رحلة قصيرة للمملكة

[روبانزل]

السلام عليكم و رحمة الله و بركاته

أولا اشكر كل من ساعدني على نجاح هذه الرحله و توفيقنا باختيار الاماكن و المدن الجميلة

و أخص بالشكر مديرنا فيصل و الاخوان آخر فرصة ، ابو حسن ، فارس من خيال ، فهد المنيع

و اعتذر بشده عن تأخيري في كتابة التقرير لان الاغلبية ينتظرون على أحر من الجمر سامحوني

بسم الله نبدأ

رحلتنا كانت بتاريخ 17 / 12 / 2017

مدة الرحلة اسبوعين بدايتها من الرياض و نهايتها في الدمام و تخللها زيارة الكويت الحبيبه

و راح اكتب الاماكن بالتفصيل

الرحلة هاي يتنا بالنصيب سبحان الله الاهل كلهم في برشلونه و خواتي حجزوا برشلونه

و انا خاطري اسافر وياهم لكن كنت قايلة من بداية السنه اذا لنا نصيب السنة بنعتمر و بزور المدينه

و طبعا العيال و عيال خواتي كلهم يحنون يبغون برشلونه بس قلت لا اختكم لازم تشتي

في الكويت من كم سنه و انا على هالحالة احس صار روتين سنوي بس حلو

طبعا الحجوزات كلها من بوكينج و ما بعور راسكم بالتفاصيل لكن بذكرها في موعدها

يوم الأحد بداية الاجازة المدرسية صلينا الفجر و جهزت دلة الشاي و القهوة و الاغراض حطيناها

في السياره في الليل و هالمرة ما خذنا القالوصة بس شلينا الكراسي الخلفية و خليناهم في البيت

و هذي شنطة التسالي

و هذي درجة الحرارة

طبعا قبل السفر كنت اطلع على حالة الطقس و تبين انه يوم الاحد غائم و امطار غزيرة

و انا متخوفة من هالشيء بس الحمدلله طلعنا و الجو صحو و جميل

و احنا في الدرب طرشت واتس اب اودع الاهل و اختي الكبيره كانت في المطار ويا عيالها

سايرين برشلونه و اختي الثانية طيارتهم العصر سايرين مكة

و الا اشوف اختي مطرشة صور فيديو بيتهم غرقان من كثر المطر

قلت بسم الله متى هالمطر كله استوى يادوب تحركنا بعد 10 دقايق ما شاء الله

دبي غرقت من المطر و قلت الحمدلله رب العالمين طلعنا قبل المطر و الا كنا بنتأخر

في الطلعة و خاصة وقت دوامات 7 و 25 طلعنا و اول محطة وقوف مطعم غنتوت

خذنا سندويشات بيض و طماط و جبن و كيما براتا و شاي حليب و انطلقنا

الجو ما شاء الله من اروع ما يكون

رفيق الدرب توصيه من الدمام

كنا طالبين الحب المصري بس للاسف مخلص

وصلنا الحدود الساعة 11 و الحمدلله ما شيء زحمه

خلصنا من جوازات الامارات و دخلنا السعودية

و اول واحد جزاه الله خير شاف العيال و يانا و عطانا حلاوة فيكس

و الحمدلله ربع ساعة خلصنا و مسكنا الخط و مرينا على محطة سحاب و العيال يبغون يتغدون بخاري

تو الناس على الغدى بعدها الساعه ما وصلت 11 و نص








​

 

[روبانزل]

الشوارع كلها فيها تصليحات من اول ما نطلع من حدود الامارات

و نبغي نعبي بترول و اسواق راضي المنهالي المحطة اللي فيها مسكرين

بس هذا ما يمنع ندخل للتسوق و خذنا فناجين قهوة لاني نسيت اشتري

و كنت ابغي ورق بس للاسف زوجي يابلي فناجين زجاج و ريحتهم استغفر الله منها

توكلنا على الله و مسكنا خط الرياض مكة

وقفنا عند محطة ثانية و نزلت اغسل الفناجين بالصابون مرة ثانية بس بعدها الريحة عالقة


و المحطة الثالثة فركتهم عدل بالاسفنج و الصابون و الحمدلله اختفت الريحه


و هني نزلنا نتغدى

و طلبنا بخاري دجاج

و الحمدلله شبعنا و الاكل كان ممتاز

و كملنا الرحلة و هذا بسكويت اسباني لذيييييذ جدا جدا واصلني من شهر و ما جربته

و اول ما كلته على طول طرشت الصورة حق خواتي و وصيتهم يكثرون منه

و كل ما حد رجع من برشلونه يابلي كم حبة

نسيت اخبركم زوجي كان مشترك في خدمة النت الدولية 35 درهم يوميا

و انا المستفيده

اقتربنا من الرياض

ما شاء الله المشاريع قائمة في الرياض

وصلنا شقتنا دار هاشم للوحدات السكنية

حجزنا ليلة ب 309 درهم و كانت عبارة عن غرفتين و صالة

و نشوف الشقة معاكم غدا باذن الله

دمتم بود

​

 

