اردت ان ارد جزء من الشكر والتقدير لعائلتي الثانية في هذا المنتدى المتميز الذين لم يبخلوا علي بنصيحة او معلومة واشكرهم على رحابة صدرهم وتنافسهم في الرد على اسئلتي الكثيرة انا وام حسن فلكم مني جزيل الشكر
فكرة السفر باصطحاب الاطفال تراودني من فترة لاخرى فقلد سافرت لمصر ولدبي ولتركيا ولكن ماليزيا ففي كل مرة يحدث امر وتتغير الوجه ..... في ذات يوم وبينما انا اتجول في المواقع بالشبكة العنكبوتية وامني النفس برحلة عائلية وارى العروض هنا وهناك ومن ثم اخبر نفسي بانه الافضل للاطفال الرحلات القصيرة ولكن لم اتمالك نفسي فبدات في الاطلاع على التقارير العائلية وفي كل تقرير او موضوع تزداد لدي الرغبة بالذهاب واصبحت احدث نفسي بان لابد ان الامر هين ليس علي القلق فتوكلت على الله وبدات رحلة البحث وجمع المعلومات
متى بدا التخطيط وكيف ؟
الموضوع ومافيه الله يسلمكم ان ابوحسن الله يعطيه العافيه قرر يودينا اي رحلة عائلية حيث ان لي فترة استصعب الامر بترك الاطفال عند اهلي خصوصا ان الاطفال كبروا واصبحوا على وعي وادراك وعند الاجتماعات العائلية يسمعوا من عيال العم والخال رحنا هنا وسافرنا هنا وهما يرجعوا البيت وياسلام ياماما نبغي نروح اي مكان بس نسافر طيب نروح دبي قلت خلاص رحنا يقولوا كنا صغار والبنت تقول انا ماكنت فيه بالصور ويالله ينفتح موضوع مايتقفل المهم بعدها خلاص انا وابوحسن وعدناهم اذا اجتهدوا بالدراسة والتزموا بالاوامر بيسافروا معنا عاد تعالوا شوفوا من الفرحة وجوههم صارت كذا
السفر كان الى .......... اصبح الى ماليزيا
في شهر 11 من العام 2015 قلت لابو حسن والله في عرض لفرنسا مغري شفته بموقع سفر شاف وسال قال تمام واعددنا العدة للذهاب الى فرنسا في اجازة راس السنة ولكن لم ىتتسير الامور بالفيزا فالغينا السفرة بعدها حصل اطلاق النار بباريس فحمدت الله اني لم اذهب فقلت ل ابو حسن ايش رائك نروح تركيا قال تمام قلت بس مع البزورة قال تركيا مافي ترفيه للاطفال قلت ترا تركيا تغيرت لايهمك بسال واجمع المعلومات واشوف واقعد شهرين بعدها كل ماحانت الفرصة تنقلت بين المنتديات الى ان رايت منتدى العرب المسافرون قرات اغلب تقارير تركيا وحفظت الاماكن واخترت الوقت ووصلت لدرجة تعلمت كلمات وجمل بالتركي عشان بس ماتوجهنا مشاكل او اي شي جات اجازة الربيع عام 2016 حجزت قبلها تذاكر طيران على القطرية كان عندهم عرض حلو بس والله ناسية بكم المهم ابوحسن نسى يسدد قيمة الحجز وانا نسيت مااذكره المهم طار الحجز وقلت خلاص مالنا نصيب ننتظر عروض ثانية ونسينا الموضوع انشغلنا وجاء رمضان والعيد قال ابوحسن الاجازة طويلة ايش رائك نروح تركيا جاني عرض تذاكر طيران مع تقليص المدة من 20 يوم الى 15 يوم قلت تمام قمت اشوف الفنادق الا ويصير حادثة الانقلاب وكنسلنا ام الموضوع
ساعتها ابوحسن قلي ماودك نروح ....... ممكن يتحرر القدس قلت
قال امزح
طولت عليكم بس لازم احكي قصة السفر لان مااليزيا ماكانت على البال الا في يوم من الايام الطيران القطري يرسل ايميل فيه عروض كان بشهر 11 2016 عرض على القطرية تذكرة بالغ وتذكرة طفل مجانا قلت حلو بس مافي من الوجهات من جدة الا ماليزيا وتركيا قلت تمام نحجز لتركيا قال بيكون ثلوج قلت تمام ماليزيا ماليزيا وبما ان اطفالي بالمرحلة الابتدائية قلت تمام بيكون عندنا قرابة 20 يوم للاجازة
فلنبحر معا في رحلة عائلية الى جوهرة اسيا ( ماليزيا )
Iphon 7 plus - iphon 7 - sony full HD - canon D700
الحجوزات
الطيران الدولي :
لخطوط القطرية بتكلفة قدرها (8550 ريال )
ترانزيت بالذهاب 3 ساعات في قطر وهذا اقل ترانزيت وقت الحجز
ترانزيت بالعودة 13 ساعة في قطر وهذا كان باختيارنا
التنقلات الداخلية : ( 3250 ريال )
باصات ايرويلاين من سلانجور الى بينانغ بتكلفة (250 ريال )
الماليزية من لانكاوي الى جوهر (1500 ريال ) ترانزيت ساعة بكوالا
اير اسيا من جوهر لكوالا بتكلفة ( 750 ريال ) مباشر مع الاوزان الزائدة
اير اسيا من بينانغ للانكاوي بتكلفة (750 ريال ) مباشر مع الاوزان الزائدة
الفنادق تكلفتها : ( 13000 ) شاملة الضرائب
3 ايام سلانجور فندق جناح اكابيلا شاه علم ( 1050 ريال ) جناح عائلي بريمر بلاس - بوكينج
يكفي هذا القدر من الكلام انتظروني في الجزء القادم لنتحدث عن شي حصل معنا جعل الدنيا اصبحت سوداء في عيني وعين ابوحسن
لاتنسوا ان تحصنوا انفسكم واهليكم
اخص بالشكر الجزيل الاخت ليمو والاخت دينا لانهم تواصلوا معي شخصيا
اعتذر عن الاطالة
تقع ماليزيا في جنوب شرق أسيا، وتنقسم إلى إقليمين يفصل بحر الصين الجنوبي بينهما، الإقليم الأول هو شبه جزيرة ماليزيا ويقع غرب ماليزيا، وتبلغ مساحته (131689 كم2) وتكثر فيه المرتفعات الجبلية، والإقليم الثاني هو سرواك وصباح ويقع شرق ماليزيا وتبلغ مساحته (734000 كم2( وهي المنطقة التي تحتل الأجزاء الشمالية من جزيرة بورنيو حوالي ثلث مساحة الجزيرة. وتشترك في حدودها الجنوبية مع إندونيسيا، كما تشترك شبه الجزيرة الماليزية مع تايلاند من الجهة الشمالية ومع سنغافورة من الجنوب، ويفصل بينها وبين جزيرة سومطرة ممر ملقا.
مناخ ماليزيا
يسود ماليزيا مناخ استوائي حار رطب على مدار العام، هذا باستثناء المرتفعات. وتتراوح درجة الحرارة فيها ما بين (21 إلى 32) درجة مئوية، وتقل درجة الحرارة في المرتفعات حيث تصل في بعض الأماكن إلى (16) درجة مئوية. ويعتبر موسم الأمطار في الساحل الغربي من شبه الجزيرة الماليزية من شهر أغسطس إلى شهر سبتمبر، بينما يكون موسم الأمطار في الساحل الشرقي من شبه الجزيرة الماليزية وماليزيا الشرقية من نوفمبر إلى فبراير
علم ماليـزيا
وهذا علم ماليزيا الرسمي ولكل ولايه علم خاص بـهآ
عملة ماليزيا
وهي الرينجت ويرمز لها بالرمز RM
ويساوي 1 رينجت 1.15 [ ريال وربع ] ريال السعودي
وهذا موقع لتحويل العملات حتى تكونوا على درايه بفرق العمله لأنها تزيد وتنقص في بعض المواسم
ملاحظات عامة
1- عند التخطيط للسفر لاي دولة الحرص على تجميع اكبر قدرمن المعلومات السياحية بهذه الدولة من مدن وطرق تنقل ومزارات
2 - لابد من البحث عن الوقت المناسب للسفر ومعرفة مناخ الدولة قبل التوجه لها ومعرفة اوقات الاجازات الرسمية للبلد واجازات المدارس والمواسم السياحية للبلد
3 - الحرص على اختيار المدن والمزارات التي تناسبكم كعائلة لديها اطفال او بالغين وكمجموعات و كشباب
4 - عند حجز الفنادق تجنب الوقوع في فخ الحجز غير مسترد ولاتقم بهذه الخطوة الا قبل السفر باسبوعين اذا اردت التوفير بشرط اذا تاكدت مليون بالمية من مميزات الفندق وعيوبه وخدماته
4 - الالتزام بقوانين البلد والبعد عن اماكن الشبهات
5 - يفضل تحويل المبلغ كامل من بلدك حيث ان اغلب سفراتي لاحظت ان الصرف من المملكة افضل من الدولة التي ساذهب اليها وتجنب الصرف من المطارات في اي سفرة
6 - الابتعاد عن مظاهر البذخ والغنى كي لاتكون عرضة للسرقة
7 - اسعار التكاسي والرحلات والدبابات والمشتريات من الاسواق الشعبية تجنب الدفع مباشرة واتبع اسلوب المكاسرة
8 - عند ركوب تكاسي او اوبر الافضل اخذ رقم الهاتف الجوال للسائق لانك ممكن تحتاجه لاي مشوار وممكن تنسى اغراض بالسيارة
9 - تخفيف الشنط قدر الامكان حتى لا تتفاجا بالوزن الزائد اثناء التنقل بالطيران الداخلي في ماليزيا ولكي لايتعبك مع التنقل
10 - عند التسوق بمبلغ 300 رنجت لابد من اخذ ورقة استرجاع الضرائب من المحل قبل الذهاب للمطار
11 - اعطاء الاطفال بعض المسؤليات الصغيرة لتعويدهم لتحمل المسئولية والاستفادة من السفر في تعليمهم اهمية الوقت وحبذا ان نجعل جزء من يوم واحد من الرحلة للذهاب بهم لاي مكان تثقيفي او تعليمي وتعليمهم اي فائدة ممكنة من اي موقف تتعرضون لهم
12 - لاتجعل اي شي يكدر خاطرك او يفسد عليك متعت السفر فكل امر يحصل لك خيرة من عند الله
13 - الحرص على اداء الصلاة في وقتها قدر الامكان وتحصين النفس والاطفال من شر كل ذي شر
14 - الصدقة واقلها تبسمك في وجه اخيك
15 - تجنب الاماكن المزدحمة قدر الامكان وخصوصا ان كنت برفقة اطفال
16 - عند ترتيب الجدول اعمل جدول اضافي احتياطا
17 - الحرص على اخذ الادوية المناسة لكل افراد الرحلة
18 - عند الحساب سواء في فندق او مطعم او كافي او محل الانتباه جيدا لمبلغ الفاتورة ومراجعته
19 - عند الوصول لاي فندق احرص على فتح القران من الجوال او الايباد او جلب يو اس بي من بلدك يحتوي على القران
20 - كن خير سفير لدينك وبلدك وقابل الاساءة بالحسنة مع الحفاظ على حقوقك وعدم التنازل عنها
21 - حفظ الاماكن المراد زيارتها بقوقل ماب يسهل عليك ترتيب الرحلة ومعرفة اتجاهاتك
22 - عند استخدام تطبيق اوبر او جراب ولم تستطع الشرح لهم على الهاتف حيث ان بعضهم يتحدث الماليزية فقط فعليك الاستعانة برجال الامن في المول
23 - عند التسوق او الذهاب للملاهي يفضل الانقسام لقسمين واكمال المخطط لليوم
24 - يفضل تقسيم مبلغ الرحلة انت ومن معكم احتياطا لاي ظرف لاسمح الله
25 - الاستيقاظ مبكرا والنوم مبكرا لاستغلال اليوم بشكل ممتاز
26 - قبل التوجه لاي مول حدد خياراتك بالتسوق واقرا عن مميزات كل مول
27 - ماليزيا بلد متنوع لاتشيل هم الاكل للاطفال والكبار
28 -احتياطا عند العودة لبلدك يفضل وضع جميع المشتريات في شنطة واحدة حتى لاتتعرض لتفتيش جميع الشنط بالمطار
29 - تجنب اي شخص يعرض عليك خدمات سياحية او يطلب مال لجمع تبرعات او يطلب منك خدمة غريبه مثل اريد ان اشاهد عملتك
30 - قبل السفر سدد جميع ماعليك من قروض وفواتير وديون لكي ترتاح بعد العودة من السفر ولا تسبب ضغط على نفسك بعد العودة لبلدك
31 - لاترهق نفسك ومن معك بضرورة تنفيذ جدول الرحلة فالمهم بالرحلة الاستمتاع لا الركض للذهاب لجميع الاماكن
جدول الرحلة
طياره ثم قطار ثم شرائح الجوال وتفعيلها ثم جوازات عفش ثم البحث عن السائق عبدالرحمن
سلانجور 3 ايام ( 19-22 يناير )
(اليوم 1 خميس )
راحة بالفندق وعشاء من ( دمينوز بيتزا )
( اليوم 2 جمعه )
الفطور ثم صنواي لاقون الالعاب المائية والصلاة هناك والغداء في (مطعم صاقر او بيتزا او برجر كنج ) ثم الالعاب الباقيه ثم الخروج والتوجه الى مول البراميد للمساج والكوفي ثم الاي سيتي والعشاء في ماكدونالدز
(اليوم 3 سبت )
فطور في الحديقة ثم وكيدزانيا والغدا في كيرف مول ثم البراميد تزلج وتسوق والعشاءفي ( فيش منهاتن ) والعودة للفندق
( اليوم 4 الاحد )
الافطار والخروج من الفندق والتوجه اى الباصات ثم الذهاب لبينانغ
بينانغ 4 ايام ( 23- 26 يناير )
( اليوم 4 الاحد )
الخروج من الفندق والتوجه لبينانغ بالباص الوصول الساعه 1 لمحطة الباص طلب اوبر المرور بمحل الكوفي وتذوق الشوكلاته جنب القرني بلازا ثم جولة بالمكان ثم الفندق للراحة واستكشاف خدمات الفندق وحجز رحلة القرود والعشاء والنوم
او ان نوصل 1 للمحطة ونطلب اوبر ثم التوجه لشراء وجبة غداء من ماك ثم الفندق ثم الراحة ثم الخروج للعشاء وحجز رحلة القرودثم النوم
او نوصل المحطة ونتوجه مباشر للفندق نستمتع بالانشطة البحرية و ادفنشر زون ثم حجز رحلة الصيد ثم لخروج للسوق الليلي و استكشاف المنطقة والعشاء والعودة لفندق
( اليوم 5 الاثنين )
الفطور ثم البيت المقلوب ثم فن الخدع ثم برج كومتار ثم الغداء والصلاة ثم الشلالاث ثم الهضبة والعشاء هناك والعودة للفندق
( اليوم 6 الثلاثاء )
الفطور ثم حديقة الفواكة ثم الفراشات ثم الاييكو سكيب ثم الغداء بالمطعم التايلندي ثم والخروج للقرني بلاز والعشاء البقاء في الفندق الاسترخاء في الفندق
( اليوم 7 الاربعاء )
الفطور ثم ادفنشر زوون والاستمتاع بخدمات الفندق والاسترخاء الراحة فترة الظهر ثم رحلة الصيد ثم الراحة ومن ثم الخروج للتسوق والعشاء او البقاء في الفندق والعشاء
(اليوم 8 الخميس )
الفطور ثم الانشطة البحرية ثم والاستعداد للذهاب للمطار للتوجه للنكاوي
لانكاوي 3 ايام ( 26- 29 يناير )
( اليوم 8 الخميس )
الوصول للمطار ثم حجز رحلة المانغروف بعدها تاكسي و
التوجه للفندق الدخول ثم الخروج للغداء في سبايس ثم الفورميلا ون ثم حديقة ليجندا ونصب النسر والمرور بسوق جيتي بوينتي والعشاء والعودة للفندق والنوم
( اليوم 9 الجمعة )
الافطار ثم الشاطي ثم جولة الدبابات ثم الصلاة بالمسجد ثم الغداء ثم المانغروف ثم العودة للفندق والراحة ثم العشاء
( اليوم 10 السبت )
الفطور ثم التلفريك والقرية الشرقيه والغداء هناك ثم سوق كوكو فيلا ثم العشاء في مطعم ذا كليف ثم للفندق
( اليوم 11 الاحد )
االفطور ثم التوجه للمطار للذهاب الى جوهر باهور
يومين جوهر ( 29 - 31 يناير )
( اليوم 11 الاحد )
تاكسي ثم التوجه للفندق ثم الغداء والخروج لهيلوو كاتي ثم الاوتليت ثم العشاء ثم والفندق
( اليوم. 12 الاثنين )
