مناطق بريطانيا ومقاطعاتها

[روكا]

اليوم بروح معاكم ان شاءالله لمنطقة غريبه واعتقد بدا الكل يعرفها


camden town - stables market


المنطقه شعبيه وفيها من عبده الشياطيين (استغفر الله ) وفيها قبل اسطبلات الخيل وبعد فترة تحول مكان الاسطبلات الى سوق واكشاك وبازارات ..
البضاعه اللي فيها اغلبها صينيه وتلقون اشياء حلوه ورخيصه وفيها قناه مائية تقدرون تتمشون فيها
باختصار المنطقه ممكن يكون شكلها غريب واللي فيها اشكالهم اغرب بس حلوه وتستاهل الزيارة عن نفسي ماانزل لندن من غير ما ازورها ..


الوصول لها :


1- تاكسي


2- اندرقراوند


من محطة ماربل ارتش marble arch الخط الاحمر سنترال لاين central line الى محطة توتنهام كورت رودtottenham court road على نفس الخط الاحمر من توتنهام كورت رود تاخذون الخط الاسود اسمه نورثرن northern باتجاه كامدن تاون camden town



3- الباص


رقم 274 من كوستا اللي تحت فندق امبا ماربل ارتش


والحين ابتدي معاكم بعض الصور

سوق الاسطبلات

السوق كل شي فيه جلود طبيعية الكترونيات اكل انتيك والخ ..

صوب القناه المائية

انتهينا من الكامدن
يتبـــــــــع اجــــزاء قــــادمـــــه






​

 

[روكا]

عدنا والعود احمد من بعد غياب


انا اعتذر منكم على التأخير لظروف خارجية


وان شاءالله اقدر اعوضكم واكمل معاكم باجي التقرير


جـزئنـا اليوم ان شاءالله راح يكون على اعرق شوارع سوق الانتيك في العالم وشارع يعتبر عالمي لمحبي الانتيك والاشغال اليدوية والخ


اشتهر هذا الشارع من القرن ال 19 وخصوصا بالتحف القديمة ويشهد ازدحام كثيف كل يوم سبت


الاسم


portobello road market
شـارع بـورتـوبيللـــو


الموقع الالكتروني


http://www.portobelloroad.co.uk/

اوقات العمل :


من الاثنين الى الاربعا 9 ص - 6 م
الخميس 9ص - 1 م
اليمعه والبست 9ص - 7 م


الوصول للشارع :


- تاكسي


- اندرقراوند


اذا انتوا في اوكسفورد اخذوا اي محطة على السنترال لاين الاحمر central line بالاتجاة الى منطقة نوتينغ هيل غيت notting hill gate على نفس الخط الاحمر من تنزلون وتطلعون فوق اخذوا يمين وامشوا مع الناس وبتوصلون للشارع .


http://content.tfl.gov.uk/standard-tube-map.pdf


- الباص


رقم 94 من شارع اوكسفورد الرصيف اللي فيه بريمارك
رقم 7 - 12 - 23 - 27-28-31-52


ونبتدي بالصور

البيوت الملونه اتونس

مشغولات يدوية واكسسوارات

يتبـــــع جــــزء شـــارع بـورتـوبيللـــو​

 

[روكا]

تــابـــع شـــارع بـورتـوبيللــــو

الصابون عجييب

قسم الاكــل

من قال كريب

احلى شي اهني

العنب العنب اخضر احمر

ياسلااام

اهداء للعرب المسافرون

خرابيطة اتونس هالمحل

انتهينا من شارع بورتوبيللو
ونطروني في اجزاء ياية ان شاءالله







​

 

[روكا]

جـــــزء اليـــــوم


عن منطقــة وااايد احبها واستمتع وانا اتمشى فيها وافضل اوقاتي لزياراتها الفترة الصباحية عن الزحمه ..


كــوفنت قــاردن - covent garden


منطقة حيوية وجميلة ولازم تزورونها فيها العديد من : الاكشاك - محلات - كافيهات - عروض فنانين - مطاعم الخ


كوفنت قاردن بالسابق كانت عبارة عن سوق للخضروات والفواكهه من عام 1500 الى عام 1974.


تشتهر بالعديد من المسارح منها دار الاوبرا الملكية ومسرح دروري لين ومتحف النقل ويتوسط الحي سوق الزهور واللي الحين تحول الى ساحة عروض فناني الشوارع مثل الموسيقيين والهواة والرسامين والخ.