[روبانزل]

حياكم الله مره ثانية

نشوف معاكم دار هاشم

المدخل

و هذا تقييمهم في بوكينج

و الحين نطلع نشوف الشقة وياكم

شقتنا في الدور الرابع و هاي الصالة واسعة

غرفة النوم الرئيسية

الغرفة الثانية

و هذا المطبخ

و هذا تكرمون الحمام في الصالة

و هذي المغسلة وايد صغيرة

الثلاجة فيها 4 غرش ماي

و هذا المتوفر في غرفة النوم

و موفرين هذا للجرج عشان ما تتوهقون

و هذا حمام غرفة النوم

​

 

[روبانزل]

نشوف ادوات المطبخ

اول ما وصلنا الشقة أذن المغرب دخلنا بدلنا و صلينا و الحين وقت الخروج

الوجهة كانت القرية الشعبية لكن ما لقيناها في قوقل و قلنا نشوف اسواق طيبة

وصلنا و المكان ما شاء الله مزحوم و لفينا مرتين عشان نحصل موقف و هذا المبنى دليلنا

و هذا هو المكان المطلوب

السوق متنوع و فيه كل شيء ملابس احذية عطور مأكولات ادوات منزلية و غيرها الكثير

و هذا بفك الطيبين

و حصلنا مخبز يبيع خبز يمني و زوجي خذ جبن بالزعتر لذيذ بس ما كثرنا نبغي بروستد

طلعنا من السوق مع بعض الملابس الشتوية و الوجهة مطعم بروستد و قوقل دليلنا

و نشوف الرياض ليلا و اعذروني الصور غير واضحه

قعدنا ندور وايد مطاعم وكل ما حطينا احداثية يطلع مطعم غير اللي نبغيه

و آخر شيء يأسنا و قلنا بنسير الشقة و نشوف المطاعم القريبه مننا و الحمدلله

شفنا مطعم الطربوش الدمشقي و قريب وايد حتى بالمشي نوصله

عندهم بروستد و مشاوي و الكثير الكثير و زحمه عليه

و الجو بارد و قعدنا ننتظر يمكن نص ساعة لين يجهز الطلب

و هذي عصاير كوكتيلات منوعه

و هذا عشانا بروستد و شوارما نسيت اصوره من البداية

الحمدلله الاكل كان لذيذ و الزايد عطيناه العامل اللي يابلنا الماي

لانه الله يسلمكم يوم وصلنا الشقة بنغسل ايدنا ما شيء ماي و اكلم الاستقبال

قالوا الماي مقطوع و بيرجع خلال 10 دقايق انزين كيف نغسل غسلنا بالمياه المعدنية

و بعدين يابولنا ماي زياده و سرير اطفال و لين ما رجع الماي الكل نام من غير شاور

و انا قعدت اكمل الحجوزات اللي راحت علينا لاني كنت حاجزه في هيلتون مكة لكن يوم بغوا يسحبون

المبلغ البطاقة ما فيها المبلغ المطلوب ما خبروني و لا اتصوا تفاجأت بالالغاء

و بعدين حجزت بولمان مكة و لغيته بسبب تغيير الايام و قالت لي زوجة اخوي

يوم توصلين السعودية احجزي من عندهم ارخص لان الاسعار فعلا كانت نار

و بالفعل يوم حجزت لقيت المتوفر كثير و رخيص و في دبي كله يطلعلي فل و الاسعار

مبالغ فيها فعلا و زوجي كل يوم يطلع برأي مره يقول بنمر الطايف و مره يقول ما بنمر

و انا احجز و ارجع الغي الحجز المهم كملت الحجوزات و قبل ما انام حاولت اشغل الغسالة الموجوده

لكن ما لقيت فيش كهرباء في الحمام و نمت بعد تعب يوم طويل

الحمدلله كانت ساعات قليلة لكن استمتعنا بالأجواء و الجو البارد

نكمل غدا باذن الله دمتم بود

 

[روبانزل]

نشوف ادوات المطبخ

اول ما وصلنا الشقة أذن المغرب دخلنا بدلنا و صلينا و الحين وقت الخروج

الوجهة كانت القرية الشعبية لكن ما لقيناها في قوقل و قلنا نشوف اسواق طيبة

وصلنا و المكان ما شاء الله مزحوم و لفينا مرتين عشان نحصل موقف و هذا المبنى دليلنا

