رحلة مصورة الى بينانق

[براءة الورد]

السلام عليكم ورحمه الله وبركاته

اول موضوع و اول مشاركه في منتدى للسياحه والسفر واقدم الشكر لجميع الاعضاء لاني كنت ببحث في كثير من المنتديات قبل السفر
وهنا لقيت جميع اجابات اسئلتي فقررت اشارك تجربتي في هذا المنتدى .

طبعا مشاركتي ممكن تكون بسيطه جدا بس اتتمنى يكون فيها فائده .

بس حابه ابلغ الجميع انو ممكن اكون زي ام الاميليزي الصغير واكتب تفاصيل صغيره خارجه عن الموضوع

اليوم كان اول يوم ليا بعد العوده والله الحمد الى جده طبعا صحيت من النوم وانا مو مستوعبه انو انا في سريري وكنت قاعده اسمع صوت موسيقى
وانا نايمه فاتخيلت نفسي لسى في الطياره الماليزيه لان من عيوبهم بالنسبه لي بيشغلوا موسيقى اتوقع انها موسيقى جاز سوا في الطيران الدولي او الداخلي
وحتى وقت الاقلاع موسيقاهم مستمره ونحن قاعدين نسمي بالله في هذا الوقت ونقرا دعاء السفر

وطبعا من عيوبهم الثانيه مواعيد الخطوط الماليزيه دايما فيها تأخير في وقت دخول الطائره وهذا الشي بيأخر الاقلاع
وهذا صادفني في جميع رحلاتي معاهم وبعدين بفصلكم كل شي

وعيبهم الاكبر اجلوا رحلتي وقدموها اكثر من ثلاثه مرات

وسألت السواق الخلوق الاخ عبدالرحمن وقال ممكن يكون السبب انو الاداره اتغيرت وصارت اجنبيه .

طبعا بعدها اكتشفت انو جوالي كان جنبي وشغل موسيقى وقرررت اصحى ولقيت الكل نايم بديت افتح الشنط واشوف الهدايا وابدا اوزعها
لكل عيله بعد ما خلصت لقيت باقي وقت قررت اسجل في المنتدى وابدا اكتب الموضوع مع اني كنت حابه اخلي كاتبه الموضوع بعد فتره بس اتوقع الاستفاده بتكون اكبر الان

​

 

[براءة الورد]

قبل لا ابدا تفاصيل كل يوم حابه اسوي ملخص للبرامج او المواقع اللي استخدمتها واستفدت منها في السفر

في المواصلات والتنقلات في كوالالمبور وبينانق

من مطار كوالالمبور الى السكن والعكس كان مع الاخ عبدالرحمن وتم اخذ الرقم من موضوع ام الاميليزي الصغير وشكرا لها لانها سهلت الموضوع خصوصا انو نحن كنا خمسه اشخاص والتكاسي من المطار ما كان حل عملي طبعا تم الاتفاق معه قبلها بشهر تقريبا على حجم السياره والسعر ب ١٢٠ ومن ميزاته انه يحب يعطي تفاصيل الاماكن اللي نمر فيها وينفع مرشد سياحي وطبعا مع الكلام عرفت انه دارس اعلام وانه اشتغل كاتب في جريده بس مع الازمه في التسعينات قرر يشتغل لحسابه وهذا رقمه

0060133268353

التنقل من كوالالمبور الى بينانق
اربعه اشخاص بالطيران الماليزي ذهاب وعوده ب ٧٢٥ رينجت = ٦٨١ ريال وتم الحجز عن طريق موقع الخطوط الماليزيه اون لاين ببطاقه الفيزا وكان في وقتها عروض لاني حاولت في نفس الوقت اسوي نفس الحجز عن طريق موقع الطيار وكان فيه فرق كبير في السعر تقريبا ١٠٠٠ ريال
الوالد ما كنا متاكدين اذا بيقدر يسافر او لا فبعد ما وصلنا حجزله الاخ عبدالرحمن كان سعر الذهاب والعوده ب ٧٧
كان المحطه القريبه علينا في كوالالمبور TBS
واقرب محطه لمطار بينانق
Sungai Nibong Express Bus Terminal

وقبلها حاولت انفذ الحجز عن طريق برنامج easybook بس كان في مشكله مع بطاقتي وما ضبط الحجز


بس بعد ماحجزت تذاكر الطيران اتمنيت لو حجزت باص لانه اسرع من روحه المطار و مشوار المطار والانتظار في المطار والسبب الثاني جمال الطريق من كوالالمبور الى بينانق

هذه الصورة تم تصغيرها . الحجم الافتراضي لها هو 1280x720.

من مطار بينانق الى محطه الباصات الى السكن كان باوبر والتكلفه ب ٦٥

في الرجعه كان موعد الرحله 10:40 الصباح واليوم اللي قبله كلمني عبدالرحمن اذا حابين نرجع معاه لانه جاي مع عيله لبينانق وانه بس بياخذ مبلغ المطار بس انا رفضت وطلبت منه ياخذ شنط السفر وهذا الشي ساعدني وقت الذهاب للمطار لان قبلها حاولت اتواصل مع سواق وكان طلبه ١٢٠ رينجت بحجه ان ما حلاقي اوبر في الصباح وهذا صحيح يوم السفر صحينا بدري استخدمنا باص رقم ١٠١ او ١٠٢ مو متأكده لمبنى كومتار تذاكر لخمسه اشخاص ب ١٣.٥ رينجت
ومن هناك طلبت اوبر وكان وقت ذروه ولمحطه الباصات ومن هناك للمطار ب ٣٦ رينجت

جربت برنامج جراب والحلو فيه انو لو استخدمت (Grabcar(Economy بيحددلك سعر محدد وتدفعه بس سوا كان فيه زحمه او حادث او اخذ السواق لفه طويله استخدمته لما رحت لسن وي لاقون

هذه الصورة تم تصغيرها . الحجم الافتراضي لها هو 1080x1920.

طبعا انا وقت ما ابغى اختار بين جراب او اوبر كنت بفتح قوقل ماب وبحط الموقع اللي ابغاه وبختار خيار المواصلات ويطلعلي جراب واوبر ومقارنه في الاسعار واختار الافضل

هذه الصورة تم تصغيرها . الحجم الافتراضي لها هو 1080x1920.

رحت جنتنق من محطه pudu وكان اختياري لها لان اتوقع تكون فاضيه عكس محطه كي ال سي سي واخذنا باصات go genting وتلفريك ذهاب وعوده لخمسه اشخاص ب ١١٠

افموسا مع عبدالرحمن ب ٣٥٠ ولما كلمت شخص ثاني كان نفس السعر


طبعا جربت الباصات المجانيه في كوالالمبور

هذه الصورة تم تصغيرها . الحجم الافتراضي لها هو 960x678.

هذي خريطه الباصات المجانيه واماكن التوقف طبعا ركزوا على السهم وطريقه مشيه عشان بتفرق اي محطه تناسبكم وقت الذهاب او العوده
طبعا هيا اربعه خطوط الازرق والاخضر والموف هذي كلها بتوقف عند بافيليون
الخط الاحمر هذا عشان يستخدمه لازم استخدم الباص الازرق وتنزل في محطه توقف وتبدل مع الاحمر

طبعا كل باص له محطه اساسيه يبدا منها و يوقف فيها مثلا الباص الاخضر محطه الرئيسيه klcc بتلاحظوا في الخريطه ان على المحطه دائره صفرا

طبعا فكره المحطه الاساسيه ان الباص بيوقف فيها وينتظر ١٥ دقيقه الين الباص يتملى طبعا الركاب اللي كانوا في ذا الباص يخرجوا ويطلعوا للباص اللي من اول قاعد ينتظر يتملى وتلاقيه سريع يمشي هذا غالبا لو كان الباص فاضي واوقات معينه يكون عندهم بريك


ملاحظه الجمعه والسبت الباصات تتوقف الساعه ١ الصباح وباقي الايام اخر باص يكون الساعه ١١ المسا
طبعا في الموقع حقهم حاطين ان الباصات كلها توقف الساعه ١١ بس في اماكن محطه التوقف حاطين الساعه ١ الصباح
​

 

[براءة الورد]

اول مره استخدمت الباص سألت عن اقرب محطه لباص go kl ورحتلها وقعدت انتظر الباص وكل ما جا الباص أسأل اذا هذا الباص الموف ويقولوا لا طبعا المحطه طلعت للباص الاخضر وطلع كل باصات قو كي ال لونها موف بس فيها شاشه من فوق يطلع اش لون الباص زي كذا

هذه الصورة تم تصغيرها . الحجم الافتراضي لها هو 2336x4160.

وعند كل محطه يبين لك اش الباصات اللي تجي لدي المحطه زي كذا

هذه الصورة تم تصغيرها . الحجم الافتراضي لها هو 4160x2336.

طبعا كمان في المحطه تعتبر اساسيه اللي في شارع العرب واسمها بوكيت بنتانق جنب مطعم اتوقع اسمه مندي حضرموت هذي بتوقف عندها الباصات الخضرا والموف والزرقا وفيها شاشه تبين كم باقي لكل باص عشان يوصل



المونوريل استخدمته من برجايا تايمز سكوير لمحطه بوكيت بنتانق للتجربه صراحه وكان جدا رخيص كان سعره لاربعه اشخاص ٥.٢٠ رينجت

القطار استخدمته للاي سيتي بس ما اقدر افيدكم لاي محطه رحت لان كنت مع صحبتي طالبه سابقه في ماليزيا وهيا سوت كل شي

واستخدمت قطار لبوتراجايا من محطه كي ال سي سي الشخص ب ١٤ رينجت

التكاسي ما استخدمتها الا مره او مرتين وكان واحد فيهم اسلوبه استغلالي وقت ماجيت ادفع الحساب الين طلعت الفلوس خلال العداد شغال وخلاني ادفع المبلغ الجديد

طبعا هذي اغلب المواصلات اللي استخدمتها

طبعا من مطار كوالالمبور لما جربت السعر التقريبي في اوبر كان مبلغ كبير بحكم بعد المطار وبحتاج اطلب اوبر xl فكان الحل العملي التواصل مع سواق وعكس بينانق جزيره صغيره المطار ما يعتبر جدا بعيد






​

 

[براءة الورد]

المواقع اللي استفدت منها

هذا الموقع الحلو فيه ان جميع المطاعم واماكنها واسعارها وقائمه الاكل
ويمديك تسوي بحث بانك تحط المول او المنطقه اللي تبغاها ويطلعلك جميع المطاعم اللي فيها

هذا البنك سعر الصرف فيه حلو وكنت بسحب منه ٣٠٠٠ في كل مره
وكنت قبل لا اسحب اتاكد من الابلكيشن حقهم كم وصل سعر الصرف
اعلى سعر لما كنت في ماليزيا كان ١.١٨ وطبعا لما سحبت كان ١.٠٩
بس كان افضل من اسعار الصرف في المحلات اللي في البلد
وجربت حولت ٣٠٠ ريال سعودي من محلات الصرافه في شارع العرب
ولقيت محل صرافه جنب مطعم زعفران وكان المبلغ ٣٣٠ رينجت

الموقع حجزت منه الشقق طبعا كان اختياري للشقق بناء على الصور والمبلغ
ونظافه المكان كان اهم شي بالنسبه لي لان زي مو شايفين في العنوان رحله اقتصاديه
وكلفتني الفنادق ل ١٤ يوم ٢١٠٠ ريال سعودي تقريبا

للاسف كنت متفقه مع شركه فنادق وهما نصابين ودفعتلهم مبلغ ٧٠٠٠ سعودي
وكان مجرد نصب وقعدت اجري وراهم اربعه شهور على اساس انو يعطوني حجوزات
ما اعطوني اشتكيت لهيئه السياحه ما قدرت هيئه السياحه توصل لحل
واخر شي حولوني للمحكمه موعد المحكمه بعد السفر

عشان كذا كان اهتمامي في المكان النظافه قبل الرفاهيه

ومن ميزاته يمديك تتواصل مع مالك الشقه مباشره لان نحن كنا ٥ بس نحتاج غرفتين وصاله

هذه الصورة تم تصغيرها . الحجم الافتراضي لها هو 1680x1050.

تريب ادفايزر تقريبا قعدت اشوف صور الاماكن واختار منه فين اروح
بس للامانه اماكن كثير كنت حاطه في بالي اروحها بس ماقدرت اروحها
احيانا بس الجو واحيانا ان الوقت ما يكفي
وفي نفس فتره سفري صحبتي كانت مسافره ماليزيا بس قبلي باسبوع
قالتلي خليك مرنه في موضوع الزيارات و
هذا اللي صار جميع الخطط اللي كنت حاطتها غيرتها وانا هناك

قوقل ماب حطيت فيه على كل الاماكن اللي ابغاها اروحها علامه حفظ
بحيث انه تساعدني لما استخدم المواصلات
وفادني كمان في معرفه الايام اللي بيكون المكان مقفل وساعات العمل

ملاحظه احيانا قوقل ماب يكون فيها اخطا وهي نادره جدا

وسن وي لاقون عندهم عرض مميز
اللي هو كل ثلاثاء من بدايه كل شهر يكون الدخول ب ٥٠ لشخص
ويشمل غير المالييزين
وهذا العرض استخدمه عمي في ماليزيا بس لازم تشتري التذاكر اون لاين

واحيانا يكون عندهم عرض اشتري تذكره ب ١٥٠ لشخص والثاني مجانا بس ايام معينه

للاسف انا صارلي موقف كريه اشتريت تذاكر لافموسا اون لاين
وكان فيه عرض وماركزت انه بس للمالييزين

ولما وصلت للبوابه انصدمت اني ما اقدر استخدمه

ياريت تنتبهوا من العرض اللي هو كل اربعاء من كل شهر
الدخول ب ١٨ للملاهي المائيه و ١٨ للسافري و ١٨ الغرب القديم
و

اذا بتروحوا اشتروا التذاكر حق الاجانب اون لاين لانها اوفر بكثير

لان من شباك التذاكر السفاري كان لحاله ب ١٦٥ غير الملاهي المائيه وغير الغرب القديم

هذه الصورة تم تصغيرها . الحجم الافتراضي لها هو 1920x1080.

mypenang.gov.my

استفدت من هذا الموقع انه موقع ماليزي اتوقع حكومي
دايما يكون فيه كوبونات خصم

وتواصلت معاهم اتاكد اذا عادي الاجانب يستخدموها وقالوا عادي

واستخدمت كوبونات لمتحف ال ٣ دي
بس لازم تتاكد انك تنزل كوبونات على عدد الاشخاص
لانهم يتاكدوا من ان الرقم مو مكرر

هذي الشريحه قريبي طالب في ماليزيا مدحها ليا
وكانت تغطيتها كويسه واسعارها جدا رخيصه
بس ما لقيتها في المطار لقيتها في السوبرماركت







​

 

[براءة الورد]

اهلا وسهلا جميعا

لكل مسافر حكايات و روايات قبل سفره وعقبات مفاجاه يحاول يتجاوزها ويحلها باسرع واسهل طريقه والحمدلله اللي اتم رحلتي بخير وسلامه .
للامانه واجهتنا عقبات كثيره تحتاج موضوع لحالها ولولا الاستخاره والارتياح بعدها ولا بدت فكره كنسله السفر في بالي واستمر التوتر لاخر لحظة وما انتهى الين وصلت مطار كوالالمبور .

انا ينطبق علي مثل الاذن تعشق قبل العين احيانا من كثر ما اسمع عن ماليزيا حبيتها واتمنيت اروحها من ايام ماكنت ادرس في الثانوي بس ما اراد الله .

شراره السفر بدات لما كلمتني عمتي وبنتها انهم يبغوا يسافروا ويبغونا نروح مع بعض وطبعا مباشره رحت لماما اقترح عليها الموضوع خصوصا انو كان في اقتراح انو نسافر في ٢٠١٦ بس اتنسى مع الوقت

vs

وبدا التفكير في مكان السفر عمتي كان اقتراحها تركيا وبنتها ماليزيا بديت ابحث في المنتديات على السريع وتجدد العشق القديم
وهما ثبتوا على تركيا حاولنا معاهم انو ماليزيا افضل بس هما غايتهم مناطق بارده وتركيا ناسبتهم .
للامانه حاولت انا كمان اكون مرنه وان السفر جماعه افضل ونسافر سوا بس لما شفت شروط الفيزا لتركيا لليمنيين المقيمين في السعوديه مبالغ فيها كنسلت فكره السفر لتركيا وثبتنا على ماليزيا الحب .

طبعا بعد ما قررنا السفر الى ماليزيا بدينا نفكر في الميزانيه وحطينا ميزانيه ٢٧ الف تقريبا وما نتعداها وتقريبا هذا المبلغ اللي التزمنا فيه مع العلم ٧٠٠٠ حق شركه الفنادق النصابه من ضمنها

هذه الصورة تم تصغيرها . الحجم الافتراضي لها هو 1080x1029.

كان اول خطوه لنا قبل حجوزات الطيران التأكد من صلاحيه جواز السفر وكان قرب ينتهي اتوجهنا للسفاره وكان للاسف مافي جوازات متوفره بس تمديد لمده سنتين مددنا واتصلنا على السفاره الماليزيه نتاكد اذا في مشكله عندهم اذا جوازاتنا تمديد فقط او اذا نحتاج فيزا في هذي الحاله قالوا انهم عارفين الوضع وماعندهم مشكله وكان مبلغ التمديد لجوازي وجواز ماما ب ٤٠٠ ريال

تقريبا حجوزات الطيران تمت قبل السفر ب ٦ شهور على الخطوط الماليزيه عن طريق الطيار بالاتصال الهاتفي وارسال الحجوزات على الايميل لسدادها طبعا زي ما قلت في عقبات كثيره واجهتني والطيران الماليزي و مكتب الطيار كانوا وحده من هذي المشاكل بس افضل عدم ذكرها دحين .

طبعا قبل اختيار الطيران الماليزي استخدمت برنامج wego للمقارنه في الاسعار بين جميع الخطوط وكنت حابه اجرب الخطوط القطريه بس استشرت عمي وقال الدايركت افضل خصوصا الرحله المباشره ٩ ساعات والحمدلله سمعت نصيحته
طبعا الخطوط السعوديه افضل من الماليزيه بس كان سعر الماليزيه مغري وتم اختيارها ولله الحمدلله

طبعا في وقتها كان الحجز لاربعه اشخاص الوالد و الوالده وانا واختي كان المبلغ 7600 ريال

بعد ما حجزنا للوالد بعدها بفتره بسبب الشغل كان في احتمال كبير مايقدر يسافر ف بدينا نفكر في كنسله السفر بس ولد عمتي اخونا من الرضاعه قررنا نكلم اهله انه يسافر معانا ووافقوا وعمره ١٦ سنه كانوا مقدمين له على بطاقه هويه بمجرد ما اطلعها قدمناله على جواز سفر عن طريق ابشر والنظام الجديد يكون توصيل الجواز عن طريق البريد السعودي عن طريق خدمه العنوان الوطني طبعا حاولت افهم فكره العنوان الوطني واتصلت على الجوازات وتقريبا الموظف قفل في وجهي اتصلت بعدها على البريد السعودي والموظفه سوت العنوان الوطني مباشره عن طريق الهاتف وجانا التفعيل على الجوال وبعد تسديد مبلغ الجواز ١٥٠ ريال و تسديد مبلغ ١٥ ريال للتوصيل تم استلام جواز السفر خلال ثلاثه ايام عمل تم تنفيذ الحجز قبلها بشهرين

طريقه استخراج الجواز عن طريق ابشر انك تسوي سداد عن طريق الصرافه او عن طريق برنامج البنك تختار مدفوعات بعدين سداد بعدين المدفوعات الحكوميه بعدين الجوازات السعوديه بعدين دفع بعدين اصدار جواز سفر جديد اخر شي تدخل رقم الهويه تقريبا نفس الطزيقه استخدمتها لسداد تاشيره الخروج والعوده

هذه الصورة تم تصغيرها . الحجم الافتراضي لها هو 1080x1920.

هذه الصورة تم تصغيرها . الحجم الافتراضي لها هو 1080x1920.

هذه الصورة تم تصغيرها . الحجم الافتراضي لها هو 1080x1920.

هذه الصورة تم تصغيرها . الحجم الافتراضي لها هو 1080x1920.

هذه الصورة تم تصغيرها . الحجم الافتراضي لها هو 1080x1920.

بعد صدور جواز سفره حجزناله مباشره من موقع الخطوط الماليزيه اون لاين بعد مراقبه الاسعار وكان حجزه بمبلغ 1934 ريال ويعتبر مقارب لسعر حجوزاتنا كان قبلها السعر ارخص بس ما كنت مستلمه الجواز مع العلم بمجرد ما سوينا اصدار جواز السفر طلعلنا صوره للجواز وفيها رقم جواز السفر والاسم والصوره بس حبيت استلم جواز السفر للتأكيد وطلع مطابق تم تنفيذ الحجز قبل السفر بشهرين

طيران داخلي لاربعه اشخاص بالطيران الماليزي ذهاب وعوده ب ٦٨١ ريال تم تنفيذ الحجز قبل السفر بشهرين

السكن كان عن طريق airbnb وتم تنفيذه قبل السفر باسبوعين بعد ما عجزت اوصل لحل مع شركه الفنادق وفكرته انها شقق يأجروها اصحابها وليست فنادق حاولت اختار الشقق اللي تكون الشروط فيها متوسطه او مرنه من ناحيه استرداد المبلغ في حاله الغاء الحجز طبعا كان الجميل في الموضوع انه في مطبخ خصوصا ان الوالد راح معانا وطبعا ما ناسبنا الاكل هناك ونحن ما كنا مقصرين جايبين شنطه كامله فيها قدور وجميع متطلبات الطبخ

كان تقسيم الايام في ماليزيا

هذه الصورة تم تصغيرها . الحجم الافتراضي لها هو 1440x960.

هذه الصورة تم تصغيرها . الحجم الافتراضي لها هو 1024x683.

https://www.airbnb.com/rooms/1509193...a2de022a9e5ab3
من ٤ نوفمبر الى ٧ كوالالمبور كان سكنا في منطقه اسمها pudu للامانه المنطقه حسيتها حي سكني اكثر من سياحي الشقه جدا جدا نظيفه وكل المتطلبات فيها حتى الابره والخيط وادوات النظافه وكل شي ممكن تحتاجه بس عيب المبنى السكني فيه ريحه طبخ جدا سيئه بس الشقه من الداخل مطابقه للصور بس زي ما قلت كان اكبر اهتمامي نظافه المكان

كان مبلغ الحجز لثلاثه ايام ب ٤٥٤ ريال




من ٧ الى ١١ كان في بينانق

https://www.airbnb.com/rooms/7684124...a2de022a9e5ab3

طبعا الفندق ينطبق عليه من برى الله الله ومن جوا يعلم الله كان الفندق من الخارج جميل قريب من قولدن ساندز بس من الداخل اثاثه جدا قديم بس كان عندي فكره من الصور خصوصا صاحب الشقه قبل لا انفذ الحجز قلي لا تتوقعي جوده عاليه ف كان سؤالي عن النظافه ف قلي انو نظيف فاتوكلت على الله وحجزته

كان مبلغ الحجز لاربعه ايام ب ٥٠٤ ريال

من تاريخ ١١ الى ١٨ كوالالمبور

https://www.airbnb.com/rooms/1540617...a2de022a9e5ab3

هذي المره سكنا في klcc ولله الحمد المبنى جميل داخليا وخارجيا ونظافه وموقع صح الشقه الاولى كانت من جوا متكامله اكثر كانك في بيتك بس الثانيه اشبه بفندق وكان عندهم النظام الامني جدا عالي

كان مبلغ الحجز لسبعه ايام ب 1061 ريال

اخر شي قبل السفر باسبوع تم انجاز تأشيرات الخروج والعوده عن طريق ابشر لثلاثه اشخاص بمبلغ ٦٠٠ ريال لمده شهرين
طبعا واجهتني عقبه واللي هي لما مددنا جوازات السفر ما رحنا الجوازات السعوديه نحدث معلومات جواز السفر وصارت جوازات سفرنا منتهيه في ابشر والحمدلله تم تحديث المعلومات خلال يوم واحد من ايام العمل

طبعا اختي تحت ١٨ سنه لازالت مرافقه للوالده في جواز السفر واجباري تسافر معاها في كل مكان والتأشيره تكون للوالده فقط

وطبعا تصريح سفر من زوج عمتي لولده وعن طريق ابشر كمان



ملاحظه اذا جيت تسوي خروج وعوده الافضل تستخدم لاب توب لانه ما يضبط عن طريق الجوال ولا عن طريق برنامج ابشر


هذي هيا المبالغ اللي اندفعت قبل السفر



طيران دولي لخمسه اشخاص ٩٥٣٤
طيران داخلي لاربعه اشخاص ٦٨١
سكن. ٢٠١٩
تمديد جوازات. ٤٠٠
تأشيرات خروج وعوده. ٦٠٠
اصدار جواز سفر + توصيل. ١٦٥

المجموع = ١٣٣٩٩




بالنسبه للمشاكل اللي واجهتني من الخطوط الماليزيه او شركه السياحه اذا حابين ممكن اخليها في مشاركه لحالها للي حاب يقراها








​

 

[براءة الورد]

هنا بكتب تفاصيل الشركه السياحه واسلوبهم واماكنهم لاخذ الحذر
واش كانت مشاكلي في حجوزات الطيران


هذي المشاركه ما فيها تفاصيل مباشره عن السفر

مجرد عقبات واجهتني ما اعتقد بتواجه الكل فلكم حريه القراءة

انا بعد مانفذت حجوزات الطيران بديت اشوف الفنادق عن طريق موقع بوكينق
واخذت فكره عن الاسعار بس مانفذت اي احجز

بابا كان في سوبر ماركت الرايه وشاف شركه سياحيه ومسكوا فيه
واخذوا الرقم وقالوله قابلنا في تاريخ كذا كذا وكان شهر رمضان

رحنا لمقر الشركه في برج في طريق المدينه قريب من شركه تايوتا
طبعا الشركه عندها سجل تجاري ومصرح لها من هيئه السياحه