الفطور ثم التوجه للغولاند والغداء ثم العودة للاوتليت ثم الفندق
( اليوم 13 الثلاثاء )
الافطار والتوجه للمطار للذهاب لكوالالمبور
كوالالمبور 15 ايام (13 - 5 فبراير )
( اليوم 13 الثلاثاء )
الوصول للفندق ثم الغداء ثم الاكواريوم ثم النافورة الراقصة ثم جولة بمول كي ال ال والمرور بسوبر ماركت ثم العشاء والعودة للفندق
(اليوم 14الاربعاء )
الفطور ثم ركوب باص الهوب هوب ثم القبة الفلكية ثم حديقة الطيور ثم الصلاة ثم الغدا في سمبا ثم المركز العلمي والديناصورات ثم بعد المغرب تسوق في سونغوا وبيبي بلازا والعشاء والعودة للفندق
( اليوم 15 الخميس )
الفطور ثم حديقة الحيوانات ثم المنارة ثم التوجه لبوترجايا لزيارة القصر المغربي ثم الغداء وصلاة العصر ثم جولة البحيرة و المناطيد والحديقة ثم العشاء بمطعم صمد العراقي ثم والفندق
( اليوم 16 الجمعة )
رحلة يوم كامل لمرتفعات جنتنغ والغداء هناك وزيارة القرية الفرنسية واليابانية ومزارع الفراولة والعودة مساء والخروج للتسوق من شارع العرب والعشاء هناك
( اليوم 17 السبت )
ملاهي تايمز سكوير والتسوق والعودة للفندق للتجهيز للعودة
السفر الى قطر
( اليوم 18 الاحد )
الوصول قطر الساعه 1 الظهر
الذهاب لفلامينجوا مول والغدا والصلاة ثم التوجه الى حديقة المتحف الاسلامي وممكن دخول المتحف بعدها الصلاة ثم التوجه الى سوق واقف والعشاء ثم العودة للمطار الساعة 11م ثم العودة الى جدة
ملاحظة
اغلب المعلومات العامة عن ماليزيا جمعتها في مجلد من تقارير عديدة وللاسف ماني عارفة اصحابها فالفضل بعد الله ينسب لهم فجزاهم الله خيرا
طبعا بعد حجز التذاكر كان عندنا وقت 3 شهور ونص لين موعد السفر وقررنا خلال ذي المدة نبدا عملية تجميع المعلومات والبحث والاستفسار والحمد لله رتبنا امورنا بدري وبدات بترتيب شنط السفر قبل 3 اسابيع من الرحلة بسبب احتمال يكون اختبارات عند ولدي قبل سفرنا المهم خلصنا امورنا والحمد لله وكل مااقترب موعد السفر قلبي يطير من الفرحة ودقت ساعة السفر
اليوم الاول
بسم الله توكلنا على الله ولاحول ولا قوة الا بالله
جاء يوم الاربعاء وكانت كل الامور تمام ولله الحمد واجبرت البزورة يناموا بعد صلاة العشاء للساعة 10 وبعدها ايقظتهم وتجهزنا واتعشينا ورحنا عند اهلي وحطيت لولا عندهم ربي يحفظها ويشفيها واستودعتها ربنا واديتهم التعليمات وودعناهم ورجعنا للبيت وفي تمام الساعة 12 مساء توجهنا من مكة لمطار الملك عبدالعزيز بجدة وصلنا المطار الساعة واحدة ونص نزلنا من التاكسي ونسينا العربية فيه وبعدها توجهنا لتغليف الشنط واتجهنا لكاونتر القطرية حطينا العفش وهناك عرفنا اننا نسينا العربية وعاد ابو حسن صار وجهه كذا
قلت له نصيب نصيب ربي يجعلها اول واخر النسيات قال صح كلامك نحنا شعارنا مابنخلي شي ينكد علينا
وبعدها الجوازات وبعدها ورحنا للبوابة ننتظر وكان المطار هادي ومرت الساعتين والنص بسرعة خلالها اشترينا موية وذرة للاطفال وبعدها صارت الساعة 4 ومافتحت البوابة وانتظرنا وقام ولدي بدع البدع مع حراس الامن هو وسيارته ومابقي احد ساعتها ابو حسن تعب من حركاته وبدا يطالع فيه كذا
والعسكري يقول لابوحسن ماينلام بعدها بعشر دقائق فتحوا البوابة واتجهنا للطيارة تقريبا تاخرنا 40 دقيقة عن موعدنا
الحمد لله ركبنا الطيارة وكانت كويسة نسينا نصور بسبب البزورة وكل واحد يبغي الشباك قلت لهم ليل ماراح تشوفوا شي بس ماش مايفهوا الحلوين وبدات معاناة الصغير مع حزام الامان وكل المضيفات حاولوا يقنعوه يربط الحزام عاد انسي في الاخير تركوه وبدات رحلة اغلى البشر وقلنا الدعاء
سبحان الذي سخر لنا هذا وماكنا له مقرنين وانا الى ربنا لمنقلبون
وبعدها بنص ساعة او ساعة تم توزيع وجبة خفيفة عصير وساندويش وماء وتم تناول الوجبة والانتظار للوصول
بعدها تقربا بساعتين ونص وصلنا قطر والكابتن يقول درجة الحرارة 15 درجة مئوية وطبعا قلت للبزورة كل واحد يخرج الجاكت تبعه من شنطة الظهر وتم تنفيذ الامر وطبعا البزورة ماناموا من البارح مواصلين
دخلنا المطار وتمت الاجراءات بسهولة ويسر واول شي عملناه بحثا عن المصلى وصلينا الفجر وشوي البزورة نبغي موية جوعانين قلت ل ابو حسن اشتري بس موية ماله داعي توهم اكلوا لا تستغربوا ترا جوعهم يعني شي تاني قصدهم لذائذ او حلاوة قال صح كلامك اشترينا موية واتوجهنا للبوابة وكانت مرة بعيدة مع انه الترانزيت 3 ساعات ماحسينا فيه الوقت مشي بسرعة وصلنا البوابة وباقي نص ساعة لفتح البوابة
الساعة 9 تمام فتحت البوابة واتجهنا للباص ومنه للطيارة وقلنا الدعاء مرة ثانية على قولة بزورتي ماما لازم في كل طيارة قلت ايوه ايش بتخسروا قالوا لا لا خلاص قلت ايوه انتم كذا شطار (ترا مايسمعوا الكلام مباشرة بس لحاتجة في نفسهم وعدتهم بيها انا وابوحسن صايرين ينفذوا الاوامر بسرعة ) بعد الاقلاع بربع ساعة تم توزيع بطانيات ومخدات والعاب للاطفال
ويافرحتهم طار النوم زيادة قلت ياحظي الحمد لله خلهم كذا لنص المسافة ترا فيهم نوم بس بيقاوموا العاب وافلام وكل واحد سماعة من قدهم الا الصغير الاخ يبغي سرير بالنوم والحمد لله عدت الرحلة براحة وامان تم خلالها تقديم وجبتنين وجبة رئسية بعد الاقلاع ب 3 ساعات اعتقد والوجبة الخفيفة قبل الهبوط ب ساعة او ساعة ونص وللامانة الوجبات كلها لذيذة وكافية مع العلم الصغير حقي وجبة الطفل كل اللي فيها ماعجبه الا كرسون صغير وقلت للمضيفة وجابت لي كرسون كبير للطفل مع الاحتفاط بوجبته
والساعة 10و40 دقيقة وصلنا ولله الحمد مطار كوالالمبور واستقبلتنا ماليزيا بامطار ولله الحمد توجهنا للقطار وبعدها اخذنا شريحتين وبعدها توجهنا للجوازات وبعدها اخذنا العفش واتجهنا للبحث عن السواق عبدالرحمن واتصلنا عليه وقلنا انا واقف عند دنكن دونات ورافع يدي شفناه ورحنا له سلم علينا ورحب فينا وشكرناه قلنا تعشيتوا او لسه قلنا له بالفندق بنتعشي هو قلنا افضل هنا بس استصعبنا مع العفش وكذا وماحبينا ناخره مع العلم ندمنا ان ماسمعنا كلامه وركبنا السيارة وانطلقنا وفي الطريق قلنا له نمر على اي مطعم نشتري شي ناكله قال تمام وقعد يلف فينا على كذا محل وكلهم الوجبات مخلصة لان كانت الساعة 12 قله ابو حسن في قريب الفندق برجر كينج وبيتزاهات قال لا مرة بعيد قلال ابوحسن بنفسه ممكن زميلي غلطان طلع عبدالرحمن غلطان وفعلا يوم ابوحسن تواصل مع زميله ارسله الموقع واعطاه لعبدالرحمن وطلع فهلا المسافو بين برجر كنج وفندقنا 5 دقائق ونزل ابوحسن والسواق واخذوا لنا وجبات من كنتاكي لان برجر كينج وبيتزاهات خلاص قفلوا وكانتى اخر وجبتين وبعدها الى فندقنا
3 ايام فندق جناح اكابيلا شاه علم (1050) ريال شقة من غرفتين وصالة
شهادتي فيهم مجروحة بيكفي اهتمامهم بالاطفال وراحتهم والطائرة فيها كل شي افضل شي عدبني لحظة تقديم الوجبات انهم بيجيبوا وجبة الطفل وبعدها بربع ساعة بيجيبوا وجبة البالغين
السلبيات
عدم توفر شطاتف بالحمام وتوزيع المشروبات الكحوليةوعدم توفر مصلى مع العلم اعرف كل خطوط الطيران مافيها بس احس كدول مسلمة لازم يكون فيه بطائراتهم ومااقصد القطرية كل الدول وانه لازم ترانزيت بكل الرحلات
تقيميم للفندق
20/18
قريبة من اغلب الاماكن والشقة نظيفة وواسعة والمسبح رائع ونظيف وقريب منها كورنر فيه بيتزاهات وبرجر كنج وكنتاكي وبقالة وتتوسط اغلب الاماكن وتستاهل المبلغ وان رحت مرة ثانيه بسكن فيها
تقيمي لكنتاكي
20/10
طعم ومقبول طعمه بس مو بطعم اللي بمكة للامانة يعني مدري ممكن لان الصوصات اللي معاه مرة ماناسبتنا
تفتح يوميا من 5 م - 11 م
الدخول مجانا والالعاب بفلوس عن طريق شحن البطاقة بالسعر اللي تبغاه
والمتاحف الموجودة فيها كل متحف له سعر للدخول
استيقظنا في تمام الساعة 7:30 وصلينا واتجهزنا وكل واحد اخذ شنطته وحصنت البزوة ونزلنا للوبي وطلبنا جراب واتوجهنا للصنواي لاقون وصلنا كانت الساعة 9 تماما ولسه مافتحوا توجهنا للمجمع عشان نفطر ولقينا صب واي ودخلنا وفطرنا والحمد لله خلصنا واتجهنا لبوابة الملاهي وكان باقي ربع ساعة وتصير 10 وقعد حبيبي االصغير يتعرف على الموظفين وفي الاخير استقر باللعب مع حراس الامن الاثنين المهم في وقتها توجهنا لكاونتر التذاكر واعطيناهم اوراق الحجز واعطونا الاستكرات ولبسناهم وتم تفتيشنا
دخلنا الحديقة اخذنا جولة بعدها توجهنا للملاهي المائية الحديقة تقريبا كانت فاضية مافي الا نحنا والموظفين في ناس بس قليل مرة ابو حسن يقلي يقولوا زحمة ماشفنا شي قلت اجازة قال ها قلت انتظر العصرقال يالله خلينا ننطلق
وعاد لعبوا اغلب الالعاب وكان الجو حلو مغيم وفيه هتان والولد الصغير كان بيغرق بالمسبح وبعدها حرم يروح بعيد والحمد لله للاسف ماقدرت اصور كثير لان الجوال كان محطوط بالواقي من الماء والصورة طلعت مش ولابد لان الحبيب تعلق فيني وباقي الصور شخصية لقيت لكم ذي
المهم الساعة 4:30 الكل قال جوعان خلاص تعبوا قلت تمام خرجنا ورحنا اتغدينا من برجر كنج قريب من صناديق الامانات وخلصنا ورحنا بدلنا الملابس وصلينا عصر وظهر ورحنا الملاهي لعبنا بثلاث العاب الباقي كان صيانة وبعدها قالوا البزورة نمر حديقة الحيوانات ولفوا كل القسم حق الحيوانات وعاد الصغير الله يحفظه هيوانات هيوانات تعبت وانا الحقه
والحمد لله الساعة 6 تماما خرجنا من الحديقة واتجهنا لمول البراميد للبحث عن عربية للصغير ومالقينا تعبنا بعدين ابو حسن اخذ مساج عند ذا المحل وكان حلو قلي تعملي مساج قلت بالله شوف كيف الاخ نائم مال امه داعي قال تمام خلال المساج البزورة ناموا كلهم لمدة ساعة
قال ابو حسن ترجعوا الفندق او نروح الاي سيتي قلت لا لازم نروح كانت الساعة 7:30 بس قلت اول ابغي قهوة ضروري جدا جدا قال ايوه والله فين ديب اند ديب لقيناه وكان زحمة مرة مرة وكان في قبلنا بالانتظار 6 قال ابوحسن بيضيع الوقت خلينا ندور غيره ومشينا ولقينا كوفي حلو فيه العاب للاطفال قلنا ندخل عشان الصغير يخلينا نروق ربي يحفظه ودخلنا وطلبنا موكا واسبريسوا وتراميسسوا وثلالث ايس كريم للحلوين وهذا هو المحل
وبعدها مرينا محل واشترينا مخبوزات وخرجنا وطلبنا اوبر عشان نروح الاي سيتي
ونحنا قاعدين ننتظر اوبر لانه قال انه قريب بس فيه زحمة قلنا ننتظرة عند البوابة افضل شوي مااحس احد لاصق فيني ادور وين اخوكم الصغير مافي اختفى جودي اسال سوني وميمي وين اخوكم ماندري كان عندك وساعتها خلاص حسيت بيغمي علي ابو حسن دخل المول وينادي باعلى صوته هو سوني وانا وميمي بندور برا وانادري واصرخ باعلى صوتي مافي رد وللامانة كان حولي كثير صينين والله مااحد تحرك برود غير طبيعي فيهم وقعدت اصرخ جاتني حرمتين ورجال اروبين وقعدوا يدوروا معايا وريتهم صورته الا شوي بعد 10 دقائق تجيني الحرمة وتقلي رجل الامن ماسك طفل بيبكي ممكن ولدك واروح والقاه مع رجل الامن اللي كان بالصبح يلعب معاه ويالله ساعتها سجدت لربنا شكر وشكرت رجل الامن عشت ساعتها لحظة اتمنى من كل قلبي ان ولا ام ولا اب بالدنيا يعيشوها الحمد لله ربي حفظه ليا
دقيت على ابو حسن وبلغته والغينا اوبر واخذنا تاكسي وعلى الفندق
تقيمي لملاهي الصن واي لاقون
20/17
حلوة وممتعة وتجنن وراح اروحها مرة ثانية ان زرت مالزيا ان صاروا يسمحوا للاطفال باي لعبة بالذات بقسم الثيم بارك حتى قسم الزحاليق وفوقها ليت لو يخلوها زي الليغو لاند تذكرة للثيم بارك وتذكرة للوتر بارك افضل وتكون ارخص عشان الواحد يقدر يخصص لها يومين وياليت لو يهتموا شوي بقسم الصلاة
تقيمي للكافيه اللي دخلته
20/15
الاشياء اللي طلبتها لذيذة وطعمه والله حتى التراميسوا مرة مرة لذيذ ومتنوع وعجبني اهتمام بوضع ركن للاطفال
تقيمي للمساج
20/15
ممتاز ومريح والمكان هادي ويجيب النوم بس عيبه اللي عمل لي المساج كانت يده خفيفه وانا احب الضغط القوي
تقيمي لمول البراميد
20/20
روعة وجميل متنوع فيه الغالي والرخيص وراح اكرر الزيارة له لان ماشبعت منه ولا لفيته عدل
مصاريف اليوم الثاني
جراب من الفندق للملاهي = 10 رنجت
فطور وماء من صب واي = 50 رنجت
تذاكر الملاهي من اسيا ترافل = 396 رنجت
غداء من برجر كنج = 50 رنجت
ماء وفشار = 20 رنجت
مساج للرجل = 40 رنجت
قهوة وابيس كريم = 34 رنجت
معجنات وعصائر = 50 رنجت
جراب للفندق = 50 رنجت
المجموع = 700 رنجت = 600 ريال
صحينا الساعة 6:30 صباحا وصلينا وجهزنا نفسنا وجهزت المعجنات الباقية والعصائر وحصنت البزورة ونزلنا اللوبي وسالتهم ان كان يقدروا يوفروا لي تاكسي لبكرة الساعة 7 قالت انتظري اشوف شوي وردت قالت تمام قلت كم ياخذ قالت 50 رنجت واتفقنا وطلبنا اوبر لان البارح حق جراب السيارة كانت معدومة للامانة فابو حسن قال ادفع زيادة وارتاح افضل وذا اللي صارتوجهنا لحديقة شاه علم وصلنا الساعة 8 والربع ودخلنا وكانت حديقة جميلة فعلا ورائعة بكل ماتعنيه الكلمة من معنى فطرنا وراحوا البزورة يلعبوا بالالعاب وركبوا الدرجات وكانوا يبغوا يركبوا قوارب بالبحيرة قلت لهم لا عشان لاتنعدم ملابسكم وانا بالحديقة وقلبي قلقان على الصغير والحمد لله انبسطوا والجو جميل جدا لا حر ولا برد وفيه غيوم تجي وتروح فعلا الحديقة تستاهل وقت اكثر للامانة ماصورت الا صورقليلة لان كنا مشغولين انا وابو حسن بالانتباه للصغير بس هذي صور من النت