و هذا هو المكان المطلوب

السوق متنوع و فيه كل شيء ملابس احذية عطور مأكولات ادوات منزلية و غيرها الكثير

و هذا بفك الطيبين

و حصلنا مخبز يبيع خبز يمني و زوجي خذ جبن بالزعتر لذيذ بس ما كثرنا نبغي بروستد

طلعنا من السوق مع بعض الملابس الشتوية و الوجهة مطعم بروستد و قوقل دليلنا

و نشوف الرياض ليلا و اعذروني الصور غير واضحه

قعدنا ندور وايد مطاعم وكل ما حطينا احداثية يطلع مطعم غير اللي نبغيه

و آخر شيء يأسنا و قلنا بنسير الشقة و نشوف المطاعم القريبه مننا و الحمدلله

شفنا مطعم الطربوش الدمشقي و قريب وايد حتى بالمشي نوصله

عندهم بروستد و مشاوي و الكثير الكثير و زحمه عليه

و الجو بارد و قعدنا ننتظر يمكن نص ساعة لين يجهز الطلب

و هذي عصاير كوكتيلات منوعه

و هذا عشانا بروستد و شوارما نسيت اصوره من البداية

الحمدلله الاكل كان لذيذ و الزايد عطيناه العامل اللي يابلنا الماي

لانه الله يسلمكم يوم وصلنا الشقة بنغسل ايدنا ما شيء ماي و اكلم الاستقبال

قالوا الماي مقطوع و بيرجع خلال 10 دقايق انزين كيف نغسل غسلنا بالمياه المعدنية

و بعدين يابولنا ماي زياده و سرير اطفال و لين ما رجع الماي الكل نام من غير شاور

و انا قعدت اكمل الحجوزات اللي راحت علينا لاني كنت حاجزه في هيلتون مكة لكن يوم بغوا يسحبون

المبلغ البطاقة ما فيها المبلغ المطلوب ما خبروني و لا اتصوا تفاجأت بالالغاء

و بعدين حجزت بولمان مكة و لغيته بسبب تغيير الايام و قالت لي زوجة اخوي

يوم توصلين السعودية احجزي من عندهم ارخص لان الاسعار فعلا كانت نار

و بالفعل يوم حجزت لقيت المتوفر كثير و رخيص و في دبي كله يطلعلي فل و الاسعار

مبالغ فيها فعلا و زوجي كل يوم يطلع برأي مره يقول بنمر الطايف و مره يقول ما بنمر

و انا احجز و ارجع الغي الحجز المهم كملت الحجوزات و قبل ما انام حاولت اشغل الغسالة الموجوده

لكن ما لقيت فيش كهرباء في الحمام و نمت بعد تعب يوم طويل

الحمدلله كانت ساعات قليلة لكن استمتعنا بالأجواء و الجو البارد

نكمل غدا باذن الله دمتم بود

 

[روبانزل]

السلام عليكم و رحمة الله و بركاته

صحينا الصبح على منظر الجو الجميل

و مقابلنا محلات خياطة ملابس رجاليه و طبعا زوجي مر عليهم في الليل
و بقاله و مغاسل و ديوانية اعتقد مثل المقاهي اللي عندنا

جنبنا سوبرماركت كبير

و صيدلية

و في بعد لحام
عموما المنطقه كانت جميله و هادية

انطلقنا الى الوجهة الثانية و هي مدينة الطائف

درجة الحرارة كانت

طلعنا و كنا ندور فوال نبغي ريوق حلو ما لقينا معظم المطاعم مغلقة و الساعة كانت 7 و نص

كنا نبغي نوصل الطايف و نلحق نتمشى و نستمتع

مسكنا الخط و قلنا نشوف مطاعم على دربنا عل و عسى نلقى شيء زين

مرينا على مناظر طبيعية سبحان الخالق الذي أبدع كل شيء خلقه

و هذا اعتقد مترو نفس اللي عندنا بعدهم شغالين عليه

وقفنا نعبي بترول و حصلنا اسواق و مطاعم

و هذا المطعم ما حصلنا سندويشات فول و فلافل

خذنا بيض و طماط و جبن

و الشاي حليب لابد منه

و كملنا الدرب

​

 

[روبانزل]

اقتربنا من الوصول

حجزنا في منطقة الهدا

حجزت فيلا رخيصة وايد وصلنا الساعة 3 خذنا تقريبا 7 ساعات
و مكتب الاستقبال مغلق يفتح الساعة 4 قلنا بنتغدى و بنرحع

لقينا مطاعم لا تعد و لا تحصى و قلنا خلاص باجر الريوق من عندهم
و هذا حق الغدا بس صار وقت الصلاة و سكروا قلنا بنتمشى لين يفتحون

