معلومات عن جيبوتي

[زهرةة البنفسج]

جيبوتي عبر كميرتي بالتفصيل الممل

بقلم : مبرمجة حاسب


* ادرجنا هذا التقرير رغم عدم توافر الصور لأهميته
و كلنا أمل بأن تعيد عضوتنا مبرمجة حاسب رفع الصور

هذا أول موضوع لي بهالمنتدى الرائع جداً..وقد دخلته قبل سفري لجيبوتي علشان ابحث عن معلومات عن جيبوتي ومالقيت الي يساعدني على العموم أنتقلت لها للسكن فيها والحمد لله لي الان فيها شهر وبصراحة مازلنا على قيد الحياة ومهددين بالانقراض.

..

جيبوتي ياكرهي لها والله يعيننا عليها وتعدي هالأربع السنوات على خير والله يعز أرضك يالسعودية..

المهم ..

جيبوتي لغتهم لغة العفر الي هي لغة الصومال ويتكلمون اللغة الفرنسية وبسيط جدا الي يتكلمون اللغة العربية ..

اما باللنسبة للتعاملهم فزفت ناس همجيييين جداُ أوقح ناس قد قابلتهم ..
وليلهم ونهارهم يقيتون بالقات والرجال مايشتغلون النساء هم الكل في الكل ..هم الي يشتغلون وهم كلش بهالبلد ..

اما بالنسبة للسواق فآآآآآآآآآآخ يالاسواق عدم ..فيه كم سوق بابلغكم علشان الي بيسكنون هنا ويبون معلومات..

الاسواق...

1- سوبر ماركت نيو قبري وبتشوفون صورته لاحقاً..ماشي وفي جيبوتي بعض المنتجات السعودية مثل لونا وكيري وربيع ماشيه تنفع ..وطبعاً الالبان احلمو مافيه الا يوم الاربعاء فقط يجينا لبن المراعي وبسرعة يخلص..

2- سوبر ماركت نابليون ..حلو ومرتب وافضل سعر من نيو قبري ..
3- سوبر ماركت سمير اميس..مازلته بس يمدحونه السعوديات هنا..
4- كاش ..طبعا هذا سوبر ماركت فرنسي بس صراحة يجنن ويفتح النفس ويذكرني برد تاغ حلو مررره بس غالي شوي..
وفيه اسواق باقي بس عفن مررره ..

مواد الغذاء..لازم اي احد بيسكن هنا بجيبوتي يجيب معه من دولة مواد الغذاء لانها بصراحة عدم هنا ومعفنه وغااالية مووت ..

المطاعم..
شبة منقرضة الي تفتح النفس..
1- مطعم نيو قبري زي البوفيه ماشي بس اكثر اكلهم بايت يعني معفن ..
2- مطعم لبناني فيه اثنين بصراحة افضل مالقيت تجنن واحد غالي شوي بس كل ما تحلمون من اكلات شامية فيه ونظيف والثاني اقل شويه بس عليه فلافل تجنن وهو الوحيد بجيبوتي الي عنده فلافل..
3- فيه مطعم هندي وصيني بس لسى مازرتها ..
والمطاعم اليمينية يقولون كثيرة بس الدولة معفنه تجبركم على الاكل بالبيت واحلموا بالمطاعم ببلدكم ..

المنتزات..
عـــــــــــــــــــــدم...بس فيه البحر وكورنيس الاسكال بتشوفون صورة لاحقاً..والبر عندهم حلو والبحر على البر برضه حلو وفيه مدينة جبلية حلوة اسمها عرتا برد جبلية مطله على بحر وفيها استراحات نتجمع العوائل السعودية بهالاستراحات ونستانس ونغير جو ..

نبدا الآن بالصور..

نعتذر عن عدم توفر الصور

وهذي السيارات الخضر هي التكاسي عفن وقرف مووت واسم السيارة بالجيبوتي ( بابور )..

هذي ملاهي قرب بيتنا تعتبر عندهم افخم شي

وهذا مقهى يعتبر شي عند مطعم نيو قبري

وهذا افضل مكان عندهم وهو كورنيش الاسكال..للقهوة والشاي وكلها كشكات وفيها مطاعم كشكات بس قرف وتموتون وتكرون الطلب بعدين يجيبونه..بس ماعليه ينفع..

وفيه ميزه حلوة عندهم ..ليلهم ونهارهم يكنسون عمال النظافة ووشهم عمال النظافه ياحرام حريم وكبار بالسن وهذي صورة ماقدرت اصور زي انحرجت منهم ..

