اذربيجان بلد نضيفه جدا بيقولو عليها دبي اوروبا
باكو بلد صغيره كبيرها 4 ايام عندهم بوليفارد كبير جدا علي البحر والتمشية عليه تحفه وفي اخره ميدان كبير فيه علم بيقولو انه اعلي علم في اوروبا قريب منه المدينه القديمه ودي منطقه جميله للتصوير فيها قلعه تاريخيه
شعار البلد الفاير تاورز ودي 3 ابراج علي شكل لهب وعليهم اضواء تحفه بتتغير كل شويه
في شارع قريب من المدينه القديمه لغاية وسط البلد مليان كافيهات ومطاعم واكلهم اكثر من رائع
اشهر مول اسمه بورتو باكو مول
في مبني جميل تقريبا قاعة موتمرات تصميمه مميز لمهندسه عراقيه مشهوره والتصوير عنده جميل وفي يافطه i love baku جنبه
علي بعد نص ساعه في منطقه اسمها جبل النار وده جبل علي طول مولع نار من سنين
مشهور عندهم رياضة البولو اللي هي زي كرة للقدم بس اللاعيبه راكبه خيول ودي تجربه متتفوتش
كمان قريب من البولو منطقه اثريه فيها مجموعة مباني قديمه
لما سافرت كنت في جروب فمعنديش فكره التنقلات بتكون ازاي خارج المدينه بس داخل باكو التمشيه جميله والتاكسيات رخيصه
رحلة سعيده
