اول شي قبل لا ابدا تقريري.. اريد اششكر كل عضو ساعدني وجاوب
على استفساراتي في هالقسم ماكنت متوقع اني راح استفيد من كل كلمه
قلتوها لي جزاكم الله خيير .. ويالله ماراح اطول فالقرقره عشان ماتملون
وببدأ تقررير رحلتي الجميلة واللي اتمنى اني اعيد زيارتها قريبا ان شاءالله ..
اولا انا قعدت في ماليزيا من تاريخ 27-4 الى 8-5 يعني تقريبا 10 ايام
وثانيا هذي معلومات عن خط سير الرحلة .. كالاتي:-
من أبوظبي الى قطر وترانزيت ثلاث ساعات
بصراحه مرت بسرعه ماحسينا فيها ورحنا قعدنا في كوفي
ثم السفر الى الحب ماليزياا
وهنا استقبلتنا ماليزيا بالمططر ماشاءالله
وهذا السائق المحترم عبدالرحمن خذت رقمه من ملف الارقام الموجود واشكر اخت دينا على طرحها رقمه
وهنا الفندق الاسطوري الاكثر من رائع صن واي ريزورت
وهذا الافطار طبعا انا حجزي كان في الغرفة الكلوب
وهذا مطعم خاص فقط ف جناح الكلوب
بصراحه الفطور ممتاز جدا بالنسبه لنا كـ مسلمين بس مافيه تنوع
مثل البوفيه العادي حق الفندق كان فيه خيارات اكثر
بعد ماخلصنا الفطور وريحنا شوي دقينا على عبدالرحمن عشان يودينا جنتنج
وكانت مدة الطريق تقريبا ساعه ونص ماحسينا فيها بصراحه لانه قعدنا نشوف المناظر والخضار فالطريق
ووصلنا اول شي حديقة الفراوولة والزهور وهذي بعض الصصور
هذه الصورة تم تصغيرها . الحجم الافتراضي لها هو 960x1280.
طبعا في قسم الفراولة بتحصلون كشك يبيع مربى وعصير الفراوله وتذكارات
وهناك تقدرك بنفسك تاخذ سله وتقطف الفراوله بنفسك وعلى حسب الوزن راح تدفع ثمن الفرراوله
والحين قسم الزهور
هالورود اهداء للاعضاء اللي ساعدوني في سفرتي جزاهم الله خيرر
وخلصنا من جولتنا في حديقة الفراوله والزهور
بعدها ذهبنا الى التلفريكك في جنتنج
الجو كان جدا جمييل وبارد شووي في جنتنج
هذه الصورة تم تصغيرها . الحجم الافتراضي لها هو 960x1280.
سبحان الله بصراحه الشعور وانت فوووق وبين الغيوم شي ثاني
وبعدها رحنا تمشينا شوي فالمول حقهم وقعدنا في كوفي ولعبنا شوي في الالعاب الداخليه
اللي موجوده في المول واغلبها زي التحديات وتناسب الاطفال
وبعدها رجعنا الى سيلانجور ونحن في طريقنا شفنا هالحلوو وقالي اسلم عليكم
هههههه
وهنا عبدالرحمن قرر ينزل ويعطيهم شوي خبز
وبس هذا التقرير البسيط اللي قدرت اكتبه الحين وان شاءالله لي تكملة بكرا اذا سمحت الظروف
وياليت لو في اي خطاء او كانت الصور غير واضحه اللي يقدر يصلحها يسويها
واتمنى يعجبكم التقرير ترا اول مره اكتب هالله هالله فالردود
وانتهى اليوم الثاني في كوالالمبور
وثالث يوم قمنا بدري وفطرنا في بوفيه الفندق هالمره
وبعدها رحنا حجزنا تذاكر الحديقة المائيهه لانه ماكنت حاجزها قبل
كان فيه مكتب فالفندق نفسهه ومكانه اول ماتدخل الفندق على يسارك راح تلاقي مكتب
وبعد ماخلصنا حجزنا التذاكر رحنا نستعد للحديقةة والحلو للي يحجز في هالفندق لهم
بوابه خاصه للدخول الى الحديقة والحمدلله هذاك اليوم كان زحممة عند البوابه العاديه اما البوابه الخاصه في الفندق
فاضيه كانت ويمكن لان اووول مافتحت الحديقة رحنا بالضبط الساعه 10
هذي بعض الالعاب اللي لعبتها بس للاسف هالالعاب لازم يكونون شخصين عشان تركبها
وانا ماكان معاي الا ام العيال وبعدها شفت واحد نفسي متوهق ويريد يلعب ف اتفقنا نركب اللعبه مع بعض
وهذي اللعبه جميله تكب علييك الماي
وهذا شلال صناعي فالحديقةة
وهذي بعض الصور البانوراميه للجسر المعلق اللي فالحديقة
بصراحه كنت ناوي اكمله للنهايه بس اللي معاي تعبو ورجعنا من نص الطريق هههه
وهذي بعض الصور فالحديقةة اخذتها
قعدنا فالحديقة تقريبا لين الساعه 3 العصر ماحسسينا فالوقت
بعدها كناا ميييتين جووع بصراحه .. رجعنا للفندق بدلنا ورحنا لمول البيراميد
وتغدينا في هالمططعم الذييذ
هذه الصورة تم تصغيرها . الحجم الافتراضي لها هو 960x1280.
