان سيارتنا

يبيلها وقت حتى تخلص اضطرينا نتغداء في تشيليز مع العلم مش من محبين هذة المطاعم

(تشيليز-أبل بيز -فرايديز)والطقة هذة


وهذا ناندوز

تشيليز

طلباتنا

الحمدلله عالنعمة الأكل ظل مثل ماهو


المول

دخلت أشوف دايسو القطري زي السعودي

أخذت هذا للسفر ينفع

وهذا بعد حلو للجوازات

المحل كبير لكن ماشفت اي اختلاف عن اللي عندنا

بالنسبة للمول صغير وفيه كم محل ومنطقة ملاهي للأطفال وسوبر ماركت كارفور وتقريبا 3مطاعم

وخلصنا لف في المول وأبشركم نزلنا لقينا سيارتنا تلق (ماعرفناها) وثاني يوم مطرت

وعلى حديقةإسباير

مطعم حلو ديكوره

كافيه

وأحلى جلسة في الجو الجمييييل

غروب

نفس المطعم بالليل

الحديقة جدا جميلة وجدا كبيرة وفيها مطاعم وكافيهات وممكن تأجرون قوارب وتأكلون البط مع العلم بطهم شبعان

وماشاء الله الأمن منتشر في كل الحديقة


وبجنب الحديقة فيلاجيو مول يعني فرصة تزورونهم اثنينهم في يوم واحد


كان يوم جميل في الحديقة ويلا نرجع سوقنا

يا القطري مالقيناك

وأشترينا شعبيات وعالفندق


ويلا شدو الهمة

وبكذا انتهى يومنا الجميييييل


​

 

[جوومانه]

ونكمل

اليوم هو اليوم الرابع في قطر في هذا اليوم كان فطورنا في فندق المرقاب

يلا نشوف فطورهم



هذا صباب القهوة على مدخل البوفية

مكان البوفية هنا جدا صغير

مع العلم هي نفس الأصناف الموجودة في فندق البدع مع أختلاف بسيط في صنف او اثنين

سؤال لي فارس من خيال من ضمن الأصناف الموجودة في البوفية كان يوجد طبق البلاليط
سؤالي ماهو البلاليط

وفيه جلسات خارجية ممكن تفطرون فيها مو هذة الجلسات اللي في الصورة لا اللي داخل عند الشبك الأسود

هذا فندق "بِسْم الله"

ولازم من الجولة الصباحية في السوق اليوم حنروح ناحية الحرف اليدوية

ورجعنا فندقنا ريحنا ومخططنا اليوم هو زيارة كتارا

ماهو كتارا

كتارا هو الحي الثقافي حيث تجتمع الثقافة والإبداع تعكس كتارا إرث الفن المعماري في المنطقة

كما تحفل مسارحها وقاعاتها بعروض متنوعة على مدار العام تشمل الحفلات الموسيقية

والعروض والمعارض الفنية ولا يقتصر على ذلك بل يشمل خيارات مطاعم رفيعة المستوى فضلا عن الشاطئ الخاص الواسع الغني بخيارات الرياضات المائية

المصدر( إكتشف قطر)


في الطريق لكتارا

وصلنا وماشاء الله المواقف كلها مليانه وكلها من ربعنا

حيّا الله الربع

وأضطرينا نوقف بعيد

وهذة أسعار الأنشطة المائية

الشاطئ

وهذة جلسات خاصة بالمطاعم

تعليمات عن الشاطئ

في هذا اليوم مافي اي كلام او شاعر ممكن يوصف جمال الجو كان جدا جدا جدا جميل

شوية شمس على غيوم ورشة مطر وهواء جميل

دخلنا أقرب مطعم خفنا المطر يشتد علينا


وهذا مطعمنا

سكر باشا وهو مطعم تركي


ماشاء الله المطعم مليان انتظرنا قرابة نص ساعة الين جاء دورنا

جلستنا

المنيو

صورت المنيو علشان تأخذو فكرة عن الأسعار

وهذة طلباتنا

يشوي اللحم برى

الأكل كان جدا لذيذ والكمية مضبوطة

حسابنا طلع 300 وشوية

والحين نتجول في كتارا

مطعم زعفران الهندي

المسرح الروماني

مجسمات براقع

وهذا المطعم ماعجبنا تعاملهم طلعنا وخلينالهم المطعم هذا الكلام السنة اللي فاتت

وهذة جلسات جديدة على الشاطئ ماكانت موجودة السنة اللي فاتت وفي حولها أكشاك يبيعوا الأكل الشعبي والكرك وكريب وايس كريم وغيره جدا جميل وأضاف للشاطئ

وهذة اسعار رحلة الجندول ان شاء الله تكون واضحة

هذة صور رحلة الجندولا للسنة اللي فاتت

وهذا محل يبيع بانكيك من هولندا كان ودي أجربة بس ماشاء الله زحمة

سلاش

راجعين السيارة

وهنا ساعدنا رجل الأمن وقف السيارات علشان نقطع الشارع وظل معانا الين أتأكد اننا وصلنا سيارتنا

