رحلة الشتاء الى اسطنبول

سندريلا

:: مسافر ::
إنضم
10 أكتوبر 2018
المشاركات
1,000
مستوى التفاعل
5
النقاط
0
العمر
40
السلام عليكم ورحمة الله وبركاته


صباح الورد / مساء الفل


رحلتي إلى إسطنبول كانت حلم واخيراً تحقق


جت اختي تقولي ليش ما نسافر نحن وانتوا في اجازة عيد الاتحاد طبعا ع طول وافقت​


وحجزت الفندق بنفس اليوم وكان CVK Hotels & Resorts Park Bosphorus Istanbul​


5 * وكان راااااااائع بمعنى الكلمة الحجز لمدة 5 أيام 4 ليالي غرفتين​


بسعر 3152 درهم إماراتي للغرفة الواحد​



" ع فكرة ابا اسوي فيها شاطرة راسلت الفندق شخصياً وحاولت اخذ سعر احسن
عطوني اسعار اعلى من بوكينق بكثيررررررررر قال شاطرة قال"
cool.gif


اخذنا تاكسي كبير من المطار إلى الفندق ع طول بـ 50 ليرة بعد طلوع الروح​


ولما وصلنا قال لاااااا مين قال 50 انا قلت 55 قهرني من اولها كذب​


ع طول الوالد وزوج اختي عطوه قلت لهم مرة ثانية لا تعيدونها الاتفاق اتفاق
mad.gif


picture.php


picture.php


اجواء ماطرة​




وصلنا الفندق الساعة 10 بتوقيت إسطنبول و 12 بتوقيت الإمارات​


picture.php


صورة ليلية للفندق " ما لقيت الصورة النهارية"​


نسينا نسوي طلب تسجيل مبكر كلمناهم وقالوا عطونا ساعتين بس​


وبندرب الغرفة باسرع وقت ممكن ...​


حطينا شناطنا ورحنا نتريق في سميت سراي​


picture.php


picture.php


picture.php


picture.php


picture.php


ذكرتني الكروز بالغالية بنت مكة​


picture.php



picture.php


picture.php


ع كل دخلة تفتيش .. قرأت ملاحظة ذاكرها اخ سعودي في بوكينق​


ممنوع جلب الطعام والشراب إلى الفندق منعاً باتاً حتى الماي ..​


بس ما عليكم دخلنا درزن غرش ماي بالتهريب والله ولا دروا خخخخخخ​


الغرشة الوحدة عندهم بـــ 18 ليرة وايد
mad.gif


picture.php


بعض الصور للفندق ليلية اكثر منها نهارية "هذي الصور اللي عندي"
rolleyes.gif


picture.php


picture.php


picture.php


المفاجأة نحن طالبين الغرفة في الطابق العلوي​


عطونا غرفتين تحت في السرداب​


قالوا مؤقتاً لانكم يايين من وقت لو ما عيبتكم​


اول ما تفضى غرفة بنغيرها فليل او باجر الصبح​


هيا بنا إلى الغرفة​


picture.php


picture.php


picture.php


picture.php


picture.php


picture.php


picture.php


picture.php


قال الغرفتين مطلات ع الحديقة .. هذي هي الحديقة حشيش مركب
biggrin.gif


سبق وقرات هذي الملاحظة في بوكينق كاتبها اخ كويتي جزاه الله خير​


وايضا كان كاتب عن الضمان .. دفعنا ع الغرفتين 200 دولار​


وشرطنا ناخذ الفلوس دولار .. وفعلا رجعوا المبلغ مثل ماهو​


picture.php


دورة المياه ... الله يعزكم​


picture.php


picture.php


picture.php


picture.php


بعد محاولات في تحسين الخط ...​


(شكرا من القلب العرب المسافرون _ عناقيد الربيع)​


هذي كانت غرفتنا انا .. الوالد .. اخوي​


الغرفة الثانية 1 سرير مزدوج ع قولتهم​


" نسيت اصور غرفة اختي وزوجها .... الصراحة استحيت "
biggrin.gif


هذي تفاصيل الوصول​


وللحديث بقية​


دمتم بحفظ الرحمن​







 

اسعد الله اوقاتكم ..

نكمل اليوم الاول ...

بعد استلام الغرفتين وبعد المناقشات

الكل اتفق ع النوم ساعتين يريحون شوي

الا انا وابوي قلنا حشى ما نضيع هالجو الحلو

براحتكم ناموا وفعلا طلعنا

رحنا لشارع الاستقلال مشي من الفندق 5 دقايق فقط لا غير

وهذي بعض الصور ..

