اجواء الكريسمس فى بريطانيا

[روكا]

بسم الله الرجمن الرحيم

عدنا بتقرير جديد من الرحله العائليه السنويه

طبعا وكالعاده التخطيط يكون قبل فتره من اجازه المدرسه

انا كان ودي اروح البرتغال و على رايي اغلب الناس اللي رايحيين لها يقولون لا تروحون البرتغال بروحها

روحوها مع اسبانيا

وبما انه عيالي الشباب الصغار مولعين بالكره و اللاعبين ومتابعين قلت يلا هي فرصه نحجز مباراه بعد


لكن


مالقيت معلومات كافيه عن البرتغال

واللي ردني بعد

انه تبعد 5 ساعات بالقطار عن مدريد


حسيت السالفه ماتسوى

لازم اروح لها انا وبوبدر بروحنا بدون الاطفال


فتغيرت الوجهه الى

لندن

وبعد محاولات جاهده تمت الموافقه على لندن


بو بدرر مايحب الانجليز ويكرهه طبعهم و ماخذ فكره سيئه جدا عنهم
مع انه ماراح لها الا ترانزيت ايام اللي كان عايش بامريكا بحكم شغل عمي (ابو زوجي) خبير بالامم المتحده
ف 14 سنه كان يروح لها ترانزيت ومادري شنو اللي شافه منهم وكرههم


وانا رايحه لها اخر مره ب 2010 و اهو ماكان معاي

فاقنعته وحاولت لين وافق




وتم التخطيط والحجز


الرحله على الخطوط القطريه


كويت-الدوحه-لندن-مانشستر-كارديف-لندن-الدوحه-الكويت




مده الرحله من تاريخ 22/12 الى 1/1/207



اليوم الاول: 22/12/2016


ورحنا المطار

وقعدنا بقاعه دسمان لحين موعد الطائره

توقعتها احلى من جذي

بس ابد ماتختلف عن قاعه الولو بشي

ومن الكويت الى الدوحه

الوجبه الخفيفه

ووصلنا الدوحه

وزحمه والكل يدور بوابته

والى الطائره المتجهه الى لندن

وجبه الاطفال بالطياره

ووصلنا بالسلامه

وتاكسي من المطار

و لقطات من السياره


لحين مانوصل الى فندقنا

الجو كان شتوي دافئ مو بارد


يعني يومها كنا طالعين من الكويت درجه الحراره 13 بس كان بررررد مووووت بالكويت

لكن لمن وصلنا لندن درجه الحراره 6 لكن كان الجو مو بارد مثل الكويت

ووصلنا الفندق

وهذا سعر التوصيل

الفندق

سكنت فيه ب 2010 و ماعرف غيره علشان جذي ردينا حجزنا فيه مره ثانيه


ولا مو من زين الفندق

احسن مافيه الموقع

ماتغيير شي باللوبي بس الشجره


والتفاصيل اللي بالشجره عجبتني

ماطولنا بالاجراءات

بسرعه عطونا الغرفه

والحمدلله خلال الجيك ان يمكن 3 اشخاص نعرفهم شفناهم

وهذا رقم غرفتنا

ماتغير اي شي بالفندق

حتى الاثاث صار قديم ومستهلك

يبيله تبديل

وسمعت انه في تجديدات بالفندق

حتى اطلاله مافي


الشبابيك مسكره ومغيمه مانطالع شي


حلاته الواحد لمن يقعد الصبح بالدول الحلوه يطل على مناظر وخضره وطبيعه

عالشارع عالاقل

المهم حطينا اغراضنا وعلى طول

مانبي نضيع وقت

وانا الخبره بينهم الحين

طلعنا نتمشى

شارع الاكسفورد

زحمه

محل السفونيرات منتشره بكل الشوارع

رجعنا للهايد بارك

علشان الونتر وند لاند

طبعا الونتر وندلاند مو موجود طول السنه بس خلال فتره الشتا من نوفمبر الى اول شهر يناير

المكان رائع جدا للاطفال والكبار

عباره عن العاب و كشكات اكل و اكسسوارات وملابس واشياء متنوعه

يتبع... ​

 

[روكا]

والى محل ام اند امز


متعه الاطفال

شرينا منهم بعض الاشياء بس ملابس ماشريت

مادري ليش بس حسيتهم (سوق المعلم) عندنا بالكويت

ولاني مجربه ملابس محلات ديزني شلون ردئيه الخام بسرعه تخترب فتوقعت كل المحلات اللي مو متصصه بالملابس نفس الشي

واخيرا

نشتري بعض الاشيا للفندق

من ماي وغيره من سناكات خفيفه


وردينا الفندق ...




