M
Mai Hasan
:: مسافر ::
اشتريت كارت بيخليكي تركبي كل المواصلات لمدة اسبوع ب ٢٧ يورو مترو و ترام و اتوبيس في اي مكان في باريس و اي عدد مرات هايبقى احسن و اوفر خصوصاً انهم عندهم شبكه عنكبوتيه من المواصلات و هاتحتاجي تتحركي كتير و من المطار اسألي انك عايزه تشتري تذاكر و هاتلاقي مكتب ازاز كده فيه موظفين اسأليه على ايه المناسب لوضعك و هو هايقولك و في امستردام اشتريت تذكره مدتها يوم عشان كنت هقعد يومين بس بس اهم حاجه خلي بالك اول ما تشتري التذكره الاسبوعيه في باريس لازم تكتبي عليها اسمك و تحطي صوره ليكي عالكارت عشان اول ما وصلنا و يادوب سبنا شنطنا و روحنا نشوف البرج وقوفنا في المحطه و بصو على تذاكرنا و مالاقوش صورنا و اسامينا و دفعونا كل واحد ٣٥ يورو غرامه و قالو مش مشكلتنا انكم ما قرأتوش التعليمات و موفرين اكشاك تصوير فوريه في كل مكان فا خلي بالك بره مش بيهزرو و مالهمش دعوه انك اول مره تعرفي
A
Amr Ali
:: مسافر ::
اولا كان يبقى حلو لو حجزتى بين باريس و امستردام thalyss قطر حلو قوى
لما هتنزلى المطار روحى ال tourist office و احجزى التذكره اللى تناسبك لان التذاكر بالمدى اللى هتتحركى فيه يعنى انا كانت تذكرتى غاليه شويه عشان عايز اروح ديزنى و هى بعيده فا اخترت اكبر تذكره فى المدى عشان اروح و اجى منها براحتى
امستردام بردوا دخلت المكتب اللى قولتلك عليه و حجزت التدكره بعدد الايام و بركب بيها اى حاجه اتوبيسات و ترماى مفيش مترو هناك
اوصلى فرع الخط بتاعك شوفى عروض التجوال عشان متبقيش كل بلد تنزليها تحيرى نفسك انتى رايحه تتبسطى مش تلفى و تسألى على خطوط
لما هتنزلى المطار روحى ال tourist office و احجزى التذكره اللى تناسبك لان التذاكر بالمدى اللى هتتحركى فيه يعنى انا كانت تذكرتى غاليه شويه عشان عايز اروح ديزنى و هى بعيده فا اخترت اكبر تذكره فى المدى عشان اروح و اجى منها براحتى
امستردام بردوا دخلت المكتب اللى قولتلك عليه و حجزت التدكره بعدد الايام و بركب بيها اى حاجه اتوبيسات و ترماى مفيش مترو هناك
اوصلى فرع الخط بتاعك شوفى عروض التجوال عشان متبقيش كل بلد تنزليها تحيرى نفسك انتى رايحه تتبسطى مش تلفى و تسألى على خطوط
N
Nader Fouda
:: مسافر ::
الكارت ده ممتاز وشامل كل وسائل المواصلات المترو والار ايه ار اللى هو القطار والباص وده الاشتراك بتاعه 27 يورو لمدة 5 ايام والمكتب بتاعهم فى مطار شارل ديجول اسألى اى حد على انك عاوزة تعملى اشتراك مترو وإر أيه إر هيدلوكى على مكان الحجز وبتحتاجى صورة شخصية بيحطوها على الكارت
