S
Samah Sabry - Economist
:: مسافر ::
مساء الخير
كان فيه أكتر من واحدة هنا في الجروب بتسأل عن السفر لوحدها. إما محتاجة تشجيع أو عندها استفسار ...
من تجارب السفر السياحي ممكن أوضح كام حاجة بسيطة واللي عنده إضافة يكمل :
١- مبدئيا السفر لوحدك ممتع لو عرفتي ترتبي يومك وتسلي نفسك ببرنامج يومي وتهتمي بالصور وتتعرفي على الناس. لازم تختاري المكان الصح اللي هتزوريه، مكان فيه مواطنين يعرفوا قيمة السياحة والتعامل مع السائحات.
٢- أفضل لك تنزلي في فندق تلات نجوم وغرفة بحمام مستقل ومش لازم بالفطار. تقدري تاخدي معاكي شوية معجنات من الفرن وهناك تشتري عصير وتفطري بيهم وتتعشي. وعليكم بالزبادى والتونة .. القصد توفري وبدل الهوستيل تنزلي في غرفة لوحدك.
٣- الهوستيل كمان فيه غرف فردية لكن حمام مشترك. لو رايحة بلد كويسة ممكن تحجزي فيه. أنتِ اصلا هتكوني طول اليوم بره ومش محتاجة الحمام غير مرة الصبح ومرة بالليل.
٤- كل أوراقك وفلوسك ومحفظتك وكروتك معاكي في شنطة خفيفة على ضهرك. بلاش تسيبي حاجة في الفندق لها قيمة.
رقم تليفون حد تعرفيه تكتبيه وتحطيه في محفظتك
٥- اللي هتسافر تايلند منكم تاخد بالها، لو هتخرجي وتسيبي الكاميرا او الموبايل حطيهم في الخزنة واقفليها.
٦- من الحاجات المهمة تعملي بحث وجدول في ورقة لزياراتك والأماكن اللي ناوية تروحيها وتمن التذاكر. عشان تغيري فلوس على قد مصاريفك (بلاش التغير في المطارات). لو عرفتي تحجزيهم اونلاين يكون افضل واستفادى من العروض المجمعة اللي بتدي خصم على زيارة كذا مكان.
٧- مادام بتعرفي لغة ومعاكي خريطة بالمدينة (تاخديها من المطار اول لما توصلي) ماتخافيش واتكلمي بشجاعة وثبات.
٨- حذاء رياضي عشان هتمشي كتير وياريت جاكت طويل بكاب عشان لو رايحة في الشتا ونزل المطر ماتحتاريش.
٩- اشغلي وقتك طول اليوم عشان تروحي تنامي علطول. وخلي فترة السفرية قصيرة عشان ماتزهقيش لوحدك. فيه مدن كفاية عليها يومين ومدن أقصى حاجة ٥ أيام.
١٠- طبعا يهمك الشوبنج ، حاولي تعملي بحث على اهم مراكز البيع واعرفي من التقييمات أحسن المحلات والاسعار. في اوربا كل المحلات المشهورة لها مواقع، شوفي احتياجاتك حسب الاسعار عليها قبل السفر وحددي هتجيبي ايه. هيوفر عليكي لف كتير ومجهود.
١١- مبدئيا دبي غالية شوية، استنبول معقولة في الملابس القطنية والتوابل، برلين تحفة في الملابس الفورمال ، وماليزيا في الاحذية والشنط، لندن للملابس الداخلية وأغلاهم في السعر .
١٢- احسن حاجة ماتخديش معاكى make up خالص وخليكي على طبيعتك.
١٣- يستحسن على الساعة ٩ تكوني في الفندق، هناك المحلات بتقفل عشرة والدنيا بتكون هادية. المشي في الشوارع امان لكن مايمنعش فيه استثناءات بنتعرض لها.
١٤- أنتِ مسافرة تنبسطي بفلوسك ومجهودك مش تجيبي هدايا لأصحابك واهلك وجيرانك. يعنى بلاش ترهقى نفسك في الشراء والشيل والحط. اتفسحى واتفرجي واركبي وانزلي وانطلقي وماتنسيش تشكري ربنا على نعمة الطبيعة والحياة والحرية.