​

 

[روكا]

اليوم الثاني: 23/12/2016


قبل لا اسافر لندن ولاني عارفه النظام الاوربي انهم يسكرون مبجر و انه يوم 25 كل شي مسكر و يوم 26 يكون نص دوام و يكون خصومات او اللي يسمونه البوكسنق داي

فحاولت ارتب الايام من قبل و ووين بروح

لكن في بعض الاماكن تقيدت فيها

ان شالله بكل جزء بذكر لكم التفاصيل بطريقه اوضح



اليوم كان مخطط للتسوق



قعدنا الصبح ونزلنا نتريق


الريوق هذا اهو من 6 سنين ماتغير فيه ولا شي

اهم شي في صباحي

القهوه

جانب بسيط من البوفيه

استحي اصور جدام الناس

وكان يوم الجمعه

خلصنا وانطلقنا


طبعا انا الدليله و الخبره

زين ماضيعتهم


والى محطه مارليبورن

اكيد عرفتو وين رايحيين


الى الاوتلت

بستر فيلج

قصينا التذاكر


والقطار صار يودي دايركت لي الاوتلت بدون اي تحويله

على طول تنزلون بالمحطه اللي عند الاوتلت

قبل ماكان جذي

والقطار فللللل من هالاسيويين


وريحته زفره ماكلين من الصبح ربيان ني و سمج

ما حصلنا مكان نقعد

تمينا واقفين لين الله سهل و ووقفنا بجم محطه وفي ناس نزلت

وفي الطريق

فرق بين التنقل بين الدول الاوربيه و بين مدن لندن





ووصلنا الاوتلت واول شي الكل يسويه

تاخذون بطاقه الخصم

ومن داخل الكستمر سيرفيس


المكان مريح

وحاطين سناكات خفيفه للي يبي

يتبع...






​

 

[روكا]

وخلصنا منهم وطلعنا للتسوق


الممر المؤدي الى السوق

البراندات متنوعه


والبضايع بعد


في القديم وفي اليديد


(علشان لا يطلعلي احد يقول وييي احنا مانشتري من الاوتلت بضايع قديمه)

في حتى موديل السنه موجود بس مايكون عليه خصم او اذا في خصم يكون بسيط

هنتر

اول مره شريت منه ب 2010 ومن لندن

و الحين خذيت منه للاولاد

والمشتريات ممتعه بالاوتلت

وفرصه للشراء

واحد المحلات اللي شرينه منه عطانا جينجر بريد

برادا و ميوميو بنفس المحل


شريت منهم

مع انه اسعارهم كانت نفس اسعار الخصومات بالكويت

ودوتشي اند قابانا

اسعاره وااايد زينه

استراحه محارب



في الحب بريت

خلصنا من الاوتلت وقت المغرب


ورجعنا

وكان لازم اليوم اروح ويست فيلد

لانه خلاص ماعندي يوم ثاني اقدر اروح

باجر عندنا حجز حق عرض

و تاريخ 25 مسكرين



ورحنا ويست فيلد

عن طريق الاندرقراوند

المول زحمه

وكلمن يدور علمحلات اللي يبيها

ورحنا نسبريسو

شرينا كبسولات قهوه


ليميتد ايديشن

وبعد التسوق


رحنا تعشينا بالفود كورت


انا اخترت هالمطعم


مكسيكي لذييييييييييييذ

وبالاخر لازم الاطفال يشترون

خلاص تعبو من كثر ماينطروني بالمحلات

ديزني ستور


موانا

الفلم كان توه نازل

وميداليه صغيره

واختار الي يبيه

وبعد اليوم الحافل بالتسوق


مرينا ماركس اند سبنسر نشتري بعض الاشياء الخفيفه


وهذا الموهيتو لذيييذ ومنعش


جربوه على مسؤوليتي

وخلص اليوم


....


​

 

[روكا]

اليوم الثالث : 24/12/2016




بعد يوم حافل بالتسوق

اليوم عندنا حجز الساعه 2:30


فعندنا قبل الحجز متسع من الوقت

لكن للاسف المتسع من الوقت مافيه مجال اني اروح مكان بعيد

ففضلنا انه نتمشى بشارع الاكسفورد

بس نشوف ما نشتري

السبب انه مانشتري ناطرين البوكسينق داي

من كثر ما رفيجتي قالتلي لا تطوفينه ما شريت شي ناطره يوم 26

مع انه اغلب المحلات .. لا كلها مسويه تنزيلات

لكن قالتلي يوم 26 يصير اكثر

حتى محلات التذكارات مسوين خصومات

انتبهت عالساعه شفتها للحين ما صارت 11 و تذكرت اني قريت بالمنتدى عن تبديل القاردز الساعه 11

فبسرعه قلت لهم تغيير بالخطه


يلا نروح باكنغهام


ووصلنا العرض كان بادي بس لحقنا على جزء منه

زحمه عند القصر بس يعني لقينا مكان نوقف فيه

هالحراس الاثنين وصلو لي عندنا طقو تحيه ومشو

الاطفال وايد استمتعو بالعرض لانهم يسمعون عن القاردز بالمدرسه و اول مره يشوفونهم بالصج

وصوره عند البوابه

خلص العرض

ومشينا عند القصر

ماكو لا ثلج ولابرد ولا مطر

يتبع...