عموما بداوا يعرضوا برامجهم وانو هما بيوفروا لك كلام كثير

طيب جينا بعدين للسعر قال ٢٣ الف على مبلغ اقساط رفضنا وقمنا
جا المشرف قلناله نحن مسافرين ماليزيا ادينا حجوزات فنادق بس
قال لازم تعاقد
ونحن دايما نعطي العملاء اجازه ٣ اسابيع في تركيا او اندنوسيا
قلنالهم نحن مسافرين ماليزيا مانبغى مكان ثاني قال نضيف ماليزيا
وكان الاتفاق انو ندفع ٧ الاف مقدم واذا حبينا نكمل ندفع باقي الاقساط
وكان مبلغ التعاقد ١٧ الف وحط شرط عند السفر نبدا الاقساط
وطبعا هذي العباره لها اكثر من معنى وهيا تلزمني ادفع بمجرد ما اسافر
لان اي كلام شفهي مايدخل ضمن التعاقد


عموما وقعنا العقد وكانت الاوراق كلها قدامي بستثناء ورقه داسينها
فيها شرط عن دفع مبلغ ١٥٠ لكل شخص كحد اقصى لوجبه افطار وعشا
طبعا لما جا الوالد يدفعلهم الفلوس كان ما معاه النظاره ووقع الورقه
وما كان شايف التفاصيل تمام خصوصا انها ورقه وحده


وهنا النصبه اندنوسيا وتركيا معروف فيها فطور وعشا بوفيه مفتوح
وسعره زهيد فاي عميل لو ما انتبه لدا الشرط وبعدها بدا يطلب بالحجوزات حيقولوله
ادفع المبلغ وطبعا انت في الحاله دي بتدفع مبلغ الفندق من جديد


وبعد ما وقعنا العقد رفضوا يسلمونا هو على اساس بعد اسبوعين
والمفروض العقد يتسلم مباشره وسلمونا ورقه بسيطه فيها شروط التعاقد وفيها اسبوعين الغاء


طبعا في فتره الاسبوعين اتواصلت مع الموظف واداني اسماء فنادق مره كويسه
وما طالب باي مبلغ قلنا تمام ما يحتاج نلغي وهذا الكلام كان في رمضان
وكنت بتواصل مع الموظف وكان بيجاوب اخر يومين في فتره الالغاء
كنت بستفسر منه عن بعض الاشياء صار ما بيرد وانا عذرته
قلت يمكن مشغول في شهر رمضان


رجعت كلمته بعدها بكم يوم صار ما بيرد بيفتح الكلام في الواتس اب ويطنش


عموما اتصلت على وزاره التجاره اتاكد من سجلهم وطلعت شركه رسميه


انشغلت في رمضان وبعدها العيد

بعد العيد الوالد اتواصل مع المدير وارسلنا موظف جديد
ولما بدينا نسوي الحجوزات طلعلي بموال الفطور بس بمبلغ ١٥٠ ريال لشخص عن كل يوم
قلتله على اي اساس بتتكلم الحاصل الموظف هذا اتهرب وفجاه طلع اجازه

بعدها رجعنا اتواصل مع المدير وقلناله اذا ما تنفذت الحجوزات بنشتكيكم
طبعا الموظف قال تهددونا قله الوالد مانهدد نديك خبر

المهم ارسلي قائمه فنادق طويله عريضه فيها السيء
وفيها الجيد ومن موقع تريب ادفايزر
واضاف في الاخير اذا تبغوا الحجوزات تتنفذ
ادفعوا مبلغ الفطور طبعا المبلغ ٦٠٠ ريال عن كل يوم

رفضنا وقلناله على اي اساس انت بتجبرنا على الفطور
ارسل الورقه وانا لاحظت فيها انو فيها فطور وعشا
وقلتله فين العشا قال ماليزيا مانديكم فيها عشا بس فطور

مباشره اتوجهنا لهيئه السياحه اتواصلوا معاهم لمده اسبوعين
وما كان في فايده موظف هيئة السياحه قالنا مالكم الا المحكمه التنفيذيه
وادانا خطاب ورحنا للمحكمه ورفعنا قضيه وطلبنا ان التبليغ يوصلهم عن طريق المحكمه

قبل السفر باسبوع اتواصل معانا محامي الشركه
على اساس يحل الموضوع وانو. نحن اللي رافضين ندفع
والموظف قرر يتلاعب في الورقه الاصليه
و الغاء العشا منها بعد ما ارسلي صوره عن طريق الايميل
لما قابلنا المحامي كان يحسب نسخه عندنا ونسخه عندهم
ولما وضحتله ان الموظف اتلاعب في الورقه
حاول يرقعها وقال انو ماعندهم غير نسخه وحده واللي ارسلها لنا
قلتله اجل على اي اساس صار فيها واتلغى العشا
التغيير حاول يقنعنا نوقع على ورقه استلام العقد
و لقينا العقد كله فيه تلاعب وفيه ليكود على الورق فرفضنا

حاول يقنعنا انو بيحول حجوزاتنا لدبي
بس من المعروف دبي صعب دخولها لليمنيين فضنا

اخر حلوله ان نحن قاعدين نطالب بالغاء العقد
ولازم ينفذ الشرط الجزائي في حاله الالغاء واللي هيا ١٠٠٠ دولار
وطبعا رفضنا لان العيب منهم


الشركه لازالت في فروع سوبرماركت الرايه وموجوده في روشان مول

وفي تفاصيل كثيره غيرها بس الاسم ما اقدر اذكره لان ممكن يعتبر تشهير


طبعا موظفين الشركه كلهم من جنسيه عربيه
وما اقدر اظلم الشعب كامل
بس في نفس الوقت المفروض ان هيئه السياحه
يكون عندها خبر بيجمع الموظفين وجنسياتهم
والموظفين اللي كانوا مسجلين عندهم سعوديين كلهم وهنا خالفوا نظام الهيئه


حجوزات الطيران

للامانه ما اقدر اقول ان المشكله في موظفين شركه الطيار
او موظفين فرع الخطوط الماليزيه في جده

المشكله في نظام الخطوط الماليزيه نفسه
نفذت حجوزات عن طريق الاتصال الهاتفي بمكتب الطيار
وارسلولي ايميل فيه السداد بعد ما سددت
لقيت في غلط في اسم اختي وهو حرف واحد لا يغير المعنى
اتواصلت مباشره مع موظفين الطيار
وما قصروا مباشره اتواصلوا مع الخطوط الماليزيه
وقالوا مافي اي مشكله وارسلولي الايميلات
وهذي من الاوراق اللي طبعتها وقت السفر

نجي للتغير في الحجز
حجزي الاساسي كان اربعه نوفمبر
وفجأه اتغير لخمسه نوفمبر وما جاني اي ايميل رسمي او رساله جوال

عرفت عن طريق الصدفه لما جيت احدد المقاعد وموظف الطيار ساعتها قلي حجزك فيه تغيير

بدينا في موال كيف يصير فيه تغيير وما تدوني خبر
قلي التغيير من الخطوط الماليزيه نحن مالنا صلاح وهما اللي يبلغوك

انتظرت فتره ورجعت اتصلت على الطيار
الين دحين ما جاني اي خبر رسمي قالوا استني الخطوط الماليزيه

ثالث مره الموظفه قالتلي اتوجهي لفرع الطيار يكون افضل لك

رحنا فرع الطيار قال مانقدر نسويلكم شي روحوا للخطوط الماليزيه

رحنا الخطوط الماليزيه فتح الموظف الحجز قال مافي اي رقم ولا ايميل لكم
كيف نقدر نبلغكم واضاف الرقم والايميل
وخليته يسوي حجز مبدئي لقريبي بدون ما ادفع ويكون عندي فتره سداد لمده اسبوعين
لان سعر التذاكر زادت عن اليوم اللي قبله
بعد مارجعت البيت شيكت كم مره على موقع الخطوط الماليزيه
الين انخفض السعر هنا مباشره حجزتله ودفعت بالفيزا


عدت فتره وفجأه جاني مسج من الخطوط الماليزيه
ان الرحله اتقدمت يومين وانا قلت خير وبركه زياده ايام في زيزا مين يعترض عليها

بس اتصلت على الطيار اتاكد انه صار تغيير واكدلي الموظف


جينا قبل السفر بيومين رحت لمكتب الطيار اتاكد من الحجوزات
قلي حجزك صار فيه تغيير وعندنا الحجز يعتبر مو متأكد
قلي تبغي تأكديه ادفعي مبلغ الفرق ولا انتظري الين بكره
نتواصل مع الخطوط الماليزيه او تروحيلهم

طبعا ثاني يوم رحت للخطوط الماليزيه عشان تأكيد الحجز وتأكيد اختيار المقاعد

وخليت الموظف يتأكدلي من حجز الطيران الداخلي والوزن المسموح
وطلع ٣٠ كيلو نفس الدولي وانا حره في توزيع الوزن
بس طبعا كان فيني وسواس واكتفيت ب ١٥ كيلو لكل شخص في كل شنطه
وقلي تبغي تحديد مقاعد قلتله ان تحديد المقاعد يحتاج مبلغ
قلي لما تكوني اون لاين بس عن طريق المكتب مجاني
قلتله يتوكل على الله ويحدد المقاعد


عشان كذا يا اخوان ما اقدر احط العيب في الموظفين
قد مايكون العيب في نظام الخطوط الماليزيه نفسه

ياجماعه قاعده احاول ارفع صور من جهازي بس مو راضي احد يقدر يفيدني اش السبب







​

 

[براءة الورد]

​

بدا العد التنازلي وقرب موعد السفر

وبدينا بتجهيز الشنط وتجهيز شنطه فيها مواد غذائيه وتصوير الاوراق المهمه
طبعا وقت تجهيز الشنط كان عندنا مشكله مع الوزن

انا حاجزه عن طريق مكتب الطيار على الخطوط الماليزيه
ومكتب الطيار كان كلامهم الوزن المسموح ٣٠ كيلو في شنطه وحده
ومكتب الخطوط الماليزيه في جده قالوا ان براحتنا

انا وقتها كنت فاهمه ان الخطوط الماليزيه مشدده في موضوع الوزن
وطلع مطار ماليزيا هو اللي مشدد


مثلا لو حجزك على الخطوط السعوديه
اجباري تكون كل شنطه 16 كيلو فقط والثانيه 16 كيلو

لو فرضنا شنطتك وزنها 17 كيلو ياتدفع حق الكيلو الزايد
او تشيله وتحطه في شي ثاني ويعتبروها قطعتين لك

اما الخطوط الماليزيه 30 كيلو بالطريقه اللي تناسبك

وافتكرت كلام الاخت ام زياد لما خلوها تخفف وزن الشنطه ل ١٥ كيلو
فقررت اتجنب التعطيل ويكون الوزن ١٥ كيلو في كل شنطه
والميزان كان مرافقنا في الشنط

( ام زياد كان حجزها على الخطوط السعوديه
وانا كنت فاهمه غلط وحسب على الماليزيه)

طبعا الميزان مهم جدا اذا كنت بتتنقل داخليا عن طريق الطيران
عشان تتجنب مشاكل الوزن الزايد
وكمان كنا حاطين شنط صغيره داخل شنط السفر
بحيث لو احتجنا نخفف الوزن نستخدمها

وكان لنا زياره لصيدليه النهدي اشترينا حبوب دوار البحر
بخاخ ضد لسعات الحشرات ادويه الحساسيه الخ

بس نسينا نشتري مضاد حيوي وللاسف كانت غلطه كبيره
مع اجواء نوفمبر المضاد الحيوي مهم جدا

زياره الصيدليه كان بناء على نصيحه صحبتي
وان ماليزيا ادويتها تجاريه ومفعولها بطيىء وقلت اهل مكه ادرى بشعابها

وجربت موضوع الادويه بنفسي في بينانق

مخدات الرقبه جدا مهمه في الرحلات الطويله
وكان اغلب الركاب مشتريين منها ومن ضمنهم الاطفال
انا اشتريتها من سيتي ماكس
بس ما افتكر المبلغ بس جدا رخيصه
ارخص من اسعارها في المطار
لقيتها في مطار الملك عبدالعزيز ب ٩٠ ريال

هذه الصورة تم تصغيرها . الحجم الافتراضي لها هو 900x565.

الشاحن المتنقل جدا مهم وانا عندي نفس النوع بس للاسف يشحن ٢٠ بالميه فقط
بس استفدت منه جدا و كنت شايله شاحن متنقل ثاني بس مارضي يشتغل

شطاف السفر من ساسكو استفدنا منه

الاوراق المهمه اللي طبعتها حجوزات التذاكر والسكن
وتأشيره الخروج والعوده من باب الاحتياط واحتجت جميع هذي الاوراق

من المهم يكون عندك صور كل الاوراق والتصاريح
طالما انك مقيم في دوله غير دولتك وكمان بسبب الاوضاع في اليمن

هذه الصورة تم تصغيرها . الحجم الافتراضي لها هو 963x722.

جاء يوم السفر وكان في تاريخ ٣ نوفمبر
طبعا طلاب المدارس داوموا الين يوم السفر لان وراهم غياب اسبوع كامل
كان موعد رحلتنا الساعه ٩ الليل بس خرجنا من الساعه ٤ العصر و السبب تحت .

نعم البيك يا اعزائي السبب طبعا اغلب سكان جده
لما يكونوا مسافرين للرياض يشتروا من البيك بناء على طلب اقاربهم
وهذا الشي صار معانا بس على نطاق دولي
يا اخوان اللي صارت معاه ياريت يخبرني

هذه الصورة تم تصغيرها . الحجم الافتراضي لها هو 1080x1812.

قريبنا يدرس في جامعه في سيبرجايا وتواصلنا معاه اذا يبغى شي من جده ناقصه
نجيبه معانا كان رافض تماما وبعد عده محاولات
قال يبغى البيك طبعا نحن خفنا يجيه تسمم بسبب طول الرحله
بس قال دايما الطلاب يجيبوا البيك وما يصيرله شي

طبعا البيك ممكن تطلب منه يحط الاكل في كرتون للسفر وهذا اللي سويناه
بس لما وصلنا المطار قالوا احتمال ما يطلع
فطلعنا شنطه من الشنط الاحتياطيه ورتبنا فيها الاكل وطلع معانا الطياره


https://orderonline.albaik.com/order

ف صارت رحلتنا برعايه البيك وهذا اللي خلانا نخرج بدري جدا
والبيك عندهم خدمه جديده ساعدتنا
واللي هيا تطلب الطلب اون لاين وتحدد فرع الاستلام
وتروح تستلم الطلب مباشره

شكرا البيك

هذه الصورة تم تصغيرها . الحجم الافتراضي لها هو 1080x1812.

وصلنا المطار على الساعه خمسه ونص فتحوا كاونتر العفش على الساعه ٦
صفينا في الطابوروقطعنا البوردينق من الكاونتر
وطلع الوزن المسموح فيه ٣٠ كيلو سوا شنطه او شنطتين
وكلام موظف الخطوط الماليزيه هو الصحيح

هذه الصورة تم تصغيرها . الحجم الافتراضي لها هو 1080x1923.

خلصنا من العفش وكان وقت صلاه المغرب صلينا ورحنا نخلص اجراءات الجوازات
طبعا كان في خطين خط لمواطنين دول مجلس التعاون
والخط الثاني لباقي الدول وكان طابور طويل طبعا موظف الجوازات شاف جواز سعودي واحد معانا
خلنا نتوجه لطابور مجلس التعاون وكان جدا سريع لقله المسافرين

بعد ما خلصنا الجوازات دخلنا صاله الانتظار وكان قدامنا

هذه الصورة تم تصغيرها . الحجم الافتراضي لها هو 1200x900.

والله لو تشوفوا عيون اختي ولد عمتي كيف صارت قلوب

كانهم من اهل الرياض محرومين من البيك وسووا هجوم بري على المحل
( نمزح معاكم يا اهل العاصمه عقبال ما ينوركم البيك )


ونجي للخطوط الماليزيه وما ادراك ما الخطوط الماليزيه

هذه الصورة تم تصغيرها . الحجم الافتراضي لها هو 4160x2336.

هذه الصورة تم تصغيرها . الحجم الافتراضي لها هو 1280x720.

المفروض الاقلاع الساعه ٩ بس ما فتحوا البوابه الا الساعه ٨ ونص
وطبعا هذا سبب تأخير لساعه ونص تقريبا

بدون مبالغه الخطوط الماليزيه جدا سيئه
طلعنا الطياره وهيا جدا حاره وما شغلوا المكيفات الا بعد ساعه تقريبا

الكابتن اعتذر وقال انه بسبب عطل في قوه الدفع او شي زي كذا

بس نفس الموضوع صار لما رحت بينانق على الخطوط الماليزيه
طوال مده الرحله ما شغلوا المكيف وما كان في اي تفسير من قبل الطاقم

بس الحمدلله كانت رحله هادئه مافيها اي مطبات هوائيه شديده
وانا زي ما ذكرت صحبتي كانت مسافره قبلي باسبوع
كانت رحلتها جدا صعبه وكلها مطبات هوائيه

ماعندي صور من داخل الطياره لان الطياره كلها عوائل فحترمت خصوصيتهم

هذه الصورة تم تصغيرها . الحجم الافتراضي لها هو 2336x4160.

وزعولنا فول سوداني وعصير ك سناك

هذه الصورة تم تصغيرها . الحجم الافتراضي لها هو 4160x2336.

هذي وجبه العشا كان الاكل مقبول
بس الفطور كان بيض بس جدا سيء

هذه الصورة تم تصغيرها . الحجم الافتراضي لها هو 2336x4160.

هذه الصورة تم تصغيرها . الحجم الافتراضي لها هو 2336x4160.

وبعد العشا للامانه اخذت قيلوله لانه كان موعد نومي
وعايرت المنبه على الساعه سبعه وربع للاستعداد لاذن الفجر
بس قبلها حولت ساعه جوالي على التوقيت الماليزي
وصحيت على الوقت واتوضينا

وللامانه الكابتن ماقصر اعلن عن وقت دخول صلاه الفجر
قريت معلومه من احد الاخوان ان الواحد يحاول يوقف وقت التكبير
لانه من الاستطاعه بس للاسف طلب الكابتن ربط الاحزمه
لوجود مطبات وصليناها في اماكنا


طبعا لازم في الرحلات الطويله تاخذلك جوله على الافلام
واخترت فيلم الشعوذه ٢ وتابعته

هذه الصورة تم تصغيرها . الحجم الافتراضي لها هو 2336x4160.

هنا بدات معالم زيزا الجميله في الظهور
وبعدها طلبوا اغلاق الاجهزه

وقت الهبوط جذبني منظر اشجار في البدايه حسبتها نخل
بس المعروف ماليزيا ماهي مصدره لتمر
وللان ماعرفت اشجار ايش وماما مصره انها نخل بس ماله ثمر
ياريت احد يفيدني اشجار ايش هذي

هذه الصورة تم تصغيرها . الحجم الافتراضي لها هو 2336x4160.

تم الهبوط بسلام ولله الحمد


مطار كوالالمبور جميل وكان كل شي زي ما وصفوه الاعضاء في المنتدى
وصلنا للجوازات وكانت الاعداد كبيره بس مشي الطابور سريع

طبعا موظف الجوازات بدا يسأل اش سبب الزياره وكم المده
وهاتوا تذاكر العوده وكلها كنت مجهزتها الحمدلله

بصمنا كلنا بس اختي طلب مطابقه بالوجه لانها تابع في الجواز
والصوره اللي موجوده في الجواز لطفله صغيره

هذه الصورة تم تصغيرها . الحجم الافتراضي لها هو 2336x4160.

تحذيرات من فايروس زيكا في كل المطار

طلعنا لصاله العفش لقينا الشنط على جنب وطبعا في موظف ساعدنا في تجميع الشنط وانا مدري اش النظام هناك فاديته ١٠ رينجت

هذه الصورة تم تصغيرها . الحجم الافتراضي لها هو 1280x720.

عبدالرحمن زي ما كان الاتفاق لقيته بيستنى وحامل لوحه فيها اسمي بس حاط مستر قبلها شكله حسبني رجال
وكان المسكين قاعد يستنى من ساعتين وقعد يتكلم ويشرح وانا رايحه وفهمت غلط ان الانتظار في المطار الساعه الاولى ٤٠ رينجت وهذا الشي فجعني
وقررت اديه زياده عن المبلغ مع ان الاتفاق ١٢٠ اديته ١٥٠ رينجت

نحن في الطريق قعد يشرح كل شي تقريبا بس اكثر شي جذبني موضوع الحج وان الحكومه تدفع نص التحاليل للمواطن وان عندهم حسابات للادخار
بمجرد ما يوصلوا مبلغ معين يسجلوا في الحج والانتظار تقريبا من ٨ الى ١٠ سنوات وانه ٣٪ كل سنه من سكان ماليزيا يروحوا للحج

هذه الصورة تم تصغيرها . الحجم الافتراضي لها هو 2336x4160.

هذا مبنى للحجاج قرب المطار يجوا قبل الحج بكم يوم لانهاء اجراءات السفر

هذه الصورة تم تصغيرها . الحجم الافتراضي لها هو 2336x4160.

في الطريق وقفنا عند اكشاك تبيع فواكه بس البائعه
كانت ماتتكلم انجليزي فاخذت فواكه بالشكل
وكان من ضمنها المانجو الماليزي الحامض

الفواكه ب ١٠.٣٠ رينجت

الحمدلله وصلنا مكان السكن وحطينا العفش وشيكنا على البيك وطلع سليم
اتواصلنا مع قريبي على اساس يقابلنا العصر بس اتأخر

قررنا ننزل نستكشف المكان ولقينا بقاله سفن الفن واخذنا منها ٥ شرائح ب ٤٢ رينج
ت تقريبا كان سعر الشريحه ب ٨ رينجت بس لقيتها في محلات ثانيه بسعر ارخص
وشحنت شريحتي ب ٣٠ رينجت وفعلت ٥ جيجا نت وكان فيها دقائق اتصال لجميع الشبكات
الشبكه حق الاتصال كانت قويه واسعارها جدا رخيصه



اشترينا مواد غذائيه ومويه منها ب ١٥.٦٥

للامانه كان سعر المويه غالي عندهم بس هذا اللي كان موجود

ملاحظه في البقاله العربيه ولما رحت للمسجد الوطني
لقيت سعر المويه ب ١ رينجت وهذا ارخص سعر لقيته


قابلنا قريبي وطلبنا اوبر للبافيليون ب ٦.٦٥

وصلنا للبافيليون على الساعه ٩ ونص واتوجهنا مباشره لمحل دايسو و
كان جدا جميل وصرنا من عشاقه
واشترينا من عنده مظلات شفافه وكم شغله على السريع ب ٤٢.٢ رينجت


لاحظت ان دايسو من فرع لفرع يختلف وافضل شي فرع البافيليون

هذه الصورة تم تصغيرها . الحجم الافتراضي لها هو 2336x4160.

ورحنا لشارع العرب وبدا التجهيز لاعياد الميلاد
شارع العرب فيه اصلاحات بدات من شهرين تقريبا وصار صعب المشي فيه

للامانه شارع العرب صادفتني مواقف سيئه فيه
وكان اول موقف من اول يوم لقيت كثير من الجاليه العربيه بيشحتوا
واذا ما اديته وجه يبدوا يغلطوا عليك او يتحسبوا عليك او يدعوا على بلدك
مع العلم الحكومه الماليزيه مو مانعتهم من الشغل
بس الشحته دخلها افضل من الشغل وكل مره اروح شارع العرب نفس الوجيه
ونفس الاماكن عموما الله يهديهم ويرزقهم الرزق الحلال

اشترينا ثلاثه وجبات من ماكدونالدز ب ٣٦
بالنسبه لنا اللي في السعوديه كان افضل

ملاحظه اكثر وجبات سريعه عجبتنا هناك برجر كينق جدا لذيذ والدجاج نظيف و دومينوز بيتزا

وطلبنا اوبر ورجعنا لسكن ب ٦.٦٥


ملاحظه مهمه اذا كنت بتستخدم اوبر في بلدك
لازم تغيير الاعدادات وتحط الرقم الماليزي​

مصروفات اليوم الاول


موظف الامتعه في المطار ١٠ رينجت

مواصلات من المطار للسكن ١٥٠ رينجت

5 شرائح اتصال ٤٢ رينجت

بطاقه شحن ٣٠ رينجت

مواد غذائيه ١٥.٦٥ رينجت

اوبر ٦.٦٥ رينجت

دايسو ٤٢.٢ رينجت

ماكدونالدز ٣٦ رينجت

اوبر ٦.٦٥ زينجت


المجموع = ٣٤٩.٤٥​

​

​

​

 

[براءة الورد]

قبل لا نبدا في تفاصيل ثاني يوم في ماليزيا يوم السبت بتاريخ ٥ نوفمبر ٢٠١٦


احب اعرفكم على عائلتي الجميله واعمارهم

الوالد والوالده الله يحفظهم ويطول في اعمارهم نقول اعمارهم في نهايه الاربعينات

ومحدثتكم خريجه جامعه الملك عبدالعزيز من سنتين وعاطله عن العمل (عشرينيه )


اختي و ولد عمتي اعمارهم ١٥ و ١٦
وهذا سن صعب التحكم فيهم وصعب تتركهم لحالهم في نفس الوقت


لو لاحظتوا انا انسانه احب الترتيب وجمعت معلومات من المنتديات العربيه بالاضافه بحثت بالانجليزي عن الاماكن

بس التنفيذ كان جدا صعب احيانا بسبب المرض احيانا بسبب الجو واحيانا بسبب رفض الشباب انهم يصحوا

بس الحمدلله كانت رحله ممتعه واهم شي المرونه في السفر
خطط جمع معلومات عشان يكون عندك خلفيه عن الدوله والمدن اللي بتروحها
اهتم في ايام العمل للمكان الي تبغى تروحه
سوي خطه بديله بس ابدا لا تقيد نفسك بالجدول لابد يواجهك اشياء طارئه

اماكن كثيره كنت ناويه ازورها بس ما قدرت بس باذن الله بنزل معلوماتها


المشكله الثانيه انا الوحيده اللي اتكلم انقلش في العيله ف كان صعب على الباقيين يتحركوا بدوني معاد الوالد كان يدبر نفسه

استفساري هنا

هل كل اللي في المنتدى يتحدثوا انجليزي ؟

طيب بالنسبه لو رحت دوله وشعبها ما كان يتكلم انجليزي كيف تتصرفوا ؟


نبتدي اليوم

في السفر لازم من لخبطه النوم وفرق التوقيت اكتفيت بالنوم ٣ ساعات

كان بابا صاحي قلتله يلا ناخذ لفه خرجنا على الساعه سبعه وما شاء الله الشعب كله صاحي ونشيط وشغالين رياضه في الصباح

مرينا 7 الفن واشترينا بعض الاشياء الناقصه ب ١٩.٤٠


ورجعنا السكن ماشاءالله ماما صاحيه والفطور جاهز

نجي للمراهقين نايميين وبدينا في موال يا فلان قوم يا فلانه قومي

والحمدلله بعص نص ساعه صحيوا

كان خطتي لليوم هذا احجز باصات لبوكيت تنجي وكان في تواصل مع مكتب برجايا تايمز سكوير وعندي المعلومات والموظف ارسلي ان الحجز على حسب المقاعد بس ماحبيت احجز شي وانا لسى باقي ما سافرت
اتصلت عليهم وردت الموظفه وكان ردها كل المقاعد محجوزه
هنا بدات الخطه البديله شفت ورقه الاماكن وقررت نروح الحدائق

مواعيد الباصات من برجايا تايمز سكوير للحديقه الفرنسيه

9.30 الصباح / 12 الظهر / 5.15 العصر / 8.30 الليل

من بوكيت تنجي او الحديقه الفرنسيه الى برجايا تايمز سكوير

8 الصباح/ 10.45 الصباح / 4 العصر /7.30 الليل

الاسعار

ذهاب وعوده البالغ ب ٦٠ رينجت والطفل ب ٥٥ رينجت ( يتضمن الدخول الى القريه الفرنسيه والحديقه اليابانيه )

ذهاب او عوده فقط البالغ و الطفل ب ٣٨ رينجت

كان عرضهم اني اروح الساعه ٩ ونص الصباح الى ٤ العصر
او ١٢ الظهر الى ٧.٣٠ الليل

مقرهم واوقات العمل

برجايا تايمز سكوير الدور الثامن

السبت من ٩ الصباح الى ١ الظهر

الاحد اجازه

من الاثنين الى الجمعه من ٩ الصباح الى ٦ المسا


Tel : +60(3)2149 1788

office.exec@thechateau.com.my


منطقه جميله بس ما اراد الله اروحها


على الساعه ٩ طلبنا عمنا اوبر بس الطلب كان سياره xl الى حديقه الزهور ب ٨.٦٠

وهنا الفرق بين اوبر وجراب
اوبر يمديك تحدد حجم السياره لكن جراب ماعندهم نفس الخاصيه

اتوجهنا الى حديقه الزهور ودخلنا واتوقعت من المعلومات اللي جمعتها ان في الويكند دخول الشخص ب ١ رينجت والله الحديقه فاضيه ماحد حولها اخذنا لفه فيها واتصورنا خلال اقل من ساعه من وجه نظري لو رحت لحدائق بردانا كان افضل

هذه الصورة تم تصغيرها . الحجم الافتراضي لها هو 905x1612.

