أنا أول مرة هستعمل كاوتش سيرفنج في السفر...

[Amira Amira]

أنا أول مرة هستعمل كاوتش سيرفنج في السفر لأوروبا وهقعد عند 2 هوست مختلفين. أنا عاوزة آخد لهم حاجة من هنا معايا.
واحد منهم كاتب إنه لسه بيؤثث بيته وإنه فاضي نوعا ما، ياريت تقولولي اقتراحات لحاجة ممكن أهادي بها الهوستين وتنفعهم.

 

[Abdelmoneim Nasr Nassef]

عموما بيفرحوا جدا ب اي حاجه من بلدك و باين انها من ثقافه تانيه ف اي حاجه من الحسين او المعز تتحط ف مدخل الشقه زي تمثال صغير فرعوني مثلا

 

[Ali Baba]

في انهي بلاد و انا اقولك تاخدي ايه احسن

 

[Islam Ahmed]

هو انت بتدفعلهم فلوس ولا مجانا
اقامتك معاهم

 

[Radwa E Mahmoud]

حاجات اثرية من الحسين والخيامية بيعشقوها

 

[Ahmed Mohamed]

جنيهات ورق جديده من البنك .. بتبقي :انها اثريه ويحتفظوا بيها للابد

 

[Ayham Hesham]

جنيه ورق جديد مثلا و ميدالية فرعونه مثلا او تذكار فرعوني

 

[Moustafa Abou Elyazied]

بيحبوا ورق البردي جدا

 

[Nayera Moustafa Moumen]

خلى بالك بس من نفسك
مببقاش مطمنه للحكايه خصوصا لو بنت

 

[Amira Amira]

شكرا على جميع الاقتراحات
البلد هي اسبانيا...
وانا من اسكندرية (وعندنا السوفونيرز الفرعونية مش بحلاوة اللي في المعز والحسين)) عشان كده مافكرتش في النوع ده من الهدايا..
أنا هاتكسف اديهم جنيه ورق جديد، خصوصا لما اقولهم يساوي كام يورو
ومش كل الناس عندها هواية العملات، فمش بالضرورة هيقدروا التذكار ده.

خصوصا اللي عاوز حاجة لبيته الفاضي، عاوزة اجيب له حاجة خفيفة ومش غالية وتنفعه.

 

[Kareem Ahmed]

جنيهات فضه وورق جديده، الاجانب بيحبوها عشان الرسومات الفرعونيه

 

[Mahmoud Fawzy Aless]

بردايه...او سلسله مثلا وتكتبي اسم الشخص علیها عربي... او خرطوشه فرعونی.. الجنيه الورق ممتاز جدا

 

[Hala Elsaify]

خدديات خيامية، كليم

 

[Hala Elsaify]

كوفرتات أخميم قطن 100% وفي معرض فالمعادي دلوقتي بيبيع منتحات يدوية من المحافظات

 

[Mazen Labib]

يعني ايه ده

 

[Mostafa Elmasry]

نصيحة لوجه الله.
خلي بالك. من الحوار بتاع الاستضافة ده. وخاصة في بلد زي اسبانيا

ورحلة سعيدة

 

[Ahmed Aziz]

الحاجات الشرقية اوي. خصوصا وحدات الاضاءة و السجاجيد او الكليم او الخياميات و دول ممكن تلاقيهم في منطقة الحسين و الازهر.
و ممكن تماثيل فرعونية او برديات بس دي ديكور اوي مش مفيدة يعني بس حلوة

 

[Basma Nady]

ممكن حضرتك تردي عليا خاص

 

[Hussam Moustafa Edaros]

في واحد محترم جدا في الحسين خان الخليلي اسمه jordi بتاع سوفينير من مصر ، اسعار fixed وقليلة وتقدري تجيبي منه حجات حلوة كتير ولازم الناس اللي هيستضيفوكي تعرفي reference عنهم في كاوتشسيرفنج كويس وتخلي بالك من نفسك

 

[Mamdouh Elsayed]

خللي بالك البنت اللي شغاله ف تجاره الأعضاء البشريه كانت ف اسبانيا. سيبي عنوانك مع ناس قريبه منك