تقرير مصور عن مدينه باندونغ

[تقى احمد]

السلام عليكم ورحمة الله وبركاته

أسعد الله أوقاتكم بكل خير أخواني وأخواتي

أقدم لكم تقرير رحلتي البسيط لبلاد الإندومي ( بالي – باندونغ – بونشاك – جاكرتا )

في البداية حابه أعتذر عن التأخير في كتابة التقرير بسبب انشغالي بلإختبارات

بعد الرجوع للوطن
والحمدلله دحين فضيت وقولت فرصتي انزل لكم تقرير رحلتي الجميله

تاني شي حابه اشكر منتدانا الجميل الي استفدت منو كتير بعد الله عزوجل وحابه اشكر بالخصوص مشرفنا الغالي طارق و اخوي العزيز haksa77 الي صراحة ما قصرو معايا في شي واتحملوا اسألتي الكتييره وجزاهم الله خير الجزاء

.

وبسم الله نبدأ ........

اللهم لك الحمد كما ينبغيي لجلال وجهك وعظيم سلطانك أن تيسرت رحلتنا لبلاد الإندومي
طبعاً في البداية قبل التخطيط وكل شي كنا محتارين ما بين اندنوسيا والفلبين والحمدلله وقع الإختيار على اندنوسيا
والي شجعني اكتر قريبتي زارتها السنه الي فاتت وشوفت الصور عجبتني مرره واكتتترر شي عجبتني بالي وحبينا نزورها والله يكتبلي العمر إني ازورها مره تانيه ياآرب

طولت عليكم في الكلام ..

بعد ما خططنا انو السفره تكون على اندنوسيا حجزنا قبلها بـ3 شهور على طيران الإتحاد والحمدلله اتيسيرت الأمور
جدولنا كان :-
جاكرتا يوم للراحه
بالي 5 أيام
باندونغ يومين
بونشاك 5 أيام
جاكرتا يومن والإستعداد للعودة
ورحلتنا كانت صباح الإثنين بتاريخ 6 ابريل 2015 من المدينة المنورة على أبو ظبي
ومن أبو ظبي على جاكرتا

و ليا رجعه مع الصور

​

 

[تقى احمد]

طبعاً في البداية زيما قولتلكم رحلتنا كانت صباح يوم الإثنين
روحنا المطار وشحنا الشنط وقطعنا البوردنق ولله الحمد

ونودع المدينة

و طلع علينا الصباح

وقولنا نتفرج فليم عبال يجينا الفطور

وأخيرا جابولنا الفطور

هنا قربنا نوصل مطار أبو ظبي

والحمدلله وصلنا المطار بالسلامة

بعد كدا اتمشينا في المطار شويه وصلينا في المصلى إلين يجي موعد رحلة جاكرتا والحمدلله الترانزيت ما كان طويل

وبعدين أعلنوا عن موعد رحلتنا وهنا رايحين ع الطياره

الحمدلله في الذهاب كانت الطياره نوعا ما فاضيه وأخدنا راحتنا في التسدح والتبطح عبال يمشي الوقت

والحمدلله وصلنا بالسلامة لمطار جاكرتا طبعاً كان في الليل فما صورت كتير

اعذروني أخواني لأني احس ما صورت كل شي بالتفصيل بس يلا كل دقه بتعليمه
وأعتذر عن رداءة الصور بسبب انو التصوير كلو كان بالجوال

بعد ما وصلنا بالسلامة روحنا للفندق وقولنا نرتاح قبل ما نمشي على بالي
مدخل الفندق

المعذره ما صورت كتير لأني كنت حايسه شويتين
.
.
.
تابع ​

 

[تقى احمد]

لوبي الفندق

على فكرة اسم الفندق FM7 والشكر لأخوي طارق الي اشار علينا نسكن فيه لقربه من المطار وكان خيار ممتاز
بعد ما وصلنا الفندق وسوينا تشيك إن قولنا نرتاح وننام بعد تعب السفر الطويل