هذه الصورة تم تصغيرها . الحجم الافتراضي لها هو 920x1637.

وجهتنا الثانيه كانت حديقه الطيور

جميله الحديقه تستاهل الزياره

بس نصحيه اذا كنت تتأثر من روائح الطيور لا تنسى الكمامه ولا تنسى المظله لان وقت تغذيه الطيور تصير فيه مفرقعات جويه

اسعار الدخول للبالغ ب ٥٠ رينجت ولطفل ٤١ رينجت

اوقات العمل جميع الايام من ٩ الى ٦

وزعوا علينا زي هذي الخريطه وفيها مواعيد العروض بس اهم عرض عرض الطيور


لان واحد من الموظفين قلي في عرض قبل عرض الطيور اسمه عرض التغذيه ولفيت الحديقه ادوره في النهايه يجيك موظف بسطل فيه اكل وقلك عرض
كان مقلب محترم

مواعيد عرض الطيور ( bird show )
الساعه 12.30 و 3.30

العرض لمده نص ساعه
حقيقي لا يفوتكم اجمل بكثير من عرض الطيور في افاموسا

اما باقي العروض كلها تغذيه طيور

وقت العرض كان فيه خدمه vip
لكتاكيت صغار حاجزينلهم صفين بمناسبه عيدميلاد

الحديقه تعليميه و ممتعه للكبار والصغار

البومه خلتنا نقعد وقت طويل عندها

سبحان الخالق كلهم نايمين بس بعضهم فاتحين عيونهم وكانهم بيطالعوا ويحركوا راسهم

]

اختي مارضيت تقتنع انهم نايميين
وخلتني عشرين الف مره اتأكد من الموظف

ولا زالت غير مقتنعه

الموظف كان ماليزي مسلم بمجرد ما عرف اني عايشه في السعوديه بدا يتكلم عن الحج وانه يتمنى يحج

الله يكتبله ويكتبلنا حجه مبروره

]

اكثر الطيور حبيناها الطاووس والفلامنجو

هذه الصورة تم تصغيرها . الحجم الافتراضي لها هو 1080x810.

عندهم كمان الطاووس الابيض وهو من اندر الطيور بس انا ما شفته اهلي شافوه في الوقت اللي كنت ادور عرض التغذيه

هذا الطير حسيته غريب كانه ديك بس مهجن احد يعرف اش اسمه

المكان تقريبا ساعتين كافيه انك تلفه كله بس نحن قعدنا فيه ٣ ساعات لاننا انتظارنا عرض الطيور نص ساعه

تذاكر دخول الحديقه لخمسه اشخاص ب ٢٥٠

مويه وبوب كورن في الحديقه ب ٢٠.٣٠

وطلبنا اوبر وكان وجهتنا مول سن وي بوترا لقربه من الحديقه وكان تكلفه المشوار ب ٧ رينجت

من مواضيع الاعضاء كنت متحمسه اني اذوق اربعه اشياء في ماليزيا

الاسبتادا من مطعم ناندوز
الاكل الهندي في مطعم صقر
سمك في مطعم منهاتن فش
ومن الانستجرام التشيزكيك الياباني


فتحت برنامج زوماتو اشوف المطاعم في سن وي بوترا والاقي مطعم ناندوز

هذه الصورة تم تصغيرها . الحجم الافتراضي لها هو 1080x804.

وصلنا المول واتوجهنا للمطعم وانا قاعده اتخيل شكل صحن الاسبتادا وافتكرت الاخت دينا وعيالها وحالي زي حالتهم بالضبط

دخلنا المطعم طلبت اثنين اسبيتادا واثنين طبق نسيت اسمه واختي ماعجبها شي في المنيو


ملاحظه خارجه عن الموضوع
بعد ما طلبت الاكل رحت اصلي
اهنيهم على المصلى في المول واغلب المولات حبيت انهم حاطين زي شراشف الصلاه وانا عن نفسي استخدمت شراشفهم لان عبايتي انعدمت في الحديقه الله يكرمكم


بعد ما صليت رجعت ولقيتهم بداوا في الاكل ومابقي غير طبقي بديت اجربه بس لقيت الدجاج فيه شحم جربت اول قطعه ما قدرت اكملها جربت اقطع قطعه ثانيه ونفس الشي

عشان ما اظلم المطعم صحبتي جدا تمدحه بحكم دراستها في ماليزيا وان اغلب صحبتها جربوا ناندوز في دول ثانيه بس بالنسبه لهم ناندوز اللي في كي ال سي سي افضل شي فاذا احد حاب يجربه يروح لفرع كي ال سي سي

وفي الاخير الاذواق تختلف

قيمه الطلب في ناندوز ب ١٤٠ رينجت
سوبرماركت ب ٤١ رينجت

بعد ما اخذنا لفه في المول وهدنا التعب قررنا نرجع لسكن

بس صار اللي ما كان في الحسبان

رغم كل الاحتياطات ٤ من اجهزتنا خلص شحنها ومن ضمنهم جوالي ونسينا الشاحن المتنقل

وفضل جهاز الوالد شغال

طيب نبغى نرجع للسكن وللاسف انا اعتمادي الكلي على اوبر وما اعرف طريق السكن وبس حافظه اسم المكان

كان في كذا تاكسي في المكان بس ما يعرفوا مكان السكن

نزلنا اوبر على جوال بابا وسجلنا في اوبر بس طلب رقم الجوال ��

طبعا لا علم لنا بالرقم

قعدنا يا اخوان في الشارع نص ساعه نفكر اش الحل وسوينا عصف ذهني شديد
الين ربنا هدانا وافتكرنا نتصل على قريبنا نخليه يرسلنا الرقم والحمدلله انحلت الازمه

العبره من القصه لا تنسى الشاحن المتنقل اكتب في ورقه ارقام الشرائح او على الاقل سجله في جوالك ولا تعتمد اعتماد كلي على جوال واحد فقط

اوبر xl من سن وي بوترا الى السكن ب ٧ رينجت

المسا كان نسائي بحث مع امي واختي صحبتي وامها

قضيناه حوالين كي ال سي سي وبافيليون وشارع العرب

وعرفنا صحبتي على محل دايسو ��

كان في محل شاورما اشترينا منه عشا بعد ما طلبنا لاحظنا انه ما كان لابس جونتيات ويشيل بيده الاكل بس الجوع كافر سمينا بالله واكلنا
عاد السعر ماعرفته لان صحبتي رفضت تخليني احاسب


كان في نجربه تحويل مبلغ ٣٠٠ ريال سعودي الى ٣٣٠ رينجت
من محل صرافه في شارع العرب جنب مطعم زعفران

كان في اكثر من محل وكل واحد سعره مختلف

فالافضل اذا كان عندكم مبلغ كبير لا تستعجلوا وجربوا اكثر من محل
عشان يطلعلكم مبلغ حلو

مصروفات اليوم

سوبرماركت بمبلغ ١٩.٤٠ رينجت
اوبر الحديقه الزهور ب ٨.٦٠ رينجت
دخول الطيور ٢٥٠ رينجت
بوب كورن ومويه ب ٢٠.٣٠ رينجت
اوبر ل سن وي بوترا ب ٧ رينجت
مطعم ناندوز ١٤٠ رينجت
بقاله ب ٤٥ رينجت
اوبر من سن وي بوترا الى السكن ب ٧ رينجت
اوبر من السكن الى كي ال سي سي ٧
مويه ب ٢.١٠ رينجت
دايسو ١١ رينجت
تاكسي من بوكيت بيتالنج الى كي ال سي سي ب ٧ رينجت
اوبر من كي ال سي سي الى السكن ب ١٥ رينجت
المجموع 530.80​

اماكن قريبه لحديقه الطيور جمعت معلومات عنها بس ما قدرت ازورها

حدائق بيردانا Perdana Botanical Garden
اوقات العمل من ٧ صباحا الى ٨ مساء
الدخول مجانا
ممكن تستأجر درجات فيها


Istana Negara القصر الوطني
اوقات العمل من ٨ الصباح الى ٥ العصر
اخر وقت دخول 4.30
سعر الدخول ٣ رينجت

Deer Park حديقه الغزلان
الدخول مجاني

Butterfly Park KL حديقه الفراشات
اوقات العمل من ٩ الصباح الى ٦ المسا
اسعار الدخول
البالغين ب 22 رينجت
و الطفل (٢ - ١١ سنه ) ب ١١ رينجت
وكاميرا الفيديو ب ٤ رينجت
Kuala Lumpur Butterfly Park Malaysia - Contact Us

باصات hop on hop off
تاخذ السائح لكل الاماكن السياحيه ٢٣ محطه توقف
اسعار الباصات
لمده ٢٤ ساعه :
البالغ :٤٥ رينجت و الطفل : ٢٤ رينجت

لمده ٤٨ ساعه :
البالغ : ٧٩ رينجت و الطفل : ٤٣ رينجت

احيانا يكون في خصومات عند شرائها اون لاين

المناطق اللي باللون الاصفر تجاريه
المناطق اللي باللون الاخضر عن الطبيعه
المناطق اللي بالبرتقالي تاريخيه او تراثيه

اوقات العمل من الساعه ٩ الصباح الى ٨ المسا

اخر وقت لصعود الباص الساعه ٧ المسا

الباص بيجي كل ٢٠ الى ٣٠ دقيقه







​

 

[براءة الورد]

يومنا كان ممتع وجميل وكان فيه تغيير كبير في الخطه والسبب انه كان اخر يوم لصحبتي في ماليزيا ونحن كان اليوم السابق لسفرنا لبينانق وقررنا نقضي الليله سوا في i city


واتقسم يومنا لثلاثه اقسام

فتره الصباح
زياره المتحف الوطني negara museum
والقبة الفلكيه National Planetarium
و متحف عن الاعراق البشريه في ماليزيا Ethnology Of The Malay World Museum

فتره العصر
مول قريب من السكن اسمه Kenanga Wholesale City
و بافيليون مول

فتره المسا
I city

عندي كم ملاحظه
استمتعت بزياره الاي سيتي بس كان الافضل اخلي زيارتها في نفس اليوم مع سن وي لاقون
لاننا طولنا فيها وتجاهلنا موضوع سفرنا لبينانق في الصباح
فالافضل اليوم السابق لسفرك حاول تكون زياراتك للاماكن النهاريه وفي الليل استخري


ومن اخطائي في السفره بشكل عام
اني اهتميت بالمتاحف وكان بعضها لا يستحق الزياره وكان ممكن استغله في اماكن ثانيه

اكثر متحفين عجبوني
القبه الفلكيه National Planetarium و معرض مدينه كوالالمبورKuala Lumpur City Gallery


واذا كان عندك اهتمام تشوف اثار قديمه ومخطوطات للقران قديمه ممكن انصحكم بمتحفين
المتحف الوطني و المتحف الاسلامي

المتحف الوطني فيه اثار قديمه بعضها يعود قبل الميلاد

المتحف الاسلامي فيه اثار حقيقه ومن ضمنها اثار للدوله العثمانيه و اثار من ايران
ومخطوطات قرانيه قديمه ومجسمات للمساجد المشهوره

وكان نصيحه صحبتي اني ما اروحه واروح ازور الشلالات بس رحته لغايه في نفسي
اني اشوف مجرد مجسم للمسجد الاقصى بس للاسف ما كان موجود غير مجسم مسجد قبه الصخره



واحب اهني اختنا ام زياد للمره الثانيه بزيارتها لفلسطين الحبيبه وزياره المسجد الاقصى وهذا تقريرها عن الزياره
http://www.arabtrvl.com/vb/t552.html


نصيحتي لكم لا تضيعوا اوقاتكم في المتاحف
حتى لو كان قريب جدا من المكان اللي انت فيه وحتى لو كان الدخول مجاني


وقت التخطيط للسفر و وضع الميزانيه كان عندنا اتفاقيتين


الاولى ان الغايه من السفر السياحه فقط والتسوق مو داخل من ضمن الخطه

الثانيه نتجنب المطاعم العربيه ونكتفي بالمطاعم الغربيه زي تشيليز وفرايديز

الاتفاقيه الاولى ابدا ما التزمنا فيها والعكس صار
في اماكن كثيره كنا ما نروحها كلنا وصار في مبالغ زياده ودخل التسوق في الميزانيه

الاتفاقيه الثانيه كانت سهله بحكم نحن مو من عشاق المطاعم العربيه بس الموضوع اتطور وحتى المطاعم الغربيه ما رحناها لان المطاعم في المولات تقفل الساعه ١٠


بعد ما خلصت القرقره نبدا اليوم

صحيت انا وماما وبابا بدري
وبدينا في موال يا فلان ويا فلانه
واتحولت ل يا علان و ياعلانه
ولا حياه لمن تنادي


وبتدا يومنا انا والوالد فقط مع عمنا اوبر

وكان عندي خيار ثاني اني اطلب جراب
بس قررت اطلب اوبر لان كان عندهم عرض ترويجي وهو من الساعه سبعه الصباح لسبعه المسا فيه تخفيض ٤ رينجت لكل مشوار لمده ٧ نوفمبر وكان رمز العرض luckynumber7 العرض وفر عليا مبلغ 24رينجت في اليوم

هذه الصورة تم تصغيرها . الحجم الافتراضي لها هو 1080x1726.

هذه الصورة تم تصغيرها . الحجم الافتراضي لها هو 1080x1736.

بمجرد دخولك على العروض الترويجيه بتضغط على العرض وتاخذ الكود وتسوي اضافه للكود وبعدين اضغط تسجيل طلب

طبعا احب اوضح سبب تسميه اوبر بعمنا
لان حقيقي نحن في العيله نقول عمنا اوبر وهذا بسبب ستو الله يحفظها دايما تقلنا عمكم اوبر
وابشركم ستو صارت من مستخدمينه

يعني اوبر عمي اخو ابويا بقرار من ستنا الله يحفظها

هذه الصورة تم تصغيرها . الحجم الافتراضي لها هو 2080x1168.

هذه الصورة تم تصغيرها . الحجم الافتراضي لها هو 934x1664.

هذه الصورة تم تصغيرها . الحجم الافتراضي لها هو 1872x1051.

هذه الصورة تم تصغيرها . الحجم الافتراضي لها هو 1664x934.

هذه الصورة تم تصغيرها . الحجم الافتراضي لها هو 1664x934.

الروز رايز ويا جمال الروز رايز

سياره ملكيه في عام ١٩٩٤ كانت في خدمه السلطان صلاح الدين عبدالعزيز

هذه الصورة تم تصغيرها . الحجم الافتراضي لها هو 1664x934.

وهذي الجميله الثانيه كانت تستخدم لنقل المسؤولين الحكوميين

هذه الصورة تم تصغيرها . الحجم الافتراضي لها هو 1286x897.

نفس شباك التذاكر للمتحف الوطني و متحف الاعراق البشريه في ماليزيا

الدخول للبالغ ب ٥ رينجت و الطفل ب ٢ رينجت
اوقات العمل : كل يوم من الساعه ٩ صباحا الى ٦ مساء

هذه الصورة تم تصغيرها . الحجم الافتراضي لها هو 1664x934.

هذه الصورة تم تصغيرها . الحجم الافتراضي لها هو 1809x1080.

الدرج فكرني بسرايا عابدين واتخيلت نفسي في قصر ملكي
وطلع المبنى كان قصر قبل لا يتحول لمتحف بس موظفه الاستقبال ما كان عندها خلفيه اذا هو قصر لستقبال الضيوف او مقر سكن سلطان من السلاطين

هذه الصورة تم تصغيرها . الحجم الافتراضي لها هو 1080x1923.

هذه الصورة تم تصغيرها . الحجم الافتراضي لها هو 1869x3328.

هذه الصورة تم تصغيرها . الحجم الافتراضي لها هو 3328x1869.

هذه الصورة تم تصغيرها . الحجم الافتراضي لها هو 3328x1869.

هذه الصورة تم تصغيرها . الحجم الافتراضي لها هو 2995x1682.

المبنى مكون من طابقين مقسمه لثلاثه او اربعه اقسام

قسم كان بيتكلم عن العصر الحجري وفيه هياكل عظميه وجماجم واشياء مختلفه

قسم من الاقسام كان فيه اثار من التراث وملابس ملكيه وعرش ملكي واشياء مختلفه

قسم كان بيتكلم عن نهضه وتطور البلد والتعليم

واحد من الاقسام كان بيتكلم عن الدعوه الاسلاميه

يعني متحف شامل لكل شي
وكان فيه زي شاشه تلفزيون جنب بعض اللوح بتديك معلومات متسلسله كانها قصه

هذه الصورة تم تصغيرها . الحجم الافتراضي لها هو 909x1924.

هذه الصورة تم تصغيرها . الحجم الافتراضي لها هو 934x1664.

جمجه عمرها ٥٠٠ الف سنه

هذه الصورة تم تصغيرها . الحجم الافتراضي لها هو 934x1664.

عرش ملكي

هذه الصورة تم تصغيرها . الحجم الافتراضي لها هو 1863x1047.

هذه الصورة تم تصغيرها . الحجم الافتراضي لها هو 2912x1635.

وزي اغلب المتاحف والحدائق النهايه تكون في متجر يبيع اشياء تذكاريه

هذه الصورة تم تصغيرها . الحجم الافتراضي لها هو 1631x916.

هذه الصورة تم تصغيرها . الحجم الافتراضي لها هو 818x1456.

هذه الصورة تم تصغيرها . الحجم الافتراضي لها هو 841x1498.

بين المتحفين في منطقه جلوس وفيه جزء من اول قصر في ماليزيا

هذه الصورة تم تصغيرها . الحجم الافتراضي لها هو 1635x2912.

هذه الصورة تم تصغيرها . الحجم الافتراضي لها هو 1248x701.

غرفه نوم ملكيه مقابلها مطبخ في نفس الغرفه

هذه الصورة تم تصغيرها . الحجم الافتراضي لها هو 2912x1635.

هذه الصورة تم تصغيرها . الحجم الافتراضي لها هو 2912x1635.

هذه الصورة تم تصغيرها . الحجم الافتراضي لها هو 1635x2912.

هذه الصورة تم تصغيرها . الحجم الافتراضي لها هو 2912x1635.

المتحف الثاني عباره عن قسمين جنب بعض
والله ماعجبني فيه غير حزام الذهب كنت احسب بس في الخليج يلبسوه
بس طلعوا الحريم يحبوا الذهبان في جميع الدول

اصلا المتحف فاضي ولما يدخل احد يخلوه يسجل اسمه وجنسيته عشان الاحصائات

اوبر الى المتحف الوطني ب ٢.٣٠
دخول المتحف الوطني تذكرتين ب ١٠
متحف الانتروبولجي تذكره ب ٥
مشتريات من المتحف الوطني ب ٢٠.٥٠

هذه الصورة تم تصغيرها . الحجم الافتراضي لها هو 1635x2912.

القبه الفلكيه او القبه السماويه او البلانتريوم
حتى مدخلها فخم ورهيب

بينها وبين المتحف الوطني جسر ودرج والطريق كان منحدر
وصلنا المكان وانا والوالد بعد ما عكزنا بعض
امزح بس حقيقي مافي اي لياقه يا اخوان

واول ما وصلنا كان في وجهنا المخلوق اللطيف هذا

هذه الصورة تم تصغيرها . الحجم الافتراضي لها هو 2912x1635.

ايام العمل :
من الثلاثاء الى الاحد من الساعه ٩ الى
الاثنين مغلق
اوقات العرض :
من الثلاثاء الى الاحد يوجد عرض كل ساعه من الساعه ١٠ الى الساعه ٤ مده العرض ٢٥ دقيقه
الجمعه عرض الساعه ١ و الساعه ٢ ملغي
اسعار دخول العرض للبالغين ١٢ رينجت للاطفال ٦ رينجت

Now Showing in Planetarium Negara | Planetarium Negara
حاليا عندهم ثلاثه انواع عروض بس كل فتره بيتغير وفي الموقع يضيفولك مقطع من كل عرض عشان تاخذ فكره

هذه الصورة تم تصغيرها . الحجم الافتراضي لها هو 1080x1924.

مجسم للخوارزمي في المعرض ومعلومات عنه

هذه الصورة تم تصغيرها . الحجم الافتراضي لها هو 3328x1869.

رسمه لمركبه فضائيه

هذه الصورة تم تصغيرها . الحجم الافتراضي لها هو 1864x1046.

ضغطه زر وتشوف اجزاء المركبه

هذه الصورة تم تصغيرها . الحجم الافتراضي لها هو 981x1747.

حمام المركبات الفضائيه وانتوا بكرامه

هذه الصورة تم تصغيرها . الحجم الافتراضي لها هو 981x1747.

الكراسي على شكل كواكب

هذه الصورة تم تصغيرها . الحجم الافتراضي لها هو 1468x1080.

هذه الصورة تم تصغيرها . الحجم الافتراضي لها هو 1248x701.

هذه الصورة تم تصغيرها . الحجم الافتراضي لها هو 1046x1864.

هذه الصورة تم تصغيرها . الحجم الافتراضي لها هو 1122x1997.

هذه الصورة تم تصغيرها . الحجم الافتراضي لها هو 1635x2912.

ولاحظت فيه اطفال كثير وجدا مستمتعين بتجربه الاشياء العلميه والتصوير
و هما يخلصوا من الشي وانا مباشره اقلدهم ماشاءالله الاطفال مستكشفين للاشياء

هذه الصورة تم تصغيرها . الحجم الافتراضي لها هو 1635x2912.

هذه الصورة تم تصغيرها . الحجم الافتراضي لها هو 2912x1635.