دخلنا ووصلنا وكان فيه عرض بحاول انزله حلو وبداو البزورة بتجربة المهن المكان حلو وممتع للاطفال الا الصغير حقي ماناسبه الا في غرفة واحدة عاملينها لااطفال بسنة راح وجرب الالعاب اللي فيها وبعدها نام لانه تعب بالخديقة الاولى وانا قعدت معاه والبزورة مع ابوهم يكملوا لعب انبسطوا واتسلوا واعطوهم فلوس يستبدلوها بهدايا واخذوا هداياهم وبدا الكل يقول بصوت واحد جوعانين
خرجنا تقريبا كانت الساعة 3 اتجهنا لكيرف مول اتوضينا وصلينا وبعدها دخلنا تكسو حبيب قلب قصة حب لان شفت بتقريرها ان فيه كل شي وقعدت ادور على عربية للاطفال وتعبت وماابغي الوقت يروح علينا سالت الموظفة قالت فيه وجزاها الله خير ورتني واخترنا عربيه واخذنا شوكلاته للبزورة وحطيت الولد بالعربية فورا يااني ارتحت حسيت هم وانزاح عن قلبي وعلى طول طلبنا اوبر وعلى البراميد مول
اول ماوصلنا بحثنا على فيش منهاتن قلت ل ابو حسن اسال اي احد انا مرة جوعانة والبزورة لاننا مااكلنا من الفطوروهو يقول الحين نلاقيه قصة قالت بدورالمطاعم حسيت ان السالفه بتطول قلت ل ابوحسن بمر ذا المحل بس
قال تمام سالت الموظفة قالت امشي طوالي وانزلي تحت تلاقيه بيدك اليمين طالع فيني ابوحسن كذا
وقعد يقول مرة ماتصبر ماتحب الاستكشاف كيف بتحفظي المكان وتستمتعي بالمكان لو مااكتشفتيه بنفسك وابو حسن يعطيني ارشادات الاستمتاع والاستكشاف بالسفر والبزورة يبغوا يروحوا يتزلجوا وانا ابغى اكل واتسوق
واخيرا وصلنا لفيش منهاتن وطلبنا وفعلا يستاهل المشوار طلبنا وجبة استكوزا انا وابو حسن عشان الرجيم لايخرب والبزورة وجبتين سمك فيلية وبطاطس وعصائر والحمد لله حمدا كثيرا على نعمته الجوع كافر فعلا وهذي الصور لطلبنا من النت لين القى صوري
قالوا ها طيب وكانت الساعة 8:30 قال ابو حسن تبغوا شي او نروح قلت بس الحمامات رحنا الحمامات وبعدها طلبنا اوبر وعلى الاي سيتي
وصلنا هناك وكانت الساعة 9 اشترينا ايس كريم وموية وشوية لذائذ وقعدنا واتجولنا وانبسطنا بعد ساعة شوي تنزل مطر خفيف وفرحوا البزورة مطر مطر الا شوي توقف قال ابو حسن ذي ياولدي مطيرة تصغير لمطر وقعدوا يضحكوا وشوي الجو يصير حار ورطوبة خلاص تخنق قلت ل ابو حسن خلاص انا مرة تعبت لان عباية ورطوبة وحرارة قال ابو حسن وانا صدعت بس البزورة يبغوا يلعبوا لسه قلت مافي وقت يادوب ارجع واجمع الاغراض بكرة ورانا سفر قال ايوه نسينا عاد وجوههم صارت كذا
مرينا ناكد على الاستقبال بخصوص التاكسي قالوا تمام بيجي الساعة 7 قلت تمام وسالتها على المسبح قالت يقفل 9 قاموا البزورة
قلت لهم بكرة بنروح مكان تحفة وطلعنا واتعشينا بالكيك والفطائر الباقية من امس والعصائر والحمد لله على النعمة وجهزت الشنط ونمنا
تقيمي لحديقة شاه علم
اعطيها 15 / 10
لكل شي حديقة شاملة وكاملة من كل شي حتى فيها مطعم هندي بس ماجربته وفيها اكشاك يبيعوا ذرة وموية وخفائف بس ماجربت شي لان جبت الاكل معايا وفيه انشطة اخرى بس ماجربتها
تقيمي لكيدزانيا
اعطيها 17 / 20
المكان حلو وممتع وتعليمي للاطفال ومرة مرة انبسطوا فيه بس عيبه ان بياخذوا مبلغ على الام والاب والمفروض يكون مجانا لان الام والاب مستحيل يلعبوا اي لعبة فما ادري ليه ادفع مبلغ وكمان الاطفال اللي بعمر جودي المفروض يكون في مكان افضل للعب فيه لان دافعه قيمة تذكرة له
تقيمي لمطعم فيش منهاتن
اعطيه 20 / 20
المطعم يستاهل كل ريال الاكل الخدمة الطعم كله تمام
تقيمي للاي سيتي
اعطيها 15 / 20
المكان حلو والفعاليات فيه حلو وكل شي بس ينقصه الجو الحلو يعني ممكن كانوا ركبوا رذاذ للماء لتلطيف الجو او مراوح زي اللي في صن واي لاقون مجرد اقتراح
انا المتاحف ماجربت ولامتحف بسبب البزورة مايبغوا وكمان ينقصها العاب للاطفال لان اغلبها قديمة او صغيرة عليهم ماعجبتهم الا لعبتين ومالعبتهم لسببين
السبب الاول قالوا ميمي ماينفع تركب كذا لعبه لانها قصيرة وجودي لانه صغير
صحينا الساعة 6 وصلينا وحطيت لكل واحد بشنطته كرسون وعصير وماء ولبسنا واتحصنا ونزلنا اللوبي سلمناهم المفاتيح واخذنا التامين وركبنا التاكسي واتجهنا لباصات اوريلاين
وصلنا هناك الساعة.7:30 وكان مافي احد احد ابد قعدنا مواجهين للالعاب وكل واحد اكل اكله الا شوي يجي موظف يفتح الباب سالنه ندخل العفش او نخليه قال لا لا خلوه شوي ويجي الباص قلنا تمام الساعة 8 وصل الباص وركبنا وكان الباص مو زحمة مرة ثلاث صفوف مافيها احد قلنا الحمد لله في مكان ننام ونحنا كنا حاجزين الصف الاخير كله وكرسي واحد بالصف اللي قبل الاخير
وانطلق الباص في وقته 8:30 وانطلقنا بسم الله توكلنا على الله ولاحول ولا قوة الا بالله
في امان الله سلانجور
بعدها وزعوا علينا سماعات وبطانيات وبعدها بساعة وزعوا علينا وجبة عبارة عن رز وايدام وموية وعصير وكان الرز حار ولذيذ للامانة وكانت الرحلة حلوة والباص مريح والكل ينام والساعة 1 الظهر وصلنا الساحرة بينانغ
طلبنا اوبر والطريق كان روعة والجو مغيم وهتان وصلنا الفندق الساعة 2 الظهر اعطيتهم اوراق الحجز ودخلوني قاعة الانتظار واعطونا عصير واعطوا الاطفال بلانين وعمل تشيك ان قالوا انهم بيعملوا لنا ترقية للغرفة بدون دفع مبلغ زيادة لان جميع غرف الديلوكس محجوزة ومن ضمن الحجز 2 بيتزا لكل غرفة خلال فترة الحجز من البار اللي على الشاطي لنا الحرية ناخذها بيوم او نقسمها بيومين قلنا تمام وطلعنا وشفنا الغرف وهذي هيا
وهذي الاطلالة للغرفتين
حطينا الاغراض وريحنا حق ساعة وصلينا الظهر والعصر
وخرجنا نتغدا قلت نطلب اوبر قال ابو حسن نخرج نمشي الجو حلو قلت تمام
اول ماخرجنا ونحنا نتشاور لسه البزورة لمحوا ماك كلهم بصوت واحد بابا ماك قلنا تمام قطعنا السكة ورحناه واتغدينا والحمد لله والشكر ومرينا البقالة واخذنا شوية خفائف للبزورة وبعدها مرينا بمحلات الشوكلاته والقهوة واتذوقنا وعجبنا كم نوع وقلنا اخر يوم نشتري
وذي الصورة للمنتجع من جهة محل القهوة تراه ارخص من كوفي تري فعليا
ورجعنا للفندق واخذنا لفه بالفندق واتعرفنا على الخدمات وبعدها البزورة قالوا يبغوا يروحوا المسبح سالت الاستقبال قالوا باقي نص ساعة ويقفل المسبح للاطفال قلت لهم مافي وقت بكرة باذن الله قالوا خلاص نروح النادي حق الاطفال حطيناهم وواخذنا جولة بالشاطي انا وابو حسن وقعدنا نتامل غروب الشمس
وبعدها مرينا البار واخذنا وشربنا عصير واخذنا البيتزا وانتظرنا لين الساعة 8:30 ورحنااخذنا البزورة وجينا والصغير نام مع العلم مايقبلوا اطفال صغار بس انا قلت لهم عمره 3 سنوات لانه لو اخذته بيقعد يبكي وبعدها طلعنا الغرفة وتعشينا بالبيتزا ونمنا وبكذا انتهى اول يوم لينا في بينانغ
تقيمي لباصات اوريلاين
اعطيها 20 / 20
باصات كلمة روعة قليلة فيها مريحة واسعة حسيت ان المقعد اوسع من مقعد الطائرة ((فعلا كانك مسافرة بطائرة مو باص )) الوجبة لذيذة وساخنة والخدمات ولا اروع
ابوحسن وسوني نزلوا بالاستراحة وقالوا انها متكاملة الخدمة
تقيمي لفندق شانغريلا جولدن ساندن
20/20
شهادتي فيه مجروحه جدا جدا جميل وروعة ومافيه ولا عيب حاولت اطلع فيه عيب بس مالقيت
بس للامانة نصيحة اذا ايامك كثيرة بيينانغ الافضل تقسم بين فندق قريب من جورجتاون ومنتجع بالباتو فرينجي
تقيمي لمحلات القهوة
20/15
القهوة لذيذة وطعمه ولازم الكل يشتري منها بس ها الله الله بالمكاسرة ونصيحة روحوا وقت المكان يكون مو زحمة عشان تاخذوا راحتكم عيبها المكان مو مرتب ومبهذل وماهو باين للاغلبية
تقيمي لنادي الطفل
20/20
كبير وواسع وممتع ونظيف وتنشطة متنوعه واهم شي في موظفتين على راس الاطفال
يفتح يوميا من 9 ص - 6 م وفي ايام السبت والاحد 9 ص - 8 م
الكبار 25 رنجت - الصغار 15 رنجت
3 - برج كومتار
يفتح يوميا من 9 ص - 8 م
الصعود ب 1 رنجت
4 - الهضبة
تفتح يوميا من 6:30 ص - 10:30 م
الكبار 30 رنجت - الصغار 15 رنجت
5 - القرني بلازا
تفتح يوميا من 10 ص - 10 م
صحينا الساعة 6 تماما وكان مرة بدري لان نمنا 9 المهم صلينا واتجهزنا ونزلنا الشاطي وراقبنا شروق الشمس والبزورة لعبوا بالرمل لمدة ساعة ونص نظفوا نفسهم بالمروش واتجهنا للفطور وكان متكامل لامانة ماينقصة شي اللي يجي على بالك تلاقيه وفطرنا وحمدنا الله على نعمته وطلعنا الغرفة غيرنا لبسنا وكل واحد اخذ شنطته وحصننا البزورة ونزلنا اللوبي وطلبنا اوبر اول وجهة رحنا البيت المقلوب
وصلنا هناك الساعة 9 وربع وماكان زحمة دفعنا التذاكر واعونا خصم على متحف الخدع لانه تابع لهم قلنا شكرا ودخلنا انبسطنا واتسلينا واتصورنا الا جودي كان نائم وصحيناه لانه ممنوع دخول عربات الاطفال والاخ مسك شر ليه نصحيه وللامانة كانوا الموظفين متعاونين واتصوروا البزورة وابوهم مقاطع فيديو حلوة ومضحكة بس فعلا انبسطوا ونحنا خارجين حسيت جاني صداع من كثر ماكل شي مقلوب
المهم قضينا قرابة الساعتين والنص وبدات بعدها الزحمة لقينا ناس كثير ينتظروا غير اللي جوا فحمدنا ربنا اننا جينا بدري
(ملاحظة اول ثلاث صورمن تصويرينا الباقي من النت )
بعدها طلبنا اوبر للتوجه ل متحف فن الخدع وكان قريب بس كان فيه شمس قلنا نطلب اوبر افضل ركبنا السيارة وسالنا وين بتروحوا وريناه الورقة وقال طيب وكان مصرقع مدري اشبه معصب وكل شوي يدق بوري اول سواق يصادفنا كدا المهم قلنا هو دا المكان نزلنا وقعدنا ندور اللوحة مو شايفنها ونطالع يمين يسار ونلاقي مبني نسالهم قالوا مو هنا يبعد مسافة 20 دقيقة من هنا ساعتها دعيت على حق اوبر الغبي
المهم رحبوا فينا وقالوا عندهم متحف وكذا وقدموا حلاوة للاطفال وقبعات وكذا حسبنا متحف العاب قلنا ندخل قد ايه فرحوا مساكين
بعد ماشفت اوراق المتحف وببحث صغير طلع اسمع متحف تاريخ الذهب ذا اللي فهمته المهم هو دا
قصينا التذاكر وطلعنا درج ووصلنا لمكان زي المسرح وفيه واحد قعر يشرح لنا عن كيف يطلعوا الذهب وكيف يسوه وعمل قدامنا تجربة خرج شي زي المعدن المنصهر وصباه علو قالب وبعدين حطاه في موية وجابه لنا وقلنا ذا حجم 250 جم من الفضة وبعدها اخذونا جولة بالمكان طويلة عريضة بس سريعه ووصلنا لمكان كيف يطلعوا الحجر من المنجم وكدا واعطونا صفايت كبيرة وقالوا لنا نبحث عن الذهب ساعتها يافرحة البزورة كل واحد قام يبحث وابوهم معاهم وانا قاعدة اتضارب مع الصغير لايغط بالموية خخخح المهم كل واحد طلع حجر صغير جدا جدا ذهب الا ميمي وقعدت تبكي ابوهها قلها مو حقنا الحين بنعطيهم قالوا الموظف لا انت تاخذه ابوها قلها خذيه قلي ابو حسن تبغي تجربي قلت ان كان ذا ذهب حقيقي اقول بسنتر هنا وبطلع كل الذهب
قعد يضحك وكملنا الجولة واتعرفنا على الدول الاعلى انتاجا للذهب واعتقد ماليزيا بالمرتبة الرابعة والله نسيت من جنان الصغير كل شي يبغى يشوفه
المهم بعد حولة استمرت ساعتين خرجنا وكان فيه زي المعرض تشتري ذهب سال ابو حسن عن حلق طلع اغلى من هنا طالع فيني قلي تبغيه قلت مجنونة السعودية ارخص
وانتهت الجولة واعطوا للبزورة من جديد حلاوة ويافرحتهم
(ودي اعرف ليه البزورة يفرحوا لما اي احد يعطيهم حلاوة غير امهم وابوهم اوكيه بيفرحوا يوم اعطيهم او اشتري لهم بس حق الاخرين دائم غير ويقعدوا يتاملوا فيها ودي اعرف ليه اللي يعرف يقلي )
كان وقتها الساعة 1 تماما قال ابو حسن نصلي الحين او في العصر طالع بقوقل ولقينا مسجد يبعد 7 دقائق مشي قال زوجي ماله داعي نطلب اوبر نمشي توكلنا على الله ومشينا وسبحان الله شوي والجو يغيم وينزل هتان وساعتها خفت والله ليه الكذب قلي زوجي عادي لو مطرت نقعد بالمسجد قلتت تمام مرينا بالحي الهندي ولا احكي لكم ياكثر المعابد ومرينا بمعابد فيها ريحة خايسة ودخان يطلع قال ابوحسن قاعدين يحرقوا واحد بالله وقفي شوفي قلت يالهوي شوي اتذكر البزورة والروائح وصدرهم قال امشي امشي وصلنا بعد 15 دقيقة المسجد وصلينا الظهر والعصر وبعدها ريحنا شوي
((وطبعا انا وابو حسن متفقين السواق حرمة انا قدام السواق رجال هو يركب تمام عاد طوال الوقت ابو حسن يدعي ان السواق حرمة عشان من ضمن الاتفاقية ان اللي يركب قدام ينتبه للطريق
))
