أنت تستخدم أحد المتصفحات القديمة. قد لا يتم عرض هذا الموقع أو المواقع الأخرى بشكل صحيح.
يجب عليك ترقية متصفحك أو استخدام
أحد المتصفحات البديلة.
انا متشوقه اكثر من الاطفال
ابيهم يشوفون ويجربون كل الانشطه اللي انا مجربتها من قبل
اول شي التزلج
حجزنالهم ساعه
عاد يانا واحد .. مادري شافنا عرف لقانا يقص علينا
قالنا انا ادربهم واعلمهم ب200
مارضينا
وقالناله وااايد
قالنا خلاص انا بدربهم واللي بتدفعونه
وبخلال فتره الاطفال صارو محترفين
جان نعطيه والله ماقصر علمهم
طلعنا عقب ماخلصنا ساعه نتجول بالمول
هذه الصورة تم تصغيرها . الحجم الافتراضي لها هو 864x648.
وكتب التلوين اللي هابين فيهم الحين يقولون انها علاج
هذه الصورة تم تصغيرها . الحجم الافتراضي لها هو 864x648.
شريت منهم كل الاشكال
مع الهبه
واسعارهم بين 25 رينجت لي 45 رينجت
هذه الصورة تم تصغيرها . الحجم الافتراضي لها هو 864x648.
ولقيت شي احبه
العصاير المخلوطه
هذه الصورة تم تصغيرها . الحجم الافتراضي لها هو 864x648.
وانا مستمتعه بالسوق
وبو بدر يقول خلينا نرجع الفندق
لييييش
ورجعنا
واثاري
هذه الصورة تم تصغيرها . الحجم الافتراضي لها هو 864x648.
كيكه عيد ميلادي
ونتفنن شوي بالتصوير
ونرجع للانشطه اللي داخل المول
هذه الصورة تم تصغيرها . الحجم الافتراضي لها هو 864x648.
اكبر منه بس يساعدون العاملين
والى التسوق مره ثانيه
ولمحبي هالسوالف
وبعد يوم طويل من التسوق
قررنا نتعشى في
مكانه للي يبيه
تطلعون من هذي البوابه
اللي عند ستاربكس
وتلاقونه على يساركم
الطاولات الخارجيه
بس الجو مايساعد
ومحل صغير لبيع الاشياء التذكاريه
المينيووو
للاسف ماصورت الاكل
بس هذا من المقبلات
يكفي و يشبع بعد
و عندهم وجبات اطفال تقدم في طبق من ورق مصنوع على شكل سفينه
بس ماصورته
وبعدها رحنا محل
هذه الصورة تم تصغيرها . الحجم الافتراضي لها هو 915x686.
نشتري الجيك كيك اللذيذه
بس للاسف كانت خالصه واخذنا نوعين ثانيين
بس مو طيبين نفس الجييزكيك
وانتهى هذا اليوم
وباجر موعدنا مع السن واي لاقون
اليوم السادس عشر:
29 ديسمبر 2015
اليوم موعدنا مع السن واي لاقووون
والكل مستعد ومتحمس
قاعدين من الصبح علشان نتريق
وهذا مكان الريوق
قبل ماكان جذي .. الحين حاطين مطاعم فيه وصاير فودكورت بالليل
وناكل خفيف قبل السباحه
صورت بعض الاجزاء من غرفتنا بالفندق ماكنت ادري انه عادي استخدم الكاميرا داخل اللاقون
ونزلنا من السلالم للوصول الى البوابه
وهذي االاسعار
احنا حاجزين الغرفه بالفندق مع التذاكر
بس بدلنا التذاكر الى شريط نحلفه على الايد
ودخلنا
وماندري من وين نبدي
وبعد ما حطينا اغراضنا باللوكر
رحنا تسبحنا و جربنا الانشطه الموجوده
لي وقت الظهر
راح بو بدر ياخذ فلوس من اللوكر وقلت له ييب الكاميرا
وصورت داخل
الاطفال مستمتعين مايبون يطلعون وانا بعد وياااهم
بس خلاص صارت تقريبا الساعه 3 واحنا نتسبع ونلعب
شفت مطعم صقر واقترحت على بوبدر ناكل منه قبل لا نطلع على مدح المنتدى
وفعلا تغدينا
المكان شعبي
بس الاكل لذيييذ زحمه عليه بعد .. يعني الطاوله نطرنا عايله تقوم علشان ناخذها
وبما انه مو زين نتسبح على طول بعد الاكل
قررنا نتمشى ونشوف الحيوانات الموجوده والعروض والكشكات
العرض كان عادي جدا
وعقب ماخلص رجعنا الفندق
رجعنا الفندق تسبحنا وبدلنا وطلعنا
الى المايينز
ماريحنا كلش وهذا غلط المفروض بعد السباحه نرتاح شو ي ... ننام
لكن الاطفال نامو بالسياره بالطريق الى المايينز
ووصلنا
حجزنا حق التور البحري اللي مدته ساعه تقريبا ...
