جزيرة سنتوزا

[بسنت]

​

يسعدني أن اقدم لكم تقريري الثالث عن أروع دولة زرتها في شرق آسيا وهي​

سنغافورة
Singapore​

قبل ما أبدي بالتقرير أحب أقولكم ان هذا التقرير مافييه أنشطة سياحية زيادة عن التقريرين السابقين الي مسويهم عن سنغافورة وهما :​

متعة الأطفال في سنغافورة​

جزيرة سنتوزا والأطفال​

لأن هذي السفرة الثالثة لنا إلى سنغافورة وقد جربنا ودخلنا أغلب ومعظم الأماكن السياحية ، لذلك بعض الأماكن ما زرناها أو ما جربناها مرة أخرى
فالمسافر الي يحب يجمع معلومات عن أحلى وأجمل الأماكن والأنشطة السياحية في سنغافورة الأفضل انه شوف التقارير السابقة لأنه فيهم معلومات أكثر​

أيضا أحب أنوه وأعيد وأكرر ان كل الكلام الي بكتبة بالتقرير يعبر عن
وجهة نظري الشخصية
فقط لا غير
وطبعا وجهات النظر تختلف من شخص لآخر
فالي يعجبني مو شرط ان يعجب غيري والعكس صحيح​

والحين بسم الله نبتدي التقرير​

وقت السفر :​

السفرة الأساسية كانت إلى استراليا ، لكن بعد ما خلصنا من استراليا رحنا إلى سنغافورة لمدة اسبوع
وكان هذا الاسبوع بالفترة من 5/8/2013 إلى 12/8/2013​

عدد المسافرين :​

2 كبار + 3 صغار + 1 رضيع
انا وزوجتي وأولادي الأربعة الله يحفظهم من كل شر​

الطيران :​

أولا : طيران الاتحاد

من الكويت إلى كوالالمبور عن طريق طيراني المفضل وهو طيران الاتحاد
هذا الموقع الرسمي لطيران الاتحاد​

Etihad Airways Global - National Airline of United Arab Emirates​

هذي صورة السوق الحرة في مطار أبو ظبي الدولي​

التذاكر كان سعرها غالي بسبب فترة الصيف و موسم السفر ، فكانت أغلى من كل مره أسافر لشرق آسيا
مع العلم اني من زمان مشترك بطيران الاتحاد وكل مره اسافر معاهم أحصل على أميال جوية
وبهذي المره استخدمت هذي الأميال الجوية وحصلت على تذكرتين مجانا !!

فكان السعر الكلي لتذاكرنا كلنا يساوي 732 دينار كويتي​

نصيحة​

وهذي نصيحة أقدمها لكل المسافرين انهم يشتركون بطيارنهم المفضل سواء الاتحاد أو غيرها من الشركات
لأن بكل مرة تسافرون فيها راح تجمعون أميال أو نقاط وراح تطلع لكم تذاكر مجانية أو ترقية من الدرجة السياحية إلى رجال الأعمال أو الأولى
على حسب عدد النقاط الي تجمعونها​

هذي طيارتنا من الداخل ، كل شوي يتغير لون الإضائة بالكابينة​

​

​

​

يوسفاني نايم​

​

وهذا ياسين نايم بعد وسعود مندمج مع التلفزيون​

​

طبعا ما يحتاج إني اتكلم عن مدى روعة وفخامة طيران الاتحاد ، أتوقع الكل عارف هذا الشي​

ثانيا : طيران آسيا

المهم ، بعد وصولنا إلى كوالالمبور ذهبنا إلى استراليا ثم رجعنا إلى كوالالمبور
وقضينا فيها اسبوع تقريبا وبعدين رحنا إلى سنغافورة عبر طيران آسيا
وهذا الموقع الرسمي لطيران آسيا​

AirAsia | Cheap flights to Bangkok, Singapore, Hong Kong, Siem Reap, Taipei | Book online now​

طيران آسيا هو طيران اقتصادي يتميز بسعرة القلييييييل جدا مقارنة بباقي خطوط الطيران الدولية
خصوصا عند الحجز المبكر
وحاله كحال باقي الطيران الاقتصادي كل شيئ فيه يكون بمقابل
يعني الوزن له سعر
اختيار الكرسي له سعر
الأكل والشرب له سعر
الترفيه مثل التلفزيون أو غطاء للنوم وغيره من الأمور أيضا لهم سعر
هذا بالإضافة ان هناك رسوم عند الدفع ببطاقة الإئتمان
لكن كل هذي الأسعار تكون بسيطة جدا ورمزية نوعا ما ، خصوصا إذا ما قارناها بأسعار باقي خطوط الطيران الغير اقتصادية
لذلك أنصح كل المسافرين الي يحبون يتنقلون بين دول شرق آسيا بالحجز على طيران آسيا
بشرط أن يكون حجزهم مبكر !!
لأن لو ما حجزتوا مبكر راح تكون الأسعار مرتفعة ويكون السعر النهائي مثل باقي خطوط الطيران
أهم شي الحجز المبكر
نصيحة
وهذي نصيحة أخرى وهي مهمة جدا وهي الحجز المبكر !! سواء للطيران أو للسكن
الحجز المبكر يوفر عليكم مبلغ محترم من الفلوس
خصوووووووووصا إذا وقت سفركم هو بالعطلة الصيفة وهو موسم السفر​

​

سعر تذاكرنا ( لعدد 6 أشخاص ) عبر طيران آسيا يساوي 1435 رنقت ماليزي ما يعادل 140 دينار كويتي !!
يا بلاش !!!

طبعا مثل ما قلت بالبداية هذي الأسعار لعدد 6 أشخاص لأن مافي فرق بين الصغير والكبير في طيران آسيا
وطبعا سعر التذاكر تو وي يعني رايح جاي و يشمل الضرائب + الوزن + رسوم الدفع ببطاقة الإئتمان + اختيار المقعد بالطائرة
لذلك أشوف ان السعر جدا جدا رخيييييييص
تقريبا 23 دينار للشخص الواحد​

​

​

​

​

...... يتبع إن شاء الله​

​

​

 

[بسنت]

​

Marina Bay Sands Singapore

السكن : ​

سنغافورة دولة صغيرة المساحة ، ومناطقها متقاربه فيما بينها
لكن أفضل المناطق الي تستحق السكن فيها بالنسبة للسواح هي​

منطقة المارينا
وشارع اوشارد
وجزيرة سانتوزا السياحية​

انا قسمت فترة إقامتنا في سنغافورة إلى قسمين
بالبداية سكنا بمنطقة المارينا
وبالتحديد في فندق يعد من أحلى وأكبر وأفخم فنادق شرق آسيا كلها وهو فندق​

مارينا باي ساندز
Marina Bay Sands Singapore​

​

​

أقل ما يمكن وصفه للفندق انه تحفه معمارية
مع العلم ان الصور لا تعطيه حقه بالإبهار والجمال الهندسي والمعماري​

تم الحجز عن طريق موقعهم الرسمي وهو​

Homepage | Singapore 5-star Hotels | Marina Bay Sands Singapore​

ماشاء الله عددنا 6 واليهال كبروا بالعمر فالمفروض إني أحجز غرفتين بالفنادق
لكن قبل ما أحجز دخلت على موقعهم الرسمي وشفت نوع من الغرف اسمه​

قراند كلوب روم مع إطلالة
Grand Club Room With View​

وهذا النوع كبيييير جدا بالمساحة ، بحيث كأنه سويت وليس غرفة
والحلو فية ان له مميزات خاصة غير موجودة بالغرف العادية ولا الغرف الديلوكس ولا حتى الغرف البريميوم !!​

ومن هذي المميزات :​

1- تسجيل الدخول بمكان الفي آي بي VIB وليس مع باقي النزلاء
2- إفطار مجاني بمكان خاص
3- انترنت مجاني
4- مشروبات وعصائر مجانية مرتين باليوم ( نروح لنفس مكان الإفطار ونطلب الي نبيه من العصائر الطازجة ) بالإضافة الي الكيك أو الحلويات أو الفواكة وهي مجانية أيضا​

لذلك فكرت اني أحجز هذا النوع من الغرف بدلا من حجز غرفتين ستاندرد
لكن مادري هل يقبلون بأن نسكن كلنا بهذي الغرفة ولا لأ ؟
فأرسلت لهم ايميل وقلتلهم ن معاي 3 عيال وأبي أحجز هذي الغرفة ، هل ممكن ولا لأ ؟
وردوا علي بالايجاب​

وقالولي راح نحط لك صوفا بد تكون سرير للأطفال ..... فتوكلت على الله وحجزت الغرفة
وسعرها كان 2045 دولار سنغافورة ما يعادل 460 دينار كويتي لمدة ثلاث ليالي ( أربع أيام )​

