يا جماعة ارحموا الناس الغلابة اللي بيسالوا...

[Jasmin Ahmed]

يا جماعة ارحموا الناس الغلابة اللي بيسالوا الحساب البنكي يبقى فيه كام و بتقولولهم ارقام فلكية ..
القصة كلها في الحساب البنكي انه يبقى فيه حركة مستمرة ايداع و سحب و مناسب للمرتب الموجود في ال hr letter
عشان يكون فيه مصداقية ..
ده الموضوع ببساطة و مالوش دعوة بكام و لا ارقام فلكية

 

[Jissminda Linda]

طب قولي انتي والنبي اعمل ايه لاني احترت

 

[Amr Abd El Fattah]

انا مره خدت تأشيره المانيا سنه والحساب فيه ١٥٠ جنيه بس حركات سحب وايداع كتيره

 

[Jissminda Linda]

المشكله اني مش بحتاج الحساب ف حاجه فا مش عارفه اعمل موضوع السحب والايداع ده كل شويه ازاي

 

[Mahmoud Abdelwahab]

فعلا الحساب البنكي يجب ان يكون عليه حركه تتناسب مع طبيعه العمل وليس له قيمه محدده

 

[Ahmed Hasan]

انا دايما حسابي مبيزيدش عن 15 الف، بس ببقي دافع الطيران و الفندق، وبيقبلوا عادي

 

[Mahmoud Said]

ازاي حضرتك محدش يحط التاتش بتاعه .لازم يكون في حركه في الحساب مش حاط مليون جنيه قبلها بيومين و جايب كشف حساب و يتقدم

 

[Pansy Rosa]

بالنسبة لإنجلترا كنت مسافرة شهر تدريب ، اللي سافرو نصحوني أحط ٢٠٠٠ إسترليني ، حطيت اقل من المبلغ دا ،وأختي عملتلي sponsorship فالاتنين ع بعض كان ١٥٠٠ مش اكتر من كدا، كنت كل شوية اسحب ٢٠٠٠ ج مثلا وبعد أسبوع أحط ١٠٠٠ وهكذا
طبعا عملت حجز مبدأي فأرخص هوستيل بس ورقي كان متظبط (اهم حاجة تقدم ورق يثبت انك راجع تاني مصر )

 

[Hesham M Hussein]

هي محاولة لاستقراء اُسلوب السفارات في القبول والرفض !! مش اكتر مش احنا اللي بنقرر ولا احنا بتاخد من الفلوس دي !! خلاص ممكن حضرتك على ضمانتك تحددي مبلغ يكون في حساب المتقدم ؟؟! طالما مبلغ الحساب ملهوش تأثير ؟! صباح الورد

 

[Medhat Zaid]

كلام مظبوط جدا

 

[Ruaa Rayan]

المرتب كل شهر ببينزل علي الفيزا و بسحب منه لما بشتري هل ده ينفع لاني بحط فلوس في البنك لما الفلوس بتاعه المرتب تتحوش ميلغ كويس ينفع ؟

 

[Medhat Zaid]

Ahmed Hassan انا خدت الشنجن وكان في الحساب 38500 بالظبط و خدت اغلس تاشيره بتاعة اليونانا

 

[Hesham M Hussein]

في جزئية مهمة محدش واخد باله منها ،، الناس اللي شغاله حكومي في في شركات الانتاج والرواتب العالية خارج الحسبة وخارج الملعب ،، المهنة بتسنده الشركة بتسنده الراتب بيسنده ،، فده لو قدم بكشف حساب فيه 10 الاف جنيه بياخد التأشيرة ،، الناس بقى اللي موظفين في قطاعات خاصة ورواتب معقولة او يدوب او اللي مش شغالين في شركات هنا اللي بيبقى الكلام في كشف الحساب العالي كاثبات استقرار مادي ،، بعض الناس بينظر للحالة بناء على وضعه هو معندوش استيعاب للموضوع بشمولية واستيعاب لكل الحالات ،، مش كل الناس على نفس الحالة بتاعتك

 

[Medhat Zaid]

Hesham M Husseinانا مقصدش حاجه انا بقول عن تجربه فعليه مش اكتر و كلامك مظبوط بس مش لدرجة 10000 جنيه

 

[Samar Gahazly]

طب انا لو مرتبى 5 الاف وكشف حسابى 100 الف هل متناسبين مع بعض و لا

 

[Medhat Zaid]

Samar Gahazlyهما حيعرفوا مرتبك منين ؟؟؟؟ بس كشف الحساب زي ما قلنا قبل كده قبل ما يكون فيه كام يكون شغال سحب و ايداع مش مليون جنيه و محطوطين و بس

 

[Medhat Zaid]

خطاب الHR ممكن تطلب تحد فيه الدخل او لأ مش شرط انهم يحطوه ده بيبقي اختياري

 

[Hesham M Hussein]

يفترض ان الــ HR ليتر بيبقى تعريف بالموظف المهنة الشركة الراتب تاريخ بدأ العمل مع لا مانع من السفر مع اجازة ومن هنا بيعرفوا راتبك وكشف حسابك بياكد المعلومة

 

[Medhat Zaid]

لا انا قدمت الشنجن قبل كده و كان الجواب من غير دخل خالص ومكنتش اعرف ان الدخل بينضاف لما عرفت طلبت انها تتحط في الجواب لما قدمت علي الشنجن تاني

 

[Ahmed Saad]

شباب انا هقول الخلاصه في كشف الحساب دة.
اول حاجه انت ذكرت فى الاتش ار بتاع مثلا ٥ الاف
يبقى لازم فى كل شهر ينزل المبلغ دة فى حسابك .
تانى يوم تسحب منه مصاريفك الاسبوعيه مثلا الف جنيه كل اسبوع
تمام كدة .
لو هتشترى حاجة احسن تشتريها بالكريدت هتدفع النت مثلا تشحن موبايلك
تشترى حاجه من الهايبر ماركت.
تمام كده.
تانى حاجه والاهم انت مقدم على رحله عشر ايام طب احسب معايا كدة
اخصم من حسابك البنكى عشر ايام فى ١٠٠ يورو يعنى الف يورو احسبها بسعر الصرف.
اخصم حساب الفندق
اخصم حساب الطيران
شوف هيبقى باقى ليك كام ف الحساب ...
طب لو مثلا حسابك فيه ٥٠ الف جنيه والرحله دى هتكلفك ٤٠ الف مثلا يبقى انت مرفوض . ليه بقى ؟؟!!؟؟
اولا انت رايح رحله وهتصرف كل الفلوس اللى فى حسابك ازاى وهما عارفين الفلوس دى مش بتيجى بسهوله يعنى شقى عمرك !؟
دى راى انا وعن خبرة ربنا يشهد انا بقول اللى واثق منه ولو حد محتاج حاجه انا تحت امركم