​

 

[روكا]

تابع...


ومن باكنغهام الى ليسيوم ثييتر

بس قبل العرض رحنا نتغدا


في بيتزا اكسبرس

المكان وايد صغير الطاولات بجنب بعض

خلصنا ورحنا المسرح ناخذ التذاكر


لانه حجزنا عن طريق النت

ولازم نستبدل الحجز بتذكره عند المسرح

عرض لاين كينج المشهور في لندن


من ضمن العروض اللي كانت موجوده

علاء الدين و تشارليز اند ذا جوكلت فاكتوري

وبصراحه كان ودي احجزهم كلهم

بس ماعندنا ايام كافيه لهم

وغير جذي العرض ياخذ من اليوم

يعني احنا حجزنا الساعه 2:30 لمن خلص العرض وطلعنا اغلب المحلات والاماكن مسكره

ماكو شي نسويه

وهذا عيب اوربا الكبير

انه كل شي يسكر بسرعه

وبعد احنا رايحيين بموسم الكريسماس يعني الدوام يصير نص دوام

وبدلنا الحجز بتذكره


وبعض السناكات الخفيفه للعرض

ومن داخل المسرح

والبلكون

عجبني حسافه ماحجزت

قاعدين بروحهم

جاهزين للعرض


بس بنص العرض شفتهم نايمين

العرض على مستوى وممتاز لكن الاطفال يمكن حسو بالملل مافي شي يجذب الطفل

قد تكون المسرحيه لعمر معين مو بعمر عيالي

الاطفال الاكبر

وبعد شي

وايد طويييله

الفلم مدته اقصر من العرض

يعني الشي الوحيد الممتع بالفلم المؤثرات والاغاني لانه (حافطينها)

وخلص العرض مادري كانت الساعه جم

بس الاكيد قبل الساعه 7


و لازم اشتري حق ثلاجتي

رجعنا الفندق

يعني المفروض ليله الكريسماس

قلنا نطلع نتمشى


الشوارع كانت زحمه

والناس تتمشى

بس للاسف ماكو لا شي فاتح

بس الاضواء والجو حلو

لقينا كشك يبيع الايس كريم والكريب فاتح شرينا منه

وماكدونالدز بعد فاتح


بس زحمه

وطاولات ماكو


اكلنا واحنا واقفين

والحمدلله

​

 

[روكا]

اليوم الرابع : 25/12/2017




في البدايه في سالفه نسيت اقولها



قبل السفر فكرت وقررت من كيفي اني احجز لمباراه وافاجأ فيها لعيال وابوهم (لقافه)

المهم دورت بالنت شفت انه في بيوم 26 مباراه بين ارسنال و وويست بورم

وبما انه اولادي مشتركين بنادي ارسنال اللي بالكويت لتدريب كره القدم

قررت اني احجز


عن طريق الموقع الرسمي ماكان في تذاكر مخلصه


دورت و اول موقع دورته ب قوقل وفتح معاي حجزت عن طريقه

التذكره كانت ب 120 باوند

حجزت 4 تذاكر

واتفقت معاهم انه التسليم يوم 23 بفدق كمبرلاند


المهم يوم 23 كنا مو موجودين بالفندق


ولمن رجعنا بالليل سألنا عن التذاكر اذا وصلت


قام الموظف يدور بالبريد ولقى انه في ظرف واستلمه واحد اسمه توماس


وهذا توماس دوامه الصبح


فقال لنا تعالو باجر الصبح تلاقونه موجود سألوه لانه الخزنه مسكره والمفتاح عنده



وصار الصبح يوم 24

وشفنا توماس

قالنا اي استلمت الظرف بس كان فاضي

يا حسرتنااااا



انا بالبدايه شكككت في مصداقيته

لانه كمبرلاند واااايد لهم سوالف مع العرب


ياب لنا الظرف و وورانا انه فاضي وقال لنا انا فتحت الظرف جدام اكثر من شخص و مستعد اخليهم يشهدون لكم


طيب !!! شالحل


طبعا انا الملامه الاولى بالسالفه انه ليش متصرفه من كيفي وحاجزه


المهم


قالنا توماس جم رقم السايت خلوني اكلمهم

بحث بالسايت اللي حجزت منه ولا مافي رقم ولا طريقه اتصال غير (اللايف جات)


جان يقولي توماس انه هذول يهال او مجموعه ناس نصابين يبيعون بطريقه غير قانونيه وليش شاريه منهم



