سؤال عايز اسافر اعمل عمرة انا و زوجتي و بنتي...

[Saber Noor]

سؤال
عايز اسافر اعمل عمرة انا و زوجتي و بنتي عندها ٤ شهور ، محتاج اعرف شويه تفاصيل
اولا : بنتي هيبقي ليها باسبور و لا هتضاف علي الباسبور بتاعي و لو ليها باسبور منفصل ايه الورق المطلوب
ثانياً : اسعار الفنادق و تذاكر السفر و الاقامه ، لو في اي ترشيحات ابقي ممنون اوي
ثالثا : افضل الاوقات لأداء فريضة العمرة لو حد جرب قبل كده
رابعاً : شكراً جزيلاً

 

[Noha Bassiouni]

G

 

[Eman Bahaa]

م

 

[Ahmed S Zain]

F

 

[Sara Dewan]

افضل وقت الايام دي لانها مش زحمه

 

[Ahmed Aly]

نصيحة اخوية بلاش تاخد بنتك العمرة لإنها هتكون صعبة عليها و عليكم.

 

[Sarah Samir]

ف

 

[Mohamed Adel]

1- جواز منفصل
شهادة ميلاد كمبيوتر الطفلة صورة بطاقتك 4 صور شخصية ليها

2- ماينفعش تسافر من نفسك الا لو معاك إقامة أو تأشيرة تجارية ونفس الحال هيكون لكل الأسرة

انت هتسافر تبع شركة والبرنامج بيكون باكيدج على بعضه
متوسط السعر السنه الي فاتت ف النهاية 10.000 ج طبعا فيه أقل وفيه أعلى لكن دا متوسط سعر وأماكن قريبة نسبيا لمدة 10 - 13 ليلة

ملحوظة : الطفل بيدفع مبلغ بسيط جدا ودا اجتهادي مع شركة السياحة يعني ممكن يدفع ربع مبلغ الكبير أو التلت بحد أقصى


3- أفضل وقت 1 و 2 بيكون الجو هناك مش حر بس طبعا خد احتياطات الجو البارد في التطعيمات وخلافه ..

 

[Hend Salem]

1- بنتك لها جواز سفر مستقل الإضافة على الباسبور إتلغت مع تطبيق الباسبورات الجديدة
هتحتاج شهادة ميلاد الطفلة و 3 صور شخصية 4*6 خلفية بيضا و بطاقة الأب و مبلغ الباسبور
2- العمرة بتبقى باكدج على بعضه بتعمله شركات السياحة (تأشيرة - طيران - فندق) و لازم تشوف أسعار السيزون الجديد أنا مش عارفة نزل و لا لأ بس هى بتكون متقسمة مستويات حسب درجات الفنادق و قربها من الحرم ....
3- أفضل الأوقات تختلف من شخص للتانى ... فى ناس بتفضل المواسم الفاضية و فى ناس بتفضل رمضان رغم أنه زحمة جدا ... فدى حاجة ترجع لك و هيحددها السعر كمان لأن كل موسم و له سعر

 

[Sally Samir El Awad]

افضل الاوقات الايام دي اسعار الفنادق الايام دي رخيصه وكمان الفنادق اللي بعيده عن الحرم هتكون غي حدود 180 ريال الليه وتذاكر الطيران شركات فلاي ناس وسما واير كايرو بيكونو رخاص بردو غي الاوقات دي البنت لازم يتعملها باسبور والورق المطلوب للباسبور شهاده ميلاد بالكمبيوتر و3 صور 4في 6 وصوره بطاقه الاب او الام واللي يكون هيعمل الباسبور او يستلمه

 

[Sally Samir El Awad]

ممكن تاخد تاشيره بس من شركه سياحه وتحجز الطيران والفنادق انت بنفسك بيكون ارخص

 

[Gehan Atia]

.لو حضرتك عايز فندق خمس نجوم يبقى فندق مكارم اجياد مكه تحفه تحفه وقريب جدا من الحرم ولو فندق متوسط وقريب من الحرم يبقى العليان او زوار البيت برج ا دول انسب فنادق من حيث القرب من الحرم والنضافه والسعر

 

[Ahmed I.Ghonim]