الفكره ان القبه كلها شاشه تنعرض عليها الفيلم وتحس نفسك تتحرك مع كل الاحداث او احيانا تتحرك
كان الفيلم عن الفضاء بس ربطوه بجسم الانسان والفضاء والتكنولوجيا وفجأه تصير في شارع العرب و واشنطن ونيويورك وترجع للفضاء على اني ما افهم المصطلحات العلميه بالانجليزي كثير بس
تحس الفكره وصلتك

وانا مستمتعه ومبحلقه في العرض ( المكان يكون افضل كل مارتفعت للاعلى والحمدلله موقعي كان استراتيجي )
اسمع صوت جميل جنبي اطالع الا الوالد في سابع نومه

والاضواء الخافته والبرد يساعدك على اجمل نومه عوافي على قلبه

بعد ماخلص العرض طلبت اوبر لبرجايا تايمز سكوير على اساس احجز اسوي حجز الباصات وهنا اكتسفت ان الاحد اجازتهم ومقفلين

اسعار الملابس في برجايا تايمز سكويز جيده جدا وملابسهم مشابهه لموقع شي ان الصيني بس الاسعار ارخص بكثير
بعد مالقيت مكتب الحجز مقفل طلبت اوبر ورجعنا لسكن


تذكرتين لعرض القبه السماويه ب ٢٤ رينجت
مشتريات من القبه السماويه ب ١٣.٥٠
اوبر من القبه الفلكيه لبرجايا تايمز سكوير ب ٥.٨٠
اوبر من برجايا تايمز سكوير الى السكن ب ٠.٧٢ سنت

طبعا نحن بس قال ٧٢ سنت وجيهنا صارت كذا

وهذي من بركات الكود حق الخصم
ضغطه زر ووفرت عليك توفير رهيب لا تنسوا تشيكوا على العروض

عاد الوالد لما دحين مو مصدق كل ما قابل احد يقله تصدق ركبت تاكسي ب اقل من ريال

رجعنا السكن على الساعه ١ وريحه الكبسه الجميله جاهزه واتغدينا والشباب صاحيين ومصحصحين ويبغوا يخرجوا قلتلهم مالكم الا مول عشان نلحق نروح الاي سيتي

قبل لا نروح المول رحت لصرافه maybank جنب السكن تلاقوا محل زي كذا كله صرفات وموجود فرع في شارع العرب

والأفضل تسحب 3000 مره وحده عشان تضمن سعر صرف حلو

وجربت اكثر من صرافه الين رضيت تسحب ٣٠٠٠ رينجت بس مباشره سحبت المبلغ بدون لا يطلع سعر الصرف وجاني مسج على جوالي من بنك الراجحي والمبلغ كان بالرينجت

دخلت على الراجحي مباشر وسويت حسبه بسيطه وطلع سعر الصرف 1.09

انصحكم جدا بالسحب من maybank لو لاحظتوا السعر مقارب لسعر الصرف في شارع العرب

بتكلم عن المبالغ الماليه اللي صرفناها وكيف كان التخطيط


اكتفينا نحول مبلغ بسيط من السعوديه

المبلغ كان مبلغ ١٨٨٥ رينجت ماليزي


قبل سفرنا بشهرين عمي واهله سافروا
ماليزيا ومرته سحبت مبلغ بالماليزي وما استخدمته فاتفقت معاها اخذ المبلغ واديها ١٨٥٠ بدل ما اروح البلد واضرب مشوار ويطلعلي زياده ٤٠ رينجت

قررنا ناخذ بطاقتين
بطاقتي الراجحي و بطاقه الوالد حق الاهلي

بطاقتي كان فيها اغلب المبلغ وبطاقه الوالد حطينا فيها الاحتياطي اللي بنستخدمه في حاله لاسمح الله احد تعب او صار ضرف غير متوقع

ضروري لاي مسافر يخلي معاه مبلغ احتياطي والسبب الثاني لو صار اي عطل في احد البطايق يكون في بديل وممكن احد من اهلنا يحولنا فلوس على البطاقه الثانيه


جميع المبالغ :

1885 رينجت
بطاقه راجحي ٦٤٥٠ ريال
بطاقه اهلي ٢٠٠٠ ريال
٣٠٠ ريال كاش كانت باقيه معانا من مطار السعوديه


صرفيتنا في ماليزيا

فلوس مصروفه ١٨٨٥ رينجت

فلوس مصروفه ٣٣٠ رينجت

سحب مبلغ ٣٠٠٠ رينجت

سحب مبلغ ٣٠٠٠ رينجت

سحب مبلغ من الاحتياطي ١٠٠٠ رينجت

سحب مبلغ ٢٠٠ رينجت

شراء بالبطاقه بمبلغ 800.50

بقي معانا ١٠٦ رينجت رجعنا فيها السعوديه

٦ رينجت كنا نبغاها لكرسي المساج في المطار بس مالحقنا
١٠٠ رينجت كنا ناسينها في شنط العفش ولا كنا صرفناها بدري


صرفيتنا كامله بالرينجت 10004 تقريبا

صرفيتنا بالسعودي(١٨٥٠±٦٤٥٠±٩٠٠±٣٠٠) = ٩٥٠٠



كامل تكاليف الرحلة
١٣٣٩٩ + ٩٥٠٠ = ٢٢٨٩٩ ريال
يعني ٢٣ الف

كنت موفقه في سحب المبالغ والشراء بالبطاقه الائتمانيه

بستثناء سحب مبلغ 200 رينجت كان السحب من صرافه مول حسبولي الرينجت اعلى من الريال

وتقريبا خسرت مبلغ 20 ريال في السحبيه بس فين المشكله ما ادري لاني حاولت اكثر من مره ومره رفض يسحب250 ولما سألت اللي ورايا قالوا بس تحسبي100 وسحبت 200 ومدري اش طلع في الشاشه وضغط موافق


نصيحتي حول مبلغ بسيط عشان المطار و شراء شرائح و دفع تأمين الفندق

واكتفي بباقي الفلوس في البطاقه
لما تجي تشتري بالبطاقه اتأكد ان عمليه الشراء بالرينجت و ما تكون بالدولار

اتأكد انك تعطي البنك خبر قبل السفر يحطوا ملاحظه انك مسافر ماليزيا او اي دوله من دول شرق اسيا

http://www.arabtrvl.com/vb/268697-post3.html

انصحكم بقراءه تقرير الاخ فهد ومعلوماته جدا مفيده


طلبنا اوبر لمول اختصاره KWC ب ٠.٦٠ سنت

عاد انا الوضع صار عندي بس الشباب لما شافوا السنتات
صارت وجيههم كذا

المول جدا عادي اغلبه ملابس تقليديه للماليزيين وبرجايا تايمز سكوير افضل منه
اشترينا كم شغله من المول ب ٦٥ رينجت

قررنا نغير للبافيليون وكان وجهتنا دايسو مو اقلكم صرنا من عشاق المحل
وطلبنا اوبر للبافيليون ب ٣.٣٠ رينجت

هذه الصورة تم تصغيرها . الحجم الافتراضي لها هو 1747x981.

بمجرد ما وصلنا ونبغى نروح دايسو الاقي محل باتا bata في وجهي ودخلته وهدفي شي محدد يبغاه عمي

هذه الصورة تم تصغيرها . الحجم الافتراضي لها هو 981x1747.

هذه الصورة تم تصغيرها . الحجم الافتراضي لها هو 1747x981.

طبعا سألت وما لقيت اللي يبغاه بس كان عندهم عروض رهيبه جزمتين رياضه وانتوا بكرامه ب ٩٩ رينجت يعني يابلاش

اخذنا العرض انا واختي لان الجزم الرياضيه اللي معانا كانت غير مريحه
تقيمي لها جدا مريحه وخفيفه وعاد غسيل ولبس <<< اتمنى نفع الاغراء

باتا محل يرجع اصله تشيكي مقرهم الرئيسي سويسرا
جودتهم عاليه واسعارهم جدا معقوله وعندهم شنط نسائيه وجزم واحذيه رياضيه نسائيه ورجاليه

هذه الصورة تم تصغيرها . الحجم الافتراضي لها هو 2912x1635.

يعني انت تخيل بس انك تلبس شبشب شرقي اوروبي ب ٤٦ رينجت
لا اوصيكم خذولكم لفه عليه في بافيليون او سوريا كي ال سي سي او سن وي بيراميد

مشتريات من باتا ب ٩٩ رينجت

هذه الصورة تم تصغيرها . الحجم الافتراضي لها هو 981x1747.

هذه الصورة تم تصغيرها . الحجم الافتراضي لها هو 2080x1168.

هذه الصورة تم تصغيرها . الحجم الافتراضي لها هو 841x1498.

المحل الثاني في بافيليون تصميمه عجبني كله عن السوبر هيروز وملابسهم كلها تصاميم ابطال
اخذنا لفه في بافيليون وقررنا نطلب اوبر

صحيح اوبر اقتصادي درجه اولى
بس لازم نذكر شي عنه
ممكن تصير زحمه وبعد ما كنت تستنى السائق لمده طويله يكنسل الطلب بسبب الزحمه
وهنا لازم تطلب من جديد وتستنى اللي بعده
وهذا اللي صارلنا

نصيحتي اذا مستعجل حاول توقف تاكسي ويكون بالمتر او لما تطلب اوبر مباشره اتصل عليه واتأكد انه قريب اذا مو قريب كنسله واذا كنت في مول اتاكد من الامن اش رقم البوابه اللي انت عندها

لان عندك خمسه دقايق فتره الغاء وما يكون عليها رسوم

هذه الصورة تم تصغيرها . الحجم الافتراضي لها هو 981x1747.

وقت انتظار اوبر شفت اكيت سياره عرسان في حياتي

عاد ياعرسانا العرب الحلوين الله يخليكم انبسطوا وابتسموا في وجه اخوانكم العرب
والله اشوف العرسان لما يشوفوا عرب زيهم يتوتروا ترى نعين ونعاون في الغربه
ترى ماليزيا وجهه سياحيه مرغوبه للجميع
والله يوفقكم ويسعدكم في حياتكم


وجاء عمنا اوبر والحمدلله اول ماليزي اقابله راح الحج ومرشد في الحج ويجي دايما جده


بس صار موقف سخيف معاه وشي يزعل بس حابه اقوله من باب التنبيه

ولد عمتي مراهق طائش ويحسب الماليزيين ما يعرفوا عربي وقاعد يسب الرجال بالعربي وقبلها كم مره سوا الحركه دي وانا اعصب

واقله عيب ترى مو معناته ما يتكلم عربي من حقك تغلط عليه ما اظن يرضيك تنسب بالانجليزي وانت زي الاهبل واقله يوم بتلاقي ماليزي يعرف عربي ويضربك ضرب وانت هنا الاجنبي وهو المواطن وشوف مين يفزعلك

بس ما سمع كلامي وطلع اخونا في الله يفهم عربي بس ما علق وصلنا السكن ناخذ اهلي ونروح محطه كي ال وبابا سلم وقله تعرف عربي قله شويه

هنا جلطه جماعيه جاتنا بس الحمدلله الرجال اخلاق وماعلق على السب


ياريت يا شباب تكونوا سفيرين باخلاقكم
سافروا انبسطوا بس باحترام ولا تسووا سمعه سيئه لشعبكم

اوبر من بافيليون الى السكن الى محطه كي ال ب ٢٣ رينجت

وصلنا المحطه على الساعه ٧ ودورنا المصلى والين خلصنا صلاه صارت ٧ ونص

كان القرار المنطقي نطلب اوبر ونروح اي سيتي عشان نكسب الوقت

بس نبغى نجرب الميترو و ليتنا ما جربناه
يوم الاحد جدا زحمه ومشوارنا كان ساعه تقريبا وبعيدا عن الزحمه والله مناظر مخله ولا كاننا في دوله مسلمه نصيحه اذا انتوا عيله وفيه اطفال حاولوا تتجنبوا الميترو في الويكند لانكم بتقضوا فيه وقت طويل وبعض الناس لا حياء ولا حشمه

صحبتي اشترت تذاكر ktm
واتوقع سعر ٥ تذاكر ب ٢٢ ربنجت ما رضيت تقول كم بس السعر جدا رخيص

وكان في ماكدونالدز الحب في المحطه فاشترينا ايسكريم ب 7 رينجت

اذا انت اول مره تستخدم ميترو او قطار نصيحتين

الاولى احتفظ بالبطاقه او الورقه او القطعه اللي يدوك هيا لانك بتستخدمها وانت داخل ولما توصل محطتك


الثانيه لما جربت قطار بوتراجايا
المحطه فيها جهتين جهه رايحه وجهه جايه لازم تتاكد انك في الجهه الصح بدل ما يروح عليك القطار وانت في الجهه الغلط وترجع تستناه من جديد

اول ما وصلنا المحطه واتفقنا مع تاكسيين ان المشوار بالعداد بس التكاسي ما يبطلوا استغلال السياح وصلنا وكان المبلغ ٧.٢٠ وعلى بال ما طلعت الفلوس وجيت احاسبه كان العداد شغال وصار الحساب ٨ رينجت
طبعا دفعت المبلغ ولا ناقشته بس انتبهوا من هذي الحركه اسلوب جديد منهم

هذه الصورة تم تصغيرها . الحجم الافتراضي لها هو 1664x934.

هذه الصورة تم تصغيرها . الحجم الافتراضي لها هو 2080x1168.

دخلنا الاي سيتي على الساعه ٩ ومن وجه نظري افضل وقت للاي سيتي يبدا الساعه 6 المساء

يعني ساعتين ضاعت بين المحطه والقطار كان افضل لو قضيناها في الاي سيتي

هذه الصورة تم تصغيرها . الحجم الافتراضي لها هو 1600x1130.

خريطه الاي سيتي زي ما انتوا شايفين اقسامها كثيره بس انا محدده لكم مكان المصلى لان اخذنا نص ساعه الين قدرنا نوصل للمصلى لان الموظفين ما يعرفوا فينه
المصلى في جهه الأشجار المضيئه

موقعهم الرسمي :
https://iticket.i-city.my/icity/prom...0-A3A4F09CEDC1


احداثيات الموقع :


https://goo.gl/maps/ADqCcY75wP82

هذه الصورة تم تصغيرها . الحجم الافتراضي لها هو 1831x1148.

أوقات العمل لكل قسم :

الألعاب المائيه :
الثلاثاء مغلقه
السبت والأحد من الساعه 10 الصباح الين 7 المساء
الاثنين والأربعاء والجمعه من الساعه 11 الصباح الين 7 المساء

red carpet و smowalk و trick art museum :
الجمعه والسبت من الساعه 11 الصباح الى 1 الصباح
باقي الأيام من الساعه 11 الصباح الى 12 الصباح

الريد كاربت فيه مجسمات مشاهير وموجود نفس الشي في بينانق تايمز سكوير باسم wax museum
كله ثلج ودرجه الحراره تحت الصفر وهما يلبسوك جاكيت وجزم وجونتيات وموجود نفس الفكره في جنتنق باسم snowrld Snowalk
Trick art museum رسمات 3دي وموجود نفس الفكره في بينانق


باقي الألعاب :

الجمعه والسبت من الساعه 5 المسا الين الساعه 1 الصباح
باقي الأيام من الساعه 5 المسا الين 12 الصباح

أسعار الألعاب و ممشى الثلج سعره يفرق قبل الساعه 6 وبعده

نحن اكتفينا نشتري بطاقه ونشحنها ب 200 ورجعنا شحناها بعدين ب 20 وقت شراء البطاقه يكون الرصيد الفعلي 198 يخصموا 2 رينجت سعر البطاقه

ولازم من حركات والله انا ادفع لا انا ادفع وفي الأخير اتفقنا ندفع النص بالنص وعطلنا الشعب والناس يطالعوا والنهايه مع العرب دولا

واذا شحنت بطاقتك ب 200 يدوك تذكره هديه لدخول مهمه الفضاء


ملاحظه وقت لعب السيارات اللي تمر بالاشجار المضيئه اركبوا كل اثنين في عربه وحده مو شخص واحد وابتسموا لا اوصيكم لان فجأه يصوروكم

والحلو شراء الصور يكون الدفع من نفس البطاقه مو كاش



اخر شي لازم نمر على عصابه تكاسي أي سيتي وكنا نبغى نلحق اخر قطار ورفضوا يودونا ومصرين ان القطار راح وعرضوا علينا سيارتين وكل سياره ب 60 رينجت

صحبتي وافقت وانا اصريت عليها ان الموضوع نصب في نصب وقررنا نخلص شحن البطاقه وطلبنا اوبر لفندقها ومن هناك لسكنا وكانت التكلفه ب 45.30 رينجت

فانتبهوا من التكاسي النصابين في الاي سيتي

هذه الصورة تم تصغيرها . الحجم الافتراضي لها هو 1248x701.

ورجعنا البيت علىالساعه 1 ونص وعشانا كان برعايه 7 ايلفين نواشف واندومي بعد ما كانت الخطه نتعشى في أي سيتي بس الوقت كان مو في صالحنا


شحن بطاقه الاي سيتي ب 100 رينجت
كاندي كوتن ب 7 رينجت
7 ايلفين ب 30 رينجت


مصروفات اليوم :
المواصلات 85.72 رينجت
تذاكر الدخول 139 رينجت
مشتريات 234 رينجت
المجموع : 458.72









​

 

[براءة الورد]

الثلاثاء 8 نوفمبر 2016



ملخص اليوم و الاماكن اللي تم زيارتها :


تجربه استخدام الباصات لاول مره


زياده البيت المقلوب Upside Down Museum


زياره متحف 3D Trick Art Museum الترجمه العربيه مو متاكده منها اتوقع متحف الخدع الفنيه ثلاثيه الابعاد


زياره قلعه تاريخيه اسمها Fort Cornwallis


زياره بينانق تايمز سكوير و متحف الشمع Penang Fun Filled Wax Museum


تجربه مطعم هندي في باتوفرينجي Danish Briyani House



ان شاء الله بذكر جميع المعلومات بالتفصيل عن هـذي الاماكن وملاحظاتي






اصبحنا واصبح الملك لله


فطرنا والكل نشيط ومستعد لليوم الثاني في بينانق بس الاول فعليا


وقررت يكون الذهاب بالباص لجورج تاون و زياره بعض الاماكن فيها




وفتحت قوقل وشفت المحطه القريبه مننا واش الباصات اللي فيها



باصات الباتوفرينجي باصين ( ١٠١ _ ١٠٢ )

الاول كل ١٠ دقائق والثاني كل ساعه بس عموما الباصات مواعيد مو ثابته دائما تعتمد على الزحمه



( اسهل طريقه كنت اتبعها لاستخدام الباصات اني اشوف المكان اللي ابغى اروحه واشوف نقطه

توقف الباص الموجوده جنبه في قوقل ماب واشوف اش الباصات اللي تروحلهم وارقامهم
واشوف بعدها اذا في محطه الباصات اللي جنبي اذا فيها باص يروح لنفس المنطقه )

هذه الصورة تم تصغيرها . الحجم الافتراضي لها هو 1080x1920.

باصات الباتو فرينجي

هذه الصورة تم تصغيرها . الحجم الافتراضي لها هو 1080x1920.

علامه المحطات تضغطوا عليها عشان تعرفوا ارقام الباصات
ولاحظوا في سهم بيبن اذا الخط رايح او راجع
فلازم تحدد تعرف انت رايح ولا راجع

هذه الصورة تم تصغيرها . الحجم الافتراضي لها هو 1080x1920.

المحطه اللي ابغى اروح لها ولاحظوا اني مسويه حفظ لها
عشان لما يحرك الباص ويقرب من المحطه اعرف انها هذي اللي ابغاها وانزل



سبب استخدامي للباصات بعيدا عن أنه اقتصادي كان بسبب

اني اتراهنت انا وصحبتي اني استخدم الباصات في ماليزيا والمواصلات العامه


سبب الرهان انها قعدت تقول انتوا العرب والخليجيين او تربيه الخليج مرفهين وما استخدموا المواصلات العامه


قمت قلتلها حاشا و كلا بنستخدمها وحتشوفي


الله يسلمكم بعد ما فتحت قوقل ماب وحددت الباص اللي باستخدمه انا واهلي


ونزلنا الشارع وشفت نقطه توقف الباصات وفيه قروب قاعدين قلت بس يا بنت الدنيا سهالات وبتستخدمي الباص وبتكسبي الرهان


طبعا رهان بلوشي بدون فلوس


والله يا جماعه وننتظر عشره دقائق ويجي الباص










بس جا في الاتجاه المعاكس وطلعوا الركاب ومشيوا


وانا طلعت عيوني أطالع في القروب والاقيهم قاعدين ولا عليهم طلعوا هما كمان اجانب بس من شرق اسيا وقاعدين بدون اي سبب



وهنا اكتشفت اني في المكان الخطأ

طبعا السبب في الخطأ أن الطريق في السعوديه عكس ماليزيا وان يمينا يسارهم ويسارهم يميننا


قلنا عادي ورحنا للجهه الصح واستنينا فيها


بس من حيث لا اعلم تجي ترله كبيره ( السيارات الكبيره جدا )

وتوقف قدامنا

ويجي الباص الثاني ويروح وهو ما شافنا



قلنا هانت نستنى الصبر زين المهم نوقف في المكان الصح








ويجي الباص الثالث وما ادراك ما الباص الثالث




الباص الثالث شافنا واشرنا له وسوا نفسه مجنون وما يشوفنا

ودعس بالباص وما نشوف الا غباره



هنا انا اعصابي تلفت شمس وحر ومو قادره استخدم الباص


قمت سألت ناس بيشتغلوا انو الباص ما رضي يوقف قالوا عادي بعضهم مجانين استني







واستنينا وجا الباص الرابع


وطلعنا يا جماعه الخير وقلنا يارب لك الحمد







































.













































تحسبوا الموضوع انتهى هنا


ابدا







بعد ما طلعنا قال الرجال ادفعوا قلت ابشر من العين دي قبل العين دي





واطلع ١٠٠ رينجت وهنا الطامه الكبرى


طالع فيني قلي مافي فلوس مصروفه قلت ابدا مافي

قلي هش هش اطلعي من الباص



عدل بدل

رفض رفص تام


سألت اللي في الباص معاك صرف

وطبعا ادن من طين وادن من عجين

ماحد مهتم في الموضوع







وانطردت من الباص



وهنا الوالد قرر يسحب نفسه ويروح الشاطئ ورفض يروح معانا




بس انا قلت اليوم استخدم الباص لو فيها اللي فيها

ورحت صرفت الفلوس









وجا الباص الخامس ولله الحمد والمنه

وتم الصعود بسلام


بعد معاناه ٤٠ دقيقه

هذه الصورة تم تصغيرها . الحجم الافتراضي لها هو 881x1322.

بس انتصرت للعرب وحسنت الصوره واستخدمت الباصات والقطارات والمترو والمونوريل


باقي التوك توك نجربه في رحله ثانيه ودوله ثانيه باذن الله





عموما اذا عندكم مواقف طريفه صارتلكم في السفر ادخلوا حكونا في هذا الموضوع



http://www.arabtrvl.com/vb/t25192.html





ما يستفاد من الموقف الطريف :


اولا لا تنسوا ان اللي رايح جاي واللي جاي رايح


ثانيا احتفظوا بفلوس مصروفه اذا حابين تستخدموا الباصات
( خصوصا السنتات لا تستهونوا فيها لان بعض الحمامات العامه يطلبوكم 20 سنت او 50 سنت لاستخدام الحمام )

>>> لا تتوقعا سائق الباص حيشتغل كاشير فوق ما انه السائق

ثالثا اذا اول مره تجرب الباص لا تتوقع الباص بيستنى الين تقعد في الكرسي مباشره يمشي


فاذا كنت اخر واحد مباشره امسك في الحديد
ولما يوقف الباص اقعد على الكرسي او حتلاقي نفسك في حضن اي احد

للاسف اغلب الصور الشخصيه و الصور اللي اخذتها للمنتدئ طارت

لاني كنت مصورتها في اجهزه اهلي وارسلوها واتس اب ولما انحذف الواتس طارت الصور


والله مقهوره فوق ماتتصوروا الصور جدا جميله واغلبها في المتاحف

:15:



بحط اللي موجود وباخذ بعضها من الموقع الاجنبي


البيت المقلوب Upside Down Museum

كل شي في المكان مقلوب حتى المدخل

وفي الداخل لاحظت انهم قالبين حتى التلفزيون

يعني بيت مقلوب بحق وحقيقة

اشترينا تذاكر لاربعه اشخاص بمبلغ ١٠٠ رينجت بعد ما خصموا ٨ رينجت

والخصم جاني بالصدفه عشان اوصل للمكان قعدت اسأل المحلات اللي جنبهم
وصاحب محل بقاله قال عنده اوراق خصم للمتحف اذا ابغى عاد مين يقول لا

هذه الصورة تم تصغيرها . الحجم الافتراضي لها هو 1402x2496.

الخزانه مقلوبه كمان

طبعا لحفظ المتعلقات الشخصيه والأحذية وانتوا بكرامه ومجانيه

حبيت ان الدخول بأعداد معينه وممكن تستنى وقت بسيط قبل ماتدخل
انا تقريبا استنيت دقيقتين وهذا يساعد الزائر والموظفين وقت اخذ الصور

هذه الصورة تم تصغيرها . الحجم الافتراضي لها هو 1150x767.

البوابه اللي تدخلك للمبنى

هذه الصورة تم تصغيرها . الحجم الافتراضي لها هو 1080x1812.

هذه الصورة تم تصغيرها . الحجم الافتراضي لها هو 1080x1812.

هذه الصورة تم تصغيرها . الحجم الافتراضي لها هو 1080x1812.

اهم شي لا تنسوا تتصوروا فوق البيانو جميله الصوره

وكمان لا تنسوا تتصوروا عند طاوله البلياردو التصوير فيديو وليس فوتو


ما حبيت احط صور كثيره عشان لا احرق عليكم المكان

بس حبيت ديكوراتهم حسيتها احلى من الديكور الحديث اللي في البيت المقلوب اللي في كوالالمبور

المكان ممتع للصغار والكبار حتى مامتي انبسطت وهيا تتصور فيه



الموقع واحداثياته من قوقل ماب :

المتحف في جوروج تاون في منطقه شعبيه بين ازقه وكان غلطتي رحتله مشي من برج كومتار
مو بسياره بس المتحف جميل مع العلم في بيت مقلوب في كوالالمبور

بس انا حبيت صور المتحف اللي في بينانق من اللي في كوالالمبور

لان الاثاث كان كلاسيك وحسيت تصميم يوناني
الموظفين جدا متعاونين وكل صورنا بجوالاتنا وماحد صورنا بكام


https://www.google.com.sa/maps/place...0.333484?hl=ar



الموقع الرسمي :

المتحف ماله موقع رسمي مجرد صفحه في الفيس بوك
اذا احد حاب يشوف صور اكثر عن المكان واذا صار تحديث في الاوقات ممكن يطلع عليه





اسعار الدخول :

البالغ ٢٧ ريجت والاطفال من ( ٥ الى ١٢ ) ب ١٦ رينجت





ساعات العمل والأوقات من صفحتهم في الفيس بوك:

جميع الايام

السبت والاحد من ٨:٤٥ صباحا الى ٧:٣٠ مساء اخر وقت للدخول ٦:٣٠

من الاثنين الى الجمعه من ٨:٤٥ صباحا الى ٦:٣٠ مساء اخر وقت للدخول ٥:٣٠



ملاحظه احيانا قوقل ماب تكون معلوماته غلط عن ايام وساعات العمل
فالافضل ترجعوا للموقع الرسمي ولاحظت هذا الشي اكثر من مره

طبعا الاوقات الصحيحه تكون من الموقع الرسمي



البيت المقلوب في كوالالمبور

قريب من المناره

افتكر اثناء بحثي في المواقع الاجنبيه ان سعر دخول البالغ 29 رينجت





طلبنا اوبر لمتحف 3D Trick Art Museum المكان قريب لما شفته في الخريطه مشي بياخذ 20 دقيقه يمكن

بس وقت الظهر وشمس فضلت اطلب اوبر تقريبا عشان نوصل المكان اخذ مننا 8 دقاق بسبب زحمه الشوارع وضيقها




عندي كذا ملاحظه على بعض سواقين اوبر >>> الله يعينكم ملاحظاتي كثيره استحملوني




في سواقين محترمين وقت الحساب واذا كان في سناتات ما يطلبوها هذولا انا احب اديهم السناتات واخليها ريينجت


وفي سواقيين حقانيين يدوك المبلغ زي ماهو ويرجعوا الباقي وانا هنا اخذ الباقي



وفي سواقيين يستعبطوا ويقولوا مافي صرف وانا امشي بكيفي



بستثناء واحد فيهم عصبت عليه الحسابت كان زياده سنت واحد بس

مثلا 4.1 رينجت خلاه 5 رينجت ويقولي نظام اوبر

انا هنا عصبت قلتله تستغفلني ولا ايش انا استخدم اوبر دايما وادفع بالسنت
و هذا مو نظام اوبر وانت قاعد تكذب >>> اديته العين الحمرا

ساعتها خاف الرجال وقال انو راجع لك تبي تدفعي او لا

>> طبعا مع نفسه ادفع زياده انا امشي بمزاجي لكن كذب واستغفال لا



اكيد فكر عربيه او خليجيه عندها بئر نفط خلينا نضحك عليها

عشان كذا اذا احد فيكم صارله نفس الموقف لا يصدقهم لانهم كذابين


واكثر شي قهرني ان اللي سووا دي الحركات مسلمين واللي يرفضوا ياخذوا السنتات صينيين

ملاحظه انتبهوا اذا طلبتوا اوبر اكس ال وجاتكم سياره صغيره واستخدمتوها
اكتبوا في التقييم ان السياره صغيره مو كبيره
لانكم بتدفعوا زياده وهو حاشركم في سيارته


اوبر ميزتهم اذا قدمت شكوى يرجعولك فلوس في رصيدك


ملاحظه ثالثه مره استخدمت جراب وانا رايحه صن وي لاقون وكان السعر 26 رينجت بس طلب رينجت زياده لانه استخدم بطاقته لما خرجنا من كوالالمبور لسن وي لاقون للامانه ما ناقشته الادمي كان محترم

بس على ما اعتقد مو من حقه يطلبني شي


احد عنده فكره هل من سياسه جراب ادفعله او لا ؟

هذه الصورة تم تصغيرها . الحجم الافتراضي لها هو 1200x1600.

