هني تكثر المخيمات وكان الشارع خطر وخاصة للي بيرجعون الديرة والله يمكن تقعدون نص ساعة باللفة بس تبي السيارات تخف والشارع يفضى علشان تلف ما في مجال والحوادث كانت وايد
الحمدلله الحين الشارع كله جسور للدوران يمين ويسار
نفس هالجسر
لزوم البرد....والازرق موجود
المخيمات
شرايكم بس بالصورة
وصلنا منفذ النويصيب الساعة 6.15
والحمدلله مافي زحمة وخرجنا من منفذ الخفجي الساعة 6.45
وانا هني بدلت مكاني مع دانة السيارة صالون صغيرة وقعدت ورا مع البنات ومشينا وانا اخذت غفوة لأني ما نمت ليلتها ابدااا مادري ليش ما انام اذا وراي سفرة
هني منطقة رأس الخفجي
وصحيت واحنا هني منطقة شاطئ نصف القمر
الساعة 9.15
قربنا وجهزت البطايق عطيتهم دانة لأنها استلمت المهمة بدالي
وهذه في منطقة العزيزية والخزامى
والعزيزية والجسر ...المعلومات للاسماء من البوم الصور بالأيفون
العزيزية اشبيليا
والبرجين يرممونهم
الزحمة متوسطة هني بعد ما وصلنا للجمارك قال وين ام حسين ( السيارة بأسمي ) قال لازم تروحين تجددين البيانات
نزلت انا ونزلت معاي دانة ورحنا للمكان وبسرعة سواها وقال توكلوا على الله
ورجعنا للجمارك وانتهينا من الجوازات ووخلصنا وخلصنا من منفذ البحرين والوقت الحين 10.30
الحجز ببوكينغ لا يشمل الأفطار والسعر غالي والشقة ام غرفتين غير متوفرة وام 3 غرف وايد غالية كلها يومين
اما من نفس الموقع للفندق يتوفر الشقة لخمسة اشخاص من غرفتين مع الأفطار لمدة يومين بسعر 245 دينار كويتي
الفندق ببوكينغ والحجز
وحجزنا من الموقع
الأستقبال
مشروب الضيافة عصير تفاح منعش
قال لنا التشيك ان الساعة 3 الظهر واحنا الحين الساعه 10.45
قلنا احنا جاينك الساعه 2 حاول ان تكون جاهزة قال أحاول
قعدنا باللويي شوي وطبعا دخلنا نغسل بالحمامات في اللوبي وهذا تصوير اللوبي
الفندق مثل ما تركناه بسفرتي مع الوالدة سنة 2013 طبعا شبكنا انترنت على الفندق باللوبي ....ولما دخلنا
عطونا الباسورد برقم الغرفة النت ممتاز جدا
تكرمون الحمامات
المفروض انها سلة للفوط مو للكلينكس ...بس للأمانة ما شفت الفوط موجودة بالحمام
حاطين تلفزيون يعرض أفلام للأطفال
مجابلنا كافيه بالفندق
ضيافة التمر والقهوة
كان في تجهيز طاولات بوفيه ...سألته شنو عندكم قال انه لبوفيه الغدا ليوم الجمعه اعتقد قال السعر ب 8 دنانير للشخص...نزلنا الشنط وخليناهم عندهم وطلعنا على السيف نتمشى على ما يجهزون الغرفة
المواقف اغلبها سيارات كويتية ...سبارة رافعة اعلام الكويت
اول شي ندور الريوق...
بريدتوك الأفضل بهالوقت
الخيارات وايد
اختياري
ومن صالة المطاعم اخذت قهوة
بعد الريوق قعدنا نتمشى وأبو حسين صلى صلاة الجمعة بالمصلى بالسوق وماشاءالله الريايل يصلون بره ربي يزيد ويبارك بالمسلمين والمصلين.....