أخليكم مع صور الغرفة​

حياكم تعالوا معاي​

هذا الممر المؤدي إلى غرفتنا​

​

​

​

وهذي غرفتنا من الداخل​

​

​

هذا المكتب مع كيبل الانترنت بالإضافة لوجود انترنت وايرلس سريع جدا جدا بالغرفة​

.
​

والشي الغريب انهم حاطين لنا طابعة + فاكس بالغرفة !!​

​

هذي الصوفا في مواجهة التلفزيون
ونقدر نفتحها لتصبح سرير كبير يكفي لعدد 3 أطفال أو بالغين أثنين​

​

.
​

​

​

الخزائن الموجودة بالغرفة وما تحتويه من كااااااااافة المستلزمات الي تهم السائح​

​

​

وهذي طاولة الطعام​

​

​

وهذي الثلاجة​

​

وأدوات صنع الشاي والقهوه​

​

​

هذا الممر المؤدي إلى الحمام أجلكم الله​

​

​

​

​

​

أخذت الغرفة مع إطلالة على المدينة
شوفوا إطلالة الغرفة شلون تكون​

​

​

​

​

​

وهذيله حبايبي الله يحفظهم أول ما وصلنا الغرفة
على طول لعب​

​

........ يتبع​

​

​

 

[بسنت]

​

The Club at Marina Bay Sands

The Club at Marina Bay Sands​

​

هذا مكان الفطور بالدور 57 وهو آخر دور ، يعني بالسطح
وهذا المكان يسمونه ذ كلوب وهو خاص بنزلاء غرف الكلوب و القراند كولوب ( مثل غرفتنا ) و السويت​

Reserved for Club Room, Grand Club Room and Suite guests
6.30am - 7pm daily​

أما لباقي النزلاء والغير نزلاء فيكون مفتوح لهم من الساعة 8 مساء إلى منتصف الليل​

Open to General Public 8pm to 12am daily​

مكان الافطار هو نفسه مكان المشروبات المجانية الي قلتلكم عنها
كل يوم مرتين من الساعة 11 الظهر إلى 1 الظهر
ومن الساعة 4 العصر إلى 7 المغرب​

وهذي بعض الصور لمكان المشروبات والحلويات والعصائر الطازجة المجانية
وهو مخصص فقط لنزلاء الكلوب روم​

​

​

الإفطار :​

بالمرة السابقة لما سكنت بالفندق مع عيالي كان فطورنا بالدور الأرضي
تقدرون تشوفونه بالتقرير هذا​

متعة الأطفال في سنغافورة​

لكن الحين بهذي المرة خلونا نفطر بالسطح وهو أحلى وأروع من الافطار بالدور الأرضي
المناظر كانت عجيبة من السطح​

​

​

بخصوص وقت الإفطار ، فكان من الساعة 6:30 صباحا إلى 10:30​

​

​

​

​

​

الإفطار متنوع بدرجة كبيرة وهذا شي معروف بأغلب فنادق شرق آسيا​

​

​

​

في أنواع من أكلهم أهل شرق آسيا وأنواع ثانية تختلف عنهم​

​

​

​

​

​

في طباخين يسوولك أي نوع من البيض حسب مزاجك​

​

​

​

​

​

​

​

وهذي بعض الصور لطاولتنا​

​

​

​

​

​

​

...... يتبع إن شاء الله​

​

​

 

[بسنت]

​

الحين بحط لكم صور المسبح والمناظر المحيطة به بالليل
وقولولي رايكم شنو أحلى​

الصبح ولا بالليل

​

​

​

​

​

​

​

​

​

​

​

​

​

​

​

ها شرايكم ؟؟​

​

​

 

[بسنت]

​

مرحبا بالجميع​

أشكر كل المتابعين للتقرير والمشاركين فيه
وإن شاء الله برد عليكم بس أخلص من هذا الجزء وهو عن
باقي مرافق الفندق​

خلونا نصعد فوق وبالتحديد الدور ما قبل الأخير ونشوف النادي الصحي​

GYM

هذي المصاعد






وهذا المصعد من الداخل
















































والحين ننزل تحت بالدور الأرضي ونشوف اللوبي والرسبشن


بصراحة ...... الرسبشن شكله والوانه باااااااايخه
مو لايق على هذا الفندق يكون جذي شكل الاستقبال أو الرسبشن

بس اللوبي حلو

في هذه الصورة تشاهدون :


على اليمين تكون المصاعد
لكل برج هناك 8 مصاعد ، وعدد الأبراج 3
وايضا على اليمين مداخل تؤدي إلى المجمع التجاري التابع للفندق
وإلى الكازينو وإلى محطة القطار ( الاندر قراوند )


أما على جهة اليسار تشوفون بعض الكافيهات
وهناك مكان مخصص لفرقة موسيقية تعزف الحان هادئة جدا
وأيضا هناك المطعم الي كنا نتريق فيه بالسفرة الي فاتت
وهناك بعض المحلات التجارية لبيع التذكارات ......... الغالية

وبالأمام هذا مكان التاكسي والسيارات

. . . . يتبع
​

​

​

 

[بسنت]

​

The Shoppes at Marina Bay Sands

المجمع التجاري :

الفندق يحتوي على مجمع كبييييير جدا​

فيه العديد من المحلات التجارية والمطاعم وحتى عيادات طبية​

وأغلب المحلات من الماركات العالمية المشهورة​

طبعا البظاعة الموجودة أغلبها غالية جدا​

لكن لا تنسون ان بسنغافورة هناك التاكس فري​

TaxFree​

سبق وأن تكلمت عنه بالتقارير السابقة​

عبر هذي السلالم الكهربائية ننزل إلى المجمع التجاري​

​

​

​

​

​

​

​

​

​

​

​

​

​

​

​

​

​

​

​

​

​

أيضا يوجد بالمجمع صالة للتزحلق على الجليد
وهي جديدة !!​

​

ما كانت موجودة بالمرة السابقة لما سكنا بالفندق​

الظاهر توهم مسوينها بهذي السنة​

​

​

​

يوسفاني مسكين مايصير يلعب مع اخوانه​

​

​

​

​

​

​

​

​

​

​

الفندق كبييييييييير جدا وفيه عدة أماكن غير المجمع​

مثل متحف خاص فيه​

ومسرح خاص فيه أيضا​

وكازينو كبير جدا​

بالإضافة إلى مطل على بحيرة المارينا يسوون فيها العاب نارية بالمساء​

للأسف ماعندي صورة حلوه لألعاب النارية ، كانت عجيبة​

كنا نشوفها من غرفتنا أو مرات ننزل تحت عند المارينا ونشوفها​

​

​

 

[بسنت]

Gardens by the Bay




الي تابع تقريري السابق يشوف ان كان في حديقة بخلف الفندق كانت تنبني
كان ودي أزورها لكن ماكانت مخلصة بهذاك الوقت

بهذي المرة الحمد الله انتهوا من ثلاث أرباع هذي الحديقة

وباقي تقريبا ربع الحديقة الأخير سيفتتحونه بمطلع سنة 2014 حسب ما يقولون
وقدرت أزور هذي الحداقة الرائعة والمزينة بالمجسمات الملونة والأشجار العملاقة
مصحوبة بأشعة الليزر والإضائة الملونة الجميلة


هذا الموقع الرسمي للحديقة

Gardens by the Bay

الحدائق هذي مو عادية مثل باقي الحدائق ، هذي حدائق مصنفة على مستوى سنغافورة أو حتى يمكن على شرق آسيا
انها حدائق صناعية صديقة للبيئة وفيها اشجار فولاذية عملاقة و و و و
هذا مقال موجود بالانترنت اخذت منه هذا الكلام ، يشرح فيه مميزات هذي الحدائق


اشجار عملاقة ترتفع بحذر وتصل فروعها الى السماء على حافة الخليج شجرتين عملاقتين
بهياكلها العملاقة في حديقة ذات جودة عالية للتسلية تصبح حدائق سنغافورة الموجودة على الخليج مثل ارض العجائب التي ذهب اليها أليس حديقة المدينة تعتبر ظاهرة منتشرة ففي لندن حديقة الهايد بارك ونيويورك الحديقة المركزية بحيث يتم تصميمها وانشائها طبقا لخطة نشر اللون الاخضر داخل المدن الكبرى ليس فقط لتنظيف الجو وانتاج الاكسيجين بل ليجد الناس مكان للشعور بالراحة والاسترخاء
ولكن حديقة سنغافورة على الخليج تهدف إلى اكثر من ذلك لتكون رئة المدينة كما ان الرؤية الكبيرة لهذا المشروع هو ان تغلف الحديقة المدينة كلها وتزيد كمية المساحة الخضراء في المناطق الحضارية . . . . . . . . .