الحمدلله وصلنا المتحف بس قبل لا ندخل دورنا مصلى عشان صلاه الظهر وكانت معاناه الين لقينا احد يعرف فين المصلى

لاحظت اغلب السكان صينيين قليل الماليزيين المسلمين


ماما تعبت من المشي واللفلفه وولدنا جنتل مان رفض انها تقعد لحالها تستنى قرر يقعد معاها

فدخلنا انا واختي فقط وكان المبلغ 40 رينجت بعد الخصم


واخذنا صوره من عندهم ب 25 رينجت


الخصم اللي ذكرته قبل كذا في بدايه التقرير
( ملاحظه حاليا العروض كلها تنتهي في 31 ديسمبر فاللي بيسافروا يستنوا الين نتتهي السنه ويشيكوا على الموقع )

انا نزلت نسخ بعددنا لانهم يكتبوا الرقم اللي انا حاطه عليه دائره ويتاكدوا انه مو مكرر

واحتفظت بالنسخ في ايميل مو مطلوب طباعته

mypenang.gov.my

هذه الصورة تم تصغيرها . الحجم الافتراضي لها هو 1262x2246.

منتشره هذي الفكره في المتاحف تحط 5 رينجت في المكينه وتختار الصور اللي تبغاها

وينزلك زي العمله المعدنيه عليها صوره من المتحف والمدينه

جميله للي يحبوا يحتفظوا باشياء من المدن اللي يزوروها

هذه الصورة تم تصغيرها . الحجم الافتراضي لها هو 1600x1200.

هذه الصورة تم تصغيرها . الحجم الافتراضي لها هو 1600x1200.

لاحظت اثناء البحث ان فكره المتحف ذا منتشره في بينانق بكثره ولها اماكن كثيره



بس الخدعه الاخيره هيا السبب في اختياري للمتحف هذا

هذي غرفه بحجم واحد بس فيها خدعه تعتمد على الزوايا وقياس المربعات السودا والبيضا

بحيث يظهر شخص عملاق والثاني قزم


عموما المكان جميل جدا تعيش جميع انواع المغامره

تزلج _ سكاي دايفنق_ لعب كره سله مع مايكل جوردن ( اتوقع كذا اسمه )
مواجه حيوانات وحشرات عملاقه _ تعيش جو الشهره في الرد كاربت _ الغوص في المسبح


الموظفين متعاونين اتمنيت ان عندهم خزانه لوضع الجزم وانتوا بكرامه
لان بعض الاماكن وقت التصوير يطلبوا نزعها


والافضل كمان تنزعوا الشراب لانه ما يساعدكم في بعض الوضعيات اثناء التصوير




الموقع واحداثياته من قوقل ماب :

المتحف كمان في جورج تاون بس المحيط افضل على شارع مو زقاق شعبي


https://www.google.com.sa/maps/place...4!4d100.341696



الموقع الرسمي :


Penang 3D Trick Art Museum



اسعار الدخول :

البالغ 25 ريجت والاطفال ب 15 رينجت





ساعات العمل والأوقات من قوقل ما و تريب ادفايزر :

جميع الايام


السبت والاحد من 9 صباحا الى 8 مساء


من الاثنين الى الجمعه من 9صباحا الى 6 مساء

هذه الصورة تم تصغيرها . الحجم الافتراضي لها هو 1080x1812.

قلعه تاريخيه


بنيت في عام 1786

سبب بنائها استعانه سلطان كيدا او قدح بالبريطانيين لحمايتهم من امبروطوريه تايلاند

البرطانيين ارسلوا الكابتن فرانسيس لايت لحمايتهم


القلعه تم اجراء تحدثيات عليها وزياده بعض المباني خلال السنين

بس بشكل عام كل شي موجود فيها من الاثار القديمه





انا كنت متوقعه دخول القلعه مجاني لاني قبل ما اروحها مالقيت اي معلومات عنها

بس طلع لها رسوم دخول وفيها مرشد يشرحلك جميع الاثار

انا اخذت جوله سريعه وسألتها عن المعلومات والاشياء اللي جات في بالي



وهنا الفرق بينها وبين المتاحف اللي زرتها ما كان فيها مرشدين وجود المرشد
يسهل حصولك على المعلومات اللي انت تبغى تعرفها


عكس الموظفين ما يعرفوا اي معلومه عن المكان وما عندهم اجوبه



اذا كنت مهتم بالتاريخ اتوقع بتستمع في القلعه والجوله مع المرشد

بس كعائله ما اظن المكان ممكن يكون ممتع

انا اكتفيت اني ادخل المكان لحالي واهلي انتظروني على البحر

هذه الصورة تم تصغيرها . الحجم الافتراضي لها هو 1496x2663.

هذه الصورة تم تصغيرها . الحجم الافتراضي لها هو 2397x1347.

هذه الصورة تم تصغيرها . الحجم الافتراضي لها هو 1893x3370.

اماكن للتصوير

هذه الصورة تم تصغيرها . الحجم الافتراضي لها هو 1997x1122.

هذه الصورة تم تصغيرها . الحجم الافتراضي لها هو 1347x2397.

مقهى

هذه الصورة تم تصغيرها . الحجم الافتراضي لها هو 1496x2663.

هذه الصورة تم تصغيرها . الحجم الافتراضي لها هو 1496x2663.

هذه الصورة تم تصغيرها . الحجم الافتراضي لها هو 1309x2330.

هذه الصورة تم تصغيرها . الحجم الافتراضي لها هو 1515x2697.

مدفعيه

هذه الصورة تم تصغيرها . الحجم الافتراضي لها هو 1869x3328.

هذه الصورة تم تصغيرها . الحجم الافتراضي لها هو 1496x2663.

مكان حفظ الاسلحه

هذه الصورة تم تصغيرها . الحجم الافتراضي لها هو 2330x1309.

الكنيسه كان بيستخدمها الكابتن للعباده ووصع الخطط وباقي المكان مخازن ومكان سكن

هذه الصورة تم تصغيرها . الحجم الافتراضي لها هو 1309x2330.

هذه الصورة تم تصغيرها . الحجم الافتراضي لها هو 1683x2996.

برج المراقبه

هذه الصورة تم تصغيرها . الحجم الافتراضي لها هو 2397x1347.

ساحه استحدثوها لعمل الاحتفالات والعروض

عاد كنت متوقعه الموضوع دراماتيكي اكثر وانهم بيستخدموه لتنفيذ الاعدام



الموقع واحداثياته من قوقل ماب :

المكان جدا قريب من المتحف السابق تقريبا مشي 5 دقائق

https://www.google.com.sa/maps/place...!4d100.3438699


اسعار الدخول :

البالغين 20 رينجت والاطفال 10 رينجت



ساعات العمل والأوقات من قوقل ماب :

جميع الايام من 7 الصباح الى 10 المسا

هذه الصورة تم تصغيرها . الحجم الافتراضي لها هو 1080x1812.

قلعه تاريخيه


بنيت في عام 1786

سبب بنائها استعانه سلطان كيدا او قدح بالبريطانيين لحمايتهم من امبروطوريه تايلاند

البرطانيين ارسلوا الكابتن فرانسيس لايت لحمايتهم


القلعه تم اجراء تحدثيات عليها وزياده بعض المباني خلال السنين

بس بشكل عام كل شي موجود فيها من الاثار القديمه





انا كنت متوقعه دخول القلعه مجاني لاني قبل ما اروحها مالقيت اي معلومات عنها

بس طلع لها رسوم دخول وفيها مرشد يشرحلك جميع الاثار

انا اخذت جوله سريعه وسألتها عن المعلومات والاشياء اللي جات في بالي



وهنا الفرق بينها وبين المتاحف اللي زرتها ما كان فيها مرشدين وجود المرشد
يسهل حصولك على المعلومات اللي انت تبغى تعرفها


عكس الموظفين ما يعرفوا اي معلومه عن المكان وما عندهم اجوبه



اذا كنت مهتم بالتاريخ اتوقع بتستمع في القلعه والجوله مع المرشد

بس كعائله ما اظن المكان ممكن يكون ممتع

انا اكتفيت اني ادخل المكان لحالي واهلي انتظروني على البحر

هذه الصورة تم تصغيرها . الحجم الافتراضي لها هو 1496x2663.

هذه الصورة تم تصغيرها . الحجم الافتراضي لها هو 2397x1347.

هذه الصورة تم تصغيرها . الحجم الافتراضي لها هو 1893x3370.

اماكن للتصوير

هذه الصورة تم تصغيرها . الحجم الافتراضي لها هو 1997x1122.

هذه الصورة تم تصغيرها . الحجم الافتراضي لها هو 1347x2397.

مقهى

هذه الصورة تم تصغيرها . الحجم الافتراضي لها هو 1496x2663.

هذه الصورة تم تصغيرها . الحجم الافتراضي لها هو 1496x2663.

هذه الصورة تم تصغيرها . الحجم الافتراضي لها هو 1309x2330.

هذه الصورة تم تصغيرها . الحجم الافتراضي لها هو 1515x2697.

مدفعيه

هذه الصورة تم تصغيرها . الحجم الافتراضي لها هو 1869x3328.

هذه الصورة تم تصغيرها . الحجم الافتراضي لها هو 1496x2663.

مكان حفظ الاسلحه

هذه الصورة تم تصغيرها . الحجم الافتراضي لها هو 2330x1309.

الكنيسه كان بيستخدمها الكابتن للعباده ووصع الخطط وباقي المكان مخازن ومكان سكن

هذه الصورة تم تصغيرها . الحجم الافتراضي لها هو 1309x2330.

هذه الصورة تم تصغيرها . الحجم الافتراضي لها هو 1683x2996.

برج المراقبه

هذه الصورة تم تصغيرها . الحجم الافتراضي لها هو 2397x1347.

ساحه استحدثوها لعمل الاحتفالات والعروض

عاد كنت متوقعه الموضوع دراماتيكي اكثر وانهم بيستخدموه لتنفيذ الاعدام



الموقع واحداثياته من قوقل ماب :

المكان جدا قريب من المتحف السابق تقريبا مشي 5 دقائق

https://www.google.com.sa/maps/place...!4d100.3438699


اسعار الدخول :

البالغين 20 رينجت والاطفال 10 رينجت



ساعات العمل والأوقات من قوقل ماب :

جميع الايام من 7 الصباح الى 10 المسا

هذه الصورة تم تصغيرها . الحجم الافتراضي لها هو 1150x767.

هذه الصورة تم تصغيرها . الحجم الافتراضي لها هو 1080x1812.

هذه الصورة تم تصغيرها . الحجم الافتراضي لها هو 1080x1812.

هذه الصورة تم تصغيرها . الحجم الافتراضي لها هو 1635x2912.

هذه الصورة تم تصغيرها . الحجم الافتراضي لها هو 1635x2912.

المكان حسيته عادي لا حبيته ولا كرهته

بس فيه مشاهير كثير مغنيين ممثلين سياسيين علماء حكام

عندي توقع ان متحف الشمع اللي في الاي سيتي افضل حسيت مدخله مرتب من برى




الموقع واحداثياته من قوقل ماب :


داخل بينانق تايمز سكوير

https://www.google.com.sa/maps/place...!4d100.3253729



اسعار الدخول :


البالغين ب 37 رينجت

الاطفال مو متاكده



ساعات العمل والأوقات من موقع اجنبي :

كل يوم من 10 الصباح الى 10 المسا

هذه الصورة تم تصغيرها . الحجم الافتراضي لها هو 1080x1812.

هذه الصورة تم تصغيرها . الحجم الافتراضي لها هو 1080x1812.

هذه الصورة تم تصغيرها . الحجم الافتراضي لها هو 1080x1812.

حبيت ديزان المول كله رسمات ثري دي ومجسمات

هذه الصورة تم تصغيرها . الحجم الافتراضي لها هو 3328x1869.

هذه الصورة تم تصغيرها . الحجم الافتراضي لها هو 1869x3328.

هذه الصورة تم تصغيرها . الحجم الافتراضي لها هو 1080x1812.

وذقت اطعم وافل في حياتي من المحل هذا


كنت انا واختي نمشي ولاول مره نشم ريحه اكل حلوه في ماليزيا
وصرنا نمشي ونشمش الين لقينا المحل


تلاقوه جهه الفود كورت

لا احكيلكم على الطعم لذيذ الين خلاص


والنكهه اللي بزبده جوز الهند والفول السوداني لازم تجربوها





جذبني هذا المبنى فيه مطعم ماكدومالدز بس المبنى من ايام البريطانيين من عام 1908

في الرجعه اتوجهت لبرج كومتار حسيت المكان موقع رئيسي لجميع الباصات كانه المحطه الرئيسيه








بعد العوده والراحله في السكن لازم ننزل نمشي في السوق الليلي حبيت الجو فيه


صحيح انها متاحف بس تاخذ وقت تقريبا رجعنا الساعه ٧ المغرب
يعني اخذت يوم كامل

هذه الصورة تم تصغيرها . الحجم الافتراضي لها هو 1080x1812.

هذه الصورة تم تصغيرها . الحجم الافتراضي لها هو 1498x841.

حبيت المطعم الهندي هذا اكلهم طعم واسعارهم رخيصه والمكان ماله ريحه سيئه ونظيف


طلبت منه لومين ورا بعض ويوصلوا للفنادق


التيكا مسالا جدا طعم عندهم و البرياني

بس غلطتي طلبت من عندهم كباب

هههههههههههههههههههههههه طبعا ماحد عجبه
اكل شامي من مطعم هندي اكيد بيكون سيء
مدري فين كان عقلي


مكانه جنب كنتاكي وقبال محطه بترونس



العشا كان منه ومن كنتاكي



ولا زال التهاب حلقي مستمر وبدات الكحه

فمريت الصيدليه واشتريت ادويه

بس ما استخدمت ولا شي منها لانها ضاعت في الطريق وانا راجعه

ورجعت للصيدليه الساعه 9 ولقيتها مقفله



عشان كذا اي احد يتعب بعد الساعه 9 او قبل 9 بشويه لا يضرب مشوار للصيدليه

اذا كان جدا تعبان يتوجه لاقرب عياده او مستشفى



موقع الصيدليه جنب كنتاكي وسوبر ماركت 7 الفن

بس موقعها مواضح لانها في اللفه





مصروفات اليوم :


باص الى كومتار لاربعه اشخاص ب ١٠.٦٠ رينجت
الدخول الى البيت المقلوب ب ١٠٠ رينجت
اوبر االى 3 دي ترك ب 4 رينجت
تذاكر متحف 3 دي ترك ب ٤٠ رينجت
صوره من متحف ال ٣ دي ب ٢٥ رينجت
دخول الى اثار البريطانيين ب ٢٠ رينجت
من هناك الى بينانج تايمز سكوير ب ٥ رينجت
متحف الشمع ثلاثه تذاكر ب ١١١ رينجت
كراسي المساج ب 5 رينجت
5 حبات وافل وذره ومويه ب 23 رينجت
باص الى باتو فرنجي ب ١٠.٨
عشا من مطعم هندي رز برياني و تيكا مسالا و عيش نان ب ٤٠ رينجت
ادويه ب ٣٥
من كنتاكي ثلاثه توستر وحلا ليمون ب ٢٢.٥
اوبر ب ٥ رينجت


المجموع كامل 456.9





انا ذكرت مطعم شفته في شارع الباتوفرينجي بس ماكنت عارفه اسمه
طلع اسمه GOLDEN THAI

وهذي صور اكثر له من تقرير قصه حب

http://www.arabtrvl.com/vb/291928-post104.html






​

 

[براءة الورد]

الخميس 10 نوفمبر

الحمدلله دائما وابدا بعد ليله قضيتها وانا مسخنه وارجف
ومافي بطانيه ولا شرشف ولا منشفه ما تغطيت فيها

قررت الصباح اروح اقرب عياده وجهزت جوازي وطلبت جراب
وحددت المكان بشكل عشوائي وحطيت اني ابغى الصيدليه

وصلت السياره ووضحتلها اني ابغى اقرب عياده
كانت تبغى توديني مستشفى جوروج تاون
وقالتلي بس حتدفعي زياده قلتلها مو مشكله

بس انا ابغى العياده اللي في باتوفرينجي وطلعت العياده جدا قريبه
بس دفعتلها زياده مع ان المشوار قريب جدا
قلت المسلمون على شروطهم


نجي للعياده اول مادخلتها جاتني غمته
وقبل لا ادخل شفت الناس تاركه جزمهم سبت الجزم زيهم وانتوا بكرامه


صراحه سألت احد المراجعين وقلتله ليه نتركها برى قال لاسباب دينيه وهنا زاد استغرابي
بس اذا عرف السبب بطل العجب العياده كل اللي فيها هندوس الدكتوره الموظفين

عبيت الاستماره وكان مطلوب رقم جواز السفر ورقم الجوال ومكان السكن الخ ...

بعد انتظار ساعه ونص دخلت على الدكتوره وبعد كشفيه سريعه
قالتلي انتظري برى عشان تستلمي الادويه

طبعا شافتني عربيه قامت بنفسها تجهزء الادويه
وطلبوا مبلغ 225 سألتها اش الادويه دي

كحه زكام سخونه وحبوب ستربسلز و مضاد حيوي
ومافي فاتوره مفصلين فيها المبلغ

صراحه حسيتهم قمطوا لما شافوني اسأل وبيان وضعهم نصب في نصب

بس والله مع التعب ما اتناقشت ودفعت المبلغ ومشيت

وبعدها اكتشفت ان قيمه الادويه ماتتعدى 100 رينجت

( عموما ادويتهم ما كان لها اي تأثير بس اهم شي ان السخونه راحت )


ولقيت عرب كثير في العياده وطبعا نفس الاسغتلال حيصير

نصيحتي تعبان روح مستشفى في جورج تاون على الاقل بتستلم فاتوره فيها مبلغ معقول



بعدها طلبت جراب وحددت الموقع صح وطلعلي المبلغ 5 ريجت

واتواصلت مع السائق وانو انا لابسه عبايه وكذا كذا



شويه وصلت سياره واشرلي الرجال


ركبت يا جماعه مباشره وما سألت عن اي شي وهذي غلطه كبيره مني
وبدا يعرض عليا الاماكن ووصلت مكان السكن
وقلي خذي رقمي قلتله اخذ رقمك ليه وانا عندي
قلي خذيه فكرت ان عنده رقم ثاني وبدأت اسجل رقمه


الا يجيني اتصال ورديت الا الردال يقول انا جراب مستنيك
كيف ما كيف انا واحد وصلني قلي انا السائق وانا مستنيك


والله يا جماعه طاح قلبي من غبائي
اتخيلت لو كان واحد مجرم او نصاب او او او
وشردت جري ولا اخذت رقمه ولا شي
بس كنت محاسبته ومخلصه

( عاد لا اوصيكم بادعيه الخروج واستودعوا الله كل شي )



انا رغم جرأتي واخرج لحالي وماعندي خوف
بس اخاف من السيارات الخاصه اللي زي كذا
بس الحمدلله جات سليمه و زي ما يقولوا غلطه الشاطر بالف
مهما كان كان لازم اكون حذره اكثر في النهايه انا في دوله غريبه



الحمدلله بعد مارجعت وفطرت واخذت الادويه قررنا نخرج
بابا و ولد عمتي قرروا يسبحوا
اختي مسكينه جاها التهاب في العين وصارت عيونها محمره
ومو قادره تفتحها وقعدت معاهم



كنت محتاره اروح هضبه بينانج او الشلالات

بس بسبب الامطار خفت ان المكان ما يساعدك على المشي

او ممكن الصخر يزحلق او تمطر وانا في المكان



قررنا نروح الهضبه وبما اننا اثنين قررنا نستخدم الباص الين محطه سانت انجيلز وبعدها اطلب جراب
تذكرتين باص ب 4 رينجت و جراب ب 7 رينجت تكلفه المشوار 11 رينجت

الباصات اسرع من المتوقع زيها زي السياره قوقل ماب يبالغ في الوقت اللي يقوله
والصراحه متعه استخدام الباصات وخصوصا الطريق محاوطه البحر والباصات مرتفعه
يكون عندكم فيو جيد

تذكرتين ليا ولمامتي << شكل السخونه اثرت على مخي وصورتها بالمقلوب

هذه الصورة تم تصغيرها . الحجم الافتراضي لها هو 1024x575.

كالعاده مكان لتصوير

في انتظار القطار والخطه الصعود في المقدمه

بس غلطتي ركبت في ثاني وحده وما شفت شي مع الزحمه

عموما نصيحه جهزوا اللبان لان الضغط عالي وقت الصعود والنزول

هذه الصورة تم تصغيرها . الحجم الافتراضي لها هو 1024x575.

وصولنا للهضبه كان الساعه 1 الظهر فاول شي سويناه قعدنا ندور على المسجد

وبعد الصلاه اخذنا وقت في المسجد لان لقينا ترحيب فضيع من بعض الحجاج

واللي قعدوا يكلمونا شويه عربي ويحكونا عن زيارتهم لمكه والمدينه

وتجربتهم بشكل عام


اجمل استقبال واجمل شعور والرابط الوحيد الدين الاسلامي

والله حسينا بين اهلنا واخواتنا

اماكن وضوء الرجال

تصدقوا مويه الوضوء ماعمري شفت زيها

بارده برود مو طبيعي كانها ثلاجه وحسيت طعمها عذب

مدري اش مصدر المويه عندهم

الصراحه اتمنيت اشرب منها

هذه الصورة تم تصغيرها . الحجم الافتراضي لها هو 1024x575.

هذه الصورة تم تصغيرها . الحجم الافتراضي لها هو 1812x1080.

هذه الصورة تم تصغيرها . الحجم الافتراضي لها هو 1812x1080.

هذه الصورة تم تصغيرها . الحجم الافتراضي لها هو 1024x575.

اخذنا جوله بالقولف كار واخترت شاب صغير اتوقع سنه تحت 18 سنه
لان هيئته صغيره و عرضه كان حلو 30 دقيقه ب 30 رينجت
وقلي 4 كيلومترات قلتله طيب

بس بمجرد ما عدينا 2 كيلو قال لازم نرجع قلتله مو هيا 4 كيلومترات
طلع 2 كيلو رايح و 2 راجع


بس جوله جميله وقفنا وتصورنا وشفنا المنطقه البعيده ومرينا بفنادق و كافيه

صندوق بريد من اثار البريطانيين

لبى جده يا ناس عالميه اسمها مع دبي وباريس وهونغ كونغ

احم احم تحيه لكل اهالي جده

منظار للمراقبه

انا لقيت واحد شغال بدون ما ادفع فلوس

صراحه الفيو خطير ومع الزوم شي جنان

طالما اليوم كله قضيته في الهضبه خليني اقلكم معلومات عنها

هضبه بينانج هيا اقدم مركز للبريطانيين في شرق اسيا من اواخر 1700 ميلادي
اعلى نقطه في الهضبه ترتفع عن سطح البحر ب 2,732 قدم
سكه الحديد بدأت في اكتوبر 1923

وهنا مربط الفرس اختكم في الله قبل ماتعرف هذي المعلومات

كنت متوقعه اني بركب القطار البريطاني وحتى استفسرت من واحد من السواقين

واتوقع الادمي حسبني مجنونه او خبله وقلي ان القطار جديد وغيروه اكثر من مره
واخر مره في ابريل 2011


شايفين القطار الخشبي هذا جزء حقيقي من القطار القديم
صراحه لما شفته حسيت بغبائي الشديد

عاد لا اوصيكم صوروا فيه وافتكروني

صوره للقطار من الموقع الرسمي

الفيدوهات كلها من تصوير الوالده

بس اذا سمعتوا صوت كحه هذي انا

هذه الصورة تم تصغيرها . الحجم الافتراضي لها هو 1024x575.

حديقه بس مدري حديقه زهور ولا توابل
ولا ايش بالضبط لاني مادخلتها

متحف الالعاب

متحف بسيط جدا اتوقعته بيكون بجوده متحف الالعاب اللي في باتوفرينجي بس ما اضن

يعني جميع الالعاب اشتروها من النت وصلتهم في كونتينر واحد


اما متحف الالعاب اللي في الباتوفرينجي قريت ان صاحبه تقريبا 35 سنه وهو يجمع فيها

بس بالنسبه لسعر المكان يعتبر مقبول

البالغ 10 والطفل 8 رينجت والاجانب والمواطنين نفس السعر

مين يفتكر عبقور

دحين اتغير اسمه

بعدها دخلت سينما 5 دي بنفس التذكره


اللي يضحك الموظف قعد يناديني حبيبي وحبيبي
قلتله ترى عيب تقولها لسيده عربيه

ووضحتله المعنى


الفيلم كان عن علاء الدين وياسمينه وفيه رقص شرقي
واخر مشهد اكثر مشهد زعلني انتهت الرقصه
في فلسطين جنب قبه الصخره والمسجد الاقصى

والله فكره سيئه عن العرب والمسلمين يوصلوها للاطفال

الله المستعان


المبنى كان مبنى البريد عمره 150 سنه

الموقع الرسمي :

Penang Hill


موقع الهضبه :


https://www.google.com.sa/maps/place....2697867?hl=ar

اسعار التذاكر :

هذه الصورة تم تصغيرها . الحجم الافتراضي لها هو 1024x575.