دخلنا محل نفس فيرجن اللي فيه أجهزة والعاب وجذيه
انا لازم ادش محلات اكسسورارات التلفونات احب اشوف
ولازم ازور اصغر علي ...وأكيد يستاهلون شوفو محتفلين بأعياد الكويت
بعد الغدوة الحلوة
طلعنا وقالت اختي تروحون مودا مول ....قلنا فوقه
ورحنا وكلمنا بوحسين وقلنا له عن روحتنا وانت تيي معانا قال لا
قلت له عيل اخذ تاكسي وروح وين ماتبي
المهم ام حسين الدليله والى المودا مول الشيراتون
ترى انا ادليهم بس الطريج اللي يوصل ...بس باللفات يبليها انتباه علشان لا تطوفون المدخل للشارع
هني مودا مول
الفور سيزون الفخامة اللي ما رحت لها
وضيعنا اللفة
ورجعنا من الشوارع الداخلية ووصلنا
الشيراتون
وهذا التسوق الصغير بدأ
ياحلاتهم بس ما شريت مسكت نفسي
قعدنا بهالكافيه نحلي
طلباتنا قهوة عربية وكيكة وحليب بالزنجبيل
وأخيرا وصل الحليب
صبيت لي بالفنجان حليب بجربه ههه
خفيف
طلعنا من المول ورحنا نوصل اختي فندقها المريديان اللي بسيتي سنتر
وهذه العمارة متزينة لأعيادنا الوطنية
رجعنا الفندق ريحنا وصلينا وابوحسين
كان رايح السيف ومنها راح لمعرض الزهور وقبلها مستمتع بالجاكوزي
طلعنا والى السيف متواعدين مع بوحسين
مالقينا مكان في المواقف لفينا ورا ولقينا مواقف متعددة الطوابق صعدنا فيهم مجانية
سماش بورغر
توني انتبه للافتة انها غير مجانية ....بس ما اخذوا منا فلوس ولا في كرت لاحتساب المدة
يمكن بعد ما تفعلت؟؟
نزلنا للسوق وكان في ممر صغير يطلعنا للسوق وهذا اول محل يقابلنا
شفنا مادو وقررنا نتعشى فيه...طبعا لا تسألون بوحسين متعشي
نرى صورة مو صج ...الصورة على ورقة الطاولة تشوق
الضيافة خبز تركي وزبدة فيها خضار لذيذة ولبنة بالزعتر
وهذا طلبنا انا ودانة ناظم كباب او اسمه غير مادري اذكر جذيه هههه
بورك مشكلة الحشوات
طلب غنومة وفرفر
الفاتورة
طلعنا من المول بعد العشا وسيدا للفراش وطبعا لازم النوم وبطل الماي صديقي بالليل
وخلص اليوم الأول على خير....وانا نمت ما ادري عن شي لاني مو نايمة عدل
بوحسين يقول لي تسمعين الموسيقى قلت له نووووو
وانا نايمة
طلع في فرقة موسيقي وحفلة بالفندق اعتقد عند خمام السباحة على كلام دانة ...انا
وهو مع السبا في الدور الثالث وهذا السبا طبعا ما دخلت داخل
بس صور من بره
هني قعدات لحمام السباحة
للحين المواقف فاضية بالسيف
ورجعنا الشقة ولقينا ربعنا جاهزين وطلعنا معاهم
من الطريج
وصلنا باب البحرين
طبعا مستحيل تلاقون مواقف هني
دخلنا نتبع لوحة مواقف
نزلنا بوحسين وهو راح يصفط بالمصافط
ودخلنا السوق القديم
اشتريت مغناطيسات من هني
اشكثر زحمة هني لحد ما شفت فضى المكان وصورت
ام علي أكيد بيعجبج المكان
ودخلنا محلات الذهب اللي ما ودنا نطلع منها دقاتهم عجيبة وحلوة بس الأسعار نار
وهذا مقهى او محل كله صور قديمة
وهني مسوين أسواق مغطاة وفيها مطعم زعفران ومحلات واكشاك