والي يحب يقرأ المقال بالكامل هذا هو الموقع على الانترنت


حدائق سنغافورة على الخليج وهو انجاز مذهل صديق للبيئة | ثقف نفسك

بيومها كان ياسين حبيبي مريض
ما قدر ايي معانا

رحت انا وسعود وسلمان ويوسف بالليل
الجو كان روعة والمناظر أروع
الإضائات الموجودة على الأشجار تتغير مع أصوات الموسيقى الصادرة من السماعات المثبتة على الأشجار
لما نكون بينهم كأنهم يتكلمون مع بعض
والليزر ينتقل من شجرة إلى أخرى
ونقدر نتنقل بين الأشجار عبر الجسور الفولاذية المبنية فيما بينهم

ماعرف شلون أوصف طريقتهم بس كانت روووعة
انصح بالمكان هذا خصوصا بالمساء

هذا شكل فندقنا من الخلف










وهذي شوية صور أخذتها من الانترنت
تبين الحدائق الداخلية لأني ما صورتها بالليل

​

​

 

[بسنت]

​

​

Marina Square Mall

بيوم من الأيام رحنا لهذا المجمع مشيا على الأقدام !
ما كانت المسافة بعيدة والجو كان رائع شوية غيوم مع زخات قليلة من المطر
الحمد الله على حظنا الجو كان حلو بوقت زيارتنا لسنغافورة مع العلم ان اخوي راح لها قبلي بكم اسبوع وكانت حرررررر ورطوووووبة حسب كلامة
بس الظاهر تعدل الجو لما عرف اني بزورهم

هذي لقطات من الطريق للذهاب لمجمع المارينا سكوير
أو بمعنى أصح لطريق العودة إلى فندقنا بعد ما انتهينا من المجمع
بس نعبر الممر العجيب يكون المجمع خلف الاستاد الرياضي الموجود على الماء










هذا فندقنا بالليل
شكله روووووووووووعة

وهذي سنغافور فلاير

وهذا هو الملعب الاولمبي مع الأبراج السكنية الموجودة في منطقة المارينا














وهذا القارب ياخذكم بجولة على المارينا






مجمع المارينا سكوير هو أحد المجمعات الموجودة بالقرب من فندقنا
وهو في منطقة المارينا
وبالتحديد تحت فندقين مشهورين وهما
فندق مارينا ماندارين اورينتال و فندق بان باسيفيك
هذي صورة للفندقين واحنا بالطريق للمجمع




ويمكن لنزلاء الفندق النزول للمجمع عبر ممر خاص فيهم





المهم ، المجمع هذا مافيه شيئ زايد وملفت للنظر ، لكنة مجمع حلو وكبير وراقي ، فيه مطاعم وسينمات ومحلات كثييييره للتسوق
أسعارة أقل بكثير من اسعار مجمع المارينا باي ساندس
مناسب جدا للتسوق




متى أدخل هذا المحل

المجمع فيه العديد من دور السينما
دخلنا فلم الطيارات
Planes

وهذي السينما من الداخل










أيضا فيه مكان خاص للعب الأطفال الصغار ، والحلو فيهم انهم حاطين هذا المكان وحوالينه محلات تبيع ملابس ومستلزمات الأطفال الصغار
يعني تخلي ولدك يلعب وانت تروح المحل الي بقربه وتتسوق وتشتريله وترجع

انا ما صورته وايد لأنه مجمع عادي
لكن الي شد انتباهي لما رحنا ماكدونالدز ناكل برد ( ايس كريم ) شفت الاعلان مكتوب بالعربي !!













حتى لما تعشينا في برجر كنج أيضا اللغة لعربية مكتوبة على أكوابهم








للعلم ان ماكدونالندز وبرجر كنج ودجاج كنتاكي أكلهم حلال إن شاء الله
وفي شهادة ملصوقة على ابوابهم من المجلس الاسلامي السنغافوري تثبت ان هذا المطعم أكله حلال









أما هارديز فالأكل عنده مو حلال للأسف
ما شفت هذا الملصق عندهم ورحت سألتهم بنفسي وقالولي لأ مو حلال

​

​

 

[بسنت]

جزيرة سانتوزا

جزيرة سانتوزا
Santosa




جزيرة سانتوزا هي جزيرة مخصصة بالكامل للأنشطة السياحية
أحلى مكان للعائلة الي معاهم أطفال هي جزيرة سانتوزا
لما فيها من فنادق مميزة ومدن العاب ومدن ترفيهية ومائية ومتاحق وحدائق
هذا غير الأنشطة البحرية والأنشطة الرياضية الموجودة بالجزيرة

كما انه يقام فيها بعض الأوقات مهرجانات وكرنفالات مخصصة للسواح

التنقل بجزيرة سانتوزا مجاني للجميع
سواء استخدمتوا القطار المعلق ( المونوريل )




أو الباصات

أما الانتقال من وإلى جزيرة سانتوزا فيكون
إما عبر التاكسي وهو أسرع طريقة





أو التلفريك وهو أحلى طريقة




أو عن طريق الاندر قراوند MRT وهو أرخص طريقة

هذا الموقع الرسمي لجزيرة سانتوزا ومافيها من مدن ترفيهية وأنشطة سياحية

Home- Sentosa

خلونا نترك المقدمة هذي وندخل في صلب الموضوع
كان القسم الثاني من سفرتنا في جزيرة سانتوزا
سكنا بأحد فنادق الريسورت وورلد كما يطلقون عليهم
Resorts World Sentosa
وبالتحديد في فندق
فاستيف
Festive Hotel



الموقع الرسمي لمجموعة فنادق الريسورت وورلد هو

Resorts World Sentosa Official Website | Singapore Attractions

سبب اختياري لفندق فاستيف هو وجود
الغرفة العائلية
بالسفرة الي فاتت لسنغافورة سكنت بنفس الفندق وكتبت موضوع مفصل عن هذا الفندق
وهذي المرة أيضا سكنت بنفس الفندق
مو بس لأنه عاجبني ولا بس لأن فيه الغرفة العائلية الي تظم عائلتي بالكامل
ولكن في سبب آخر أحلى وأهم من هذي الأسباب وهو
العرض العجييييييييييييييييييييييييييييب

كان في عرض على هذا الفندق وباقي فنادق الريسورت ورلد
والعرض هذا كان اسمه
Multi Attractions Package
ببساطة ، عند الحجز بهذا الفندق لمدة 3 ليالي أو أكثر تحصلون على ما يلي :
1- إفطار مجاني
2- تذاكر لدخول مدينة يونيفيرسال ستوديوز
3- تذاكر لدخول الأكواريوم ( مكان جديد )
4- تذاكر لدخول المدينة المائية ادفانجر كوف ووتر بارك ( مكان جديد أيضا )

Deluxe Family King room caters to both parents and children. Adults can relax on a king-sized bed, while kids can hop into the loft bed designed just for them.
8-11 Sep 2013 - 4 days 3 nights package for 2 Adults 2 Children . Includes Daily Breakfast, One Day Admission to Universal Studios Singapore™, One Day Admission to S.E.A. Aquarium™ and One Day Admission to Adventure Cove Water park™. Tickets are valid during stay period

بصراحة عرض مغغغغغغغري وما يتطوف نهاائيا
طبعا التذاكر الي عطونا اياها كانت 4 تذاكر لكل مكان سياحي
2 كبار + 2 صغار
يعني عدد التذاكر كلها = 12 تذكرة مجانا




هذا غير الفطور المجاني
( بالمرة السابقة لما سكنت بالفندق ما كان فيه إفطار مجاني )​

نصيحة :​

أنصح كل العوائل الي بتسكن في جزيرة سانتوزا انها تبحث عن هذا العرض
ولو شفتوه على طول حجزوا الغرفة مع العرض لأنه يستاهل

تم الحجز من موقعهم الرسمي الي كتبته فوق ، وكان لمدة 4 ليالي ( 5 أيام ) بقيمة 1456$ دولار سنغافوري
ما يعادل 344 دينار كويتي

الحين تعالوا معاي براويكم الغرفة العائلية شلون تصميمها





مثل ما قلت لكم الغرفة مخصصة لعدد 2 كبار + 2 صغار
بالسفرة الي فاتت قبل ما أحجز بالفندق راسلت الإدارة وقلتلهم ان معاي 3 أطفال ورضيع هل ممكن أسكن بالغرفة العائلية ؟
وكان جوابهم نعم تقدر تسكن
لذلك هذي المره على طوووووول حجزت بدون ما أراسلهم والحمد الله ما كلموني ولا قالوا شي عن عددنا
والحمد الله أيضا ان الغرفة كانت واسعة ومريحه لنا جميعا ومكفيتنا على الراحة
الغرفة مقسمة قسمين ، قسم لنا انا وأم سعود والقسم الآخر للأطفال







وبقسم الأطفال هناك مكانين للنوم وكل مكان يكفي لعدد طفلين
أول مكان سرير بالأعلى يكفي لطفلين