اقترح علي وقالي

كلميهم باللايف جات وهدديهم انه بتروحين الشرطه



وفعلا سوينا اللي قال لنا عليه هددتهم بالللايف جات ودزيت لهم ايميل انه اذا ما استلمت تذاكري بشتكي عليهم


وبما انهم يبيعون بطريقه غير قانونيه خافوا

و الساعه 12 بالليل اتصل علين شخص عالغرفه


وقال لنا انه باجر للي اهو تاريخ 25 راح اييب لنا التذاكر

وعطانا رقم موبايله وقال لنا تقريبا عالساعه 5 بيكون موجود عندنا


وهذا اليوم صار 25

صور من الريوق كنت المفروض احطهم باول يوم

اهم شي بالدنيااا

القهوه

الزبده والعسل والمربى

الحمص

والخبز والفلافل بس طبعا مافيه لا طعم ولا ريحه

الله يزيد النعمه

العصاير والماي

خلصنا الريوق


واول صدمه بحياتي

الاندر قراوند مسكر


والباصات



شنو نسوي يعني وين نروح !!!!!



يتبع.....

​

 

[روكا]

تابع يوم اليوم الرابع 25\12




مادري شنو يفكرون فيه

دوله سياحيه و مدينه مثل لندن كل الاوادم من كل العالم تقصدها

يسكرون يوم 25 ؟؟

ووايد فيها مهاجرين بدون عوايلهم



يعني اقترح عليهم يوم 25 يعطون (مكافأه) للي يداوم فيه مثلا مايكون اجباري


وشركات عالميه مثل ماك مسكر !!

اوكي اللي عندهم محلات (فاميلي بزنسس) محلات شخصيه اهو يشتغل فيه ماعليه يسكر

بس شركات عالميه ليش تسكر



وين صارت

الناس غالبا بالعطل تحب تطلع بس اهما يحبون التجمعات العائليه بالعطل


الهم الوضع ميت جدا بيوم 25


و صادفتني مثل هالسالفه بهولندا


بس فرنسا لا كان في حياه و حركه بيوم 25

و طبعا اسيا طوووول السنه حياه وحركه ماكوووو نووووم

المهم


وبعد ما فقدنا الامل


لقينا تاكسي

وقلناله يوصلنا البق بن


قالنا التاكسي انه
الاندر قراوند و الباص الحمر حكومي علشان جذي مسكرين


بس التالكسي يشتغل برايفت علشان جذي شغال

ووصلنا

معالم لندن

و لندن اي

بعد مسكره

خلاص ماكو شي غير التصوير

سي لايف

و شريك

الباص السياحي شغال

والحمدلله لقينا شي شغال


كشك يبيع الكريب والايس كريم

ندور اي شي شغال

وفلاتر السناب بيوم الكريسماس

و طلبنا تاكسي عن طريق اوبر

طلبنا منه يوصلنا الهايد بارك

في الطريق

يتبع ...






​

 

[روكا]

تابع اليوم الرابع 25\12

ووصلنا الهايد بارك

الونتر وند لاند


على فكره

مسكره بعد

راحو الاطفال ركضون بالهايد بارك ونبي نوصل للبط

يمكن الاطفل مستمتعين لانه ماكو محلات ولا سوق مفتوح

ووصلنا للبط


ولازم نوكلهم

مسكر

ولا راح يفتح

خلاص قررنا نرجع الفندق

ماكو شي نسويه


وهذا فندقنا

ومايمنع نصور

دام ماكو شي

واحنا رادين لقينا بريت فاتح

بس زحمه كل الناس بتشتري منه


بصراحه (يفكر صح) يمكن اللي باعه بهاليوم اكثر من اللي باعه بشهر


كل شي خالص مشطبين على كل انواع الاكل


وهذا نصيبي

اتوقع كان فلافل ( على مدح شخص ) حبيت اجربه بس ماعجبني

المهم رجعنا الفندق واتصل علينا الشخص اللي بوصل التذاكر


وقال انا باللوبي



نزلنا له اللوبي ولا شخص كبير قال انه السايت اتصلو عليه علشان يدبرهم لانه ماعندهم تذاكر وفعلا كانو نصابين بايعين التذاكر على اكثر من شخص

و توهقو لمن قلت لهم بشتكي عليكم


و هذا الشخص عنده عضويه بالنادي و عطانا 4 كروت عضويه

قالنا بس تروحون هناك بيفتشونكم وخلكم عادي

واذا سألوكم منو الاشخاص اللي اسمهم عالكرت قلولهم اصدقائنا معطينا التذكره هديه بمناسبه الكريسماس


و قالنا لمن تخلصون المباراه راح ارجع اخذ منكم العضويه


قلناله تمام

وراح

وظلينا شاكين في مصداقيته اذا فعلا كروت العضويه راح تفتح لنا البوابه وندخل المباراه

يتبع...