اعذروني الصور قليلة و جودتها سيئة لانها تصوير

جالكسي وايفون "اصلا انا ما اعرف اصور"
biggrin.gif


الكام "كانون فضت تركتها بالفندق

picture.php


picture.php


الشوارع نظيفة البلدية شغالة صح عندهم ...


picture.php


picture.php


picture.php


الوالد الله يحفظه كل شوي يعطيني ايفونه صوريني عشان الانستغرام
rolleyes.gif


picture.php


picture.php


متجهين إلى برج غلطة .. "اول حركات النذالة"

المتفق عليه نروحه كلنا سوى ...
cool.gif


picture.php


picture.php


picture.php


picture.php


picture.php


تذكرتين الدخول كانت بــ 34 تقريبا

picture.php


picture.php


picture.php


picture.php


picture.php


picture.php


picture.php


كان في رذاذ والبرد مش طبيعي فريزر شوي ادخل وشوي اطلع اصور وارد

دخلنا وشرب الوالد شاي بـ 6 ليرات

picture.php




picture.php


picture.php


picture.php


شفت مطاعم السمج من اعلى البرج قلت خل نروح لها بس حرام الجماعة نايمين

نرجع الفندق اتصلت عليهم بس محد رد فرجعنا الفندق

صح نسيت اذكر ان خذينا شريحتين موبايل من شركة avea

اخذنا وحدة بـ 50 ليرة دقائق محلية والثانية بـ 90 تقريبا مع نت ...

كان اختيار سيي تعذبت وانا ادور رصيد ما حصلت الا بمنطقة اورتاكوي ...

في طريق العودة الى الفندق ... تخلخلت عظامي من كثرة المشي

وحسيت بجوع قاتل وشفت هالمطعم ...

picture.php


picture.php


" ديكوره يشبه ديكور برجر فيول فرع الـ جي بي آر بدبي

picture.php


طلبت شاورما 70 جرام والوالد 100 جرام .. للاسف ما عندهم عصيرات فرش

انا وحدة ما تحب المشروبات الغازية الا قليل جدا كل ست شهور مرة لو لو فكرت

الطعم جيد جداً والخدمة سريعة والمكان نظيف ... وهذي الفاتورة

picture.php


اول ما ردينا غرفتنا شفنا هالضيافة

picture.php


وطلعوا جايبنها بالغلط مفروض تروح ع غرفة اختي ليش؟!

اخبركم ليش .. كنت راسله طلب قبل سفرنا باسبوع

وهو ترتيب الغرفة الثانية "غرفة اختي " لان وقت سفرتنا

يصادف عيد زواجهم ... وردوا عليا بالقبول وامحق ترتيب

طلعت هالفواكه وحبتين الكاكاو هم الترتيب
cool.gif


المهم حصلنا الناس مصحصحين ويبون يطلعون

وانا هلكااااانه ابا ارتاح شوي يادوب صلينا وطلعنا ع طول

ع جواهر مول رحنا بالمترو بعد مناقشات طويلة اقتنعوا يجربونه

دورنا كرت اسطنبول ما عرفنا من وين ناخذه فاخذنا فيش

الوحدة بــ 4 ليرات

انا مسويه فيها ام العريف قلت لهم ثاني محطة شيشلي ننزل فيها

بنشوف المول قدامنا ع طول .. وصلنا ونزلنا وطلعنا فوق

وكانت المفاجاة وين المول
confused.gif
ألف يمين يسار احاول اشوف شيء

والكل يضحك ها منتداج قالج اهني المول
mad.gif
قلتلهم والله اهني بس دقيقة

خلوني اسأل سألت راعي السميت ما فهم علي طلعت موبايلي راويته

صورة المول " خزنت صور لكل الاماكن اللي ابي اروح لها للاحتياط"

قالي امشي سيده ولفي ع يسارج بتلاقين المول

والحمد لله لقيناه ودخلنا و ع التفتيش ...

picture.php


picture.php


picture.php


picture.php


الحمص ماله طعم ..

picture.php


الاكل لذيذ والسعر ممتاز 120 ليرة " ارخص من مطاعم الإمارات"

و جابوا الشاي ... اكرام ع قولتهم

picture.php



picture.php



المول كبير بس ممل جدااا ما عجبنا يدوب تعشينا فيه وطلعنا

picture.php


اول ما نزلنا قال الوالد ها نفق المترو عيل ليش طلعتينا هناك
biggrin.gif


picture.php


في عز البرد هالبنت تدق ع " الدربكة" الطبلة .. ربشة دقها

ورجعنا بالمترو شيشلي - تقسيم

وقالوا توبة ما نبا مترو نبا تاكسي انتي بضيعينا وزحمة ما حبيناه ...

