أنت تستخدم أحد المتصفحات القديمة. قد لا يتم عرض هذا الموقع أو المواقع الأخرى بشكل صحيح.
يجب عليك ترقية متصفحك أو استخدام
أحد المتصفحات البديلة.
اقتربنا من الفندق
ادينا صلواتنا و ريحنا و فتحت الدرايش و الهواء كان جميل و شوفوا في دريشتين للحذر
و بعدها طلعنا باتجاه ستيفين بلاتز و هذي صور من الطريق
و هذيل اكشاك ما سرت صوبهم لاني كنت ابغي الحق على محلات الماركات
للاسف وصلت و المحلات كلها مسكره و باجر ما يفتحون
توجهنا بعدها صوب دار الاوبرا
هذا يمكن شيء اثري ما عرفته
و شفنا الحنطور و عيالي من سالزبورغ خاطرهم يركبون و لبينا الطلب
وحجم العربه صغير يكفي اربع اشخاص
طبعا ثقلنا اللبس لان الجو قام يبرد
كنايسهم كلها يسوون حقها صيانه
و التماثيل بكل مكان
و تجولنا في المدينه و بين السكيك
وصلنا للساحة
ولدي من الوناسة رقد
حاسبنا الريال و مشينا و الجولة نص ساعة اعتقد ب 25 يورو
و هاي كنيسة ستيفن محترقة و يعدلونها
المطاعم بس فاتحة و الكافيهات
محل زارا و جدامه تنزلون للاندرجراوند
ردينا لمطعمنا و هذا ولدي يركض ورا الحمام
الطاولات اغلبها فاضية بس المطاعم الثانيه وايد مزدحمة
طلبنا ثلاث سلال ناجتس لانه بصراحه فعلا لذيذ
خلصنا اكل و خلاص رجعنا الفندق لانه مب قادرين نقاوم النوم جافانا
خلص يومنا و كان رائع جدا و بصراحة فيينا تستحق الزياره و نلتقي بكم باجر مع زيارة للقصر
دمتم بود
السلام عليكم و رحمة الله و بركاته
اليوم الثالث في فيينا
15 / 7 / 2012
الخطة اليوم زيارة قصر الشونبرون و ملاهي براتر
توجهنا للفطور و بعدها ركبنا السيارة و حطيت الاحداثية على القصر و انطلقنا
صار لنا موقف لازم تنتبهون له في اوروبا او ما طلعنا من الفندق يعني بعدنا كنا في الفريج
ما ابتعدنا وايد وصلنا تقاطع لازم نلف يسار و اللي يايين مقابلينا اشارتهم خضراء و احنا حمراء وقفنا شوي
و الاشارة بعدها و اللي ورانا يهرنون بيييييب بييييب تحركنا قدام و شوي الا دورية لاحقتنا وقفنا
الا يصارخون علينا شرطي و شرطية قال زوجي ابغي الف يسار قالوا الاولوية لكم لازم تلف و اللي مقابلينكم
غصبا عنهم يوقفون بصراحة شوارعهم و قوانينهم غير عن الناس تأسفنا و مشينا بدون مخالفة
و اخيرا طلعنا الشارع الرئيسي
المكان وايد قريب تقريبا 10 دقايق و وصلنا
المواقف و اسعارها
و هاي اهداء لاعضاء منتدانا الغالي من قصر الشونبرون
و هاي لوحة ترحيبية بالزوار
الساحة الامامية للقصر
و ما شاء الله المكان على كبره بس الزحمة موجوده
و العربات موجوده لنقل الزوار
و شوفوا حوافر الخيول هني قعدت اراقب كلهم نفس الوقفه يمكن عشان التوازن او التعب سبحان الله
بسم الله الرحمن الرحيم
نكمل ما بدأناه
توجهنا لشباك التذاكر و كان عندهم متحف للاطفال و دخلنا نشوف اذا كان يستحق الزيارة
بس ما عجبنا و سعره كان غالي فقررنا ندخل القصر و نكتشف حياة الملوك و الامراء في الماضي
الدخول يكون على فترات و مع مجموعات يمكن 20 شخص في كل مرة ما ادري نسيت
المهم دورنا كان بعد 25 دقيقة فخرجنا للساحة الخلفية للقصر للتصوير و هذه الصور
هذا القصر من الخلف و فيه سلالم من الجهتين للي يحبون يشوفون المنظر من الاعلى
