A
Ahmed Reda
:: مسافر ::
مفيش مكان على كوكب الأرض مثالي
هتسافر وتقابل ناس من البلاد الي انت متخيلها جنه على الأرض سايبنها و بيسافروا عادي زيك زيهم و بيحلموا يهاجروا بردوا
مفيش شعب مثالي وتقريباً اي شخص من اي جنسيه بيبقى عنده تحفظ ونقد على أهل بلده
سياح كتير بيسافروا بالشهور لبلاد تحت مستوى خط الفقر بمراحل وفيها عشوائيه وبيبقوا مستمتعين جداً بده لإنه شيء جديد
الهند لوحدها بيزورها حوالي 10 مليون اجنبي في السنه
الأوروبي ممكن يكون شايف ان الجنسيات التانيه أجمل منهم في الشكل زي ما أنت ممكن تشوف العكس
الفكره إن الإنسان بطبعه عايز يغير وشايف إن غيره ممكن يكون أحسن منه ف بيلاقي ان اسهل طريق للسعاده هو انوا يغير المكان الي قاعد فيه
بس هيجيلوا يوم ويحتاج يغير بردوا المكان الجديد الي راحله ويغير المجتمع الجديد الي عايش فيه بعد ما اكتشف انهم مش ملايكه
ممكن تفهم الكلام ده على اني عايز اوصلك إن احنا حلوين
لا إحنا زي الزفت والله وحاجه في اخر الصف في كل تفاصيل حياتنا
بس ممكن حد يكون عايش بياكل عسل وزهق منه وحابب يدوق الزفت والعكس صحيح ومنطقي اكتر
الناس الي فهمت ده هما ال Travellers الي بجد
الي بيفضلوا سنيين بيسافروا من بلد لبلد
اسبوعين هنا شهر هنا شهرين هناك خلصت الفلوس ينزل يشتغل في اي بلد عشان يكمل رحلته
ممكن تلاقي واحد سويسري نايم في اوضه فيها 20 واحد عشان يوفر نص دولار عادي جداً
انا شخصياً قاعد في هوستل السرفيس الي شغال فيه شاب بريطاني عشان يكمل سفر
اكتر ناس مخدوعه هما الي اتولدوا وعاشوا في مكان واحد طول حياتهم وقايس معايير نجاحه ف الحياه بنفس معايير المجتمع الي عايش فيه
يعني انك تمتلك عقار او عربيه حديثه او تتجوز وتقبض كويس وتفضل عايش حياتك في ال comfort zone بتاعتك ده ممكن يكون نجاح في المكان الي عايش فيه
بس ممكن يكون بردوا حاجه ملهاش لازمه في مجتمع تاني
هديك مثال
حضرتك بتتفشخ عشان تشتري عربيه محترمه ف مصر عشان تهرب من ركوب الموصلات وانك تتعجن مع فئه الكادحين من الشعب
مع انك ممكن متحتجش اصلاً عربيه في بلد تاني لانك ببساطة هتلاقي ارخص باص انضف من عربيتك
او مثلاً ممكن تفضل سنيين تحوش ف فلوس شبكه ومهر وحجات غريبه كده
مع ان العادات والتقاليد في الهند ان اهل العروسه هما الي بيدفعوا فلوس للعريس عشان ياخدها ويعيش معاها في بيت ابوه عادي جداً
الخلاصه إن متعه الحياه الحقيقيه في التغيير
المدخن بيبقى مستمتع وهوا بيدخل كميه نيكوتين في جسمه عشان يوصل للمعدل الطبيعي
مع إن الي مبيدخنش واصل طول الوقت للمعدل الطبيعي بس مش هيفهم ليه المدخن بيبقى مبسوط وهو بيوصل لنفس الحاله الي هو فيها.
هتسافر وتقابل ناس من البلاد الي انت متخيلها جنه على الأرض سايبنها و بيسافروا عادي زيك زيهم و بيحلموا يهاجروا بردوا
مفيش شعب مثالي وتقريباً اي شخص من اي جنسيه بيبقى عنده تحفظ ونقد على أهل بلده
سياح كتير بيسافروا بالشهور لبلاد تحت مستوى خط الفقر بمراحل وفيها عشوائيه وبيبقوا مستمتعين جداً بده لإنه شيء جديد
الهند لوحدها بيزورها حوالي 10 مليون اجنبي في السنه
الأوروبي ممكن يكون شايف ان الجنسيات التانيه أجمل منهم في الشكل زي ما أنت ممكن تشوف العكس
الفكره إن الإنسان بطبعه عايز يغير وشايف إن غيره ممكن يكون أحسن منه ف بيلاقي ان اسهل طريق للسعاده هو انوا يغير المكان الي قاعد فيه
بس هيجيلوا يوم ويحتاج يغير بردوا المكان الجديد الي راحله ويغير المجتمع الجديد الي عايش فيه بعد ما اكتشف انهم مش ملايكه
ممكن تفهم الكلام ده على اني عايز اوصلك إن احنا حلوين
لا إحنا زي الزفت والله وحاجه في اخر الصف في كل تفاصيل حياتنا
بس ممكن حد يكون عايش بياكل عسل وزهق منه وحابب يدوق الزفت والعكس صحيح ومنطقي اكتر
الناس الي فهمت ده هما ال Travellers الي بجد
الي بيفضلوا سنيين بيسافروا من بلد لبلد
اسبوعين هنا شهر هنا شهرين هناك خلصت الفلوس ينزل يشتغل في اي بلد عشان يكمل رحلته
ممكن تلاقي واحد سويسري نايم في اوضه فيها 20 واحد عشان يوفر نص دولار عادي جداً
انا شخصياً قاعد في هوستل السرفيس الي شغال فيه شاب بريطاني عشان يكمل سفر
اكتر ناس مخدوعه هما الي اتولدوا وعاشوا في مكان واحد طول حياتهم وقايس معايير نجاحه ف الحياه بنفس معايير المجتمع الي عايش فيه
يعني انك تمتلك عقار او عربيه حديثه او تتجوز وتقبض كويس وتفضل عايش حياتك في ال comfort zone بتاعتك ده ممكن يكون نجاح في المكان الي عايش فيه
بس ممكن يكون بردوا حاجه ملهاش لازمه في مجتمع تاني
هديك مثال
حضرتك بتتفشخ عشان تشتري عربيه محترمه ف مصر عشان تهرب من ركوب الموصلات وانك تتعجن مع فئه الكادحين من الشعب
مع انك ممكن متحتجش اصلاً عربيه في بلد تاني لانك ببساطة هتلاقي ارخص باص انضف من عربيتك
او مثلاً ممكن تفضل سنيين تحوش ف فلوس شبكه ومهر وحجات غريبه كده
مع ان العادات والتقاليد في الهند ان اهل العروسه هما الي بيدفعوا فلوس للعريس عشان ياخدها ويعيش معاها في بيت ابوه عادي جداً
الخلاصه إن متعه الحياه الحقيقيه في التغيير
المدخن بيبقى مستمتع وهوا بيدخل كميه نيكوتين في جسمه عشان يوصل للمعدل الطبيعي
مع إن الي مبيدخنش واصل طول الوقت للمعدل الطبيعي بس مش هيفهم ليه المدخن بيبقى مبسوط وهو بيوصل لنفس الحاله الي هو فيها.