لكن كانت الرحله مو الحين باقي عليها ساعه ونص
فقررنا نقعد نشرب قهوه و نتمشى بالمول
مطعم سيول قاردن موجود
لحد ما صار موعد التور
انا كنت متردده اني اتكلم بالموضوع هذا او احط صوره بس
اول شي المسافر سفير لبلده
ثانيا العربي بالذات العالم كلها تنقده وبكل دوله صارو مايحبون العرب لسلوكياتهم
ثالثا ماله داعي ابين للناس اني انا احسن منكم واقلل من مستوى احد
مادري شلون اتكلم عن الموضوع بس انا بكل دوله سافرت لها والحمدلله ماعمري شفت معامله اجنبي سيئه لي او حاول ينصب او يأذينا او اي شي من اللي اسمعه من الناس
انا احترم كل البشر من كل الجنسيات ومن كل الطوائف والملل
واتعامل مع الشخص لشخصه وليس لشنو اهو
لكن دايما ديما بكل دوله اسافر لها اشوف تصرفات الاخوه العرب (تفشل) وايد مايحترمون القوانين .. و على بالهم شارين الناس بفلوسهم
انا اسفه عالكلام ولا اعم كلامي عالجميع
لكن ياريت المسافر يمثل بدله ويمثل العرب بشكل حلو ولائق
الهم هالكلام مو بس لاني شفت تصرف سيء لاني كل كل مره اشوف مواقف بايخه ماحب اذكرها
لكنها بهالرحله العايله اللي معانا اقهروني حتى اني ما استمتعت بالرحله ولاصورت
اول شي انا وزوجي وعيالي يمكن على حسب راي الناس اشكالنا مو عرب يعني اي احد يسألنا يتوقع احنا اتراك او ايرانيين .. بس محد يتوقع احنا عرب
دخلنا القارب الصغير
واللي رايح يعرف انه الكراسي بس بالمقدمه و بالخلف
بالمقدمه كان في عايلتين من احد الجنسيات العربيه
و باخر القارب عايله عربيه بس ماخذين المكان كله واهم زوج وزوجته وطفلين صغار
بس الزوجه حاطه اكل عالكرسي وقاعده تاكل وما شالت الاكل الي فارشته علشان تسوي لنا مجال
كلش مو مهتمه لو نقعد عالارض
و مخليه الاطفال كل واحد قاعد براحته على طول الكرسي
سؤال احنا وين بنقعد ؟؟
طبعا شافونا ولاتحركو ولا قالت حق عيالها قعدو عدل علشان تسوون مجال
والريال بعد قاعد فارش ومدد رجوله جنه بيت ابوه
انا كنت بتكلم بس زوجي مارضى قال لا تسوين مشكله وماعليج من احد
ظلينا انا وزوجي وعيالي محكورين بهذي الزايه
و من القهر ماصورت الى هالصورتين و وقفت بويهم علشان اصور
وجان زين في احساس بس
خلصنا التور ورجعنا الفندق
هذا المكان نفسه مكان الريوق
شوفو بالليل يصير مكان مختلف للمطاعم
احنا تعشينا بالمول بهذا المطعم
ديكورات المطعم
وطلبنا اللذيذ
هذه الصورة تم تصغيرها . الحجم الافتراضي لها هو 864x648.
وعقب العشا
كنا حاجزين فلم ستار وارز الساعه 11:30 الفلم ومدته اكثر من ساعتين
انا توقعت الاطفال بينامون من التعب لانه كان يوم جدااا حافل
بس ماشالله تابعو الفلم
وانا اللي نمت
هذه الصورة تم تصغيرها . الحجم الافتراضي لها هو 864x648.
ولمن خلص الفلم
المول كان مظلم والمكان اللي يودي للي الفندق مسكر ب شتر
لفينا المول الى الباب الرئيسي وطلعنا
ورجعنا الفندق
جان يقولون لنا انه المكان مسكر بشتر من المول لي الفندق بس في باب صغير يمه تقدرون تدخلون
بس احنا ماكنا منتبهين
اليوم السابع عشر:
30 ديسمبر 2015
اليوم قررنا نروح الى اي سيتي او مدينه الاضواء
نصيحه من الاخوه العاملين بالفندق انه افضل وقت للذهاب العصر او بدايه المغرب
يقولون انه في مدينه مائيه هناك .. اللي حاب يروح لها لازم يروح هناك من الظهر اما اللي مايبي الماي يروح بالليل
طبعا احنا شبعنا سباحه من سنغافوره الي هذا اليوم كل يوم نتسبح بالاحواض
المهم اتفقنا نروح المغرب
الصبح لي العصر قضيناها بالفندق والمول
اخذنا تاكسي من عند الفندق وطلعنا الى شاه علم
اول مره بروح شاه علم و متحمسه لرؤيه ال اي سيتي
الاضواء من برا تشوفونها
ودخلنا التاكسي و اتفقنا معاه ينطرنا لين نخلص
وهذي الاقسام الموجوده
والى شباك التذاكر
والاسعار .. تختارون الاماكن اللي بتدخلون لها ويعبيلكم مثل كرت .. وكل مكان يخصم من السعر عند الباب
شخصيا اشوف الاسعار غاليه ومرتفعه للمكان ومستوى المكان لشخص يبي يدخل كل الانشطه و معاه عايله كبيره
طبعا بالبدايه ماندرى عن المستوى وحجزنا بس المكان صدمه ولا كأنه بماليزيا وايد بدائي ..
