A
Ahmed Mohamed
:: مسافر ::
الحقيقه الكامله عن سفالبارد في النرويج والهجره لاوروبا بدون فيزا
-----------------------------------------------------------------
سفالبارد عباره عن ارخبيل يعني مجموعه من جزر مش جزيره واحده .. موجودة في شمال اوروبا بين النرويج والقطب الشمالي
.
ايه بقي حكايتها ؟
عملوا معاهده سموها معاهده سفالبارد وحطوا ليها قوانين
"Regulations concerning rejection and expulsion from Svalbard"
ودي بتنص علي انهم منطقه اعفاء تام من التأشيرات بمعني ان اي انسان مهما كانت جنسيته يقدر يدخلها بدون فيزا ويعيش فيها وياخد اقامه الي اجل غير مسمي
.
------------------------------------------------------------------------
جميل جدا نقوم بسرعه نحضر الشنطه وبينا علي هناك مستني ايه ؟
.
للاسف عشان انت تروحها لازم تعدي علي النرويج وبالتالي لازم يكون معاك يأما تأشيرة محليه للنرويج ( دراسه مثلا او عمل ) يأما تأشيرة شنجن عاديه
.
.
لان سفالبارد مش ضمن منطقه الشنجن .. هي جزيره مفصوله عن النرويج جغرافيا ولكن ذات تبعيه نرويجيه ولكن ببعض القوانين المستقله بيها .. خصوصا قوانين الضرائب وحق حمل السلاح ..
-----------------------------------------------------------------------
سهله ياعم احمد .. انا هروح اخد اي فيزا شنجن من اي سفاره .. واخلع علي سفالبارد واخد اقامه فيها مجانا وبعدين ادخل بالاقامه دي النرويج واشتغل في النرويج احسن
يعني هاخدها مجرد كوبري وهقرطسهم واضحك عليهم .. ايه رأيك بقي يا دكتره في الافكار الجهنميه دي .. بعرف اخطط صح ؟
.
.
للاسف الاشخاص الاجانب اللي معاهم اقامه سفالبارد و غير حاملي الجنسيه النرويجيه لا يُسمح ليهم ابدا انهم يدخلوا النرويج أو يقيموا فيها ..
وكمان لا يُسمح ليهم ابدا انهم يقدموا علي الجنسيه النرويجيه مهما قعدت في سفالبارد حتي لو قعدت 100 سنه هناك
.
لكن حامل ال ID النرويجي وحامل الجنسيه النرويجيه هو اللي يقدر يعيش في النرويج او سفالبارد براحته يدخل ويخرج من الاتنين براحته لكن الاجنبي اللي في سفالبارد لأ ..
.
وهما قايلين كدة علي موقعهم :
It is required with two entries in the traveller's visa to be able to return to the Schengen area (mainland Norway) after the stay at Svalbard.
----------------------------------------------------------------------
طيب خلاص مش مشكله ياعم احمد .. مش لازم اروح النرويج .. اهي برضو سفالبارد احسن من مصر .. الواحد يروح هناك بالفيزا الشنجن ونعمل اقامه مجانا بدون اي مليم ونقفش فلوس باليورو ونعيش مع المزز اللي هناك بقي
.
.
للاسف بعد دخولك لسفالبارد عشان تقدر تقيم هناك لازم تثبت انك هتقدر تتحمل تكاليف المعيشه هناك ويكون معاك اثبات مادي انك هتقدر تأجر شقه و تجيب وظيفه ويكون معاك فلوس والا هيرفضوا انك تعمل اقامه وتقعد في بلدهم وهيرحلوك علي اول طياره
.
ودة مكتوب بالنص علي موقعهم
The Governor can reject persons whithout sufficient means to support themselves. Therefore, it is advisable to secure housing and employment before deciding to settle in Svalbard.
--------------------------------------------------------------------------------
مفيش مشكله برضو ياعم الحج .. انا معايا فيزا شنجن ساريه ومعايا كمان فلوس كتير .. يعني مفيش اي مشكله .. قولي بقي ايه نظام الشغل والحياه هناك .. هروح اشتغل في مكتب طبعا وتحت تكييف صح يا دكتره ؟
.
.
للاسف العمل هناك صعب جدا وتكاليف المعيشه مرتفعه جدا ومكلفه جدا لان الموارد هناك قليله وبالتالي اسعارها غاليه .. وكمان درجه الحراره بتوصل ل - 40 تحت الصفر ومبتشوفش الشمس ابدا طوال 6 شهور في السنه بالكامل
.
