اسف للاطالة محتاج اقتراحات من الشباب اللى فى...

[Moemen Salah]

اسف للاطالة
محتاج اقتراحات من الشباب اللى فى الجروب
اجازة ٤٥ يوم فى مصر من اول شهر نوفمبر الى منتصف ديسمبر نازل بعربيتى من السعودية
اولا : هبتدى بشرم الشيخ لمدة يومين او تلاتة عاوز اقتراحات الفنادق و الاماكن اللى فيها فسح كويسة
ثانيا : باقى الاجازة اروح فين تانى

وشكرا مقدما لكل من يشارك فى الاقتراحات

 

[Yasmeen Esmat]

سهل حشيش فندق تروبيتال

 

[Nehal Nasser]

لازم تروح سيوه ف شهر 11 موسم الحصاد ♥♥♥

 

[Mohamed Ahmed Seleem]

بما انك حتروح شرم لازم تعمل سنوركينج او دايفنج علي حسب حبك للمية وبتعرف تعوم ولا لا وده ممكن برحلة بحرية بتبقي تقريبا ب ١٨٠ جنيه ولو تطلع البلو هول في دهب تحفة وممكن تاخد غواصة ب ١٥٠ جنيه لمدة ساعة ونص في خليج نعمة بتشوف متعة خلق الله وابداعه وسمك لايف قدامك اكنك برضه عملت سنوركينج

 

[Hedra Fathy]

احجز في فندق ريكسوس

 

[Mohamed Ahmed Seleem]

ودهب بتطلع بس ب ١٨٠ جنيه وانصحك تروح فندق في اكوا زي الباتروس اكوا بارك

 

[Dalia El Shamy]

شرم يبقى تروح اكوابارك الجديده تحفه وتروح سوهو سكوير وفرشه وخليج نعمة وتطلع سفارى جبل وبحر وممكن بقى تروح دهب او نويبع هدوء جامد ولو حبيت تسأل عن اى حاجة اتفضل

 

[Mohamed Ahmed Seleem]

فرشة لازم يبقي couple عشان يقعد في حنة ظريفة بدل ما يقعدوه في ممر زي العزا

 

[Dalia El Shamy]

لا مش شرط عادى فى ناس بتروح بولادها عادى وبيقعدو فى مكان كويس هم اللى بيختارو

 

[Enas Saeed]

فندق سافوي شرم وهم و تروبيتال سهل حشيش

 

[Tarek Mohamed]

لأ عادي فرشة بتقعد في مكان ما انت عايز

 

[Moemen Salah]

طيب يا شباب لو سمحتم احجز الفندق من على booking من عندى هنا بالريال السعودى ولا بالجنية المصري ولا مش هتفرق

 

[Mohammed Hassan]

الاقصر واسوان

 

[Rock Pop]

الرحله البحريه ل تيران او راس محمد اهم شئ و ممكن تروح راس محمد بالسياره و تنزل من الشاطئ مش محتاج تكون سباح طبعا فى بعض الفنادق شواطئها بها شعب و اسماك ملونه على الشط مثل خليج نعمه و الهضبه و القرش ..و انت بتتمشى على الشط بتشوف الاسماك حتى الغروب ..فى ايضا رحله الغواصه سى سكوب بتطلع من شرم الميه و رحله جميله لاى حد مش بيحب السباحه فيها طابق تحت سطح الماء شوف الفديوهات على يوتيوب و هى طبعا افضل من الجلاس بوت و الشركه بتنقلك من الفندق بالسياره و ترجعك /Royal Seascope

 

[Rock Pop]

فسح بالليل المشايه دا شارع اساسى فى الكافيهات فى خليج نعمه و منطقه سوهو سكوير فى خليج القرش و دا شارع مسافه كيلو فى مطاعم و كافيهات و شو و صاله تزلج و نافوره راقصه صغيره جدا لكن المكان راقى كتير و فى الهضبه الف ليله و دا مكان بيقدم عروض راقصه و فلكولور شوف على يو تيوب و هوليود بالنيت كافيهات و شو .. الصبح فى منطقه خليج نبق عرض الدرافيل لو مهتم فى دولفينا و طبعا حجز سفارى شروق او غروب و رحله مشاهده النجوم مع عشاء فى الصحراء و الجبل و ممكن تروح رحله يوم الاردن كمان بالبحر ..الهدايا و التيشرتات موجوده فى كل المحلات و اسعار متفاوته و كمان فى السوق القديم اول شرم لو حتنزل البحر فى كاميرات بتتباع فى كل مكان للتصوير تحت المياه تستخدم مره واحده فقط /SOHO Square Sharm El Sheikh

 

[Rock Pop]

سفينه القراصه يخت مختلف و افخم و فيه رحلات صباحيه و غروب و عشاء بيطلع من مينا ترافكو اول شرم و اهم شئ مكان الاقامه لو حلو و فيه انشطه و على البحر حتنبسط و تفضل فى شرم على الاقل 4 او 5 ليالى بالتوفيق

 

[Hisham Kasem]

يا عم مؤمن تعالى بس واحنا نفسحك
ههههههههههه
خلصت ؟؟؟؟

 

[Hind Osama]

طبعا احسن الاجازات في المنوفية
تعالي انت بس وهاحجز ليك في بدروم بيتنا