المهم اللي صار الكل نام وانا اراقب الحرمة لاتروح تغلط عن طريق قوقل ماب الا والاخت تعدي المفرق الاول سكت قلت ممكن عندها طريق اقصر وتتعدل الخريطة والمرة الثانية الاخت تاخذ لفة غلط وماشية بالخط ولا على بالها وانا شفت كذا كتابات بلوحة قبل اللفة بس مادققت المهم ساعتها انا شكيت قمت كلمتها الا توقف السيارة وتطالع الخريطة عندي وعندها وتعدل البيانات بس للامانة مرت فينا بمكان حلو تقريبا حديقة عاد اختكم بالله فاضية حفظت المكان بقوقل لانه عبارة عن بقعة خضراء بالخريطة وطلع ذا المكان هو اعتقد حديقة وذا كان الطريق لها ذي صور من النت ومعلومات عنها
تفتح كل يوم من 7 ص - 7 م
يوجد بيها ملعب للتزل والالعاب المائية
يفتح كل خميس من 6:30 ص - 5:30 م
شكلها حديقة حلوة
(( طبعا ذي المعلومات كلها يوم رجعنا قعدت اقرا وابحث عشان التقرير قلت اعطيكم معلومة للمكان ))
المهم رجعت اتابع معاها واخيرا بعد 40 دقيقة والله وصلنا هضبة بينانغ واصحيهم قلي ابو حسن مو قلتي مكتوب 15 دقيقة قلت والله الحرمة جابت العيد المهم نزلنا وسالتها كم الحساب قالت نست تشغل العداد قام ابو حسن قلي اعطيها 30 رنجت هي حرمة كبيرة بالسن ومسكينة فعلا باين كان في شي شاغل دماغها المهم توكلنا على الله وابوحسن راح يشتري التذاكر وانا قعدت انتظر شوي اسال سونا وين الشنطة حقتك قال اوه نسيتها بالسيارة قلت ياربي وانتظر ابوحسن عشان اقله الا شوية يجيني اتصال وارد اتاريها الحرمة تقلي نسيتوا شنطة بالسيارة وطلبت انتظرها عند البوابة وجاء ابو حيسن قلي وين بتروحي قلت له السالفة قال والله طلعت امينة جزاها الله خير المهم اخذنا الشنطة ورجعت لي 15 رنجت قالت حسابها طلع 15 رنجت قلت لها لا والله تاخذي المبلغ واخذته وشكرتني وشكرتها
طالعت الساعة وكانت 2:15 وانتظرنا القطار شوي جا وطلعنا الهضبة
(( للامانة الصور بعضها من النت وبعضها من تصويرنا لان اغلب صور الهضبة شخصية ))
اول ماطلعنا كنا جوعانين مرة مرة نحنا على الفطور حق الفندق وعلى طول اتجنا يمين لذا المطعم اطلالته خرافية بس طلع كوفي واكله لايسمن ولايغني من جوع وغالي صراحة ساندويش جبن وخضار ب 20 رنجت واغلب المنيو مشروبات قلنا بلاشي ندور غيره
ونزلنا شوي نلاقي ذا البار او الكوفي ولقينا عندهم برجر واطلالته احلا من الاول وسبحان الله دخلناه وشوي الجو يقلب وتغيم ومطر مطر والجو يبرد يعني المكان اطلالة وجو لا يعلى عليه هو هذا
طلبنا اول شي اثنين برجر دجاج وسلطة وبطاطس تجربة وطلع طعم للامانة زدنا طلبنا برجر لحم وبرجر دجاج طبعا اللحم للتجربة وللامانة الدجاج طعم اللحم مرة مو طعم حاطين بهارات طعمها مو واو بس مقبولة واكلنا وحمدنا الله على النعمة وقعدنا بالمطل لين وقف المطر
بعدها كملنا جولتنا بالهضبة والجو ياناس والله كان خيال شوي هطر وبرد وغيوم شي شي وبعد الجولة اخذنا حمص من البائع اللي قالت عنه قصة حب قلنا نقعد ناكل بهذا المكان
وخلصنا ودخلنا متحف البوم مع انه مايستاهل بس عشان الصغار وطبعا بعد كل متحف متجر غالي
ورحنا ناخذ جولة بعربة القولف بدانا الجولة وتنزل مطر الحمد لله الجولة كانت مطر وشي واللي عمل فينا الجولة ضحكنا موتنا ضحك سالنا انتم من وين قلنا له من السعودية قلنا ارهبوا تراهيب المطر الله تهيهم خلانا فطسنا ضحك وقلنا انه عاش بالامارات خمس سنين وبعدين رجع واشتغل هنا لانه ماقدر يتحمل الحر مع ان الراتب كان كويس بس تعب مرة وقعد يشرح لنا بالعربي المكسر عن كل مكان ووقفنا كذا مرة نتصور وبعدها رجعنا ومرينا من قدام رجال عجورز قلنا عمره 70 وكل يوم يطلع وينزل ثلاث مرات الطريق المخصص للمشاة من تحت للهضبة قلنا ماشاء الله باذن الله نصير مثله لما نكبر
بس القى الصور بنزلها
بعدها خلاص صارت الساعة 6:30 المغرب قلنا ننزل والجو بدا يبرد مرة مرة وخفت على البزورة والله والا ابو حسن كان ناوي نسهر هناك وودعنا الهضبة ونزلنا
طلبنا اوبر واتجهنا للقرني بلازا ونحنا بالطريق مرينا بالكوفي تري بالصدفة (( رب صدفة خير من الف ميعاد )) طبعا نزل ابو حسن وشاف الاسعار وتذوق بسرعة ورجع السيارة لان البزورة كانوا نائمين وقال اللي جنب الفندق ارخص وكملنا طريقنا
وبعدها وصلنا للقرني البلازا وكالعادة احتفالات الصينين استقبلتنا
دخلنا مع الكوفي واخذنا دونات وكوفي وكان نصيحة اختي وفعلا لذيذة الدونات وبعدها صلينا مغرب وعشاء ودخلنا وماك وسيفورا وباركسون فعلا اسعاره خرافة نصيحة الي يبغي سوق وشي مرتب ياخذ منه
وتعشينا في منهاتن فيش ماركت طلبنا وجبة عليها عرض وللبزورة وجبة طفل وكان ودنا نروح سينما بس الافلام كانت مو حلوة على كلام ابو حسن ورجعنا على الفندق ونسيت اقلكم سالت حق الاستقبال فين مكتب الجولات عن رحلة الصيد قالت قفلوا بكرة الصبح دوامهم قلت تمام
تقيمي للبيت المقلوب
20 /20
حلو وممتع والاجمل تعامل الموظفين بس نصيحة روحوا بدري لان الزحمة اللي شفناها ونحنا خارجين مو طبيعية
عيبه المنطقة اللي فيها المتحف مرة مو حلوة وزحمة يقع وسط حي صيني
تقيمي لمتحف الذهب
20/10
حلو للكبار وفيه معلومات كثيرة اول مرة اعرفها واتفاجات صراحة يوم شفت عيالي انبسطوا رب صدفة خير من الف ميعاد وللامانة اكثر شي مقهورة عليه التذكرة احسها غالية والله خصوصا انهم كانوا يتمنوا احد يزورهم لو تشوفوا كيف رحبوا فينا وفعلا ماكان فيه احد المفروض يخفضوا سعر الدخول عشان يقبلوا الناس على المتحف
تقيمي للهضبة
20/20
روعة تجنن تهبل روعة لازم الكل يروحها بس ها اهم شي الوقت الوقت مثلا لو شفتوا الجو مشمس الافضل تروحوا قبل العصر بساعة خصوصا انوا صاروا يقفلوا الساعة 10 الليل وثاني شي ليت يزيدوا العاب اطفال عشان ينبسطوا الصغار وراح ازورها ان ربي كتب لنا نروح ماليزيا مرة ثانية
تقيمي للبار اوالمطعم اللي في المطل
20/15
اسعاره غالية صراحة بس كنا مضطرين بس برجر الدجاج مرة لذيذ والبطاطس لذيذة والسلطة الا برجر اللحم البهارات اللي فيه خربت طعمه وماادري ممكن مع الجوع ذقنا الاكل الموقع والجلسه تجنن تجنن لو تروحوا اقل شي اطلبوا شاي او مرية واقعدوا بالمكان قعدته ترد الروح وراح اروح ثاني بس بطلب خفائف
تقيمي لمتحف البوم
10/1
صغير وتافه وخسارة فيه ال 20 رنجت للامانة حسبنا ان فيه بوم بس يالله كويس سعر التذكرة قليل خخخخ وتوبه ماعاد ادخل مكان مااعرفه
محل الدونات الشهير
20/20
شهادتي مجروحة وطعمه للحين بفمي اه يازمن باذن الله لو رحت ماليزيا ثاني بمر عليه اكيد
اللهم مااصبح بي من نعمة او باحد من خلقك فمنك وحدك لا شريك فلك الحمد ولك الشكر
الاماكن المراد زيارتها
1- الايكو سكيب
يفتح يوميا عدا الاثنين من 10 ص - 6 م
الكبار 83 رنجت - الصغار 55 رنجت - (0-3 سنة ) مجانا
ممكن تحجزوا من النت
2 - حديقة الفراشات
يفتح يوميا من 9 ص - 5:30 م
الكبار 40 رنجت - الصغار 25 رنجت ( اذا ماكنت ناسية )
3 - حديقة الفواكه
يفتح يوميا من 9 ص -5:30 م
الكبار 45 رنجت - الصغار 25 رنجت
4 - التايمز سكوير
يفتح يوميا 10ص - 10 م
5 - الكوبنسي مول
يفتح يوميا من 10 ص - 10 م
صحينا بدري الساعة 6 وصلينا واكلنا خفائف بالغرفة ونزلنا الشاطي مشينا احب المشي على الرمل بعدها رحنا فطرنا بعدها كانت الساعة 7:30 قلت للبزورة يالله تبغوا تسبحوا وقالوا اكيد
قلهم ابوهم بس ها الساعة 9 تخرجوا قالوا طيب وقعدوا يسبحوا للساعة 9:30 نسينا الوقت طلعنا الغرف واتجهزنا ونزلنا ومرينا على مكتب الرحلات وسالتها عن رحلة الصيد والشواء قالت كم عددكم قلت بالغين و 3 اطفال قالت الرحلة 3 ساعات ب 450 رنجت قلت لا غالي قالت ذي اسعارنا ومرة ماتقبل تتناقش طنشناها وطلبنا اوبر واتوكلنا على الله الى حديقة الفراشات
وهذ الاخ جالس يراقب الفاشات
المهم قعدنا بالحديقة لين الساعة 1 والجو بدا يصير حار قلت بقلبي الله يستر بعدها اتجهنا لحديقة الفواكه وصلنا لقينا الزحمة يارباه ابو حسن راح يقص التذاكرشوي رجع قال ماله داعي نشتري فواكه وناكل قلت ليه قال السعر مبالغ في فيه والجو حار بالنسبة ليا وللبزورة مو مرة حار بس ابو حسن انسى اذا درجة الحرارة 30
المهم رجعنا مع صاحب اوبر واتجهنا للايكو سكيب لان ذي الحديقة اقتراحي اقلكم شغله ابوحسن ماقرا عنها وكان يضنه مكان مغلق وصلنا ويوم نزل وشاف قال لا مستحيل مستحيل وللامانة وقتها ظهروكانت الشمس بدات تصقع براسنا
قلنا تمام وين نروح اقترح علينا صاحب اوبر اسمه احمد مسلم قلنا اوديك بحيرة السد تاخذوا جولة والقارب مغطي قلنا تمام على امل ان الجو يتغير وصلنا والجو اشتدت الحرارة قلنا لاجولة ولاشي اتصورنا كم صورة بعدها وذي صور للمكان من النت
اتشاورت مع ابو حسن وقال يا نرجع الفندق بس ماراح نستفيد من خدماته مع ذا الجو قال نروح كوبنسي مول واثناء الطريق السواق احمد قعد يتكلم معنا ويسال ان نبغي جولة او شي واعطانا ورقة فيها جولات وكذا سالناه عن رحلة الصيد قال متى تبغوها قلنا له بكرة قال متى قلنا نبدا من 9 قال تمام سالناه كم السعر قال 300 رنجت قلنا مافي امكانيه تخفض وكذا قال ذا شامل مع الاكل والتوصيل وكله قلنا ايش الاكل قال انتم ايش تحبوا نعمل لكم وتفاهمنا واتفقنا اساس بكرة الصبح واعطانا رقمه واعطينه عربون 50 رنجت والحبايب الصغار يدقوها نومة لين وصلنا الكوبنسي مول
صلينا ظهر وعصر وبعدها اتغدينا بفرايدز وصارت شغلة طلبنا ميني برجر للاطفال واثنين برجر كبير مع العصير و مكرونة وموية المهم اولا شي جابوا موية ماتنشرب طعمها مقرف ورجعتها لهم بعدها 20 دقيقة وماجاء الطلب كلمتهم يعجلوا لان الصغير بدا يبكي قالوا طيب ووصل البرجر كله وكان لذيذ خلصوا كلهم الاكل والفوتشيني ماوصل كلمتهم قالوا طيب شوي جابوا مكرونة باردة والصحن حار باين معاد تسخينها ساعتها انا وابو حسن
وانادهم واقلهم الطبق معاد تسخينه يقول الموظف لا ناديت المسئول وكان صيني قله ابو حسن ذوق الطبق وقله المشكلة انوا اتاخرنا والموية كمان لاتصلح للشرب الرجال ماقدر يكمل اللقمة اتاسف لنا واخذ الطبق وجاب لنا طبق ثاني خلال 5 دقائق مااكذب والله ورجع تاكد انو عجبنا او لا واتاسف ثاني وبعدين طلبنا الحساب قام جاب الفاتورة وجاب معها ايس كريم تعبيرا عن الاسف وطلب ابو حسن يكنسلوا الموية من الفاتورة وقال تمام ودفعنا وخرجنا
وبعدها اشترينا كم حاجة من دايسوا ومن بولو وابو حسن لقى صراف وحول الفلوس ولفلفنا شوي المول غالي بس قريب البحر وواجهته حلوة بعدها طفشنا
شفت الساعة كانت 3:330 خرجنا بره المول سبحان الله الجو غيم واتغير الحال وقعدنا نمشي عند الجهة المقابلة للشاطي لان البزورة كان بيدهم فشار قلت ل ابو حسن ايش رائك نروح الايكو سكيب حسبنا الوقت والتذكرة قلنا حرام حندفع نستفيد قيمة التذكرة وماراح نحلل قيمتها خليها بكرة ممكن الجو يكون احلا قلت تمام ورجعنا عند بوابة المول وطلبنا اوبر واتوجهنا للتايمز سكوير والسوق اللي جنبه مااعرف ايش اسمه بس بدور لكم صوره واسمه من النت السوق رائع للامانة مالفيته كله ولفلفنا شوي واتصورو البزورة هناك وماك تصميم المبنى تبعه حلو واشترينا شوي خفائف نتسلى فيها بالفندق وموية وعصير
( كل الصور من النت لان كل الصور شخصية مافي الا كم صورة )
وهذي صور للمول الثاني اللي جنبه لازم تروحه نحنا دخلنا عشسان ندور حمام بالصدفة المول اسمه M Mall O2O عبارة عن اربع ادور كل دور يمثل دولة ( اليابان والصين وبينانغ وتايلاند وبريطانيا ) وفيه متحف الشمع ومتحف الفن وملاهي اطفال طبعا المعلومات ذي عرفتها يوم رجعنا هههههه ذي الصور من النت
وبعدها قال ابو حسن ايش رائك نطلع برج كومتار المكان قريب والجو حلو تمشوا او نطلب اوبر البزورة بصوت واحد نمشي ومشينا لين قريب البرج الا ونحنا عند الاشارة وابو حسن الجوال بيده عشسان يشوف الطريق الا واحد قاعد يطالع فيه وبالشنطة ويطالع فينا وبالبزورة ابو حسن مرة تضائق فتحت الاشارة وهو قاعد يلاحقنا وانا للامانة اتوترت مرة اتوجهنا للبرج لحقنا قام ابو حسن لغى طلوع البرج وطلب اوبر وجاء الرجال وركبت انا والبزورة وابوحسن كان يحط العربية والاغراض بالسيارة الا والاخ ينتش كيس من ابو حسن وابو حسن تحسب ربنا وتوكلنا الحمد لله الكيس مافيه الا عصير وخفائف وكم غرض من دايسوا قال ابو حسن الحمد لله بالكيس مو في شي ثاني ورجعنا للفندق
كانت الساعة قرابة 5:30 ابو حسن راح يشتري الكوفي ويشوف مصنع العود القريب منه وانا اتجهت للغرفة وفي الطريق للغرفة قالوا البزورة ماما مو انتي قلتي نسمع الكلام بالمول وتخلينا نسبح قلت ايوه بس بيقفل المسبح قالوا عادي قلت تمام وصلينا الغرف لبسوا لبس السباحة ونزلتهم المسبح
والساعة 7 قفلوا المسبح حق الاطفال شوي جا ابو حسن وخلاص نحنا بنطلع قال لا بروح اسبح شوف وجوههم صارت كذا
راح كلم الموظف حق مسبح الكبار قله مافي مشكلة يسبحوا بس معاك ماتخرج من المسبح الا وهم قبلك قال تمام وقعدنا لين الساعة 8 طلعنا ولقينا مفاجاة بالغرفة ابو حسن مجهزها
والبزورة حق مين بمناسبة ايه قالت ميمي عشان سمعنا الكلام قال حسن لا ياغبيه عيد ميلاد ماما قلت من جدكم عشان عيد ميلادي