و هني النافورة و هذا الجدار نسيت كان له اسم
الجو كان ممطر طول فترة مكوثنا في فيينا و الارض كلها مبللة
في كشك صغير يبيع اكسسوارات و ميداليات اشترينا هذي و مكتوب عليها فيينا
و هذا الايسكريم طلب ولدي الصغير( تذكرينه ام حسين )
وصل دورنا و دخلنا طبعا ممنوع التصوير لكن سمحولي ادخل الكيمره ويايه
عاد كله و لا كيمرتي بقعد اصيح عند الباب اذا خذوها عني
القصر ما شاء الله كبيييييييييييييييييييير و الغرف كثيرة و الرسومات الجدارية رووووووعه
اذكر بعض الاعضاء كانوا مصورين القصر بالخفاء لكن انا ما تجرأت اخاف انصاد
و كل واحد يعطونه سماعات عشان يسمع عند كل باب شو كانت خاصية الغرفة اللي دخلناها
و اللغة على حسب السايح بس ما اذكر اذا في لغة عربية
خلصنا و بعدها توجهنا للساحة الخلفية
لانه شفنا عندهم حديقة حيوانات خاصة بالقصر قلنا نشوفها على السريع
وصلنا الحديقة و الدخول له سعر غير عن القصر
و هذا الكوفي العجيب مثلج بس طعمه رهييييب
المدرع اول العارضين
هذي العربة حلوة ولدي الا يبغي نفسها و انا اقول هاي مالتهم بعدين اكتشفت انها تتأجر بس ما ادري من وين
انواع من الطيور
ما زلنا في الحديقة و طلعت ما شاء الله كبيرة جدا مب مثل ما توقعناها
نرجع لصور الحيوانات هذا شكله نفس السنجاب او الخرتيت
من شافنا على جرب صوبنا و كان عندنا بطاط و اكلناه و الا نشوف هجوم من الربع كلهم
وصلنا لمنطقة فيها العاب مائية للاطفال و هذا الامير ضفدع و اليهال ضرابة عليه عشان يركبون فوقه
شوفوا الولد ينتظر عيالي يخلصون عشان يلعب
عندهم حديقة مائية صغيرة
منطقة الطياطير ( البريعصي ) السحالي و شفوا هذا الكبير كيف متيمعين عليه اليهال
كلهم يبغون يوصلون للمقدمه و هذا الولد مب راضي ينزل
هذا حيوان الايل اللي نشوفه في الافلام الاجنبية
الطاووس المغرور
مجسم وحيد القرن و بعد مب راضين ينزلون اليهال
تعبت و انا اترياه يعرض ريشه
و هني انتبه لوجودنا و قام يركض صوبنا
و هذيل بعد من شافونا قاموا يركضون صوبنا
طبعا انا خوافة ابتعدت عنهم
و خلصنا حلقة اليوم و بكمل بكرة باذن الله
استودعكم الله
بسم الله الرحمن الرحيم
نكمل ما بدأناه
ما زلنا في حديقة الحيوانات الخاصة بالقصر
و هذي نافذه زجاجية يدخلون فيها الاطفال و يتصورون
و هذا النمر سبحان الله له هيبه
كشك عنده دباديب و تيشيرتات
الباندا
للاسف ما كان موجود
مطعم و كافيه
و اخيرا شفنا الزرافة اللي من اول ما دخلنا الحديقة و عيالي يدورونها
الحمار الوحشي
البطريق
و هذا شكله بيقفز من فوق الشلال
و هذا الطير وين ما اتجهنا نشوفه جدامنا
اهداء لكم
و اخيرا انتهينا من التجول في الحديقة بعد التعب من المشي و خرجنا
توجهنا للساحه الخارجية للقصر
خرجنا باتجاه المطعم التركي في شارع ماريا هيلفر
اليوم كان الاحد و المحلات كلها مغلقة و الشوارع فاضيه
و هذا المطعم التركي
و طلبنا 2 كباب دجاج مع صحن فلافل و عصاير برتقال
و هاي اصابع بالجبنه لذيذه جدا
انتهينا من الاكل اللذيذ و كان لابد من ارتشاف فنجان قهوة تركية و توديع المكان
خلصنا من المطعم و توجهنا بعدها للفندق و اكتشفنا حديقة عامة خلف الفندق