اول شي السنو ووك
عباره عن مكان بااااارد جدا كله ثلج .. المصيبه البرد مو من الثلج حاطين مكيفات هواها باااارد يضرب بالويهه ماتحملنا ,, تخيلو انكم حاطين ويهكم جدام المكييف شنو الشعور
عطونا جاكيتات
المكان عادي جدا
بطريق صغير
طلعنا الى ادفانجر
شخصيات ايس ايج
بعدها طلعنا برا نكمل باجي الاماكن
بناء المكان و الشخصيات والصور حلوه بس التكنولوجيا المستخدمه بدائيه
بصراحه (حولي بارك) عندنا بالكويت احسن من مستواها
مكتوب ليزر بس اهو لا ليزر ولا شي
بس المجسمات تجذب الاطفال
دخلنا الليزر عباره عن مركبه تتحرك وكل مركبه فيها مسدسات بس مو ليزر .. شكليا فقط
هذه الصورة تم تصغيرها . الحجم الافتراضي لها هو 864x648.
هذه الصورة تم تصغيرها . الحجم الافتراضي لها هو 864x648.
وهذي بعض الاماكن ..
هذه الصورة تم تصغيرها . الحجم الافتراضي لها هو 864x648.
صورت لكم الطوفه لانه المكان يديد يعتبر وهذي طوفتهم جذي مقشره
هذه الصورة تم تصغيرها . الحجم الافتراضي لها هو 864x648.
ما اشوف المكان يستحق الزياره او يستاهل العنوه .. جدا عادي
اقصى شي عندهم الاضاءه والليتات اللي معلقه
واللي وده يشوف اضواء يشرفنا بالكويت شهر فبراير وبيستمتع بالاضواء
اخر شي لعبنا بهذي السيارات
هذه الصورة تم تصغيرها . الحجم الافتراضي لها هو 864x648.
المكان خذا منا تقريبا 3 ساعات
واحنا طالعين شفنا كشكات يبيعون بس ماشريت ولا شي
لانه خلااااص مافي مكان
ولمن وصلنا الفندق كان كل شي تقريبا سكر
فما لقينا الا فرايديز تعشينا فيه
هذه الصورة تم تصغيرها . الحجم الافتراضي لها هو 864x648.
تقيمي للاي سيتي
زياره وحده شفت المكان ولن يتكرر
المكان عادي جدا واسعاره غاليه على الخدمه اللي يقدمها
طريقه من سلانجور يحتاج تقريبا 40 دقيقه
اليوم الثامن عشر:
31 ديسمبر 2015
اخر يوم .. وداعيه
طيارتنا الساعه 8 بليل
كنا اتفقنا مع باص صغير ياخذنا من الفندق الساعه 4
احنا شويه بس اغراضنا وايد و السيارات ماتشيل اغراضنا علشان جذي اخذنا ميني باص والحمدلله راااحه
اتفقنا مع الفندق انه بنسوي الجيك اوت متأخر وماقالو شي بالعكس كانو متعاونين
الصبح عقب الريوق رحنا الفندق اللي يمنا
هذه الصورة تم تصغيرها . الحجم الافتراضي لها هو 864x648.
نصيحه بالفتره هذي على ما يتم تجديد البيراميد لحد يسكن فيه
اخذو الريسورت وااايد احلى
هذه الصورة تم تصغيرها . الحجم الافتراضي لها هو 864x648.
شربنا عصير عندهم
وبعدها تغدينا بالمول
هذه الصورة تم تصغيرها . الحجم الافتراضي لها هو 864x648.
والى المطار بعد ما سوينا الجيك اوت
ووصلنا الدوحه
ولابد من التسوووق بالسوق الحره
والى الكويت الحبيبه
الطياره فااااضيه
ووصلنا الكويت بتاريخ 1/1/2016
بجذي خلصت التقرير بس انا موجوده لاي استفتار او ملاحظه
------------------------------------------------
شكرااا لكل من تابعني .. وشكرا لكل من علق ... وشكراا لكل من شجعني ولكل من كتب اي ملاحظه
ان شالله اكون غطيت بعض الاماكن ... وافدت بعض الاخوه المسافرين ...
وادعولي اسافر اكثر