في جلسات ارضية و طاولات

المنيو

من كثر الجوع زوجي طلب ثلاث صحون حنيذ و مثلوثة و مندي

الاكل ما شاء الله ممتاز لكن انا ما حبيته وايد و طبعا زاد الاكل

و هذا محل بسبوسة مقابل المطعم قلنا بناخذ يوم بنطلع لكن شبعنا و ما قدرنا ناخذ

وصلنا الفيلا

هذا المدخل يفتح النفس

الصالة

و هذا المغسل و الحمام خارج الصالة و اعتقد يوجد مجلس لكن الباب مغلق

و انصدمت انه الفيلا دورين و غرف النوم فوق و هذي غرفة العيال

و تكرمون حمامهم

غرفتنا

و هذا تكرمون حمامنا بس ما ادري ليش المغاسل صغيرة يعني كيف الواحد يتوضأ

و اللي عنده رضيع كيف يغسله هذا اللي ما حبيته

​

 

[روبانزل]

في غرفة ثالثة مغلقة

و الحين نشوف المطبخ

ما شاء الله المطبخ متكامل

اعتقد اللي يسكنون في الفيلا يخلون مواعينهم و يمشون

طلعنا و نبغي نشوف اسواق الطايف و طول ما كنا في الدرب زوجي يكلم ربيعه لانه

كان تقريبا سنه عنده دوره في الطايف قلنا نشوف مصانع الورد الطائفي طلع بعيد

كل ما حطينا مكان يطلع بعيد انزين نبغي سوق شعبي كل ما سألنا عن الاسم قالوا ما عندنا

لقينا سوق شعبي مشينا شوي و طلعنا ما عجبنا

و هذا شيخ البرجر و زوجي مجربنه كم مره و الشباب يمدحونه

العيال و ابوهم خذوا برجر و اختكم تبغي فول و خبز مسمسم و انواعه

و الحمدلله خلص يومنا لكن ما استانسنا وايد يوم واحد ما يكفي لكن حكم القوي

تصبحون على خير و نشوفكم غدا باذن الله

دمتم بود

​

 

[روبانزل]

اليوم الثلاثاء
19 / 12 / 2018
يوم الذهاب لمكة المكرمة

زوجي يابلنا ريوق من المطاعم اللي صورتها امس

خبز عادي و خبز بالجبن و شكشوكة و حمسة كبده و فول و عدس و معصوب

و الحليب العدني ما كان متوفر عندهم

أنا ما آكل الكبد و الشكشوكة و الفول ما حبيتهم

و المعصوب ما جربته

الساعة 10 الصبح تقريبا تحركنا و خذنا الخبز كله ويانا و حتى خبز امس كان عندنا

و تحركنا باتجاه مكة

مرينا على طريج كله حدايق

و نشوف الطريج وياكم و كله حلو و رائع

في اكثر من طريق لمكة اللي اخترناه طريق الهدا

طبعا احنا كنا نبغي هالدرب عشان نشوف القرود

و هذا اعتقد مكان تجمع الحجاج

مرينا على مطاعم و محلات الفواكه و الشاي

طلبت شاي عدني و عصاير

و هذا حاط الزجاج و داخله ينزل ماي ملون على اساس انه عصير

و الحين وصلنا عند المغامرات الرائعه

 

[روبانزل]

​

نواصل معكم رحلة مكة

لهينا مع السبلان ( القرود ) و نسينا شيء مهم جدا جدا و العمرة ما تكتمل بدونه

الميقات

طبعا انا ما اعرف شيء و زوجي يقول اول مره يمر من هالدرب و الجماعة يسولفون

عن الدرب بس ما ذكرونا لازم نحرم من الميقات و نسينا اصلا متوقعين انه في ميقات جدامنا

و سألنا قالوا لازم ترجعون ما شيء جدامكم ميقات

و رجعنا

و هذيل بعد في الرجعة

لازم تنتبهون على دخلة الميقات لانه مش واضح

وصلنا مع اذان الظهر صلينا و احرمنا و طلعنا

و هالمرة اشترينا موز من محلات الفواكه

​

 

[روبانزل]

كلمت اختي و اتفقت وياها اني اخلي ولدي الصغير عندها لين ما نخلص العمرة

وقفنا السياره في مواقف كدي و خذنا تاكسي لين الفندق

طبعا احنا مشغلين قوقل ماب و شفنا وقت الوصول 5 دقايق
لكن وين قعد يلف فينا راعي التكسي كان هندي و كل ما نقول
ليش وايد ابتعدت يقول الشارع مسكر و طبعا كل تاكسي فيه رقم و اسم الشركة