الوصول لكوفنت قاردن


1- تاكسي


2- باص
RV1 - 23 - 139 -15 - 13 - 9 - 153


3- الانردقراوند


الكوفنت قارد تقع على الخط الكحلي ويسمى بيكاديللي لاين piccadilly line
اذا انتوا على الخط الاحمر سنترال لاين central اخذوا القطار المتجة الى محطة هولبورن holborn ومن هولبورون اخذوا الخط الكحلي على كوفنت .


واما من نايتس بريدج يوديكم دايركت






نبتدي بالصور


محطة اندر قراوند هولبورن

شوفوا اول اسم علية اسم محطة هولبورن يعتي احنا واقفين صح لان من هولبورن ثاني محطة يوقف فيها اهي المحطة المقصودة وهي كوفنت قاردن

وندخل المنطقة

متحف النقل

تقريبا كل يوم احد في في سوق للغذاء من مختلف المنتجات الطازجة .

بعض الاكشاك


كشك الصابون

وانتهــــــى جــــزء اليـــــوم






​

 

[روكا]

من بعد الكوفنت قاردن
بنروح لمنطقتين احب اتمشى فيهم وفيهم اسواق فيها اتيك وبوتيكات ومشغولات يدوية


المنطقة الاولى city of London


المنطقة فيها ابراج عاليه منها مخصصه للشركات والمكاتب ومنها تضم كافيهات ومطاعم بالادوار العليا ..
وفي قلعه يم الجسر انصح في زيارتها وهذا اسمها


tower of london medieval castle housing the crown jewels


قلعه جميلة وموقعها ممتاز وتستاهل الزيارة ..



نروح مقصدنا واللي اهو هذا السوق
واسمة
ليدن هول ماركت leadnhall market




يعتبر من اقدم الاسواق في لندن ومن القرن ال 14 ويقع في قلب مدينة لندن التاريخية في المنطقة الاقتصادية ..
الشوارع اللي يقع عليها lime street - gracechurch street




طريقة الوصول :


- تاكسي


- باص
رقم 25 من زاوية جون لويس
رقم Rv1 من كوفنت قاردن
- 135 - 388


- مترو


تاخذون الخط الاحمر CENTRAL LINE لي محطة Bank او liverpool street على نفس الخط الاحمر
من تنزلزن وحده منهم سألو عن اسم السوق وراح يدلونكم عليه



نشوف الصور


الصوره هذي فيها الابراج وبرج الخيارة اللي مبين يكون صوبه السوق مو بعيد عنه والقلعه مبينه تحت الجسر

السوق

الوقت اللي انا صورة فيه كان السوق مسكر

صور للجسر

بعدين رحت هالبرج قعدة في كافيهم
اسم البرج : Heron Tower

احنا قعدنا في Duck&waffle
بعض الصور ومن فوق

البرج جريب على محطة ليفربول ستريت
تاخذون باص 23 من سلفردجز يوصلكم لي المحطة وبعدها تروحون البرج 5 دقايق مشي

وقهوتنا

بعد البرج رحنا السوق الثاني


اولد سبيتالفيلد
old spitalfields market


سوق حلو في بضايع من كل مكان وكل شي فيه مطاعم اكشاك كافيهات اسطوانات والخ .


اقرب محطة له محطة ليفربول ستريت على الخط الاحمر بأتجاه اليمين تشوفونها



او باص رقم 23 يوصلكم لي المحطة


او تاكسي


وهذا السوق من 1887





صور السوق

بعد السوق اتجة الى منطقة كناري وارف canary wharf من المناطق الراقيه والهادية وفيها فندق الفورسيزون عجيب انصحكم فيه للي يبي يرتاح من الزحمه والازعاج .
المنطقة اقتصادية وعلى النهر وهااااديه ومرتبة ..

بالاندرقراوند تاخذذون الخط الرمادي jubllee يوصلكم على كناري تلاقون الخط الرمادي مع الخطيين الزرق متلاقين في نفس المحطة .