وشوية مطر

في طريقنا للكورنيش

وأخذنا جولة بالمركب لمدة نص ساعة 150ريال

هذا مو إحتراف

وعالفندق

وبكذا خلص أحلى يوم في قطر






​

 

[جوومانه]

هذه البلاليط
الشعريه

المقادير :

نص جيس شعريه مكسره باليد

كوب ونص شكر

ماي ساخن يغطي الشعريه

جم حبه هيل عدل

هيل ناعم وزعفران منقوع حسب الرغبه

قفشتين كبار زبده او حسب الرغبه

قروص بيض ( بيض مخلوط مع ملح وفلفل اسود ورشه هيل نحطه بمقله حاره ويفضل تيفال )

الطريقه :

ناخذ جزء من الشعريه ونحمرها بالزيت لين تتحمر

نذوب كوب الشكر بالماي ونضيف له الهيل ونوعين الشعربه ونتركه يفوح ويقلب قلبتين ونشخله ( ما نطول عشان لا يلجج )

نذوب الزبده بالجدر ونضيف لها الشعريه وباجي الشكر والزعفران والهيل الناعم ونخلطهم كلهم مع بعض ونتركه على نار خفيفه لما يتسكر .. واذا احتاج زبده على الزيده نضيف لها

نقدمه وفوقه قرص البيض ونرشه بالهيل الناعم على الويه ويقدم بالف عافيه
​

 

[جوومانه]

ونكمل

اليوم هو يوم ماقبل الأخير وقربنا نودع قطر

بعد مالفينا في كل فنادق واقف وجربنا فطورهم استقرينا على البدع فطورنا في هذا اليوم كان فيه

خلاص البوفية وعرفتوه

في طريقنا للبوفية

وهذا فندق ارميله مادري ليه مُصرة انه ارميليه (ارميله-ارميله-ارميله)

اللي عااليسار فندق البدع

وخلصنا فطور وعلى جولتنا المعتادة أعتذر منكم زهقتم بصور السوق


هذا مطعم بندر عدن قبال فندق البدع

وخلف المطعم فندق الجمرك

وهذة الساحة قبال فندق الجمرك

هنا الحمام يجتمع للأكل

محاولة

انا هنا كنت واقفة بجنب فندق الجمرك والواي فاي شغال زي الحلاوة جالسة أصور سنابات وأرسل فرصة بئ

وبما ان اليوم آخر يوم تسوقت شوي


دخلت هذا المحل وماكان ودي أطلع

وهذا عجبني ماشفت زيه عندنا

وهذا بعد كثيييير حلو اشرب قهوتك وكل فنجانك

شفت زيه عندنا بس ماذكر وين

كل يوم كنّا نشوف طلاب المدارس

هذة السيارة كانت تمشي وتعزف أغاني وطنية

ورجعنا الفندق حطينا أغراضنا وطلبنا سيارتنا وعلى جزيرة اللؤلؤ


جالسين ننتظر سيارتنا

شايفين الجو

وصلنا اللؤلؤة

(لؤلؤة قطر) عبارة عن سلسلة من الجزر الاصطناعية تشكل مدينة متكاملة تقع على الجانب الشمالي لشاطئ مدينة الدوحة القطرية ويضم مشروع اللؤلؤة العديد من الأبراج السكنية

والمجمعات التجارية وشاطئ خلاب بالإضافة إلى بنية تحتية متطورة كما يحد اللؤلؤة من الشمال

مشروع مدينة الوسيل. تنقسم الجزيرة إلى عشر مناطق تتخذ كل منها طابعاً خاصاً بحسب نوع المباني إن كانت فلل شاطئية أو فلل حدائقية أو شقق سكنية ضمن بنايات.

المصدر (ويكيبيديا)

أعتقد انها ملكية خاصة هذة اليخوت

كلها محلات لِسَّه مافتحت

وهذة حضانة

حلوة

وهذة صور السنة اللي فاتت نفس المكان في الليل

هذا لِسَّه مافتح

وهذا مافتح

وهذا بعد

المكان حلو وكبيييييييير ماشاء الله مايخلص بس يبيله وقت الين تفتح المحلات وتسير فيه حركة وحياة نحنا هنا تعبنا وكنا ندور على مصلى بس مالقينا هو فيه بس يبله وقت ندور عليه والصراحة مافينا حيل
قررنا نروح لا جونا مول بحكم انه قريب من الجزيرة

عجبني الديكور

منطقة مطاعم خارجية

في مطعم ياباني وهندي ومقهى هذا اللي افتكرة جربنا السنة اللي فاتت مطعم تمر هند بس ماعجبنا

ماناسبنا شي من المطاعم صلينا ورجعنا جزيرة اللؤلؤة علشان نتغداء في ناندوز

وشوية مطر

المكان جدا حلو تحس نفسك كأنك في مدينة أوروبية

وكلها محلات ومطاعم وكافيهات وياسلام على الجلسات الخارجية في الجو الحلو

من طاولتنا

مالحقت أصور الباقي صار هجوم مفاجئ


هذة فاتورتنا

هذة المرة ماعجبني الدجاج كان فيه زفاره والحمدلله خلصنا وعلى سيارتنا

طبعا وكالعادة كل المواقف مليانه خلينا (valet parking)يركن سيارتنا وأعتقد 30ريال

ويلا نروح فيلاجيو مول

ان شاء الله راح أكمل بس مادري متى

​

 