خذ زوجي الرقم و اتصل على الشركة و سألهم كم المسافة من مواقف كدي
لين فندق ساعة مكة قال الموظف 5 دقايق قاله عيل الحين بنكمل 20 دقيقة
و هذا يلف فينا من مكان لمكان و احنا بعدنا في التكسي عاد عصب راعي التاكسي
و قال الشوارع كلها مسكره و يشتغلون فيهم عرفنا انه يجذب و هذا غير السواقة
حسيت كبدي بتطيح كل ثانية يضغط على البريك و زوجي يقول عادي هذي سواقتهم
و انا اقول مستحيل مب لهالدرجة المهم وصلنا و خذ اكثر من 25 يمكن 30 تقريبا

طبعا أنا حجزت الفندق يوم كنت في الرياض لانه في دبي ما لقيت حجز
الا الغرف 4 اشخاص تقريا الليلة 2000 و 3 آلاف شوفوا الفرق و هني لقيتها ب 800 اعتقد

انا يوم كنت احجز كنت احط عددنا 5 بس بعدين قالولي حطي 4 بدون الصغير
لأنه اقل من 3 سنوات و فعلا حصلت وايد غرف و غرفتنا كانت ثلاثيه

بس السراير بو نفر و نص

و آخر سرير تحته مرتبة بس ما طلعناها نشوف الغرفة وياكم

اطلالة الغرفة

قعدنا 10 دقايق تقريبا أذن العصر و كلمت اختي و يتنا خذت ولدي وياها و كانوا حاجزين

فندق فيرمونت بس انا سمعتها تقول رافلز على اساس بحجز وياهم نفس الفندق

انزين الحين احنا يواعه نبغي نتغدى و زوجي قال ما شيء غدا اذا تأخرتوا بتصير الزحمه

و ما عندنا شيء ناكله البسكويت و الشيبس كله في السياره قال خلاص تصبروا لين نخلص العمره ​

 

[روبانزل]

اتجهنا للحرم و مريت على أكشاك التمور ابغي التمور اللي يكونون بالحبة و مغلفين قلت تصبيره

بس للأسف ما لقيت و يوم وصلنا نبغي نطوف في الصحن قالوا خلاص اكتمل العدد و ما في مكان

انزين بننزل تحت ما شيء مسكر تمينا مكاننا و طبعا وايد مزدحم المكان أذن المغرب و وقفنا نصلي

و كملنا بعد عناء لأن وايد المكان كبير نفس اللي فوق السطح

خلصنا الطواف و انتقلنا للسعي و أنا خلاص ريولي تعورني و ولدي يقول خلاص برجع الفندق

قلناله كيف ما يصير كأنك ما اعتمرت لازم تكمل و طبعا كل شوي نقعد و امد ريولي

يقولون بناخذلج كرسي متحرك أقوللهم لا بعدني ما عيزت و لازم امشي على ريولي

أذن العشاء و ما قدرت أصلي قعدت في مكاني أريح و عقبها الحمدلله خلصنا السعي

و نزلنا عند الحلاليق و قبلها في السعي وقفتني حرمة و سحبتني على طرف تبغي

تقص شعري قلتلها كيف بعدني ما خلصت قالت خذي المقص و شوي قالت عندي عيال

و عندي و عندي قلت ها هذا نوع جديد من الشحاته ما مر عليه قبل عطيتها اللي عندي

و قالت بس يعني الطمع وصل فيهم لدرجة انهم يطلبون سعر معين تبغي 100 ريال

مشيت و رميت المقص في اقرب زباله تكرمون شكله كان مستعمل و خفت استعمله

مع انه ما كان عندي مقص نسيت آخذ ويايه بس قلت بشتري من عند الحلاليق

رجعنا الغرفة و بدلنا و صليت العشاء و على طول طلعنا نتعشى

قالولنا سيروا أبراج مكة عندهم الطازج

الطازج كان تيك أوي احنا نبغي ناكل في السنتر ما فينا صبر

نرجع الغرفة طلعنا ركن المطاعم و خذنا برجر كنج و صحن رز بالدجاج و الحمدلله شبعنا

هذي اطلالة المطاعم

العيال قاموا يغسلون ايدهم و انا قمت وراهم يدوب مشيت خطوتين و الا اييني شد في رجلي

اليسار و أنا قبل سنه كانت عندي اصابه و الحمدلله تعالجت بس الألم كان فضيع غير محتمل

تميت واقفه في مكاني و قلت حق زوجي ييبلي كرسي متحرك مب قادره امشي

قال حاولي شوي شوي وقفت يمكن 10 دقايق و هو طلع يدور كرسي ما لقى و قعدت

اسحب ريولي شوي شوي و المكان في الحرم ينسيك الالم سبحان الله

طبعا انا امشي و اوقف كم دقيقة و ارجع امشي

لين وصلت الغرفة و الألم بعده يزيد ما يخف و زوجي نفس

الشيء ياه ألم في القدم و قعدت انا في صوب و زوجي في صوب و كل واحد يون من الالم

بعدين نزل الصيدلية و خذ مسكن حبوب و رش و حطينا على ريولنا و قلنا ان شاء الله الفجر نكون بخير