ونخلص من كناري نروح مسرح اوتو ارينا O2 arena
على نفس خط الكناري وتكون بعد الكناري بمحطة اسمها نورث قرينتش تلفريك الاماراتية بس انتوا من تنزلون نورث قرينتش خلاص تشوفون يمكم التلفريك



هذيل بعض الصور لمنطقة المسرح O2

فيها كافيهات ومطاعم

هذيل صور من التلفريك واللي جدامكم فندق نوفتيل

هذا المسرح O2 من بعيد

وينتهي جزئـنــا لليوم







​

 

[روكا]

الجــزء هذا بكتب عن معلم صارلة جم سنة فاتح ​

والحين الخليجين بدوا يتجهون له ومنهم بوغسان كتب عنه​

ومن هالمعلم تقدرون تشوفون لندن من اعلى نقطة​

Shard Tower - برج شارد​

من احدث واعلى الابراج في بريطانيا​

تم افتتاحه في 1 فبراير 2013 وهو ملك دولة قطر الشقيقه​

يتكون من 73 دور و 44 مصعد​

المهندس رينزو بيانو​

يضم البرج تقريبا 3 مطاعم​

AQUASHARD​

+44 (0)20 3011 1256
aquashard​

OBLIX​

+44 (0)20 7268 6700
@oblixrestaurant​

HUTONG​

+44 (0)20 3011 1257
@HutongShard​

يضم اعلى مطل على لندن​

وفندق شنغريلا​

طريقة الوصول​

- تاكسي​

- باص​

رقم RV1 من كوفنت غاردن او 21 - 48 -​

- الاندرقراوند​

من ماربل ارتش الى محطة BANK على الخط الاحمر CENTRAL LINE​

​

ونبتدي بالصور​

من الاندرقراوند​

هذا شارد على اليمين ملك الدوحه واليسار المدلقم ملك الكويت

رايحين نشوف لندن من فوق

سعر التذكرة 30 باوند

وصلنا اعلى نقطة في لندن وصور من الاعلى

وهذا جسر برج لندن

فيديو

وبعدين تحت موجود محل السوفنير

البرج من برا

ومن برج شارد رحت ( الجبره مالتهم ) هالسوق من احب الاسواق على قلبي طبعا مو سوق ملابس لا سوق اجبان وخضرا وفاكهه وكاكاو اكل وكل شي فريش عندهم عجيب ..


اسمه Borough Market - بوروغ ماركت




اول سنة انشئ فيها عام 1276 ويعتبر من اكبر واقدم اسواق الاكل في لندن ،، في عام 2014 احتفلوا بال 1000 سنه .
يفتح ايام الويك اند ويقع في منطقة ساوث وارك southwark
الاربعا والخميس يفتح من 10 ص الى 5 م
الجمعه من 10 ص الى 6 م
السبت من 8 ص الى 5 م


والحين ادخل السوق معاكم

الكاكاو ياقلبي

الالوان اتينن

اهداء لام حسين وفيصل

اهني في طاولات للي يبي يقعد ياكل

رايحين ناخذ باص رقم RV1 يوصلنا كوفنت غاردن

وهذا عنده ايس كريم طيب وصوبه محطة الباص

RV1 لي كوفنت غاردن

وهذي محطة كوفنت غاردن

الى اللقاء مع اجزاء قادمــة
في هنــــــــا بـــريـطـــانيـــــا العظمـــــى​

 

[روكا]

بما ان كتبت عن شارد خلوني اكتب عن
سكاي غاردن sky garden
ومن هالحديقة تقدرون تشوفون لندن من الاعلى ​

يضم البرج مطعم وكافيه وبار​

sky garden



عباره عن حدايق معلقه على ارتفاع 37 طابق
تقدرون تحجزون لزيارة الحديقة ومجانية
او تبون الكافيه ولا المطعم لازم بعد تحجزون اون لاين

طريقة الوصول له
1- تاكسي
2- باص rv1 من كوفنت غاردن
باص 15
3- اندرقراوند
اقرب محطة اسمها monument مونمنت
على الخط الاصفر والاخضر على النهر
​

وصلنا البرج

وهذا فيديو قصير

مثل ما أذكرت ام حسين واحنا داشين البرج في تفتيش نفس المطار

ووصلنا طاولتنا

فيديو



فيديو ثاني

الطلبات ترا نسيت الاسامي بس اذكر البرغر

احنا رحنا غدا
واسم المطعم darwin brasserie
الاكل عادي وغالي بس الريوق البنات يمدحونه وارخص
احنا ثنتين تقريبا تسعين باوند اما الريوق اربع كانوا خمسه وخمسين باوند

خلصنا غدانا والحين جوله في الحديقه وحوالين البرج

فيديو

فيديو خارجي



بعد الغدا تمشينا عالنهر وصوب القلعه ورجعنا ويستمنستر بالعباره

فيديو من صوب القلعه



وهذا كافيه coopa club بو الخيام
الاكل عادي عنده بس القعده وايد حلوه ولازم حجز قبلها ويسمونها igloo