وهذا بعض من المينيوو.
هذه الصورة تم تصغيرها . الحجم الافتراضي لها هو 960x1280.
للاسف مالحقت اصور اكلنا لانه ماشاءالله من وصل سوويت هجوم ونسيت الفون هههه
بصراحه اللي يحس فالسفره انه اشتاق لاكل اهله يروح هالمطعم في مول البيراميد واسعارهم حلووه والكميه حلوه بعد
وبعدها رجعنا الفندق ريحنا شووي لين بعد المغرب ودقينا على عبدالرحمن عشان يودييني مدينة الاضواء الاي ستي
طبعا انتبهو اللي يبون يروحون الحديقة احسن وقت لها يوم يبدا الظلام والحديقة غالبا تسكر الساعه 12 او 1
الحديقة فيها كذا قسم
قسم الثلج جدا عادي ينفع بس تدخل وتصور فيهه
وجداً باررد عند الدخول اصلا راح يعطون كل واحد جاكيت واللي يبغى جوتي يعطونه بعد
وللاسف ماصورت فيها كثيير بس هالصورتيين
وبكذا انهينا اخر يوم في كوالالمبور ونحن راجعين للنفدق مرينا على ماكدونالدز وخذنا سفري للفندق
وعلى طول اكلنا ونمنا عشان نستعد لبكرا راحييين الى لنكاوووووي الجزيرة الرائعهه
طبعا بعطيكم ملخص للمطاعم اللي اكلت فيها في كوالامبور
مطعم فرايديزز في مول البيراميد
ومطعم مندي حضرموت ايضا في البيراميد
وطبعا ماكدونالدز حبيب الكل مايحتاج اتكلم عنهه
ومطعم اسمه شاز هندي خذت منه الاكل سفري واكلنا فالفندق
لانه المطعم كان زحمه كثيير ومب مناسب للعوايل الخليجية
بس بصراحه اكله لذيييذ جدا وسعره رخييص بعد
مكان المطعم مقابل مول البيراميد على الشاارع الثانيي وهذي صورة لوحتهه
اليوم هو اليوم الموعود للذهاب الى لنكااااوي الجميلةة
كانت رحلتنا الظهر الساعه 12:45 على طيران اير اسيا
كنت مسوي الجيك ان اونلاين بس رحت للمطار بدري تحسبا للظروف لانه انصدمت من الزحمة اللي تصير لما ينزل مططر
عادي تقعد فالطريق ساعه بسس بسبب زحمةة المططر
وهذا القلب اهداا لكم على كلامكم الجميل والمشجع
قمنا الصبح وفطرنا اخر فطور ف الفندق الجميل صنواي لاقون وبعدها اتجهنا صوب مطار اير اسيا وهو قريب من مطار كوالالمبور
وكان سعر التوصيلة تقريبا 80 وشي ريجنت مع عبدالرحمن
وصلنا مطار اير اسيا كان حلو منظم وصغير مب متعب نفس مطار كوالالمبور
دخلنا الشنط وخذنا البوردينق وشفنا انه باقي ساعه على الرحله فققرنا نقعد ف كوفي شوب احد الاعضاء قد ذكره قبل واسمه هو pappa rich ولين ماشربنا الكوفي مرت الساعه
مدة الاقامه في لنكاوي كانت من تاريخ 1-5 الى 5-5 في فندق ذا ويستن بصراحه الفندق رووووعهه ماشاءالله
حجزت اول ثلاث ايام في غرفة عاديه واخر يوم في الفيلا اللي بمسبح
طبعا السائق اللي تعاملت معاه في لنكاوي كان اسمهه عثمان هالشخص فللله وماشاءالله عليه يعرف عربي خذت رقمه من موضوع ارقام السائقين وكان الاخ ابو عمر مادحهه
وهذي هي صورته
عثمان كان ياخذ على الساعه 25 ريجنت ومن مطار لنكاوي الى فندق ذا ويستن 35 ريجنت