الشغل بيكون في المناجم أو في قبو البذور المشهور هناك ولازم من شروط اي شغل انك تكون بتعرف تضرب نار ويكون عندك firearms skills ومتمرس في الصيد عشان هيترخصلك سلاح رسمي عشان تدافع بيه عن نفسك لانتشار الدبب القطبيه هناك
.
ودة لينك لصحيفه الجارديان البريطانيه وبتتكلم بالتفصيل عن الموضوع ده
/Svalbard job vacancy: polar bear spotter wanted
-----------------------------------------------------------------------------------
طب معلش يا دكتره لو مفيهاش اساءه ادب ممكن سؤال ؟ بلد فيها كل الخرا اللي في الدنيا زي ما انت بتحكي كدة ومفيهاش ميزة واحدة ايه اللي يخلي الناس عايزة تروحها ويعيشوا فيها ؟
.
.
للاسف مفيش حد بيروحها الا النرويجيين .. وبيروحوها هروبا من الضرائب العاليه جدا في النرويج لان في سفالبارد امتيازات كتير ليهم ان الضرائب اقل بكتير من النرويج
.
لان النرويج عايشه علي النظام الضريبي .. الضرائب في النرويج بتوصل ل 36 %
لكن في سفالبارد بتوصل ل 14 % فقط .. عشان يشجعوا الناس انهم يروحوا ليها ..
.
عايز تتأكد من كل المعلومات دي .. دة المصدر الرسمي :
/Entry and residence
--------------------------------------------------------------------------------
انت معندكش غير للاسف للاسف للاسف ! انت عقدتني في عيشتي ياعم انا عايز اخلع من هنا بقي
.
للاسف مش هقدر انصب عليك .. لو عايز حد يستغفلك موجودين كتير فشخ علي اليوتيوب وعلي الفيس روحلهم وهما هيقرطسوك متقلقش لكن انا لأ
------------------------------------------------------------------------------
دة كان اول بوست في السلسله اللي انتوا عملتوا عليها تصويت .. البوست الجاي ان شاء الله هيكون عن انجلترا وجميع طرق الاقامه والهجره فيها
#اقعدوا_بالعافيه
-----------------------------------------------------------------
سفالبارد عباره عن ارخبيل يعني مجموعه من جزر مش جزيره واحده .. موجودة في شمال اوروبا بين النرويج والقطب الشمالي
.
ايه بقي حكايتها ؟
عملوا معاهده سموها معاهده سفالبارد وحطوا ليها قوانين
"Regulations concerning rejection and expulsion from Svalbard"
ودي بتنص علي انهم منطقه اعفاء تام من التأشيرات بمعني ان اي انسان مهما كانت جنسيته يقدر يدخلها بدون فيزا ويعيش فيها وياخد اقامه الي اجل غير مسمي
.
------------------------------------------------------------------------
جميل جدا نقوم بسرعه نحضر الشنطه وبينا علي هناك مستني ايه ؟
.
للاسف عشان انت تروحها لازم تعدي علي النرويج وبالتالي لازم يكون معاك يأما تأشيرة محليه للنرويج ( دراسه مثلا او عمل ) يأما تأشيرة شنجن عاديه
.
.
لان سفالبارد مش ضمن منطقه الشنجن .. هي جزيره مفصوله عن النرويج جغرافيا ولكن ذات تبعيه نرويجيه ولكن ببعض القوانين المستقله بيها .. خصوصا قوانين الضرائب وحق حمل السلاح ..
-----------------------------------------------------------------------
سهله ياعم احمد .. انا هروح اخد اي فيزا شنجن من اي سفاره .. واخلع علي سفالبارد واخد اقامه فيها مجانا وبعدين ادخل بالاقامه دي النرويج واشتغل في النرويج احسن
يعني هاخدها مجرد كوبري وهقرطسهم واضحك عليهم .. ايه رأيك بقي يا دكتره في الافكار الجهنميه دي .. بعرف اخطط صح ؟
.
.
للاسف الاشخاص الاجانب اللي معاهم اقامه سفالبارد و غير حاملي الجنسيه النرويجيه لا يُسمح ليهم ابدا انهم يدخلوا النرويج أو يقيموا فيها ..
