اشتركنا بنادي سبارك النسائي للرياضه
وطبعا للريجيم وايد مشتركين
وهالمطعم فاتح كلش عند النادي
يعني اللي تطلع يوعانه من النادي تمر تاخذ لها صحن سلطه وما تخاف على ريجيمها
وانا مشتركة بس لتقوية ركبي بدل العلاج الطبيعي
يعني مالي بالريجيم مو تقولون ام حسين تقول اسوي ريجيم وبانستغرامها عيووش
المهم تعشينا قصدي هم تعشوا وانا اتسليت معاهم بالسلطة
نشوف المطعم وعن كثر الحجي يام حسين
الجلسات
تختارون مكونات سلطتكم مثل ما تحبون
عندهم راب سالد
ممكن تختارون الحجم الصغير أو الكبير
تجهيز سلطة زبونه قبلي
الصوصات
وفيه بعد خبز اذا حابين تضيفونه خوش ريجيم
يحضر سلطتك بكل حب
عندهم شوربة بس ما صورتها لان محد طلبها
شنو حابين تشربون بارد
عصيرات طازجة
عصير طازج يطلع من هذا الصنبور
عشا تايم وشايفين بوابة النادي جار المطعم
سلطتي جبن فيتا وزيتون وخس وخيار ووو حجم الصغير
سلطة بنت اخوي بالجوز والمكسرات
سلطة غنيمة مع تيركي ومشروم وفاصوليا حمرا حجم كبير
كانت لذيذه السلطات وجربتهم كلهم
طبعا الكل اخذ صحنه تيك اوي لان صج كبيره وتشبع