ومن محطة مترو تقسيم ع شارع الاستقلال " إلى مادو بالتحديد"

picture.php


picture.php


picture.php


picture.php


picture.php


موكا شكل بس طعم لااا ..

ملاحظة ع مادو .. المكان مكتوم في ريحة كريهة بالمكان خاصة

الاصنصير حتى لما تيجي تمشي من عند دورة المياه الله يعزكم

الريحة فضيعة والموظف لما جاب الكنافة ريحته استغفر الله

حطيت اكس ع مادو ... حتى فروعه الثاني ما قدرت ادخلها

ورجعنا الفندق ... مشي المسافة زوينة

وفي طريق العودة شفنا هالفرقة الرااااائعة

picture.php


picture.php



"اعتقد بنفس اللحظة كان في حد من الاعضاء لاني شفت حد غرد بصورة الفرقة"

صورتهم فيديو بس ما اعرف كيف انزله
confused.gif


بعد الاستمتاع بسماع الفرقة ردينا للفندق

picture.php


picture.php


احلى شي في الفندق وجود محطة الباصات عنده ع طول وتوافر التاكسي

ع طوووووول بعضهم مكتوب عليهم اسم الفندق .. وفي كشك قريب

انتهى اليوم الاول ع خير

ان شاء الله سأكمل التقرير باسرع وقت ممكن

دمتم بود








 
السلام عليكم ورحمة الله وبركاته


عدنا إليكم


اليوم الثاني


2 ديسمبر " اليوم الوطني " بدولتي الحبيبة الإمارات


صحينا شوي متأخر الساعة 8


مشينا ع حسب الجدول اللي سويته قبل السفر واللي كنت مجهزته


من شهووور منذو بداية تسجيلي معاكم
smile.gif
كل ما قرأت تقرير


خزنت الاماكن وطريقة المواصلات " جزاكم الله خير جميعااا "


بالاستعانة بجدول عاشق اسطنبول جزاه الله خير


جدولي ملخبط واصلا ما مشيت عليه حرفيا كان المهم عندي اسماء الاماكن


حملتهم ع الموبايل


picture.php


picture.php


picture.php


صحينا و ع طول نزلنا ندور مكان نتريق فيه


ويا كثر الاماكن .. كل شوي نختار مكان


بس قبلها رحنا عشان نغير الغرفتين


زي ما قالوا لنا لو ما عجبتكم عادي


نغيرها .. ع طول اخذونا لطابق علوي


غرفتين مفتوحات ع بعض بس ما اخذناهم


لان فيهم ريحة خفيفة وبعدين اريح


لنا نكون بغرف منفصله ..


الاب وعياله لحالهم .. والزوجين لحالهم ..


وكذا كذا مافي اطلاله غير العشب المركب
biggrin.gif


picture.php




picture.php


شفنا هذا الكوفي شوب فرنسي مطلع ع الميدان ع طول


وجبة الافطار عنده نص نص ما عجبتنا


"كنا نشوف المنيو قبل ما نجلس"


فرحنا ع الاستقلال واخترنا هذا الكوفي شوب


picture.php


picture.php


نسيت اصور واجهته ولا اعرف اسمه
biggrin.gif
مقابل مطعم المدينة تقريبا


عنده نظام بوفيه ونظام اطباق


سعر البوفيه 23 ليرة للفرد


وسعر الطبق ما يجي اقل من 23 ليرة


فطبعا كلنا اخذنا بوفيه اوفر
biggrin.gif


الغريبة ما عندهم كورسون
frown.gif


picture.php


اختي الفالحة تحط شنطتها باي مكان وتروح ع بالها بالإمارات محد بيسرقها ...


picture.php


ع يمين طاولتنا المطبخ و دورة المياه عزكم الله


" بمنتهى النظاااافة "


picture.php


picture.php


صحن اخوي


picture.php


صحن مشترك
biggrin.gif


اكلهم حلو وسعرهم احلى


بعد هالريوق رجعنا مشي للميدان عشان نروح لـ دولما باهتشه سراي


ع حسب جدولي كاتبه نروحه بالمترو ونمشي مسافة 100 متر


للوصل للقصر .. بس الجماعة قالوا لا تاكسي ... قلتلهم قدامي مافي تاكسي
biggrin.gif


المترو سريع يا عالم حرام نضيع وقت


وركبنا من تقسيم إلى كاباتاش


مرة ثانية 4 ليرات لكل فرد ...