بعد مانزلنا من الطياره مرينا بجانب المكاتب السياحيه وذهبت الى مكتب مروه للحجز رحلة المانقروف حجزتها ب 350 لمده اربع ساعات وبعدها اخذنا الشنط طبعا و حصلنا عثمان مستقبلنا في صاله الاستقبال وشايل لوحه بأسسمي
وانطلقنا في ارجاء لنكاووي الساحرة .. جوها كان اخف رطوبه من العاصمه وجميل كان
ونحن في طريقنا للفندق قلت لعثمان يمر الفير موول عشان نتغدا في مطعم الفيشاوي .. كان اكله لذيييذ طلبنا صحن كباب وصحن شيش طاووق وحمص وخبز واثنين عصير فرشش طلع الحساب تقريبا 100 ريجنت
بعد ماخلصنا اكل رحنا للفندق وكان المول قريب من الفندق تقريبا خمس دقايق بالسياره
هاليوم ماطلعنا مكان قعدنا نستكشف الفنددق
طببعا مع حجزي كتبت اني جاي تجديد شهر العسل ومن ضمن هالحجز كان فيه يوميا من الساعه 6 ونص الى 7 ونص المغرب مشروبات مجانيه ومشروب مجاني في اي وقت اطلبه مره وحده فقط
ثاني يوم قمنا وافطرنا وريحنا شوي بعدها ذهبنا الساعه 11 كذا الى مكان تاجير الدبابات وفي طريقنا مرينا على هذا المكان
هذه الصورة تم تصغيرها . الحجم الافتراضي لها هو 960x1280.
اخذنا كم صوره في المكان بعدها كملنا طريقنا الى مكان تاجير الدبابات .. وصلنا الى المكان تقريبا بعد 45 دقيقه
وحصلنا مكتب كذا صغير وفيه حريم يشتغلون ماليزيات
وكان المكتب فيه سياح جايين يحجزون بعد لجولات الدباب
طبعا على نصيحة احد الاخوان حجزت خمس جولات ماعدا جولة حديقة الجاموس لانه اساسا وانت في باقي الجولات راح تشوفهم وتقريبا مده الجولات كانت ساعه بقيمة 350 او 250 ماذكر والله دباب واحد لشخصين
بعدها لبسونا الخوذه واستعدينا وانطلقنا الحمدلله بسسلام وكان قدامي واحد مثل الدليل ومعاه واحد يقعد يصورنا عشان عقب لو بغينا ناخذ صور تذكار بس المصور يقعد مده وعقب ينزل المكتب ونحن نكمل
وهذي بعض الصوور للجولهه
هذي دراجتتي ماشاءالله
وهذا المصور
وهنيه تشوفون مزرعه الرز " سبحان الله "
وهذه صور اخرى للجولةة
وبعد ساعه انتهت جولتنا وردينا للمكتب وهناك اخذنا تذكار لصورنا وسي دي للصور بمبلغ بسيط ماذكره صراحه اسمحولي وبعدها حصلنا عثمان ينتظرنا
وانطلقنا للفندق عشان نبدل ونريح شوي لانه ورانا رحلة المانقروف
طبعا من ضمن رحلة المانقروف هم يرسلون لك سياره وسايق يشلونك من الفندق لمكان الرحلة وينتظرك السايق هناك وبعدها يرجعك للفندق
وهذا هو سايق القارب حقنا
وانطلقنا بسم الله
اول شي رحنا مكان النسسور والحمدلله حصلناهم جوعانين
لانه في اخووان قد ذكروا انهم يوم راحولهم ماحصلوهم لانهم كانو شبعانين وماجو النسسور
واكلو النسور عليهم بالعافيهه ..
بعدها انطلقنا الى كهف التماسيح اللي مافيه تماسسيح
هذه الصورة تم تصغيرها . الحجم الافتراضي لها هو 960x1280.