طالع فيني ابو حسن وقلي عشان نجاح البزورة
نحنا لنا عيدين ويضحك وانا فهمت وسكت شوي الا البزورة نطوا
شكرا بابا وماما قلت تمام يالله قوموا غيروا ولبسوا واكلوا الكيكة والخفائف اللي اشتراها ابو حسن والكل دخل بنوم عميق مافي الا انا وابو حسن شربنا كوب قهوة ونحنا على المسبح وماجانا نوم وقلي ساعتها ابو حسن ترا الكيكة انا طلبتها من الفندق عشان مرور 10 سنوات على زواجنا وقلت لهم اني حاجز لتجديد شهر العسل قلت تشكلار جنم رد علي شيش طاووق welcom
قال ابوحسن ايش رائك ننزل نتعشي قلت صعب قال ياشيخة والله مين يصحيهم الحين لاتنسي سبحوا مرتين قلت تمام بعد ماتاكدت ان البزورة ناموا استودعت ربي البزورة وقفلت الشباك الحلو بالفندق قفل البلكونة فوق مايوصلوه الاطفال ونزلنا تمشينا بالشارع لين وصلنا مطعم ماروش واتعشينا وكان لذيذ والموظف ينصحك ايش تاخذ ويتكلم عربي
بعدها تمشينا شوي وفي طريق الرجعه مربينا بالسوق الليلي واخذنا كم لعبه حق شاطي للبزورة لان اليوم اللي قبل مجد كان بيضارب مع بنت صغيرة يبغي لعبتها ورجعنا الفندق وشفت اعلان عن بوفيه عشاء وسال ابو حسن الموظف قله انه بكرة بوفيه عشاء ايطالي البالبغ ب 88 رنجت والاطفال مجانا لعمر 11 سنة قلنا تمام الوعد غدا وطلعنا غرفنا ونمنا وانتهى يومنا
تقيمي لحديقة الفراشات
20/20
حلوة وروعة وتستاهل سعرها والبزورة انبسطوا ولازم الكل يزورها لكن اذا رحت مرة ثانية ماراح ازورها لان زرتها الا اذا صار فيها شي جديد
تقيمي لبحيرة سد ايترام
20/15
حلوة المكان وشرح ومنظم بس اذا كان الجو حلو غيره لاتفكر تروح وفوقها مااقدر اقيمها مزبوط لان بس مرينا بس المنظر حلو وينفع للروقان
تقيمي لمول كوبنسي
20/15
حلو وجميل بس مرة غالي حتى العروض اللي فيه قليلة بس القرني بلازا افضل بمراحل من ناحية تنوع الاسعار
تقيمي لفرايدز
20/10
الاكل لذيذ وطعم الخدمة للامانة تقرف التاخير مرة مو منطقي لانته ماكان ذيك الزحمة للامانة بس تصرف المدير اعجبني اوصيكم بيه اذا كان اغلب الموظفين اي جنسية غير الهندية لان الموظفين هنود اللي اتصرفوا كذا معانا روحوا اي فرع غير فرع الكوبنسي مول
تقيمي للتايمز سكوير
20/10
حلو بس مايجي بجمال وتنظيم الكوبنسي او الجورني بس رخيص والمنطقة اللي حواليه حلوة وتنفع للتمشية بالذات اذا كان الجو حلو وكمان الكوفيهات ياكثرها هناك وترا مالفيته كله ممكن يكون تقيمي ظالم له
تقيمي لسوق i mall
20/10
حلو جميل احلى مافيه ان كل دور عن مدينة من وجهة نظري ينفع لعائلة صغيرة وعندها اطفال ويبغوا ملاهي وبرضوا مااقدر اقيمه مزبوط بسبب مالفيته كله
تقيمي للسوق الليلي
20/10
مايسوى السمعة اللي انشهر فيها والاشياء اللي فيه تلاقيها هنا بالسعودية ممكن اذا لقيت نفسك فاضي تروح تتفرج مايمنع للامانة وقت رحنا كان الدنيا شبه فاضية واسعاره مبالغ فيها لازم مكاسرة يعني انا مع كلام ام جسوم لو كانوا خلوه بمكان مرتب اكثر او حديقة كان افضل
اليوم السابع
اصبحنا واصبح الملك لله لا اله الا الله
الاماكن المراد زيارتها
1 - ادفنشر زون
يفتح يوميا من 10ص - 7 م
اطفال المنتجع = 48 لباقة نص اليوم و 25 لباقة ساعتين
اطفال خارج المنتجع = 35 رنجت لباقة ساعتين
2 - رحلة الصيد
سعرها ثلاث ساعات 300 - 350 رنجت شاملة الاكل مع التوصيل والعودة للفندق
3 - الايكو سكيب
تفتح يوميا من 10 ص - 6 م وتغلق الاثنين
الكبار = 83 رنجت الصغار = 55 رنجت من ( 0-3 ) مجانا
صحينا اليوم الساعة 6 وصلينا واتجهزنا شوي الصغير بس يستفرغ قلت لابوحسن انزلوا افطروا وانا بقعد معاه واعطيه دواء الاستفراغ وحق السخونة بعدين بعد ساعة دق ابو حسن قلي كيف الولد قلت تمام بس فيه سخونة قال ابوحسن الغي الرحلة حق الصيد قبل الرجال مايجي قلت تمام ودقينا على احمد وقلنا له قال تمام مافي مشكلة قله ابو حسن خلاص تودينا بكرة المطار بكم قال ب 60 رنجت قله تمام موعدنا بكرة قله رحلتنا 11 ونص قله تمام اجيكم 8 قله تمام قله ابو حسن اشوف قله اكد لي اليل قله تمام وبعده الدواءالولد ارتاح نزلت الساعة 7 ونص وفطرته وابوحسن والبزورة سبقونا للشاطي وشفنا اسعار البارشوت والجيت واتفقنا مع واحد العصر الجيت ب 150 والبراشوت ب 180 وهناك قعدنا للساعة 9 ونص وبعدها طلعنا اساس نتجهز اساس نروح الايكو سكيب ولبسنا ونزلنا وطلبنا اوبروفترة انتظارنا الولد رجع يستفرغ ابو حسن اعتذر من صاحب اوبر وراح الرجال ورجعنا والبزورة زعلوا وانا قاعدة افكر ايش اكل الولد قاموا الحبايب الصغار يقولوا ياماما والله امس قعد يشرب من موية المسبح تذكرت ان فعلا البارح شرب وخاصمته وقلت اكيد منه المهم اتوجهنا بعدها للادفنشر زون
المكان بارد بارد بشكل وحلووممتع المهم قعدوا يلعبوا لين الساعة 2 واثناء الانتظار ابو حسن راح عمل له جلسة مساج على الشاطىء للجسم ب 45 رنجت وبعد ماكملوا لعب رحنا مطعم البار وطلبنا البيتزا واكلنا وكنت ساعتها اتواصل مع ليمو بالواتس وقالت لي لو الولد طاب روحي الشلالات قلت تمام بكلم ابو حسن وكلمته قال نشوف البزورة كيف واخذنا جولة بالمنتجع ولعبوا البزورة شوي بالكورة في الملعب واخذوا لفة بالاسكوتر
ونحنا طالعين الغرفة قالوا البزورة ماما مانبغي نروح مكان نبغي نسبح قلت لهم بنروح الشلالات وتسبحوا هناك قالوا لا ياماما والله تعبانين قال ابو جسن خلاص مو لازم دامهم مايبغوا ممكن انا اروح وانتي تقعدي معهم قلت والله نفسي اروح
قال لا خلاص المرة :وصلنا الغرفة واعطيتهم دواء سخونة وناموا قال ابو حسن البزورة ناموا يالله فرصة نروح نركب البارشوت والجيت قلت تمام منزل بس بشرط ضروري نطلب بيبي سنتر من الاستقبال لان الولد تعبان قال تمام نزل طلب البيبي سنتر وجات واعطيناها رقم الجوال لو صار شي واستودعتهم ربنا ونزلنا
وكانت الساعة 4 نوصل الشاطي وبدا ينزل مطر خفيف وقعدنا ننتظر الرجال لان كل الدبابات مشغولة جانا واحد ثاني قال تبغوا قله ابو حسن بكم قله نص ساعة ب 200 قله لا بنتظر واحد قلي النص الساعة ب 100 قله طيب خلاص طالعنا ببعض وقلنا بسم الله وشغلنا الدباب وانطلقنا فعلا شي شي ماحصل روعة وكمان الجو مطر كان شعور جدا رائع بس للامانة مااخفيكم امر ذي اول مرة بحياتي اجرب الجيت وكنت متوترة وخائفة وكل ماابو حسن يسرع اقله ورائه بزورة لايطلع لنا سمك قرش في امواج المهم على قولته جننته ههخخ. للامانة خائفة اكثر شي بسبيين
اولا انا مااعرف اسبح والشي الثاني و في شخص غريب مع بزورتي بالغرفة وولدي تعبان يعني وقتها ياكم فيلم كتبته وشفت نهايته هههه وفوقها الجو جميل ومطر وكذا يعني للامانة شي
المهم خلصت النص الساعة وانا بين شد وجذب مع ابو حسن وصلنا الشاطي قال ابو حسن بناخذ نص ساعة كمان بس ذي المرة انا اسوق واجبرني ابوحسن والحمد لله اجبرني يعني للامانة مااعرف اوصف الاحساس بس لازم لازم تجربوه بس للامانة بعدها بديت اخاف ورجعتليا الافلام خصوصا اشتد المطر وبدات اشوف الناس بترجع وناس بتروح بعيد وابو حسن يقلي ادعس روحي بعيد الحقي ذاك الدباب وانا اقله لا لا مطر مطر وبعدين مين يلحقني لو غرقت والحمد لله رجعنا للشاطي
ووقتها وقفوا الانشطة لان نزل مطر قوي اتجهنا للبار اللي جنب المسبح واخذنا اثنين عصير جوز هند وواحد فشار للبزورة وشربنا احلى عصير والله
اشوف الساعة الاقيها 5 ونص بسرعة طلعنا الغرفة لان نحنا طلبنا البيبي سنتر بس ساعة والحمد للله رجعنا والوضع زي ماهو وشكرنها ودخلت الغرفة قلت بروح المسبح وابو حسن قال يالله يالله ننزل المسبح ياام حسن الكل صحى من نومه ويدور لبسه لبسناهم ونزلوا المسبح يلعبوا وابو حسن معاهم وانا رحت اغسل الملابس وارتب الشنط لان بكرة ورانا سفر ونزلت للمسبح قلتخلاص شبعتوا قالوا لسه الساعة 6 انتقلوا لمسبح الكبار مع ابوهم وقعدوا لين 8
بعدها طلعوا اكلوا الفشار وناموا وانا كملت اجهز الملابس والساعة 10 نزلنا واكلنا بالبوفية وكان يجنن بكل ماتعنية الكلمة من معنى وللاسف صور البوفيه ضاعت وللامانة لان البزورة معايا مافضيت اصور بالجوال وكان زحمة كمان اكلنا وحمدنا ربنا على النعمة طلعنا الغرفة وجهزت البزورة من الليل وعطيت الدواء للولد الصغير و نمنا وبكذا انتهى يومنا الاخير في بينانغ اللي يعتبر بالنسبة للبزورة افضل يوم
تقيمي للادفنشر زون
20/20
روعة وحلو وجميلة وفيها نشاط ممتع للاطفال بس احسها صغيرة وباردة مرة مرة مرة يعني وانا انتظر انا وابو حسن بردت مرة لدرجة رحت جبت ملابس للبزورة وغيرتها لهم
تقيمي للبيتزا
20/20
طعمه وخفيفة نفس طعم دومينوزا بيتزا هنا بالسعودية بس احسها دسمة وحجمها مرة كويس يعني نحنا 2 بيتزا كفتنا وزادت قطعتين
ملاحظة البتزا عجبت الجميع بس بصفة عامة انا احب البيتزا البيتي ولا احب اي بيتزا من اي مطعم
تقيمي لركوب الجت
20/20
روعة روعة الاكل لازم يجربوه بس الله الله بالمكاسرة
تقيمي لعصير جوز الهند
20/20
لذيذ يجنن طعم بس ها انتبهوا اطلبوه بارد لان الحرمة سالتني قالت تبغي بارد او حار قلت بارد ويوم وجهت السؤال ل ابو حسن مارد جابته له حار
تقيمي لمنتجع شانغريلا بشكل عام
20/30
الفندق روعة اصنفه لكل الخدمات منتجع متكامل حاولت الاقي غلطة مالقيت لافي الفطور ولا في النظافة ولا في الخدمة يعني ممكن الاثاث صار مستهلك شوي ها شوي يعني مثلا اطراف السرير جلد بعضها مقطع بس
ملاحظة
نصيحة قسموا الحجز فيه و اي فندق رخيص اقلكم ليه مثلا نحنا حاجزين 5 ايام تمنيت اني قسمتها بين فندق التايمز سكوير بينانغ وبين الشانغريلا او بين الشانغريلا واي فندق في وسط البلد لان قعدنا تقريبا اغلب الايام برا الفندق ومااستفدنا لا من مسبح ولا شاطي ولاشي سواء قليل من الوقت ولا من خدمات يعني احس الافضل اللي يروح منتجع زي كذا فيه كل ذي الخدمات انو يحلل المنتجع ويقعد فيه ومايخرج زي ماكان اخر يوم لنا او انه اذا بيروح يروح مكان قريب ومايكون ياخذ وقت كثير بره الفندق وذا الشي في كل مدينة
اليوم الثامن
اللهم مااصبح بي من نعمة او باحد من خلقك فمنك وحدك لا شريك لك
الاماكن المراد زيارتها
1 - التوجه للنكاوي
2 - حجز الدبابات والمانغروف
سعر ركوب الدباب العائلي من 200 - 250 رنجت
رحلة المانغروف مركب خاص من 300 - 350 رنجت
3 - الوصول للمنتجع والراحة والغداء
4 - الفورميلا ون
تفتح يوميا من 10 ص - 7 م
37 رنجت لمدة 10 دقائق سيارة راكب واحد
60 رنجت لمدة 10 دقائق سيارة راكبين لبالغ وطفل
5 - حديقة لجيندا ونصب النسر ومسجد الهناء
تفتح يوميا من 10 ص - 6 م
الدخول مجانا
استيقظنا اليوم في تمام الساعة 5:30 واستعدينا ورتبنا امورنا وصلينا ونزلنا الشنط ونزلنا الفطور وتوديع المنتجع الرائع شانغريلا جولدن سادس والمرور بالشاطي ومشاهدة اخر شروق للشمس في اللولوة بينانغ ثم توجهنا للافطار وكالعادة افطار متكامل يلبي جميع الاذواق
خلصنا الفطور الحمد لله على نعمه التي تعد ولا تحصى وعملنا اجراءات الخروج واتصلنا على احمد قال هو بالطريق الساعة 7:40 دقيقة وصل ماشاء الله توكلنا على الله واتجهنا للمطار وكان مطاررائع بكل ماتعنيه الكلمة من معنى شحنا العفش واتجهنا لصالة الانتظار واشتريت خفائف للاطفال وبعدها صعدنا الطائرة ووزعوا علينا وجبة خفيفة والبزورة كانوا شبعانين قالوا ماما مانبغي قلت حطوها بالشنطة شوي ووصلنا الساحرة لانكاوي
وصلنا المطار نزلنا من الطيارة وادور شنطة القهوة وادور مافي فائدة اسال ابو حسن شكلك نسيتها بالمطار قلت لا تقول شحنها اكيد شحنها مع الشنط قال والله مااذكر باذن الله نكون شحنها دخلنا المطار الجو زي النار والشمس قوية ورطوبة دخلنا وانتظرنا نص ساعة بعدها استلمنا العفش وندور الشنطة مافي قلت الله يرحمها واتجهنا لمكاتب حجز الرحلات المواجههة لبوابة الخروج واخذنا رحلة من المكتب الثالث من جهة اليد اليمين الموظفة الوحيدة اللي كانت مسكينة مااحد عندها وهي اللي نادتنا بنت طيوبة ومحجبة وتتكلم عربي مكسر ( لاتضحكوا على الوصف عاد ماني لاقية الكرت حقهم والله ) المهم بعد جدال ومكاسرة اتفقنا على رحلتين مع التوصيل من والى الفندق
جولة الدبابات ساعتين ونص ب 300 رنجت دبابين
و رحلة المانغروف مركب خاص 4 ساعات ب 300 رنجت
وبعدها توجهنا لمكتب التكاسي واخذنا تاكسي من المطار واتجهنا للمنتجع
3 ايام منتجع ميريتوس بلانجي بيتش - جناح حديقة ( 3150 ريال )
