ولاية اوهايو

[لوجىى]

.

الفطاير

خلصت من علاء الدين و هذول ما ادري شعندهم عند النادي شكلهم ناطرين احد

وهذا ريوقنا

وخلص اليوم و الحمدلله

 

[لوجىى]

يوم الاربعا

10/17

ماكو شي قاعدين في الشقه

يوم الخميس
10/18

الريوق

وعقب خالي عنده مراجعه في المستشفى

وانا لقيت هالكافيه اللبناني ورا سوق الخضار

بس عندهم شاورما و مزات ماعندهم مشاوي

وخلص الخميس الحمدلله

 

[لوجىى]

يوم اليمعه
10/19

رحنا جمعية rumis

كل شي عربي موجود

أدوات التنظيف غاليه

وبعدين الى تارقت target

والغدا عارفين بعد ما يبيله البيك

وخلص اليوم الحمدلله

 

[لوجىى]

اليوم السبت

10/20

واعدة وحدة كويتية تعرفت عليها والتقينا في ستاربكس الداون تاون

الجو عجيببب برررد و غيم و امطار و باچر احتمال ثلج و الله اعلم

وعقب السوالف في ستاربكس ودعنا بعض ورحت الجمعية اشتري جم شغله ناقصه وراي طبخه كويتية

وطبختنا اليوم معدس بما ان الجو بارد
نقعت العيش والعدس مدة ساعه بماي و خل

وحمست في الجدر اشوية زيت وبصل و طماط فريش و بطاط مكعبات و معجون طماط و بهارات مشكله مع كركم

وقطيت لومي صحاري على حسب الرغبه

وكتيت العدس و العيش مع الحمسه
مقدار العدس نص مقدار العيش يعني كوب عيش يقابله نص كوب عدس

وصبيت الماي الحار وانطر على ما ينشف اشوي و اقصر على النار

يتنا هالغيمه و ظلمت الدنيا ما شاءالله

وخلص غدانا
انا سويته لين عشان خالي يقدر يأكله

وچنكم ماتدرون اشوية روبه

وبالعافيه طبخه سريعه و شتوية

وهذا قوس القزح طلع عقب المطر

وخلص اليوم والحمدلله

 

[لوجىى]

الأيام اللي طافت ماعندنا شي غير البيت واعتقد خلاص راح أوقف اليوميات لي اهني لان راح نقعد في كليفلاند مدة شهرين من غير طلعه برا كليفلاند بس في حدودها .. وبعدها ان شاءالله الله يسهل و نرجع الكويت ..

اليوم بالصدفة دخلت هالمحل
Burlington ولا يطلع الحبيب Ross بس بأسم مختلف في اوهايو وقريب منا صوب الولمارت وطول الأشهر ما ندري عنه

ممتاز للتسوق وأسعار حلوه

انتهت يومياتي معاكم لي هذا الحد
اشكر متابعتكم لليوميات
وشكرا لدعائكم ماقصروتوا
وشكرا لتعاليقكم الحلوه ومساندتكم لي في هاليوميات

أتمنى أني قدرت اعطيكم نظره على كليفلاند و أفدت اللي رايحين علاج او سياحة ..

سامحوني على اي قصور او غلطه طلعت مني ..

ان شاءالله راح أحط لكم اخر جزء فيه عن اماكن ممكن زيارتها للسياحة قريبه من كليفلاند و تفيدكم للي مفكرين يزورون اوهايو وبالتحديد كليفلاند ..

وهذا كل اللي عندي

أشوفكم على خير ان شاءالله في يوميات و تقارير يايه ان شاءالله

 

[لوجىى]

السلام عليكم و رحمة الله وبركاته

من بعد اخر بوست حطيته برجع لكم بجم بوست و صور من الجو الشتوي

طبعا لا جديد عالساحه الأسابيع اللي طافت الا زيارة المستشفى الدورية كل اسبوع مره للمتابعه و الحمدلله الأمور سليمه و كل شي تمام بفضل الله ..

وبعد الحمدلله رخصنا الدكتور عشان نرجع ارض الوطن الكويت الحبيبه مشتاقين

من بعد ما قالنا متى نقدر نرجع بدت الترتيبات والحجوزات

تم حجز الطيران الداخلي على نيويورك بتاريخ 12/9 على طيران دلتا بسعر تقريبا 150 دولار للشخص ..

وتم حجز فنادق نيويورك ليلتين

وجدولة تاريخ رحلة الطيران الدولي على الكويتية من نيويورك الى الكويت بتاريخ 12/12 اذا الله أراد ..

وانا أتمشى في الأيام الخوالي بالسياره مع الصوت الجريح و اشوف مجمع عالبحيرة .. استغربت اول شي مو عارفه شنو بالضبط و اسأل السكيورتي ولا يقولي مجمع سكني ..
انا طلعت عيني مجمع سكني في هالموقع ويني عنه من 4 شهور

والله ادخل ولا المجمع الحلو و شرح و أمان وموقع ممتاز و مكونات ممتازه من نادي و حمام سباحه و نوعية الشقق..

ضاق خلقي ان ماعرفته الا توني والله



سألت اخوي عنه وقالي اعرفه بس مأخذيت فيه لان شقق غير مفروشه وعقد اقل شي 6 شهور ..
قلت الأثاث مقدور عليه لي ما خذيتوا فيها قال انا وخالي ما كان في بالنا بنطول قلنا شهر شهرين و احنا اللي ماشين قلت ماشاءالله على كيفكم دكاترة انتوا يالله هذا انتوا قعدتوا 6 شهور مو شهرين ..
هذا اللي صار و الحمدلله خلصنا الحين ..
بس والله تحسفت عليها صح مو مفروشه بس امر الفرش حيل سهل عندهم و رخيص ..

فأنصح اللي بيي كليفلاند وقت طويل يسكن فيه

ما صورت داخل بصراحه لأني قعدت مع الكويتية اللي تعرفت عليها طلعت ساكنه فيه وتمدحه ..

والمراجعات الروتينية على ماتخلص الأيام
صور من الأسابيع اللي طافت

هالصور من سطح المستشفى في قعده خارجية وداخلية

وتغير الجو
هذي الصوره من نادي مجمعنا السكني من جم يوم

وهذي من الشقه والجو -10 او -7

برجع لكم ان شاءالله قبل سفرتنا و اباشركم من نيويورك