واكمل المشتراة من أصغر علي
يستاهلون متشوحين بوشاح علم الكويت
هذا المحل حلو فيه كوشيات وصواني على صور مطبوعة
قعدنا نريح هني
اهو هني بسوق بابا البحرين
حلو اسم الكافيه شاي وخبز عجيب الاسم
وطلعنا من باب البحرين ومشينا للمواقف يمكن طبع علينا السعر 300 فلس
وفي طريقنا لمكانا الثاني
طبعا رايحين المحرق
وأنا استانست على القعدة ورا أوسع واريح ....وعن النجرة بين غنومة ودانة
لما وصلنا المحرق بنتي شغلت النت وعلى الخريطة نمشي
النت حطته بنتي ب7 دنانير لشركة فيفا
تقول بالسعودية قوي وممتاز سريع ...اما بالبحرين بطيئ
احنا ما حطينا بس مرة ثانية لازم نحط أقول لكم بعدين ليش
انا طبعا خليتها ورحت اتمشى وبوحسين قعد بستاربكس شابك على النت
والبنات سابقينا يتمشون ...تمشيت السوق يشبه بتصميمه سوق البوليفارد اللي بالكويت من داخل طبعا
لقيت البنات هني ومخلصين قلت لهم انا بقعد هني
عرفتوه شنو هذا
وافل مايستر محل الوافل اللندني
وهني الدخول
قعدت هني
نشوف المنيو
وصلت طلباتي
لذييييذ
وعصيري بما اني ما اقدر أشرب مع الأكل ...طلبت يحطه سفري تيك اواي
هذه مكونات عصيري شي حلوو
العلم معاي ...وبناتي يقولون عطينياه يمه ما عطيتهم ليش ما يابو لهم
ولازم نطمن على زيونة ونشوف كشختها بالعلم واحتفالها بالعيد الوطني
بعدها تمشيت صوب محلات اليهال وشريت بدلة حق زيونه
وتيمعنا عقبها وطلعنا هذا المواقف اهي مو سرداب بس الدور الأول مرتقع
رايحين منطقة العدلية لمطعم كوكوز للغدا
وهذا من الطريج
العدلية زحمة مافي مواقف عند المطاعم
بالغصب لقينا مكان
المكان اعتقد لمجمع مطاعم جديد
بعد ما لقينا المصفط نزلنا واشوة ان ما كنا بموقف هالبورش
شوفو اشلون توهق راعي الشاحنة
يعني لا يقدر يتحرك لانه بيحوشها بيحوشها
وقف بوحسين عنده يقوله احلق لحيتي اذا طلعت الشاحنة بدون ما تدعم السيارة هههههه هنود ومبتلشين صج
وهذا كوكوز بدون لافته طبعا
دخلنا ولقينا زحمة وطوابير بوحسين عطاهم اسمنا وقال بعد ساعه الا ربع
قلت لهم ها تبون تنطرون ما مانعوا من النطرة
وطلعنا بره نصور على ما يصير موعدنا
الشارع ضيج والحمدلله ان احنا دشينا من الجهة الثانية
حاطين كراسي للاستراحة
ضيعنا الوقت بالتصوير والبنات راحو يتمشون بين المطاعم ويقولون في معرض اكشاك
هني البنات مصورينه عن المعرض الموجود
عجبتني حييل
نصور لحد ما نقعد
بس قامو اللي على الطاولة قعدنا قبل لا ينظفونها
وهذه الطاولة
العشيش فوق حلوة بمطعم ثاني
وصول الطلبات اولهم البيبسي والسفن
اول شي وصل طبق غنومة
بطاطا مشوية مع دياي وكربما ومشروم وشغلات وايد
طبق فرفر وهذا كان طبقي بسفرتي مالت النحشة اذا ذاكرينه
صدر دجاج مع المشروم والكريما وبينهم بطاط مهروس
طبق دانه
ربيان مشوي مع عيش
طبق البابا
لحم مشوي مع عيش ....ما عجبه كمل معاي من طبقي
اهم بدوا ياكلون وانا اصور بس