والمكان الثاني هو الأريكة أو الصوفا بد وهي تنفتح وتصير سرير وأيضا تكفي لطفلين أو حتى ثلاث أطفال





لذلك انا حبيت هذي الغرفة لأنها تكفينا كلنا وسعرها أرخص من غرفتين عاديتين في نفس الفندق

وهذي بعض الصور للغرفة
ذكرت بالتقرير السابق عن هذا التلفزيون ومافيه من خيارات جميلة ومفيدة تهم السائح



منها التعرف على ارجاء الفندق وأرجاء الجزيرة ومنها التسوق ومنها طلب من الروم سيرفيس وأيضا طلب افلام معينة بالإضافة لكونه جهاز تلفزيون يبث قنوات الشوتايم




هذي الأكياس الصفراء عبارة عن هدايا للأطفال من الفندق
فيها العاب وقصص والوان للإطفال

وهذا الحمام وانتم بكرامة













وهذا شكل الفندق من البلكونة الموجودة بالغرفة










وهذا حمام السباحة















​

​

 

[بسنت]

1. الافطار بالفندق
   
   
   
   وجبة الفطور​

   
   
   

   بالنسبة للإفطار ، كان المطعم الي بتفطر فيه ( نتريق ) خارج الفندق !
   هو مطعم ايطالي سبق وأن جربناه بسفرتنا الي فاتت وأكلنا فيه بيتزا شهيه جدا جدا
   بهذي السفره صار هذا المطعم مخصص للإفطار ، الظاهر ان الفندق متفق معاه على هذا الشي
   مكانه قريب من الفندق ، بعد ما نطلع من الفاستيف وولك نلقاه مقابلنا
   الإفطار أعتبره ممتاز من كل النواحي
   الطعم والتنوع والكمية
   كل شي موجود تقريبا ، المعجنات والخبز بأنواعه ، الفواكة الطازجة والعصائر الطبيعية
   أنواع البيض حسب الطلب و الأجبان بكافة أنواعها وأشكالها وما ننسى حبيب الأطفال الكورنفليكس
   شاي وحليب وقهوه ، أيضا كان فيه انواع من أكل شرق آسيا​

   
   
   

   بحط لكم شوية صور للفندق من الخارج بالطريق إلى مكان الافطار​

   
   
   

   هذا الفندق من الخارج​

   
   
   

   
   ​

   
   
   

   وهذا اللوبي والرسبشن​

   
   
   

   
   ​

   
   
   
   

   وهذا كافيه باللوبي​

   
   
   

   
   ​

   
   
   
   

   وهذا الفاستيف وورلك
   وهو كما ذكرت بالتقارير السابقة ممر يربط بين فنادق الريسورت وورلد
   ويحتوي على العديد من المحلات وأغلبهم من البضائع العالمية الشهيرة​

   
   
   
   

   
   ​

   
   
   
   

   
   ​

   
   
   
   

   
   ​

   
   
   
   

   
   ​

   
   
   

   
   ​

   
   
   
   

   
   ​

   
   
   

   وهذا هو المطعم المخصص للإفطار​

   
   
   

   
   ​

   
   
   

   
   ​

   
   
   
   
   

   

   
   
   
   

   
   ​

   
   
   
   

   
   ​

   
   
   
   

   
   ​

   
   
   

   
   ​

   
   
   

   
   ​

   
   
   

   
   ​

   
   
   
   

   
   ​

   
   
   
   

   
   ​

   
   
   
   

   
   ​

   
   
   

   
   ​

   
   
   
   

   
   ​

   
   
   
   

   
   ​

   
   
   
   

   
   ​

   
   
   
   

   
   ​

   
   
   

   وهذي طاولتنا​

   
   
   

   
   ​

   
   
   
   

   هني وعافية​

   
   
   

   
   ​

   
   
   ​
   
   
   
   
   
   
   ​

 

[بسنت]

1. 1. • جزيرة سانتوزا ليلا​

        
        
        

        أول يوم لنا بالجزيره ما سوينا شي غير التمشي
        وصلنا تقريبا الظهر وعلى ما صفينا الشنط ورتبناهم يوسف ولدي طاح من السلم الموجود بالغرفة
        وتعور راسه ولهينا معاه والحمد الله ما كانت طيحته قوية بس خرعنا شوي
        فظلينا بالغرفة لحد المغرب يمكن وبعدين طلعنا نتمشى بالجزيرة ومن ثاني يوم بدينا نروح الأماكن الترفيهية
        أخليكم الحين مع شوية صور للجزيرة بوقت المساء​

        
        
        

        هذي النافورة موقعها فوق مطعم الافطار
        وتعتبر بداية الطريق للذهاب إلى تمثال الأسد​

        
        
        

        
        ​

        
        
        

        أما هذي النافورة فتكون بالاتجاه الآخر
        وتعتبر بداية الطريق للذهاب إلى اليونيفيرسال ستوديوز​

        
        
        

        
        ​

        
        
        
        

        
        ​

        
        
        
        

        بحيرة الأحلام
        تكلمت عنها بالتفصيل بالسابق
        وهي عبارة عن عرض مائي مصحوب بالليزر والنار
        وهو مجاني للجميع !!​

        
        
        

        
        ​

        
        
        

        
        ​

        
        
        

        
        ​

        
        
        

        
        ​

        
        
        
        
        

        بالفترة الي سكنا فيها كان عندهم مهرجان بالجزيرة​

        
        
        ما عرفت اسمه بس بكل مكان تشوفون ناس يؤدون عروض
        

        مرات عروض الساحر ومرات عروض موسيقية ومرات عروض مضحكة​

        
        
        
        

        

        
        
        

        وهذيلة المؤدين للعروض أغلبهم كانوا أجانب يعني أشكالهم مو من شرق آسيا
        يمكن والله اعلم يايين من اوروبا !
        

        

        
        
        

        
        ​

        
        
        
        

        عموما هذي شوية صور لبعض العروض الي نشوفها بكل أنحاء الجزيرة
        وطبعا العروض هذي مجانية للجميع
        هذا أول عرض كان عبارة عن ساحر للأطفال
        مضحك جدا مثل المهرج مع خفة اليد
        ومكانة عند تمثال الأسد​

        
        
        

        

        
        
        

        
        ​

        
        
        

        
        ​

        
        
        
        

        
        ​

        
        
        
        

        
        ​

        
        
        
        

        
        ​

        
        
        
        

        وهذا الممشى خلف تمثال الأسد
        اسمه مير لايون وولك​

        
        
        

        
        ​

        
        
        

        
        ​

        
        
        

        
        ​

        
        
        
        

        وهذا العرض الثاني الي رحنا له​

        
        
        

        
        ​

        
        
        
        

        وهذا العرض الثالث​

        
        
        

        
        ​

        
        
        

        
        ​

        
        
        

        
        ​

        
        
        

        
        ​

        
        
        
        

        كل شي بالجزيرة له إضائة جميلة
        وبعض الأماكن مثل هذا المكان تتغير إضائته كل دقيقتين تقريبا​

        
        
        
        

        .
        ​

        
        
        

        
        ​

        
        
        

        
        ​

        
        
        

        
        ​

        
        
        

        
        ​

        
        
        

        
        ​

        
        
        

        هذي المحلات خلف فندقنا
        وبجانب فندق هارد روك​

        
        
        

        
        ​

        
        
        

        
        ​

        
        
        

        
        ​

        
        
        

        
        ​

        
        
        

        
        ​
        
        
        
   
   
   
   
   
   
   

 

[بسنت]

1. 1. 1. مهم جدا لمن أراد زيارة جزيرة سانتوزا
         
         Sentosa Play Pass
         بطاقة سانتوزا للألعاب
         
         
         وهي من أهم وأحلى وأفضل بطاقات الخصومات الموجودة في سانتوزا وسنغافورة عموما
         وفي منها خمس أنواع ( 5 ) مختلفة ، كل نوع على حسب وقت استخدامها أو ما تحتويه من العاب وأنشطة ترفيهية
         
         
         
         
         
         خلوني أشرحهم لكم عشان تكون الصورة أوضح
         
         
         أول نوع اسمة
         DAY PLAY PASS
         
         
         وهي عبارة عن بطاقة وحده تخولك للدخول إلى أكثر من 16 مكان سياحي بالجزيرة
         وقيمتها توفر عليك أكثر من 70% من قيمة ال 16 مكان السياحي لو كانوا منفصلين
         بس المهم تستخدمونها خلال يوم واحد فقط لا غير !!!
         عندكم من الصبح الساعة 9 لغاية الساعة 7 المساء
         سعر البطاقة هذي للكبار 70$ وللصغار 54$
         ومثل ما قلتلكم تقدرون تدخلون فيها إلى 16 مكان سياحي بالجزيرة ، وهذي الأماكن هي :
         