الخط العادي :

البالغ تذكره ذهاب وعوده ب 30 رينجت ذهاب فقط 15

الطفل من 4 الى 6 سنين ب 5 رينجت

الخط السريع :

البالغ ذهاب وعود ب 60 رينجت ذهاب فقط ب 30 رينجت

الاطفال من 4 الى 6سنين ب 5 رينجت



عموما انا ما استوعبت لفكره الخط السريع حتى لو عديت الناس كلهم
في الاخير القطار زحمه الين خلاص
والناس داخله في بعض


خريطه للمكان :

( الصوره من موقع اجنبي )

انا نسيت اخذ خريطه اول ماوصلت
فالاخير شفتها وانا خارجه بس اطلعت عليها على السريع
عشان اتأكد اني شفت كل الاماكن المهمه



اوقات العمل :

كل يوم من الساعه 6:30 الصباح الى 11 الليل

شراء التذاكر يقفل 10:30

اخر قطار يصعد الساعه 11



من وجه نظري افضل وقت لزياره الصباح بدري او العصر
فتره الظهر الجو فيها متقلب صحيح المكان بارد بس في مناطق فيها شمس
فاللي يصير فجأه برد فجأه حر وممكن الواحد يمرض مع تقلب الجو


اللي حاب يشوف صور اكثر الاخت قصه حب ما قصرت
صورت المكان بشكل جميل

http://www.arabtrvl.com/vb/293363-post161.html

هذه الصورة تم تصغيرها . الحجم الافتراضي لها هو 1024x575.

وجهتنا الثانيه كانت دومينوز اللي مقابل بينانج تايمز سكوير
اخذنا باص رقم 204 الى كومتار بس وقفت للمحطه اللي جنب دومينوز


الشباب هلكونا اتصالات نبغى وافل وبليز وجيعانين
واخر يوم ونفسنا فيه


صراحه البيتزا مره طعمه واهم شي العجينه مو مزيته
المنيو فيه اختلاف بس وصفتلهم البيتزا اللي ابغاها
وقلتلهم بدون اناناس

انا اختار نكهه زبده جوز الهند مع الفول السوداني

يمي يمي

الجو فجأه بدا يمطر وانا ضيعت مظلتي في الهضبه

ولي حكايات وروايات مع المطر وما تكون معايا المظله

ولما اخذها سبحان الله ماتمطر

طلبت اوبر لمبنى كومتار ومن هنا بالباص للباتوفرينجي

تقريبا المشوار بالباص 40 دقيقه

صوره ليليه من الشاطئ


طبعا كل انثنين يمشوا سوا حافيين على الرمل

وانا مستكنه لحالي اتأمل في البحر




طبعا اخر يوم لازم نغسل الملابس وننشفها وترتيب الشنط
وتعضنا من غلطتنا السابقه ونمنا بدري



المصروفات كامله



من السكن الى عياده فيرنجي ب ١٠ رينجت
ادويه ب ٢٢٥ رينجت
مويه من سوبرماركت السكن ب ٢ رينجت
باص ل سانت انجيلز لشخصين ب ٤ رينجت
اوبر تو بينانج هيل ب ٧ رينجت
الدخول لشخصين ذهاب وعوده ب ٦٠
جوله بالقولف كار ٣٠ دقيقه ب ٣٠ رينجت
متحف الالعاب و ٥ دي سينما لشخصين ب 20 رينجت
باص رقم ٢٠٤ لشخصين ب ٤ رينجت
غدا في دومينوز لشخصين ب ٣٠ رينجت
وافل من تايمز سكوير وذره ب ٢٢.٥
اوبر من بينانج تايمز سكوير الى كومتار ب ٤.٢٠ رينجت
باص لباتوفرينجي لشخصين ب ٥.٤٠ رينجت
دفعت باقي مبلغ الرسام ٥٠ رينجت
دفعت مبلغ اليوم السابق لمساج الراس ب ٢٥ رينجت
عيش ومويه 13.40
ايسكريم من ماك ب 5 رينجت
قطره عين ب ١٥ رينجت


المجموع 532.5


نلقاكم في اسبوع في كوالالمبور






​

 

[براءة الورد]

الخميس 10 نوفمبر

الحمدلله دائما وابدا بعد ليله قضيتها وانا مسخنه وارجف
ومافي بطانيه ولا شرشف ولا منشفه ما تغطيت فيها

قررت الصباح اروح اقرب عياده وجهزت جوازي وطلبت جراب
وحددت المكان بشكل عشوائي وحطيت اني ابغى الصيدليه

وصلت السياره ووضحتلها اني ابغى اقرب عياده
كانت تبغى توديني مستشفى جوروج تاون
وقالتلي بس حتدفعي زياده قلتلها مو مشكله

بس انا ابغى العياده اللي في باتوفرينجي وطلعت العياده جدا قريبه
بس دفعتلها زياده مع ان المشوار قريب جدا
قلت المسلمون على شروطهم


نجي للعياده اول مادخلتها جاتني غمته
وقبل لا ادخل شفت الناس تاركه جزمهم سبت الجزم زيهم وانتوا بكرامه


صراحه سألت احد المراجعين وقلتله ليه نتركها برى قال لاسباب دينيه وهنا زاد استغرابي
بس اذا عرف السبب بطل العجب العياده كل اللي فيها هندوس الدكتوره الموظفين

عبيت الاستماره وكان مطلوب رقم جواز السفر ورقم الجوال ومكان السكن الخ ...

بعد انتظار ساعه ونص دخلت على الدكتوره وبعد كشفيه سريعه
قالتلي انتظري برى عشان تستلمي الادويه

طبعا شافتني عربيه قامت بنفسها تجهزء الادويه
وطلبوا مبلغ 225 سألتها اش الادويه دي

كحه زكام سخونه وحبوب ستربسلز و مضاد حيوي
ومافي فاتوره مفصلين فيها المبلغ

صراحه حسيتهم قمطوا لما شافوني اسأل وبيان وضعهم نصب في نصب

بس والله مع التعب ما اتناقشت ودفعت المبلغ ومشيت

وبعدها اكتشفت ان قيمه الادويه ماتتعدى 100 رينجت

( عموما ادويتهم ما كان لها اي تأثير بس اهم شي ان السخونه راحت )


ولقيت عرب كثير في العياده وطبعا نفس الاسغتلال حيصير

نصيحتي تعبان روح مستشفى في جورج تاون على الاقل بتستلم فاتوره فيها مبلغ معقول



بعدها طلبت جراب وحددت الموقع صح وطلعلي المبلغ 5 ريجت

واتواصلت مع السائق وانو انا لابسه عبايه وكذا كذا



شويه وصلت سياره واشرلي الرجال


ركبت يا جماعه مباشره وما سألت عن اي شي وهذي غلطه كبيره مني
وبدا يعرض عليا الاماكن ووصلت مكان السكن
وقلي خذي رقمي قلتله اخذ رقمك ليه وانا عندي
قلي خذيه فكرت ان عنده رقم ثاني وبدأت اسجل رقمه


الا يجيني اتصال ورديت الا الردال يقول انا جراب مستنيك
كيف ما كيف انا واحد وصلني قلي انا السائق وانا مستنيك


والله يا جماعه طاح قلبي من غبائي
اتخيلت لو كان واحد مجرم او نصاب او او او
وشردت جري ولا اخذت رقمه ولا شي
بس كنت محاسبته ومخلصه

( عاد لا اوصيكم بادعيه الخروج واستودعوا الله كل شي )



انا رغم جرأتي واخرج لحالي وماعندي خوف
بس اخاف من السيارات الخاصه اللي زي كذا
بس الحمدلله جات سليمه و زي ما يقولوا غلطه الشاطر بالف
مهما كان كان لازم اكون حذره اكثر في النهايه انا في دوله غريبه



الحمدلله بعد مارجعت وفطرت واخذت الادويه قررنا نخرج
بابا و ولد عمتي قرروا يسبحوا
اختي مسكينه جاها التهاب في العين وصارت عيونها محمره
ومو قادره تفتحها وقعدت معاهم



كنت محتاره اروح هضبه بينانج او الشلالات

بس بسبب الامطار خفت ان المكان ما يساعدك على المشي

او ممكن الصخر يزحلق او تمطر وانا في المكان



قررنا نروح الهضبه وبما اننا اثنين قررنا نستخدم الباص الين محطه سانت انجيلز وبعدها اطلب جراب
تذكرتين باص ب 4 رينجت و جراب ب 7 رينجت تكلفه المشوار 11 رينجت

الباصات اسرع من المتوقع زيها زي السياره قوقل ماب يبالغ في الوقت اللي يقوله
والصراحه متعه استخدام الباصات وخصوصا الطريق محاوطه البحر والباصات مرتفعه
يكون عندكم فيو جيد

تذكرتين ليا ولمامتي << شكل السخونه اثرت على مخي وصورتها بالمقلوب

هذه الصورة تم تصغيرها . الحجم الافتراضي لها هو 1024x575.

كالعاده مكان لتصوير

في انتظار القطار والخطه الصعود في المقدمه

بس غلطتي ركبت في ثاني وحده وما شفت شي مع الزحمه

عموما نصيحه جهزوا اللبان لان الضغط عالي وقت الصعود والنزول

هذه الصورة تم تصغيرها . الحجم الافتراضي لها هو 1024x575.

وصولنا للهضبه كان الساعه 1 الظهر فاول شي سويناه قعدنا ندور على المسجد

وبعد الصلاه اخذنا وقت في المسجد لان لقينا ترحيب فضيع من بعض الحجاج

واللي قعدوا يكلمونا شويه عربي ويحكونا عن زيارتهم لمكه والمدينه

وتجربتهم بشكل عام


اجمل استقبال واجمل شعور والرابط الوحيد الدين الاسلامي

والله حسينا بين اهلنا واخواتنا

اماكن وضوء الرجال

تصدقوا مويه الوضوء ماعمري شفت زيها

بارده برود مو طبيعي كانها ثلاجه وحسيت طعمها عذب

مدري اش مصدر المويه عندهم

الصراحه اتمنيت اشرب منها

هذه الصورة تم تصغيرها . الحجم الافتراضي لها هو 1024x575.

هذه الصورة تم تصغيرها . الحجم الافتراضي لها هو 1812x1080.

هذه الصورة تم تصغيرها . الحجم الافتراضي لها هو 1812x1080.

هذه الصورة تم تصغيرها . الحجم الافتراضي لها هو 1024x575.

اخذنا جوله بالقولف كار واخترت شاب صغير اتوقع سنه تحت 18 سنه
لان هيئته صغيره و عرضه كان حلو 30 دقيقه ب 30 رينجت
وقلي 4 كيلومترات قلتله طيب

بس بمجرد ما عدينا 2 كيلو قال لازم نرجع قلتله مو هيا 4 كيلومترات
طلع 2 كيلو رايح و 2 راجع


بس جوله جميله وقفنا وتصورنا وشفنا المنطقه البعيده ومرينا بفنادق و كافيه

صندوق بريد من اثار البريطانيين

لبى جده يا ناس عالميه اسمها مع دبي وباريس وهونغ كونغ

احم احم تحيه لكل اهالي جده

منظار للمراقبه

انا لقيت واحد شغال بدون ما ادفع فلوس

صراحه الفيو خطير ومع الزوم شي جنان

طالما اليوم كله قضيته في الهضبه خليني اقلكم معلومات عنها

هضبه بينانج هيا اقدم مركز للبريطانيين في شرق اسيا من اواخر 1700 ميلادي
اعلى نقطه في الهضبه ترتفع عن سطح البحر ب 2,732 قدم
سكه الحديد بدأت في اكتوبر 1923

وهنا مربط الفرس اختكم في الله قبل ماتعرف هذي المعلومات

كنت متوقعه اني بركب القطار البريطاني وحتى استفسرت من واحد من السواقين

واتوقع الادمي حسبني مجنونه او خبله وقلي ان القطار جديد وغيروه اكثر من مره
واخر مره في ابريل 2011


شايفين القطار الخشبي هذا جزء حقيقي من القطار القديم
صراحه لما شفته حسيت بغبائي الشديد

عاد لا اوصيكم صوروا فيه وافتكروني

صوره للقطار من الموقع الرسمي

الفيدوهات كلها من تصوير الوالده

بس اذا سمعتوا صوت كحه هذي انا

هذه الصورة تم تصغيرها . الحجم الافتراضي لها هو 1024x575.

حديقه بس مدري حديقه زهور ولا توابل
ولا ايش بالضبط لاني مادخلتها

متحف الالعاب

متحف بسيط جدا اتوقعته بيكون بجوده متحف الالعاب اللي في باتوفرينجي بس ما اضن

يعني جميع الالعاب اشتروها من النت وصلتهم في كونتينر واحد


اما متحف الالعاب اللي في الباتوفرينجي قريت ان صاحبه تقريبا 35 سنه وهو يجمع فيها

بس بالنسبه لسعر المكان يعتبر مقبول

البالغ 10 والطفل 8 رينجت والاجانب والمواطنين نفس السعر

مين يفتكر عبقور

دحين اتغير اسمه

بعدها دخلت سينما 5 دي بنفس التذكره


اللي يضحك الموظف قعد يناديني حبيبي وحبيبي
قلتله ترى عيب تقولها لسيده عربيه

ووضحتله المعنى


الفيلم كان عن علاء الدين وياسمينه وفيه رقص شرقي
واخر مشهد اكثر مشهد زعلني انتهت الرقصه
في فلسطين جنب قبه الصخره والمسجد الاقصى

والله فكره سيئه عن العرب والمسلمين يوصلوها للاطفال

الله المستعان


المبنى كان مبنى البريد عمره 150 سنه

الموقع الرسمي :

Penang Hill


موقع الهضبه :


https://www.google.com.sa/maps/place....2697867?hl=ar

اسعار التذاكر :

هذه الصورة تم تصغيرها . الحجم الافتراضي لها هو 1024x575.

الخط العادي :

البالغ تذكره ذهاب وعوده ب 30 رينجت ذهاب فقط 15

الطفل من 4 الى 6 سنين ب 5 رينجت

الخط السريع :

البالغ ذهاب وعود ب 60 رينجت ذهاب فقط ب 30 رينجت

الاطفال من 4 الى 6سنين ب 5 رينجت



عموما انا ما استوعبت لفكره الخط السريع حتى لو عديت الناس كلهم
في الاخير القطار زحمه الين خلاص
والناس داخله في بعض


خريطه للمكان :

( الصوره من موقع اجنبي )

انا نسيت اخذ خريطه اول ماوصلت
فالاخير شفتها وانا خارجه بس اطلعت عليها على السريع
عشان اتأكد اني شفت كل الاماكن المهمه



اوقات العمل :

كل يوم من الساعه 6:30 الصباح الى 11 الليل

شراء التذاكر يقفل 10:30

اخر قطار يصعد الساعه 11



من وجه نظري افضل وقت لزياره الصباح بدري او العصر
فتره الظهر الجو فيها متقلب صحيح المكان بارد بس في مناطق فيها شمس
فاللي يصير فجأه برد فجأه حر وممكن الواحد يمرض مع تقلب الجو


اللي حاب يشوف صور اكثر الاخت قصه حب ما قصرت
صورت المكان بشكل جميل

http://www.arabtrvl.com/vb/293363-post161.html

هذه الصورة تم تصغيرها . الحجم الافتراضي لها هو 1024x575.

وجهتنا الثانيه كانت دومينوز اللي مقابل بينانج تايمز سكوير
اخذنا باص رقم 204 الى كومتار بس وقفت للمحطه اللي جنب دومينوز


الشباب هلكونا اتصالات نبغى وافل وبليز وجيعانين
واخر يوم ونفسنا فيه


صراحه البيتزا مره طعمه واهم شي العجينه مو مزيته
المنيو فيه اختلاف بس وصفتلهم البيتزا اللي ابغاها
وقلتلهم بدون اناناس

انا اختار نكهه زبده جوز الهند مع الفول السوداني

يمي يمي

الجو فجأه بدا يمطر وانا ضيعت مظلتي في الهضبه

ولي حكايات وروايات مع المطر وما تكون معايا المظله

ولما اخذها سبحان الله ماتمطر

طلبت اوبر لمبنى كومتار ومن هنا بالباص للباتوفرينجي

تقريبا المشوار بالباص 40 دقيقه

صوره ليليه من الشاطئ


طبعا كل انثنين يمشوا سوا حافيين على الرمل

وانا مستكنه لحالي اتأمل في البحر




طبعا اخر يوم لازم نغسل الملابس وننشفها وترتيب الشنط
وتعضنا من غلطتنا السابقه ونمنا بدري



المصروفات كامله



من السكن الى عياده فيرنجي ب ١٠ رينجت
ادويه ب ٢٢٥ رينجت
مويه من سوبرماركت السكن ب ٢ رينجت
باص ل سانت انجيلز لشخصين ب ٤ رينجت
اوبر تو بينانج هيل ب ٧ رينجت
الدخول لشخصين ذهاب وعوده ب ٦٠
جوله بالقولف كار ٣٠ دقيقه ب ٣٠ رينجت
متحف الالعاب و ٥ دي سينما لشخصين ب 20 رينجت
باص رقم ٢٠٤ لشخصين ب ٤ رينجت
غدا في دومينوز لشخصين ب ٣٠ رينجت
وافل من تايمز سكوير وذره ب ٢٢.٥
اوبر من بينانج تايمز سكوير الى كومتار ب ٤.٢٠ رينجت
باص لباتوفرينجي لشخصين ب ٥.٤٠ رينجت
دفعت باقي مبلغ الرسام ٥٠ رينجت
دفعت مبلغ اليوم السابق لمساج الراس ب ٢٥ رينجت
عيش ومويه 13.40
ايسكريم من ماك ب 5 رينجت
قطره عين ب ١٥ رينجت


المجموع 532.5


نلقاكم في اسبوع في كوالالمبور






​

 

[براءة الورد]

​

X سُعداء بتواجدكم بيننا ونتمنى لكم قضاء وقت ممتع ،نأمل منكم زيارة صفحة شروط الإستخدام ،تفضلوا مشكورين بالتسجيل لإثراء الجميع بخبراتكم السياحية

الخميس 1 من نوفمبر 2018 الساعة الان 08:40:54 AM.​

​

حفظ البيانات؟​

هل نسيت كلمة المرور؟

​

• جديد السياحة​
• البوم الصور​
• عالم الفيديو​
• مركز التحميل​
• حجوزات طيران​
• حجوزات فنادق​
• تأجير سيارات​
• تخطيط رحلات​

شبكة و منتديات العرب المسافرون > العرب المسافرون ( دول آسيا ) > بوابة السفر الى ماليزيا MALAYSIA

رحله اقتصاديه لماليزيا (كوالالمبور - بينانق ) من ٤ الى ١٨ نوفمبر ​

​

التسجيل ​

مـواضـيـع مـمـيــزة​

• مــــا أحــــلاكـــي يا كـــويـــت بقلم : مسقط الخير ​
• كيب تاون و الجاردن روت (الجزء الثاني) 2017 بقلم : آخـــرفـــرصـــة ​
• سـكــة سفــر فيهـا مشـاويـر العمــر بقلم : q8ya metnaqla ​
• لندن العشق الجديد لكن بنكهة الألم بقلم : عاشقة المطر ​
• للعراقة ..للتاريخ...للجمال عنوان..الصعيد بين الاقصر واسوان بقلم : ام زياد ​

564الاعجاب​

صفحة 13 من 17
« الأولى
<
3
11
12
13
14
15
>
الأخيرة »

عرض أول مشاركة غير مقروءة​

LinkBack

أدوات الموضوع

انواع عرض الموضوع

​

​

05-01-2017, 03:50 AM #121

فيصل​

المدير العام​

​

تاريخ التسجيل : Dec 2014​

رقم العضوية : 15​

المشاركات : 16,255 ​

​

​

صباح الخير
ماألوم الوالد علي حظر التجول
مشكله
لازم التوقيع بيخلون مسؤوليتهم
الله يغفر لها
اعتقد توفت سعوديه قبل العام

عناد خخخخخخخخخخخخ
المترو وهذا

يالله طلعي المستخبي


راح التصوير

خيره ان شاء الله رجعتكم


خخخخخخخ يعني بعد الأكل افتكرتي حلال ام حرام أن شاء الله لا يؤاخذ الأنسان علي هذا


أهم شيء عمولتهم


الحمدلله علي كل حال شفتي بعض الحظر مفيد فيه مناظر تحوم الكبد الله لا يبلانا باللي أبتلاهم فيهم


ايش المعتقد تنزل الجزم

المريض مرات ما يفكر كثير وده يأخذ العلاج ويمشي

الحمد لله جت سليمه
شكلك من التعب ما ركزتي


الهضبه جميله


شكرا لك متابعين​

​

• 
  • ​
  • 
  • 
  • 
  • 

توبليرون و Lemo معجبون بهذا.​

آخر مواضيع فيصل
- كل عام وأنتم بخير
- عيدكم مبارك وكل عام ووطني بخير
- سناب شات العرب المسافرون
- تحذير من البنوك للتعامل بالبطاقات بشرق آسيا
- مطاعم أديس أبابا مطعم صنعاء​

توقيع : فيصل
الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي

​

​

​

05-01-2017, 04:13 AM #122

Lemo​

مسافر متميز​

​

تاريخ التسجيل : Nov 2016​

رقم العضوية : 13068​

الجنس : انثى​

المشاركات : 361 ​

​

​

​

اقتباس : المشاركة الأصلية كتبت بواسطة فيصل
​

صباح الخير
ماألوم الوالد علي حظر التجول

صباح النور

صحيح ما ينلام بس مشهد الغروب في البحر ماله مثيل

مشكله
لازم التوقيع بيخلون مسؤوليتهم
الله يغفر لها
اعتقد توفت سعوديه قبل العام
الله يرحمهم ويغفر لهم سمعت انه عروسه ماتت والله اعلم

عناد خخخخخخخخخخخخ
المترو وهذا

يالله طلعي المستخبي

عيبي العناد احيانا على فايده واحيانا على غير و تجي على راسي

راح التصوير

خيره ان شاء الله رجعتكم




خخخخخخخ يعني بعد الأكل افتكرتي حلال ام حرام أن شاء الله لا يؤاخذ الأنسان علي هذا

والله انا غالبا اتأكد حلال او لا بس


أهم شيء عمولتهم

العموله اهم شي مو راحه السائح اكيد

الحمدلله علي كل حال شفتي بعض الحظر مفيد فيه مناظر تحوم الكبد الله لا يبلانا باللي أبتلاهم فيهم

الحمدلله على النعمه اللي نحن فيها ولا المنظر كان مقزز

ايش المعتقد تنزل الجزم

المريض مرات ما يفكر كثير وده يأخذ العلاج ويمشي

الحمد لله جت سليمه
شكلك من التعب ما ركزتي

صحيح من التعب ما ركزت ولا انتبهت للخريطه عشان اتاكد من مكانه
ولا اتأكدت اذا هو جراب او لا

سبحان الله مقدر يصير الشي وهذا واخذت درس باقل الاضرار

الهضبه جميله


شكرا لك متابعين​

منور التقرير

​

​

• 
  • ​
  • 
  • 
  • 
  • 

فيصل و توبليرون معجبون بهذا.​

آخر مواضيع Lemo
- شاركونا باجمل واغرب واحب التذكارات على قلوبكم
- احتاج نصيحه سريعه منكم عن مشكلتي مع شركه السياحه
- رحله اقتصاديه لماليزيا (كوالالمبور - بينانق ) من ٤ الى ١٨ نوفمبر​

​

​

05-01-2017, 07:24 AM #123

ام جسومي​

مسافر متميز​

​

تاريخ التسجيل : Sep 2016​

رقم العضوية : 12531​

الدولة : جدهـ​

الجنس : انثى​

المشاركات : 142 ​

​

​

الف سلاامه علييكي حبيبتي
ياريتك ع الاقل لو شلتي معاك من السعوديه
بنادول او ادول حبوب للسخونه
وحبوب استروبسن المص للحلق اذا فيكي التهاب

او رحتي الصيدليه من هناك وتشتريتي بدل المستوصف

انا ما اخرج من بيتي من دون البنادول للاحتياط
دايما لمن اروح السوق نهايه اليوم صداع شديد يجيني
فبندولي في محفظتي ماينزل منها ،،



والله حفظك من جد مع هالسواق الغلط اللي ركبتي معاه



الله ي جمال الهضبببه ماشاء الله

بس معليش مافهمت اش يعني خط سريع وعادي

يعني انتوا ركبتوا في الخط العادي ولا السريع

هل قصدك انه خط قطار سريع للهضبه
وخط قطار عادي للهضبه ؟!

يعني قطارين منفصلين عن بعض !!! ��

وضحيلي هالنقطه لاهنتي




وبالنسبه للمكان الاخضر ( المكان اللي يصوروكي قدامه مجانا )
اهو ماشاء الله مصورته في كل مكان !!
كيف تقوليلي ماشفته ابدا وقولتيلي انه ماقد صادوفكي
ولا شكلك فهمتي غلط مني لمن كتبت عنه في تقريري

المهم يعني طلع في كل مكان فيه سياح موجوده هرجه التصوير التدبيسي << اسميه انا
انا كنت احسب بس موجود في كوالا ..!!