ضيفونا عصير وجلسنا باللوبي وجانا موظف اخذ ورقة الحجز والجوازات وقلنا خمس دقائق وبعدها رجع قلنا حجزنا فيه مشكلة سالناه قال الجناح مايقبل الا طفل و بالغين قلت طيب الحل قال لازم ناخذ جناح ثاني للاطفال قال له ابو حسن لايمكن الاطفال اعمارهم اقل من 12 سنة قالوا ذي سياسة المنتجع قله ابو حسن ورقة الحجز تقول جناح حديقة لعدد 2 بالغين و3 اطفال شامل الفطور قال لايمكن كيف كذا من وين حجزتوا قلنا له من اجودا قال طيب انتظروا اسال المدير ان يسمح قلنا طيب واللوبي جدا جدا حار والبزورة بدوا كل واحد انا جوعان انا عطشان قلت لهم خرجوا الوجبات اللي بالطيارة واعطلوا واعطيتهم السناك الا شوي يجي المدير يحاول يفهمنا ان سياسة المنتجع ماتقبل وان الخطا من اجودا قلنا لهم تفاهموا مع اجودا قال طيب الحين نتصل عليهم شوي يرجع لنا ويقول اجودا يقولوا بلغوكم قلت لهم ماوصلني الا ذا الايميل غيره ماوصل المهم جاء المدير مرة ثانية وقعد يشرح ونحنا مصريين على راينا ونحنا خلاص منتهين حر وعرق وجوع بالذات انا وابوحسن وشوي ياذن الظهر وخلاص بدات اصدع جاء المدير من جديد بحل انه يغير الحجز لجناح عائلي مطل على الشاطي بس ندفع باليوم فرق 500 ريال قلنا له وليه نحنا نتحمل الغلط اجودا اللي اعطتنا الحجز هم يتحملوا فارق السعر نحنا مالنا صلاح قال مايصير وكذا وجلسنا نتجادل للساعة 2 ونص شوي يجي الموظف يقلنا نبغي الجناح العائلي او لا راح ابو حسن يشوفه الا يلاقيه صغير قلهم لا ماابغاه ابغي الحجز حقي وخلاص قالوا طيب نشوف لسه نتصل باجودا ونتفاهم معاهم المهم بعدها رجع لنا المدير وقال اجودا مو راضية تتحمل ونحنا مانقدر نعطيك شي يخالف سياستنا والغجناح العائلي خلاص تم حجزه من قبل ناس وقاعد يورينا ساعتها ابوحسن انفجر وقله شوف ياانك تعطيني حجزي او اطلب البوليس السياحي قله عادي انا الغي لك الحجز بس مااعطيك فلوس لان الحجز غير مسترد انت فكر وشوف قعدنا نشوف فنادق طلع يومها لانكاوي كلها فل والله مااكذب حتى الفنادق الرخيصة شوي يرجع لنا المدير بعرض جديد انه يخلي الاطفال بنفس الغرفة بس بشرط ندفع لكل طفل 100 للسرير والفطور عن كل ليلة قله ابو حسن وليه وهزء المدير قله ايش ذا التعامل وهذولا اطفال خلاص انا ماابغي ولا غرفة اطلب البوليس السياحي وهو يحلها راح المدير واجتمعوا 3 انفار وقعدوا يتشاوروا وخلاص انا وابو حسن تعبانين حر وكتمة والبزورة طفشوا قعدت اتشاور مع ابوحسن قال نشوف ايش من عرض بيجيبوا لنا واذن العصر ونحنا نستنا بعدها جاوا بعد شوي الثلاثة قالوا خلاص ماعاد فيه الغرفة حقك كل اجنحة الحديقة تم حجزها مافي الاجناحين يطلوا على المسبح الساعة 4 الحين بيغادروا اللي فيهم تبغوهم ابو حسن اصر انه ماعد بيتفاهم وهزاهم وقلهم انه عمره ماشاف معاملة كذا وراح يقيمهم تقيمم سي بكل المواقع وبرضوا بشتكي عليهم ساعتها انا راسلت دينا حبيبتي وشرحت لها الموضوع وقالت معاكم حق بس ممكن الشرطة ماتنصفيكم لان الغلط من موقع الحجز مو من المنتجع وقالت لي حاولي تتوصلي ل اتفاق افضل وقلت ل ابو حسن قلي نفس راي زميلي وشوي يرجع لنا المدير يقول خلاص نعطيك جناح مطل على المسبح وبيحسب كل طفل ب100 رنجت فطور وسرير عن كل يوم قله ابو حسن كل طفل 50 رنجت سرير وفطور عن كل ليلة المدير يقول
قله ابو حسن خلاص انتظر البوليس السياحي شوي الا يوافق ونكتب العقد ويعطونا المفتاح ونروح الغرفة كانت الساعة 5 العصر بالتمام وذي الغرفة
وكنا مرة مرة تعبانبن وجوعانين خرجنا ورحنا اتغدينا واتعشينا بمطعم سبايس قاردن الحمد لله على النعمة ونسيت اصور الاكل الجوع كافر
ومرينا على محل الفورملان وقالوا مايسمحوا الا لحسن وابوه وانا وكانا تعبانين قال ابوحسن تبغوا قلنا لا لان الوقت قليل والمبلغ كثير وفوقها تعبانين وذي صور من النت للمكان
رجعنا الفندق الساعة 6 ولسه حضرتهم ماجابوا الشنط كلمتهم قالوا طيب الان نجيبها واتاخروا ابو حسن استلقى بالسرير وقلي اروح ودي البزورة المسبح رحنا قالوا لا خلاص قفلنا اخذنا لفة وشفنا الغروب قالوا بيروحوا نادي الاطفال وديتهم وكان قبال باب الفلة قعدوا للساعة 8
للامانة كنت تعبانة ومافيني حيل اصور لقطت ذي الصورة عشان البزورة ذكروني
ورجعت ولسه الشنط ماجات دقيت وهزاتهم الا جابوا الشنط والاسرة الاضافية وبعدها اكلوا البزورة من الخفائف اللي كانت بالشنط ونمنا وضاع اليوم بسبب الفندق حسبنا الله عليهم
تقيمي لمطار بينانغ
20/20
روعة ومرتب ومنظم وكل شي فيه حسيته احلى من مطار جدة
وعاد من الظلم مقارنته بمطار الطائف
تقيمي لمكتب الرحلات
الموظفة جدا طيبه وحبوبة ومتفهمة للامانة بعدين اقلكم ايش صار ليت القي الكرت عشان احطه لكم
تقيمي لمنتجع ميريتوس بلانجي بيتش
20/10
المنتجع متكامل بس بسبب تعاملهم معانا وعدم التساهل في موضوع الحجز وفوقها التاخير في العفش ووجود دولاب الملابس ومكان وضع الشنط بالحمام والثلاجة مرة مرة ماتبرد وصغيرة جدا جدا والتكييف جدا سي اتجاه الهواء واحد ووكان من اسباب مرض بنتي وولدي اللحاف والمخدات مرة مايليقوا بمستوى منتجع خمسة نجوم وانه يعتبر موحش بالليل للامانة لو ماكان نادي الاطفال مقابل الكوخ حقنا كان ماقدرت ارجع لوحدي مع البزورة السلبيات كثيرة بقولها بالختام لان بعضها اكتشفتها الايام الباقية
تقيمي لمطعم سبايس قاردن
20/10
اكله لذيذ وطعمه جيد ونظيف المكان بس عيبه اغلب الاكل مفلفل ومافي خيار يعملوا شي بدون فلفل ثانيا التاخير بالطلب
فيه جلسات خارجية وجلسات داخلية بسبب الجو الحار قعدنا بالجلسات الداخلية
مصاريف اليوم الثامن
تاكسي الى مطار بينانغ = 60 رنجت
خفائف وموية من المطار = 30 رنجت
تاكسي للفندق = 30 رنجت
تاكسي للمطعم = 10 رنجت
غداء وعشاء في سبايس قاردن = 110
تاكسي للفندق = 10 رنجت
المجموع = 250 رنجت = 210 ريال
1 - جولة الدبابات
سعر الجولة يختلف بس بحدود 100-250 للدباب الواحد
2 - التلفريك والقرية الشرقية
يفتح يوميا من 10 ص - 6 م
للكبار 55 رنجت - الصغار 40 رنجت - (0-3) مجانا ( الخط العادي) يعني حتوقف طابور
للكبار 105 رنجت - الصغار 90 رنجت -(0-3) مجانا (الخط السريع ) يعني ماتحتاج طابور
في بكجات توفيرية وكلها خط سريع هذي افضل لو الواحد بيقضي الوقت كله هناك هنا الاسعار
3 - مول سينانغ
يفتح يوميا من 10ص - 11 م
4 - مول فيلا كوكو
يفتح يوميا من 9 ص - 6 م
صحينا اليوم الساعة 7 تماما وصلينا وجهزت البزورة ولقيت ميمي مزكمة ومسخنة وحرارتها 39 على طول اعيد احممها واشيل الدواء معايا ورحنا نفطر فطرنا الا ميمي مو قادرة تفطر تقلي خشمها مسدودة وتعبان بالغصب اكلت لقمتين واعطيتها الدواء وقال ابوحسن نلغي الدبابات قلت له يروح مع حسن ونحنا نقعد بالفندق لين يرجعوا قال ممكن البنت تتعب تعرفي عندها حساسية واحيان تنكتم قلت تما اتصل على الشركة حق الدباب قلنا لها بنلغي الجولة المهم فهمناها ان البزورة تعبانين وكذا قالت تمام طيب وحق المانغروف قلنا لها بكرة نشوف كيف وضع البنت خصوصا الاجواء حارة وسخونة ماينفع طلبت الموظفة انه اذا مابنقدر نروح بكرة نبلغها قبل الرحلة ب 3 ساعات قلنا تمام قلت ل ابو حسن ايش بتعملوا قال انا بخرج الشاطي مع البزورة وانتي اقعدي مع البنت قلت تمام خرجوا يلعبوا بالشاطي لين الساعة 10:30
كان الجو حار والمكيف بالغرفة زفت اتصلت بالاستقبال وكلمتهم وقالوا طيب نجي الحين او بعدين قلت بعد مانخرج المهم خفت حرارة البنت اتجهزنا واخذت الادوية وتوكلنا على ربنا وطلبنا تاكسي واتوجهنا على التفريك والقرية الشرقية
وصلنا هناك والطابور كان طويل بشكل
واصل لين عند جسر البحيرة طلع كان في مشكلة بالعربات ومن اول الناس واقفة انتظار ابو حسن قلي اروح اوقف مع البنت بالظلة وهو بالانتظار واعطيناه المظلة والجو
ومرة حر دخلت بقالة صغيرة مقابلة لسينما 6 دي اشترينا ايس كريم
وقعدنا انتظرنات 45 دقيقة الا وابو حسن يدق عليا يقول تعالوا عند مكان الصعود للعربة قلت تمام رحت قلت كيف عديت قال او ل مافتح كاونتر التذاكر رحت بقسم الخط السريع قال ندفع اكثر ولا يضيع اليوم قلت تمام اخذنا بكج
Private Gondola (Inclusive of entrance to )SkyDome, SkyRex & 3D Art Langkawi &duck toure
المغامرة الاولى SkyCab
على طول طلعنا بسرعة ولا احد شاركنا العربة وسمحوا لي بالصعود بعربة الطفل بس طلبوا اقفلها
وبعدها وصلنا للمحطة الاولى واتصورنا بسرعة وللامانة اغلبها صور شخصية لان الشمس قوية قعدنا تحت الظله شوي
وبعدها اتجهنا للمحطة الثانية وقعدنا بالكوفي وطلبنا اثنين كوفي وفشار وموية للبزورة قضينا قرابة نص ساعة
بعدها نزلنا عشان نروح الجسر قالوا ياننزل بالدرج ب 5 رنجت للبالغ والصغير مجانا او نقص تذكرة للمصعد للكبير 10 رنجت والصغير 5 رنجت قلنا لا نقص التكرة قصينا التذكرة ونزلنا ورحنا الجسر وقضينا فيه قرابة ساعة او اقل وبعدها نزلنا نكمل الانشطة
بعدها مرينا المتجر بالاول واشترينا كم حاجة للبزورة مع العلم اسعارهم غالية بس الصغير الله يحفظه علق على ميدالية عليها كورة مضيئة واضطريت اخذ للباقين واخذت شنطة للجوال جدا عملية وسعرها طيب وجودتها رائعة
وهنا الحبايب يدوروا لبس الاهلي
اقلهم مافي يقولوا ان شاء الله نلاقي قلت دوروا اجل
وهذي الميدالية اللي ولدي انجن عليها
المغامرة الثانية 3D Art Langkawi
هذا المكان الكل لازم يروحه مرة مرة روعة بالذات العرض المرئي يجنن تحفة واحلا مافي المتحف انهم حاطين علامات مكان الوقوف للتصوير والاتجاه عشان تطلع الصورة حلوة ومضبوطة صورت مقطع فيديو بس مو عارفة اضيفة بالذات ناوية اقص منه لانو ولدي بغي يجيب العيد
الله يخليكم يوم تروحوا صوروا بسرعة لان ذي الحرمة قعدت ربع ساعةا نتظرها تخلص وبالاخير ماخلصت واضطريت اصورهم كذا بسبب العرض المرئي بيبدا
اكثر واحد تعبني بالتصوير الاخ الصغير ربي يحفظه يصنغر وخلاص لا احد يتصور هو بس او بيخرب الصورة
عبارة عن فيلم 4 دي او 5 دي مااذكر المهم عربة فيها 6 صفوف وكل صف 5 مقاعد قرابة 30 مقعد نحنا حطونا اولن ناس لان نحنا الوحيدين كلها بالمجموعة كنا خط سريع المهم لبسونا نظارات وبعدها بدا الفلم روعة حلو انبسطوا البزورة وفيه رش موية وكذا كانه حقيقي الوحيد اللي خاف الصغير
( ملاحظة اول ثلاث صور من تصويرنا والباقية من النت لان البطارية حق الكاميرا خلصت )
بسرعة خلصنا العرض مااخذ مننا 20 دقيقة بين انتظار و مشاهدة
بعدها رحنا لمكان اطعام الارانب بناء على رغبة الصغير من يوم شافها جنني انب انب ولليوم كل يوم يحكي لي قصة الاناب وانا اقله حلو
وفي الاخير قبلة وداع لصديقه الانب
هنا قاعد يشرح لهه عن الاسورة والميدالية
خلصنا وغسلنا يديننا وهنا جوالي قفل خلصت البطارية قال ابو حسن ايش عاد تبغوا قالوا البزورة جوعانين قعدنا ندورمطعم ياباني زميله قله عليه انه حلال ولذيذ تعبنا قلت لابوحسن خلاص ندخل مطعم ليلى او صب واي قال اكيد صب واي دخلنا واتغدينا وخلصنا الحمد لله
بعدها رحنا بناخذ جولة الدبابات طلعت تاخذ ساعة ونص والبنت بدات السخونة ترجع لها والجو صحيح في هواء بس شمس قوية قال ابو حسن مين ياخذ جولة بالدباب انا وهو كان ودنا بس البزورة مااحد يبغي قال ابو حسن صعب اخليكم تنتظروا خصوصا البنت تعبانة قررنا نخلص البرنامج مع ان كان نفسي اجرب دي
المغامرة الخامسة Duck Tour
انتظرنا ربع ساعة اعطيت البنت وقتها دواء السخونة وبعدها ركبنا واعطونا جاكيتات السلامة للامانة مالبستها لان البنت والولد ناموا فوقي وبعدها توكلنا على الله الجولة اخذت ساعة وربع او اقل خرجنا من القرية ومشي فينا بين الاشجار والطبيعة لانكاوي فعلا ساحرة والشمس خفت ونزل هتان خفيف ومشينا لين وصلنا قريب فندق الدانا من جنب الفندق فيه منحدر يوديك على البحر مكتوب عليه سبلاش داون ودخلنا بالبحر للامانة طلع صوت قرقعة بالباص انفجعت بس طلع عادي مرينا مرسى القوارب الشراعية ومشينا على طول شاطي بنتاي كوك وقعدنا بالبحر 15 دقيقة وبعدها رجعنا الى االقرية الشرقية والحمد لله انتهت الجولة بسلامة وكاتنت جدا ممتعة واحلى شي انه في مرشد بالجولة يتكلم عن الاماكن اللي نمر عليها
ساعتها صحوا الحبايب وعلى طول طلبنا تاكسي واتجهنا لكوكو فيلا ومحل زون واشترينا شوكولاته وعصيرات وميداليات عن لانكاوي وفي حرمة كبيرة بالسن شايفة البنت بتكح اعطتني كريم وقالت مرة مرة ممتاز اخته وشميته لقيت ريحته مقبولة وكوناته طبيعبية اخذته ب 10 رنجت للتجربة وعلى طول فتحته ودهنت حلق البنت وصدرها ومرة مرة ناسب البنت وتقلي ياماما ريحني كثير قلت الحمد لله اني ماتعبت شكي
وبعدها صارت الساعة 7 خرجنا واتجهنا للشاطي واتمشينا شوي شوي واتصورنا الا جوال ابو حسن البطارية خلاص حمراء قال خلاص بيوقف استخدام الجوال
وصلنا لمطعم the cliff langkawi مطعم جميل بناء على توصية اختي وكان العشاء هدية ل ابو حسن طلبنا ماكولات بحرية وعصيرات كوكتيل لان اختي قالت طعمها شي شي وفعلا طعمها واو مرة مرة زعلت لان ماقدرت اصور لان المطعم المطل حقه روعة روعة جبت لكم صور من النت