رجعنا الغرفة و ريحنا و سويت دلة شاء و اخذت بعض النقنقات و اتجهنا للحديقة
طبعا كنا مقررين زيارة القصر و ملاهي براتر لكن للاسف تعبنا من المشي و ما حالفنا الحظ بزيارة الملاهي
و عوضناها بالحديقة و هي خلف الفندق مباشرة
و هاي اول مره استخدم دلة الشاهي
و هاي بعض الالعاب في الحديقة
و هذي محدثتكم و عندي اللاب توب و اكتب التفاصيل اول باول و احفظها في ملف وورد
حتى الاجانب يشخبطون على الممتلكات العامة
و هذا نسيت اسمه بس طبعا الماي نظيف و بااااااااارد
خلصوا اليهال لعب و توجه زوجي و ولدي الصغير لساحة ستيفانز و انا رجعت مع ولدي للفندق نرجع الاغراض
و صادف زوجي دراجات و كانت سيدة واقفه عند دراجتها فاستأذن منها زوجي عشان تركب ولدي و رحبت فيهم
و هاي سيارتها كانت راجعه تاخذ غرض من الدراجة و الكلب طبعا حاضر
اليوم قررنا نغير الدرب للساحة و نكتشف المنطقة اللي ساكنين فيها
و هاي مكتبة و شفت هالشنط اللي عادت بي للماضي الجميل
و اذكر كانت عندي نفس الشنطه الوردية
المنطقة وايد حلوة و فيها محلات كثيرة للتسوق
و هذا محل آيس كريم على دربنا
هذا فندق قريب من الساحة
و صار المغرب وصلنا لساحة ستيفانز و اليوم كان في عروض و مهرجين و سوالف حلوة مثل هذا
و شفنا مطعم نورد سي و زوجي خاطره فيه من امس لكن انا ما احب البحريات و خذ شويه عن خاطره
و هذي ام حسين حاضره و بقوه
تمشينا و الساحه كانت مزدحمة و الفعاليات فيها وايد و رجعنا حق راعي الالعاب الخشبية
و هذا اللي اشتريناه و كان بعشرين يورو
و هذا صاحب الكشك يلاعب عيالي
و انتهى اليوم و رجعنا للفندق نجهز اغراضنا لانه بكره بنرجع لارض الوطن
دمتم بخير
السلام عليكم و رحمة الله و بركاته
اليوم الاخير لنا في فيينا
16 / 7 / 2012
صحينا الصبح و نزلنا للفطور و بعدها قرروا اصحابنا انهم يتوجهون للسوق لانه ناقصتنهم شنطة و اغراضهم كثيره
لكن احنا الحمدلله متعودين ناخذ شنط زياده و انا احط الشنطة الصغيره داخل الكبيره
و خاصة زوجي من عشاق الشنط لين الحين مشتري يمكن 3 شنط و احنا لين الحين ما سافرنا
المهم خلصنا الفطور و اغراضنا كلها جاهزه فقلت لزوجي خلنا نودع شوارع فيينا و نتمشى شوي
طلعنا لنفس الشارع اللي مريناه امس بس من سكيك ثانيه و هذي الصور
و هذا محل الايسكريم زانوني اند زانوني اللي تكلم عنه الاخ شخص ثاني
و قلنا نتذوق آخر اسكريم في فيينا طلبته بنكهة التوت و كان لذييييييييييذ
و شوفوا السماء كيف ملبده بالغيوم و قال زوجي خلونا نرجع بسرعه لانه شكل الغيمه مليانه امطار
رجعنا ادراجنا للفندق و امطرت السماء و ما عندنا مظلات
وصلنا الفندق و الحمدلله المطر كان خفيف
وضعنا الاغراض في السياره و انطلقنا الى المطار
قمنا بتوديع فيينا و هي تمطر و جوها خياااااااااال
ما زلنا في الطريق للمطار
وصلنا المطار
و شفنا هالاجهزة ما عرفنا كيف نستخدمهم
و هذيل اغراضنا للعايلتين
دخلنا في سير العفش و اصحابنا ما شاء الله خلصوا بسرعة و احنا انصدمنا صدمة كبيرة
طبعا حجزنا كان على النمساوية و في رحلة الذهاب ذكرت انهم غيروا الطيارة و تحولنا على اللوفتهانزا