عشان نسير نصلي في الحرم

و نسيت اخبركم انه الحمام كان فاضي من أدوات النظافة و اتصلت الريسيبشن و استغربوا

و طرشولنا كيس مليان لانه الله يسلمكم نسيت فرش الاسنان و العطور في السيارة

و الحمدلله انتهى أول يوم بعد معاناه مع آلام الرجلين

بالنسبة للغرفة كانت نظيفة جدا و واسعة و مريحه لكنها بعيده شوي في آخر السوق

و الابراج بس كانت تجربة حلوه لانه من زمان خاطري اسكن في هذا الفندق


انتهى اليوم الاول من رحلة مكة و نلقاكم غدا باذن الله

دمتم بود

​

 

[روبانزل]

صباح و مساء الخير للجميع

اليوم الأربعاء 20 / 12 / 2018

بعد يوم متعب و مصحوب بآلام الارجل و المفاصل

صحينا مع أذان الفجر و صحيت زوجي و قلتله بسرعة بتتأخر على الصلاه

و أنا كان ودي اصلي في الحرم بس ما قدرت و يوم رجع زوجي يقول

بسرعة بسرعة كنت امشي عشان ما تطوفني الصلاة و الا يوم وصل توه يأذن

و الساعة 9 نزلنا لبوفيه الفندق نفطر لكن المشوار طويل للمطعم

و نشوف وياكم البوفيه

أول مره أشوف شكشوكة في بوفيه الفطور

و هذا ريوقنا فول و فلافل و شكشوكة و العيال طبعا كورن فليكس

بصراحة الفلافل لذيذه جدا و الحمدلله الأكل كان ممتاز و هذي اطلالة المطعم

و هذا مطعم هندي

خلصنا و قلنا بنحاول نتمشى شوي و تلاقيت ويا اختي في السوق طبعا

و كانوا بيمشون الظهر الى المدينة و نفس الوقت صديق زوجي موصنه ياخذ

جلابية لزوجته و بنته و قلت ما اقدر امشي وايد و خبرتني اختي في سوق ثاني

عنده وايد ثياب للحريم غير زمزم و انا طبعا كنت ناسيه و يوم دخلت المركز تذكرته

لانه كنا ساكنين في سويس هوتيل و نمر على السوق اعتقد اسواق مكة نسيت الاسم

مشينا شوي و رجعنا الفندق ما قدرنا نكمل

و هذا المطعم صورناه و قلنا بنتغدى فيه اليوم و للأسف طلع مسكر

و قعدنا في اللوبي ندور مطاعم للغدا و شوي تذكرنا في عمالة في السوق يوزعون

بطاقات فيها ارقام نقدر نطلب منهم و يوصلون الاكل لين الغرفة من أي مطعم حابينه

رجعنا الغرفة و زوجي نزل يصلي و أنا بعدني مب قادرة امشي طلبنا من البيك و كلنا في الغرفة


​

 

[روبانزل]

خذنا غفوة و صحينا قبل المغرب و قلنا لازم نصلي في الحرم اذا قدرنا

وصلنا و قالولنا اطلعوا فوق ما شيء مكان

و بعدين يعني

طلعنا الدور الثاني و قلت أبغي أشوف الكعبة لو من بعيد و ولدي الصغير اول مرة يدخل مكة

و هذي الصورة اللي قدرت اصورها زحمة و الجاليات ما يعطونا مجال نوقف

صلينا المغرب في الدور الثاني و قلت حق زوجي بنطلع السطح

قال خليج في مكانج الدنيا زحمه و قلت ما بقعد حرام الصحن ما مشيت فيه

عل الأقل بشوف الكعبة و الطواف و ينشرح صدري شوي

الحمدلله المكان فوق رااااائع و أول مره اطلع السطح لانه قبل ما كانوا يخلون الاطفال