هذا سوبر ماركت العاصمة اسمه نيوقبري

وهذا الصراف الآلي وافضل لكل من بينتقل للعيش هنا يجيب معه من دولته كاش علشان تصرفونها من حريم للفرنك الجيبوتي لان الصرافات هنا تاخذ بنسبة 35% نصب ...

وهذا الخبز اليميني بالحبة السوداء يجنن..

وهذا البواب تبعنا عمارتنا ويسمونه القرديان ..وهذا البيت بيتهم ياحرام يقطعون القلب مررره فقراء..شوفوا نايم فوق بيته علشان يبرد شويه..
طبعاص الكهرب مووووت عندهم غاااااااااااااااااااااااالي نار ..

وهذا البلدية عندهم عربة حمار الله يكرمكم..
وهذي حرمة تجمع من الارض الاكل المرمي ناس فقراء ترحمهم مررره ياقلبي ..بصراحة هذي الدولة تروضك من الدلع والعز الى الاقل لمى تشوفهم ..

وهذي 10000 عشرة الآف فرنك

ولي جزء ثاني معكم ...

تحياتي لكم من ربوع أفريقيا ..

مراسلتكم من جيبوتي..

مبرمجة حاسب





​

 

[زهرةة البنفسج]

بوابةالسفر إلي دول أفريقيا الأخرى​

الجزء الثاني من جيبوتي.. ​

السلام عليكم ورحمة الله وبركاته..

نعتذر عن عدم توفر الصور

لي الآن بجيبوتي تقريباً شهرين ولله الحمد مازلت على قيد الحياة..

على العموم بديت أتقالم غصب علشان ايامنا بتطول هنا فلابد اني اتأقلم واحاول احبها وأشوف اي شي جميل ..

وبجد والله بديت أكتشف اماكن فيها ساحره مثل عرته ARTA الجبلية الباردة المطله على البحر ..ومثل طريق الصومال يجنن للكشتات البرية رووعه ولا كل شويه تمر علينا غزلان صغيره تجنن..
والبحر بيني وبينكم يسحر من روووعته..قسم بالله نساني بحر جده الي كنت اعشقه..

بالعربي زي ماقلت لكم بديت أتقلم ..وزرنا فنادقها والحمد لله استانسنت مرره ..الان أخليكم مع الصور..


نبدأ من هذه الزهور الجميلة مع هالكلبين الحلوين ياحلوهم على اني أكره الكلاب واخاف منهم بس أعجبوني ..

هذا جيبوتي من أصل يمني كان يبيع هالكلبين مع الورود الي اعطانا اياها هدية وتمنى لنا ليلة سعيدة ولقيناه عند مركز كاش الفرنسي..وياحليه ما سكت حكى لنا قصة حياته بدقايق رحمته والله ..

هذولا بنتين يبعون قات ومدري وشو معهم قدام بس أشكالهم جيبوتيات من أصول يمنيه لان ملامحهم واضحه ..

هذي البقالات العابرة بكل شارع ..

صورة عن قرب..

محلات بيع التحف الأفريقية بوسط السوق...تجنن صناعات يدوية..

رجال جالس بوسط الشارع الحمد لله الي عافانا مما ابتلاهم وهذولاء وش كثرهم

الحريم يبعون بعض البهارات ومدرس وشو بعد ..وزي ماقلت لكم الحريم هنا هم الكل بالكل هم الي يبعون ويشترون وكلش أكثر من الرجال حتى قويات مره ورجالهم بس يقيتون بالقات تبعهم الليل والنهار..

وهذي سلمكم الله الغنم بكل مكان تلاقونها شوي وتلاقونها بقصر الحكم تتطالب بالجنسية من كثرتها بهالشوارع..

وهذا رجل اشارة المرور لان بجيبوتي كلها ما فيه ولا اشارة مرور..

أحسن..شكلي بأجيب معي من السعودية اشارة مرور اركزها عند بيتي

وهذا حارس العمارة ويسمونه ( قرديان ) يجهز القات تبعه يبي يرووق على هالظهر..

بنات جيبوتيات بوسط حارات جيبوتي ولاحظو الشارع كيف وسخ وقرف!!

سوق الملابس

سوق الخضار..

باصات النقل..

صورة من وسط مدينة جيبوتي..

والى هنا أكتفي ولنا لقاء بأجزاء أخرى حيث تشمل القرى والمدن المجاورة للعاصمة جيبوتي ..

تحياتي مع مراسلتكم من ربوع أفريقيا..

مبرمجة حاسب
​

​