         
         1- Desperado 4D
         
         2- Extreme Log Ride 4D
         
         3- The Misterios Island 4D
         
         4- Bi-Pedal Bicycle
         
         5- Butterfly Park & Insect Kingdom
         
         6- Fort Siloso Combat Skirmish
         
         7- Images of Singapore
         
         8- MegaBounce
         
         9- Port of lost Wonder
         
         10- Segway Fun Ride
         
         11- Singapore Cable Car
         
         12- Skiline Luge Sentosa
         
         13- The Flying Trapeze
         
         14- The Merlion
         
         15- The Tiger Tower
         
         16- Wave House
         
         
         
         

         

         
         
         
         
         
         
         ثاني نوع اسمه
         CHOICE PLAY PASS
         
         
         وبهذا النوع يخلونك تختار فقط 4 أماكن سياحية من ل 16 مكان سياحي الي ذكرتهم فوق
         ووقتها بالصباح نفس وقت الي قبلها من 9 الصبح لغاية 7 المساء وطبعا خلال يوم واحد فقط لا غير
         أما سعرها للكبار 45$ وللصغار 39$
         
         
         
         

         

         
         
         
         
         
         
         
         
         النوع الثالث اسمه
         EVENING PLAY PASS
         
         
         وبهذا النوع يخلونك تختار فقط 3 أماكن سياحية من أصل 10 أماكن سياحية
         لكن وقت استخدامها يكون بالليل وليس بالصباح بعكس التذكرتين الي طافوا ، وطبعا خلال يوم واحد فقط لا غير
         من الساعة 6 المغرب إلى نهاية اليوم
         أما سعرها للكبار 32$ وللصغار 29$
         
         
         

         

         
         
         
         
         
         
         
         
         
         النوع الرابع اسمه
         TOW DAY PLAY PASS
         
         
         طبعا من اسمه واضح ان استخدام التذكرة يكون ليومين وليس مثل باقي التذاكر السابقة
         بهذا النوع يعطونك تذكرتين
         
         الأولى لدخول اليونيفيرسال ستوديوز
         Universal Studios
         
         
         والثانية لدخول 16 مكان سياحي
         مثل أول نوع شرحته لكم
         DAY PLAY PASS
         
         
         يعني تقدرون تروحون اليونيفيرسال بأول يوم وثاني يوم تروحون 16 مكان سياحي
         سعر هذا النوع للكبار 130$ وللصغار 96$
         ومثل ما ذكرت التذاكر صالحة لمدة يوووووووومييييييييييييييين فقط لا غير
         
         
         
         
         
         
         
         
         
         

         

         
         
         
         
         
         
         
         النوع الخامس والأخير اسمه
         PREMIUM PLAY PASS
         
         
         بهذا النوع أيضا يخلونك تختار 3 أماكن سياحية من أصل 11 مكان سياحي
         لكن ال11 مكان سياحي تختلف عن ال16 مكان سياحي الي ذكرتهم بالسابق
         بحيث ان الأماكن هني أكبر وأحلى وتحتاج وقت أطول ، مثل الأكواريوم + ووتر بارك + اندرووتر وورلد وغيرها من الأماكن السياحية
         لذلك هذا النوع صالح لمدة يوميييييييييييين وليس يوم واحد !!
         أما بخصوص سعر هذا النوع فهو للكبار 80$ وللصغار 70$
         
         
         
         
         

         

         
         
         
         
         
         
         
         
         والحين يبقى السؤال من وين تشترون هذي الأنواع المختلفة من التذاكر ؟؟؟
         
         
         
         الجواب : تلقونهم موجودين بأكثر من مكان ، مثلا تحت كل محطة قطار ( المونوريل ) أو عند شباك اليونيفيرسال ستوديوز ، أو عند مكاتب الانفورميشن أو حتى عند دخولكم إلى جزيرة سانتوزا عبر التلفريك
         في عدة أماكن تبيع هذي الأنواع من التذاكر بالأسعار الي ذكرتها ، وراح تلقون الدعايات والبروشرات عن هذي التذاكر بكل أنحاء الجزيرة
         وجذي أكون خلصت شرح بطاقات اللعب أو بطاقات العروض في جزيرة سنتوزا
         ان شاء الله يكون الشرح سهل وواضح للجميع
         وإذا تبون معلومات أكثر تقدرون تدخلون على موقع جزيرة سنتوزا أو على هذا الموقع
         
         
         Sentosa Play Pass- Sentosa
         
         
         
         

         نصيحة ​

         أنصح جميع الاعضاء الي بيزورون جزيرة سانتوزا انهم يستغلون هذي البطاقات ويشترون أي نوع منهم على حسب النوع الي تشوفونه مناسب لكم​

         المهم انكم تشترون هذي البطاقات لأنها بتوفر عليكم الكثييييييييييييير من المال صدقوني وهذي عن تجربة
         وأيضا راح توفر عليكم الوقت والتعب لأنكم ما راح تظطرون انكم تصفون بالطابور في كل مكان سياحي بتزورونه !!
         مجرد البطاقة عندك تدخل فيها على طوووووول من بوابات الدخول للأماكن السياحية
         
         
         
         
         
         خصومات زيادة !!
         
         
         لما تشترون أي من أنواع البطاقات الي ذكرتهم بالسابق يكون معاها خصم لعدة أماكن سياحية غير مذكورة مع ال 16 مكان سياحي الي ذكرتهم
         
         
         يعني مثلا تحصلون خصم 20$ دولار سنغافوري لكل بطاقة عند دخول
         iFly
         
         وتحصلون على خصم 8$ دولار سنغافوري لك بطاقة عند اللعب
         MegaZip
         
         
         وأيضا خصم 8$ عند دخول
         Tunnel Battle Games
         
         
         وغيرها الكثير من الخصومات على أماكن مختارة​

      ​
      
      
      
      
      
      
      

 

[بسنت]

1. 1. 1. 
         
         
         
         
         بالنسبة لي شخصيا اخترت وشريت أول نوع من البطاقات وهو
         DAY PLAY PASS
         
         
         وسبب اختياري لهذا النوع هو ان عندي تذاكر اليونيفيرسال ستوديوز مجانا
         ( يعني النوع الرابع ما ينفعني )
         وأيضا عندي تذاكر الأكواريوم والووتر بارك مجانا
         ( يعني النوع الخامس ما ينفعني )
         ولأني ساكن بالجزيرة
         ( يعني أقدر استفيد من كامل اليوم من الساعة 9 لغاية الساعة 7 )
         لذلك شرينا أول نوع ورحنا للأماكن السياحية
         
         
         

         

         

         

         

         

         

         
         
         
         
         طبعا الأماكن السياحية المذكورة أعلاه انا مجربها وزايرها من قبل بسفرتي السابقة ، وشرحتهم كلهم بالتفصيل وحطيت صورهم واسعارهم وأماكنهم بالجزيرة بالتقارير السابقة
         
         لذلك بهذا التقرير مابي أعيد وأكرر نفس الشرح ، مجرد بحط لكم بعض الصور لبعض الأماكن السياحية وشوية تعليقات عليها
         
         والي يحب يعرف معلومات أكثر عن هذي الأماكن السياحية يقدر يدش على موقع جزيرة سنتوزا وفيه شرح وافي وكامل الدسم لكل الأماكن الترفيهية والسياحية الموجودة بالجزيرة
         
         
         
         
         

         

         
         
         
         
         
         The Merlion
         تمثال الأسد
         
         
         
         
         
         
         أول مكان زرناه كان تمثال الأسد
         لأنه قريب من فندقنا
         
         
         
         
         
         
         
         
         
         
         
         
         
         
         هذا التمثال من الداخل
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         وهني كوين اوف لوك
         
         
         
         
         
         
         
         
         وهذي صورة الجزيرة من حلج الأسد
         
         
         
         
         
         
         
         
         
         
         
         
         
         
         
         
         مانبين بدون فلاش !
         
         
         
         
         
         
         
         
         فتحوا الفلالالالالالاش
         
         
         
         
         
         
         
         
         هذي وحده صينية مادري شنو جنسيتها ، المهم انها ما تعرف انجليزي نهائيا هي والي معاها ايضا
         ومادري ليش إلا تبي تصور معانا !!
         
         
         

         

         
         
         
         صورت بكامرتنا وبعدين صورتنا بالآي باد مالها وبعدين نادت القروب الي معاها وصورونا بكامرتهم !!
         
         

         

         
         
         
         
         
         
         
         
         
         
         
         
         
         
         
         وآخر شي ننزل تحت ونستلم هدايانا من محل التذكارات والهدايا الخاص بالمير لايون
         
         
         
         
         
         
         
         
         Butterfly Park & Insect Kingdom
         حديقة الفراشات ومملكة الحشرات
         
         
         .
         