بعدها اخذنا تاكسي وعلى الفندق وصلنا الفندق حطينا الاغراض بالغرفة والبزورة مروا النادي واحنا رحنا الشاطي لقينا الانوار خافته جدا والجو جدا جميل قعدنا نص ساعة ورجعنا بسبب النمل ومرينا على النادي واخذنا البزورة وعلى الغرفة صلينا مغرب وعشاء والساعة 10ونص نمنا ونص الليل صحيت اعطيت البنت الادوية وكملنا النوم والحمد لله انتهى يومنا الطويل نسبيا
تقيمي للقرية الشرقية والتفريك
20/20
الانشطة اللي فيها حلوة وممتعة اتمنى اضافة المزيد من الانشطة وان رحت مرة ثانية راح ازورها عشان اكمل باقي الانشطة فيها
تقيمي للكوفي في المحطة الثانية
20/20
رائع وجميل ولذيذ واسعاره اشوفها طيبه مقارنة بانه مكان سياحي مع العلم تمنيتها ارخص
تقيمي لجولة البطة
20/20
جدا رائعة وممتعة واحلى مافيها انها بتمشي بشويش والمرشد بيشرح عن كل شي لازم الكل يجربها بس الوقت يكون غيم افضل
تقيمي لمتحف الثري دي
20/20
جدا رائع ومممتع بالذات لمحبي التصوير واحلى مافيه العرض الاخير لازم تنتبهوا وقت الزيارة وتيسالوا العرض متى يبدا لان مدة العرض 10 دقائق بس حلوة
تقيمي ل سكاي دوم
20/10
العرض حلو وماشي حاله بس عيبه مدته جدا قليلة تقريبا عشرة دقائق وفوقها مافي شي حماسي او مبهر بالعكس خرجنا مصدعين
تقيمي لعرض سكاي ريكس
20/20
جدا رائع وممتع ومختلف جدا عن الاول مع العلم مدتة تقريبا 20 دقيقة او اقل مااذكر بس مرة استمتعنا والكراسي بتتحرك مع العرض وبيرشوا موية وكذا يعني يعشوكم جو الفليم العرض لازم تروحوه بس الاطفال اللي بعمر جودي خلوهم يدخلوا بس لاتلبسوهم النظارات
تقيمي لصب واي
20/20
لذيد وطعم ويعتبر خيار امن في الاماكن اللي كذا
تقيمي لكوكو فيلا وزون
20/15
متجر متوفر فيه كل شي تقريبا واسعاره بطلة واخذت من عندهم شكولاته ارخص من كوالا هو عبارة عن بسطات بس مرتبة ومقسمة والمكان مكيف يعتبر ممتاز مقارنة بالسوق الصيني عيبه يقفل مرة مرة بدري ومساحته صغيره
تقيمي لمطعم ذا كليف
20/17
اعطيته 17 لان الاسعار تعتبر غالية مقارنة بالكمية ماعدا ذلك روعة ولذيذ والمنظر شي خيال يعني يكفي تقعد وتطلب كوكتيل عصير وتقعد تشوف غروب الشمس للامانة نحنا كنا مرة مرة جوعانين فماادري ممكن مع الجوع حسينا الاكل جدا لذيذ روحوا جربوه بطبق واحد وحتعرفوا انه لذيذ بالذات الكوكتيل
رحنا نفطر خلصنا ورجعنا للغرفة استعداد للخروج للسوق الا وميمي عندها استفراغ وتبكي وتقلي ياماما ماني قادرة اتنفس وحاسة اني داخية قال ابو حسن خلاص ماله داعي نخرج خلي البنت تريح قلت تمام قعدت انا وهي بالغرفة ونامت والباقين نزلوا يسبحوا الساعة 12 الظهر جاوا حقون التنظيف ودهنت صدر ملك بالكريم ووديتها النادي وقلت لها تلعب شوي وقعدت بالبلكونة واراقب الحرمة بالتنظيف ساعتها كرهت الغرفة مو معقولة بتنظف الغرفة بنفس مكنسة الحمام كلمتها وطنشتني ورحت الاستقبال وقلت لهم قالوا تمام نعيد ننظف الغرفة وبنفس الطريقة قاعدين ينظفوا المهم كرهت الغرفة ساعتها جا ببالي ان مرض البنت ممكن بسبب الغبار بالغرفة لان البنت عندها حساسية من الغبار قلت يالله هانت باقي اليوم وخلاص وحمدت ربي ساعتها ان قللت الايام بذا الفندق المهم صارت الساعة 1ونص ناديت ميمي ولقيت السخونة رجعت لها وصار في صوت صفير بصدرها دقيت على ابو حسن وجاء قلت له لازم لها جلسة بخار ضروري حتتعب بزيادة قال تمام غير ملابسه واخذها وكلم الاستقبال يطلبوا له تاكسي قالت له الموظفة عندنا مستوصف بالمنتجع قال تمام وداها وعمل لها جلسة اكسجين ورجع قلت له كيف رحلة المانغروف قال لغيتها من بعد الفطور من يوم قالت البنت هي دايخة اخذت قرار الغيها
قلت تمام ربي مو كاتب لنا نقضي اليوم ذا بالمنتجع بعدها البزورة كلهم ناموا والساعة 3 ونص صحوا والكل جوعان قال ابوحسن اذا البنت طيبة جهزيهم نروح ناكل بمكان قريب شفتها لقيت الحمد لله مافي سخونة والبنت مرتاحة وتقول مافيني شي بس جوعانة قلنا نتوكل على ربنا ونخرج ناكل
تجهزنا وطلبنا تاكسي قلنا وين بتروحوا قال زوجي اي مطعم هندي او ايطالي قله تمام وودانا ذا المطعم قال ذا ايطالي وهندي
نزلنا ودخلنا الا طلع ماروش
الا ابو حسن يقول كويس شي نعرفه قلت له البزورة يبغوا مكرونة قال طيب طيب فابلنا الموظف رحب فينا وساله ابو حسن لو بناخذ الطلب وناكل بالمطعم القثاني عادي قله كله تابع لبعض تقدر تقعد باي قسم وتطلب من المطعمين قلنا تمام دخلنا وقعدنا في ماروش لانه عندهم بارتشين والمكان ابرد من الثاني
قسم ماروش
القسم الايطالي
وهي سفرتنا اول مرة اتذكر اصور قبل الاكل طبعا تم طلب اثنين تشيز كيك وتم التهامهم قبل التصوير
حمدنا ربنا وقاال ابو حسن وين نروح قلت حديقة لجيندا نصب النسر والبزورة المسبح قال ابو حسن نشوف الوقت والمسافة حسب الحسبة قال البزورة يفوزوا وانتي تخسري
قلت طيب تمام قال تمشوا او نرجع تاكسي قالوا البزورة نرجع مشي قلت لا ميمي تعبانة والا مافي مسبح قالوا تمام
طلبنا تاكسي ونحنا بالطريق على الفندق يتوقف الخط مدري ايش صار ابو حسن شاف الوقت باقي 10 دقاائق ونوصل الفندق قال تمشوا افضل عشان نستغل الوقت قلت تمام اعطينا للتاكسي حسابه ونزلنا واعطيت لميمي مناديل قلت لها غطي انفك قالت تمام
ووصلنا الفندق وعلى طول على المسبح وقعدنا لين 7
وماقدرنا نطول لان الحشرات ذبحتنا وفوقها شفنا وزغ على طول خرجنا من المسبح وعلى الغرفة غيرنا ولبسنا (( وكان ابو حسن وده يستحم بكلوركس طول الليل يحس جسمه يحكه
)) وقعدنا نرتب الشنط والساعة 9 خرج ابو حسن وجاب لنا من ماك وانا رحت مطعم المنتجع وطلبت منهم فصتين ثوم عشان ميمي واعطوني ماقصرواا واكلنا ونمنا نومة الهناء وبكذا انتهى يومنا
تقيمي لماكدونالدز
20/20
طعم ولذيذ ورخيص ومشبع وخيار اقتصادي ممتاز
تقيمي لمطعم ماروش
20/15
كل شي لذيذ وطعم وممتاز وكمية الاكل تبان قليلة بس كفتنا وزادت والتشيز كيك لذيذ وطعم حتى الكيكة والمكرونة روعة
تقيمي لشركة رحلة المانغروف
20/20
جدا جدا الموظفة محترمة ومتفهمه وتراعي الاخرين باذن الله لو لقيت الكرت بحطه لكم وعاد ذا تقيمي بسبب تعامل الموظفة ماجربتهم
تقيمي العام للمنتجع
20/10
بسبب طريقة تنظيف والتعامل معانا وبعد الغرف عن بعضها والوزغ اللي بالمسبح وكثرة الحشرات الطائرة قريب المغرب ماتخليك تعرف تسبح والمكيف خربان اتجاه الهواء واحد والثلاجة مرة ماتبرد وجدا جدا صغيرة والقبلة حاطينها بالحمام والدولاب والخزنة ومكان الشسنط بالحمام ومافي فاصل بينهم والاستقبال حار بس مراوح والاضاءة خافتة بالغرف وفي المنتجع بشكل عام بطريقة مخليته موحش بالليل وجود شباك امام كرسي الحمام ماني عارفة فائدته للان ؟ والتاخير في الشنط والاستجابة للطلبات . عاد ماادري ذي مقصودة منهم او لا
افضل شي عندهم الفطور متنوع ولذيذ و الشاطي ووجود مستوصف ومسجد قريب والقرب من اغلب الاماكن
اصبحنا واصبح الملك لله لا اله الا الله وحده لاشريك له
الاماكن المراد زيارتها
1 - مطار جوهر
2 - الفندق
3 - هيللو كاتي
تفتح يوميا من الساعة 10 ص - 6 م
التذكرة الكومبو = 125 رنجت للكبار والصغار
الدخول لقسم هيللو كيتي = 85 رنجت للكبار والصغار
الدخول لقسم النادي كلوب = 85 رنجت للكبار والصغار
صحينا اليوم الساعة 6 وصلينا وجهزت البزورة واتجهنا للافطار وفطرنا وعملنا اجراءات الخروج وطلبنا تاكسي واتجهنا للمطار
وصلنا المطار الساعة 8 وبسرعة بسرعة شحنا العفش وقلنا لهم نبغي نستلمه في جوهر واتجهنا للجوازات و كان في طابور طويل جدا عند الجوازات وقفت بالطابور وابو حسن دخل محل العسل واشترينا من عنده حلاوة مصاص لالتهاب الحلق واتجهنا للبوابة وتونا قعدنا مرت 10 دقائق وفتحوا البوابة وركبنا الطيارة وانطلقنا الى جوهر في تمام الساعة 9:30 بعدها بربع ساعة وزعوا علينا سناك خفيف عبارة عن عصير ومكسرات
بعد ساعة وصلنا مطار كوالالمبور ترانزيت ساعة وماشاء الله من كبر المطار يادوب وصلنا البوابة الا قعدنا 5 دقائق وعلى طول ركبنا الطيارة واتجهنا الى مطار ناصر الدولي وصلنا هناك الساعة 12:45 خلصنا الاجراءات وقال ابو حسن ايش رائكم نتغدا بالمطار او بعد مانوصل الفندق قلت له خلينا نتغدا هنا بلاش نضيع وقت عشان نوصل على طول نخرج قال تمام ووقع الاختيار على صب واي واتغدينا وبعدها طلبنا اوبر واتجهنا للفندق
يومين فندق سومسريت مديني نوجاسايا (1000 ريال ) شقة غرفتين
قلنا الموظف ان الدخول الساعة 3 طالعنا بالساعة كانت 2 قلهم ابو حسن مافي امكانية مرة تقدموا موعد الدخول قالوا الشقة لسه مو جاهزة قلنا طيب حطينا العفش عندهم وخرجنا
الاطلالة للغرفة
وكان الجو مغيم ولطيف ومعتدل طلبنا اوبر واتجهنا لهيلو كيتي اول ماوصلنا صلينا ظهر وعصر بعدين دخلنا واشترينا التذاكر اخذنا الكومبو اللي تدخل القسمين لعبوا وانبسطوا البنت والصغير انبسطوا اكثر من الكبير ( الولد الكبير الله يحفظه زعل لان خليناه يركب لعبة هيللو كلتي يقول ماما انا مو صغير ويوم راح مع ابوه قسم توماس شوي تعدل مزاجه بس برضوا شايف انه مو صغير عشان احد يركب معاه اللعبة ) وشافوا عرضين جدا جدا ممتعبين صراحه كل عرض مدته 25 دقيقة ونخرج من متجر كان ودي اصوره بس جدا زحمة وكان فيه عروض وتخفيضات بس اسعاره الحقيقة مبالغ فيها للامانة واشتريت كم غرض للبزورة وقلت لهم هدية نجاحهم مني
قسم هيللو كيتي
قسم النادي كلوب
خرجنا من هيللو كيتي الساعة 6 ودخلنا صيدلية واتسون واخذنا فيتامين سي ل ابو حسن والبزورة لانه خلص اللي جبناه معنا كان الجو حلو وقعدنا نتمشي بالمنطقة جدا مرتبه ونظيفة فيها حديقة ومطاعم وكافيهات ومحلات اشترينا اكل من هناك للعشاء واخذنا خفايف من هناك وقعدنا قرابة الساعة ونص وكان الجو جدا جميل طلبنا اوبر وطلبنا منه يعمل لنا جولة ليلة قبل يودينا للفندق ووافق
وهذا المطعم اللي اخذنا منه اكل
في الطريق للفندق قلنا لصاحب اوبر يمر فينا على اي سوبر ماركت قلنا تمام وصلنا لمكان قلنا هنا سوبر ماركت وشرح لنا انو نمشي طول الممر ذا بنلاقي الفندق بالواجهه قلنا اكيد قال ايوه وطلع كلامه صحيح دخلنا السوبر ماركت قضينا كم حاجة للشقة وصلنا الفندق واخذنا المفتاح وطلعنا الشقة وسخنت الاكل والمعجنات واكلنا والحمد لله صلينا مغرب وعشاء وحطيت شوية غسيل بالغسالة بعدها كل واحد على سريره وانتظرت الغسيل ونشرته وعلى السرير ونومه وبكذا انتهى يومنا الحمد لله
تقيمي لمطار ناصر الدولي
20/15
مطار جميل ووسط لاصغير زي لانكاوي ولاكبير زي بينانغ بينهم متوفر فيه كل شي بس عيبه المصعد اللي تنزل فيه لو معاك عربة اطفال يقفل بسرعة انضربت بيدي انا وابو حسن مرتين ونحنا واصلين ونحنا مغادرين انتبهوا وكمان وانتم مغادرين العربات حق الشنط مرة بعيدة عن مكان وقوف التكاسي وكمان تاكسي المطار مرة مرة غاليين
تقيمي هيلو كيتي
20/15
حلوه وممتعه للبنات اكثر يعني حلم كل بنت للامانة يوم كنت فيها حسيت كذا باني عدت لايام الطفولة ههههه والعروض اللي فيها روعة روعة القسم حق توماس والاصدقاء جدا صغير الالعاب اللي فيه قليلة قيمة التذكرة مو قد قيمة المكان يعني حتى تذكرة الكبار مبالغ بسعرها لان مافي ولا لعبة ممكن تلعبها ممكن لعبتين او ثلاثة بس ركبناها لانه مو مسموح للبزورة يركبوا لوحدهم مع انها مو ذيك المرعبة اوالقوية يناسب اكثر شي من عمر 2 - 9 سنة ويكفيها يوم كامل وممكن نص يوم
تقيمي للفندق
20/20
نظيف ومرتب والشقة متكاملة فيها كل شي يناسب العوائل وبقوة فيه مسبح وفيه صالة رياضية وغرفة للعب الاطفال وقريب منه كل شي مطاعم ووسوبر ماركت و وجبات سريعة ومستشفي وبوتيكات وان جيت مرة ثانية بسكن فيها عيبها مافيها اطلالة على ليغولاند عكس ماهو مكتوب في بوكينج مع اننا سالنا الاستقبال قال لنا ان الشقق ابو 3 غرف والشقق ابو غرفة تطل على الليغولاند مدري صادق او يصرفنا
تقيمي للمطعم الهندي
20/10
طيب بس مايقاون ابدا بماروش (او شيزان او تكا ) بس والله جيد وطعمه مقبول بس مفلفل جدا جدا جدا يعني ذا وابو حسن قله فلفل قليل
مصاريف اليوم الحادي عشر
تاكسي للمطار = 30 رنجت
غداء في صب واي = 60 رنجت
اوبر للفندق = 70 رنجت
اوبر لهيلو كيتي = 10 رنجت
تذاكر هيللو كيتي = 352 رنجت
فشار وموية وعصيرات = 30 رنجت
مشتريات من الصيدلية = 38 رنجت
عشاء من المطعم الهندي = 30 رنجت
مشتريات من السوبر ماركت = 20 رنجت
المجموع = 650 رنجت = 540 رنجت
صحينا اليوم الساعة 7 صلينا واتجهزنا شفت البنت لقيتها طيبه الحمد لله وبعدها نزلنا ومشينا بالممر الطويل المودي لليغولاند قلنا اول شي نفطر اتجهنا لبرجر كنج وفطرنا الحمد لله وبعدها اتجهنا لليغولاند اعطيناهم ورقة الحجز واعطونا الاساور ودخلنا الثيم بارك اول لسببين عشان هو اكبر من الوتر بارك وكمان عشان البزورة مع السباحة يتعبوا
ونحنا بالطريق شفت ذا المحل يبيع اغراض هيللو كاتي وارخص من المتجر بالملاهي ولازم ادخله واشتري لميمي
وهنا الحبيب شاف الانب ونزل من العربية يسولف معاهم والا ياخذهم معاه ويالله رضا يفكهم وهو يبكي كانه احد ضربه وصار الكل يطالع فينا