ونسيت اصورلكم الغرفه

وفي الصباح صحينا وفطرنا الحمدلله وقولنا نتوكل على الله للمطار

الباركينق تبع الفندق

وصلنا مطار جاكرتا وقطعنا البوردنق حق بالي

وعلى بالي وديني

ووصلنا بالي الحب بالسلامه

.
.
تــــابـــع
​

 

[تقى احمد]

ونكمل تقريرنا

بعد ما وصلنا بالي بالسلامه استقبلنا السواق في المطار
وطلبنا منو يودينا على الفيلا الي حجزناها في منطقة سيميناك
و أول ما وصلنا الفيلا استقبلونا بعصير ينعنش القلب

المدخل للفلل

صور الفيلا

وبما إنو صادف ذكرى زواجنا عملولنا كيكة بدي المناسبه

وكان الجو خورااافي يومها

بعد ما وصلنا الفيلا قولنا نرتاح شويه من تعب ودوخة السفر

وللمعلومية اسم المجمع SAMAJA VILLA الخدمة فيها ممتازه وطاقم العمل جداً بشوش
كانو عاملين خصم وقت ما حجزت فأخدنا باقة شهر عسل وكانت فيلو مميزات حلوه من ضمنها الكيكه ومساج لمدة نص ساعه بس كنسلناه
بعد كدا كلمنا السواق على أساس يجي يودينا على مطعم نتغدى ونتعشى فيه مره وحده
ووقع الإختيار على شاطئ جيمباران

نزلنا السواق عند مطاعم جمب بعض بس ماني فاكره ايش اسم المطعم الي نزلنا فيه

بس أهم شي إنو لقينا احد يهرج عربي

ودا مدخل المطعم

غدانا

صراحة ألذ وأطعم جمبري مشوي وسمك مشوي دوقتو في بالي

منظر الغروب من شاطئ جيمباران

بعد ما اتغدينا الحمدلله جلسنا في الشاطئ شويه بعدين دقينا ع السواق يجينا وروحنا لسوبر ماركت عشان نشتري شوية أغراض
ومرينا على محل عصيرات وآخدنا عصير حبحب

ادمنا على عصير الحبحب هناك

بعد ما خلصنا رجعنا الفيلا وقلنا لازم نتسبح شويه قبل ما ننام

تاني يوم اصبحنا ودقو علينا الرسبشن على اساس يجهزولنا الفطور

يا حلات ابتسامتهم وطيبتهم

بعد الفطور كان تخطيطنا نروح للرافتينق بعد كدا مزارع القهوه

صور لطريق الذهاب للرافتينق

بعد ما وصلنا قطعنا التكيكت وكان السعر 2 مليون روبية صراحة أنا انصدمت من السعر

وحاولت آكاسر معاهم بس قالولي السعر ثابت الشخص تقريبا ب 66 دولار
وقولت يلا أهم شي نجرب و ننبسط وصراحة ما ندمت على التجربة كانت أحلى تجربه عشناها

بس لأني ما قريت كتير عن الرافتينق لمن روحنا هناك اتورطنا بإننا ما أخدنا ملابس للتبديل
و ما جا على بالي انو راح نتبلبل بالكامل

بس يلا كل دقه بتعليمه

وما قدرت أصور كتير لأنو آخدو الجوالات مننا وحطوها في شنطة تمنع المويه
المهم اترككم مع الصور

كانت مدة الرحله تقريبا ساعتين وشويه المرشد قالنا انو المسافة 14 كيلو
قطعنا أول 7 كيلو بعد كدا وقفنا وأخدنا استراحة بعدين كملنا الـ7 كيلو الباقيه

وكانت مناظر جداً جميلة وخلابة بس الواحد يقول "ربنا ما خلقت هذا باطلاً سبحانك فقنا عذاب النار "
بعد ما خلصنا من الرافتينق طلعنا درج طوييل ومتعب إلين وصلنا المطعم وأتغدينا

ومن الجوع نسيت اصور الأكل

وأخدنا صور تذكاريه لنا من نفس المكان

.
.
تــابــع






​