وبالف عافيه عليكم الدومنيز والوافل

متابعه لك جميليتي​

​

• 
  • ​
  • 
  • 
  • 
  • 

فيصل, توبليرون و Lemo معجبون بهذا.​

آخر مواضيع ام جسومي
- إكسسوارات السفر / ..
- ..:: تقرير برائحة القهوة البيضاء الماليزية ::..
- مسافرة وشايله مطبخي معايا !!!​

​

التعديل الأخير تم بواسطة ام جسومي ; 05-01-2017 الساعة 09:40 AM

​

​

05-01-2017, 01:34 PM #124

Lemo​

مسافر متميز​

​

تاريخ التسجيل : Nov 2016​

رقم العضوية : 13068​

الجنس : انثى​

المشاركات : 361 ​

​

​

​

اقتباس : المشاركة الأصلية كتبت بواسطة ام جسومي
​

الف سلاامه علييكي حبيبتي
ياريتك ع الاقل لو شلتي معاك من السعوديه
بنادول او ادول حبوب للسخونه
وحبوب استروبسن المص للحلق اذا فيكي التهاب

او رحتي الصيدليه من هناك وتشتريتي بدل المستوصف

انا ما اخرج من بيتي من دون البنادول للاحتياط
دايما لمن اروح السوق نهايه اليوم صداع شديد يجيني
فبندولي في محفظتي ماينزل منها ،،

الله يسلمك ياعسل

انا ماخذه فيفادول وبنادول بس ما اخذت معايا مضاد حيوي
ولا ادويه كحه وزكام والسخونه اتوع سببها الكحه والزكام

وانا قبلها مريت على صيدليه وضاعت الادويه قبل ما استخدمها
واصلا ما كنت مرتاحه لادويه الصيدليه ماحسيت الموظفه دارسه صيدله

وانا اشتريت ستربسلز من السوبرماركت فالما اعطوني ادونا ماكنت منتبهه ان فيه استربسلز


والله حفظك من جد مع هالسواق الغلط اللي ركبتي معاه


ايوا والله الحمدلله ساعتها حسيت برعب من الافكار اللي جات في بالي
الله ي جمال الهضبببه ماشاء الله

بس معليش مافهمت اش يعني خط سريع وعادي

يعني انتوا ركبتوا في الخط العادي ولا السريع

هل قصدك انه خط قطار سريع للهضبه
وخط قطار عادي للهضبه ؟!

يعني قطارين منفصلين عن بعض !!! ��

وضحيلي هالنقطه لاهنتي


الهضبه جميله لازم تزوريها المره الجايه

في ماليزيا شفت الفكره هذي مرتين مره في التلفريك ومره في قطار الهضبه


الفكره انه قطار واحد وكل الناس بتركبه

بس قبل مانركب في امه وعالمين وتصفي طابور بس خمسه دقائق تقريبا مو اكثر

في ناس ماتحب تصف تقوم تشتري الفاست لاين ويكون لهم خط لحالهم

بس في الاخير بينتظر القطار الين يوصل ويدخل جوا يتزاحم مع الناس

بس ارتاح من الطابور وقعد في منطقه انتظار القطار مباشره


وبالنسبه للمكان الاخضر ( المكان اللي يصوروكي قدامه مجانا )
اهو ماشاء الله مصورته في كل مكان !!
كيف تقوليلي ماشفته ابدا وقولتيلي انه ماقد صادوفكي
ولا شكلك فهمتي غلط مني لمن كتبت عنه في تقريري

المهم يعني طلع في كل مكان فيه سياح موجوده هرجه التصوير التدبيسي << اسميه انا
انا كنت احسب بس موجود في كوالا ..!!

انا لمحته عرفتي بس كان قصدي ماحد جا وقلي مجانا واتصورت فيه
وبعدين انصدم بالسعر من البدايه بفلوس يقولوا

وبعضهم يقنعوك تتصوري ويقولولك لو عجبتك الصوره اشتريها واذا ماعجبتك لا تاخذيها

ولا التصوير منتشر بكل مكان هناك وبعضها اسعار معقوله وبعضها مبالغ فيها

وبالف عافيه عليكم الدومنيز والوافل

متابعه لك جميليتي​

الله يعافيك


انا عكسك حبيت كوالالمبور

احس يبغالي سفره اقعد فيها اكثر من اسبوع

​

​

• 
  • ​
  • 
  • 
  • 
  • 

فيصل, توبليرون و ام جسومي معجبون بهذا.​

آخر مواضيع Lemo
- شاركونا باجمل واغرب واحب التذكارات على قلوبكم
- احتاج نصيحه سريعه منكم عن مشكلتي مع شركه السياحه
- رحله اقتصاديه لماليزيا (كوالالمبور - بينانق ) من ٤ الى ١٨ نوفمبر​

​

​

06-01-2017, 12:42 PM #125

Deena​

عضو قدير​

تاريخ التسجيل : Dec 2014​

رقم العضوية : 732​

الجنس : انثى​

المشاركات : 1,605 ​

أوسـمـة: Deena

مـجـمـوع الأوسـمـة:2 (الـمـزيـد»)​

​

​

أخيرا وصلت للنهاية ، بديت قراءة اليوم الصبح وشربت 5 كاسات شاي وانا استمخّ على تقريرك الجميل ..

مقصرة مع البوابة وانشغلت جدا الفترة الأخيرة لدرجة اني ما تابعت اي تقرير من بدايته ..

جميل جدا تخطيطك وتنظيمك .. واضح مخك نضيف

نضيف يعني لماح مش فاضي ههههه الله يحميك ..


شايفة الكل بيذكرني مع ناندوز .. والله انا ما بعمل له دعاية ولا الي أي غرض سوى انه فعلا عجبنا جداً جداً.. بعترف انه ما اكلناه الا في كي ال سي سي وفي جوهر باهرو .. ممكن الفرق بين فرع والتاني .. لأني اكلته في دبي (طيب جدا بس غالي نسبياً) وفي جنوب افريقيا (ما حبيته ) .. عموما بدي أحاول ما أمدح شي من بعد هالسفرة .. أو أني أمدح وانبه انه الناس اذواق مختلفة .. والدليل اني ما باكل ماكدونالدز في اي مكان وبيعجبني الا اللي في ماليزيا عجبني.. الأذواق من جديد

يا ريت ما حدا يكون دعا عليّ بس

فرحت انك ارتحتِ للتعامل مع عبد الرحمن.. انسان كله ذوق وأخلاق، طبعا سعره أعلى من الخيارات التانية لكن مرات (بالنسبة لي) السعر العالي بيقابله مزايا تانية مثل ترك الحقائب والمشتريات معه وغيرها .. وعموما هو صار صديق العائلة ما بتخيل نروح كوالا وما نشوفه .. الله يرزقه

انا متلك بحب كوالا جداً وكل سفرة بخصص لها أيام قدر الإمكان .. مهما شفنا فيها ما بنخلص وفعالياتها كتيرة وحلوة .. كانت خطوة حلوة منك انك استخدمت AirBNB لأن التوفير فيها رائع .. والحمدلله كان السكن على قدر التوقعات ..


الشوكولاتة والقهوة ما اشتريتها ولا مرة من ماليزيا.. انا من جماعة الشاي والحمدلله كل مشروبات القهوة ما بتأثر فيي .. ولا كان خسائر هههه

لعبة escape the room على مخططي للسفرة القادمة (القريبة جدا باذن الله) رح ادخلها انا والولاد .. صار لي فترة بطلب منهم يلعبوها على التلفون ويفهموا الفكرة منها .. عشان يكونوا متوقعين شو اللي جاي ..

بهالمناسبة.. القطارين الي سألتِ عنهم ماشيين بنفس الاتجاه أو بعكس بعض (يعني التصادم من الخلف أو من المقدمة؟) ..


بخصوص المرض والتعب نسيت اكتب لأم جسوومي في تقريرها وتذكرت مع تقريرك... نصيحتي الذهبية لأي مسافر يعمل تأمين السفر .. تكلفته بسيطة لكن بالنهاية ممكن تروحي أكبر وأحسن مستشفى وتاخدي عناية ممتازة لو احتجتيه لا سمح الله ..

تتذكري لما حكيت عن سفرة لاتفيا المنحوسة؟؟ كانت السفرة الوحيييييدة بدون تأمين السفر! سبحان الله وهي المرة الوحيدة اللي دخلت فيها مستشفى.. لكن الحمدلله بالنهاية ما تكلفت مبالغ كبيرة انما كان درس لي اني ما اتهاون .. وحاليا عاملة تامين سفر لسنة كاملة .. وسفراتنا العائلية أول اجراء فيها استخراج تأمين لكل شخص حتى نخفف عن نفسنا مصاريف طارئة لو لا سمح الله صار شي ..

بعرف ناس اضطروا يعملوا عمليات بالسفر تخيلي المبلغ للعملية والاقامة بالمستشفى! طبعا التأمين بيغطي حتى ضياع الحقائب والغاء الرحلات وشغلات تانية وحتى الوفاة لا قدر الله ...


نكمل ... بينانغ عجبتني من تقريرك وحبيت القلعة ومتحف الخدع والهضبة .. الصور جميلة ما شاء الله .. البيت المقلوب تحمست للي في بينانغ أكتر ولهيك ما رح ازوره الا لما ربنا يكتب لنا زيارة لبينانغ باذن الله..


البراشوت أمنيتي اركبه لكن ما بلاقي وقت لهالشغلات في رحلاتنا دايما الشواطئ وأنشطتها مستبعدة! ما بعرف ليه .. يمكن الرحلة الجاية اقدر أرتبها .. الجت سكي كمان بتخيله حلو وبيستاهل التجربة مع انه ما خطر ببالي من قبل ..


قلتي لي كباب من مطعم هندي وفي مطعم حضرمي

معلش هم بالنسبة الهم العرب كلهم واحد .. وانا وجهة نظري ما اكل في مطعم عربي بمكان متل شرق آسيا - لا البهارات ولا الاعشاب الي ببنستعملها باكلنا موجودة عندهم فكيف رح يكون الطعم صح؟

من شهر تقريبا اكلت في مطعم تركي في هونغ كونغ .. لولا انها نعمة الله ولا كان بدي اترك الصحن متل ما هو .. بس كمان الجوع عاطل والأكل الحلال نادر الوجود ههههه

طولت بالكلام .. استمتعت جدا جدا بتقريرك ويا ريت تكملي سريعا وهالمرة رح اتابع معك ..

بالنهاية لازم اقول لك اني فرحت لاشارتك لرحلتنا واستفادتك من التقرير ولو بشي بسيط

الله يسعدك ويخلي لك الأهل وكل حبايبك

​

​

• 
  • ​
  • 
  • 
  • 
  • 

فيصل, توبليرون, ام جسومي و 1 آخرون معجبون بهذا.​

آخر مواضيع Deena
- هذه فاتنة الدنيا وحسناء الزمان ~ كيب تاون ~
- يومين من العمر في سنغافورة
- تنبيه مهم لمن يخطط لزيارة جنوب إفريقيا
- مغامرات؟ ملاهي وطبيعة ومولات؟ شواطئ جميلة وغابات... أكيد ماليزيا!!
- تقرير عَـ السريع .. لجمال اسطنبول في الربيع​

توقيع : Deena

"فاطر السماوات والأرض أنت وليي في الدنيا والآخرة توفّني مسلماً وألحقني بالصالحين" ​

​

​

06-01-2017, 04:16 PM #126

Lemo​

مسافر متميز​

​

تاريخ التسجيل : Nov 2016​

رقم العضوية : 13068​

الجنس : انثى​

المشاركات : 361 ​

​

​

​

اقتباس : المشاركة الأصلية كتبت بواسطة Deena
​

أخيرا وصلت للنهاية ، بديت قراءة اليوم الصبح وشربت 5 كاسات شاي وانا استمخّ على تقريرك الجميل ..

هلا وغلا بالجميله ام الاميليز
تصدقي ولدك علق في مخي بالاميليز
عوافي على قلبك الشاهي
طالما 5 كاسات معناته تقريري طويل بحق وحقيقه


مقصرة مع البوابة وانشغلت جدا الفترة الأخيرة لدرجة اني ما تابعت اي تقرير من بدايته ..

حبيتي الله يكون في عونك
اكيد مشغوله في الشغل او مع الاطفال الله يحفظهم
المهم انك شرفتينا بالزياره

جميل جدا تخطيطك وتنظيمك .. واضح مخك نضيف

نضيف يعني لماح مش فاضي ههههه الله يحميك ..

انا التخطيط الحمدلله من يومي شاطره فيه
لكن مخي لك عليه احيانا نظيف واحيانا تجيني تناحه وفهاوه
بس في السفر الحمدلله كان الغالب عليه النظافه
والفضل لله وثم تقاريركم في المنتدى تنبه الواحد لابسط التفاصيل
شايفة الكل بيذكرني مع ناندوز .. والله انا ما بعمل له دعاية ولا الي أي غرض سوى انه فعلا عجبنا جداً جداً.. بعترف انه ما اكلناه الا في كي ال سي سي وفي جوهر باهرو .. ممكن الفرق بين فرع والتاني .. لأني اكلته في دبي (طيب جدا بس غالي نسبياً) وفي جنوب افريقيا (ما حبيته ) .. عموما بدي أحاول ما أمدح شي من بعد هالسفرة .. أو أني أمدح وانبه انه الناس اذواق مختلفة .. والدليل اني ما باكل ماكدونالدز في اي مكان وبيعجبني الا اللي في ماليزيا عجبني.. الأذواق من جديد

يا ريت ما حدا يكون دعا عليّ بس

عليكم الف عافيه ناندوز وباين انكم بتعشقوه
وخليتوني اشتهيه الين خلاص وبعدها صارتلي صدمه الله وكيلك
ممكن اختياري للفرع كان سيء

تصدقي مره قريت وحده تذمه قبل السفر وعمي كمان قلي مو طعم
لكن كل ما اتخيل عيالك في السفرتين اقول مو معقول مو طعم

وصحيح اختلاف الاذواق له دور

طالما عجبك ماكدونالدز ماليزيا المره الجايه جربي برجر كينج افضل بكثير
لاننا في السعوديه نحن ناكل ماكدونالدز وبرجر كينج ماله شعبيه كبيره
بس اللي في ماليزيا افضل بكثير

فرحت انك ارتحتِ للتعامل مع عبد الرحمن.. انسان كله ذوق وأخلاق، طبعا سعره أعلى من الخيارات التانية لكن مرات (بالنسبة لي) السعر العالي بيقابله مزايا تانية مثل ترك الحقائب والمشتريات معه وغيرها .. وعموما هو صار صديق العائلة ما بتخيل نروح كوالا وما نشوفه .. الله يرزقه
الادمي خلوق ومحترم ومثقف والحلو يمشي ويعطيني معلومات عن الطريق
وانا احب اعرف تفاصيل المكان
بس للامانه صادفني موقف معاه وبذكره في التقرير من باب الذكر
والموقف ما اثر علي في شي واستمريت في تعاملي معاه
ولو رجعت ماليزيا واحتجته حتعامل معاه ثاني مره


انا متلك بحب كوالا جداً وكل سفرة بخصص لها أيام قدر الإمكان .. مهما شفنا فيها ما بنخلص وفعالياتها كتيرة وحلوة .. كانت خطوة حلوة منك انك استخدمت AirBNB لأن التوفير فيها رائع .. والحمدلله كان السكن على قدر التوقعات ..
انا حبيتها استغرب من اللي يشوفوها صاخبه انا اشوفها حيويه فقط
وصحيح فعالياتها ماتخلص وباقي اماكن كثيره ماشفتها

الموقع انقذني لاني بعد سالفه الفنادق بدينا نفكر في كنسله السفره
بس صاحب عمي قله على الموقع وعمي بلغني فيه وبعدها قريت في تقريرك الثاني
انك استخدمتيه فتشجعت للموقع والحمدلله تمت الرحله بخير

الشوكولاتة والقهوة ما اشتريتها ولا مرة من ماليزيا.. انا من جماعة الشاي والحمدلله كل مشروبات القهوة ما بتأثر فيي .. ولا كان خسائر هههه
انا من عشاق الشوكولاته
والقهوه والشاي امر جنبهم مرور الكرام

لعبة escape the room على مخططي للسفرة القادمة (القريبة جدا باذن الله) رح ادخلها انا والولاد .. صار لي فترة بطلب منهم يلعبوها على التلفون ويفهموا الفكرة منها .. عشان يكونوا متوقعين شو اللي جاي ..

بهالمناسبة.. القطارين الي سألتِ عنهم ماشيين بنفس الاتجاه أو بعكس بعض (يعني التصادم من الخلف أو من المقدمة؟) ..
جميله اللعبه والموظفه قالتلي ان كل مازاد العدد زادت المتعه

والعيال حينبسطوا فيها اذا يعجبهم حس المغامره لان التايمر يقعد شغال والعين متعلقه عليه
وتبغي تلحقي تخلصي في الوقت وغير الموسيقى اللي تكون شغاله

بالنسبه للقطارين ماشيين في نفس الاتجاه
بس بسرعات مختلفه وواحد فيهم كان قاطع مسافه قبل الثاني

الغرفه هذي ممتعه اكثر من اللي قبلها
وفيها كتابات على الجدران ولازم تستخدمي نور معين عشان تستكشفي المكان

ممكن تعجب عيالك كثير


بخصوص المرض والتعب نسيت اكتب لأم جسوومي في تقريرها وتذكرت مع تقريرك... نصيحتي الذهبية لأي مسافر يعمل تأمين السفر .. تكلفته بسيطة لكن بالنهاية ممكن تروحي أكبر وأحسن مستشفى وتاخدي عناية ممتازة لو احتجتيه لا سمح الله ..

تتذكري لما حكيت عن سفرة لاتفيا المنحوسة؟؟ كانت السفرة الوحيييييدة بدون تأمين السفر! سبحان الله وهي المرة الوحيدة اللي دخلت فيها مستشفى.. لكن الحمدلله بالنهاية ما تكلفت مبالغ كبيرة انما كان درس لي اني ما اتهاون .. وحاليا عاملة تامين سفر لسنة كاملة .. وسفراتنا العائلية أول اجراء فيها استخراج تأمين لكل شخص حتى نخفف عن نفسنا مصاريف طارئة لو لا سمح الله صار شي ..

بعرف ناس اضطروا يعملوا عمليات بالسفر تخيلي المبلغ للعملية والاقامة بالمستشفى! طبعا التأمين بيغطي حتى ضياع الحقائب والغاء الرحلات وشغلات تانية وحتى الوفاة لا قدر الله ...

صراحه فكرت في موضوع التأمين الطبي وشفت الاسعار وكان رخيص جدا
بس في الاخير كنسلت الفكره بس ممكن في سفره قادمه اسويه

لعله خير عدم وجود التأمين المهم ربي سلمك في الاخير من السفره المنحوسه
واستفدتي من التجربه وسويتي تأمين سفر للعيله كلها

الا العمليات في بلاد غربه صعب جدا
خصوصا لو المسافر وحيد يعني الواحد لما يسافر بيحط مبلغ احتياطي بس يغطي اشياء بسيطه
لكن عمليات واقامه في المستشفى الواحد مايحسب حسابها ابدا

نكمل ... بينانغ عجبتني من تقريرك وحبيت القلعة ومتحف الخدع والهضبة .. الصور جميلة ما شاء الله .. البيت المقلوب تحمست للي في بينانغ أكتر ولهيك ما رح ازوره الا لما ربنا يكتب لنا زيارة لبينانغ باذن الله..
بينانغ جميله جدا وعلى ما افتكر ما زرتيها للان
القلعه اتوقع تعجبك وبتستمتعي بالجوله مع المرشده السياحيه
الاماكن صغير بس التخيل جميل

الله يكتبلك زيارتها قريبا


البراشوت أمنيتي اركبه لكن ما بلاقي وقت لهالشغلات في رحلاتنا دايما الشواطئ وأنشطتها مستبعدة! ما بعرف ليه .. يمكن الرحلة الجاية اقدر أرتبها .. الجت سكي كمان بتخيله حلو وبيستاهل التجربة مع انه ما خطر ببالي من قبل ..
تصدقي البراشوت اراده الله اني اطلعه
ولا دحين بعد ماعرفت عن قصص الموت بديت اخاف منه

صحيح مغامره جميله واحساس ولا اروع

بس فكره الحوادث تخلي الواحد يفكر مليون مره

اتوقع لو ركبته للمره الثانيه حكون مصليه صلاه استخاره قبلها


قلتي لي كباب من مطعم هندي وفي مطعم حضرمي

معلش هم بالنسبة الهم العرب كلهم واحد .. وانا وجهة نظري ما اكل في مطعم عربي بمكان متل شرق آسيا - لا البهارات ولا الاعشاب الي ببنستعملها باكلنا موجودة عندهم فكيف رح يكون الطعم صح؟

الاكل الهندي جميل لان هنود بيطبخوه ونفس التوابل
لكن العربي مو ذاك الشي بس انا اشتريته لاهلي اما انا ما احب العربي كثير عاد كيف لو بنكهه اسيويه
صحيح شكلهم يشوفوا العرب كلهم واحد واكلهم اكيد حيكون واحد


من شهر تقريبا اكلت في مطعم تركي في هونغ كونغ .. لولا انها نعمة الله ولا كان بدي اترك الصحن متل ما هو .. بس كمان الجوع عاطل والأكل الحلال نادر الوجود ههههه
هههههههههههههههههه
والله الجوع كافر

انا يوم مارحت مطعم ناندوز ما اكلت وقعدت الين الليل ولقيت محل شاورما وطلبت الاكل
وفي الاخير لقيته بيشيل الدجاج بيده بدون قلفز

بس والله اكلته من الجوع

لو في حاله ثانيه كنت مستحيل اكله
طولت بالكلام .. استمتعت جدا جدا بتقريرك ويا ريت تكملي سريعا وهالمرة رح اتابع معك ..

بالنهاية لازم اقول لك اني فرحت لاشارتك لرحلتنا واستفادتك من التقرير ولو بشي بسيط

الله يسعدك ويخلي لك الأهل وكل حبايبك

منورتنا ماطولتي ولا شي

الحمدلله احب اذكر كل الاشخاص اللي استفدت منه
عشان يعرف الواحد ان مجهوده وتعبه ما كان فشوش

للامانه تقاريرك من اكثر التقارير اللي استفدت منه واتمتعت فيها

خصوصا انها من التقارير الجديده


ان شاء الله بكمل التقرير بطريقه اسرع من السابق

​

​

• 
  • ​
  • 
  • 
  • 
  • 

فيصل, توبليرون, Deena و 1 آخرون معجبون بهذا.​

آخر مواضيع Lemo
- شاركونا باجمل واغرب واحب التذكارات على قلوبكم
- احتاج نصيحه سريعه منكم عن مشكلتي مع شركه السياحه
- رحله اقتصاديه لماليزيا (كوالالمبور - بينانق ) من ٤ الى ١٨ نوفمبر​

​

​

09-01-2017, 09:16 AM #127

Deena​

عضو قدير​

تاريخ التسجيل : Dec 2014​

رقم العضوية : 732​

الجنس : انثى​

المشاركات : 1,605 ​

أوسـمـة: Deena

مـجـمـوع الأوسـمـة:2 (الـمـزيـد»)​

​

​

ههههه لا تقريرك ممتع مش طويل ..

بس كملي الله يرضى عليك .. متشوقة لأيام كوالالمبور

​

​

• 
  • ​
  • 
  • 
  • 
  • 

فيصل, توبليرون و Lemo معجبون بهذا.​

آخر مواضيع Deena
- هذه فاتنة الدنيا وحسناء الزمان ~ كيب تاون ~
- يومين من العمر في سنغافورة
- تنبيه مهم لمن يخطط لزيارة جنوب إفريقيا
- مغامرات؟ ملاهي وطبيعة ومولات؟ شواطئ جميلة وغابات... أكيد ماليزيا!!
- تقرير عَـ السريع .. لجمال اسطنبول في الربيع​

توقيع : Deena

"فاطر السماوات والأرض أنت وليي في الدنيا والآخرة توفّني مسلماً وألحقني بالصالحين" ​

​

​

11-01-2017, 02:11 AM #128

Lemo​

مسافر متميز​

​

تاريخ التسجيل : Nov 2016​

رقم العضوية : 13068​

الجنس : انثى​

المشاركات : 361 ​

​

​

​

اقتباس : المشاركة الأصلية كتبت بواسطة Deena
​

ههههه لا تقريرك ممتع مش طويل ..

