من هي جيبوتي ؟؟

[زهرةة البنفسج]

هاللقطات من اعلى الجبل​

الجبل الابيض اللي بالصورة هو قبة الخراب​

​

​

​

​

​

بعض منتجاتهم من الصخور ​

تباع بأسعار عاليه نوعا ما ،،،،،،،​

تحسفت ما شريت للأسف ​

​

والملح ياخذونه من البحيرة ويبيعونه للسواح​

في قنينة ماء معدنية ​

هالصورة عجيييييييييييبة وبالحقيقة المكان رووووووعة ​

​

​

ونزلنا للبحيرة الكبريتية ​

مايها حااااااااااار ​

نزلت رويلاتي ما تحملت @@​

​

​

وبدت ملامح البحيرة المالحة تباااااااااااااااان ​

​

​

 

[زهرةة البنفسج]

​

بائع الملح والتحف ​

​

​

ولزوم التبريد بالطريق ​

حليب بالفراوله ​

لذيذ ​

​

​

​

​

​

​

​

​

​

​

وبلورات الملح ​

كسرت لي شويه اخذتهم للذكرى​

​

​

سبحان الله قادر على كل شي

​

وتوكلنا على الله نصعد فوووووق الجبل لأن البحيره​

اسفل الجبل​

ويالله سترك من الطريق ​

ووصلنا على خير على الطريق العام المعبد ،،،​

 

[زهرةة البنفسج]

- بحيرة عسل​

​

​

 

[زهرةة البنفسج]

- بحيرة عسل​

​

​

 

[زهرةة البنفسج]

وكملنا طريقنا باتجاه العاصمة ( جيبوتي) ​

​

​

مرينا على هالمشروع ما شاء الله المسجد كبير وقريب يتشطب ​

احد مشاريع الدول الخليجية ​

​

جعنا ولازم نتغدا ونرجع الفندق نريح ونجهز اغراضنا ​

الليله موعد مغادرتنا الي الكويت ​

موعد الاقلاع الساعه 2 ونصف فجرا ​

واقترحت عليهم ناكل السمك مره ثانية مع ان النيه كانت مندي ( تيس صغير) لكن للأسف تأخرنا كثير ​

والمطعم اعتذر عن الطلب ​

وانا انبسطت على الآخر لأني ما أحب اللحم وفضلت السمك وااااااااااااايد

​

حرام زوجي كان بخاطره المندى اللذيذ

​

الطريق من البحيرة لجيبوتي العاصمه تقريبا ساعتين

​

وصلنا جيبوتي ​

ودخلنا مسجد الشيخ سلمان من السعودية ​

مسجد قريب من مطعم السمك ​

دخلنا نغسل ونصلي الظهر والعصر ونريح شوي من بعد رحلتنا اليوم ​

المسجد نظيف وايد ​

لكن للأسف دورات المياه بائسه ولا كأن المسجد جديد ​

مافي اهتمام والظاهر اي شخص يدخله ويرررررررروح

​

وهذه لقطات له ​

​

​

اعتقد هذا هو الحارس ​

​

​

​

ساحة المسجد من الداخل بعدسة رأس المال ​

​

مصلى الرجال ​

​

مصلى النساء بالدور العلوي ​

باسم الله صعدنا وهذا المدخل ،،،،،،​

الصاله كبيرة ما شاء الله ​

​

التكييف وحدات منفصله عامودية ​

حاولنا نشغلها ما عرفنا ​

اكتفينا بالمراوح ​

​

​

​

​

وصورة من فوق لساحة المسجد الخلفية ​

اعتقد ان الغرفه للحارس وعائلته ​

 

[زهرةة البنفسج]