يفضل تروح مع نفسك بلاش شركات سياحة غير لو هتطلعلك الفيزا بس
فيه فندق في المدينة ممتاز وامام الحرم مباشرة اسمه الروضة رويال ان ،الليلة تقريبا كانت ب ٣٠٠ ريال او ٢٥٠ مش فاكر بالظبط في الغرفة الدابل وهايل بصراحة وانصحك تطول في المدينة عن مكة
فيه في مكة فنادق كتير لو حابب ارخص هتنزل محبس الجن فيها فنادق كتير واختار انت منهم السعر المناسب فيه من اول ١٠٠ ريال وانت طالع
لو حابب امام الحرم مباشرة فيه الميريديان قدام باب الملك عبدالعزيز للحرم المكي دا حوالي ٣٥٠ ريال ل ٤٠٠ برضه غرفة دابل
فيه عروض دلوقتي من شركة الطيران السعودي على الطيران من القاهرة للمدينة المنورة
المشوار من المدينة لمكة حوالي ٤ ساعات او ٥ تقريبا بتشوف عربية من ميدان المركز بتاجرها واقصى حاجة تدفعها ٥٠٠ ريال للمشوار وفيه مواصلات عامة بحوالي ١٠٠ ريال للفرد او اقل برضه لكن مجربتهاش
نزل ابليكيشن trip advisor بالنسبة لمعالم المدينة وهيفيدك
وطبعا اوبر مهم جدا هناك هيريحك من التكاسي وقرف السواقين وغلوهم
وفيه عربيات كل يوم بعد الفجر من امام الحرم المدني بتوديك المزارات كلها ب١٥ ريال حاجة كدا برضه

 

[Ahmd Salah]

افضل وقت للعمرة دلوقتي الدنيا فاضية هنا عندنا فى المدينة ومكة رايقه جدا هاتستمتع كتير أفضل من عمرة المواسم

 

[Mohamed Adel]

ملحوظة :
- مافيش حاجة اسمها تطلع فيزا من شركة سياحة من غير باكيدج
- مافيش شركة سياحة هتطلعلك فيزا في وقت غير وقت العمرة الا لو تأشيرة تجارية ( دي سعرها يطلعك عمرة انت ومراتك وبنتك مرة ونص )
- الهروب هناك بوقف سنتين او تلت سنين وغرامة ع الشخص 25 الف ريال لشركة السياحة فمافيش شركة هتغامر بالكلام دا اطلاقا حتي لو كنت انت صاحبها
- الباكيدج بيتقدم مع وكلاء هنا في مصر والسعودية .. والفكرة انه دا وكيل والباكيدج بيكون كامل ( فنادق - طيران - انتقالات داخليه ) والتاشيرة بضمان الوكيل
- حاليا مافيش ضوابط رسمية نزلت من وزارة السياحة وبالتالي مافيش عمرة حاليا يعني سيادتك هتفضل قاعد في مصر لحد ما يحنوا علينا ويفتحوها
- لو كنت مقتدر ومحتاج انك تطلع ضروري في الحالة دي هتشوف اى شركة من الي بيطلعوا تأشيرة تجارية .. سعرها دلوقت في رينج 6000 ريال لفرد الواحد ( بس ما عرفش ظروف بنتك ايه )
- طبعا هتسمع اسعار اقل من كدا او اعلي من كدا لو ليك حد هناك يخلصلك الحوار دا يبقي تمام
مافيش يبقي هتفضل قاعد زي حالاتنا منتظرين يفتحوا الباب
- الي في السعودية حاليا يقدر يروح يعمل عمرة براحته طول السنة ( اذا كان الشغل هيسمحله بكدا )
غير كدا لا

 

[Husain Ahmed]

ما شاء الله

 

[Ahmed Tharwat]

F

 

[Ayman Ahmed]

اولا مفيش الاضافات الوقت علي الجواز المميكن يعني جواز منفصل.
ثانيا البرنامج هيكون في حدود ١٤ الف للفرد الكبير والطفلة هتدفع لها تاشيرة و٢٠بالمئة من تمن التذكرة بدون كرسي بالطيارة.
ثالثا اول عمرة بتكون بعد المولد النبوي الشريف يعني مفيش عمرة الوقت غير للمقيمين بالسعودية ومفيش حاجة اسمها افضل الاوقات فيه ممكن تقول تبقي امتي رايقة العمرة. ومابقي فيه وقت رايقة فيه.
خامسا صورة صحن الطواف دي صورة قديمة الوقت الدنيا اتغيرت كتير وربنا يكتبها لك

 

[Jesse Deraz]

بنتك هنعملها باسبور طبعا مابقاش فى حاجة اسمها تتثبت على باسبور الاب او الام و افضل اوقات طبعا فى الشتا عشان الجو او رمضان بقا لو تقدر

 

[Ebtsam Ahmed]

هل ينفع السفر بدون محرم والتكلفة هتكون كام؟ ؟