يطلعون بس الحين الحمدلله تيسرت الامور

سولفنا و دعينا و استانسنا و كلمنا الوالدة و خواتي كانوا في برشلونة

طبعا وقتها كان سكايب شغال قبل لا يقطعونه و ونسناهم بالفيديو ويانا

أذن العشاء و صلينا في مكاننا و بعدها رجعنا للسوق

قلت ما أقدر اتمشى و لا حتى في خاطري اتسوق نفسي مسدوده من الالم

طلعنا للمطاعم فوق و قلنا نشوف شو عندهم

حصلنا هالكوفي و قلنا نريح شوي

و هذا هايبرماركت ما شاء الله كبير جدا ما قدرت ادخله

و هذا مطعم تركي

هالوقت كنا شبعانين اللي كلوا حلو و اللي خذوا سلطة فواكة و اللي شربوا كوفي

و العيال هوت شوكليت قلنا بنتمشى و أنا قلت لا يقص عليه الشيطان و خلوني اتشرى

هذا محلي المفضل و لازم كل زيارة لمكة اتشرى منه

خلصنا ورجعنا للمطاعم فوق

ما شاء الله المطاعم كلها جديده و مشهية

طلب العيال برجر

و أنا كباب دجاج

خذنا الأكل و طلعنا للغرفة ناكل و هذا عشايه و البرجر نسيت أصوره

و خلص يومنا و غدا بننتقل للمدينه المنورة

دمتم بود

 

[روبانزل]

صباح و مساء الخير على الجميع

نكمل وياكم جولاتنا

اليوم الخميس

21 / 12 / 2018

اليوم قررت اني اصلي الفجر في الحرم و قلت لااااااازم حتى لو اضغط على نفسي و اتحمل الالم

الحمدلله صعدت للسطح و خذت كرسي و قعدت عليه

و هذا الصحن ما شاء الله ما فيه مكان من الزحمه

رجعت الغرفة و نمت لين يقومون العيال و نزلنا نتريق

خلصنا و اغراضنا جاهزة و نزلنا اللوبي نسوي شيك اوت

هالمرة زوجي لقى تاكسي راعيه سوداني قال يمكن هذا احسن
و نزلنا في نفق المواقف و ركبنا التاكسي

انتظرنا يمكن نص ساعه و الشنط ما وصلت من كثر الزحمة ناس داشين و ناس طالعين ​

 

[روبانزل]

زوجي اتفق وياه اعتقد على 25 و قال ما بمشي على العداد

وصلنا و الا العداد مرتفع اعتقد فوق 35 قاله زوجي اتفقنا على 25

قاله بس انتظرت وايد عطاه زوجي اعتقد 10 زياده او 20 ما اذكر كم

بس بعد ما كان راضي عل المبلغ اللي دفعناه

شغلنا السيارة و انطلقنا الى المدينه المنورة

الشارع الى المدينه كان سالك و جميل

وقفنا عند محطة نعبي بترول و حصلنا قهوة و عطيناهم الدلال

سوولنا دلة شاي و دلة قهوة و كملنا الدرب

وصلنا عند السبلان و لابد من الوقوف

و هذا الشيبس اللي نسيناه في السيارة كم يوم عطيناهم و ما شاء الله خلص

وقفنا عند مسيد و صلينا الظهر و العصر

​

 

[روبانزل]

نكمل رحلتنا الى المدينه

ما شاء الله مناظر الجبال و السحب جميلة جدا سبحان الخالق

اقتربنا من الوصول

هذا فندقنا بولمان زمزم

في البداية زوجي نزل يسوي اجراءات الدخول مثل ما احنا متعودين
و بعدين احنا ناخذ البطاقة و نتوجه للغرفة عل طول

​

 

[روبانزل]

حجزنا كان غرفة و صالة

الصالة

هذي غرفة النوم

فيها سرير لشخصين و سرير شخص

و هذي اطلالة الغرفة على بوابة الحرم رقم 1

الميني بار

و هذا الممر اول ما ندخل الشقة
على اليمين تكرمون الحمام و اليسار كبت الملابس

بدلنا و تجهزنا و انطلقنا للحرم على اذان المغرب

اول ما تدخل من البوابة اتحس بانشراح و راحة عجيبه

تعبت و أنا امشي متجهة لمدخل النساء

صليت في الساحة مع النساء و قلت لازم ادخل داخل المسجد النبوي و اصلي عل الاقل ركعتين

​

 

[روبانزل]

دخلت و الا الناس داخل هجوم طالعين و داشين و انا امشي داخل ادو مكان اصلي فيه

الكل قاعد و اللي حاجزة مكان و حاطة شنطة و اللي حاطة كيس و اللي تكرمون حاطين نعول

مشيت لين مدخل الروضه اسمع عنه بس ما اعرف شو داخل قالولي مسكرين يفتحون بعد

صلاة العشاء رجعت و قلت بصلي و الا اشوف وحده من الجاليات وقفت بصلي و الا تحط اكياسها

و ما ادري شو تقول و تتحرطم و أنا واقفه و هي تدز اغراضها تبغيني امشي و أنا اقوللها صلاة و أأشر