من بعد ما طلعنا من المسجد ​

توجهنا الى المطعم اليمني ​

عشان ناكل السمك المشوي يمييييييييييي

​

​

​

وهالعاملات كانوا باستقبالنا لأن الغداء كان محجوز ​

وحدة زعلانه وطاقه البوز

والثانيه اتهبل استقبلتنا بحفاوة وكلامها مثل العسل ​

​

صاله الرجال اول ما دخلنا ​

​

وهذه صاله الحريم ​

​

​

والكلمه الوحيدة اللي عرفتها بالجيبوتي كلمه الماء يقولون (بيوووو)​

ووصل الخبز بالجبن حاااااااااااااار ايهبل ​

وانا ميته من الجوع ​

بسم الله ​

​

​

والسمك توه طالع من التنور حااااااااااااار ​

تفضلوا باسم الله ​

لا تستحون ​

لذيذ هالسمك وقعت بغرامه من قلب ​

​

​

​

​

والبيبسي والسفن اب حاضر على السفرة ​

نسيت اصوره من الجوع ​

علينا بالف عافيه ​

والحمد لله على النعمه ربي يزيدها ولا ينقصها ​

واحنا طالعين العامله البشوشه تقولي خلينا نشوفكم مره ثانيه ​

قلت ان شاء الله السنه الجايه ​

قالت لاااااااااااا حرام عليك وايد بعيد ​

قلت لها وعد اي زيارة قريبه اول ما نأكل عندك بالمطعم ​

يا حلاتها خوووووووووش مرأة

​

الله يرزقها ويوفقها ​

تقييمي للمطعم : ​

استقبال وحفاوة ​

نظيف ​

الأكل شهي وحار طاااازة ​

والخدمة حلوة ​

طلبنا منها ثلج وما جابته الظاهر ما افهمت علينا او ماعندها ومنحرجة تقول ​

شربت البيبسي حار شوي

​

​

طلعنا من المطعم بعد ساعه تقريبا الى الفندق لتجهيز الشنطة والراحه ​

جهزت اغراضنا ونمناااااااااااااااا شوي نرتاح ورانا سفرة ورحلة طويله ​

وقتنا الموبايل على الساعه 10 ونص لا تروح علينا نومه وتطير الطيارة ​

موعدنا مع السايق الساعه 12 مساءا​

​

وخليكم معاي اقولكم شنو صار نكد علينا وخرب كل الجدول بالرجعه الى الديرة

​

 

[زهرةة البنفسج]