ركبنا العباره

فيديو

هذا شكل برج سكاي غاردن

وفيديو اخير وتجهيزات لندن اي وبيغ بن لاحتفالات راس السنه الفين وسبعتش

القادم احلى ان شاءالله ​

 

[روكا]

زيارة سياسية

الى كل من في لقافه مثلي

وكان وده يدخل البرلمان البريطاني

اقدر اقولكم خلاص تقدرون انتوا ولقافتكم تدخلون داخل

بما أني وحده من الملاقيف اللي ودهم يدخلون البرلمان فتم الحجز اونلاين ودخلت البرلمان في زيارة استغرقت الساعتين

بعض المعلومات عن البرلمان البريطاني :
- يتكون من مجلسين العموم واللوردات..
- عدد الأعضاء ستمية وخمسين نائب.

يعتبر اعلى كيان حكومي في المملكه والمقاطعات البريطانية، وأول ظهور للبرلمان عام الف وميتين وخمسه وعشرين

المجلس الأعلى ممثل بمجلس اللوردات والسفلي مجلس العموم ، الملكه هي المكون الثالث للبرلمان ..

فيديو



- مجلس اللوردات : فيه نوعين من الأعضاء اللوردات الروحيون ممثلين بأعلى أساقفة كنيسة إنجلترا واللوردات الدنويون ممثلين بالنبلاء ، يتم تعينهم من قبل حكومه قديمه وحديثة .
ماله سلطه يعني لو تم رفض قانون اجازه مجلس العموم يقدرون يصدرونه عقب سنه بناء على تصديق ملكي .. يعني سلطته التأخير

مجلس العموم :
- مدته خمس سنوات
- مجلس منتخب من الشعب
- مسؤول عن وضع القوانين ومراجعة عمل الحكومه.

عدد الداوئر ستميه وخمسين دائره لكل المملكه ويمثل نائب واحد عن كل دائره.
موزعه :
- خمسميه وثلاثه وثلاثين في إنجلترا
- تسعه وخمسين في إسكتلندا
- أربعين في ويلز
- ثمانتعش في ايرلندا الشمالية

تم الحجز اونلاين مثل ما ذكرت لكم واستلمت التذكرة عند بال الدخول ..

في نوعين للزياره مع مرشد او سماعات انا اخترت سماعات عشان الوقت على راحتي أتحكم فيه وسعر التذكرة ثمانتعش ونص باوند..


واكاونتهم

للمعلومه ممنوع التصوير داخل كلش الا في مكان واحد

التفتيش قبل الدخول مثل تفتيش المطار بس طبعا اخف منهم

عقب التفتيش

نصور بيغ بن على راحتنا من غير أسوار

فيديو



يعطونكم الجهاز الصوتي وخريطة مرقمة ومنها تضغط على الرقم في الجهاز ويبتدي الشرح

اول ما دخلنا

في هالمكان نستلم الجهاز والسماعات

عقب ما ندخل من هالباب تبتدي قصة البرلمان وسوالف وايده ترا

يشرحون الرسومات والتماثيل والخ

فيديو



من بعد هالصورتين خلاص ممنوع التصوير

وشرح طويل ومفصل راح تسمعونه في الجهاز والزيارة حلوه للي يحب وملقوف مثلي
وأكثر لقافتي كانت أني بشوف هالغرفه اللي متقلقصين فيها وشفتها والله على عددهم ماادري شلون شايلتهم

المجلس الاخضر مجلس العموم
التفاصيل والدقه اللي فيه عجيبه

المجلس الاحمر مجلس اللوردات

وتنتهي جولة البرلمان

فيديو

الحديقه المقابله البرلمان اهي اللي يصير فيها مظاهرات

فيديو



انتهى جزء السياسه

​

 

[روكا]

في شارع يديد في لندن وهابين فيه
اسمه شورديتش shoreditch high street

شارع حلو وجميل فيه كافيهات ومطاعم ومحلات منوعه و فيه الرسم الغرافيتي ..
وهذي عشر أسباب تخليكم تزورون الشارع واحد منها في يمه سوق حلو اسمه old spitalfields market في انتيك واشياء حلوه
وبعد street art و boxpark

الاندرقراوند تاخذون الخطين البرتقالي عليه رسمة كرسي الاحتياجات الخاصه المحطه على هالنوع من الخط