​

 

[روكا]

تابع اليوم الرابع 25\12


وبعد المغرب طلعنا تمشى

في شوارع وازقه لندن


كل شي مسكر

وهذ المحل عند (احذيه) عزكم الله

يرسمون عليه

انا ماخذه منه لولدي بس مو من لندن

هذا اسمه

ليبرتي

ووصلنا بيكادلي


لقينا محل دونت مفتوح

قعدنا وطلبنا كوفي ودونت

وهذا سوق موقت وقت الكريسماس بعد كان مسكر

خلاص ظلينا طول اليوم نمشي بالشوارع

لقينا سميت سراي فاتح ( اشتقت لتركيا)


وشرينا منه علشان لمن نرجع الفندق نتعشا هناك

وهذا محل للحلويات

كان ودي اجرب بس خلاص اكتفينا من الدونت


بس اخذنا منه كيك فراوله


للفندق

نسيت اصورها بعد ماشريتها

بس معروضه تقدرون تشوفونها

وهذا بدر شاري من اديداس اليوم اللي قبله ولبسها وصورته مع المحل اليوم واهو مسكر

وهذا كان نهايه يومنا

ردينا الفندق وكملنا سهرتنا








​

 

[روكا]

اليوم الخامس : 26/12/2017



اليوم المنتظر

بوكسينق دااااي

من الصبح بنخلص السوق علشان موعدنا المباراه الساعه 3

بس


ذكرت من قبل انه عيالي مشتركين مع ارسنال ...

وبعد ما حجزت التذاكر

اعلنو انه عندهم رحله الى لندن بالكريسماس وبياخذون الاعضاء برحله داخل النادي وتصوير مع اللاعبين ودخول المباراه

طبعا انا حاجزه تذاكر فكلمناهم انه نبي ياخذونهم وياهم لدخول الملعب ويشوفون التدريبات واللاعبين


المهم الحين موعدنا قبل المباراه بساعتين

يعني لازم نكون موجودين الساعه 1 عند الملعب علشان ياخذون الاولاد معاهم



طلعنا عقب الريوق

والمحلات طوابييييييييييير


بالبدايه رحت بريمارك

بس ماكو شي يستحق الشراء بهذا اليوم

وبعد مابي اشيل معاي اكياس من الملابس وانا عندي شي اهم منه

وبريمارك موجود بمانشستر وكارديف فماكان شي مهم بالنسبه لي


رحنا للمهم

سلفرج


وبعد الوقفه بالطابور

دخلنا

زحمه

الملابس عليها خصومات

ملابس الاطفال ما تتطوف عليها خصومات حلوه

شريت للاطفال بس الاغلب شتوي

وشريت لي جاكيت


اما الشنط ماعليهم خصم


انا كنت حاطه ببالي اكثر من شي ابي اشتريهم وكلهم اخذتهم بالسعر العادي ماعليهم خصم

وهذا الكافيه موجود في سلفرج ماعندي وقت للقهوه

هذه الصورة تم تصغيرها . الحجم الافتراضي لها هو 864x648.

زحمه وايد تسوقنا عالسريع

و دور على استرجاع الضرائب

تخلي الواحد يقول لا مابي استرجع قيمه الاشياء اللي شريتها

بس بصراحه شارين وايد اشياء والمبلغ بيطلع شي محترم

وقفنا بالدور

بس الدور بسررررعه يمشي ما تاخرنا

الحمدلله

وتمشينا بالشارع

ومحل ديزني مسوي خصم كبييير

شرينا وايد اشياء باقل من نص السعر

ولابد من محلات الرياضيه


والاولاد يدورون جواتي اللاعبين االمفضلين

بس طبعا ماعليهم خصم بعد

بس في اشياء زينه تستحق


ونكمل الشارع

والى هاوس اوف فريزر

وهذا العطر اخذته ماعليه خصم

بس عجيب ونفس الماركه عندهم عطور عليها خصم

اخذت منهم

واستراحه صغيره

يتبع...







​

 

[روكا]

تابع اليوم الخامس...


بعد ما رجعنا الفندق حطينا الاغراض اللي شريناها

وانطلقنا الى الملعب

وا ول ماتنزلون من المحطه

كل مكان تلاقون شعارات واعلام ارسنال

ووصلنا الملعب

وراحو الطفال مع الكوتش

واحنا استغلينا الساعات بالجوله حوالين الملعب

والكشكات بالشوارع يبيعون تقليد

ماعندهم حقوق حفظ

عادي يم الملعب ويبيعون تقليد

ماكو مشكله والوضع طيب

ورجعنا باللمحل الاصلي لارسنال

ملابس الاطفال

شرينا بعض الاشياء
واهم شي اسكارفات للتشجيع دخل الملعب






الحين خلصو الاطفال من جولتهم داخل النادي مع الكوتش


و استلمناهم



رحنا ندخل من البوابه الرئيسيه فتشونا ودخلونا و بالبوابه الرئيسيه مايشوفون التذاكر





