بسم الله الرحمن الرحيم
23 june
اوساكا
بعد الاستيقاظ واخذ حمام دافئ والافطار بحثنا في الانترنت عن افضل الاماكن المزاره في اوساكا وكان فيه منها معابد وقلاع ففضلنا نتجنبها فقرر صاحبي زيارة الاكويريم :108:
ما كانت عاجبتني الفكرة بس يالله ورا :11ight: ياشقرا
نزلنا في لوبي الفندق وتوجهنا لقسم المعلومات (نصيحه لو تعرف وين وكيف ومتى تروح لمكان معين اسئل قسم المعلومات في الفندق لانه بيفيدك ويقدم لك عروض خاصه) وسئلنا الموظف واعطانا خرايط للمكان وكيفية الوصول له عن طريق الباص كان افضل واعطانا كوبونات تخفيض للدخول كانت مفيدة جدا
واعطانا ورقه وكتب فيها بالياباني عنوان الفندق وقال لو ضيعتوا عطوها اي واحد ويدلكم على المكان ( ناس تهتم :110
وبسم الله خرجنا
صورة خلال مشينا لموقف الباص
صوره لي ويبين المبنى البني في النص فندقنا ولا لا يا QJQ صح :109:
بعد المضي قدما وانتظار الباص رقم 88 استقلينا الباص وهذي بعض الصور على الطريق لين الوصول
لاحظوا شعب يستخدم الدراجات بكثرة
تحصل الوحده معها طفلين واحد قدام وواحد ورا بالسيكل (حرفنه) :surf
ووصلنا وهذي بعض الصور من الخارج / المبنى والمنطقه المحيطه حلوه جدا للجلوس
لاحظتوا ؟
:bounce8::bounce8:
بعدكم ماشفتوا الي من داخل :105:
ناس نظيفة :110:
مالكم شغل بالي واقف خلكم بصورة المبنى :109:
المدخل
بعد الدخول كان فيه نفق من زجاج فيه اسماك شي متوقع لاكن شوفو من يسبح مع السمك :114:
هذا انميشن لشركة قبلي كان عرض قبل نزوله الرسمي في 03 July *هالتاريخ كنت في منطقة ريفية لي قصه مع شراء الانميشن هذا كلوه فوقته
الصور القادمة لاحواض ومخلوقات بحرية بعرض لكم بعضها
دلافين كانت تستعرض
بطاريييق
هذا الحوض العجيب تطل عليه من 5 طوابق فيه اسماك قرش اكبر من ال gmc سوبر بان شوفو واحد منهم كان بعيد
سمكة قرش في قاع الحوض
مدري وش اسمها المهم معروفه بس هنا الوان :109:
مدري وشو ذا مثل الاستكوزا ماعليكم منه شوفوا الاطفال في الجهه المقابله هذا جزء بسيط منهم :bounce8:
لاحظوا ال :bounce8: والحيوان الي فوقهم حاطين له مسارات تتابع طريقة واسلوب حياته
بطاريق في الهواء الطلق وكان فيه بطريق توه مولود يخلونك توكله :108:
حوظ كبير مكشوف تغسل وتعقم ايدك ويخلونك تمسك بعض الاسماك :108::108::108:
بعدها جا الخروج وتمر بمحلات هدايا وكان فيه مقاهي ومطاعم داخل الاكويريم ومرينا بمجمع كبير بعد الخروج وكان خاص للنساء والاطفال ماحصلنا غير محل واحد رجالي فقررنا الخروج وانتظار الباص
صور بعد الخروج
تتعب من نظافتهم ونظافة شوارعهم وطيب اخلاقهم واحترامهم :110:
هذي سياره كانها لعبة GT او FORZA لاصحاب ال xbox360 :109:
بعدها ركبنا الباص
حتى الباصات فيها شاشات من برا ومن جوا تبين الوجهات والمحطات الي بيوقف عندها :101:
بعد الوصول توجهنا الى الفندق واخذنا انفاسنا وخرجنا لمحطة اوساكا للبحث عن مطاعم للغداء
صوره لمدخل المحطة لم يكن هناك ازدحام :11ight:
بعد المشي والبحث حصلنا مطعم تقليدي جميل ومريج وهادئ جدا
بعد الشرح للمضيفه الاولى والمظيفه الثانيه والطباخ توصلنا انهم :108: تكلمهم بالياباني يفكرونك تتكلم بلغتك فيقولون مافهمنا :112:
تعال شف وجييهم لما يستوعبون اننا كنا نتكلم لغتهم وهم مافهمو شي :108:
صوره للجلسه وكان المطعم في الطابق الثامن
تلاحظون الشاشة
تطلب عن طريق الشاشه بس احنا مافهمنا لان الكلام كان كله بالياباني
قمت العب فيها واكتشفت اني طلبت عصير برتقال :109:
جابت لنا العصير قلت لا بالغلط قالت اوكي خذوه هديه من المطعم :110: ياناس من وين لهم هالطيبه :110:
بعدها حاسبنا واخذنا جزمنا وانتم بكرامه وودعونا لين ركبنا اللفت
هذا كله كان بمزاج خويي
زيارة الاكويريم والغدا فمطعم تقليدي وجا اليل
:114::114::114:
انا لسا مانبسطت (طماع :109: )
بحثت عن اقرب سينما
ودخلنا فلم Transformer 2
القاعه كانت كبيرة جدا
الغريبه كان الفلم فيه مدبلج ياباني وفيه مترجم ياباني فقط والكلام انقليزي
احنا اكيد دخلنا الانقليزي المترجم ياباني بس تفاجئت فيه كثير يابانيين دخلوا :114:
من اليومين الي جلستها ماحسيت عندهم لغه انقليزيه تساعد :114:
بدا الفلم كان فيه نكت وكلام يضحك انا وصاحبي :109: ضحك بصوت عالي
بس ياولد محد يضحك غيرنا :114:
قلت يمكن انهم مؤدبين بزياده ومايحبون تطلع اصواتهم :108:
حاولت اكتم صوتي فجئاه جت لقطه مضحكه وكلهم ضحكوا
فهمت بعدها انهم في وادي ثاني :109:
وكان الفلم يستاهل بس خلص متاخر وراح الباص الاخير من المحطه فبقى خيارين 1- المشي 2- تكسي
اخترنا المشي :108:
بعد ساعه مشي سئلنا اثنين عساكر طيبييين عن اتجاه الفندق اكتشفنا اننا نمشي العكس :109:
بس المشي كان ممتع نمشي بجانب النهر وبراد يشرح الصدر ( لاتصرف :108: )
بعد ماقربنا نوصل بدت تمطر ومع الوقت زاد قوة المطر ومثل مارجعت اليوم الاول غرقان رجعت الثاني غرقان :109:
نصيحه لاتكابرون مثلي وتقولون ماله داعي مظله المظلات تنباع بكل مكان اشتر وحده ضغيره وخلها بالشنطه
من خلال تقريري بتلاحظون عنادي متى خلاني اشتري المظله :112:
وبكذا ينتهي ثاني ايامنا في اوساكا
24 june الذهاب الى محطتنا الثانية طوكيو :bounce8:
تحياتي لكم
112: الانترنت كل يوم ب 1680 ين ) اخذنا الشتل الى محطة اوساكا