سؤال عايز اسافر اعمل عمرة انا و زوجتي و بنتي...

  • بادئ الموضوع بادئ الموضوع Saber Noor
  • تاريخ البدء تاريخ البدء
عرض العطلة
#22
احسن وقت للسفر من شهر 12 لحد 2 عشان الجو بيبقي حر اوي فمكه انا سافرت السنه اللي فاتت اخر شهر 2 كانت نار بجد واحسن وقت لأداء العمرة تنزل الساعه 12 بليل بيكون الصحن فاضي والسعي كمان وتفضل اعد لحد صلاه الفجر وتصلي وتروح طبعا انا عملت كل ده انا وجوزي من غير اطفال واتمتعنا جدا الحمد لله وسافرنا تبع شركه اسمها تري جولي كانت كويسه جدا وعملولنا رحلات هناك
 
#23
عمرة مولد النبي هى ارخص عمرة وتبدأ من الشهر ده حتى شهر رجب ولكل فرد جواز سفر مستقل وسعر الأطفال هو سعر تذكرة الطيران والتاشيرة فقط لاغير والسعر للكبار يتراوح من 9000 جنية وحتى 15000 جنية
 
#24
دلوقتي مفيش عمرة غير للمقيمين في السعودية هتبدأ في مولد النبي
أحسن فنادق في ابراج الساعة لانها قريبة من الحرم بس معرفش الاسعار
سويس اوتيل و موفنبيك هاجر و في المدينة موفنبيك يعني ممكن حوالي ١٥٠٠٠ جنيه للفرد
 
عرض العطلة
#26
نصيحة بلاش بنت عندها 4 شهور و الله حرام عليك ،البنت اكيد هتمرض من تغيير الجو و العمرة ناس من كل البلاد الواحد اصلا بيلبس كمامة علشان امراض الجهاز التنفسى، أنا اصلا كبيرة و مرضت انا و خالى ووالدتي، أنا اعتمرت في أبريل كان الجو حلو و الشمس كويسة.
 
#27
ليها باسبور منفصل
كلم شركة المحمود للسياحة .. وشركة مسك تراڤيل .. دول انا بثق فيهم جدا
افصل وقت روقان اول ما تفتخ العمرة قبل رجب وشعبان ورمضان او اول رجب شغال بتكون الدنيا رايقة شوية
 
#28
حبيبي .. خد بنتك اللي عمرها 4 شهور ولو عمرها اربع اسابيع خدها معاك .. هناك كل اجناس العالم معاهم اطفالهم حديثي ولادة ورضع ومبسوطين .. روح ربنا يرزقكم بنفحة من نفحات رحمته
انا خدت مراتي وعملنا عمره وهي حامل في اخر الشهر التاني واول التالت .. أصعب و أخطر فترة في الحمل
توكل على الله وأقصد بابه وماتنساش تدعيلنا
 
#30
اولا العمرة من مصر حتفتح كمان شهر .. انصحك اول ما تفتح تسافر حيكون الجو هناك ممتاز ...
بخصوص البنوتة حضرتك لازم تطلعاها باسبور منفصل والاوراق المطلوبة شهادة الميلاد الكمبيوتر بها الرقم الثلاثي و صورة من جواز سفرك و صورتين شخصيتين للبنت خلفية بيضة وصورة بطاقتك وممكن كمان جواز سفر الام صورة منه مش فاكر يعني ...وتطلع تعمل جواز سفر ليها بياخد اسبوع ...
بالنسبة للفنادق ارخص وأفضل فندق في مكة هوا إيلاف بكة ... او اي فندق في محبس الجن ...بس إيلاف بكة انا مجربه أكثر من مرة فيه اوتوبيسات ٢٤ ساعة من والى الحرم لان الفنادق القريبة من الحرم غالية ولو لقيتها مش غالية يبقى بتطلع جبل او مطلع صعب عشان كدة بيرخصوا فيها ...
وعمرة مقبولة ان شاء الله ...
 
عرض العطلة
#31
بوكينج ف مكة مفيش احسن منه كل المستويات
واهتم بعدد الكومنت اللي مكتوبة عل الاوتيل
احجز بالفطار
والغدا سهل اوي تجيب البيك او اي وجبة
عمرة مقبولة ان شاء الله
 
#32
لازم باسبور منفصل وابعد عن المواسم عشان تستمتع بكل حاجه يفضل شهر 2 او 3 بس خلى بالك هاتلاقى مكه حر نوعا ما والمدينه برد باليل ولازم تختار شركه محترمه توفى بالتزماتها فى المزارات والمناسك اللى هناك - فى المدينه انا جربت الياس الذهبى حلو جدا وفى مكه اختار اقرب حاجه على حسب امكانياتك - دى الشركه اللى روحت معاهم شركة النورس للسياحة والنقل /Zum Anzeigen anmelden oder registrieren
 
عرض العطلة
#36
عمرة مقبولة ان شاء الله
اولا يفضل تسيب الاطفال ف مصر
الموضوع هيكون مرهق جدا عليهم وانت وزوجتك مش هتعرف تستمتع
وكمان الجو مهتلف عن مصر والحرم بيكون في زحام

افضل الاوقات حضرتك تاشيرتك عمرة فبيكون ليك اوقات معينة من السنة من دلوقتي لحد رمضان
بعد رمضان مفيش تاشيرة عمرة

لو عاوز تستمتع بجد يبقي تعمها قبل شهر رجب عشان رجب وشعبان ورمضان الزحام بيكتر
 
عرض العطلة
عرض العطلة
أعلى أسفل
عودة
قائمة