سألنا اكثر من حد عن الكرت محد فهمنا ولا فهمنا حد
biggrin.gif


picture.php


picture.php


picture.php


picture.php


picture.php


picture.php


برج الساعة امبين .. ماشين صح الحمد لله


picture.php


picture.php


وصلنا الساعة 10 وشوي عند القصر والناس طوابير


picture.php


احلى طلاب الله يحفظهم
smile.gif


picture.php


picture.php


قصينا التذاكر اعتقد 30 ليرة لشخص


جولة عامة بدون الحرملك


picture.php



picture.php


من اهني لزق فينا واحد من جنسية عربية الا بشرح لكم


يا عمي حل عندي مابا مرشد انا مرشدة نفسي
biggrin.gif


قال بس 400 ليرة ..... تخيلوا بس 660 درهم إماراتي ع كم كلمة ..


تم ورانا ومسك في ابوي قاله انتم عيال زايد اهل الكرم "كيف عرف؟!"
eek.gif


عطوني بس 300 ليرة وتم ينزل بالسعر ...


يالله يالله تركناااا ...


picture.php


picture.php


picture.php


picture.php



حتى زرعهم حلوووو


picture.php


picture.php


picture.php


picture.php


كنا مع المجموعة رقم 2 المرشدة كانت تتكلم إنجليزي بطلاقة


اتذكر قالت اخر شخص سكن هالقصر هو أتاتورك


والقصر استقبل زوار من مختلف الجنسيات والاديان


وان في القصر اكبر ثرية بالعالم كانت اهداء من الملكة إليزابيث اعتقد
biggrin.gif


وفي قسم تم انشاءه فترة اتاتورك


picture.php


picture.php


picture.php


picture.php


picture.php


picture.php


picture.php


picture.php


هذي نتيجة التصوير بالسرقة
biggrin.gif


picture.php


picture.php


picture.php


picture.php


وانا اصور من اهني ياني السكيورتي معصب


ممنوع ممنوع التصوير ... استهبلت عليه


قلتله التصوير داخل ممنوع بس انا اصور المناظر الخارجية


ضحك وقالي صوري بسرعة
biggrin.gif


picture.php


picture.php


picture.php


picture.php


picture.php


للاسف كل هالبذخ من خزينة الدولة العثمانية .. مو من شي طاحوا


picture.php


ابدااااااااااااااااع


picture.php


picture.php


picture.php


من الصبح يتصورون في نفس المكان بطوا جبدي


رحت عندهم وقلت حق اختي تعالي صوريني خليهم يولون
biggrin.gif


picture.php


picture.php


picture.php


picture.php


picture.php


picture.php


picture.php


فديتهم مروحين


picture.php


picture.php


كان قريب من هالمكان متحف الزجاج شي جذي .. مهدود حيلنا ما دخلناه


picture.php



picture.php


picture.php


اهني ضريح وحدة اعتقد اسمها فاطمة من السلالة العثمانية ظنتي واذا غلط تراني ما قلت شي
rolleyes.gif


picture.php


picture.php


picture.php


وبعد هالجولة في القصر اخذنا تاكسي لمنطقة اورتاكوي


اول شيء قال 25 ليرة قلت له لا 10 بس قال لا انتوا 5 اشخاص


15 ليرة ... ركبنا


picture.php


picture.php


picture.php


مزيج غريب كنيسة ومسجد بنفس المكان ..


picture.php


picture.php


picture.php


picture.php


اسعارهم بشكل عام ممتازة .. احسن من الاسواق الثانية


اخذنا من المحلات اللي قدام شوية هدايا ..


4 " مشط + منظرة" البوكس الواحد بـ 10 ليرات



picture.php


picture.php


picture.php


picture.php


فندق ذا هاوس اللي نزل فيه اخونا مكة وكتب عنه تقرير ... مكانه رااائع​




picture.php


picture.php


picture.php


picture.php


picture.php


picture.php


قناديل البحر مو ؟


picture.php


picture.php


picture.php


picture.php


picture.php


يلسنا في كوفي اللي طلب شاي بـ 3 ليرات


واللي طلب هوت شوكليت "انا" بـ 8 ليرات


وحد قهوة


وبعض الناس شيشوا الله يهديهم ...
mad.gif


اعتقد الوحدة بـ 23 ليرة مش متأكدة بس اللي اذكره


ان ابوي وزوج اختي علقوا ان اسعارهم وااايد ارخص من دبي



picture.php


picture.php


واخيرااا رحت المكان اللي شفت لميس واقفه عنده تصيح ع يحيى
biggrin.gif


picture.php


صيانة خارجية في بيلار بيه سراي


picture.php


picture.php


picture.php


picture.php


picture.php


picture.php


البطاط عندهم مش طبيعي " كمبير "