و في العودة قالوا نفس الشيء الرحلة على اللوفتهانزا لكن للاسف احنا الاربعة ما عندنا مكان على الطيارة
و هني ارتفع الضغط و اتلفت الاعصاب و سيره و رده عند هذا المكتب و هذاك المكتب كيف و احنا حجزنا اوكي
المهم بعد ما دخلنا الشنط زوجي سار عند التاكس فري و انا سرت اغلف المظلة لانه كانت عندنا مظلة طويلة
ما رضوا ندخلها الطيارة قالوا لازم تحطونها في العفش و بعدين خلصنا و زوجي سار يراكض يدورلنا مكان على نفس الطيارة
لان ثاني يوم بيداوم و ما في مجال انه يتأخر حتى يوم واحد و انا خذت رصيد التاكس و سرت استلم المبلغ
هذا ولدي تعب و هو يترياني
و اخيرا رجع زوجي و قال بسرعة حصلوا مكان و ما في وقت كان ودنا نصلي الظهر و اتصلنا على اصحابنا قلنا انتوا وين
الجماعة ما شاء الله صلوا الظهر و قعدوا في الكوفي و خلصوا امورهم
و اخيرا وصلنا للطيارة
و هاذي المفروض تكون طيارتنا
اول ما ركبنا وزعوا على اليهال مثل كروت ضغار للعب
طيران الامارات ياليتنا كنا حاجزين عليها و لا هاي البهدلة كلها اللي استوت
ربطنا الاحزمة و استعدينا للمغادره
ارتفعت الطائره بسلام و ودعنا احلى و اروع البلدان النمسا و هذي الاراضي النمساوية تودعنا
بعد ربع ساعة تم تقديم سناك خفيف مع انواع من المشروبات اللي تختارها
و بعد ساعة تقريبا تم تقديم وجبة العشاء و كانت عبارة عن باستا و دجاج و اخترنا الانثين
و الاكل بصراحه كان لذيييييذ جدا و السلطة رهيبة
قضينا و قتنا ما بين مشاهدة الفيديو و ازعاج الاطفال من كل صوب و بدت الشمس تغيب و حل الظلام
و بعد ثلاث ساعات تقريبا قدمولنا بسكويت فيينا الشهير
و بعد ما جربته ندمت لاني ما اشتريت منه في فيينا قلت اكيد طعمه مب حلو بس الحمدلله حاليا موجود عندنا
وصلنا لبلادنا الحبيبة مساءا و الهواء الحار كان في استقبالنا نزلنا من الطياره و ركبنا الباص زوج صديقتي ركب في الباص
قبلنا مع بنته و صديقتي ركبت ويانا في الباص الثاني و قعد يمشي الباص مسافة طويلة و اتصلت فيني اختي تسألني
وينكم قلت و الله احنا في الباص و كملنا يمكن 5 دقايق و الباص بعده يمشي ما وقف و زوج صديقتي يتصل فيها و يقول ليش تأخرتوا
و اخيرا وصلنا و اول ما دخلنا اشوف عربات الاطفال كلها حمراء و المبنى مكتوب فيه طيران الامارات و الاهل برع يقولون وينكم
تعبنا لين الحين ما طلعتوا و اكتشفنا انه راعي الباص منزلنا عند التيرمينال 3 الخاص بطيران الامارات و مشينا لين تيرمينال 1
ويانا كبار في السن مساكين تعبوا من المشي و ما حصلنا سيارة المطار عشان توصل اللي ما يقدرون يمشون و اخيرا وصلنا
تيرمينال 1 و ما كان له داعي يشوفون جوازاتنا لانهم مختومين في تيرمينال 3 و على طول الموظفين مشونا لانهم عارفين التعب اللي
تعبناه و الحمدلله طلعنا من المطار و السواق كان في انتظارنا و خلينا اخويه اييب سيارة صديقتي للمطار لانه وراهم درب طويل
و انتهت رحلتنا القصيره جدا لكن الحمدلله استانسنا و ريحنا نفسيتنا و كانت تجربة القيادة رااااااااائعه جدا جدا
انتهى التقرير و اتمنى اكون افدتكم و لو بالقليل و سامحوني اذا قصرت في شيء
دمتم بحفظ الرحمن و رعايته
و باجر ما يفتحون 
