المطاعم الشعبية بساحة المطاعم

[جوومانه]

السلام عليكم ورحمه الله

اهديكم هالتقرير اللطيف

​

بما ان الحين الجو عجيب والنسيم عليل
وهذا وقتك يا ((( المباركية )))

احب اتمشى بالسوق بين فترة واخري ​

احب المناطق الشعبيه والبساطة ​

اكره المولات واللويه والضجة

​

وانطلقنا وقضينا مشترواتنا والحمد لله

واخر المطاف

لااااازم نهبس ونتعشى

بالمطاعم الشعبية بساحة المطاعم ​

خلف سوق الخضار واللحم

والمكان معروف وماشاء الله اهل الخليج دائما يتعنون له

يازينك يا كويتنا

وهذا عشانا

ونسيت اسم المطعم

بس كلهم لذيذين ونفس الاكل تقريبا

كباب ايراني عجيب ولذيذ مع اني ما احب اللحم
لكنه عجبني
والملحقات الخضرة والبصل معاه ضروري
وسفن اب
وماي

والخبز الايراني حار تازة من التنور ​

ايباااااااااااااااااا

ريحته تبط الراس​

يومها كنت تعبانه وزوجي يقول اكلي بصل وايد زين

الكشري المصري الاصلي
لذيذ لذاذه

زوووم على الكشري

ومايصير اكون بالمباركية وما اطلب مشلتت دلق سهيل

ساده ومع سكر ناعم

وحسابنا ثلاثه دينار و فلس
بسسسسس

وعلينا بالف عافية انا واسرتي الصغيرة

وهذا ريوقنا بيوم اخر من الشهر نفسه
والنسمات الجميلة

في مطعم دلق سهيل
انا والحب بس بدون عذال

​

طلبنا صينية ريوق خصوصي ​

فيها بيض مع البصل (اختياري) ​

زعتر وزيت ​

قطعتين جبن ابيض ​

ومربى ​

وحلقتين طماط بس ​

و 5 زيتون اخضر​

وبما اني من عشان الجبن الابيض ​

طلب ماعون جبن وملحقاته ​

( جبن - طماط وخيار وزيتون يوناني ) عجيب عجيب ​

وصحن خضرة ​

انا دقيقه بالنظافه وقلاص الحليب بدلته 3 مرات
حسيته دبق مو مغسول عدل
وزوجي عصب

يقول اخر مره نأكل عنده’’’’’’

حسابنا كان بحدود 4 ونص د.ك​

وعوافي علينا​

ربي يديمها نعمة علينا ويمنعها من الزوال​

وانتظروني بتقرير خفيف وجديد ولذيذ ع المعده

تحياتي ،،،،

قصة حب

​