وبعد ما قضينا ع البطاط ركبنا تاكسي من اورتاكوي الى برج غلطة


لان ال3 الباقين ما راحوه
cool.gif


بـ 20 ليرة والاخ نزلنا بنص شارع الاستقلال


" عيب التاكسي تتفق وياه ع مكان ينزلك بمكان ثاني


يتحجج بالشرطة ممنوع وممنوع يقصون ع الاوادم "


picture.php


picture.php


picture.php


picture.php


picture.php


picture.php


picture.php


picture.php




طبعا انا والوالد ما طلعنا البرج وهذي الصور من تصوير اللي طلعوا
biggrin.gif


يلسنا بالكوفي مقابل البرج شرب الوالد شاي بـ 3 ليرات


وانا رحت للمحلات المقابلة


picture.php


picture.php


شريت منهم برج غلطة بــ 10 ليرات


"قص علي الحرمة تبيعه بـ5 بس مالها فيه العين الزرقاء"
mad.gif


واخذت برج الساعة من محل التذكارات في دولما باهتشه سراي بــ 16 ليرة


بعد ما نزلوا من البرج كملنا مشي نزولاً لـ جسر غلطة " امينونو"


لمطاعم السمج


picture.php


picture.php


picture.php


picture.php


الوالد ورانا ويصورنا ... اهني صار لنا موقف مضحك


شرينا من واحد عصير رمان كان يبيعه في عربة طلبنا 5 عطانا اول كوب الا شوي يسمع الونان


الشرطة يايه ركض بسرعة البرق دورناه نبي نعطيه ليرة ما يصير نشرب بلوشي


ما لقيناه شوي الا ونشوفه ورانا نازل النفق يسأل عن ليرته
biggrin.gif


ودخلنا النفق شو النفق مول
biggrin.gif


picture.php


picture.php


picture.php


picture.php


picture.php


اعتقد ها ياني جامي "الجامع الصغير"


picture.php


الريحة اهني تذبح .. عشان خاطر اختي رحت هالمكان


ولا انا ما اداني السمج خير شر .. امشي وانا شافطه خشمي خخخخخخخ


picture.php


يلست بعيد اصور من فوني ...


الغريبة كانت يالسه عدالي حرمة كبيرة وولدها فجأة يت يلست


ع يميني وخلت ولدها ع يساري كل شوي تقرب تقرب مني ويتكلمون بالمراسلة


انا خفت حسيت انها بتسرقني ع طول قمت ونزلت للنفق اشوف المحلات إلين يخلصون أكل


وبعد ما خلصوا اخذنا تاكسي لتقسيم بــ20 ليرة


picture.php


ونزلنا بعيد شوي يتعذر ممنوع التاكسي يدخل داخل ..


مع ان شفنا كم وكم تاكسي دخل عادي


picture.php


مشينا شوي في شارع الاستقلال ..


وانا كنت بموت من اليوع من ريوقي ما اكلت شي ..


picture.php


دخلنا هالمطعم شفت عاشق اسطنبول مرة كتب عنه


picture.php


نظامه كل صحن بـ 5 ليرات و العيران عنده 3 ليرات ظنتي او ليرتين


picture.php


picture.php



مادري كم الحساب بالضبط بس اعتقد ما اجاوز الــ 60 ليرة


وبعد هالعشوة الطيبة والسعر الرااائع


قلت لزم احلي بجرب حافظ مصطفى ما يصير
biggrin.gif


" كله اكل في اكل انفجعنا "


picture.php


picture.php


picture.php


picture.php


picture.php


picture.php


الكنافة حلووووة ... اما البقلاوة استغفر الله ابد مب حلوة تركناها مثل ماهي ...


سعره مناسب جداااا ارخص من جاره


بس اسم ع الفاضي جاره فاروق بقلاوته لذيذذذذذذذة جداااااااا


وبعد ما حلينا رجعنا للفندق واحلى نومه


وانتهى اليوم الثاني بسلام ولله الحمد


عذراً ع اللخبطة في الصور


ويمكن كتبت شيء غلط السموحة منكم


ترقبوا اليوم الثالث ..


دمتم بحفظ الرحمن

 
أعلى