لو سمحتوا ياجماعة أنا مسافرة مدريد وكنت هاخد...

[Nora Khalid]

لو سمحتوا ياجماعة أنا مسافرة مدريد وكنت هاخد هدايا تذكارية بسيطة كدا من خان الخليلي لزمايلي هناك وناوية أحطها في الشنطة الكبيرة اللي بتدخل بطن الطيارة.. هل ممكن يحصل بسبب الهدايا دي مشكلة ويقولوا عليا بهرب آثار مثلا ؟؟؟

 

[Mohamed Mustafa Hamed]

لا

 

[Muhammad Gad]

ابدا
لو عايزه افضل محل على الاطلاق وارخص وامين
Jordi فى خان الخليلى

 

[Moustafa Mohamed Abd Allah]

لا...ولا حاجة... سافرت بيهم كذا مره

 

[Mahmoud M Ahmed]

ربنا ما يوقعك فى ظابط غبى ويعملك قضية اثار وحلنى على ماتثبتى

 

[Mostafa Al Dairy]

لأ طبعا فى فرق كبير وواضح بين الاثار الاصلية والمقلدة
وفى خبراء فى المطار 24 ساعة

 

[Shặmş Ăhmễd]

لا عادي انا اخدت قبل كده

 

[Mostafa Al Dairy]

لسة صاحبى مسافر كندا معاه فوق ال20 كيلو من كل الانواع والاشكال

 

[Shawki Elkholi]

لا ، خالص ، عديت بيها كتير

 

[Nahla Fekry]

لا عادي ، عديت بيها

 

[Mohamed Basha]

عادى بس حطيها مابين الهدوم عشان متتكسرش

 

[Maha Sroor]

ايوه خليهم علي الوش لان كان معايا فتاحه بيبسي شكلها فرعوني وقلبو الشنطه قطعه قطعه لحد ملقيوها
وقالي شكلها فتاحه بيبسي بس لازم اتاكد

 

[Mohamed Samak]

انا اتحجزت في المطار لحاجات اتفه من كده
كان معايا عملات ورقيه من فترة السادات و قالي انت بتهرب اثار غبببببباء ليس له حدود
و مسبنيش الا لما طلعت الباسبور الهولندي و قلتله انا مش فاضي للكلام ده و الحاجات دي بتتباع على النت بكلام فارغ و فتحت له اوليكس
و مقتنعش و حاول يتصل بكذا زميل له ولكن محدش رد عليه
و لما لقاني مصمم اخد حاجتى و مش خايف منه اداني الفلوس

 

[Mohamed Gaafar Mahmoud]

لا عادي ياما سافرت بيها وتماثيل كماز

 

[Anette Boutros]

لا عادي وبعدين انا باخد ورق بردي او نوت فرعونية ومديليات فمش بتبان حاجة ولو سأل هقول ولو عايزينها سيبها

 

[Ahmed Hesham]

ده انا كنت واخد دستة من كل حاجه بردي و ميداليات ومرايات واقلام

 

[Ghada Abdalla]

اكيد لاء..الا اذا كنتى واخده اثار بجد

 

[Mostafa Al Dairy]

طبقا لقرار منظمة اليونسكو
اى حاجة عدى عليها اكتر من 100 سنة تعتبر اثار
غير كدة محدش ليه حاجة

 

[Osama Ahmed]

خالص خدى ولا يهمك ، الأثر اثر

 

[Ahmed Anwer Hassanine]

بصي انا عايش في اسبانيا ها أقولك علي حاجة ممكن ينبسطوا قوي منها ورق بردي علية رسمة و فيها علي الجنب خرطوش فية اسمهم بالفرعونية هدية رخيصة بس حلوة جدا و قيمة و تحت امرك لو حبيتي أساعدك في اَي حاجة