وعند بوابه دخول الملعب

الرجال بصوب النساء بصوب


راح زوجي مع الاولاد

وانا بروحي


المهم وصل دوري


شافت التذكره جان تسألني منو ( قالت اسمه) وطبعا قلت لا نفس ما وصانا اللي معطينا التذاكر


قلت لها هذا صديق العايله و عطانا التذكره هديه بمناسبه الكريسماس

جان تضحك

الظاهر الجذبه ماره عليا وااااايد



جان تطوفني


المهم

حطيت الكرت عالباب علشان يفتح (طبعا ما بقى دعاء ولا ايه قرانيه ماقريتها علشان تمشي الامور)



والحمدلله

قعدنا بمكانا

وطلبنا بيتزا من الكانتين

:e 018:

الملعب فاضي للحين ما بدت المباراه

وصارت الساعه 3 وبدا اللعب

هذي اول مره احضر مباراه بالملعب


الوضع غيييييييييير عن التلفزيووون

متعه صج متعه

اللي يشجع واللي يصوت و اللي يسب

طبعنا انا وياهم نشجع (ارسناااال ارسنااال)

وحماااااس كلما صارت هجمه


انصح الكل اللي يصادف وقت سفره مباراه انه يحضرها لايف


عاد اليهال

كلما اسمعو مسبه قالو ماما هذا قال (باااد وورد)

وفي اخر 5 دقايق حطو ارسنال قوووول

وطلعنا من الملعب قبل الزحمه




يتبع....​

 

[روكا]

تابع اليوم الخامس..


ضاع وقتي بالمباراه

ابي اتسوووق


وعلى طول من الملعب الى

هارودز

وفي ديور


كانت ابي جنطه بحجم معين ولون معين

واللون هذا مو موجود كل مكان

المهم كان موجود عندهم ... وكانت الجنطه ماسكتها وحده اسيويه وتطالع وتقلب فيها و ماسكه بعد جنطه ثانيه يعني محتاره بينهم ماتدري شنو تاخذ



وانا ناطرتها تقول لا ما ابيها

واللي يبيع بالمحل بعد ناطرها

راح زوجي جان يقولها ( خلصينا نبي الجنطه)



جان تحضن الجنطه تقووول ابيهاا

المهم قالولي اذا تبين نطلج وحده توصل عقب 4 ايام

كلش ماينفع انا باجر بروح مانشستر


فقلت لهم خلاص اخذها من مانشستر

رحت ابرد جبدي في شانيل

وعالسريع بس شريت جنطه

وساعه من محل ساعات بهارودز


وصعدنا فوووق

منتجات هارودز

شرينا وطلعنا

وكانت الساعه 9


الصدمه ....

الاندرقراوند اللي يم هارودز سكر

ومعانا وايد اغراض خلاص مانقدر نمشي او ندور مكان


استخدمنا تطبيق اوبر


ووصلنا الفندق


وبالفندق حاطين لنا جوكلت هديه

وبعدها طلعنا ندور لنا شي للعشا


ومرينا عند هالمحل بشارع اكسفورد

يبيع حلوبات امريكيه

وخلص اليوم​

 

[روكا]

اليوم السادس : 27/12/2017



اول شي انا اسفه جدا عالتأخير بيصير عالسفره سنه وانا للحين ماخلصت التقرير

انشغلت وايد ... سافرت 5 مرات ورديت وللحين ماكملت التقرير

لازم اخلص التقرير قبل رحله كريسمس القادمه لانه اذا ما خلصته يعني ماراح اكمله

شكرا الايمان عالسؤال

عموما ...


هذا كان اخر يوم لنا بلندن


وحاجزين قطار الظهر علشان نروح مانشستر

انا اكثر شخص يخاف من القطار

اخاف من يصير الوضع لويه وربكه من الجناط والاطفال


بالبدايه عصير الانتعاش من البوفيه والريوق الخفيف

هبيت فيه هناك



طلعنا نتمشى بالهايد بارك

كان هذا اليوم ابرد يوم بلندن

قبلها كان الجو دافي

اخر لقاء مع البطات


​

خلصنا التوست اللي معانا

وردينا الفندق نشيل اغراضنا و نسوي الجيك اوت للانطلاق

يتبع...

 

[روكا]

تابع اليوم السادس...