[جوومانه]

ونكمل

وعلى فيلاجيو مول

وهذا الجيت مول

فيلاجيو مول

الجندول أفتكر سعر التذكرة 15عالشخص مو متأكدة بس انه مو غالي

منطقة المطاعم

وقبالها صالة تزلج وقبال صالة التزلج مدينة ألعاب ترفيهية بس ماصورتها

في هذة اللحظة اشتهيت قهوة عربية وحلا وأخترنا هذا الكافيه

وهذة طلباتنا

وأحلى قهوة وأحلى براونيز ممكن تذوقه في حياتك

وهذة الفاتورة

حلوة الصورة صح

وكانت اخر صورة والمول زي ماشفتوه والحكم لكم


وعلى فندقنا نلم أغراضنا (يعني لازم

)




وهنا نوقف سيارتنا

وداعية ياآخر ليلة تجمعنا

صباح يوم الرحيل ياجماعة انا أسحب كلامي قطر ماتكفيها 5أيام

ودعتنا كما استقبلتنا

ولازم نودع السوق مانبي نشتري شي

وهذا المخبز عليه ريحة خبز تضرب في الرأس ولا جربناه

مخبز المعروف

الورد للورد

ودعنا السوق بهذة الصورة

وهذة الورقة لقيتها فيها معلومات عن مرافق فنادق واقف

وسكة سفر

وهذة المحطة حلوة(سدرة) فيها مطاعم ومصلى ومنطقة ألعاب للأطفال بس الحمامات مالها حل

اشوى انه معايا ديتولي

وهذة منطقة الألعاب

ورجعنا لطبيعتنا الخلابة

الجوازات كان فاضي ولله الحمد مسكنا الخط عالساعة 12تقريبا وصلنا بيتنا الساعة 5ونص
شفتو الفرق




وبس خلاص


وبكذا انتهت رحلتنا الجميلة في قطر الحبيبة​

 

[جوومانه]

المختصر المفيد


-قطر دولة صغيرة وجميلة وفي تطور دائم ماشاء الله المشاريع والتوسعات في كل مكان وحاليا شغالين على المترو كل التوفيق لهم


-شعب مازال محافظ على العادات والتقاليد


-أفضل وقت لي زيارة قطر فصل الربيع نفس توقيت رحلتنا جدا الجو جميل لكن في الصيف مثل باقي دول الخليج حر ورطوبة عالية


-5أيام الى أسبوع مدة كافية لزيارة قطر


-السكن في سوق واقف كان متعه لاتوصف


-فنادق سوق واقف تقريبا عددها 8فنادق عند الحجز تأكدو من نوع الغرف وحجمها ونظام الفطور والمرافق الأخرى ولاتنسو تقرأو تقيمات الناس وللأمانة الموظفين كانو قمة في الأحترام ومتعاونين جدا


-في طريق الرجعة للسعودية لاحظت فندق اسمه المشيرب وفندقنا اللي في سوق واقف كمان المشيرب لازم تنتبهوا للنقطة دي
فندقنا ضمن فنادق سوق واقف البوتيكية


-أفضل وقت للتسوق في سوق واقف في الصباح اما في الليل حلو للسهر والتمشي والمطاعم وفي الأعياد والمناسبات تصير احتفالات وعروض جميلة


-بالنسبة للفنادق خارج سوق واقف أنصحكم وخصوصا العوائل بفندق انتركونتننتال الدوحة مع العلم في إثنين
انتركونتننتال المنتجع-انتركونتننتال الشقق الفندقية

واللي أقصدة الشقق الفندقية جدا جميل والشقق واسعة والمطبخ مزوّد بكل شي وبالقرب منه سيتي سنتر


-لاحظت مولاتهم صغيرة وقليلة


-في كل الأماكن اللي زرناها كانو يقبلو عملتنا السعودية مع أخذ فرق العملة وللأمانة محل واحد هو اللي رفض يأخذ سعودي فاالأفضل يكون معكم فلوس قطرية


-لاحظت السنة هذة زحمة مرور شديدة على غير العادة


-اللؤلؤة وكتارا ولاغونا مول بالقرب من بعض


-فيلاجيو مول وحديقة إسباير وحياة بلازا بالقرب من بعض


أتمنى اني قدرت أغطي أغلب الأماكن السياحية في قطر وأعذروني عالقصور


شكرًا لي قطر وأهل قطر على كرم الضيافة وحسن المعاملة كنّا سعيديين بتواجدنا بينكم


وفي النهاية أحب أشكر كل اللي تابعني وأسعدني بتعليق او لايك شكرًا لاتوفيكم حقكم

وكل اللي تابعني لا تعليق ولا لايك

كمان مشكورين أخذت من وقتكم


وأعتذر منكم اذا ضايقت احد فيكم من غير قصد


وان شاء الله نلتقي في تقرير رحلة الصيف

من غير شر


وحتى ذلك الحين أستودعكم الله الذي لاتضيع ودائعه​