         
         
         
         بعد ما خلصنا من تمثال الأسد صعدنا فوق بأعلى التل
         وهناك في عدة أماكن سياحية قريبة من بعضه البعض
         دخلنا إلى حديقة الفراشات ومملكة الحشرات
         
         

         

         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         Extreme Log Ride 4D
         
         
         
         
         ودخلنا أيضا للسينما رباعية الابعاد
         أول وحده هذي
         الشجرة وشلون يقطعونها وتصبح قطعة خشبة كبيرة وتتنقل بين السكك الحديدة مرورا بالتماسيح و و و
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         عرض عجيب وحلو ما يتطوف وما ينمل منه حتى لو كنتوا داخلينه من قبل
         
         
         
         
         Desperado 4D
         
         
         
         
         
         
         
         هذا أكثر العروض الي استانسوا عليه اليهال
         حسافه ما عندي له صورة من الداخل
         هذي صورة قديمة من السفرة الي فاتت
         
         
         

         1. 

            
            

            1. 

               
               

               1. 

                  
                  

                  1. 

                     
                     
                     
                     
                     
                     ​

         
         The Misterios Island 4D
         
         
         

         

         
         
         
         
         وأخيرا هذا العرض الجديد
         توهم حاطين هذا العرض ، وهو نفس الفلم عن الجزيرة الغامضة لكن مسوينه ثلاثي الابعاد
         وتكونون على كراسي متحركة وترش عليكم ماي وفيها مراوح تطلع هواء و و و .... كاامل المؤثرات يعني فيصبح الفلم رباعي الابعاد
         حسافه ما عندي صور لهذا العرض
         ولا عندي صور من السفرة الي طافت لأنه عرض جديد
         بحط لكم صوره من الانترنت
         
         
         

         

         
         
         
         
         والله حلوين العروض ويستاهلون التجربة من صج
         يكفي انهم مسلين ومضحكين
         والحلو انهم بجانب بعضهم البعض
         يعني نخلص من واحد نروح للثاني وبعدين الثالث وراهم
         والعروض ما تستغرق وقت طويل
         تقريبا ربع ساعة ويخلص العرض
         أنصح فيهم ثلاثتهم تجربونهم
         
         
         ​
         
         
      
      
      
      
      
      
      

 

[بسنت]

1. 1. 1. 
         
         Singapore Cable Car
         التلفريك
         
         
         
         
         
         
         
         مكان التلفريك هو بأعلى التلة الي كنا فيها
         وبشكل أوضح المكان أو المحطة اسمها امبياه لوك اوت
         Imbiah Lookout
         وايد أماكن سياحية بهذا المكان ، حديقة الفراشات والعروض رباعية الأبعاد والحين التلفريك وبرج النمر والعربات المتزحلقة وغيرها الكثير
         
         
         
         هذا هو المكان تقريبا الي اتكلم عنه
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         هذا مجمع فايفو سيتي وهو مجمع جديد
         ان شاء الله بتكلم عنه بعدين
         
         
         
         
         
         
         
         
         
         
         
         
         
         
         
         
         
         بهذا اليوم كان الجو مطر والهوا كان قوي حييييييل
         الكابينه مالت التلفريك كانت تتهزهز وتتحرك بفعل الرياح
         بس الحمد الله ما صار شي أكثر من الهزه
         
         
         
         
         
         
         
         
         
         
         
         
         
         بالسفرة السابقة لما ركبت التلفريك شفنا تحتنا عمال يشتغلون ويحفرون ويبنون شي جديد، توقعت انه مدينة العاب مائية
         وبالفعل
         بهذي السفرة لما صعدنا بالتلفريك شفت تحتنا وطلعت مدينة العاب مائية جديدة توهم مخلصين من بنيانها ومفتتحينها بهذي السنة
         
         
         
         
         
         
         
         طبعا اليهال هذا غرامهم شي اسمه ماي وحمامات سباحة وزحلاقيات ، عشان جذي وعدتهم ان باجر بوديهم للمدينة المائية
         خصوصا وان عندنا تذاكرها مجانا !!
         
         
         أخليكم الحين مع صور جزيرة سنتوزا من الأعلى بالتلفريك
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         The Tiger Tower
         برج النمر
         
         
         
         
         
         
         
         هذا البرج انا ماحبه وايد ، مادري ليش
         بس بما ان التذكرة عندنا وفيها دخول مجاني لهذا البرج فليش ما نروح له
         خصوصا وان مكانه ملاصق للتلفريك
         
         
         
         
         
         
         
         
         
         
         
         
         
         
         
         
         
         
         
         
         
         وهذي الصور مصورها من برج النمر
         
         
         
         
         
         
         
         فندق الشينغريلا الموجود على شاطئ جزيرة سنتوزا
         
         
         
         
         
         
         
         مشرفتنا ايناس سكنت بهذا الفندق وتمدحه وايد
         انا ما دخلته بس من بره شكله وايد حلو ومكانة على البحر مباشرة
         أحسه رومانسي بعيد عن الازعاج ولوية الجزيرة
         
         
         
         
         هذي مجموعة فنادق الريسورت وورلد
         خمس فنادق ملاصقة لبعضها البعض بالإضافة إلى الشاليهات
         يسمونهم الفلل هناك
         
         
         
         
         
         
         
         
         
         
         
         وهذي اليونيفيرسال ستوديوز
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         هذي الصورة توضح المسافة بين جزيرة سانتوزا وسنغافورة
         مسافة بسيطة جدا ويربط بينهم التلفريك
         
         
         
         
         
         
         
         
         
         ...... يتبع
         ​

         
         ​
         
         
         
         
         
         
         

 

[بسنت]

1. 1. 1. 
         
         
         Skiline Luge Sentosa
         التزحلق بالعربات
         
         
         
         
         
         
         
         
         هذا من أكثر الأماكن الي مشتاقين لها
         من أول مره جربنا هذي اللعبة واحنا كلنا حبيناها وودنا نركبها مليون مره
         
         

         

         

         

         

         
         
         بالسفرة الأولى كنت بروحي مع العيال ، وكان ياسين صغير ما يخلونه يركب مركبة بروحه فصار معاي بنفس المركبة
         
         بالسفرة الثانية كانت معاي ام سعود ويوسف توه مولود وما يصير يركب معانا فكنا نتبادل انا معاها الركوب ، أما ياسين فصار يقدر يركب بروحه بالمركبة
         
         بهذي السفرة الثالثة الحمد الله صار يوسف طولة مناسب وخلوه يركب معاي بنفس المركبة
         
         ما أقص عليكم بس والله حتى يوسف حب هذي اللعبة وكان مستانس واااااااااااااااااااايد عليها
         

         

         
         
         لازم لازم لازم تجربونها
         
         
         
         هذي الصورة قبل ما نركب
         
         
         
         
         

         

         
         
         
         
         
         
         
         
         
         
         
         
         
         
         
         على فكرة ، التذكرة مالت العرض DAY PLAY PASS مثل ما قتلكم تخليكم تدخلون ل 16 مكان سياحي ومنهم هذي العربات المتزحلقة
         لكن تعطيكم دخول مره وحده فقط لا غير !!
         يعني مره وحده تتزحلقون بالعربة ومره وحده تصعدون بالتلفريك مالها
         

         

         
         
         بس اليهال ما كان يكفيهم مره وحده يبون يلعبون أكثر
         فاظطريت اني اشتري تذاكر خاصة للعب هذي اللعبة
         سعرها كان 60$ لعدد 10 مرات نزولا وصعودا
         

         

         
         
         
         عشان ناخذ راحتنا باللعب
         نازلين وصاعدين
         
         
         
         
         
         
         
         
         
         
         
         
         
         
         
         
         
         
         الي متابعين تقاريري السابقة أو الي زايرين سانتوزا من قبل يعرفون ان النزول يكون بالعربة الي شفتوها
         والصعود يكون عبر التلفريك هذا
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         

         

         
         
         ​
         
         
         
         
         
         
         

 

[بسنت]

1. 1. 1. 
         