وصلنا محطه القطار


للحين باقي وقت على رحلتنا

في عربانات نقل الجنط بالمحطه


بس مافي مكان داخل القطار للجناط الكبيره

هذا المكان مستحيل يكفي جناطنا


طبعا ... (هيتنا الجناط) حطيناهم عند الباب

المكان اللي يكون بين الكباين


وقعدنا بكراسينا المحجوزه

وانطلقنا

فرق بين المناظر بين دول اوربا و بين مناطق لندن

وهذي المحطه وقفنا عندها


ما اذكر جم محطه وقفنا

بس الوقت كان جميل داخل القطار

اهم شي حطينا اغراضنا و ركبنا القطار كلنا

يتبع...​

 

[روكا]

تابع اليوم السادس...



ووصلنا مانشستر

واخذنا تاكسي للفندق


بأول انطباع لاحظت انه سكان المنطقه من الجاليه الهنديه (الاغلب)

ووصلنا فندقنا


هذا الريسبشن

واللوبي جدا بسيط

و ورا الكراسي مكان الريوق

وهذا باب ثاني

وهذي غرفتنا

خلاص اليوع ذابحنا نبي ناكل

طلعنا من الاوتيل الى مول ارنديل

مشي رحناله حل قريب من الفندق


والجو يساعد عالمشي


اي نسيت اقولكم عن الجو

بمانشستر واااايد ابرد من لندن

الجاينا تاون اول ما نطلع من باب الفندق بويهنا


بس كلش ما دخلنا لها

وهذا المول ووصلناله



في احد قالنا انه ناندوز اللي بمانشستر حلال


رحنا نتاكد بس قالولنا لا مو حلال

في فرع ثااني حلال

على الزحمه اللي تشوفونها بالصور الا انها بس هني

برا بالشوارع وايد هدوء

و حتى المول مو زحمه مثل لندن

سوق ون باوند

المول بسيط وعادي

طلعنا منه

نتمشى برا


لكن اغلب المحلات سكرت

دخلت صيدليه بوت

و استغليت انها مفتوحه وشريت كل اللي احتاجه

وبعدها رحنا سوبر ماركت

ماشالله الخضره والفاكهه تشوووق

والجوكلت طبعا

قبل كنا نسمي كاكاو فليك بولحم

و العوده للاوتيل

رحنا الكافيه الموجود بالاوتيل

والعيال لقو لهم ربع من اسكتلندا

وقعدو يلعبون معاهم اكس بوكس

وكل يوم صارو يلعبون مع بعض

اما انا

كانت عندي مفاجئه من بوعيالي

بالكافيه قالي



انه كان طالب من الفندق يسون لي كيكه بمناسبه عيد ميلادي

لكن لمن وصلنا الاوتيل كانو ناسين الطلب و الشيف مال الحلويات باجازه

فحبو يعوضونه عن الكيكه بمشروب مجاني من الكافيه

وكان هذا اخر شي بهذا اليوم ....



​

 

[روكا]

اليوم السابع : 28/12/2016


مانشستر


اول شي ناخذ فكره عن الافطار في فندق النوفتيل

هذي القاعه صغيره

وهذا جانب من الافطار

اللي متعود ياكل وايد وينوع بالاكل يعتبر هذا الاكل مو مرضي

بس انا اشوفه الاساسيات موجوده بس الحمدلله كافي

المهم

خلصنا الريوق

وانا اشرب قهوتي


فاجأني الهوتيل

يعني اهيا مو كيكه بس كلهم ذوووق


ماحبو يردونا

هلثي

علشان ما اخرب نظامي واحافظ على رشاقتي

ومن جانب اخر

طبعا كنا خالصين الاكل فاخذنا الطبق معانا الغرفه و خلينا سناك حق بالليل


طلعنا عقب وهذي كانت درجه الحراراه

برررررررررررد وانا احب البرد

وانطلقنا الى محطه بيكادلي

قاصدين الاوتلت



شستر اوتلت

وهذي التذكره

روحه ورده

وانطلقنا

ووصلنا الاوتلت



الاوتلت مافيه براندات كبيره .. البراندات المتوسطه عنده

بس الاوتلت يسوى

خصوصا انه خصم عالخصم

يعني محل GAP شريت منه جنزات حق الاولاد يمكن ربع السعر اللي بالكويت

ومزينين الاوتلت

وفي كشكات تبيع اكل و قهوه

ونايكي الحبيب

الاولاد يحبونه

الاسعار جدا تسوى

وكادبوري بعد موجود

بعدها قعدنا نتغدا في بريت كافيه


الاوادم منحاشين من البرد منخشين كلهم داخل


واحنا قاعدين برا


نحب الهوا

وهذا طبقي

وبعد الجوله والتسوق


رجعنا الفندق

وريحنا شوي وطلعنا نتمشى بالشوارع


و بالاخير تعشينا في تاكو بل

ورجعنا الفندق الاولاد بيلعبون مع ربعهم

خليناهم يلعبون وانا و زوجي رحنا نشرب قهوه

من ماك بالضبط عند فندقنا


قهوه المساء

​

 

[روكا]