او بالباص رقم ميتين وخمسه تأخذونه من بعد محطة اوكسفورد سيركس ومحل نايك

صور من boxpark

المحطه

المحلات تحت في البوكس بارك وفوق الكافيهات

فيديو
المفروض انزل فيديوهات بس التباتك مو مبيتهم لي يمكن في خلل ؟؟

وهذا حق الحبيبه

قاصين عليهم في هالاقفال

وأروح حق محل الكاكاو المشهور في نيويورك وهذا ثاني فرع لهم برا نيويورك

فيديو محل الكاكاو



شارع الغرافيتي

وننتهي من هالشارع سامحوني ما صورت وايد وفِي كافيهات حلوه بس حزتها اختكم كانت شبعانه

​

 

[روكا]

سكه من السكيك المحببه على قلبي
وهي neals yard

سكه صغيره بس حلووه وجمليه

اقرب على كوفنت قاردن
من بعد محل نايك اللي في الكوفنت راح تلقونها

فيها كافيهات صغيره وجم بوتيك

هذيل بعض الصور عنها

المكان صغير وحلو الواحد يغير ويقعد فيه يريح بعد فرارة السوق
اتمنى يعجبكم

​

 

[روكا]

صور ومقتطفات من ماربل ارتش و اوكسفورد اشهر شارع للتسوق في لندن

حبيب الشعب بومبارك

استراحة محارب في لادورية بيكاديللي

بوند ستريت

من المحلات المفضله للاكسسوارات الغريبه

استراحة لابد منها ادمااان كان من الذ الوافلز بس الحين نو للاسف

نكمل بوند نهضم

صور ليلية

استراحة ثانية

مظاهرات

من المطاعم اليابانية اللذيذه

الاستراحه الاخيره


في بيور وافل

وافل مالح

وافل حلو

انتهينا من هالجزء وان شاءالله في اجزاء يايه







​

 

[روكا]

جــزء اليوم عن اهم اوت لت في لندن
والاغلب يعرفونه
بيستر فيلج اوت لت bicester village outlet


طريقة الوصول سهله من لندن باص رقم 2 من عند دخلة محل نكست ونيولوك يوقف يوصلكم لي محطة مارلييون ومنها تاخذون القطار 46-50 دقيقه وانتو في بيستر فيلج ..


هذا موقعهم وفي الماركات الموجوده واوقات العمل و طريقة الوصول


https://www.bicestervillage.com/en/getting-here/


والحين من محطة الباص اللي بين نكست ونيولوك ناخذ رقم 2

ونوصل المحطة مارليبون

صور من داخل المحطة

لاتلوح المسافر
المسافر رااح
ولا تنادي المسافر
المساافر راح...

يشغلني قلق الانتظار
وخوف الغريب..
وتلويحة الواقفين
وصمت المحطات!!

وندخل القطار

وصلنا

الحين اكشخ صارت المحطة متصله مع الاوت لت ما تحتاجون باصات بس لازالات الباصات موجوده لان صار في محطتين يوصلون للاوت لت


وهذا كان باصنا

اطلقوا العنان يا معشر النسااااااء

تم القضاء

يا ضياع اصواتنا
في المدى والريح
القطار وفاتنا
والمسافر راح

يالله يا قلبي تعبنا من الوقوف
ما بقى باليل نجمه ولا طيوف
ذبلت انوار الشوارع وانطفى ضي الحروف

وخلكم متابعين مع اجزاء قادمه







​

 

[روكا]

عدنا اليكم بعد غياب
وسامحوني على اي تأخير


هذا جزء خفيف وسريع
جزء فني
وكلنا نعرف حضارات الامم تقاس بالثقافة والفنون


ف اكيد بريطانيا لها باع طويل من الفنون و الثقافة


منو فينا ما يعرف ويليام شكسبير و روايتة الشهيرة روميو وجوليت فهو الكاتب المسرحي والشاعر والممثل الانجليزي .


و اجاثا كريستي من اشهر مؤلفين روايات الجرائم منها الجريمة النائمة - القهوه السوداء والخ
من روايات


و هناك قائمة لا حصر لها من الادباء والكتاب ..


بس احنا اليوم اخترنا مسرحية ليون كنغ المشهوره في عالم ديزني واكيد المسرح فيه متسع لكل ذائقة واختيار الشخص شنو يحب يشوف




وحاليا يعرض علاء الدين من احلى العروووض لاتفوتنه محبين المسرح والفنون انصحكم فيه
وعرض ملك البوب مايكل جاكسون وغيرهم وايد من عروض وحفلات موسيقية عالمية ..