وتوكلنا على الله الى المطار

​

ما هو بعيد عن الفندق ​

15 دقيقة بس ​

الجووووووووووووووو كان رطوووووووووبه مووووووووووت بهاليوم ​

وحرررررر ​

سلمنا على الجماعه واستودعناهم هم وعيالهم عند الله ​

الله يحفظهم بهالبلد ويرجعهم لديرتهم سالمين يارب ​

​

​

وحان وقت الرحيل

,,,,,,,,,​

​

​

خلصنا على السريع خلال ربع ساعه بس​

والحمد لله ​

​

​

بنك ذهب شيل ​

والله اسمه عجيب ويونس​

​

​

​

صاله الانتظار ​

بسيطة جدا جداااااااااااا​

​

دخلنا الصاله الثانية استعدادا لركوب الطائرة ​

والناس نايمين ​

التكييف فيها باااااااااااااارد ما شاء الله ​

عكس الصاله اللي فيها تسليم الشنط واخذ البوردنق​

​

ومن هالباب الى الطيارة ​

هذه طيارتنا ​

رحنا لها مشي لأنها قريبه حيل ​

وداعية يا أخر ليلة تجمعنا ودااااااااااااعية ,,,​

​

(((والحين المأساة )))​

وتأخرت الطياره شوي بانتظار 4 ركاب ​

واخيييييييييرا وصلوا وتحركت الطيارة ​

لكن حدث شي غريب ولم يكن على البال والخاطر ​

بدأت المشاجرات بينهم على الطيارة ما ندري اشفيهم ​

والمضيفين والمضيفات يهدونهم وما كو فايدة ​

صرااااااااحة قمه في الرعب ​

كل الركاب قاموا يتحلطمون ويكلمون المضيفات اشلون نطير والناس تتهاوش ​

اشلون بالجووووووووو ​

الأجانب طلبوا يكلمون الكابتن عشان ينزلهم

​

الرحلة 5 ساعات الى الدوحة

​

قمه الاحباط والرعب ​

بعد ما تحركت الطيارة شوي قرر الكابتن انها تووووووووووووووقف

​

وقفنا تقريبا 3 ساعات الا شوي وكله تأخير

​

عشان بس ينزلونونم وشنطهم من الطيارة ​

أمن الطيارة والركاب في خطر ​

لا بد من قرار حاسم ​

اغلب الركاب عندهم ترانزيت ورحلات ثانيه الى بلدهم ​

اكيد ماراح نلحق رحلاتنا

​

لكن تم الاعلان من قبل مساعد الكابتن ​

ان الخطوط القطريه بتتصررف وكل بيروح ديرته على رحلات اخري لو ما لحقنا ​

والحمد لله افتكينا منهم وتحركت الطيارة ​

كل جدولنا تخربط ​

رحلتنا تأخرت ​

ماراح نلحق على طيارتنا الثانية ​

ورانا دوام يا ناس ،،​

يالله خيرة ما ندري شنو كان بيصير لو ما تأخرنا وتم التصرف معاهم ​

الحمد لله ​

وطااااااااااااارت الطيارة والكل مرتاح ​

هالصورة طبعا الصبح بعد مانمت وقعدت

​

​

ووزعوا الوجبات كانت نفس الوجبات برحلتنا الأولى ​

اكلت نتفه ونمت من التعب والارهاق​

وصلنا الدوحه بسلام والحمد لله ​

لقينا بانتظارنا طاقم من الخطوط القطرية كل حسب رحلته جاهزين ومستعدين ​

سلمونا البوردنق على رحلات ثانية ​

مع وجبه ريوق وغداء قبل الرحلة الى الكويت ​

طيارتنا طارت قبل لا نوصل بنصف ساعه ​

لعلها خيرة والحمد لله على كل حال​

​

ايه هذا المطار اللي يشرح القلب ويونس تبارك الله​

وغسلنا وريحنا شوي على الكراسي وشحنا الموبايلات ​

وبلغنا الأهل بالتأخير لا يحاتون حرام​

عند كل الكراسي كذا مكان للشحن ​

عندنا 3 ساعات حتى يحين موعد الطيارة ​

افترينا بالمطار واستكشفنا شوي ​

يا زين مطارهم زينااااااااااااااااااااااااااااااه​

لكن ما قدرنا نكمل التعب وااااااصل حده ​

لازم نتريق لأن ما أكلنا بالطيارة عدل ​

​

​

الحين نشووووووووووووف الريوق اللذيذ

​

 

[زهرةة البنفسج]

نكمل اخر جزء بالرحلة ،،،،،،،،،،،​

​

​

تمشينا بمطار الدوحة وهذه اللقطات من هنا وهناك ​

اعذروني ماهي مرتبة ​

وهذا الدبدوب لقيت لكم قصته ​

(( تم شراؤه من احد مزادات دار كريستيز مقابل 6.8 مليون دولار والدميه من أعمال النحات السويسري الشهير اورس فيشر)) ​

اتهقون يستاهل هالمبلغ كله ؟؟؟؟؟؟؟​

والله مو حلو ما عجبني !!!!!!​

​

​

​

​

​

​

​

​

وعقب هاللفه خلاص جعنا اكثر ​

توجهنا للمطعم اللي قالوا لنا عنه ​

لنا وجبتين مجانا ( ريوق وغداء ) قبل موعد الطيارة ​

وكله تعويض عن ضياع رحلتنا
ربي اكرمنا والحمد لله ،،،​

اسم المطعم ( مارشيه ) ​

المطعم يشرح ونظييييف والديكور حلو ​

وكبير والستاف فيه متعاون وعجبني فيه شاشه لمواعيد الطيارات ​

وتلفزيون ​

مكانه بالضبط خلف الدب

​

دخلنا باسم الله ​

وعند الكاشير عطيناها البوردنق ​

وعطتنا وصل الريوق المجاني من الطيران القطري ​

​

​

​

لقطات عامة للمطعم ​

هذا السكشن غير مشمول مع ريوقنا ​

​

​

ولا هذاااااا

عاد صج كان خاطري بكرواسون بس الموجود خير ونعمه ما أخذت شي زايد​

​

والريوق المقدم لنا من اصناف معينه وليس من كل المعروض بالمطعم ​

من هذا الكورنر ​

​

​

​

​

​

واخترنا هالأصناف ​

​

هذه لذيذة بالكشمش احب هالسوالف ​

​

​

هذا ريوقنا انا ورأس المال ​

ولنا اي مشروب حار او بارد حسب اختيارنا ​

اخذنا شاي وحليب ( الكرك)​

​

هذه طماطة وعليها جبن وخضار ​

مووووو حلوة الله يديم النعمه ماصخة ​

اما باقي الأكل صراحة لذيذ وشبعنا الحمد لله ​

​

​

​

والحمد لله ربي يديمها نعمه ويمنعها من الزوال ​

ريحنا شوي وقمنا نتمشى مره ثانيه نهضم ريوقنا ،،،،،،،​

 