وبعدها الى كهف الخفافيشش
راح تلاحظون نقط سووداء فوق هذيلا هم الخفافيشش
وبعدها في طريقنا الى مزرعه السمكك
حصلنا هالشبااب
وقال لي راعي المركب شرايك تشربهم ماي راح يجون لعندكك.. قلت تمام نشربهم ليش لا وفعلا جو كثيير منهم
وبعد ماخلصنا من
رحنا الى البحر المفتووح وعلى طاري البحر المفتوح قد سمعت تجارب كذا عضو هنا وكانت سيئة وخفت صراحه اجازف بس الحمدلله جازفت وعدت على خير كان الوضع جدا عادي والجو تمام
وهذه بعض الصوور
وبعدها بدأت عصافير بطني تزقزق وكان هناك باقي اخر محطة لنا في جولة المانقروف وهي مزرعه السمكك
هنا تلاحظون بعض انواع السلطعون
وهنا اخترنا سمك هامور وام الربيان للغداء
ولين مايخلص الغداء كان فيه شاب صغير
قعد يراوينا جميع الاحواض اللي عندهم وجرب يأكل الاسماك اللي فيه ويشرح لنا وخلاني اجرب أطعم بعض الاسماك وفالاخير قعد ينكت على هذا الحييوان المسكيين
عندي سؤال بخصوص اللي زاروا هالمزرعه هل حصل لكم نفس الشي وجاكم هالشاب وسوا هالاستعراض ولا لا !!
واخييييرا وصصصل الغدااء
بصراحه ماكنت متوقع انه كذا لذييييذ لاني اول ماشفت المكان قلت اكيد اي كلام بس الحمدلله .. وانصحكم تطلبون رز الصياديه حقهم لذيذ ياجمااعهه
وبكذاا انتهت جولتنا لرحلة المانقروف عاد بنا القارب للمرسى
وبعدها حصلنا السائق ينتظرنا وذهبنا الى الفندق
وصح طلع سعر الغداء تقريباا 400 وشي لانه ماشاءالله وزن ام الربيان كان كبيير وانا مانتبهت لهالشي ولاني طلبت ايضا صحن رد صياديه اخر
وبعد ماريحنا فالفندق فكرنا فالعشاء كنا شبعانين مانريد شي ثقييل .. بعدين تذكرت مخبز بريد ستوري اللي تكلمت عنه اخت قصة حب اتوقع
اخذنا تكسي من الفندق ب 10 ريجنت الى ميدان النسر ورحنا للمخبز واخذنا لنا من هناك بصصراحه الططعم لذيييذ
وكانو مسوين عرض خذ وحده والثانيه مجانا من اختياركك واخذنا اربع فطاير بقيمة اقل عن 10 ريجنت والحجم حلو .. بصراحهه يششبع
طبعا كالعاده قمنا بدري وتريقنا واستعدينا للخروج.. اول ماقمت رحت طرشت مسج حق عثمان على الواتس اب وخبرته اني ناوي اروح اليوم عالم تحت البحار وبعدها حديقة الفواكه واتفقنا انه يكون فالفندق الساعه 10
وجانا على الوقت ماشاءالله عليهه وانطلقنا الى عالم تحت البحار.. وللاسف ماذكر على كم التذاكر بس اتوقع انه للشخص كان 30 وشي او 40 رينجت
وهذي بعض الصور للاسف ماصورت كثيير.. بصراحه المكان جميييل جدا والاسماك اللي فيه حلوه والمكان مكييف
وبس هذي الصصور لعالم تحت البحار
وبعد ماخذنا ساعتين تقريبا فيها انطلقنا الى حديقة الفواكهه
وهذي بعض الصور للحديقة
وهنا وقفنا عند كشكك الفوااكهه واكلنا من فواكههم لذيييذه ماشاءالله وطبعا ببلاش بدون ماتدفع شي وتاخذ على راحتك
البطيخ الاصفر والبطيخ الاحمر والقريب فروت
وهذا النارجيل لازم تشتريه وسعره ب 5 رينجت .. حلو طعمه وبااااارد
وبس بعدها كملنا جولتنا وتقريبا الجولة فالحديقة كامل ساعه او اقل ..
بعد ماخلصصنا رحنا الى التلفريكك
وهنا ونحن رايحين للجسر المعلق اتوقع انه هذا الشي توه جديد افتتح ..
وانتههى يومنا الثاالث في لنكاااوي .. باقي اخر جزء من لنكاوي وهو رحلتنا الى حديقة وايلد لايف وانتقالنا الى الفيلا اللي تمنيت اني حجزت فيها طول اقامتي في الويستن..
