lumee street cafe لومي

[جوومانه]

​

Lumee Street Cafe​

لومي​

اليوم راح ناخذكم في تجربة جديده لواحد من احدث المطاعم الي فتحت في البحرين وهو Lumee Street Cafe.​

يقع في مجمع العالي وهو تابع لسلسلة مجموعة الابراج للمطاعم والي تظم مجموعه من اشهر المطاعم في البحرين مثل الابراج , مقهى البنديره , نيواسيا .​

فكرة المطعم مستوحاه من مطاعم الشوارع التقليديه مع اضافة لمسات عصريه تجعل التجربه جديده ومثيره .​

المطعم مفتوح يوميا من الساعه 8:30 صباحاً الى 11:30 مساءاً.​

والي ما يعرف معنى لومي فهو الليمون باللهجه البحرينيه العاميه .​

تجربتنا كانت لوجبة الريوق , والي فهمته منهم انه كل وجبه لها طريقتها الخاصه يعني الريوق منيو ونختار والغدا يكون اطباق محدده كل يوم .​

نبدأ جولتنا​

المدخل​

ديكورات داخل المحل​

منتجات صناعه محليه للبيع​

 

[جوومانه]

نجي للمنيو ​

​

هذا منيو الريوق​

تختارون 3 اطباق مع طبق حلا ب 3,500 دينار​

وهذي كانت اختياراتنا​

فطيرة لبنه بالزعتر – لذيذه ساخنه ومافيها عجين وايد​

بلاليط – لذيذ​

بطاط وبازلا (هندي)- لذيذ​

جبود = كبده – مو ذاك الزود و مالحه​

فلافل – جيده بس متحمره بزياده من الخارج​

شكشوكه ( بيض وطماط) – ما عجبنا كله طعم سوس الطماط​

ومعاهم سلة خبز​

وطلبنا كرك​

واخر شي الحلا اختارته ريوم​

جوكليت كيك​

وسلطة فواكه طازجه​

وهذي انواع من الكيك الموجود عندهم بس طلبهم بروحهم ما يكون من اختيارات الريوق​

احنا طلبنا ريوقين يعني 6 اطباق و2 حلا لانه شفنا الصحون الي يحطون فيهم الاكل صغار بس طلع وايد علينا .​

الفاتورة كانت 10 دينار شامله الخدمه .​

تقييمي الخاص للمطعم 8 /10
​