هذيل بعض الصور اللي قدرت الطشهم في عرض ليون كنغ


المسرح

ترا انزفيت وبغيت انطرد دربالكم لايصيدونكم وانتوا اتصورون

وان شاءالله يايتكم في اجزاء قادمة وما اتأخر عليكم







​

 

[روكا]

لمحبين الشاي و العسل والحلو
هذا المحل بيعجبكم


ولمحبين الافترنون تي انصحكم فيه حلوه تجربو الافتر نون تي عندهم بس قبلها لازم حجز من الويب سايت وهذا سايتهم




مكانه بعد فندف الريتز اللي بشارع البيكاديللي


وهذي صور من المحل

العسل ممتاز

الشاي انواع واشكال عندهم طبوا وتخيروا

للاسف ما عندي صور الافتر نون تي نسيت اصور ..
بس القعده فيه وايد حلوه ..


راح اوقف اهني معاكم في لندن وابتدي ادخل معاكم في مناطق خارجية برا لندن واذا لقيت اي شي يخص لندن راح يتم اضافتة ..


وشكرا على المتابعة







​

 

[روكا]

المقاطعة الاولى


مقاطعة انجلترا England وتكلمة عنها في اجزاء سابقة
وتعتبر لندن عاصمة مقاطعة انجلترا وطبعا عاصمة بريطانيا بس انا اهني اتكلم عن المقاطعات ..


المهم المنطقة اللي بنزورها اليوم وحده من ارقى المناطق البريطانية ككل واصلا اهي تعتبر منطقة ريفية وفيها سنتر ومقر لعدة شركات وحدايق متنوعه ومراكز ترفيهية للعوايل ..


وواووووايد من الكويتيين يملكون بيوت وشقق فيها ويصيفون فيها ..


Milton Keynes تكون شمال غرب لندن .

بينها وبين لندن 30 دقيقه بالقطار و ساعه بالسيارة


ميلتـــــــــــون كينــــــــــــــز الجميلة ..


اذا بتطلعون لها بالقطار من محطة ايستون الى ميلتون كينز


Journey Planner - Trains Times and Fares - National Rail Enquiries


واذا بالسيارة على خط M1 ساعه وانتوا في السنتر ..


من محطة ايستون قطار فيرجن الى ميلتون كينز

الوصول الى ميلتون كينز

اول ما تطلعون من المحطة هذي الساعه جدامكم كملوا كله سيدا مع الشارع راح توصولون السنتر تقريبا بالكثير 10 دقايق مشي كل شي يم بعض ماكو شي بعيد مثل ما قلت لكم لانها تعتبر ريفية ..

شكل المحطة

بالطريج الى السنتر

صورة توضح الاماكن السياحية وقربها من بعض ..

نبتدي في اول مولين وصلنا لهم


اسم المول مدسمر لبيس midsummer place وتم تغيره الى مول انتوا INTU




يضم تقريبا 50 محل ومطعم منها ابل وزارا والخ


يفتح من 9 ص الى 7 م


الاحد من 11 ص الى 5 م

واهو ملاصق لمول ذي سنتر ام ك THE CENTRE MK


ويعتبر سنتر ام ك CENTRE MK من المولات الكبيرة اذ يضم 240 محل ومطعم منهم جون لويس ماركس اند سنسر و دبنهامز ..


ويفتتح من 9 ص الى 8 م
والاحد من 11 ص الى 5 م




صور من المولين

وبعد السوق رحنا لحلبة السيارات


ديتونا ميلتون كينز


في سيارات للاطفال والكبار واصغر عمر 5 سنوات

وخسرنا بالسباق

ورحنا حديقة campbell وتعتبر الحديقة الرئيسية في ميلتون كينز
الحديقة كبييرة ومافيها عزكم الله حمامات ولا كافتيريات

وبعد الحديقة رحنا تغدينا وتشينا في ساحة
ذي هب و ذي فيجن
the hub & the vizion
هالمكان فيه فنادق وشقق ويعتبر موقع استراتيجي قريب من السنتر وكل اللي تبونه مطاعم وكافيهات
وفي فندق جوريس ان jurys inn و رامادا انكور ramada encore

وتغدينا وتعشينا مره وحده


في مطعم اكوا بالساحه ايطالي

يتبع الجزء الاخير من ميلتون كينز للاماكن السياحية الاخرى







​

 

[روكا]

وهذي تكمله لبعض الاماكن السياحية في ميلتون كينز


اكس سكيب xscape mk


مجمع ترفيهي عائلي جميل يحتوي على بولنغ - تزلج عالجليد - سينما - طيران داخلي - نادي - كازينو - وجم محل ومطعم .. حلو الواحد يقضي فيه جم ساعه




شكل المبنى الخارجي

البولنغ

التزلج

الطيران والترمبولين

وعندكم بحيرة وحديقة ولن
willen lake


انصحكم فيها وايد لانها حلووووه وفيها انشطة اتونس تحسفنا ما زرناها لا تفوتونها

وفيها فندق صغير و مطعم
لا اتطوفونها ..