كله طبقي يتأخر
وأخيرااا وصل طبقي
صدر دجاج على بطاطا مهروسة وفيه بعد خضار ومشروم الصوص برتقالي وفيه فلفل
هالمرة يقولون ما يسوز النطرة يعني عطوه تقييم 7 / 10
طلعنا بعدها ومشي هضمنا لحد ما وصلنا السيارة
مجسم جمالي
المنطقة كلها مطاعم جديدة وقديمة
هذا شارع مجمع الدانة واجيان
مجمع الدانة
هني ارض المعارض
اعلان معرض الزهور
وهني قربنا على السيف
ووصلنا فندقنا للراحة والصلاة
بعدها الروحة لسيتي سنتر رحنا بروحنا بتاكسي لأن بوحسين قال انا اييكم بعدين
عجبني هالعطر على الرقم لأنه تاريخ ميلاد يوسف ونفس اليوم كان عيد ميلاده 25 / فبراير / 1991
قلت لها ابي كبير قالت مافي الا هالحجم اخذته واخذت له بلوزتين
تمشينا وتشرينا شوية أغراض وكتب من فيرجن وجم محل
دق علي بوحسين وقال انا بستاربوكس
كم يبيلكم قلت له قاعدين نتمشى
قال : بعد ساعه موعدنا ستار بوكس بس تلفوني مافيه شحن
ادق عليه ماكو تسكر تلفونه
قلت للبنات على موعدنا وتمشينا وخلصنا ورحنا له
ماكو وقعدت احاتي وانطر والبنات يفترون على كل الكافيهات ماكو
راحو غنيمة وفرفر يتعشون بعد ما قصينا تذاكر للسينما لهم وانا معاهم بس
دانه ماتبي تروح نطرت انا معاها والا يبين ابوحسين واسلمه دانه والاغراض وقلت له احنا نرجع بتاكسي
ورحت السينما
قلت يمكن انا تأخرت عليهم
طلع لا اهم اللي متأخرين ههههه
قعدنا الصبح وطليت على البنات
وقلت لهم انا نازلة اتريق وطلعت
ورحت اكمل لبسي والا أسمع صوت باب الشقة يتسكر
قلت اكيد غنومة
طلعت وراها وهذه عروض بالفندق موجودة بالأصنصير
ولقيتها نازلة قبلي تقول ليش تقصين علي ههههه
المهم هذا ريقونا
الفول
سناب غنومة
سوينا التشيك اوت وما اخذوا منا أي شي زايد
وعلى فكرة ما انتبهت على التامين ما اخذوا شي ولا حتى طلبوا هالشي اول ما نزلنا فيه
ننطر تنزيل الشنط والبنات يتريقون
وطلعنا رايحين المحرق بناخذ ماي اللقاح وحلوى
لازم زحمة مواقف هني
ودخلنا محل جمال شويطر بناء على طلب بوحسين دايما نشتري منهم
وهذه حصيلة مشترواتنا والصوغات
ماخلو شي البنات لهم ولربعهم
تقريبا اكثر من ساعة قعدنا على ما غلفوا الأغراض والحساب بعد ما شلنا الأكو والماكو طلع حسابنا 180 دينار بحريني
وعطاني بسكويت هدية هههه
صعدنا اغراضنا وسيدا للجسر خلصنا بسرعه وطلعنا على كورنيش الخبر
طلعنا على الشارع العام اللي يودي على الخفجي ابوحدرية
ووقفنا بنص الطريج نشتري سناك وقهوة وبيبسي وماي
ومرينا على مخيمات
وصار المغرب
ولازم ام حسون والسودكو
وغنومة محملة فيلم التيرمنال
ووصلنا الساعة6.30 المسا وزحمة جدا على الحدود بالخفجي
وقاموا الكويتين يطقون هرنات
مسيرة شنوو ههههه
وواحد يرد على الثاني ....وصلنا ودانة تعطي الجمارك الأوراق والبطايق وسمع هرنات قال منو يطنب
قال ابوها يعني يدق هرن
قالت حق الريال مو احنا بس يعني اشلون ننام هني