بايدي ما تفهم آخر شيء تذكرت قلتلها نماز سنت نماز الحمدلله افتهمت و خلتني اصلي

و الا و الله نشفت ريجي عادي كنت افر اغراضها

يا الله كيف الناس حاجزين الاماكن تقولون كنه

بيتهم و الا دافعين فلوس على المكان استغفلر الله

اختي كانت ساكنه في دار التقوى و ما شاء الله مقابل مدخل النساء

طلعنا ندور مطاعم و صوبنا ما لقينا شيء

سأل زوجي العساكر اللي واقفين واحد قاله شلك بالمطاعم عندك الفنادق

فيهم بوفيهات رخيصة و نظيفة احسن من المطاعم و قلنا يالله نشوف الفندق

و دخلنا فندقنا كانت الساعة 7 و توهم فاتحين البوفيه ما فيه حد غيرنا

و الشخص اعتقد 45 بلاش و الاطفال حسبلهم يمكن 25 و ولدي الكبير قال أنا ما بتعشى

نشوف وياكم اصناف البوفيه السلطات

الشوربة

الكسكس يمي يمي

مرق خضار

و الحين نشوف الحلويات

و بس

البوفيه صغير و ما فيه تنوع كثير
طبعا كلنا خذنا كسس

طلبنا عصاير ما كانت من ضمن البوفيه و المشروبات كلها ما تدخل مع البوفيه

و آخر شيء وصل حلو أم علي

للأسف ما كان فيه طعم خبز و حليب بس و بدون سكر

أذن العشاء و احنا بعدنا ناكل زوجي سار الحرم و احنا قلنا بنرجع الغرفة

و هذا كافيه في الفندق يقدم وجبات خفيفة و شفت سيخ الشوارما بعد

هاذي شاشة في الاستقبال فيها موعد الباص متى يتحرك لبوابة النساء

للأسف المفروض الاستقبال وقت الدخول يخبرونا انه عندهم باص يوصل لمدخل النساء

لكن محد خبرنا بهالشيء و ما سكت رحت و كلمتهم
نتابع الاستقبال

المصاعد ما شاء الله 5

رجع زوجي و قلت ابغي اسير عند اختي طبعا الكل تعبان زوجي و ولدي الصغير ناموا

خذت الكبير و قلت باخذ تكسي بس كن متخوفة وايد من سنيييييييين ما ركبت تكسي بروحي

و لدي بعده اعتبره صغير و اتفقنا وياه يوصلنا ب 15 مع ان المكان وايد قريب بس ما اقدر امشي

هذي ساحة الحرم من غرفة اختي في فندق دار التقوى

و هذي غرفتهم

بصراحة الفندق قديم و مستهلك جدا ما حبيته و قلت الحمدلله اني ما حجزت فيه

لانه حتى زوجي ما كان بيعجبه قديم جدا جدا مقارنة بفندقنا

قعدنا نسولف و كانوا طالبين عشاء من الفندق عيالها متعودين لازم ياكلون في الغرفة

و أم زوجها كانت وياهم بس ما كانت موجوده و يوم بغيت امشي اشوفها رجعت

و كانت هلكانه مسكينه لانها دخلت الروضة و تقول كنت بموت و انقطع عني النفس

من التزاحم و الاندفاع خفت بصراحة قلت كيف بدخل مع اني كنت ناوية الفجر اسير

المهم رجعنا الفندق و هالمره التكسي بيغي 20 قلتله 10 ما رضى و اللي قبله

بعد نفس الشيء و بعدها وصلنا ب 15 و كنت ابغي اتمشى شوي بس خفت و كنت تعبانه

و رجعت و رتبت شنطة فيها الاحرامات و الملابس اللي ما نبغيها عشان اطرشها ويا

اختي في الطيارة لانه اغراضهم شوية و أنا وايد ماخذه ملابس شتوية و الشتاء تأخر علينا

و خلص اول يوم في المدينة و نشوفكم اليوم الثاني


دمتم بود

​

 

[روبانزل]

صباح و مساء الخير للجميع

نكمل معاكم جولاتنا

اليوم الجمعة 22 / 12 /2017

صحيت الفجر قبل ما يتحرك الباص لبوابة النساء

ما شاء الله الباص شبه ممتلىء

وصلنا ب 5 دقائق و المرور كان في النفق

خلصت الصلاة و قلت بدخل الروضة و قالولي بعدهم تقريبا يعد نص ساعة بيفتحون الباب

قلت خلاص برجع الفندق و في الليل بدخل الروضة و رجعنا

و هذا النفق

رجعت و كملت النوم و صحينا و زوجي ياب لنا فطور لانه ما بغينا بوفيه الفندق

كان عبارة عن شكشوكة و فول و لحسة و طبعا خبز تميس

بس ما حبيت الاكل ابدا

​