وعندكم غليفرس لاند gullivers land
مدينة ملاهي صغيره وحلوه وعائلية وخصوصا للاطفال

theater district مسرح ديستركت


هذا المكان فيه المسروح والعروض الفنية ومطاعم وبالليل يكون في حركة ..

والى محطة ميلتون كينز ووجهه قادمة ان شاءالله نطروني هالليومين

المنطقة حلوه وقريبه على لندن وهادية ومرتبه انصحكم فيها ميلتون كينز
وهذيل بعض اقتراحات تريب ادفايسر ذكرت اغلبهم والباجي في اللنك

​

 

[روكا]

اليوم جزئنا حيييل صغير
لان عن منطقة صغيره او قريه نقول عنها

اسمها السوق NewMarket

تقع في مقاطعة سافولك شمال لندن ..

وتعتبر عموما مسقط رأس ومركز عالمي للسباق الخيل الأصيلة وموقع التراث العالمي المحتمل. وهناك أكبر مركز للتدريب على فرس الخيل في بريطانيا، و أكبر مركز لتربية الخيول في البلاد، موطن لمعظم مؤسسات البحث عن الخيل البريطانية الرئيسية، ومركزا عالميا رئيسيا لصحة الخيول. اثنين من السباقات الكلاسيكية، وثلاثة سباقات أبطال بريطانية إضافية تعقد في نيوماركت كل عام. كانت المدينة مركزا للملوك البريطاني منذ جيمس الأول، وكانت أيضا موطنا لتشارلز الأول، تشارلز الثاني والعديد من الملوك منذ ذلك الحين. وتزور الملكة إليزابيث العاهل الحالي المدينة بانتظام لرؤية خيولها في التدريب.


من لندن الى نيو ماركت بالقطار ساعه و 20 دقيقه
مع تبديل واحد في كامبريدج


لندن كنغ كروس - كامبريدج - نيوماركت



نيوماركت لديها أكثر من خمسين اسطبل للتدريب ، واثنين من حلبة السباق الكبيرة، و رولي ميل ودورة يوليو واحدة من أكثر مناطق التدريب الحصان المرموقة في العالم.المدينة هي مركز التراث الوطني للفروسية ورياضة الفن، والمتحف الوطني للفروسية، وتضم اثنين من أهم مستشفيات الخيول في العالم لصحة الخيل ، فهي
أيضا مركز تصدير رئيسي.


وصلنا الاسطبل سلمنا على الخيول ووكلناهم

في اماكن vip وفي اماكن عادية

وطلعنا والنقاشات حامية منو يفوز ويكسب الرهان واحنا طايحين له تصوير

​

​

بعدها رحنا تغدينا في مطعم هندي حلال بس مااذكر اسمه ولا عندي له صور موجود بسنترهم والسنتر واايد صغير ..مثل ما قلت لكم المنطقة صغيره حيل وكلها خيول اللي يبي يشتري اللي يبي يتعلم يزورها واللي اللي بس يبي يتفرج وبلاغة شف نفس حالتي يزوها وقت السباقات ..


بعض الاشياء ممكن اتسونها اهناك




ونلقاكم في جزء قادم وسامحوني على التقصير​

​

 

[روكا]

نكمل اليوم معاكم منطقه من المناطق الخارجية وقريبه على لندن


اليوم زيارتنا على بـــرايتــــــون Brighton


الطريج من لندن الى برايتون بالقطار دايركت


وياخذ ساعه تقريبا


بـــــرايتــــــــــون


مدينة تقع في اقليم شرق ساسكس في الجزء الجنوبي الشرقي من بريطانيا، وهي مدينة ساحلية .
تعتبر برايتون من اكثر الاجزاء الحضرية والسياحية في بريطانيا ويزورها تقريبا 8 ملايين سائح سنويا، وفيها جامعة ساسكس و جمانعة برايتون ومركز لرجال الاعمال .
مناخ برايتون يعتبر معتدل وبالصيف حلوه زيارتها ..


من اشهر معالم برايتون مكان اسمه رويال بافيليون عباره عن بيت منبني على الطراز الهندي والرصيف البحري فيه مطاعم والعاب ويسمى برايتون بير ..