اليوم الثامن : 29/12/2016

صباح الاجواء البارده


بهذا اليوم كانت خطتنا نروح ل مجمع ترافورد

اخذنا تاكسي

ووصلنا الموول

من الصبح مع فتحته المحلات


مو وايد كبير بس وايد محلات حليوه فيه

والمول من الداخل

والاطفال لازم يصورون مع الليغو يحبون

والسي لايف موجود له اكثر من فرع بعدة دول


بس مادخلناه

ماتستهويي هالامور وغالبا كلهم نفس الشي بس فرق حجم المكان

ونبدا التسوووق

الخصومات للحين موجوده

احتفاليه بالسنه اليديده

اهم شي بتخلص السنه وانا للحين ماخلصت التقرير

والاطفال يحبون القصص والكتب لازم يختارون لهم

وانا بعد لازم اختارلي

ومحلات الرياضه لنا كلنا انا و الابو والعيال ... كلنا نحب ال

استراحه من التسوق شوي

وغدا بالفود كورت من مطعم هندي حلال

وقهوه من ستاربكس .. من اول ما سافرت ماشربت منه ولامره

هذي اول مره بالسفر

يتبع...​

 

[روكا]

تابع اليوم التاسع


بعد المول رجعنا الاوتيل وبعدها طلعنا نتمشى بالشوارع المحيطه

محل مان سيتي

الاولاد شرو كره منهم وانا اخت لهم بيجامات .. خامتهم ممتازه

غالبا هالمحلات تكون الكوالتي مو زينه

بس عجبتني الكوالتي مالت البيجامات قطنهم ناعم ...

للحين يلبسونهم ممتازين

ونكمل المشي الى سلفردج


طبعا انا مابقى سلفردج بلندن مادخلته ادور جنطه ..

و هذا كان اخر امالي

و بعد مالقيتها

بس مايمنع نشتري اشياء ثانيه

بس للحين بخاطري

الخصومات على بعض الاشياء تسوى

فرصه لاتطوووووف للشراء

وخلصنا تسوووق


و صار لازم نروح ناكل لنا لقمه


رجعنا مول ارنديل


و اكلنا بمطعم ايطالي

يعني يمشي حاله

و كان هذا اخر يوم في مانشستر

باجر ننطلق الى كارديف

​

 

[روكا]

اليوم العاشر : 30/12/2016



اخر يوم لنا في مانشستر و اول يوم في كارديف


كان وايد صعب اني اطلع معلومات عن كارديف لقله التقارير و اغلب المعلومات عاديه ما حصلت شي متكامل

وكان سبب اختيارنا ل كارديف الاول سبب دراسي .. ناويه اكمل دراساتي العليا و كان ببالي جامعه كارديف فقررت اني اروح اشوف الوضع والاجواء هناك

والسبب الثاني ولدي بدر ... بالمدرسه كل سنه يصير عندهم اسبوع (عالمي) يعلمونهم عن دوله و يلبسون لبسها طول الاسبوع وحضارتهم واكلهم

فكان السنه هذي عن (ويلز) و ماشالله عنده معلومات تاريخيه كامله .. فقلت لازم اوديه يشوف



عموما


الانتقال عن طريق القطار


بالبدايه اخر ريوق في مانشستر

وقهوه

وانطلقنا الى محطه القطارات

ولمن وصلنا اكتشفنا انه القطار اللي حاجزيه متكنسل

ولازم ننطر بعد ساعه يقولون لنا اذا بيمشي القطار ولا شنو الدبره

طبعا هذل مو اول مغلب

قبل جم سنه تكنسل قطارنا من امستردام لي بلجيكا بسبب الثلوج


يعني اوربا بالشتا ما تتأمن

ننطر ساعه و نشرب قهوه

بعد ساعه قالولنا نطرو بعد ساعه ثانيه

لكن باقتراح من احد العاملين

قال لنا يمك تنطرون طول اليوم ماكو شي مبين للحين


اقترح علينا نروح من محطه لي محطه لين نوصل..طبعا هذا الطريق طوييييييييل بس ماكو حل غيره


الموضوع صعب بوجود 4 جناط كبار وطفلين ... بس خلاص ضاقت الوسيعه ماكو حل

وعلى شوره

اول محطه نزنا فيها

ولمن نزلنا كلمنا الانفورميشن وقلنالهم الوضع و قالولنا اي قطار لازم نركب علشان نوصل كارديف


ماقصرو

وانطلقنا

وضاع علينا نص اليوم


القطار هذا تقريبا قعدنا فيه 5 ساعات



ووقفنا بمحطه

وناس تنزل وناس تصعد

واحنا قاعدين


و ركب معانا هذا

انا اشتغل عندي وسواس الجراثيم والوصخ

ما بقى ديتول ولا بليج ولا كلوركس ما نظفت فيه

وحتى وصلنا كارديف


اخيراااا

يتبع ...

​