[زهرةة البنفسج]

تحسفت ما شريت البقلاوة لذيذة


من التعب والتأخير بالطيارة

عجبني هالكافيه وايد

محلات اليهال حلوة وتونس

وهالمجسمات وايد حلوة للعيال عشان يلعبون ​

وايد حبيتها ​

حسيتها معبرة ​

زحلاقيه وهالكتكوته الله يخليها لأهلها تلعب مستانسة

كان ودي اتزحلق معاهم

وهذا كرسي

وفيه مكان للكمبيوترات مجانا

 

[زهرةة البنفسج]

واختكم هلكها التعب والتمشي

​

نريح شوي واشحن اي فوني قبل لا نصعد الطيارة ​

فيه اماكن للشحن عند كل الكراسي ​

خلينا نروح نشوف الغداء وناكل شوي لأن بنوصل الكويت متأخرين ​

واكيد على البيت والفرااااااااااش على طول للراحة

​

الغداء بنفس المطعم ( مارشيه ) ​

خذت البوردنق وعطتني وصل الغداء​

كان بخاطري شي حلو ​

طلبت هذا ​

قالت مو مشمول مع غداكم

​

​

تختار صنف اساسي مع اي نوع من الرز ​

ومشروب غازي ​

وسلطة ​

والحلو ​

هذا الغداء ​

سلطة لزوم الدايت

لاتصدقون بس هذه دعايه

​

​

رأس المال اخذ اللحم بالصوص لذيذ وريحته حلوة ​

​

انا اخذت برياني دجاج ​

​

​

​

​

​

والحلو ​

نفس فطيرة الكشمش ​

​

اكلنا على راحتنا باقي ساعة على ركوب الطيارة ​

والحمد لله على النعمة ​

توجهنا الى البوابه ​

وانا امشي على السير المتحرك ​

سمعت صوت ؟؟؟؟؟؟؟؟​

لما رفعت راسي شفت قطار في الدور العلوي ​

يوننننننننننس ​

يمشي على الاتجاهين بس ماعرفت حق شنو ​

​

اشوه البوابه مو بعيدة وايد ​

​

ركبنا الطيارة ​

​

لازم اصور الكابتن ​

​

الدرجة الأولى عايشين بربيع ,,,,,,,,,,​

​

​

​

وبدأوا بتحميل الشنط ​

وشفت شنطتنا معاهم ,,,,,,,,​

وعجبتني هالحركة ​

سيارة مرت فيها ماء بارد عشان الموظفين بالشمس يتبردون ويطفون عطشهم ​

الله يعينهم الجو حار ​

​

واخيييييييييييييييييييييرا بنرجع ​

مع ان الرحلة حلوة وايد حبيتها واستانست فيها ​

وسريعة جدا ​

الا اني اشتقت لبيتي وعيالي واهلي ​

تقريبا وصلنا وبدأ الهبوط التدريجي ​

هذه الكويت صل على النبي ​

​

​

​

​

​

وصلنا والحمد لله على سلامتنا - مطار الكويت ​

​

​

والحمد لله انتهت الرحلة على خير ​

وصلنا تقريبا الساعه 2 ونص الظهر ​

اخذنا الشنطة وسيارتنا من المواقف ​

وتوكلنا على الرحمن الى البيت ​

انا نمت بالسياااااااااااااارة

من التعب

تقييم البلد لاحقاً ان شاء الله ​

أتمنى ان اكون قد وفقت في نقل صورة جميله لهذا البلد ​

ويكون التقرير قد حاز على اعجابكم واستحسانكم ​

سعدت لمتابعتكم وتعليقاتكم جدا جدا

​

والى لقاء جديد في بلد جديد ان شاء الله ،،،،،،،،،،​

88) :

لا تنسوني من دعواتكم ,,,,,,​

انا اليوم بينكم ولا أعلم غداً اين اكون​

اختكم - قصة حب ​