في مطاعم عربيه وايد ومسايد ومنها الاقصى والمدينة ..

وانتوا رايحين اتجاه البحر تشوفون نفس هالبيوت الملونه

هذا رويال بافيليون

هذا البير

يكفي لها يوم زيارة برايي الشخصي

اشياء ممكن اتسونها في برايتون



وينتهي جزء برايتون







​

 

[روكا]

بعد طول غياب عن هالتقرير الطويل
رجعت لكم
وارد واكرر للمليون اعتذاري عن الاطالة بصراحه هذا التقرير بيكون شبه مفتوح يعني كل ما حصلت لي سفره الى بريطانيا ومنطقة زرتها خارج لندن او اماكن يديده داخل لندن بذكرها لكم ان شاءالله اهني .. او اني افصهلها بموضوع مستقل ..


طبعا الاغلبيه اتعرفون ان هالتقرير حطيت فيه عن اماكن زرتها من فترة واكيد في اماكن وايد يديده طلعت ومازرتها لكن اتمنى اغطيها لكم ..


اليوم ان شاءالله قررت اطلع معاكم برا لندن وقلت اروح معاكم الى منطقة عريقة ومعروفه عالميا بقوة جامعاتها وتاريخها ..


منطقتنـــا اليــــوم اوكسفـــــورد Oxford
تعتبر مدينه من مدن مقاطعة انجلترا
وتكون جنوب شرق لندن
وتبعد عن لندن بالسيارة مدة : ساعه ونص


والقطار مدة : ساعه دايركت من غير تغير
من محطة بادنغتون الى اوكسفورد - paddington to oxford
او بحافلات النقل الجماعي واهو الارخص كلفة طبعا شركة national express ممكن ساعتين او اقل بعد ..


تقع اوكسفورد في وادي نهر التايمز وتشتهر طبعا في جامعتها العريقه والتعليم القوي فيها بكل المراحل وايضا ومقر لاغلب شركات تقنية المعلومات وتحتفظ بمساحات خضرا جميلة وتتميز بالطراز المعماري الانجليزي الاصيل .. وتمتاز بالمتاحف والمكتبات ..


اللورد لمنطقة اوكسفورد : ميري كلاركسون




انا بصراحة زرتها زيارة خطافيه وسريعه حيل للاسف مع انها تستاهل المبيت لو ليلتين


زرت القصر قصر بلنهايم Blenheim Palace

القصر من القرن ال 18 وهو مقدم من الدولة الى دوق ماربولور الاول دون تشيرشل 1704 اعتراف بانتصاره على الجيوش الفرنسية والبافارية ..

والحين اهو المنزل الخاص للدوق ال 11 من ماربولو ويعيش فيه مع عايلته ويضم القصر مكتبة تاريخية

حدايق القصر شي واو بصراحه واستخدم القصر لتصوير عدة افلام سينمائية وتلفزيونية ومنها فيلم the young Victoria

هذه الصورة تم تصغيرها . الحجم الافتراضي لها هو 1200x862.

هذه الصورة تم تصغيرها . الحجم الافتراضي لها هو 1920x1277.

هذه الصورة تم تصغيرها . الحجم الافتراضي لها هو 1024x652.

بعض الصور المتفرقه

يتبـــــع







​

 

[روكا]

اجزاء من مباني الجامعه

هذي radcliff camera وهي جزء من مكتبة بودلي في جامعة اوكسفورد

ما ودكم في سكاي دايفنغ

اختكم الله يسلمكم اصعدت وطارة الطيارة وهونت واهيا في الجو هههههه قلت نزلوني ماابي اطب

ولمحبين السكاي دايفنغ في مواقع وايده واخترت لكم هذا



بيني وبينكم تحسفت بس ان شاءالله بجربها بالمستقبل القريب

من الاماك اللي تقدرون اتسونها في اوكسفورد وزيارتها
1- متحف علم الطبيعه

2- متحف القصه واايد حلو ممتع للاطفال والكبار
يخليكم نعيشون مغامرة اليس في بلاد العجائب و قصص اخرى فيها خيال

3- ومتحف pitt rivers

والمنطقة يمر عليها نهر التايمز

وعندكم القلعه والباص السياحي والمسارح
وعدة انشطة





شوارع التسوق
queen street-the westgate
Clarendon Centre (between Queen Street and Corn market
and the Golden Cross arcade next to the famous Covered Market

انتهينا من اوكسفورد واتمنى لكم زيارة ممتعه

الى اللقاء مع جزء قادم ومنطقة ثانيه







​