         
         

         
         Fort Siloso Combat Skirmish
         
         
         هذا المكان للأسف كان مغلق عليه تصليحات
         بس كان في بالصالة الداخلية لعبة الرمي بالمسدسات
         اسمها
         Indoor Maza
         هذي كانت مفتوحه ، دخلنا ولعبنا فيها كلنا ماعدا يوسف لأنه صغير فخليته مع امه
         بس ما عندي لها صور لأن كان ممنوع أدخل الكاميرات معاي داخل
         
         بحطلكم صور من الانترنت
         
         
         
         

         

         
         
         
         
         

         

         
         
         
         
         
         

         

         
         
         
         

         

         
         
         
         
         
         
         
         

         

         
         
         
         

         

         
         
         
         
         

         

         
         
         
         
         

         

         
         
         
         
         

         

         
         
         
         

         

         
         
         
         

         

         
         
         
         
         أنصح كل عايله عندها أولاد انهم يجربون هذي اللعبة
         عجييييييييييبة لأبعد الحدود
         كأنهم يلعبون بلاي ستيشن من صج مو بالتلفزيون
         لازم تجربونها
         
         
         
         

         
         
         Segway Fun Ride
         ماعرف اسمه بالعربي
         

         

         
         
         
         بعد ما خلصنا كل الألأعاب الموجودة في أعلى التله ( منطقة امبياه ) نزلنا تحت ورحنا نتغدى
         لأن الجوع لعب فينا لعب
         
         
         
         
         
         
         
         
         
         
         
         
         
         
         
         
         
         
         
         وبعد الغدا أخذنا قيلوله بسيطة بالفندق وبعدين رجعنا نكمل مشوار الألعاب
         رحنا منطقة الشاطئ ( Beaches Station ) وقمنا ندخل الأماكن السياحية الموجودة هناك
         هذا القطار الي رحنا فيه لمنطقة الشاطئ وهي آخر محطة تكون بالقطار
         
         
         
         
         
         
         
         
         
         
         
         
         
         
         أول مكان هذا الي مايتسماش ، ماعرف اسمه بس شي حلو حلو حلو
         
         
         
         
         
         
         
         
         
         
         
         
         طبعا أهم شي عندهم السيفتي
         لذلك أول شي يلبسونه الخوذه والحماية للركبة والساق
         
         
         
         
         
         
         
         
         
         
         وبعدين يدربون اليهال على التوازن
         
         
         
         
         
         
         
         
         
         
         
         
         
         
         
         
         
         
         
         
         الي قهرني انهم منعوني من التصوير !!
         
         
         

         

         
         
         
         ليش ؟
         
         
         لأن عندهم مصويرن خاصين يصورونك وانت راكب وتلعب وطبعا يبيعون عليك الصور
         
         
         انا بكل لعبة أخليهم يصورنا ونشتري منهم الصور عادي ما عندي مشكلة بس بهذي اللعبة بالذات لأنهم منعوني من التصوير قلت مابي أشتري منهم
         

         

         
         طلعت بره المكان ومن بعييد سويت زوووم وقمت أصور العيال وهم يلعبون
         
         
         

         

         
         
         
         
         
         
         
         
         
         
         
         
         
         
         
         
         
         سلمان وياسين لازم يكون فيه شخص يمهم لأنهم ما يعرفون يتوازنون عدل
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         قال ايه ممنوع التصوير لازم تشترون صورنا​

         
         

         

         ​
         
         
         
         

 

[بسنت]

1. 1. 1. 
         
         
         MegaBounce
         
         
         
         
         
         
         
         هذا اللعبة بعد عند الشاطئ
         طبعا للأطفال فقط لا غير مايصير الكبار يلعبون فيها
         
         
         
         
         
         
         
         ياسينوه إلا يبي يقلب نفسة
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         هذا فندق الشنغيريلا
         
         
         
         
         
         
         
         
         بس كاتبين عليه راسا سنتوزا ريسورت
         مادري ليش !!
         
         
         
         
         
         
         
         
         Bi-Pedal Bicycle
         الدراجات الهوائية
         
         
         المهم بعد ما خلصوا العيال من المناقز بالحبل رحنا لمكان القواري
         ( الدراجات الهوائية )
         وكل وحد أخذله قاري مناسب لحجمة
         لمدة ساعة كاملة تقدرون تلعبون بالقواري
         وإذا تبون وقت زياده تدفعون فلوس لأن التذكرة مالت العرض تعطيكم ساعة وحده فقط ، وهي كافية وزياده بعد
         
         
         
         
         
         
         
         
         
         
         
         
         
         
         
         
         
         
         
         
         بعد القواري صار المغرب تقريبا
         وقريبا راح يخلص الوقت المحدد لنا لاستخدام البطاقة
         Day play pass
         هذي الألعاب الي شفتوها كلها بيوم واحد وكانت من بطاقة وحده
         وفرت علينا الكثير
         ولعبنا فيها الكثير
         لذلك أنصح جميع المسافرين إلى جزيرة سانتوزا بشراء أحد بطاقات سانتوزا
         والاستفادة من عروضها وخصوماتها
         
         
         
         
         
         ​
         
         
         

 

[بسنت]

1. 1. 1. 
         
         
         
         

         
         
         i FLY Singapore
         INDOOR SKYDIVE
         
         
         
         
         بالسفرة السابقة شفت هذا المكان قبل آخر يوم من سفرنا وكنت بروح أجرب الطيران بس قالولي لازم تحجز موعد
         

         

         
         ولما سويت التقرير السابق قلت حق مشرفنا ابن فطوطه يروح هذا المكان ويجرب الطيران بس مادري عنه شكله ما راح !!
         

         

         
         
         عموما ، انا جربت الطيران هذا بأمريكا انا وسعود ولدي
         وكانت تجربة عجييييييبة
         

         

         
         
         سلمان وياسين ما جربوا الطيران ومن كنا بأمريكا وهو يحنون علي يبون يجربون
         الحين لقيت المبنى وأقدر أفتك من حنتهم وأخليهم يجربون ويلعبون ويطيرون ويستانسون أحلى وناسة
         
         
         

         

         

         

         
         
         طبعا رحت قبلها بيوم عشان أحجز ، فقالولي ان الاسعار مو ثابته !!
         مثلا أيام الاسبوع سعرها أقل من الويك اند
         ويوم الأربعار يكون السعر أرخص شي وهو 70$ للشخص
         وأيضا قالولي ان لو عندك تذاكر العروض
         ( DAY PLAY PASS )
         نسويلك خصم 20$ يعني يصير سعر الطيران للشخص الواحد 50$ فقط لا غير
         

         

         
         
         بس للأسف انا ما رحت لهم يوم الأربعاء لأن حزتها كان يوم الثلاثاء ، فكان السعر 80$ ومع الخصم صار 60$ للشخص الواحد
         

         

         
         
         انا أقولكم هذا الكلام عشان الي يحب يجرب الطيران من الأفضل انه يروح يوم الأربعاء وتكون عنده تذاكر العروض عشان يحصل خصم ويصير السعر رخيص
         مع العلم ان بأيام الويك اند مافي خصم ويكون السعر 120$ للشخص الواحد !!!
         

         

         
         
         طبعا مافي فرق بين صغير وكبير ، الكل نفس السعر
         المهم ، حجزت موعد للطيران بالليل بس قالولنا تعالوا قبل الموعد بساعة ونص !
         ليش ؟؟؟
         

         

         
         عشان التدريب
         فبعد ما خلصنا من الألعاب كلها وحللنا سعر التذاكر
         رحنا لمكان الآي فلاي عشان يتدربون اليهال ويجربون الطيران
         والحين ذكروا الله وتعالوا معاي أراويكم الطيران الحر في سنغافورة
         
         
         
         
         i FLY Singapore
         INDOOR SKYDIVE
         
         
         

         
         ​

         
         
         
         هذا المدرب الي درب اليهال وهو نفسه الي طار معاهم
         
         
         
         
         
         
         
         كل واحد يعلمه شلون يستلقي وشلون يكون وضعه بالطيران ، وكل الحركات المطلوبه منكم يقولها ويشرحها لكم
         
         
         
         
         
         
         
         
         
         
         
         والله أفضل من أمريكا
         بأمريكا لا تدريب ولاهم يحزنون البس وطير وخلاص
         هني شي مرتب ومنظم ، حتى المبنى مالهم من الداخل والخارج شكله وايد حلو
         وفيه كافتيريا بعد
         
         
         
         
         
         
         
         
         
         هذيله اليهال بعد ما تدربوا وعطوهم ملابس الطيران والخوذة والنظارة
         
         
         
         
         
         
         
         ياسين حبيبي شكله مفقوووووص بالخوذة والنظارة
         
         
         
         
         
         
         
         الاستعداد لدخول غرفة الطيران الحر
         
         
         
         
         
         هذا سعود
         
         
         
         
         
         
         
         
         
         
         
         
         
         
         
         
         وهذا سلماني
         
         
         
         
         
         
         
         
         
         
         
         
         
         وهذا ياسين
         
         
         
         
         
         
         
         
         
         
         
         
         
         
         
         
         
         
         
         
         
         
         حبايبي الله يحفظهم من كل شر يارب
         
         
         
         
         
         
         
         
         
         
         

         الطيران يكون على جولتين
         أول جولة تكون خفيفة يعلمونهم التوازن وفرد الجسم بطريقة صحيحة
         والجولة الثانية تكون سرعة الرياح أقوى ويطيرون إلى الأعلى ويسوون الحركات
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         ​

         بعد ما خلصوا عطوهم الشهادة
         ماشاء الله لا قوة إلا بالله
         
         
         
         
         
         
         
         
         مع اني صورتهم بكاميرا الفيديو وكاميرا الديجيتال ، لكني شريت منهم تسجيل لطيرانهم على دي في دي
         وكان سعره 30$
         التسجيل مالهم أفضل لأن الكاميرا تكون بالداخل وتشوفون الي يطيرون بشكل أفضل وأوضح من الخارج​

         ​
         
         
         

 

[بسنت]

1. 1. 1. 
         