وكمان لا يُسمح ليهم ابدا انهم يقدموا علي الجنسيه النرويجيه مهما قعدت في سفالبارد حتي لو قعدت 100 سنه هناك
.
لكن حامل ال ID النرويجي وحامل الجنسيه النرويجيه هو اللي يقدر يعيش في النرويج او سفالبارد براحته يدخل ويخرج من الاتنين براحته لكن الاجنبي اللي في سفالبارد لأ ..
.
وهما قايلين كدة علي موقعهم :
It is required with two entries in the traveller's visa to be able to return to the Schengen area (mainland Norway) after the stay at Svalbard.
----------------------------------------------------------------------
طيب خلاص مش مشكله ياعم احمد .. مش لازم اروح النرويج .. اهي برضو سفالبارد احسن من مصر .. الواحد يروح هناك بالفيزا الشنجن ونعمل اقامه مجانا بدون اي مليم ونقفش فلوس باليورو ونعيش مع المزز اللي هناك بقي
.
.
للاسف بعد دخولك لسفالبارد عشان تقدر تقيم هناك لازم تثبت انك هتقدر تتحمل تكاليف المعيشه هناك ويكون معاك اثبات مادي انك هتقدر تأجر شقه و تجيب وظيفه ويكون معاك فلوس والا هيرفضوا انك تعمل اقامه وتقعد في بلدهم وهيرحلوك علي اول طياره
.
ودة مكتوب بالنص علي موقعهم
The Governor can reject persons whithout sufficient means to support themselves. Therefore, it is advisable to secure housing and employment before deciding to settle in Svalbard.
--------------------------------------------------------------------------------
مفيش مشكله برضو ياعم الحج .. انا معايا فيزا شنجن ساريه ومعايا كمان فلوس كتير .. يعني مفيش اي مشكله .. قولي بقي ايه نظام الشغل والحياه هناك .. هروح اشتغل في مكتب طبعا وتحت تكييف صح يا دكتره ؟
.
.
للاسف العمل هناك صعب جدا وتكاليف المعيشه مرتفعه جدا ومكلفه جدا لان الموارد هناك قليله وبالتالي اسعارها غاليه .. وكمان درجه الحراره بتوصل ل - 40 تحت الصفر ومبتشوفش الشمس ابدا طوال 6 شهور في السنه بالكامل
.
الشغل بيكون في المناجم أو في قبو البذور المشهور هناك ولازم من شروط اي شغل انك تكون بتعرف تضرب نار ويكون عندك firearms skills ومتمرس في الصيد عشان هيترخصلك سلاح رسمي عشان تدافع بيه عن نفسك لانتشار الدبب القطبيه هناك
.
ودة لينك لصحيفه الجارديان البريطانيه وبتتكلم بالتفصيل عن الموضوع ده
/Svalbard job vacancy: polar bear spotter wanted
-----------------------------------------------------------------------------------
طب معلش يا دكتره لو مفيهاش اساءه ادب ممكن سؤال ؟ بلد فيها كل الخرا اللي في الدنيا زي ما انت بتحكي كدة ومفيهاش ميزة واحدة ايه اللي يخلي الناس عايزة تروحها ويعيشوا فيها ؟
.
.
للاسف مفيش حد بيروحها الا النرويجيين .. وبيروحوها هروبا من الضرائب العاليه جدا في النرويج لان في سفالبارد امتيازات كتير ليهم ان الضرائب اقل بكتير من النرويج
.
لان النرويج عايشه علي النظام الضريبي .. الضرائب في النرويج بتوصل ل 36 %
لكن في سفالبارد بتوصل ل 14 % فقط .. عشان يشجعوا الناس انهم يروحوا ليها ..
.
عايز تتأكد من كل المعلومات دي .. دة المصدر الرسمي :
/Entry and residence
--------------------------------------------------------------------------------
انت معندكش غير للاسف للاسف للاسف ! انت عقدتني في عيشتي ياعم انا عايز اخلع من هنا بقي
.
للاسف مش هقدر انصب عليك .. لو عايز حد يستغفلك موجودين كتير فشخ علي اليوتيوب وعلي الفيس روحلهم وهما هيقرطسوك متقلقش لكن انا لأ
------------------------------------------------------------------------------
دة كان اول بوست في السلسله اللي انتوا عملتوا عليها تصويت .. البوست الجاي ان شاء الله هيكون عن انجلترا وجميع طرق الاقامه والهجره فيها
#اقعدوا_بالعافيه