عند كل لعبة بتلاقوا ذي اللوحة
وهذي صور لباقي الملاهي
الملاهي حلوة وكبيرة بس عيبها مافي العاب كثيرة يلعبها مجود وقررنا ننقسم انا ومجود رحنا قسم العاب الاطفال
وميمي وسونا وابوهم راحوا لعبوا بكل الالعاب
بعدين الساعة 1 واحدة نزلت مطر قوية وقفوا الالعاب اتقابلنا في المبني اللي يصمموا فيه الليغو دخلنا وريحنا والكل بدا يصمم الشكل اللي يبغاه وفي تعليمات لعدة اشكال كيف ممكن تعملها والمكان جدا جميل انبسطوا فيه وقعدنا قرابه ساعة اوساعة ونص
بعدها خرجنا ودخلنا عرض 4d وكان جدا جميل العرض مدته 30 دقيقة او اقل بشوي بس ممتع جدا جدا خرجنا بعدها نكمل باقي الحديقة ويكملوا اللعب ومرينا ماليزيا المصغرة وصلينا ظهر وعصر
الساعة 4:30 اتجهنا للوتر بارك اخذنا صندوق وحطينا اغراضنا فيه وبدلوا ملابسهم وقعدوا يلعبوا بالالعاب المائية ونزلت امطار ساعتها والجو كان خرافي
الساعة 10 طلعوا واكلوا الكيك وناموا والحمد لله بكذا انتهى يومنا
تقيمي لبرجر كنج
10/20
جدا جدا جدا لذيذ ومايتفوت بكل ماليزيا ولازم الكل يذوقه
تقيمي لليغولاند
20/18
جدا رائعة وجميلة وممتعة وماينشبع منها ولازم لها يومين بالذات الثيم بارك يبغاله يوم لوحده ويادوب تخلصوهر لانه اكبر من الوتر بارك
نصيحة اذا انتم بتروحوا صنواي لاقون والليغولاند خصصوا الليغولاند بس الثيم بارك لان الوتر بارك زحمة موت موت وصغير مقارنة بصنواي لاقون
فيها عيبين الليغو لاند
العيب الاول اذا عندكم اطفال بعمر( 2 - 5 )او اطفال قصار القامة انسي تلاقي لعبه يلعبوها الا تقريبا 4 او 5 العاب وعرض السينما وتصميم الليغو والقطار فقط ذي اللي تناسبهم
سعر التذاكر من النت ارخص بكثير والافضل يوم تحجزوها تخلوها ثاني يوم من الوصول تفاديا للتتاخير او انكم تخلوا الوتر بارك يوم الوصول والثيم بارك ثاني يوم
تقيمي للمطعم الياباني او الصيني
20/20
جدا جدا لذيذ وقسم ماتخيلناه طعم يعني ذا بالطعم اطعم بكثير من مطعم يمي يمي بجدة
تقيمي للكوفي
20/10
يعني هو طعم بس مو مرة واو يعني اخذنا 3 قطع 2 طعمه وواحدة جدا سيئة والتشيز كيك واحدة طعم تشيز كيك ولذيذة جدا والثانية مدري كيف طعمها بس لايمت بصلة للتشيز كيك يعني اخترت كيف اقيمه اتمنى فهمتوني
تقيمي للفندق بشكل عام
20/20
فندق مريح لابعد حد وكل شي جنبك تحس كانك في بيتك وفوقها اطلاله المسبح روعة وغرفة النادي يقول ابو حسن جميلة وواسعه وحتى نادي الاطفال الفطور ماجربته
4 - النافورة الراقصة
يوميا من الساعة 7 م - 10 م
كل ساعة عرض
5 - حديقة البرجين
تفتح يوميا من 5:30 ص - 12:30 ص
الدخول مجانا
6 - مول كي ال سي سي
يفتح يوميا من 10 ص - 10 م
صحينا اليوم الساعة 7 وصلينا وفطرنا واتجهزنا ونزلوا البزورة مع ابوهم تسبحوا وعلى الساعة 9:30 طلعوا وجففت الملابس بالغسالة ولبسوا ونزلنا عملنا اجراءات الخروج وطلبنا اوبر واتجهنا للمطار
ركبنا الطيارة بوقتها واعطونا وجبة عبارة عن ساندويش دجاج وموية وبعدها بساعة وصلنا كوالالمبورالساعة 1:30الظهر اخذنا الشنط واتجهنا لمكتب التكاسي مرة غالي قال لنا الرجال ب 250 رنجت قلنا ماله داعي خرجنا وكان الجو زي النار والشمس قوية ومرة مرة حر ( قال ابو حسن هو بيرجع جوهر ) وطلبنا اوبر واتجهنا للفندق
6 ايام شقق اسكوت الفندقية ( 3800 ) غرفتين غير شامل الافطار
الطريق اخذ مننا ساعة وصلنا الفندق وعمل الشيك ان واعطيناهم التامين وطلعنا حطينا الشنط وطلبنا سرير اضافي قالوا مرة مافي ممكن يعطونا لحاف ومخدتين قلت تمام صلينا ظهر وعصر وريحنا حق نص ساعة
بعدها قلنا وين نروح قلت الاكواريوم وحديقة البرحين والعشاء قالوا تمام جينا نخرج الا البنت رجعت لها السخونة والمشكلة الدواء خلص قال ابو حسن الحين ندور صيدلية وتوكلنا على الله وخرجنا
وصلنا مول كي ال سي سي ورحنا ندور وندور وكل مااسال احد يوجهني غلط مره يقولوا فوق ونطلع ونلاقي عيادة تجميل وعيادة اسنان ونسال مرة ثانية قالت لي واحدة في في الدور الاخير قلنا مافي مشكلة نزلنا كان في وجهي محل ماك سالتهم ورتني الموظفة طلع جنبهم صيدلية ويالله قد ايه فرحت وطلع في صيدلانية شافوا البنت وقاسوا لها حرارتها واعطوني بروفين شراب ودواء للكحة ( نفس طعم دواء كوفسيد حق زمان لو تذكروه الدواء الاخضر ذاك ) المهم طلبت اثنين دواء للسخونة حاسبنا وخرجنا
كانت الساعة 5 وبدات عصافير البطن تغرد قال ايو حسن اول نتغدا بعدين نروح الاكواريم قلت تمام رحنا فيل شيك طلبنا برجر وقعدنا انتظار لين جاء الطلب واكلنا والحمد لله واعطيت البنت الادوية اللا نلاقي الساعة 6:30 قال ابوحسن نخلي الاكواريوم بكرة الصبح قلنا تمام
هذه الصورة تم تصغيرها . الحجم الافتراضي لها هو 1600x1059.
خرجنا شفنا عرض النافورة الراقصة ( هنا انا ماعرفت اصور من الضحك بسبب حسن وابوه كل واحد يطالع على وضعيات المصورين لان في واحدة حرمة الله يهدها قطعتنا بالاحتراف تبغي تصور نفسها مع البرجين وكل شوي ترجع على ورى وتميل الا ان كادت تسقط وهنا ابو حسن كل شوي يقلي بالله روحي هناك عشان تطلع الصورة باحترافية
) لاتضحكوا تراني اشتريت الكانون قبل السفر باسبوعين يعني حتى ضبط الاعدادات حقها ماكنت اعرفه
بعدها رجعنا لمول سوريا واشترينا اغراض للشقة من السوبرماركت وخفائف وعصيرات ودخلنا الحب باركنسون واشترى ابو حسن كم غرض وقبل مانخرج لقينا واحدة في كورنر تبيع شاي واعشاب وكذا وقعدت تشرح لنا عن كل شي وعطتنا في كاسه مشروب ساخن ريحته مرة زنجبيل وعددت لي الاعشاب اللي فيه وفوائده المهم قالت لنا انو مفيد للرجيم والصداع والكحة واعطت ل ابوحسن نص كاسة و انا اخذت كاسه منها واديتها البنت تشرب واخذنا منها واحد ظرف للتجربة قالت مافي مشكلة وحاسبناها وخرجنا بعدها اتجهنا للحديقة ولعبوا البزورة شوي بالالعاب ومن ثم رجعنا للشقة ونمنا وبكذا انتهى يومنا الحمد لله
تقيمي لمطار كوالالمبور
20/20
شهادتي مجروحة فيه مطار جدا رائع ومايضيع احد حاولت الاقي عيب مالقيت غير ان المسافات جدا بعيدة ليت يوفروا خدمة العربات الللي تنقلك
صحينا اليوم الساعة 5 صلينا وفطرنا وجهزنا نفسنا رحت شفت حرارة البنت لقيت الحمد لله مافي سخونة نزلنا الاستقبال وسالتهم عن الغسيل قالوا ان تبغي تدفعي هنا ونعطيك العملة وتغسلي قلت تمام اخذت عملتين وتوكلنا على الله واتجهنا الحديقة عشان البزورة يلعبوا وكان الجو جميل ولطيف
طبعا في قسم فيه مسابح وكذا مامريته عشان الصغير بس جبت لكم صور من النت
بعدها صارت الساعة 9:30 اتجهنا للاكواريوم ووصلنا وكانت الساعة 10 اشترينا التذاكر ودخلنا وهنا ولدي جنني نزل من العربيو وكانه اول مرة بحياته يشوف
والا مصر انه انه يدخل جوا الحوض ويلمس السمك
المهم قضينا قرابة الساعتين والنص واتصورنا وانبسطوا البزورة بس زعلوا لانهم كانوا يحسبوا في عرض دلافين
بعدها سالت البزورة جوعانين قالوا لا دخلنا سوريا مول و اعطيتهم كتكات تصبيرة عشان لايجوعوا صلينا ظهر وعصروطلعنا لمتحف الباترونس اشترينا التذكرة ودخلنا
قعدنا فيه 3 ساعات ومابغوا البزورة يخرجوا كل شوي يجربوا شي وهاتك يااسئلة للامانة المتحف تعليمي ترفيهي ممتع للكبار والصغار يعني باختصصار اللي يحب يشوف برامج ناشنوال جغرافيك مثل برنامج متع ذهنك بيعجبه المتحف
بعدها اتجهنا لسوق لويات بلازا هو سوق الكترونيات عبارة عن 8 طوابق او 9 كلها الكترونيات وفيه كافيهات ومطاعم بالطابق الارضي المهم اول ماوصلنا كانت الساعة 4 العصر ابو حسن اشترى له كوب قهوة من مقهى قولدن تاون عند البوابة وقعدنا نلفلف في المول وانا صدعت لان مافي شي يجذب اهتمامي
بعد ساعة البزورة قالوا ماما جوعانين وطبعا جودي نائم لانه تعب بالاكواريوم والمتحف قلت لابوحسن ايش رائك قال ايش رائك عشان مانضيع الوقت انتي انزلي قسم المطاعم واشتري لهم اي شي قلت تمام نزلت انا والبزورة واخذت لهم ثلاث علب فواكه ودخلت مقهى وقعدنا وطلبت كابتشينوا بعدها خلصنا ونحنا خارجين لقيت صيدلية قلت ادخل اضيع وقت ولقيت الاسعار خرافيه فيها اخذت كم غرض وكم عطر عليهم عرض هدايا وخرجنا
شوي ابو حسن يتصل يالله وين نتقابل انا مرة جوعان المهم تقابلنا ولقينا الساعة 7:30
انفجعنا قلت لابوحسن ايش رائك ناكل هنا اونروح مول سوريا قال انا ميت جوع ناكل باي مطعم ووقع اختيارنا على ذا المطعم الياباني
ولقينا محل يبيع كيك ياباني اخذنا واحدة وفي كرسي مساج استخدمه ابوحسن وقلنا خلاص بكرة باذن الله نمره
وطلبنا اوبر ورجعنا للفندق الساعة 10 صلينا وكل واكلنا نص الكيك ونمنا والحمد لله
تقيمي لحديقة البرجين قسم الالعاب
20/20
رائعة متنوعة شاملة وممتعه اهم شي تختاروا وقت تكمام لزيارتها يااول الصباح يا العصر
تقيمي للاكواريوم
20/15
حلوة ومتكاملة بس احسه صغير والتذكرة مبالغ بسعرها والله عشان اطفالي رحته والا كنت مستبعدته يعني اقل شي دام رفعوا سعرالتذكرة يعملوا عروض دلافين المهم لو انتم عرسان لاتروحه قيمة التذكرة روحوا مكان ثاني او الساعتين باي مكان
تقيمي لمتحف الباترونس
20/20
والله مرة مرة ممتع لدرجة خرجنا بالغصب لان ابو حسن يبغي يروح السوق والله حتى انا استمعت فيه تقريبا يشبه سايتك اللي في الخبر بس ذا على اكبر واجمل لازم الكل يروحه للاي يحب العلم وكدا
تقيمي لمول لويات بلازا
20/20
مو مرة واو بس تلاقوا فيه عروض جميلة وممكن يناسب عشاق الالكترونيات والاسعار متوسطة الى رخيصة
صحينا اليوم الساعة 5 صلينا وفطرنا وجهزنا نفسنا رحت شفت حرارة البنت لقيت الحمد لله مافي سخونة نزلنا الاستقبال وسالتهم عن الغسيل قالوا ان تبغي تدفعي هنا ونعطيك العملة وتغسلي قلت تمام اخذت عملتين وتوكلنا على الله واتجهنا الحديقة عشان البزورة يلعبوا وكان الجو جميل ولطيف
طبعا في قسم فيه مسابح وكذا مامريته عشان الصغير بس جبت لكم صور من النت
بعدها صارت الساعة 9:30 اتجهنا للاكواريوم ووصلنا وكانت الساعة 10 اشترينا التذاكر ودخلنا وهنا ولدي جنني نزل من العربيو وكانه اول مرة بحياته يشوف
والا مصر انه انه يدخل جوا الحوض ويلمس السمك
المهم قضينا قرابة الساعتين والنص واتصورنا وانبسطوا البزورة بس زعلوا لانهم كانوا يحسبوا في عرض دلافين
بعدها سالت البزورة جوعانين قالوا لا دخلنا سوريا مول و اعطيتهم كتكات تصبيرة عشان لايجوعوا صلينا ظهر وعصروطلعنا لمتحف الباترونس اشترينا التذكرة ودخلنا
قعدنا فيه 3 ساعات ومابغوا البزورة يخرجوا كل شوي يجربوا شي وهاتك يااسئلة للامانة المتحف تعليمي ترفيهي ممتع للكبار والصغار يعني باختصصار اللي يحب يشوف برامج ناشنوال جغرافيك مثل برنامج متع ذهنك بيعجبه المتحف
بعدها اتجهنا لسوق لويات بلازا هو سوق الكترونيات عبارة عن 8 طوابق او 9 كلها الكترونيات وفيه كافيهات ومطاعم بالطابق الارضي المهم اول ماوصلنا كانت الساعة 4 العصر ابو حسن اشترى له كوب قهوة من مقهى قولدن تاون عند البوابة وقعدنا نلفلف في المول وانا صدعت لان مافي شي يجذب اهتمامي
بعد ساعة البزورة قالوا ماما جوعانين وطبعا جودي نائم لانه تعب بالاكواريوم والمتحف قلت لابوحسن ايش رائك قال ايش رائك عشان مانضيع الوقت انتي انزلي قسم المطاعم واشتري لهم اي شي قلت تمام نزلت انا والبزورة واخذت لهم ثلاث علب فواكه ودخلت مقهى وقعدنا وطلبت كابتشينوا بعدها خلصنا ونحنا خارجين لقيت صيدلية قلت ادخل اضيع وقت ولقيت الاسعار خرافيه فيها اخذت كم غرض وكم عطر عليهم عرض هدايا وخرجنا
شوي ابو حسن يتصل يالله وين نتقابل انا مرة جوعان المهم تقابلنا ولقينا الساعة 7:30
انفجعنا قلت لابوحسن ايش رائك ناكل هنا اونروح مول سوريا قال انا ميت جوع ناكل باي مطعم ووقع اختيارنا على ذا المطعم الياباني
ولقينا محل يبيع كيك ياباني اخذنا واحدة وفي كرسي مساج استخدمه ابوحسن وقلنا خلاص بكرة باذن الله نمره
وطلبنا اوبر ورجعنا للفندق الساعة 10 صلينا وكل واكلنا نص الكيك ونمنا والحمد لله
تقيمي لحديقة البرجين قسم الالعاب
20/20
رائعة متنوعة شاملة وممتعه اهم شي تختاروا وقت تكمام لزيارتها يااول الصباح يا العصر
تقيمي للاكواريوم
20/15
حلوة ومتكاملة بس احسه صغير والتذكرة مبالغ بسعرها والله عشان اطفالي رحته والا كنت مستبعدته يعني اقل شي دام رفعوا سعرالتذكرة يعملوا عروض دلافين المهم لو انتم عرسان لاتروحه قيمة التذكرة روحوا مكان ثاني او الساعتين باي مكان
تقيمي لمتحف الباترونس
20/20
والله مرة مرة ممتع لدرجة خرجنا بالغصب لان ابو حسن يبغي يروح السوق والله حتى انا استمعت فيه تقريبا يشبه سايتك اللي في الخبر بس ذا على اكبر واجمل لازم الكل يروحه للاي يحب العلم وكدا
تقيمي لمول لويات بلازا
20/20
مو مرة واو بس تلاقوا فيه عروض جميلة وممكن يناسب عشاق الالكترونيات والاسعار متوسطة الى رخيصة
قال امزح