بالتوفيق لبنات حواء
كان فيه أكتر من واحدة هنا في الجروب بتسأل عن السفر لوحدها. إما محتاجة تشجيع أو عندها استفسار ...
من تجارب السفر السياحي ممكن أوضح كام حاجة بسيطة واللي عنده إضافة يكمل :
١- مبدئيا السفر لوحدك ممتع لو عرفتي ترتبي يومك وتسلي نفسك ببرنامج يومي وتهتمي بالصور وتتعرفي على الناس. لازم تختاري المكان الصح اللي هتزوريه، مكان فيه مواطنين يعرفوا قيمة السياحة والتعامل مع السائحات.
٢- أفضل لك تنزلي في فندق تلات نجوم وغرفة بحمام مستقل ومش لازم بالفطار. تقدري تاخدي معاكي شوية معجنات من الفرن وهناك تشتري عصير وتفطري بيهم وتتعشي. وعليكم بالزبادى والتونة .. القصد توفري وبدل الهوستيل تنزلي في غرفة لوحدك.
٣- الهوستيل كمان فيه غرف فردية لكن حمام مشترك. لو رايحة بلد كويسة ممكن تحجزي فيه. أنتِ اصلا هتكوني طول اليوم بره ومش محتاجة الحمام غير مرة الصبح ومرة بالليل.
٤- كل أوراقك وفلوسك ومحفظتك وكروتك معاكي في شنطة خفيفة على ضهرك. بلاش تسيبي حاجة في الفندق لها قيمة.
رقم تليفون حد تعرفيه تكتبيه وتحطيه في محفظتك
٥- اللي هتسافر تايلند منكم تاخد بالها، لو هتخرجي وتسيبي الكاميرا او الموبايل حطيهم في الخزنة واقفليها.
٦- من الحاجات المهمة تعملي بحث وجدول في ورقة لزياراتك والأماكن اللي ناوية تروحيها وتمن التذاكر. عشان تغيري فلوس على قد مصاريفك (بلاش التغير في المطارات). لو عرفتي تحجزيهم اونلاين يكون افضل واستفادى من العروض المجمعة اللي بتدي خصم على زيارة كذا مكان.
٧- مادام بتعرفي لغة ومعاكي خريطة بالمدينة (تاخديها من المطار اول لما توصلي) ماتخافيش واتكلمي بشجاعة وثبات.
٨- حذاء رياضي عشان هتمشي كتير وياريت جاكت طويل بكاب عشان لو رايحة في الشتا ونزل المطر ماتحتاريش.
٩- اشغلي وقتك طول اليوم عشان تروحي تنامي علطول. وخلي فترة السفرية قصيرة عشان ماتزهقيش لوحدك. فيه مدن كفاية عليها يومين ومدن أقصى حاجة ٥ أيام.
١٠- طبعا يهمك الشوبنج ، حاولي تعملي بحث على اهم مراكز البيع واعرفي من التقييمات أحسن المحلات والاسعار. في اوربا كل المحلات المشهورة لها مواقع، شوفي احتياجاتك حسب الاسعار عليها قبل السفر وحددي هتجيبي ايه. هيوفر عليكي لف كتير ومجهود.
١١- مبدئيا دبي غالية شوية، استنبول معقولة في الملابس القطنية والتوابل، برلين تحفة في الملابس الفورمال ، وماليزيا في الاحذية والشنط، لندن للملابس الداخلية وأغلاهم في السعر .
١٢- احسن حاجة ماتخديش معاكى make up خالص وخليكي على طبيعتك.
١٣- يستحسن على الساعة ٩ تكوني في الفندق، هناك المحلات بتقفل عشرة والدنيا بتكون هادية. المشي في الشوارع امان لكن مايمنعش فيه استثناءات بنتعرض لها.
١٤- أنتِ مسافرة تنبسطي بفلوسك ومجهودك مش تجيبي هدايا لأصحابك واهلك وجيرانك. يعنى بلاش ترهقى نفسك في الشراء والشيل والحط. اتفسحى واتفرجي واركبي وانزلي وانطلقي وماتنسيش تشكري ربنا على نعمة الطبيعة والحياة والحرية.
بالتوفيق لبنات حواء