بس كملي الله يرضى عليك .. متشوقة لأيام كوالالمبور

امين يارب ويرضى على الجميع


شكلك من عشاق كوالالمبور زيي

​

​

• 
  • ​
  • 
  • 
  • 
  • 

توبليرون و Deena معجبون بهذا.​

آخر مواضيع Lemo
- شاركونا باجمل واغرب واحب التذكارات على قلوبكم
- احتاج نصيحه سريعه منكم عن مشكلتي مع شركه السياحه
- رحله اقتصاديه لماليزيا (كوالالمبور - بينانق ) من ٤ الى ١٨ نوفمبر​

​

​

11-01-2017, 02:12 AM #129

Lemo​

مسافر متميز​

​

تاريخ التسجيل : Nov 2016​

رقم العضوية : 13068​

الجنس : انثى​

المشاركات : 361 ​

​

​

صباحكم \ مسائكم خير

عارفه اني طولت وحقيقي حاولت اختصر في التقرير

واحط باقي الاماكن واسوي قائمه


حتى استشرت الاخ فيصل في الموضوع وتعبته على الفاضي
اعتذرك منك على الازعاج


بس ماعرفت اختصر ولا عرفت ابدا ولا انتهي في تجميع الاماكن

لان كل الايام كنا نننهي اليوم في شارع العرب او بافيليون
واحيانا كي ال سي سي كنشاط جانبي


عشان كذا بجمع كل يومين مع بعض وانزلهم
بحيث انهي التقرير بشكل اسرع ويكون اسهل علي




الجمعه 11 نوفمبر


اليوم السابق حاولت اتواصل مع كذا سواق وكان سعرهم مبالغ

واحد يبغى 120 للمطار وقلتله المبلغ كثير وانو اوبر كلفني المره اللي فاتت نص المبلغ

قلي اوبر رخيص بس فين حتلاقي اوبر الساعه 7 الصباح

وكلامه صحيح مافي اوبر في الصباح يجي للباتوفرينجي
وقلتله اشوف اهلي واردلك >> مجرد تصريفه لان اهلي بيقولوا ادفعي وخلصينا


والثاني ما بيرد واخر شي اتواصلت مع الاخ عبدالرحمن

طلبته رقم سواق في بينانغ قلي انا جاي بباص مع عيله سعوديه اوصلهم

اذا حابه ارجعكم معايا واديني بس سعر التوصيل الى مطار بينانغ وسعر التوصيل من مطار كوالالمبور


حسيته عرض مغري بس انا حاجزه رحله طيران وحاجزه رحله باص وتعبانه ومسخنه

قلت من غير شر لو زاد تعبي اكون في مطار اهون من اتعب في طريق خمسه او اربعه ساعات



بس طبعا اختكم الذكيه لازم تستغل انه بيجي وزباينه ساكنين جنبنا
قلتله بس مر علينا وخذ الشنط اذا ماعندك مشكله قال طيب مافي اي مشاكل

خلصنا ترتيب الشنط وجا على الساعه 12 الليل واخذها



ونقوم الصباح الساعه 7 ونسلم المفاتيح ونستلم التأمين كاش
وانزل اخذلكم باص رقم 101 لكومتار ب 13.5 رينجت

وكان في ناس اجانب شايلين شنط سفرهم
ورايحين بالباص ولاحظت ان الشي هذا عادي في الباصات
الناس بتشيل شنط وزنها كبير ويتنقلوا فيها بالباصات


يعني نحن العرب مستحيل نسويها نشيل الشنط وننزل بالباصات نتنقل

بس هما ما شاء الله عليهم عادي
تجي الحرمه شايله شنطه سفر ومعاها اطفال وتشيل وتحط في الشنطه

بس اتوقع لو رحله شبابيه ممكن يستخدموا الباصات بدي الطريقه
تجربه حلوه ومختلفه عن رفاهيه السياره




وصلنا كومتار الساعه 8 تقريبا

جيت اطلب اوبر طلع وقت ذروه يعني السعر في زياده عن العادي

(وقت الذروه العلامه اللي زي البرق موجود في جراب كمان )
وطالع انه بينتهي خلال 5 دقائق بس ما انتهى

بعد تفكير سريع ادفع مبلغ زياده افضل من اني اتأخر على المطار

طلبت اوبر اكس ال و10 دقايق وهو واصل



ونروح للمحطه وصلنا بابا وكان الوقت تقريبا الساعه 9 الا ربع
ورحلتنا الساعه 10:40 بديت اتوتر لاني احب دايما اروح بدري

كان الوقت في السعوديه الساعه 3 الليل وليله جمعه
الناس سهرانه كلمت عمي واتس طلبته يدخل موقع الخطوط الماليزيه ويقطع البوردينق

احلى شي في الخطوط الماليزيه ان يمديك تقطع البوردينق اون لاين بدري
قبل الرحله ب 48 ساعه الين 90 دقيقه قبل الاقلاع


وصلت المطار وكلفني المشوار باوبر 36 رينجت فقط ( وقت ذروه ولا السعر ارخص بكثير )


من السكن الى كومتار الى المطار ب 50 رينجت تقريبا



شفتوا كيف ذكائي واني اقتصاديه في السفر وانفع امسك ميزانيه

وصلنا المطار ومرينا على ماكدونالدز ناخذ فطور وغدا في نفس الوقت

صراحه دايما في المطار ناخذ برجر او اي شي فيه دجاج

لانه نقعد بدون غدا طول اليوم الين العشا



انصحكم اذا مسافرين طيران فتره الصباح افطروا شي ثقيل
وقت الغدا ضايع ضايع



جينا ندخل البوابه وريت موظفه الجوازات البوردينق
وقعدت تهرج بسرعه وصراحه مافهمت شي وهزيت راسي ومشيت


صارت تاشرلي وقالتلي شكلك مافهمتي قلتلها صراحه مافهمت
قالتلي بس وزعي الصور لكل واحد في جواله عشان تدخلوا
ان ماينفع اجمع صور البوردينق في جوال واحد

وزعنا الصور ودخلنا ولسى كان في وقت على الرحله وقررنا نسوي مساج

كراسي المساج منتشره عندهم في المولات المطار
محطات الباصات حتى في المسجد الوطني لقيتها

حبيت ان قزاز المطار شفاف واقدر اشوف الطياره وقت ماتوصل

صورتلكم كيف الممر يوصل لطياره بس سرعته

المقطع مدته دقيقه ونص

الحمدلله وصلنا بالسلامه على الساعه 12 تقريبا
والين حركنا صارت الساعه 12 ونص


وكان في استقبالنا الاخ عبدالرحمن


الطريق كان زحمه بما انه يوم جمعه تقريبا اخذ مننا ساعه ونص

على وصولنا الساعه 2 اتصل الوالد انه وصل وانا كنت متوقعه بيتأخر


لان عبدالرحمن سالني من البدايه اذا ابغى اروح للمحطه
وبعدين نروح السكن قلتله لا على السكن


لما وصلنا حاسبته ب 150 مع ان المبلغ المعتاد ب 120
بس عشان مر اخذ الشنط قلت لازم زياده

ورجع اخذ بابا من المحطه لانه وصل في نفس وقت وصولنا لسكن
بسبب زحمه يوم الجمعه الطريق اخذ وقت طويل


من المحطه الى السكن ب 50 رينجت


يعتبر سعر غالي لو باوبر كان بعشر المبلغ

عشان كذا السواقين خلوهم للمسافات الطويله

زي المطار او جنتنق والحديقه الفرنسيه او افاموسا



ملاحظه اتمنيت لو كنت اتنقلت في الوكيند بدل مايكون يوم من ايام الاسبوع
الجمعه دايما زحمه الطريق وقت الظهر والوكيند دايما الاماكن مزحومه بالعوائل ورحلات المدارس
فالسبت والاحد افضل الايام لتنقل من وجه نظري



هذه الصورة تم تصغيرها . الحجم الافتراضي لها هو 1812x1080.



وصلنا السكن والحمدلله الموقع جميل والمكان جميل والامن عندهم جدا عالي


وقت الدخول من عند السيارات لازم بالبطاقه الممغنطه ودخول باب المبنى بالبطاقه

والمصعد مافيه ارقام بمجرد ماتحط البطاقه يروح للدور اللي تبغاه


بستثناء ثلاثه طوابق للكل وفيه سوبر ماركت وكافيه والمسبح



المسبح كان بمبلغ رمزي ب 50 ريجت للشخص لمده اسبوع
ومسموح يرافقونه شخصين اذا كانت عمارهم اقل من 16 سنه

سويت اشتراك لبابا وفي نفس الوقت ولد عمتي معاه


وقت الحجز كان طالعلي عدد الحمام 1.5 انا انتبهت للموضوع

:
قعدت افكر حلاقي مثلا مغسله ودوش او شي ناقص في الحمام عشان النص دا
بس في الاخير قلت اش حمام ونص دا اكيد حمامين بس ملخبطين


وهنا كانت المفاجأه الاقي حمام واحد له بابين من داخل غرف النوم

وما في شطاف وانا كنت مشتريه شطاف واحد واستخدمناه في الجزيره ونسيناه

صراحه كان الوضع مزري مع الحمام ابو بابين بدون شطاف

للمعلوميه حمامات البافيليون فيها شطاف

عارفين السفر يخلي الواحد يكتشف اشياء جديده فيه

من ناحيه التصرفات او يخرج عن المألوف بالنسبه لروتينه

( اكتشفت اني ممكن اصير عنيفه بس هذي اسرار عائليه
ماينفع نذكرها هنا لحفظ ماء الوجه )

انا بشكل عام ما اخاف كثير بس اخرج في الاوقات المناسبه في جده


بس هناك مدري اش صارلي صرت اخرج بدون تفكير وبعدين ابدا افكر

وانا في المكان هل الوقت مناسب اني اخرج فيه هل المكان امن

او مثلا استخدم المواصلات العامه في الوقت الغير مناسب

لان المواصلات العامه لازم تمشي غالبا من والى اقرب محطه توقف


فالباصات العامه مو الحل المثالي لاي بنت في الليل

بس الحمدلله جات سليمه ولا صارلي اي موقف بس مجرد الخوف والوسوسه تكفيني



غير العناد اللي ذابحني والمسكات الغريبه اللي تمسك في مخي

ويضيع وقت كبير على عنادي واحيانا بفايده واحيانا اندم على راسي اليابس

طبعا اغلب حالات العناد عندي تجي في المواصلات العامه




بعد ما استقرينا في المكان ورتبنا الوضع الكل جيعان حاولنا نطلب دومينوز بس ما ضبطت المحاوله


قلتلهم افا يا شباب مالكم الا تاكلوا دومينوز


قررت اروح لحالي لان الوقت عصر زي مو باين في الصوره ونزلت سألت عن باص قو كي ال


واللي يسأل مايتوهش ووصلت المحطه واشوف الباصات تجي وتروح وانا مو شايفه اي فرق

وانا ابغى الباص الاخضر واشوفهم كلهم لون واحد واللي هو موف وكل ما جا باص اسأله اذا الاخضر

يقول لا الموف وانزل وعلى الموال هذا موف لا وانزل موف لا وانزل


الين شغلت مخي وقررت اسال اذا يروح بافيليون وقال السواق ايوا واطلع واروح المول

وافتح قوقل ماب وابدا امشي على الخريطه وشويه اسأل الناس عشان اتأكد ان طريقي صح


ونشبلي واحد الا تشتري ليزر قلت ما ابغى قعد يقول الا اهل السعوديه يحبوه

قلتله انا مو سعوديه يكذبني ومصر انو اشتري من عنده واني سعوديه

بعد طلوع الروح قدرت اتخلص منه



والحمدلله وصلت دومينوز وطلبت واستلمت الطلب


المفروض اطلب اوبر وارجع


لكن كيف اختكم في الله لازم تتفلسف

واسأل عن محطه قو كي ال واركب باص من باصاتهم وانزل في مكان بعيد

واقعد استنى باص ثاني لونه اخضر

واهلي صاروا يتصلوا فينك اشبك ليه متأخره
واقلهم في الطريق وانا ملطوعه في المحطه استنى الباص


في الاخير استفسرت من وحده قالتلي انو انا في مكان بعيد اقرب للتشاينا تاون


ولازم اروح مكان ثاني استنى فيه


قطعت الشارع ورحت للمكان الصحيح وكان في واحد اجنبي ونفس حالتي ملخبط

وقلتله انو مكان غلط روح للجهه الثانيه



والحمدلله



الحمدلله


طاح اللي في راسي وطلبت جراب ورجعت

هذه الصورة تم تصغيرها . الحجم الافتراضي لها هو 832x467.

ورجعت السكن بعد ساعتين وزياده على مشوار بالسياره حق 6 دقايق

وهذا غباء مني


عموما دومينوز احجام بيتزاتهم غير عن اللي عندنا
الوسط عندهم اقرب للصغيره بس والله البيتزا رهيبه


وطلبنا سوفليه بس حسيته كيكه واللي في النص خليط ني
غكس اللي في السعوديه يكون في النص تشوكلت

عاد اللي غبني زياده وقهرني على ضياع الوقت

ان بابا بعد ماسبح وريح شويتين راح لمندي حضرموت في شارع العرب

ورجع وانا باقي احوس مع الباصات



بس عموما لكل شي جديد اول مره وبعدها صرت خبيره في الباصات واستخدامها

بمجرد مابديت اركز في الخريطه مع التجربه الواقعيه استوعبت فكره الباص


وانا ذكرت في البدايه ان الفرق بين باص والثاني يكون بالكتابه في اللوحه الالكترونيه





السبت 12 نوفمبر

هذه الصورة تم تصغيرها . الحجم الافتراضي لها هو 1812x1080.

وقت وضع الجدول كنت مخططه اروح للاكواريوم و المركز العلمي بتروناس و معرض الديناصور

لانه افضل وقت من وجه نظري لان تغذيه القرش بيكون يوم السبت والاثنين والاربعاء
والمركز العلمي بيغلق يوم الاثنين ومعرض الديناصور بيغلق يوم الجمعه

وقت التخطيط اتوقعت ان السبت انسب وقت للزيارتهم


بس الواقع عكس كذا تماما


ياجماعه على الساعه 10 ونص الصباح كنا في المركز العلمي داخل سوريا مول


بس كان في طابور ماله اول من اخر


حقيقي بدايه الطابور ما قدرت اشوفها والنهايه لبرى المكان

واطفال باعمار مختلفه وكانهم في رحله مدرسه

لابسين ملابس متشابهه في الالوان


عشان ادخل يبغالي ساعه وانا اشتريت تذاكر لسينما من اليوم اللي قبله


هنا قررت اكنسل المركز العلمي والاكواريوم قلت اكيد نفس الزحمه

الافضل يوم السبت والاحد تكون لتنقلات او تروح جنتنق والحديقه الفرنسيه

او حدائق مفتوحه شي مايكون مقفل لان الزحمه مو طبيعيه


( بس اش رايكم في الصوره الخنفشاريه مدري كيف طلعت بذا الشكل
كان صورتها في اوقات مختلفه )

هذه الصورة تم تصغيرها . الحجم الافتراضي لها هو 860x645.

بما انو موعد الفيلم الساعه 1 قررت استكشف المولات اللي جنب سوريا مول

ولقيت محل H&M في مول اسمه avenue k

الاسعار اشوفها مقاربه لاسعارنا هنا

بابهم يخلي الواحد يتلخبط وقفت قدامه دقيقتين استنى يفتح

في الاخير طلع ينفتح بضغط الازرار

هذه الصورة تم تصغيرها . الحجم الافتراضي لها هو 1248x701.

عجبني محل الرياضه هذا وكانت من قائمه الطلبات نجيب شنط مدرسه للكم شخص في العيله


صورتلهم الشنط وارسلتها بس ما كان في رد بسبب فرق التوقيت وقررت اجي المول مره ثانيه


طبعا مولات ماليزيا ومواعيدهم تعتبر صعبه علينا جدا لانها تفتح 10 الصباح وتقفل 10 الليل

حاولت كم مره اني اروح المول بدري بس ابدا ما الحق وما اشتريت الشنط الا يوم رجعتنا الصباح


عشان كذا اذا عجبكم شي في مكان لا تتردوا خذوه لان فكره تروحوا وترجعوا للمكان صعبه احيانا

هذه الصورة تم تصغيرها . الحجم الافتراضي لها هو 1248x701.

بشكل عام المول لطيف هادي مافيه شي مميز

حسيت عندهم كافيهات كثيره ومحلات اكسسوار بس اسعارهم جدا مبالغ فيها

وفي الاخير مو ماركه معروفه عشان السعر المحطوط

عندهم دايسو بس ابدا ماعجبني ما في اي مقارنه بينه وبين دايسو اللي في بافيليون



عندهم ماركه نتشي nichii والسعر ارخيص بالنسبه للي عندنا

كان نفسي اشتري بس ما شفت المحل الا في نفس يوم رجعتنا




صحيح ياحلوات الكل بيقول ان الماركات غالبا هناك اغلى


بس عندكم MAC اسعار المكياج ارخص بكثير من هنا

موجود في بافيليون وسوريا كي ال سي سي

هذه الصورة تم تصغيرها . الحجم الافتراضي لها هو 1024x575.

شاشه زي التاب في سوريا مول تحط اسم المكان اللي تبغاه توضح لك اي طابق والاتجاه اللي تروح منه

السينما

يا جماعه انا من عشاق الافلام بشكل مو طبيعي

طبعا مستحيل اسافر لاول مره وما احط السينما في خطتي

تصدقوا كنت اتمنى اروح البحرين عشان اشوف سينما وارجع

السينما دخلتها لثلاثه مرات في اوقات مختلفه


الفلم كان اختياري موفق فيه فلم توم كروز الجديد
بس وقت عرض الفلم 1 الظهر كان سيء لانه فتره الصباح ضاعت علي


ملاحظاتي على موظفين السينما ما كانوا جدا متعاونين
قعدت استفسر عن الافلام وما كان في اي تجاوب

وقالولي روحي شوفي الشاشه اللي فيها الافلام ومواعيدها


اخذت لفه على الافلام وكنت اتأكد من برنامج imdb من التقييم
واذا الفلم جديد او لا وفي الاخير لقيت فيلم توم كروز

ابلكيشين imdb ميزته يوضحلكم تقييم الفيلم والعمر المسموح للفيلم
صراحه الافلام اللي تكون +13 محترمه دائما
+16 احيانا يكون بسبب ان الفيلم مرعب او فيه مشاهد قتل وذبح بزياده
واحيانا يكون الفيلم فيه مشاهد خادشه للحياء
فالمميز في البرنامج ان عندهم المراقبه الابويه
ويكون مكتوب فيه المشاهد اذا كانت دمويه او اشياء ثانيه

( اعتذر عن صراحتي بس جدا مهم البرنامج هذا خصوصا في عوائل تحب تتابع الافلام مع بعض )

هذه الصورة تم تصغيرها . الحجم الافتراضي لها هو 1248x701.

اخذنا مكرونه من Pizza Milano بيزا ميلانو قريبي مدحها لنا

الصوص نكهته عاديه بس الدجاج ما كان قطع صدور كان لانشون

ونحن مانحب ناكله


بس اللي ياكله تعجبه المكرونه خصوصا ان عليهم زحمه

او ممكن انا طلبت طلب غلط


رجعت السكن للغدا وتشاركنا المكرونه وطبعا كانت ماما مسويه اكل كمان

هذه الصورة تم تصغيرها . الحجم الافتراضي لها هو 1080x1812.

بعد العصر كنا مخططين نزور تشاينا تاون بس مع امطار الخير

قررنا ان المول افضل حل



يا جماعه اذا سافرت ماليزيا وما تروشت في المطر اعتبروا نفسكم ما سافرتم


ولازم لازم تنسوا المظله واليوم هذا بتمطر مطره قويه وخليكم متأكدين


طبعا الكل بمظلاتهم الا مظلتي ضيعتها في الهضبه


واتشاركت المظله مع ولد عمتي وصرنا نجري عشان نوصل لمحطه توقف الباص

واحلى ترويشه في المطر >>> لاحد يلومنا اهل جده محرومين من المطر




ابشركم اخترت المحطه الصح ولقيت الباص الاخضر اللي يودي للبافيليون ويرجعني لسكن

هذه الصورة تم تصغيرها . الحجم الافتراضي لها هو 1080x1812.

الشجره اكتملت بعد رجوعنا من بينانق

هذه الصورة تم تصغيرها . الحجم الافتراضي لها هو 1080x1812.

قبل السفر الانستجرام كله التشيزكيك الصيني

وانا مره اتحمسلته ودورت في برنامج زماتو على التشيزكيك

وطلع موجود في البافيليون واسمه Uncle Tetsu Cheesecake

يفتح من 10 الصباح الى 10 المسا


طبعا انا واختي بس وصلنا المول صرنا نمشي باسرع ماعندنا >> زي عيال دينا لما يروحوا للناندوز

نبغى نوصل المحل واول ماوصلنا اشتغلنا تصوير في سناب شات

كل صحباتي متشوقين يذوقوا التشيزكيك الياباني قلنا نقهرهم شويه

هذه الصورة تم تصغيرها . الحجم الافتراضي لها هو 1080x1812.

طلبنا تشيزكيك وتارت ياباني


التارت كان لمجرد التجربه وطلع جدا لذيذ (( كان بارد مو ساخن ))


التشيزكيك كان لسى ساخن وانا واختي عيونا قلوب

بس ذقناه صرنا كذا

كان في جنبنا بريطانيه علقت شكله ماعجبكم

وتقول ارجعوا للمحل وقولوا ماعجبكم وخذوا فلوسكم

نحن زعلانين وهذي تقول ارجعولهم وقولولهم ان الاكل مو على قد المستوى

بس الحمدلله ما رميناه واخذناه معانا وبعد ما برد ماما ذاقته وقالت حلو اشبكم
ذوقوه وطلع مره طعم وهو بارد


عشان كذا لا تاكلوه الا وهو بارد عشان يبان طعمه مضبوط

محل عصيرات في بافيليون

اللي يحبوا الخلطات الغريبه بيعجبهم

على ذمه ولد عمتي يقول مره لذيذ وعجبه عصيرهم

ويمديكم تذوقوا قبل ماتطلبوا





بعدها اخذنا باسكن لماما

عجبها طعمه مافي فرق عن اللي عندنا

هذه الصورة تم تصغيرها . الحجم الافتراضي لها هو 1080x1812.

هذه الصورة تم تصغيرها . الحجم الافتراضي لها هو 1080x1812.

القسم الياباني في المول

تقريبا كل الايام كنا بنروح بافيليون وسوريا كي ال سي سي وشارع العرب

بافيليون عشان دايسو و باتا

دايسو نجرب شي نرجع ناخذ للكل

وباتا كل شويه نفتكر نبغى نجيب لاحد هديه
او نحن نشتري لنفسنا

هذه الصورة تم تصغيرها . الحجم الافتراضي لها هو 1080x1812.

هذه الصورة تم تصغيرها . الحجم الافتراضي لها هو 1080x1812.

الزينه منتشره في كل مكان

هذه الصورة تم تصغيرها . الحجم الافتراضي لها هو 1080x1812.

البقاله العربيه المنقذه في الغربه


المخزون اللي جبناه معانا من جده خلص وفي الجزيره ما كان في بقاله عربيه


دخلنا اخذنا مشتقات الالبان واندومي وكل اللي ناقصنا



في واحد من سواقين اوبر قلي انه في بقاله عربيه
اسمها مكه مدينه اسعارها ارخص من البقايل الثانيه
بس ما شفتها

هذه الصورة تم تصغيرها . الحجم الافتراضي لها هو 1080x1812.

شاورما حلب

طعمها لذيذ ونظيفين اللي بيشتغلوا

والعرب عندهم بالهبل

انصحكم فيها بقوه كل الايام صرنا نتعشى من عندهم
ملاحظه بابا ان الزيت فيها كثير بس لازالت من افضل واطعم الاشيا اللي اكلناها هناك

فلافل وحمص من عندهم
ما اقدر احكم على الفلافل لاني احب الطعميه وما تعجبني الفلافل كثير
الحمص عادي ماشي حاله




بعد ماكدونالدز بشويه في محل اسكسسوارات اسمه

panda eyes المحل جميل

اكسسواراتهم حلوه تشبه اللي في علي اكسبرس

للي يحبوا الشغلات دي بيعجبهم المحل واسعاره رخيصه






عندي كم ملاحظه


في بافيليون في صرافات جهه المطاعم اللي مكانها مفتوح

كانت صحبتي تبغى تصرف من هناك وفجأه واحد عربي ينقزلنا
وانو اي مساعده في الصرف نحن عرب ونساعد بعض

عموما ممكن نيته طيبه بس صحبتي تقول لاحظته من اول يلحقنا


انتبهوا انتبهوا حتى لو عربي وقت الصرف الواحد لازم يركز

وابدا ما يقبل مساعده احد الا اذا انت سالت احد

بس ابدا لا تسحب قدام احد وقد ماتقدر حاول يكون الرقم السري مو باين لاحد



المطارات نفس الشي ونحن راجعين جده كان في واحد يبغى ياخذ عربيتنا لمكان ثاني

غير المكان اللي قالتلي عليه موظفه الخطوط الماليزيه وانو من هناك قطع البوردينق

والادمي مو لابس اي لبس رسمي وباين انه موظف

ابدا لا تعطوا اي مجال لهذي الاشكال

وشنطكم لا تغيب عن عينكم الين تدخلوها




نجي لمنطقه سارع العرب وبافيليون وكي ال سي سي


انا عن نفسي ما اشوف كوالالمبور صاخبه
اعتبرها حيويه بطريقه جميله


يعني استغرب اللي يرجعوا الفندق الساعه 7 المسا



شارع العرب كثير بسمع ناس تذم فيه بس يعتبر اهون من منطقه كي ال سي سي

كي ال سي سي بعد 10 ابدا ما انصح احد يكون في ذيك الجهه


اما شارع العرب كنا بنقعد فيه الين 11 وشي واحيانا 12
بس لازم الرجعه سياره ابدا ماينفع باصات او مشي

ومره انا وماما واختي رجعنا الساعه 1 بجراب وكان الوضع امن

ماليزيا احسها من الدول اللي ممكن يسافروها مجموعه حريم
بدون رجال

اكثر شي كان نفسي اشوفه
اللي يغنوا في شارع العرب بس ماكنت عارفه فينهم
اخر يوم بالصدفه مشيت مسافه اطول في شارع العرب
وكان في فرقه ماليزيا بيغنوا لا لا نحتاج المال كي نزداد جمالا
واغنيه حبيبي يانور العين


صوتهم كان جدا جميل
وحلو كتغيير عن المعتاد


وانصحكم لو لمره وحده تجربوا الباصات

خصوصا يوم الاحد تجربه اجتماعيه ثقافيه
تحسوا نفسكم في ملعب من كميه الناس والاطفال

خصوصا لما يتملى الباص ويجوا ناس بيطلعوا

الركاب بيهزوا الباص ويطلعوا اصوات تشجيعيه كانكم في ملعب



هههههههههههههههههههههههههه

حقيقي العيله كلها صارت تضحك
من كثر مانحن مستغربين من اللي قاعد يصير

بس استمتعنا بالتجربه



مصروفات 11 نوفمبر

باص من باتوفرنجي الى كومتار لخمسه اشخاص ب 13.5
اوبر من كومتار الى الى محطه الباصات الى المطار ب ٣٦
فطور من ماك ب ٢٢.٨٥
كرسي مساج ب ٦ رينجت
ذره ب ٤.٥٠
من مطار كوالالمبور الى السكن + من المحطه الى السكن ب ٢٠٠
اشتراك مسبح ب ٥٠
وجبه من مطعم حضرموت ب ٣٣
بطاقه شحن ب ١٠ رينجت
من دومينوز اثنين بيتزا ب ٤٢
جراب ب ٤ رينجت
تذكره لفلم توم كروز ب ٢٠ رينجت
مشتريات من السوبرماركت ب ٦ رينجت



المجموع 447.85



12 نوفمبر


دايسو ( افينيو كي ) ب ١٠.٦ رينجتز
مويه و سينكرز ب ٨ رينجت
٢ باستا ميلانو ب ١٨ رينجت
تشزكيك ياباني وتارت ب ٣٠
عصير منجا ب ١٢.٦٥
ايسكريم من باسكن ب ٨.٦٠ بالمكسرات
ايسكريم ب 30 رينجت
من دايسو ب ١٣٥.٦٠
من باتا ب ٦٠
من البقاله العربيه ب ٦٢
من شاورما حلب ب ٢٦
كفر ضد المويه ب ٢٥
سوبر ماركت ب ١٣ رينجت
في الليل جراب الى بافيليون ب ٦
سوبرماركت ب ٣.٢٠
مشتريات من محل باندا ايز ب 49
جراب الى سوهو ب ٦ رينجت


المجموع 503.65​

​