         ADVENTURE COVE
         waterpark
         
         
         مدينة الألعاب المائية
         
         
         
         
         
         
         
         هذي المدينة جديدة توهم مفتتحينها بهذي السنة
         طبعا ما يحتاج أشرح مكوناتها لكم بالتفصيل ، بالعموم هي مدينة العاب مائية
         
         
         
         
         
         
         فيها العديد من أحواض السباحة بكافة المستويات والإرتفاعات
         وفيها العديد من الزحلاقيات الخاصة بالأحواض المائية
         شاطئ رملي وأمواج اصطناعية ، كافتيريات عديدة ومطاعم وأكشاك لبيع الأي كريم والمثلجات والعصائر الباردة
         بعد فيها شغلات وايد خلوني أحط لكم الصور وأقولكم عنها
         
         
         أسعار التذاكر
         للكبار 33$
         وللصغار 23$
         
         
         
         أوقات العمل
         
         من الساعة 10 الصبح لغاية 6 المغرب
         
         
         بس احنا دخولنا كان مجاني لأن معانا أربع تذاكر من الفندق مجانا
         أما ام سعود ما يت معانا ، بس بعدين بقولكم على سالفة غريبة مالقيت لها تفسير !!
         
         
         
         
         
         أما بخصوصمكان الحديقة فهي ملاصقه لفنادق الريسورت وورلد
         خلف فندق هارد روك تكون
         بس طريق الوصول لها فيه شوية مشي
         
         
         هذي بوابة الدخول
         
         
         
         
         
         
         
         
         
         
         
         
         
         هذ مكان للخزائن
         في خزائن كبيرة بقيمة 20$ والخزائن الصغيرة بقيمة 10$
         
         
         
         
         
         
         
         انا أخذت الكبيره وفعلا كانت كبيره
         يعني تكفي شنطة بالكامل !
         
         
         
         
         
         
         هذا الكهف الصناعي عبارة عن بوابة للعبور بين أقسام الحديقة
         وأيضا بالطابق العلوي فيه العاب للأطفال وكافيه ورشاشات ماء ..... بعد ما أذكر شغلات جذي حق اليهال
         
         
         
         
         
         
         هذا الكهف من الداخل وتلاحظون في ممر مائي بالأسفل الناس يسبحون فيه
         وهذا الممر يكون ممدود على كافة المدينة المائية
         
         
         
         
         
         
         
         
         يعني على أطرافها يكون هذا الممر المائي
         
         والناس تسبح فيه أو تقدر تاخذ طفاحيات وتنسدح عليهم وتسترخي أثناء دورانهم بالممر المائي
         
         
         
         
         
         
         
         
         
         
         
         
         خفافيش عشان تعيشون الجو
         كأنكم في كهف صجي يعني
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         المدينة عبارة عن عدة أقسام وبين هذي الاقسام في جسور للعبور أو سلالم للصعود والنزول أو الممرات المائية عشان تفصل بين أقسام المدينة
         
         
         
         
         
         
         
         
         
         
         
         
         هذا أحد أماكن النزول للممر المائي
         
         
         
         
         
         
         
         هذي الزحلاقية طوييييييييييييييلة
         سوينا سباق منو ينزل فيها أسرع
         
         
         
         
         
         
         هذا أحد الأقسام كأنه سفينة غرقانه بالبحر وفيها زحلاقيتين يلفون على بعض
         ورشاشات الماء موجودة بكل مكان وفيها مضخات ، يعني الماي يطشر بقووووووه عليكم
         
         
         
         
         
         
         
         
         
         
         
         
         
         
         
         
         
         
         
         
         
         هذي من أحلى الألعاب الموجودة بالحديقة
         بس حسافه يويو ما خلوه يركب معانا
         
         
         
         
         
         
         
         
         
         
         
         
         . . . . . يتبع

 

[بسنت]

1. 1. 1. 
         
         

         هذا حوض الأمواج الصناعية
         
         
         
         
         
         
         
         بالبداية يكون الحوض هادي ومافيه أمواج
         
         
         
         
         
         
         
         
         
         
         
         
         
         
         وبعدين تشتغل الأمواج وتصير عاصفة بالحوض
         
         
         
         
         
         
         
         
         
         
         
         
         
         
         
         
         
         
         تشوفون التلفريك فوقنا
         أمس كنا نشوف المدينة المائية من التلفريك واليوم الثاني رحنا دخلناها
         
         
         
         
         
         
         
         
         
         
         هذا أحد أحواض المدينة
         تقريبا للأطفال الصغار الي بعمر يويو أو أكبر شوي
         
         
         
         
         
         
         
         
         
         
         
         
         
         ممممممممممممم
         لا تعليق !!
         

         

         
         
         

         

         
         
         
         
         
         وهذا أحلى أحلى أحلى الأحواض بالمدينة
         ويمكن بالعالم كله !!
         
         
         

         

         
         
         
         
         
         
         
         تخيلوا حوض سباحة كبيييييييير وداخله أسماك الزينه تسبح معاكم !!!
         الأسماك عددها كبير جدا يعني بكل مكان نشوف قروبات منهم يسبحون بجانبنا
         
         
         
         
         
         
         
         طبعا الزجاج يعكس الي بخلفي فيظهر شكلي بالصورة والخلفية والكراسي
         بس شوفوا الي يسبح فوق شلون يطالع السمك
         
         
         
         
         
         
         
         
         
         
         وشوفوا عدد الأسماك الهااااااائل الموجود بالحوض
         
         
         
         
         
         
         
         
         
         
         
         
         
         
         
         
         
         
         

         

         
         
         
         
         
         هذي صورة وانا بالحوض
         حاولت أصور السمج بس مو طالعين واضحين
         لما كنت بره الحوض كانت الصور أوضح مثل الي مساع
         
         
         
         
         
         
         
         
         
         
         
         
         
         شوفوا هذي الصورة
         النص الي فوق يبين جسم الرجل العلوي فوق الماء
         والنص الي تحت يبين جسمه تحت الماء
         
         
         
         
         
         
         
         
         شي خيااااااااااااااااالي
         كل واحد يحط راسه بالماي عشان يشوف
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         ​

         نصيحة​

         
         إذا رحتوا للمدينة المائية لازم تجربون هذا الحوض
         ترى تعتبر تجربة فريدة من نوعها وما أظن انها موجودة بأي مدينة مائية غير هذي
         
         
         
         
         طبعا ما كنا مزهبين عدة الغوص فاضطريت اني أشتري هذي النظارات والانبوب للتنفس والزعانف من أحد المحلات الموجودة بالمدينة
         بس المحل أسعاره غالية
         
         

         

         
         
         فالأفضل لو تشترونهم من بره المدينة قبل ما تدخلونها
         
         

         

         
         
         
         هذا أحد المطاعم الموجودة بالحديقة
         
         
         
         
         
         
         
         
         سألتهم عن الأكل قالولي مو حلال بس طلع عندهم سمك وبطاط وهذا حلال ان شاء الله
         
         
         
         
         
         
         
         
         
         
         
         
         
         أول ما دخلت المطعم وشفت طريقة طلب الأكل تذكرت مطعم ايكيا الي عندنا بالأفنيوز
         نفس الطريقة جذي
         كل واحد ياخذ عربانه ويشيل الأكل معاه لغاية المحاسبة
         
         
         
         
         
         
         
         
         
         
         
         
         
         
         قبل ما انتهي من هذا الجزء بقولكم على شي صارلنا هناك
         مثل ما ذكرت انا كنت ماخذ اليهال اربعتهم الله يحفظهم من كل شر ياربوموديهم المدينة المائية
         وبعد مرور ساعتين تقريبا اتصلت على أم سعود عشان تيي عندنا تغير حفاظات يوسف تكرمون
         المهم لما وصلت عند بوابة الدخول قالولها ممنوع تدخلين بهذي الملابس !!!
         

         

         
         
         ملابسها كانت عادية يعني حجاب وأكمام طويلة
         بس الظاهر ممنوع الدخول إلا بالمايوه !!
         

         

         
         حاولت معاهم ماكو فايده جان تتصل علي ورحت أخذت يوسف ووديته لهم عشان يشوفونه ويتأكدون انه رضيع وبحاجه لتغيير الحفاظ وامه لازم تغير له
         وبالغصب خلوها تدخل بعد ما خذوا بطاقتها وقالولنا حدها نص ساعة وتطلع !!!
         شي غريب أول مره جذي
         

         

         
         
         
         عموما جذي أكون انتهيت من شرح هذا المكان
         خلكم معاي إن شاء الله في أماكن حلوه بالتقرير​

         
         
         
         ​